الفصل 32
📚قصص✍ وروايات📚:
📚| قـــــصــــص.وروايــــات.tt ♥
📖|" ##في_عيونها_دولة_وفي_رمشها_جيش_وفي_خدها_الوردي_هلاك_الشعوب🫶🏻
🎬| الــــحـــــلــــقـــــة【2⃣3⃣ 】
ـ➖➖➖➖➖➖➖➖
#تابعونا🔇 @horror_novel
ـ➖➖➖➖➖➖➖➖
انا .. من بكى لين الثرى بله بالدمع عدتّ الايام بهدوء ، يوم الخميس زواج منيف و لينا بالليل بعد رجعوا من زواج منيف اللي كان مختصر برغبه من منيف بنفسه واللي كانت علاقته في لينا سيئه مره كرههاا بعد اللي صار وقف أمامها بعد ما بعدّ منه البشت ويناظرها بالفستان الابيض و الميك اب اللي برز ملامحها و جمالها وحُسنها ، التقت عيونه بعيونها اللي عيتّ تناظر له بلع ريقه رفع ايده امامها نطق : شي واحد وجاوبيني عليه والان رفعت أنظارها لينا تناظره ما استحت منه ولا اخجلت : اعرف اللي بتقول .اغمض عيونه برخى ونطق بصوته الحاد ؛ حامل اي او لا ! ضحكت بعلو وهي تسمع كلامه وصوته الحاد : انت متوقع اني بحمل منك؟ رص على اسنانه وهو يستوعب كلامها و استحقارهاا له : لينا تكلمي زين لا تندمين ، مسك ذراعها وسحبها أمامه وقبض بيده على ذراعها بقوه و نطق بعصبيه و صراخ : حامل او لاتركها و دفعها على السرير بعد ما سمع الكلمتين " مو حامل" وقفت أمامه ماعادت لينا الحزينه اللي تخاف منه وتهابه ماهامها الا يصلح غلطته وترتاح : لا مستحيل احمل مستحيل انا ما اتشرف فيك تاخذ اللي تبغاه و رميني ولا تفكر فيني ، صرخت بنفس صراخه : منت كفوو احمل منك واجيب عيال منك انت اللي ما يهمك الا رغباتك وبس! انا سويت كل ذا هدفي واحد ، اكسرررر راسك وأمام الكل والان بتطلق طلق مو هامني لا تفكر ميته عليك في الف واحد يسوونك ما قدر يتحمل يسمع كلامها كأنه سم يقطعه ويذبحه رفع كفه يعطيها كف بوجههاا ونطق بصرراخ : طلاق ماراح اطلق وراح اخليك معلقه وتدورين الطلاق ما تلقينه ولا تنتسين المهر يكسر ظهرك كسرر ماعندك لا اب يكفلك ويسااعدك ابتعدت عنّه تمسك دموعها وتحبسها دخلت الغرفه الثانيه وقفلت الباب بالمفتاح و تنسد ظهرها على الباب وتنهار وتسمع كلامه اللي يرن بأذنه يتكلم عن ابوها بالطريقه وكيف تخلعه ما عندها وريال ...عند البنات بالمطبخ بعد ما ارجعوا البنات من الزواج جلسوا سوا يطبخون مع بعض بلبس الزواج ودايم واغلب لبسهم نااعم وهادي مو مزعج ولا ثقيل اللي يصعب نزوعه ، تنفست هيا بعلو تحس بشعور غريب من تناظر غدي و تناظر لبسها واناقتها وجمالها وتنطق بخفى : جميله وهاديه من حقه يحبها و يتركني ، لفت بجسدها بتخرج الا نوره : هيون حبيبتي خلك معنا ! ابتسمت وهي لافه عبايتها على جسدها ونطقت بتعب : لا حبيبتي بروح اريح تعبانه مرره ابتسمت نوره : تمام ماعليك شر هزّت راسها و خرجت متجهه لـ جناحجها ، ديما وهي تناظر البنات ويدينها على خصرها : بنات تبغون سلطه ! غدي وهي تاكل الخيار و تردف : اي كثري ليمون نوره سحبت الكرسي وجلست وتناظرهم : بس سلطه مع الباستا ؟ ديما هزّت راسه بالايجاب وهي تقطع الخس و اليمون و الخيار و توضع الصوص و الخبز المقلي وفوقه جبن ، غدي وهي تناظر الطبق : اممم يميي يشهي تسلم يدك ابتسمت ديما : الله يسلمك بالعافيه نوره وهي تناظر نوف جالسه بعيد عنهم ومنشغله بالكتاب أردفت بهدوء: نوف حبيبتي وش تسوين ! رفع راسها من الكتاب وهي ترد عليها : ماقدر خايفه اخر اختبار اليوم ولا راجعت ، وقفت واخذت الكتاب : عن اذنكم ببدل فستاني و اجيكم خرجت نوف متجهه لغرفتها دخلت للغرفه بهدوء فاكره فيصل نايم وبتكمل السهره مع البنات ما تبغى تزعجه بصوت كعبها انصدمت تلاقي فيصل واقف عند المرايا لفت توسعت عيونها بصدمه وشهقت ويدينها على ثغرها وتنطق : وش تسوي؟ لف جهتتها و الموس بيده و محلق نص وجهه اليمين رفع حاجبه ونطق بتساؤل: وش غلط؟ وقفت أمامه وتشوف صدره العاري اللي بارز عضلاته وشعر دقنه بالارض وعلى التسريحه نطقت بنهيار : ليه فيصل لييه؟ عقد حاجبه مو فاهم وش فيها : وووشووو!! نوف تركت الكتاب على السرير و فسخت عبايتها و قفت قباله : منجدك بتشيل دقنك ! مو حلوو وبعدين عدمت المُكان اغراضي كلها شعرك فيصل خيير ، صنّم بمكانه يشوفها تجلس بزعل : والله ارتبه ماعليك ترك الموس وغسل وجهه واتجهه ناحيتها : شفيك ؟ نوف قوست شفايفها بزعل وهي تناظر فيه : ولا شي مرر نظره من وقفت تتجهه لدولاب تاخذ بجامتها : لا تناظر ابتسم ومسك ذراعها وسحبها نحووه ويناظرها بالفستان الاحمر وخيوط الفستان طايحه من كتفها و يوصل لـ نص ساقها و ظهرها عاري اللي يغطيه شعرها ، يناظر الفستان الاحمر اللي اسر قلبه مسك فككها بهدوء: بناظر و بناظر بكيفي عضت شفتها السفليه وهي تناظر وجهه بدون دقن بس بشنب ونطقت بصوت خافت وهي تتغزل فيه : بان وجهكك كذا ياويلي تجنن كذا تقربت منّه اكثر و يدها تلامس خده : اعتمدها حلو عليكناظر يدينها على خده اتسعت ابتسامته : يا قلبي والله نوف تبغى تتحرر مننه و تروح للبنات اللي متفقين يطبخون وياكلون سوا لكن فيصل محاوطها اردفت: ببدل بروح للبنات فكني بروح ! كان يناظر عيونها و خدها و ثغرها و فستانها الاحمر : طيب
وقفها عن الكلام وهو يقبّلها بهيام وحب : كذا ادخن واروق ضربته بخفه و ابتعدت عنه تبدل وهي تتحلطم : لا تستغفلنييي ضحك و لبس و اخذ دخانه و نزل للمقلط وهي راحت للبنات بعد ما لبست بجامتها ..عند تركي انسدحت بجانبه بعد ما لبست روبها الابيض و تنطق : تعشيت ؟ تركي يتأملها وهو يناظر عيونها : اي الحمدلله هيا تحرك خاتمها بتوتر : متى نقول لهم عن حملي؟ تركي مسك ايدها و قبّلها بهدوء بعد ما اغمض عيونه : بكرا ان شاءالله كلهم موجودين تنهدت هيا وارخت جسدها براحه و كل ما تتذكر وجود غدي بالقصر يضيق خلقها ، غطت جسدها باللحاف و ناظرت تركي اللي اغمض عيونه ومهيأ نفسه للنوم بعد يوم طويل ومتعب ، هيا نطقت بصوت خافت : تركي رد عليها وهو مغمض عيونه وبصوت ناعس : عيونه هيا احبست دموعها وبكاها واردفت بعد صمت : تقدر تتطلقني و تتزوج غدي؟ ، فتح عيونه بصدمه و لف يناظرها مستغرب: ايش تقولين!