♡البارت الثامن♡
♡البارت الثامن♡
اما راكان اتصل على وليد
راكان/امم وليد ارسلت لك رقم ابي اعرف رقم مين هو.
وليد /ياخي انت ماتدورني الا لو تبي مني شي
راكان /ها ليش ادورك بذا الوقت وانت كنت معي قبل شوي
وليد /ي الله مع انك جرحت حساويسي بس بطلع لك الرقم لمين
راكان /ليش انت عندك حساويس لا اجرحها
والرقم الان بيوصلك
سكر راكان من وليد قبل لايفتح معه موضوع ثاني
عند ايناس اول ما وصلت البيت لقت ابوها بوجهها
ابو يزيد /وين كنتي
ايناس / بالجامعه وين بكون يعني
ابو يزيد /جهزي نفسك اليوم الشوفه حقك ماابي ولاعذر
ايناس /ههه شوفه مييين شكلك مخربط
ابو يزيد /كلامي واضح وما يحتاج اعيده ويلا ع غرفتك
ايناس /ومن سعيد الحظ
ابو يزيد /هه عليك انتي قولي من تعيس الحظ ومو مهم تعرفي منهو المهم ان عمره 40 لساته بعز شبابه ويبيك الثالثه على حريمه
ايناس /مستحيل اتزوج هذا الشخص تفهم مستحيل
ابو يزيد / يا توافقي عليه ولا بزوجك اول شخص يدق بابي
طلعت ايناس غرفتها تبكي بحرقه وقهر اتصلت لرهف وهي تبكي
رهههههف ااااه ابي بيزوجني يارهف انقذيييني
رهف /كيف ومتى وميين
ايناس /اااه يارهف يقول عمره 40 وبعز شبابه ويبيني الثالثه على حريمه
وابوي قال مامعي حل الا اني اتزوجه او اتزوج اول شخص يدق باب بيتنا
ساعدييييني
رهف طيب بلتقي معك بكره ونشوف حل كلميه انك بتوافقي على اي شخص
نزلت رهف لعند راكان بسرعه
رهف /راكان الحق على ايناس ابويزيد بيزوجها
راكان وقلبه يحترق مايدري ليه /الزواج ستر وش فيها لو اتزوجت
رهف /ياغبي ليش نزلت لعندك هي الان اتصلت لي تبكي ما تبيه وما تعرف منو وابوها قال لها ان عمره 40 وبتكون زوجته الثالثه
كان راكان يشرب مويه وشرغ فيها / كح كح كح هذا مجنون كيف يزوجها على هذا الشخص
رهف /وازيدك من الشعر بيت حلفت عليه ماتتزوجه وهو قال لها مامعك غيره بتتزوجيه ولا اول شخص يجي يطلبك مني بعطيك له
راكان /يعني
رهف /راكان لا تصير غبي روح اطلبها من ابو يزيد واتزوجها
راكان /مستحيل توافق علي
رهف /انت روح وانا بقنعها بكره
راكان /طيييب
اليوم الثاني بالجامعه
رهف /ايناس لقيت لك حل
ايناس /وش هو
رهف /تتزوجي راكان
ايناس /مستحيييل اتزوج راكان حل ثاني
رهف /ما في حل غيره
وبعدين راكان ولا حرمه ثالثه وعمره 40 وصديقيني لو اتفقتي مع راكان من بدايه الزواج ويكون بينكم شروط بيسويها
ايناس /طيب
بعد ثلاثه ايام <<<<<<<<<<
راح راكان يخطب ايناس مع اهله ووافق عليه ابو يزيد
واتفقو تكون ملكه وزواج بعد اسبوعين
في مكان اول مره نروح له ♡
في بيت سلوى
نواف /يمه الله يخليك ليش البكى عدت 19سنه وللحين تبكي
سلوى/ياولدي انا متأكده انها ما ماتت وحاسه انها قريبه مني
نواف/يمه الله يخليك مرت 19سنه كيف بتلاقيها وكمل بمزح وبعدين مايكفيك الوسيم يلي قاعد قدامك ولا مامليت عينك
سلوى /ههههههه خلاص كفيت ووفيت.
نواف/ايوا كذا ورينا ضحكتك
سلوى /ااه الله يخليك لي ياولدي معاد لي بها الدنيا غيرك
نواف /يمه الله يخليك ما عليك هم من الدنيا بطلع معك بكره بيت عمي وش رايك
سلوى /ماينفع ياولدي
نواف /خلاص بطلع معك اليوم نتغدى بمطعم يلا روقي على نفسك شوي وقومي البسي عبايتك بنروح كمان المول نشتري لنا اغراض وبعدين للمكتبه ناقصتني كتب بشتريها
سلوى /طيب الان.
هههههه نسييييت اعرفكم بسلوى ونواف 😂😂
احم
سلوى:بنت حلوووه وجميله جسمها رشيق ومناسبها
طويله وسمرا شوي عيونها عسلي وشعرها لاخر خصرها
و تجننن
عمرها 36سنه طبعا اتزوجت وهي مراا صغيييره والحين هي مطلقه
وبرغم عمرها الا انو اللي يشوفها مع نواف ما يصدق انها امه ويقولون انها اخته
نواف: شاب وسييم جسمه رياضي ومعضل
طويل و بشرته حنطيه شعره اسود لاخر عنقه عيونه سود مكحلات وخشمه سلت سيف ومطييح كل البنات
عمره 19سنه وهو توأم ايناس بس ما حدا يعرف
خالد ابو نواف
عمره49سنه انسان مثابر يحب يثبت وجوده والشي اللي غيره هو معامله ابوه اللي كان يفرق بينه وبين اخوانه
وهذا الشي يلي سبب الغيره منه لاخوانه وخصوصا عماد يلي كان فعلا شخص ناجح وبسبب ميول ابوه لعماد تسبب في قتله
طلعو ع المطعم وكانو يتغدو
ولما راحو ع المول شافو ايناس ورهف مع بعض.
