الفصل 30
📚قصص✍ وروايات📚:
📚| قـــــصــــص.وروايــــات.tt ♥
📖|" ##في_عيونها_دولة_وفي_رمشها_جيش_وفي_خدها_الوردي_هلاك_الشعوب🫶🏻
🎬| الــــحـــــلــــقـــــة【0⃣3⃣ 】
ـ➖➖➖➖➖➖➖➖
#تابعونا🔇 @horror_novel
ـ➖➖➖➖➖➖➖➖
عند البنات ديما واقفه عند الدرج وهي تسمع صراخ منيف و نايف حطت يدينها على صدرها بخوف : ياربي ما احب الاصوات هذي ، صعدت للصاله وجلست مع البنات نوره وهي تتصفح الجوال وتناظر ديما : شفيك؟ ديما ارخت جسدها على الكنبه ونطقت بهدوء: ولا شي بس طفشانه مرره غدي نزلت على الارض و جابت جاكاروا : نلعب؟ لينا تركت الجوال و اتجهتت لـ غُدي : اي غدي تناظر نوره و ديما : تلعبون ! نوره لفت وجهها على ديما : قومي العبي معنا ديما بملل : ماعرف العبها ، علمونييي غدي ابتسمت : ولا يهمك عند فيصل و عروسته واقفه عند التسريحه تعدّل شعرها وترتبه و تركت طرحتها على اكتافها بأهمال بعد ما لبست عبايتها و حطّت روج احمر من ديور على ثغرها وانتهت من الميك اب ولفت وابتسمت من تشوف فيصل مُقبل عليها ونطق بهدوء : خلصتي؟ هزّت راسها بالايجاب و هي تكمل تحط روج : ثواني بس اخذ منها الروج و حطّه على الطاوله وتركزت انظاره على شفايفها و نطق : والله كذا زين يلا نروح لجدي اللي ماوقف اتصالات مشتاقين لك تشوف يخرج الدخان من جيبه و يشعل زقارته و كشرت في وجهه : فييصل يكفي دخان كتمتني!! قرب لها اكثر وحط يدينه اليسار على خصرها واليد اليمنى به زقارته ونطق بهدوء : اترك الدخان بس بشرطميلت راسها وهي تناظر عيونه اللي متركزه على ثغرها وضعت يدينه على صدره وتدفعه عنها وتضحك وكأنها فهمت مقصده : لا لا فيصل مابي ضحك بقوه وهو يرفعها على الطاوله و دخل بين فخذها ويناظرها بهيام و حُب ويدينه على خصرها و بفمّه الزقاره أبعدت الزقاره منّه واخذتها بيدها ونطقت بجنون: اجرب ؟ بعد الزقاره منه ورفع حاجبه : لا ، يلا لا نتأخر اعطاها ظهره يبعد متجهه للباب ميل ابتسامته بعد ماحس تعلقها بظهره بحركه طفوليه منها وهي تضحك : كنت اسويها لـ بابا فيصل بهيام وحب يحب حركاتها و عفويتها : اصير لك بابا اذا ودك نطقت بفرح : فيصل انا مبسوطه معاك نزلت من ظهره وقفت أمامه و يدينها على وجهه : الله يخليك لي تقرب منها ونطق بُحب : ويخليك لي ، شكل ماراح نطلع اليوم تقرب منها اكثر وميل جسدها على السرير و يدينه الثنتين بين خصرها على السرير حنى ظهره لها : احبك نوف تناظر عيونه و قلبها يدق بقوه بلعت ريقها بخجل : وانا احبك قبّلها بهيام و حُب اغمض عيونه بعد حسّ يدينها على رقبته تحاوطه وتحضنه : اهلكتيني يا بنت , دفعته عنها وضحكت بخجل وتحاول تشتته : بس فيصل بنروح لجدتيي اشتقت لها و ديما مرره عدّل ياقه ثوبه مسح طرف شفته بأصبعه و نطق : اووك مسك يدينها وشدّ بكل حُب وناظرت فيه بحب : اوك يلا خرجوا من الفندق متجهين للقصر الجد ، وصلوا القصر لفت تبعد الحزام عنها و شهقت وضعت يدها على ثغرها وهي تضحك : فييصل ؟ ناظرها وهو عاقد حاجبه ونطق بعدم فهم ؛ همم؟ نوف بضحك : ناظرت وجهك قبل لا تخرج ؟ رفع حاجبه ويناظر نفسه من مرايا السياره : لا ليه ؟ نوف وهي تقرب منّه وتخفي ابتسامتها : شووف الثوب ! توسع ثغره بصدمه ولف عليها : كييف الطريقه! نوف تناظره و نطقت : قررب مني امسحه قررب منها وهي تحاول تمسح الروج اللي طبع على ثوبه أردفت بهدوء: ما يروح ! عض شفايفه بوهقه : خلييه يروح والله ما انزل كذا !!ضحكت اكثر من تشوف تعابير وجهه : مو مسوي شي حرام فوفو ! ميل ابتسامته من سمع فوفو: بعد ذا الطول والعرض والشنب والدقن فوفو ! اقووول عااد مافي فوفو هناا اسمي فيصل وضعت يدينها على وجهه وناظرت فيه بحزن : احببك فوفو بلع ريقه وهو يناظر يدينها على وجهه وعض شفته وقال : اسمي فوفو ضحكت : مو بس احبك الا اعشقك قبّل يدينها و تحاول تمسح الروج ، بعد ما مسحت الروج انزلوا من السياره واتجهووا للقصر ..عند رعد بعد ما اغتسل و لبس ثوبه و اخذ شماغه و رماه على كتفه بأهمال وضع عقاله على مُقدمه راسه نزل لمستوى الدولاب و فكه و خرّج منه سكين اللي تطوي وحججها صغير حطها في جيبه و وقفه تنفس بأعمااق قلبه ، خرج من الشقه و ركب سيارته ....عند بدر واقف في حديقه القصر الخلفية والجوال بأذنه وقلبه و يدينه وكل مافي يرجف وهو يسمع كلامها وصوتها : صحيح الكلام اللي سمعته عنك يمه ؟ تنهدت ونطقت بهدوء: وش قالوا عن امك ؟بدر بقهر ما تحمل يسمع الكلام عنها حتى لو كان صحيح مايحب يسمعه ولا يحب احد يقوله هذي امه مهما فعلت تبغى امه اللي ربته وتعبت على تربيته ونطق بعد صمت طويل : سبب الطلاق! ام بدر بخيبه وألم وصوتها حزين وباكي وهي تكمل كلامها : ما اقدر اقول شي بس دام صدقت ابوك مالي كلام معك بدر بغضب : فهميني!! مايصير تقفلين وانا ماعرفت السبب! ام بدر بعصبيه : انا امك تعرف ايش امك ! ما يطلع مني الغلط ! بس ابوك ما استوعب كلامي ولا فهم مني انا اشرف من الشرف ابوك طلقني بسبب كلام كذب انا مالي علاقه بأحد بس انا مرتاحه بدونه واذا بتعيش عند ابوك بكيفك , بدر جلس على
الارض ويديه على راسه مشبك اصابعه والقهر بيطلع من قلبه ، رفع الجوال لـ اذنه بضيق : بس ليه ما بررتي له ! ام بدر بحزن : اللي ما سمع مني و سمع من غيري يتحمل يا حبيبي تنهدت من اعماق قلبها لدرجة بدر حس فيها وحس بمعاناتها أكملت حديثها بنبره باكيه و حزينه: انا مظلومه يا بدر بعد ما ابوك طلقني جدك زّوجني غصب عنّي يقول البنت مالها الا بيت زوجها والمطلقه تتزوج اي شخص يتقدم لها زوّجني ابوي لواحد متزوج ثنتين وأنا الثالثه ، بدر عدّل جلسته و يسمع كلام امه اللي كسر قلبه وهدمه و اوجعه : الحمدلله جالسه في بيتي بعيد عن زوجاته و عياله الحمدلله ناره اهون علي من نار ابوي ، انتبهه لنفسك يا حبيبي وانتبهه لـ اختك مسح وجهه بتعب واسند ظهره على الجدار : ان شاءالله انتي بالطايف ؟ ام بدر : اي يا حبيبي وقريب من بيتنا القديم بدر وقف و نفض ملابسه من التراب : اقدر ازورك بين فتره والثانيه؟ ام بدر بفرح : اي حبيبي ، انا استأذنك ابو مسفر جا بدر بهدوء وهو يسمع صوت زوجها : انتبهي لنفسك ام بدر : استودعتككم الله " قفلت " ..بالصاله بعد ما جا فيصل و نوف سلمّوا عليهم وجلسوا يسولفون و يضحكون بيودعهم بيسافر ، ديما سحبت نوف لعندها وصعدوا الغرفه ديما بفرح وهي تناظر نوف : اشتقت لك نوف جالسه بجانبها وماسكه ايدها وتتكلم بكل حب : وانا اكثر ديما ميّلت شفايفها و تضحك و رفعت حاجبها و اردفت بتساؤل : كييف الزواج ! يقولون الحُب يحلي و تكون النفسيه حلوه صح! ميلت جسدها على ديما وهي تسرد لها : الزواج و الحب غير غيرر فيصلل دايم يبهرني بحبه وعطفه وحنانه وكلامه عوضني عن الحنان اللي فقدته كل شي فقدته من اهلي هو عوضني ، احبه والحمدلله اني ما تركته ابتسمت ديما : الله يخليكم لبعض ولا بغير عليكم نوف عدّلت جلستها : اميين ، انتي قولي لي وش صار معاك تنهدت ديما : ماصار شي و نايف ما جا ، جا اليوم عشان موضوع رغد عقدت حواجبها: مافهمت ؟ ديما حكت اللي صار لٌـ نوف ..بالصاله دخل رعد يرسل نظره للصاله كلها يناظر جده وجدته و اعمامه ! وعيالهم ، اخذ نفس عمييق و نطق بغضب : فيصل دقيقه من وقتك فيصل رفع حاجبه يناظره من راسه لـ ساسه مو عاجبه شكله ولا اسلوبه ولا حركاته كشر فيه وجهه وقال " خير " رعد وهو يحك دقنه : انتظرك بالحديقه خرج رعد و وقف فيصل : عن اذنكم خرج فيصل من الصاله للحديقه و خرج زقارته ويشعلها وقف فيصل أمام رعد ويناظر من راسه لـ ساسه ونطق بهدوء: نعم ! رعد تنفس بعمق وهو يناظر هدوء و سكون فيصل خرج السكين اللي تنطوي من جيبه وضعها أمامه ونطق بصرراخ : انت تضربني! ضحك فيصل بعلوو وهو يناظر وجهه و الكدمات بلون البنفسجي على وجهه و يديه وقال : علامه الضرب للان باقيه روح لا اكمل عليك مرر نظره على السكين في بيد رعد وكانت يده ترجف و رفع بصره يناظر توتره : اي اضربك دام تجي لزوجتي و تبتزهاا و تخووفها وترعبها احمد ربك اني ما اشتكيت عليك ياكلب وذبحتك ما ابغى انجس يديني بدمك النجس يا نجس رعد ضحك بعلو وتكلم بتفاخر : زوجتك اللي تحرشت فيها ؟ قبض يدينه وبلع ريقه يحاول يسيطر على نفسه : كل تبن لا تتكلم عنها ذي الطرييقه فااهم تبغى اكمل عليك ! اكمل رعد يستفز فيصل ويأشر على الحديقه الخلفيه : هنا استدرجتها و مسكتها وضميتها لصدري و ما اكمل كلامه الا فيصل الكمه في وجهه ويطرحه في الارض ويضربه : يا خسيس يا وصخ يا كلب والله ماراح ارحمك والله ، رعد ابتعد عن فيصل و وقف ، فزّ نايف و وقف يتجهه للحديقه ما تطمن بجيه رعد خرج ويناظر فيصل و رعد واقفين وبينهم كلام و مشاده تقدم نايف لهم ويناظر رعد اللي بيده سكين ويلتفت نايف على فيصل اللي يتكلم بعصبيه : ان كانك رجال يلا رعد يناظر فيصل بتوتر و قلق خايف مره لكن قوى قلبه و اخذ السكين يبغى يطعنه ، توسعت عيونه نايف بصدمه ونطق بغضب : رعد ابعد السكين ابعده !! ما اهتم رعد لـ كلام نايف و تقدم لفيصل و شبكه معه و يحاول يطعنه لكن نايف ابعد رعد بالقوه ويطرحه