الفصل 20
📚قصص✍ وروايات📚:
📚| قـــــصــــص.وروايــــات.tt ♥
📖|" ##في_عيونها_دولة_وفي_رمشها_جيش_وفي_خدها_الوردي_هلاك_الشعوب🫶🏻
🎬| الــــحـــــلــــقـــــة【 0⃣2⃣】
ـ➖➖➖➖➖➖➖➖
#تابعونا🔇 @horror_novel
ـ➖➖➖➖➖➖➖➖
في غُرفه الطعام على طاوله الطعام الكل موجود والطاولة مليانه من لذة وطاب من الاكل والطاوله كبيره وتكفيهم و زود كان الجد يناظر فيهم ونطق : كلكم عيالي وكلكم احبكم و كل شخص عزيز عليه وله مكانه خااصه بقلبي ، يشهد على ربي ما افرق بينكم ، حبّوا بعض لا تخلون الفلوس تفرقكم احترموا بعض واقفوا مع بعض تساندوا تكاتفوا الفلوس مو كل شي اليوم معك بكرا ما معك شي ، انا مو دايم لكم انا ابغى مصلحتكم ! اسمعوا كلامي يا عيالي يا احفادي بناتي ابو سعود تنهد : عمرك طويل ان شاءالله ابو رعد تنهد ونطق : الله يخليك يا بوي عساك سالم ان شاءالله بعد ما الكل اخذ بخاطر الجد و يحاولون يكونون على قلب واحد الا انه رعد مركز على نوف طول وقت ويحاول يقرب منها اكثر ويستغلها ، كان جالس أمامها مو معطيته اهتمام وجه كانت تسولف مع ديما وتاكل بهدوء توسعت عيونها بصدمه بعد ما حست رجله تلمس رجلها توقفت عن الاكل وصارت تناظر فيه بصدمه و خوف تقول بخفى : بسم الله هذا ليه يلمسني! وليه يناظر فيني ! وش يبي مني ؟ فهم عليها وابتسم بخبث ونطق : نوف ممكن تعطيني مويا ! التفت عليه منيف اللي جالس جنبه : هذي المويا خذها اخذها وهو يناظرها: شكرا بلعت ريقها وهي تحس بالامضايقات والازعاج اللي تصدر منه وقفت نوف ونطقت بصوت يعبر عن ضيقتها : سفره دايمه ناظر فيها فيصل مستغرب ما اكلت وصحنها ما خلص الجده : بالعافيه يا بنتي تركتهم وهي تسمع لسواليفهم وضحكهم لكن هي مصددومه من جرأته و وقاحته : ياربي ليه كذا هذا وش قصدده بفعلته ! خرجت للحديقه القصر متوتره وخايفه مو مستوعبه للان حركاته الجريئه جلست على الكرسي وميلت راسها و تلعب بشعرها الطويل وهي تناظر السماء ونجوم ، خذت جوالها وتقرأ المسج اللي وصلها كاتب لها وينك ؟ ردت عليه بحديقه وقفت ماحست الا ايد خشنّه و كبيره على ثغرها اللي يمنعها من الصراخ والكلام وتحاول تقاوم ماقدرت ونطق بصوت خافت : لا تصرخين اسكتي توسعت عيونها بصدمه بعد ماسمعت صوووته وليه يسوي معها كذا وش يبغى منها وملاحقته لها اردفت ويديها للان على ثغرها : ابببعد قرب جسمها الصغير الضعيف لـ جسمه العريض طبق ظهرها على صدره و حاوطها ويدينه على شفايفها يمنعها من الصراخ واخذها اخلف القصر : اسكتي ان صرختي راح افضحك نزلت دموعها على خدها بحزن وهي تشوفه مقرب منها ..