فلاش باااك
اتصلت رهف لايناس
كانت ايناس نايمه وردت ع الجوال بدون لاتشوف من المتصل /همممم
رهف /هييي ايناس نايمه
ايناس /وش تبي
رهف /ركزي معي والان قومي البسي عبايتك بمر لك نخرج سوا للمول
ايناس /مالي خلق اروح المول
رهف /ايناس بلييييز مافي معي حد عشان يرووح معي
ايناس /خذي معك رزان
رهف /اففف انتي ورزان النتفه ذي مابتجي معي
ايناس /والمطلوب مني
رهف /تجي معي قومي اتجهزي والان بمر لك
ايناس /امري لله طيب تعالي
رهف /ثاااانكس حبيبتي
ايناس/اييه الان صرت حبيبتك
رهف /انتي حبيبتي دايم. يلا باي قلبو بخرج الان اسرعي
ايناس /طيب باي
وقامت ايناس تجهزت ونزلت لرهف وطلعو ع المول
باااااك
رهف بهمس /ايناس شوفي هذي عمتي سلمى اللي تكون امك وهذا نواف توأمك
ايناس /.........
رهف /تعالي معي
سلمت رهف على عمته
ولما جت ايناس تسلم عليها حست بشعور غريب يجتاحها وانو هي لقت الامان بحضن بسيط من امها اللي ماتعرف ان ايناس بنته وهذا اللي قاهر ايناس كيف صدقو خبر موتها
ارتمت بحضن امها وما قدرت تقاوم دموعها حضنتها سلمى برحابه صدر وهي تحس انها لقت شي كانت مفتقده له
اما نواف يلي سلمت عليه رهف من بعيد مستغرب من البنت يلي تبكي بحضن امه وكان بيتكلم بس منعته رهف
بعدت ايناس من حضن امها وماقدرت تنطق ولا بحرف غير البكي بعد مرور بعض الوقت هدت ايناس وطلعت السلسال من عنقها واعطته امها وهي تبكي
مسكت سلوى السلسال ب استغراب ولما شافته انهارت تبكي وهي تحضن ايناس وتتمتم ب الحمدلله
نواف مو فاهم شي يشوف رهف كيف اتاثرت ب الموقف وقال /رهف ممكن تفهميني ايش بيحصل لاني حاسس نفسي مثل الاطرش ب الزفه
رهف /شوي ونفهم كلنا
راح نواف يشتري مويا
واخيرا اتكلمت سلوى
نوف يابنتي وين كنتي عايشه طول عمرك
ايناس / ما اعرف اذا كان اسمي نوف بس الان اسمي ايناس وكنت ولازلت عايشه ببيت ابو. يزيد
وقريبا بنتقل من عندهم
سلوى /كيف عرفتي انك مو بنتهم
ايناس /اتصل علي رقم غريب ولما كلمت رهف ووريتها السلسال عرفتني
سلوى /الحمدلله يابنتي انك رجعتي لي
شافت نواف جاي وقالت نواف تعال سلم على اختك
نواف من الخرعه ماعرف وش يقول /اختي ااا انا
ضحكت ايناس وجا نواف حضنها وردت له الحضن بحب
شوي وقالت سلوى /وش ناقصك يابنتي ليش جيتي المول
جت ايناس تتكلم بس قاطعته رهف
/جينا نجهز لزوجها
انصدمت سلوى /اييش تتزوج لا والف لا لساته صغيييره على الزواج
رهف /اهدي عميمه وحكت لها السالفه كامل
سلوى بعصبيه /وليييش يجبرها تتزوج
ايناس /يمه الله يخليك ما ابيه يعرف اني عرفت اهلي وانك امي ونواف اخوي خليها ربي يتمم على خير
سلوى /ومن بتتزوجي
رهف /بتتزوج راكان اخوي
ابتسمت سلوى /مادام وهو راكان والله انك اخذتي رجال كفو وما بتلاقي مثله هذ الايام
ابتسمت ايناس بتسليك /ايه ايه
رهف /وش رايكم نروح الملاهي نقضي اليوم هناك بهذي المناسبه الحلوه
نواف /يلا والالعاب على حسابي
وراحو ع الملاهي واستمتعو ورفهت ايناس عن نفسها بعد ما بكت وكانت سعادته لاتوصف انو لاقت امها واخوها سندها وعضدها في الحياه وحمدت ربها انو هذي الشخصيه الطيبه امها والاخ الحنون. بيكون سندها ب الحياه
اما سلوى اللي كانت سعادتها لاتوصف انها واخيييرا لقت بنتها اللي كذب عليها خالد انو هي ماتت وما عرفت السبب اللي خليه يزور موت بنته واللي بعد فتره طلقها وكان عمر نواف 10سنين وراحت بيت اهلها ولما كبر نواف و اشتغل شرى بيت ونقلو له اثاثهم و.....
نواف اللي ما كانت سعادته تقل عن ايناس كان كل يشوي يقول سالفه عشان ايناس تتكلم
عند راكان
جاء وليد لمركز الشرطه
يعطيه معلومات الرقم.
وليد /هذا ياطويل العمر رقم الشخص نفسه االي كان الطرف الثالث بالصفقه واللي اسمه خالد علي ال.....
راكان /راقب لي الخط واي مكالمه يتصلها توصلني
وليد /طيب
يتبع..............
ـــــــــــــــــــــــــــــــــــــــــــــــــــــــ