بالارض وطاحت السكين من يده بالارض و صرخ بأعلى صوته : منت رجال رعد والشر بين عيونه يفزّ من مكانه وياخذ السكين اللي طاحت منّ يديه و متجهه لفيصل و نايف : والله ما اخليك والله فيصل رص على اسنانه ويناظر رعد بغضب : ان كان بك خير لا تقصر تقدم رعد لـ فيصل و اللي يفصل بينهم نايف ، رعد اللي بيده السكين ويطعنه في كتفه بكل قوته ويناظر الدم اللي بيده خاف و صار يرجف بهلع ويناظره يطيح بالارض ويصرخ من الالم ناظر الموقف اللي امامه ترك القصر و هرب ....بالمستشفى جا تركي واتجهه له وهو يتنفس بعلو والخوف على وجهه ونطق :وش صار ! كان يناظر الدم اللي بيده بلع ريقه بصعوبه و رفع اكتافه ونطق : للان !منيف يناظر الاسياب بالخلف : جدي وجدتي جاوا ! تركي هزّ راسه بالنفي : لا عمّي راشد معهم ومنعهم يجون نطق بصوته الرجولي و بملامح الغضب والقهر في وجهه ونطق بتهديد : الزفت رعد والله وما اخليه والله ، لف منيف عليه و تنهد وقال : اذا سكتت له انا ماراح اسكتت له بس بفهم ليه سوى كذا !! تركي اسند
ظهره على الجدار و يدينه خلف ظهره خايف وقلقان على اخوه : والله الكلب ما يروح كذا وانا اللي راح ابلغ بدر يحاول يهديهم ويمتص غضبهم ماوده يقولون كلام وقت عصبيّتهم ويندمون عليه : الله يهديه مهما كان ما يطعن احد بذي الطريقه نوف تسمع كلامهم وتبكي اكثر تحس بتأنيب ضمير ليه خبّرت فيصل لو سكتت وما قالت له ماكان هذا اللي صار واقفه ومتوتره وخايفه وتبكي وتسمعهم يقولون : مابه الا العافيه اهدي جلست على الارض منهاره مغطيه عيونها بكفها الصغيره تبكي وهي تتذكر فيصل وحنانه عليها ما تبغى تفقده تحبه اكثر من نفسها وتتذكر دفاعه عنها و يضرب رعد عشانها ، عشانها هي وبس بيوم ولليله ينطعن بسببها كرهت نفسها اكثر : اللي صار له بسبييي نايف عقد حواجبه متعجب من كلامها : لا مو انتي نوف تبكي وتشااهق لو يصير له شي ماراح تسامح نفسها هي السبب باللي صار ويدينها على عيونها تمسح دموعها نايف اتجهه لها بهدوء: اهدي يا نوف مايصير كذا! خلك قوويه لا تضعفين ولا تبكين وان شاءالله مابه الا العافيه هزّت راسها بالايجاب و وقفت جلست عند الكرسي عند اخوها بدر وحضنته وضمته وهو يمسح على شعرها : اهدي يا اختي خرج الدكتور و يشوفهم أمامه كلهم خايفين عليه الحمدلله لو انطعن والطعنه عميقه كان احتاج لعمليه لكن ربي ستر ولطف فيه ، حمدلله على سلامته ، ارتاح من سمع كلا الدكتور و مسح تركي وجهه ونطق : اقدر اشوفه! ، الدكتور : اي وقفت نوف وابتعدت عن اخوها واتجهتت لـ غرفه اللي موجود فيها فيصل ، اتجهتت له مسرعه و له وبين احضانه وهي تبكي : انا اسفه حبيبي مدد على السرير و كتفه اليمنى ملفوفه فتح عيونه برخى بعد ما سمع صوتها العذب رفع يدينه اليسار يمسح على شعرها وهي بحضنه ونطق بهدوء وتعب : ليه ياروحي ، نوف وهي تبكي : انا السبب لو يصير لك شي بموت ، ابتسم بتعب : بسم الله عليك يا قلبي ما فيني شيرفعت راسها من حضنه وصدره وتمسح على وجهه بهدوء: بسم الله عليك ليته فيني ولا فيك ، ميل ابتسامته ونطق بهدوء : بسم الله عليك ابتعدت عنّه بعد ما سمعت صوت بدر ينطق بعجله : الشباب بيطمنون عليك فيصل بتعب : ادخلوا ، دخل تركي و نايف و وراهم منيف تحمدوا له بالسلامه ، نايف متكتف و واقف بغضب ويأشر بتهدي : رعد الكلب بتشتكي عليه ولا انا اشتكي! ، تركي تنهد ونطق : لازم ياخذ جزاه فيصل يناظرهم حوله ونطق بتعب : بلغوا عليه منيف حبّ يغير الموضوع : اييي فيصل تتمسكن الان ضحك فيصل : اي صاروا يسولفون ويضحكون ....قصر الجد دخل تركي وناظر جده وجدته اللي خوف باين بعيونهم طمنهم وريح قلبهم عليه الجده وهي تبكي : بيخرج من المستشفى؟ تركي اسند ظهره على الكنبه بتعب وهو يناظر هيا مُقبله عليه وجلست بجانبه بعد ما جابت له المويا والبندول : اي بس الليله الجد حط يدينه على راسه ونطق : الله يهديه و يعافي فيصل الجده وقفت : عن اذنكم بروح اريح تركي وقف متجهه لها : اساعدك ! ابتسمت وهي تناظر التعب على وجهه : لا حبيبي فيني حيل ، تصبحون على خير ، قبّل راسها تركي وابتسم : تلاقي الخير وقف الجد و اتجهه لغرفته بعد ما تتطمن على فيصل لفت هيا تناظر وجهه تركي اللي تعب غلبه ونطقت بخوف : وجهك تعبان حبيبي اسويلك عشا ؟ تركي بالرفض وهو يتقدم لها بهدوء : لا مو مشتهي انسدح على الكنبه و حطّ راسه بحضنها ويناظر فيها وتأملها ويتأمل عيونها و وجهها خدها ثغرها وابتسم : انا اطبخ لك اذا ودك !هيا ارخت جسدها وهي تلعب بشعره وتناظر عيونه : لا حبيبي ما ابغى اكملت هيا بهدوء: لا ترهق نفسك ولا تتعب نفسك انا اخاف عليك ! تركي مسك ايدها وقبّلها : ان شاءالله بحاوول ، كيف كان يومك!هيا ويدينها على وجهه : الحمدلله دخلت غدي الصاله بدون ما تنتبهه لهم وانصدمت تناظرهم لوحدهم : اسفه جلس تركي و طاحت عيونه بعيونها و يحاول ما يناظرها و لا يحتك فيها يطوي الصفحه القديمه و وقف بعد ما اخذ جواله : عن اذنكم صعد تركي و وقفت هيا وتكتفت وهي تتقدم لـ غدي وتنطق بغيره : اسفه ! ليه ! سويتي شي عشان تعتذرين منه! غدي بلعت ريقها متوتره ابتسمت وهي تناظر هيا : لا بس دخلت بالغلط ، الله يخليكم لبعض ابتعدت هيا بدون ما تنطق بكلمه وراحت ورا تركي ....آخر الليل دخل القصر يمشي على أطراف اصابعه كأنه جاي يسرق او ياخذ شي صعد الدور الثاني وصل لـ عند غرفته اخيرًا فتح الباب بهدوء وانصدم من وجودهم للان بغرفته تأفف وغض شفته بقهر ، دخل الغرفه بخلسه ويحاول مايطلع اي صوت والغرفه ظلام مايشوف اي شي ، بدأت ايام الشتاء ويبي ياخذ ملابسه وعطوره الشتويه فتح الدولاب بشويش واخذ له ثياب شتويه وبلوفرات وقفل الدولاب ويتفاجأ باللي واقفه جنبه وماسكه شي يجهله بسبب الظلام ضربته بقوه على راسه وجلس شبكك أصابعه براسه ويتألم وفتحت الأنوار وشافت نايف شهقت وصرخت من ناظرت الدم اللي طلع من راسه حسبته حرامي ماتوقعت نايف أبدا ، صحوا البنات منفجعين من صراخ نوره ويشوفون نايف طايح على الأرض والدم ع جبهته ..