هيا لفت لجهه الثانيه واعطته ظهرها بحيث مايناظر دموعها وحزنها كتمت مشاعرها و بكاها وحتى شهقاتها : تزوج غدي وتتطلقني ما ابغى اكون السبب في بعدكم عن بعض قطع كلامها قُربه حضنها من الخلف وشدّ بحضنه وجهه وشفايفه عند اذنها ونطق بصوت خافت: مستحيل اتخلى عنك انتي حبيبتي وحياتي و روحي و ام ولدي ! ما ابغى الا انتي احبك واحب صوتك وجههك كلامك كلك على بعضك اموت فيك ولا تتوقعين اني اتركك عشان ماضي وتقفل لا تبكين يا حبيبتي لفت عليه وهي تبكي ماقدرت تمسك دموعها ولا تخفي غيرتها وجعها تحبه ما تتخيل حياتها بدونه ، تركي بحب : احبك والله ومستحيل اتركك ، امسحي دموعك ونامي وشدّ على الحروف وضحك لجل يضحكها : بحضني ابتسمت: ان شاءالله ..بعد ما خلصوا البنات من عشاء الكل اتجهه جناحه يرتاح الساعه اللي عدتّ اربع الفجر نزلت ديما للحديقه بعد تممللها وحدها بالغرفه ماعندها احد تسولف معه نوف تزوجت و رغد بالغرفه محبوسه ، وبنات حصه ناموا نزلت الحديقه بدون عبايتها بلبس للزواج اللي حللت يومه بيدها جوالها تصور الغيوم بلون الاحمر بسواد الليل اللي توضح شكله اردفت وهي تقصد الغيوم ؛ ماشاءالله تهبلل حتى لو بالفجر وقفت بصدمه تشوف نايف مقبل عليها و ايده اليمنى خلف ظهره وايده اليسار رافع نهايه الثوب يحدق فيها : ديما !!تقرب منها وبانت الرؤيه عنده لابسه احلى لبس شافها بزينتها و اناقتها و جمالها ابتسم : ماشاءالله وش الجمال؟ابتسمت وصارت تدور بالفستان وتنبهرره فيه : شررايك؟ نايف وهو يناظرها وهي تلف بالفستان : يجنن عليك لو تلبسين اللي تلبسين انتي اللي تحلين اللبس مو هو اللي يحليك تنهد وأردف بهدوء: بكرا جدي بيكلم ابوك ونحدد الزواج توسعت عيونها بصدمه : زواج ! ليه ناوي الخطوبه و الزواج بيوم واحد ياساتر! ضحك بعلو وهو يشوف دهشتها من كلامه :اي ما تبغين نتزوج ونكون لبعض؟ هزت راسها بخجل: اي بس قطع حديثهم خطوات ناظرها و سحبها وراه للحديقه الخلفيه اللي تكون اصد عن انظارهم مسك أكتافها العاريه و دفعها للجدار بخفه ويناظر المُكان و خلّوه وهي تناظر قُربه و وقوفه أمامها ابتسمت و بانت اسنانها ونزّلت راسها بخجل وتنطق بخفى : حبيت كأنا فيلم اجنبي بس يضحك حط يدينه على ثغرها و دفنها بحضنه و خرج راسه يناظر اذا في احد او لا عشان محد يشوفها معه بعد مُده قصيره ابتعد عنها ونطق ونطق بهمس : تقدرين تصعدين لان بدر خرج خرجت راسها من خلف الجدار وتناظر الحديقه الاماميه وتناظر نايف : بدر وش عنده يخرج هالوقت؟ نايف رفع حاجبه : مدري .. وبعدين انتي وش تبين فيه ! ضحكت وهي ترفع الفستان تمشي : كيفي ابتعدت عنّه الى ان اختفى ظلها اللي يحبه : احبها..الجمعه بالسياره راجعين نايف وبدر والجد من المسجد صلاه الجمعه بدر كان يسوق و بجانبه الجد و نايف بالخلف ، تنهد بدر بعد محاولات من انه يتكلم بس مو عارف كيف يبدأ التوتر مسيطر عليه ، الجد وهو ملاحظ على بدر التوتر وتردده بالكلام : لمتى انتظرك تتكلم يابدر عندك شي يا ولدي قوله التفت عليه بدر وابتسم بوهقه بسبب نظرات و كلام الجد اردف بهدوء: والله ياجدي مو عارف كيف اقولك نايف وعيونه على الجوال بس سمعه عندهم : قول يا بدر لا تستحي بدر ناظر من مرايا السياره على نايف ونطق : ما استحي ناظر جده و قال : بس انا ناوي اخطب و اكمل نص ديني بس ابتسم الجد بأتساع من بعد زواج فيصل والأفراح تنهل عليهم تمتم الجد والابتسامة مافارقته : ما شاء الله ياولدي من بنت الحلال اللي ودك بها ؟ بدر بعد صمت دام لثواني : نوره بنت عمتي حصه ابتسم الجد على اختيار بدر ودخل قلبه الفرح والانبساط واحمد الله و اشكره بشوفهم بيتزوجون قبل يموت ويفارق الدنيا يشوفهم مبسوطين مع زوجاتهم وبأذن الله مع اطفالهم: زين مااخترت ياولدي الله يتمم على خير نايف ترك الجوال و تقدم لهم ونطق بفرح : ماشاء الله ابوي احفادك كلكم بيتزوجون شفت تزوج فيصل والخير انهل علينا ضحك الجد و هو متمسك بعكازته : الله يوفقكم كلكم واشوف عيالكم هذا ابسط امنيه لي قبّل راس جده ونطق : لك طوله العمر و تشوف احفادنا بعد بدر قبّل
يد جده اللي مليانه عروق و تجاعيد : الله يخليك لنا الجد تنهد برضى : امين ويخليكم لي ..وقت الغدا قصر الجد تجمع الكل في قصر الجد كعادتهم الأسبوعيه كانت الطاولة الكبيرة تمتد أمامهم ممتلئة بما لذ وطاب عم المكان حديثهم وضحكاتهم الدافيه وسوالفهم اللي ما تخلص وضحكم مع بعض ومناقراتهم اللي الكل يحبهاجلس الجد في مكانه المعتاد و يناظر عياله واحفاده بابتسامة واسعة ناظر تركي اللي يشبه ابوه مرره تنهد يفتقد ولده جمعتهم ناقصها فهد و وهج وحصه تنهد وبان حزنه بعيونه و توقف الكلام بـ محاجره عجز يقوله ، كل ما تذكر عياله فهد و زوجته و بنته حصه يبكي بخفى نطق الجد بصوت مسموع ألتفتوا عليه رفع رأسه من على طبقه وتكلم بصوت مليء بالحنين : الحياة ما توقف على احد يا عيالي .. فيها لحظات حلوه ولحظات موجعة ، لكن أهم شي إننا نضل مع بعض نتقاسم الفرح والحزن مع بعض ماتفرقنا الأيام والظروف صمت لثواني واكمل كلامه بصوته الباكي : فهد و وهج وحصه .. كانوا جزء مننا وضحكاتهم كانت تملأ هالمكان رحلوا إلى ارحم الراحمين لكن ذكراهم ما تموت واللي مثلهم ما ينسي ساد الصمت عليهم وبدأت الدموع تتقرقر في عيون بعضهم وبعضهم نزلوا رؤوسهمرفع الجد يديه بالدعاء : الله يرحمهم ويغفر لهم ويجمعنا في جناته ردد الجميع : آمين الجده بحزن وتمسح دموعها وتتكلم بغصه وغبنه وهي تناظر عيال فهد وبنات حصه : الله يرحمهم ويصبر قلب عيالهم وضع الجد يدينه على ام فهد و يمسح عليها : ويصبرك يا حبيبتي والان بتشوفين احفادهم ونلعب معهم ويمتلي علينا القصر بأطفالهم وبضحكاتهم و صراخهم حتى! ابتسمت الجده ونطقت بهدوء: امين الجد بعد ماهدأت الجده ابتسم ويناظر بدر ونوره : عندي موضوع حلو وانا بالفعل حبيته ودي اقوله أمامكم واتبسطون معي قبل هذا كله حاب اقول الله يوفقكم يا عيالي ابتسم ونطق : الحمدلله زوّجت سعود و مها وجابوا حفيدي اللي انتظرناه سنين راشد ، زوجّت تركي و هيا وان شاءالله ما تخلص السنه الا طفل بحضنهم و زوّجت فيصل ونوف الله يوفقهم ويخليهم لبعض و زوجّت منيف و بنتي لينا اللي قبل أيام كان زواجهم و ان شاءالله هالاسبوع بزوّج نايف و ديما ونفرح لهم وندعي لهم التفت على بدر والابتسامه مليانه وجهه : وان شاءالله ازوّج بدر وافرح فيهم لف وجهه على ابو بدر ونطق : انا بزوّج ولدي بدر لـ بنتي نوره بدر ولدي خطب نوره مني وانا موافق بس ابي رأيك يابنتي انصدمت نوره ماتوقعت بدر يخطبها توترت من نظراتهم عليها تنهدت