في المستشفى ، عند سعود ومها خرجت من الدكتوره وبيدها الاوراق وقفت عند سعود ويدينها على بطنها ودموعها على خدها كأنه بحر وطاحت الاوراق على الارض و سعود وقف يناظر وجهها واحمرار عيونها والضيقه باينه في وجهها نطق بخوف : طمنيني! تمسك فيها ومن خلفها بعد ماحسّ بنهيارها ويناظر وجهها : مها حبيبتي وش فييك! انهارت على الارض وهي تبكي بدون صوت تبكي وهي تتذكر صوت الدكتوره اللي يّرن ببمسامعها " لازم اجهاض الجنين فيه مشاكل خلقيه ومايقدر يكمل حياته لو عاش "حاول يفهم وش فيها وش قالت لها الدكتوره بس مها اغمى عليها من الصدمه والانهيار ..تركي جلس عند هيا اللي جالسه بالكنبه وحدها وانشغالها بالجوال ويشوفها فستانها على الرغم من لبسها لـ عبايتها ابتسم وقرب وجهه عند اذنها ونطق : كذا صرتي تسمعين كلامي خليك كذا العناد ماراح ينفعك ولا تعاندين تركي بن فهد قلبها يدق بقوه متفاجئه منه ومن كلامه وقُربه وغروره و تكبره عليها بلعت ريقها و ناظرت عيونه اللي تناظرها اردفت تستفزه : لا تركي ما توقعت تكون مهوس فيني كذا ضحك بسخريه ويعّدل ياقته و يفتح ازرار ثوبه وميل شفايفه : انا اكون مهوس حتى على العامله بس انتي ! تخسين ضحكت تستفزه وتقهره اكثر ماهو يقهرها : هذا قدرك عاملهلف وجهه يناظرها بغضب وهمس لها : احترمي نفسك ضحكت وهي تلمس كتفه بأطراف أصبعها : انت اللي جبت الكلام لنفسك حبيبي ، حنّا أمام الكل لا تتحمس خلك ثقيل قطع كلامهم صوت الجد بصوت مرتفع : لا تنسوون الجمعه بكون في البر ..عند مُنيف اتجهه عند البوابه بعد ما قرأ المسج اللي وصله من لينا وهي تهدده وتفضحه عند اهله ، نزلت من السياره وهي تشوف القصر الكبير اللي انواره منوره كله وتشوف افخم وأغلى السيارات و تشوف الأشجار والازهار اللي عامل يعتني فيها و النافوره تلعب بالمويا وقفت وهي تقرب من البوابه وهي تمرر نظرها على حديقه القصر لكن خرج منيف عند وجهها وسحب ذراعها وسحبها للخارج ورص على اسنانه : انتي مو طبيعيه صح ! قلت لك اللي بينا انتهى انتهى ما تفهمين! بعدّت يدينه عنّها وهي تناظر وجهه : هو على كيفك ينتهي وعلى كيفك يبدأ ! و اللي بطني يعيش بدون اب ؟ دفها بقوه يبعدها عنه وعلى القصر ونطق بحده : ارجعي لا تسوين مشاكل ارجعييي التفت بعد ما سمع صوته من خلفه : منييف ؟ منيف تمنى محد يشوفه واقف معها ويسمع حوارهم : عمي سيف ! هلا تقدم و يدينه خلف ظهره ويناظر اللي واقفه معه
ويأشر بطرف عينه : من هذي؟ منيف بلع ريقه بتوتر : جايه تسأل بيت ابو وافي قلت لا لينا من ورا الثمه : يعطيك العافية اخوي ماقصرت منيف : الله يعافيك ..خرج ابو سيف من القصر وركب سياره وما اهتم لذا الموضوع اللي يثير العجب والشكوك ، يفكر كيف يجمع اكثر شي من الفلوس ويمتلك عقارات واسهم ويرتفع اسمه بالسوق .. ..عند نوف كان يحاول يقرب وجهه من وجهاا ويسوي اشياء مخله للأداب وهو يتغزل و يلمس خدها و يديها و جسدها !