عند الجدخرج الجد يتوضأ لصلاة الوتر وسمع الصراخ من غرفة نايف اللي بها بنات حصه اتجهه لهم للغرفه ويناظر نايف طايح على الأرض والبنات متجمعين حوله بعدهم عنه وقرب منه مسح الدم من على وجهه ويحاول يصحيه ونطق بخوف : ابوي نايف ؟ ناايف ؟دخل الخوف بقلبه وعقله وناظر نوره ونطق بخوف : وش صار؟ نوره بخوف وهي لافه عبايته على جسدها اردفت : حسيت احد يمشي بالغرفه وافتكرت حررامي وضربته بالفازه على راسه ما كنت اقصد جدي؟ الجد اخذ المويا و كبكب عليه ويحرك وجهه بخفى الى ان صحى نايف اللي يحس بصداع قوي ، فتح عيونه برخى وتعب ويناظر جده و البنات حوله واقفين ، الجد يناظر فيه بخوف : انت بخير ؟ هزّ راسه بتعب : بخير بـخير ، وقف وتمسك جده اختل توازنه من الدوخه المفاجئه ، نوره بخوف و تأنيب ضمير ونطقت بصوت راجف : نايف اسفه مرره ماتوقعت انه انت احسبه حرامي نايف بتعب : حصل خير الجد ونظراته على نايف : اكيد بتحسبينه حرامي احد يجي ياخذ له أغراض بهالوقت !!اكمل كلامه الجد : اخذ اغراضك اللي تحتاجها والحقني بمكتبي لو تتجاهلني وتمشي زي آخر مره انسى اني ابوك وجدك توهق نايف وتمنى انه ماجا اخذ ملابسه وكل اللي يحتاجه وطلع وراح لمكتب الجد فتح الباب بعد مااستأذن وسمح له الجد بالدخول دخل نايف بتوتر وماوده يكلمه جده عن موضوعه مع ديما جلس نايف وتكلم الجد : تعبان ؟ ، هزّ راسه بالرفض : لا نطق الجد بعد صمت لثواني : كم لك برا البيت لا تسأل عننا ولا ندري عنك ماكأن عندك أهل !! تأفف نايف ما اعجبه كلام جدّه له اكمل الجد ونطق وهو يناظر نايف : بس مو هذا موضوعي وضح لي شصار في ذيك الليله اللي خرجت منها ولا عاد شفناك نايف زم شفايفه : مابي اتكلم عن ذا الموضوع انت ماسمعتني من البدايه وظنيت فيني ظن سوء وقف نايف وقبض يدينه : ما ابغى اتكلم بالموضوع! عصب الجد : شلون ماتتكلم يعني لمتى تضل على ذا الوضع مانشوفك ولا تسأل عننا خلني افهم ليه سويت كذا انت وديما تنهد نايف : طيب بتكلم ، ذاك اليوم كلمت ديما واعترفت لها عشان انا ودي فيها تكون زوجتي وكنت ناوي اخطبها بس بعد مااشوف ردها مدري اذا في احد بقلبها او لا كنت بتأكد بننفسي ماابيها تتزوجني وهي مجبوره وانت فهمتنا غلط عمري ماخسرت ثقتك فيني الجد بغضب : من متى حنّا كذا ! حنّا متفتحين الحمدلله بس مو بذي الطريقه يا نايف !! اللي سويته الان صحيح ؟ لا مو صحيح يجون يخطبون ويتقدمون ما يجون مثل الحراميه من ورا الباب يا نايف لف نايف ظهره : انا حرامي وما اجي الا بالخفى وقف نايف ونطق بدون ما يناظر جدّه : غير ديما ماراح اتزوج تنهد الجد : واذا قلت لك تعال واخطبها بتجي ! تقدم لـ جده وبانت ابتسامته وحبّ يتأكد من سمعه؛ ايش قلت !! الجد : انا وافقت تتزوجها بانت عليه الفرحه وراح الالم الضربه و قبّل راس جده ونطق بكل انبساط : الله يخليك لنا ويطول بعمرك انتهى ✨
قراءة مُمتعه ، لا تنسون ⭐️
ــــــــــــــــــــــــــــــــــــــــــــــــــــــــــــــــــ
📣| https://telegram.me/+QeK2RuLXdGPVWJtl
[🙇] انتظرونا في الحلقة القادمة ...