ارني عينيك فانا موقن انك لست من بني جنسي - الفصل 10 - بقلم مؤلفه: rwaiii - مكتملة | روايتك

البارت "10" "السابع والعشرون من أغسطس" بالجامعة * نواف : يالله امشو قامت ميان ومشت معهم كانت تسولف مع نواف ومو منتبهه على الطريق سحبها سعيد قبل تضرب بصدر واحد من العيال : انتبهييي ميان لفت بسرعه وهي تناظره : هيي انتم انتبهو تنادوني بصيغه بنتت والله بنكشف نواف بضحكه : ما عليك ما عليك دخلو القاعه جلسو بمقاعدهم وهم يسولفون مع بعض سعيد : الدكتور ما جاء ؟ نواف : لا قال بيتاخر بالقروب سعيد : اجل نروح نشتري شي بارد ؟ مد يده لميان ومسكت يده وشد عليها وهو يكلم نواف : بتروح انت ؟ نواف : لا بس جيبو لي معكم لفو من سمعو صوت شي قوي انتبهت ميان على نظرات سطام وتركت يد سعيد بسرعه بخوف نواف: شفيه ذا ؟! سعيد : مريض امشي مسك يد ميان مره ثانيه وهو يمشي معها مرو من عند سطام دف سطام سعيد من كتفه : انتبه لحركاتك سعيد : شكلك رايق من الصباح ؟ سطام : ايه لدرجة مراح اسمح احد ياخذ شي لي سعيد : و احد بيرضى بشي لك؟ ميان بلعت ريقها وهي تناظر سطام ابعدت يدها عن سعيد وهي تمسك اصابعها ميان : شسمه جيبي لي معك احسني شوي دايخ سعيد قرب منها : وشفيك ؟ تبي نروح نفحصك ؟ ميان كانت متوتره : لا لا بس بجلس وبرتاح سعيد : تمام راح سعيد ناظرت سطام الي كان واقف ويناظر تصرفاتها "الثامن والعشرون من أغسطس" بالقاعة ^ رجعت مكانها وهي تجلس مع نواف نواف : وشقال ذا مع الصباح شكله مروق ؟؟ ميان : مدري عنه جاء سعيد واخذو عصيرهم وقعدو يسولفون دخل الدكتور : السلام عليكم اعتذر عن التاخير تبقى من الوقت تقريبا ساعه واعتقد تكفينا نشرح المعدة توجهو للمعمل التشريح ميان : ماا ابغا احظر سعيد: ليه ؟ ميان : ما احب الدم نواف : ما عليك حنا معك امشي وصلو للمعمل ودخلو بدا الدكتور يجهز الادوات : قربو عندي لهنا بدا الكل يقرب الدكتور : المحاضرة السابقه شرحنا القفص الصدري اليوم اذا سبقنا الوقت يمدينا نشرح المعدة والجزء العلوي من الجسم مسك المشرط وبدا يجرح المعدة ميان بهمس: مابي اشوف سعيد: شفيك امشي نواف : خلاص لا تشوفين بس انتبهي الدكتور لا يشوفك رجعت على وراء بخفيف وصدمت بصدر سطام مسك خصرها : انتبهي رفعت نظرها له وعدلت وقفتها : معليش بالغلط سطام حط اصبعه على شفايفها وهو يسحبها لوراء ظهره من سال الدكتور: سطام تكلم مين ؟ سطام : ولا احد الدكتور : متاكد !؟ سطام : اي بس كمل "الثامن والعشرون من أغسطس" ب معمل التشريح * لف سطام على ميان : خليك وراي اذا ما تبين تشوفين التشريح ميان : طييب الدكتور : مين يتبرع ويوصف لنا الاعضاء داخل المعدة ؟ نواف: قصدك ندخل يدنا داخل بطنه ؟ الدكتور : اي خوي سطام : يا دكتور خل سطام يجرب سطام بسرعه من شدت ميان على ثوبه : لا جرب انتت مانيب مجرب الدكتور : تعال يا سعيد سعيد : ليه انا يا دكتور ؟ الدكتور: انا ابيك امش تقدم سعيد وهو يلبس القفازات طلعت ميان جزء من وجهها وهي تناظر سعيد من دخل يده نزل سطام راسه وهو يناظرها دفها ب يده حست ميان عليه ورجعت راسها لوراء ظهرها خصلت المحاضره وطلع الكل من المعمل سحبو سعيد ونواف ميان بوسط نظرات سطام لها ميان : احسني جيعانه بروح اشتري شي تبون شي ؟ سعيد : لا مابي انا نواف : فطيره لو سمحتي ميان ضربت رجله : وجعع راحت للكافتيريا وهي تنتظر بالطابور جاء سطام وراها انصدم من سعيد الي جاء قدامه: وخر جاي قبلك سطام : تستهبل انت؟! سعيد: لا ما استهبل بس انا جاي معه سطام : لا تستهبل و وخر عن طريقي مب فاضي لك انت وياه لفت ميان عليهم : شفيكم ؟! وناظرت سعيد : بغيت شي؟ سعيد : ايه الحين اشتهيت فطيره ميان : تمام بشتري لك معي "التاسع والعشرون من أغسطس" عند الكافيتريا سطام ناظر وميان وكيف مهتمه بسعيد دف سعيد من قدامه وتقدم وصار قبل ميان ميان ضربت ظهره : ههيي انا جاية قبلك سطام وهو متنرفز : طيب؟ ميان : بلا استهبال كنت وراء سطام وهو يناظر الموظف : الاولويه لمين؟ الموظف : ل ال حيان اكيد ميان : وجعع تعمد سطام يطلب اكثر من طلب عشان يتاخر ميان بهمس : ول وش بطنه سمعها سطام ولف عليها وهو كاتم ضحكته : قلتي شي؟ سعيد : لا ما قالت بس اخلص سطام : و احد كلمك انت ؟ صرخ سعيد على ميان من شاف واحد من العيال رمى كورة انتبه سطام وحط يده وراء ظهر ميان وهو يسحبها لصدره قبل ما يلمسها سعيد انصدم سعيد من حركة سطام وهو يقرب ويسحب ميان : تستهبل انتت وشذاا الحركاات؟ سطام : يا خوي تراك اشغلتني من صبح وانت تدور مشاكل اما ميان بلعت ريقها من عطر سطام الي لصق بثوبها سعيد : روح اقعد بجيب الاكل انا ميان : لا روح انت انا بنتظر سعيد وهو يناظر سطام : اجل بنتظرك سطام خزه وهو ياخذ طلبه وراح حضرو المحاضرات وانتهى الدوام وصار وقت الخروج خرجت ميان وصرخت على سعيد ونواف الي كانو يمشون بالممر : تعااااالووو مطررررر سعيد بضحكة وهو يناظرها : انتظررر جاايين ناظرهم سطام وهو يمشي بتجاهل مر من عند ميان الي كانت عند باب المبنى تجاهلها وهو يمشي واستوقفته يد ميان الي مسكت ثوبه : وين عكازك ؟ "التاسع والعشرون من أغسطس" عند بوابة المبنى^ سطام : وليه مهتمه ؟ ميان : مو مهتمه بس عشان المطر سطام : مضيعه بيني وبين سعيد؟ ميان وهي تعقد حواجبها بعدم فهم : ايش؟ سطام وهو يأشر على سعيد: هذا هو الي المفروض تهتمين فيه مو انا خزها وهو ينزل من الدرج ميان ناظرت فيه وهو ينزل وشهقت ونزلت بسرعه وهي تمسكه من يده قبل يطيح سطام : للمره المليون اقولك ما طلبت منك ميان : خلي اقوالك الحين امش الشاش تغرقت سطام وهو يسحب يده : وانتي شعليك ؟؟!! ميان وهي تناظر رجله ورفعت نظرها له : تستهبل رجلك !!؟ تدري بالطقاق بحريقه سطام: قلتيها بحريقه ليه مهتمه؟ ميان: مين قال مهتمه !؟ معندك حس مساعدة انت؟ولا ما تعرفه سطام: لا اعرفه بس امنعيني منه اذا ما طلبتت منك ميان خزته وهي ترجع لسعيد ونواف نواف : ليه تساعدينه ؟ ميان: لانه ساعدني وكمان مان بيطيح لو ما ساعدته نواف: كان خليتيه يطيح وفكيتينا منه ميان وهي تعقد حواجبها من كلامه انتبهت على سعيد الي سألها : دقيقه دقيقع تذكرين لما كنا عند الكافتيريا كاني سمعت سطام قالك وش قلتي ؟؟! ميان وهي تناظرهم : احمم سطام يعرف سعيد ونواف بصدمه: ايييييشششش؟؟؟!! لف الكل عليهم وهم يناظرونهم نواف وهو يأشر على سطام الي كان عند البوابه ويكلم : هذااا الورع يعرف؟؟!! سعيد: منجدكك ؟؟! كيف ؟ ميان : دقيقه اهداو شفيكم بفهمكم نواف : اييه فهمينا ميان : تذكرون لما نواف تهاوش مع سطام ؟ سعيد نواف : ايه ؟! ميان : وقتها ما اخذني سطام للمركز الرعايه؟ سعيد ونواف: ايه ؟ ميان : هناك عرف السالفه وبس سعيد : انتي قلتي له السالفه وحادث سلمان ؟ ميان : لا لا بس يعرف اني بنت "الثلاثين من أغسطس" عند ميان والعيال ^ نواف : وليه ما قلتي لنا من البدايه ؟ ميان: ليه اقول وهذا انتم عرفتم يعني سعيد وهو يناظر سطام : متاكد مراح يخليك في حالك ميان وهي تناظر سطام ورجله الي امتلت الشاش دم : الغبي ما انتبه لرجله عشان ينتبه لسالفتي سعيد : ما علينا بتروحين مع السواق ولا نوصلك ؟ ميان : لا بروح مع السواق نواف: اجل قولي للحيوان اخوك يتجهز نكسر رجله له ضحكت ميان: طيب مشت من عندهم وهي تمشي للسيارة مرت من عند سطام الي كان يكلم وناظرها وهو يتجاهل نظراتها وراح لسيارته راح الكل لبيته وصلت ميان لبيتهم جلست مع سلمان وهي تقوله ان العيال بيجون جاء العصر وراحو العيال لبيت سلمان وجلسو معه بعد ما هاوشوه نواف : تدري من يعرف بسالفة اختك؟ سلمان: مين ؟ سعيد: سطام سلمان : ولد ال حيان؟؟ نواف : اي هو ما غيره سلمان بضحكه : تمزحووونن !!!؟؟؟ سعيد: وش يضحك يعرف اختك يحمار سلمان : غريبه ما قالت لي نواف : ما علينا المهم اسمع عندنا مباراة وتقريبا كل الجامعه بتحضر بتروح انت ولا اختك ؟ سلمان : مباراة وين ؟ نواف: ببيتي يعني وين يا غبي بالملعب اكيد سلمان: ادري يا غبي انها بالمعلب بس ملعب الحارة ولا ملعب الملك ؟ سعيد : لا لا ملعب الملك مباراة قوية بين الاهلي والهلال سلمان : لا يا ولد ما فيني ادخل بالعربية شكلي بخلي ميان تروح يتبع............ ـــــــــــــــــــــــــــــــــــــــــــــــــــــ