وتمتمت بخجل : ان شاء الله خير بفكر وبقولك رأيي وقفت اخذت جوالها بتصعد : عن اذنكم رفع بصره الجد ناحيتها و ابتسم : اجلسي يا بنتي نوره قلبها يدق بقوه وتناظر بدر اللي جالس و يناظر بعيد : شبعت الحمدلله، سفره دايمه صعدت و كشر ابو بدر وجهه والتفت على بدر يخاطبه بغضب : ليه تكلم ابوي ماتجي تكلمني انا اخطبها لك تراني حي للحين وانت حتى مااخذت برأيي! بلع ريقه بدر و رفع حاجبه : وابوي تركي موجود ابو بدر بغضب يأشر على نفسه : وانا مو ابوك ! بدر وقف ويحاول يهدي من نفسه : الان صرت ابوي؟ وينك عنّا هالفتره مو تبغى بتسافر و تتزوج وتبتعد عنّاابو بدر بصراخ : بكون ابوك وغصبّاً عنك ! بدر نفس صراخه وهو يناظر ابوه بغضب : لا منت ابوي توسعت عيونه سيف بغضب و صدمه كيف يتكلم بهذا الاسلوب اللي عمّره ما رفع حسّه عليه لكن الجده نتطقت : يكفي يكفي! سحب الكرسي بدر وابتعد عنهم وهو معصب و خرج برا القصر مقهور من ابوه وعصبيته اللي ماله مُبرر ، وقف نايف و وراه منيف يشوفون بدر لا يخرج معصب ، التفت الجده على سيف وعصبت : شفيك سيف وش يفرق اذا خطبها من ابوك ما اعتقد حررام؟ابو بدر ضرب الطاوله بعصبيه : يفرق انا ابوه مو واحد من اخوياه اعرف بعد ما يخطب الجده بحدّه وهي تناظر سيف : مايفرق ولدي و ازوجه اللي ابيه عندك اعتراض ؟سكتت سيف لـ ثواني و يناظر نوف اللي جالسه عند زوجها : عندك كلام انتي بعد ! نوف تناظر عصبيه ابوها و تناظر عيونه اللي احتدت بغضب بلعت ريقها و نطقت : ماقلت شي! سيف لف وجهه ما يبغى يناظر فيها : ولا تقولين وان سمعت كلمه يا ويلك وقفت نوف بأحراج احرجها أمامهم كلهم وهي ما تكلمت ولا انطقت بكلمه يعصب ويحطّ الحّره بها الجد يهزّ راسه مو عاجبه اسلوب كلامه و طريقته و عصبيته ويعصب على بنته وهي مالها دخل : هد نوف مالها دخل تعصب عليها و كلمه ثانيه بتندم يا سيف بتندم..المغرب في قصر الجد جلس تركي بجانب هيا بتساع و مسك ايدها و شد عليها و نطق بعد ما ناظر جده و جدته : ابوي امي عندي خبر لفت عليه هند تنتظر منّه الاجابه واردفت الجده : بشرنا الجد يناظر تركي اللي يناظر هيا بغرام ونطق : قول شدّ على يدينها وابتسم : هيا ، حامل الكل انبسط بالخبر و فرّح واخيراً تركي بيصير أب و يشيل أسم ابوه الجده بفرح وهي توصي هيا : انتبهي لـ نفسك يا بنتي ولا تتحركين اكلك بيوصلك لجناحك و صعده و نزله بالدرج مافيه عندك الاصنصير واذا مره ودك تتطلعين لا تتطلعين لوحدك اكملت هند على كلام امها بفرح ودموع وتشوف بنتها
الكبيره حامل و بتصير جدّه : هالله هالله على نفسك يا حبيبتي الفتت على تركي وهي تمسح دموعها: انتبهه لها لا تزعلها ام حفيدي تركي بتساع و هدوء و يأشر على عيونه : ام فهد بعيوني الجده ضحكت ونطقت بفرح : يمكن بنت ! تركي ببتسامه : بنت او ولد مابه خلاف كلهم هديه من رب العالمين بس قلبي يقول ولد واسمه فهدالجد تنهد براحه ونطق : هديه الحمل موجوده وراح تجيك بكرا اتجهه تركي لعند جده و قبّل راسه : تسلم بو فهد كثّر الله خيرك ..