لكن اعطته كف على وجهه وتفلت في وجهه وركضت بتعد عنّه شكلها متبهدل و شعرها محيوس و عبايتها ممزقه و ملابسها مفتوحه عند التيشيرت وقفت عند المغاسل تغسل وجهه وتبكي وتنهارر كيف يتجرأ يسوي كذا لها ليه هي !جلست في الحمام" عزكم الله " اكثر من نص ساعه تبكي مقهوره ومفجوعة مصدومه منّه ومن حركاته ..دخل رعد الصاله ويناظرهم موجودين الا سعود و حرمته و نوف و منيف جلس على الكنبه مقابل فيصل اللي يسولف مع نايف ولف الجهه الثانيه يناظر تركي و هيا سّوا والجد والجده وبينهم ام سعود و زوجها وطاحت عيونه على اخته ديما اللي تلعب بالجوال وامه و ابوه لوحدهم والواضح له طايرين بالسوالف الحب وضحك بينه وبين نفسه : مسوين مراهقين وانتم بين القبر خطوه حط رجل على رجل وميل شفايفه ويسمع سوالفهم اللي مو مهتم لها وسمع تعزيز و ضحك الجده على سوالف الجد اللي تسمعها اكثر من مره و ماتمل منها خرج من جيبه عقد ذهبي " كارتير " وهو يناظر فيه ويضحك بخبث بصوت خافت : هيّن والله ما انسى الكف اوريك .. دخلت نوف وهي لافه العبايه عليها و جهها اصفر وشاحب وجلست عند ديما وتهمس لها : تعالي معاي ديما ناظرتها ومستغربه من لفه العبايه عليه بالشكل هذا ونطقت بهدوء: فيك شي ! نوف تمسح دموعها بسرعه : لا تعالي ..عند سعود وقف عند الدكتوره اللي خرجت من عندها ونطق بخوف: طمنيني ! الدكتوره تحاول تطمنه ومايقلق اكثر : زوجتك الحمدلله مافيها شي بس شويه ارهاق وتعب ، انتبهه لها وخلها تتغذى صح وبتعد عن الاطعمه اللي موجوده في الورقه اخذ الورقه منها ويناظر الورقه من ثم ناظر الدكتوره بتساؤل ونطق : طيب والجنين ؟الدكتوره: انا تكلمت معها الجنين لابد من اجهاضه اذا ولدته بيكون معه عيوب خلقيه و يمكن ما يكبر ويفقد حياته وحتى خطر على صحتها وحياتها انا سويت التحاليل اللازمه واكد علي هالشي ، اتمنى تسفرها و تسوي اجهاض قبل لا تكمل 5 شهور ، عن اذنك وقف مصدوم من الكلام اللي اسمعه منها كانه صاعقه جاته يفكر كيف يقنعها تجهض الجنين ويتذكر لهفتها و شوقها لطفلها اللي تنتظر فوق 4 سنوات ..عند ديما و نوف دخلوا الغرفه و قفلتها نوف اكثر من مره وتتأكد اذا الباب مقفل او لا استغربت ديما من اللي تفعله وقفت عنها وتناظرها بستغراب : شفيك حبيبي قولي لي وش صاير ! طاحت منهاره جالسه على الارض ما توقفت عن البكا ، بكت وهي تتذكر اللي صار لها بحديقه القصر ومحد حولها ولا قدر احد يساعدها جلست أمامها ديما وخايفة عليها ونطق يقلق : وش فيك ياروحي وش صاير معاك؟ قولي لي فضفضي لي لا تجلسين تبكين كذا وتقطعين قلبي عليك نوف تحاول تقول اللي صار لها بس ماقدرت تخرج كلمه وحده من ثغرها بس استمرت اللي صار لها جعلها تنهار انهيار قوي ما تتكلم مع احد رغم محاولات ديما جالسه معها وتحاول تهديها لكن نوف تبكي الى ان انهارت من البكى ونامت و ديما للان مستغربه وش فيها وش سبب بكاها واحاول تعرف ...