ارني عينيك فانا موقن انك لست من بني جنسي - الفصل 11 - بقلم مؤلفه: rwaiii - مكتملة | روايتك

البارت "11" "الثلاثين من أغسطس" ببيت سلمان * راحو العيال بعد ما جلسو مع سلمان سلمان: مياان ميان : هلا سلمان : تعالي ميان: ليه وشفيه ؟ سلمان : اسمعي في مباراة بكرة وتقريبا كل العيال بيروحون تبين تروحين؟ ميان: مباراة وش؟ سلمان: كورة يا غبيه ميان: اها وين؟ سلمان: بملعب الملك ميان : يمه لا مابي اروح اكيد بيجون كثير سلمان : اكيدد بيجون بس انتي بتبقين مع نواف وسعيد ميان : مدري بشوف سلمان : ما فيه بشوف قولي عشان اقول للعيال ياخذونك معهم ميان : خلاص بروح كلم سلمان العيال وقال لهم بالصباح راح الكل للجامعة كانت ميان جالسه على الطاوله وتناظر الكتاب جاء سعيد: هااي صباح الخير ميان : هلا صباح النور سعيد: امسكي جبت لك معي ميان وهي تاخذ منه : الله ايسكرييممم سعيد وهو يناظرها : بالعافية ميان: الله يعافيك سعيد : جاهزه للمباراة ؟ ميان: احسني خايفه سعيد : لا تخافين احنا معك ابتسمت ميان وهي تساله: شسمه وش تلبسون يعني معرف سعيد ضحك بقوة :ايشي لو تجين بثوبك عادي ميان : اها "الثلاثين من أغسطس" بالجامعة * عند سعيد وميان التفتو على نواف الي كان يصارخ على سطام: ما تشوووف انتت ؟؟! سطام : لا ترفع صوتكك لا العنك قام سعيد وميان وهم يتوجهون لنواف سعيد: وشفيه؟ نواف: الهطف يمشي وهو ما يشوف ووصخ ثوبي بقهوته سطام وهو يقرب من نواف : مين الهطف؟؟! نواف: انت يعني اناا ؟؟ سطام كب باقي القهوة على صدر نواف : لا عاد اشوفك بطريقي مشى وانتبه على ميان وقف وهو يناظرها تجاهلها ومشى مشو للقاعة بستثناء نواف الي راح ينظف ثوبه دخلو وهم يجلسون في اماكنهم انتبهو على الولد الي كان يسال : يا عيال من بيحضر المباراة؟ العيال: كلنا يا ولد الولد: سعيد بتحضر انت وشلتك؟ سعيد وهو يضحك: شرايك؟ اي اكيد عند سطام دخل القاعه وقعد بمكانه انتبه على سعيد وميان الي دخلو مع بعض ناظر ميان الي كانت تسولف ومو منتبهه ناظر سعيد وهو ينتظر اجابته بعد ما سأله الولد انتبه على نظرات ميان له وهي تنتظر اجابته بعد ما ساله الولد سطام: ما اعرف يمكن اي ويمكن لا ناظر ميان الي التفت بعد ما ناظرها حضرو المحاضرات وطلع الكل سعيد: اسمعي بترجعين البيت ؟ ميان : ايه اكيد سعيد بضحكه: لا اقصد بتروحين معنا على طول للملعب ولا بتروحين مع السواق ونجيك ميان وهي تناظر سطام الي كان وراء سعيد وسمع سؤاله : لا بروح مع السواق سعيد : تمام خليك جاهزه على ٣ العصر ميان : تمام "الثلاثين من أغسطس" رجع الكل لبيته تجهزت ميان وهي تنتظر سعيد ونواف طلعت لهم بعد ما اتصلو على سلمان ركبت السياره: سلام سعيد ونواف : وعليكم السلام نواف: حماااس شكلي بخلي خواتي يتنكرون زيك ميان وهي تتصنع الضحكه : ايي حماس وصلو للملعب ودخلو وهم يمشون بين المدرجات يختارون لهم مكان ميان : خلاص نجلس هنا المكان حلو نواف : لا لا ننزل تحت عشان نشوف اللعب زين ميان : طيب يالله نزلو وقعدو على اول المقاعد نواف جلس بين سعيد وميان : تتوقعين مين يفوز ؟ ميان : اممم اعتقد الهلال سعيد: ترا سلمان يشجع الاهلي مثلنا ميان بضحكه: اهاا يعني تبيني اشجع الاهلي زيكم ؟ نواف: ايي اكيد لو شجعتي الهلال بعطيك كف بكوعي ميان بضحكه: نشوف نشوف لفت على الي قعد جنبها وهي توسع عيونها سطام: فيه شي؟ لفو كلهم من سمعو صوته نواف: خير شجابك ؟ سطام: ملعب ابوك هو ؟ سعيد: نواف خلاص اهجد تعدلت ميان بجلستها وهي متوتره من وجوده بجنبها سعيد: اسمعو المباراة باقي عليها وقت امشو نجيب اكل نواف: رح جيب انت سعيد: تبين شي ؟ ميان : مويه نواف وهو يناظرها: موييه انن قولي شي صاحي اكل اكل ميان ضحكت : هاهه شقول الي بتاكلونه باكله راح سعيد ومسكت ميان يدها بتوتر التفت على البنت الي قعدت بجنب سطام وهي تساله : وش فريقك ؟ سطام وهو يناظرها : تعرفيني اعرفك؟ البنت بضحكه: لا ما اعرفك بس حبيت اسألك ميان رجعت ظهرها على وراء بسرعه من لف عليها سطام ناظرها : تقدرين تتنفسين ميان وهي تنتبه انها كانت كاتمه نفّسها من ناظرها : "الثلاثين من أغسطس" بالملعب * ميان وهي تناظره : مالك شغل سطام : اجل موتي ميان خزته وهي تناظر فالبنت الي كانت تصور ناظر سطام مكان ما ناظرت فيه ميان سطام: هي لا تصورين البنت بضحكة : شفيك عادي صوره سطام : احذفيها البنت : شدعوه كل ذا عشان جمالك ؟ ميان ناظرت سطام وهي تتأمل ملامحه سطام بحدة : بتحذفين ولا اكسر جوالك لك ؟ البنت : اعصابك بس الحمدلله والشكر والاسلوب سطام : الحمدلله والشكر الف بس احذفي لف على ميان : ليه جيتي بدال سلمان ؟ ميان وهي تعدل جلستها لفت عليه : شي بيني وبين اخوي سطام بضحكه : شدعوه كنا بنشوف اخوك ونعرف السبب ميان : شدخلك يوم تعرف ؟ سطام : خلاص لا تبكين ما نبي نعرف وطلع جواله وهو يناظر فيه ميان : هيي ليه تبي تعرف السبب ؟؟! سطام وهو على جواله : قلنا خلاص ميان : وجع انتبهت على البنت الي تأشر عليها ارتبكت وهي ترجع ظهرها على الكرسي بسرعه ضرب كتفها بكتف سطام: شفييك ؟ ميان : ولاشي سطام رفع نظره لسعيد سعيد: خذي جبتلك على ذوقي ميان لفت عليه وببتسامه: الله عاد ذوقك ينوثق فيه ناظرها سطام وشد على جواله شربت العصير : الله حلووو طعمهه ضحك سعيد : بالعافية سطام غمض عيونه وهو يتنهد "الثلاثين من أغسطس" الملعب * طلع سطام سماعته وهو يحطها باذنه ويلف على ميان : ممكن تسكتين ابي اسمع ميان وهي تشرب عصيرها : توك ركبتها بلا كذب سطام : بس مع ذلك ما ابي اسمع صوتك سكتت ميان وهي تناظره ناظرها سطام ومرت ثواني وهم يناظرون بعض بلع ريقه سطام ومسك جواله شربت ميان عصيرها وهي تناظر الملعب بصمت نواف : يالله المباراة بتبدا سعيد : ما شفنا الاعبين نواف : الحين بيدخلون دخل الاعبين للارض الملعب وبدا السلام الملكي واعلن الحكم بداية المباراة رفع سطام نظره وهو يناظر في الاعبين نزل عيونه وهو يناظر ميان وهي ماسكه العصير بقوة وكانها صنمت بمكانها قرب وهو يسحب العصير من بين يدها : خلص ضربت ميان يده : مالك دخلل ابعد سطام وهو يناظر عيونها : زعلتي ؟ ميان وهي تبلع ريقها وترفع نظرها لسماء : مالك شغل سطام : اتكلم انا زعلتي لما قلت اسكتي ؟ ميان تجاهلت سؤاله وهي تلف على نواف وسعيد مسك سطام يدها وهو يلفها له : جاوبي ايه او لا ميان : واذا زعلت ؟ لك دخل ؟ سطام : تستهبلين ؟! انا الي مزعلك تدخل سعيد وهو يكلم ميان : تبين بطاطس ؟ ميان لفت عليه : لا لا ناظر سعيد سطام : ما ودك تبعد شوي يا الخوي ؟ سطام كان مثبت نظره على ميان : انت خلك مع البطاطس حقك "الثلاثين من أغسطس" بالملعب * سطام كان يناظر اللعب وتفكيره بميان لف عليها : اسمعي ميان : اذا بتسالني مره ثانيه وربي لاغير مكاني سطام : يا ويلللك ميان : اجل اسكت ابي اشوف سطام : بخصوص كلامي ترا ما كنت قاصده ميان : اوك ممكن تسكت ؟ لفت وهي تناظر الملعب ناظرها سطام ولف شهقت ميان بخوف من اصوات الجماهير من سجل الاهلي هدف نواف مسك يد ميان : قومممي قوممي شوفي من سجل ميان قامت : ما اشووف نواف بضحكة : من قصرك يالنمله ميان ضربته على يده : لا تقول نمله يالبزر سعيد : هاا شرايك تشجعين الاهلي معناا ميان :لا ما عليك صامله على اختياري لفت على صوت البنت الي كانت تكلم سطام ومدت يدها له : قووم معنا ميان ناظرت سطام وهي تنتظر اجابته سطام كان منتبه لنظراتها وقام وهو يمسك يد البنت البنت : الله عروق يدك حلوووه ميان شدت على يد نواف وهي تناظرهم نواف : يالبزر يديي ميان ناظرته : ليه ما عندك عروق ؟ نواف بضحكة : لاني خفيف دم ميان تركت يده وهي تقعد قعدو ومرات دقايق وسجل الهلال هدف صرخت ميان وهي تقوم : كفوووووو لفت على سعيد ونواف الي كانو يناظرونها بقهر ميان بضحكه : ما قلت لكمم انتبهت على صوت واحد من وراها : شعندكك هنااااا يالهلاليي ؟؟؟ ميان خافت وارتبكت يتبع.................. ـــــــــــــــــــــــــــــــــــــــــــــــــــــ