بالمقلط نايف و منيف و بدر و فيصل جالسين سُوا يحاولون ياخذون بخاطر بدر و يمازحونه و ياخذون بخاطره دخل ابو بدر : بدر الحقني للصاله خرج ولا اعطاه وقت يتكلم و يرد عليه ، ضحك منيف : الحكومه تبيك روح نايف بجانب بدر اللي مكشر في وجهه ما يبغى يقوم و يروح له نفسيته تعبانه و يتعبه كلام ابوه اكثر ، فيصل : قم لـ ابوك قم بدر وقف : اذا ما سمعتم صوتي خمس دقايق دقو على الإسعاف والشرطه ضحك نايف يناظر بدر اللي واقف متجهه للباب : من القاتل من المقتول؟ منييف يعدّل جلسته و نطق : اكيد هو المقتول بدر ضحك : لا انا القاتل ضحكوا عليه و هو اتجهه لـ ابوه ..عند البنات بالصاله " الثانيه فوق " اصعدت ديما للبنات و بيدها مشروبات وتقدم لهم و جلست براحه عند نوف ونطقت وهي تناظرهم : عندكم جدول ؟ نوره ارخت جسدها على ظهر الكنبه و تلعب بشعرها وتفكر باللي صار اليوم و لينا وغدي يسولفون نطقت ديما : هيي! لينا تناظر ديما : لا حياتي ماعندنا جدول غدي بضحكه هاديه : لا ماعندنا ، انتي عندك ؟ديما ميلت راسها على كتف نوف وانطقت : لا نوف تناظر لينا : ليونه ماراح تسافرون؟ لينا تنهدت من تذكرت حالها مع مُنيف : لا وانا اصلاً مابي اسافر معه نوره لفت وجهها تناظر اختها بصدمه : ليه صاير شي؟لينا بلعت ريقه خايفه من نوره : لا بس مابي اسافر ديما : سافروا حياتي وغيرو جو ازين لك والله هزّت راسها بالايجاب ونطقت : ان شاءالله وقفت لينا بعد ما جاها اشعار من منيف " انزلي راجعين البيت " تنهدت و تركت الجوال و عدّلت طرحتها : عن اذنكم بنات ماشيه غدي تناظر لينا وهي واقفه تضبط عبايتها وتاخذ شنطتها : خلك ماشبعت منك! ابتسمت: معليش حياتي ، أشوفكم بالايام الجايه ودعتهم ودعت جدها وجدتها و اتجههت عند سيارته وتناظر وقفته مع نايف و يدخنون وركبت السياره بدون لا تكلمه مشى نايف للداخل و ركب منيف السياره لبس الحزام وشغل السياره و اتجهه لبيت و طول الطريق في صمت تام ..نطقت لينا بدون نفس : جدتي تسأل ليه رجعنا البيت ولا سافرنا ضحك يستفزها ويحك دقنه ويناظر الطريق : قولي لهم منيف ما يبي عشان تتأدبين وما تقلين ادبك ثاني مره لفت وجهه وتناظر فيه : مو صاحي ابعد الحزام منّه بعد ما وصلوا البيت ونطق رص على اسنانه بعد ما قفلت الباب السياره بقوه : وجع بشويش! ما اهتمت له و اتجهه للغرفه و برضوا قفلت الباب بقوه لحقها و اتجهه للغرفه و دخل يمشي اتجاها : وش الحركات هذي؟ وقفت وهي تنزل عبايتها ويدينها على خصرها وتناظر فيه و ضحكت تستفزه: اي حركات ؟ لف وجهه وجلس يتحكم بأعصابه : انتبهي بس ..اخر الليل ، عند نوف بعد ما دخلت جناحها واخذت شور دافي حنون لبست لبس خفيف و لبست فوقه روبها و نشفت شعرها و تبخ من عطرها الهادي على عنقها ولفت وجهها تناظره يدخل بهدوء ابتسمت وقف خلفها و نزل لمستواها ونطقت بعد ما حطت يدينها على يدّه اللي يحاوط رقبتها واكتافها : بدري اليووم ! فيصل بهدوء والابتسامة مليانه وجهه اغمضت عيونها بعد ما تشم ريحته اللي عباره عن دُخان اختلطت مع عطره : اعتررف كثرت دُخان اليوم! جلس على طرف السرير ولفت عليه : لا نوف اخذت جوالها تشوف نتيجتها اللي نزلت بسبب الزواج ماصار عندها وقت تشوفها ، ادخلت الرقم و الباسورد بعجله و وقف فيصل بجانبها : هاا كيف النسبه؟ ، وضعت بأصبعها على كلمه " تقارير " و تتطلع لها النتيجه شهقت بقوه و صرخت بأعلى صوتها و دموعها على خدها فيصل بعدم فهم : وشو!! ليه تبكين! تركت الجوال و حضنها وشدّ بحضنها ونطقت وهي تبكي: ما تعجبني الدرجه مابيها ، اخذ الجوال بيده اليسار و بيده اليمنى حاضنها بها نطق وهو يضحك : درجتك حلوه حبيبتي! جبتي 99،98 ابتعدت عنّه بزعل و جلست على طرف السرير وهي تمسح دموعها كان طموحها تجيب 100 و تدخل طب امنيتها و امُنيه أمها تبغى ترفع راس امها بنجاحها ؛ ابغى 100 ذا كلُه بسبب المعلمه قالت بسااعدك ونكبتني تقدم امامها و اخذ بخاطرها و يسليها درجتها حلو حتى لو ما دخلت التخصص اللي تبغاه هو بيدخلها بنفسه ، هدّت وارتاحت بكلامه حسّت هو السند بعد الله حبيبها زوجها اخوها كل شي بالنسبه لها عقدت حواجبها من تشوف احمرار على رقبته بلعت ريقها وتأشر عليه ونطقت : هذا وش ؟ وقف عند المرايا و يحك دقنه متوتر : ولا شي وقفت أمامه و تحط يدينها على رقبته و تشوف الروج انقبض قلبها بقوه ونطقت بخوف وانظارها عليه : وين كنت؟مسك ايدها ونطق : بالمقلط ليه ؟ ضربته على صدره بقوه وتددفعه : كذذاب كذذاب بالمقلط وهذا برقبتك!! مسك ايدها بقوهويحاول يفهمها: اصبري افهمك! اخذت عبايتها تلبسها وتبغى تخرج من الغرفه لكن مسك ايدها وقف عند الباب يمنها من الخروج : اسمعيني افهمك! صرخت في وجهه : ابعد عنّي ما توقعت بتسوي كذا فيصل حرام عليك حررام ابعدته عنها واخرجت من الغرفه و لحقها وينادي عليها وهو يرص على اسنانه وينطق بصوت خافت : نوووف! بنتت!!دخلت غرفه ديما وهي تبكي جلست ديما على حيلها وتناظرها وخايفه عليها ، تقربت منها ومسكت وجهها تناظرها : وش فيك تبكين!انهارت نوف من البكى من دخلت عندها وهي تشاهق حضنتها و شدّت على حضنها وتهديها: شفيك؟ وليه تبكين وش صاير! نوف كل ما تتذكر اللي صار مع فيصل تنهار اكثر ما توقعت منّه الخيانه و كرهتته وكرهتت العيشه معه طرق الباب و قفت ديما تفتح لكن نوف وهي تبكي : لا تفتحين ! استغربت ديما : لييه ؟نوف وهي تمسح دموعها: لا تفتحين جاهم صوت من ورا الباب : اذا ما فتحتي انا بفتحه ! لفت ديما على نوف ونطقت بهمس ويدينها على ثغرها : فييصل!! لبست عبايتها ديما وفكت الباب : هلا؟ فيصل مسح أنفه ونطق : ابغى اكلمها ناظرت نوف اللي تترجااها وتمنعها تدخله لكن ديما ما قدرت توقفه مسك مقبض الباب وقف عند الباب يسند عليه و ديما خلف الباب : تجين وانا اشيلك؟ ضحكت ديما واردفت بهمس: قوممي صدّت نوف عنّه و اتجهه لها بعد ماشاف صدودها مسك ايدها وقفت رغم عنّها وعيّت تمشي معه انحنى لها ولعند رجلها و حملها واتجهها للغرفه وتحاول تبتعد عنّه وتقاومه لكن شاد عليها و ديما مبتسمه وهي تشوفهم كذا : فيلم اجنبي لليوم كثير عمري كيووت ..