عند سعودفتحت مها باب السياره بكف يرجف من مشاعر مخيفه تمسكت وجلست برقّه استقبلها سعود ألوان زاهيه و ريحه حلوه و عطره من باقه ورد وكرت مكتوب عليه " ماعليك شر حبيبي " اكتملت الصوره بابتسامه سعود ويحاول يخرجها من المود اللي هي فيه ونطق : طلعتي من الشر يا روحي مها صوّبت انظارها لتحت ودموع على خدها بعد ما تذكرت اللي صار تجمع ضباب حول عيونها وبدأت معزومه الجراح و تعب الشهور من الحمل كانت تتمنى اللحظه اللي تمسك طفلها لمحها سعود و توجّع قلبه دموعها تغرق قلبه هم و يتبعه قلق وخوف عليها وعلى نفسيتها ويبغى يشوف روحها الحلوه وضحكتها و يشوف ابتسامتها : نروح قصر جدي ولا البيت ؟ نطقت بعد صمت طويل وتمتم : بيتنا سعود : ان شاءالله ..بعد ما خلى القصر في مقلط الخارجي بقصر الجد تركي يجلس نايف اغلب وقته فيه ورغم عنده غرفه في الطابق العلوي الا انه يفضل النوم والجلوس في المقلط ويرتاح فيه اكثر داهمته الهواجيس اللي منعه من النوم وهو يفكر بديما وكلامها عن حبيبها عجز يتقبل هالفكره ، صار يشوفها بخياله ورسمت ملامحها في خياله وصوتها يرّن بأذنه وهي تنطق اسمه و ضحكتها سوالفها وحتى بكاها تاه في مدينه عشقه المحطمه وقف حاير بين ملامح حبيبته الذابله تاره يستع صدره وتاره يضيق تاره ثانيه ويدق جواله فجأه ناظر الساعه وقلق من تأخرها وخاف وقلق من الاتصال واغلب اتصالات اخر الليل تفجعه مسك جواله ويناظر الاسم ونطق بخفى : منيف ؟ رفع الجوال لـ اذنه ونطق : وعليكم السلام صوت منيف يوضح فيه شي : شفيك منيف؟ فيك شي ؟ منيف يصرخ ويبكي : الحقني يا
نايف الحقنيوقف نايف بخوف ونطق : وش فيك وش صاير ؟منيف وهو يناظر السياره : انا دعمتت نايف بلع ريقه ونطق : ارسل اللوكيشن انا جايك بالطريق ..وصل نايف عند منيف اللي جالس بالارض ومنزل راسه حط يدينه على راسه وحسّ منيف بيده ورفع راسه و قف : والله ماكانت نيتي كذانايف بتساؤل ويمرر نظره على الطريق وهو يبحث عن المدعوم : من اللي دعمت ؟ منيف برجفه صوته : بنت واخذوها الإسعاف بس يقولون مافيها شي وتقدر تعيش عض شفته نايف بكلامه ونطق بحده : انت مستحيل تكبر نسيت باللي سويته مع خويك؟ منيف استوعب كلام نايف وصرخ : ماااادعمته افهم ما دعمته وضع يدينه أمام منيف : انطم ويلا نروح المستشفى ونشوف المصيبه اللي سويتها ركبوا بسياره وحده و طول الطريق ساكتين ....عند هيا تقوست شفيايفها للأسفل بعد ما شافت تركي نايم على الكنبه مو نايم على السرير ولان بدت تتعلق فيه وقلبها يحبه بكل صدق تحملت جراحه و كلامه وحتى اسلوبه ، تقدمت له بخطوات هاديه وتجلس على ركبتها عند الكنبه وتناظر وجهه والسواد تحت عيونه بسبب التعب والإرهاق وتناظر حواجبه الكثيفه و شعره الناعم اللي نازل على جبهته و سواد شعره وتناظر انفه وشفايفه وحتى خده وتنهدت بعدم رضى تشوفه بذا الجمال لوحده غيرها وتشاركها فيه وقفت تتجهه للغرفه بعد ما حسّت بحركته وتقفل الباب وراها : الله يعيني ويصبرني ..