عند منيف دخل الغرفه ويناظر لينا نايمه على الكنبه و شعرها على وجهها ابتسم وهو يتذكر الايام الحلوه اللي قضّوها سُوا ، اخذ اللحاف وغطى جسدها و نزل لمستواها يناظر ويتأمل وجهها رقّ قلبه و حنّ عليها وتأكد انه يحبها و يعشقها مو شخص عابر ، رفع أصبعه السبابه يمرر على وجهها بهدوء ويبعد شعرها عن وجهها و يختمها بوسه خفيفه على جبينها ابتعد عنّها متجهه لسرير يبغى ينام لكن انظاره عليها ما دعاه قلبه يتركها تنام على الكنبه ، اتجهه لها يصحيها : لينا ! يحرك وجهها بخفه وهدوء: لينا اصحي لفت الجهه الثانيه تاركته ما تبغى تقوم لسرير زعلانه منّه وماخذه بخاطرها عليه أردفت بهدوء: ابعد عنّي يحرك شنبه و نطق بطريقه مُستفزه : لا تفكريني ميت عليك ولا اني ميت عليك بس بغيت اخذ فيك اجر بس ما تستاهلين ابعدت اللحاف منها وقفت أمامه وتمشي اتجاهه بخطوات هاديه وتضحك تستفزه ؛ مو ميت علي و هذي حركاتك؟ مهوس كان يناظر فيها وبحركاتها ومشيتها وهو يحك دقنه : حالك حال اي بنت تدخل حياتي و اخرجها تركها واتجهه لسرير و غطى جسده باللحاف ونطق : قفلي الانوار بنام ..عند نوف مسك ايده و سحبتها ونطقت وهي تبكي : لا تلمسني!!مسح وجهه بهدوء و جلس عنّدها ورفع فكها ويناظر فيها: اهدي اشرح لك ! نوف غطتّ على اذنها وتصرخ : ابعد عني مابي اكلمك مابي اسمع شي وضّع يدينه على ثغرها ويقطع صوتها بكفه : اهدي !! لكن مستمره تصرخ بأعلى صوتها ما تبغى تسمعه ولا تبغى تفهم كانت تحبه مره ما توقعت يخونها ، مسحت دموعها اللي على خدها تحس بحراره و غيره حبيبها زوجها يروح لـ وحده ثانيه ، مسك ايدها ويحاول فيها تهدأ : اهدي يكفي!!ضربته على صدره تدفعه عنّها بعد مافكت منّه وصرخت: منت رجال تسوي فيني كذا فيصل ! قطع كلامها و صراخها كلامه وعصبيته يحاول يبرر لها : والله ما طلعت مع احد هذا مقلب تحدوني فيه الشباب !! ضحكت وهي تبكي : ليه من قال لك اني غبيه ويكذب علي! مسك ايدها و يسحبها وراه متجهه لـ نايف و بدر اللي جالسين بالمقلط: هي وجع انت وهو سحبها أمامها ويدينه على اكتافها وهي تناظر فيه وتهمس : يكفي! انظار بدر و نايف لهم مستغربين مو فاهمين جيتهم نرجع قبل ساعه " بالمقلط " كانوا جالسين سُوا منيف و نايف و بدر وفيصل كانت سوالفهم ومن مضمونها عن " الغيره " منيف نطق بحماس : الصدق ما احس زوجتي بتغار علي وتحبنيلف نايف وهو ينفث الدخان بوجهه : افاا ليه! بدر بضحك : شايف وجهه انت ؟ احد يناظر هالخشه ذي! منيف رمى عليه المخده عليه اردف بصوت مرتفع : اي يازين وجهي لو اني شين مثلك ما كان اقبلت بنت الناس فيني بدر ارخى جسده على الكنبه و ضحك : ليه والدليل ما تغار نايف ضحك بعلو : انحشرررت منيف! منيف عدّل جلسته ونطق : لا طبعاً واثق الحمدلله طاح نظره على فيصل اللي عيونه على الجوال : يمكن زوجته ما تغار عليه صح فيصل؟ نايف يحرك كتف فيصل : شرايك بكلامه!! فيصل : اي زوجتي اكيد تغار علي منيف ميل ابتسامته و ضحك : اتحدى فيصل رفع حاجبه وهو يشوف منيف مقبل عليه و مّد يدينه له بالروج : دام زوجتك تغار عليك حط ذا عليك ونشوف اعجبته الفكره وما عارضهم وضعوا الروج عليه بعد ما فتشوا المكان واخذوا روج من البنات نرجع لوقتنا " الان " نايف اردف بهدوء بعد ما عرف جيتها له : بس هذي القصهنوف تناظر فيصل منحرجه منّه وكيف شكت فيه ابتعدت عنّه وخرجت وخرج وراها وهو يناديها ..أنتهى ✨قراءة ممتعه لا تنسون ⭐️