عند رغد قفلت الباب وراها واخذت الجوال وصارت تتصل على رقمه اللي عيى يرد عليها وكتبت له مسج : رد علي ريّان بعد ما ارسلت له الرساله انتظرت اكثر من 10 دقايق الا جاه فويس : والله رغد انك منتي متربيه فوق ما اهلك ضربوك و كشفوك وطاحوا عليك مع واحد مستمره تكلمينه! استحي على وجهك انا تزوجت وبعيش حياتي ابتعدي عني خلاص توسعت عيونها بصدمه بعد ماسمعت صوته وهو يقول لها هالكلام واتصلت عليه ورفع بنبره حاده وجافه : والله ابلغ عليك واقول لجدك طفشتيني بتصالاتك فكيني شرك واكمل حديثه : ترا رقم فيصل معي لا تحديني اكلمه و اقوله رغد انقبض قلبها : كذا تتركني بهذي السهولة بعد ماضحيت بنفسي وحياتي عشانك ! الان ترجع فلوسي كلها صرخت بأعلى صوتها : ترجع فلوسي و اغراضي وحتى الجوال اللي اهديتك اياه ترجعه كل شي اعطيتك اياه رجعه فهمت قفل في وجهها وما اعطاها مجال تتكلم رمت الجوال على الارض بقوه وجلست تبكي كيف استغلها وتركها بعد تضحياتها له ..كان ينتظر منها رساله وناظر الساعه اللي تعدت 12 ونص هذا وقتها تكلمه وتسولف معه فقدها ما جاه شي منها وقف يحّوم بالغرفه رايح جاي متوتر وهو يتذكر توقفها عن الاكل وقامت بستعجال و دخولها وهي لافه عبايتها وجهها متغير حسّ الان فيها شي وعيّت تعلمه صار يتصل عليها بشكل متكرر على امل ترد عليه وتريّح قلبه لكن بائت بالفشل ، قبض يدينه بتوتر ودخل قلبه الخوف وهو يفكر وش فيها وندم على صمته و ماتكلم معها بعد ما شافها بذي الحاله خرج من غرفته والإضاءه كانت خافته والقصر هادي خالي من الازعاج والسوالف والضحك اتجهه لـ غرفه نوف اللي تبعد عن غرفته واللي يفصلها غرفه نايف تخطى غرفه نايف و وقف عند غرفه نوف وطق الباب بطرقات هاديه لكن بدون جواب منها ..عند منيف ونايف خرج الدكتور وقف منيف أمامه : بشر ؟ ابتسم الدكتور: الحمدلله حالتهم مستقرة نايف ارتاح قلبه ونطق منيف بتساؤل : الحمدلله متى يقدرون يخرجون من المستشفى؟ الدكتور : ان شاءالله اقل من 3 ايام تحت الملاحظة منيف ناظر نايف ابتسم : الحمدلله الان ارتاح قلبي خرجوا من المستشفى وركبوا السياره : منيف منيف وانظاره على نايف و رفع حاجبه : وش ؟ نايف وهو يحرك شنبه و يسوق : لينا باقيه بحياتك صح ! منيف يجحد ويضحك : لا ضحك نايف بصوت مرتفع ويستفز منيف : والدليل جات القصر صح منيف لف وجهه ويناظر فيه بصدمه : وش يدريك؟؟ ضحك نايف اكثر على توتره وخوفه وقلقه اللي فضحه : شفيك يعني صدق للان باقي معها صرخ منيف ونطق بحده : قلت لك وش يدرييك ! لا تتدخل بحياتي واطلع منهاا مسوي تخاف علي وانت تراقبني نايف سحب بريك و وقف السياره وناظر منيف بعصبيه : تعال اضربني واقتلني بعد !! هذا جزاي اوقف معك وأبعدك عن المشاكل والمصايب اللي تجيبه من نفسك !! بس تمام مايصير خاطرك الا طيب و بطلع من حياتك ولو اشوفك ميت قدامي ما دريت عنك منيف بلع ريقه بندم : نايف! صرخ نايف وعصب : اسكتت وما ابغى اسمع منك شي ..قصر ابو عبدالعزيز طلال في غرفه النوم رفع الجوال لـ اذنه وبانت ابتسامته بعد ماسمع ونطق : كفو عليك رجال ، اي هذا الشغل الصح قفل الجوال وكانت موضي تناظر فيه وتنتظر منه الاجابه : وش!تقدم لها وجلس جنبها ومسك ايدها وقبّلها :خطتنا نحجت ! رفعت حاجبها وابتسمت : ماتوو! ضحك بصوت عالي ويحضنها من اكتافها و قبّلها : لا بس اهم وقفوا امامه تخويف على خفيف ، منيف بنتهي منه حركت أصابعها : لا تنسى الفلوس باس خذها ونطق : موجودين بالحفظ والصون ..اليوم الثاني ، الجمعه في مخيم في صحارى الرياض الجميلة الكل موجود بعد ما تغدوا وعيينوا من الله خير جا صوت من قسم الرجال
بصوت يلهث من الواضح جاي مسرع : جدي طالبك ناظره متعني وجاي له من بعيد ونطق : وش يا نايف جلس أمامه على ركبته ويناظر فيه : قل عطيتك! التفت الجد وهو يسمع كلام الجده نوره وهي تعارض وترفض : لا تقول واضح يبغى يطّعس لا لا ناظر جدته و عقد حواجبه : جددده !! ضحك الجد من اسلوب نايف والتفت عليه وقال : حنّا نخاف عليك حبيبي ! انت ولد الغالي اللي راح وترك لي 3 اشبال نايف عض شفايفه بقهر ونطق بعدم رضى : تبغون اموت وانا ابسط حق ما احققه ! الجده عصبت على كلامه وتمنعه يكمله : اسكت بس فالك ما قبلنااه بسم الله عليك استودعتك الله وقف نايف و ينزل الثوب اللي رابطه في خصره و ينزل اكمامه وبين لهم زعله : طيب ابو سعود وهو رشف فنجان قهوىَ : خلووه ماعاد طفل خلوه يسوي اللي يبغاه. ضحك ابو رعد ويكمل لـ كلام اخوه : صح ابوي لو رعد يبغى يطعس بترفض؟ اختفت ابتسامته ابو رعد بعد ما الجد يناظره بحده : كلهم عيالي وما ابغى احد منهم يصيبه مكروه ! قطع حديثهم دخول هند وهي تلقي السلام : سلام علييكماقبلت بكل حب واشتياق وحتى لهففه قطعت عنهم شهر اقبلت على امها وابوها وتضمهم و تسأل عن احوالهم وتتفقدهم و تسلم على اخوانها و عيالهم ، وقفت هيا رمت كل اللي بيدها على الارض وهي تتنفس بسرعه وتتجهه لـ امها بكل سرعه وتضمها : ماما اشتقت لك ! بادلتها نفس الحضن ونفس الشوق : حبيبي اخبارك واخبار رغودتي ! اشتقت لكم ابتعد هيا وهي تكمل كلامها وتقول لها : كل شي بخير كلنا بخير ناقصنا بس وجودك ، كييف بابا احسن ؟ حركت راسها بـ ايه : الحمدلله هو بالبيت مع ولد اخوه واخته وانا جيت اتطمن عليكم والله اني مشتاقه لكم تقدم تركي وهو يقّبل راس عمتّه ويسأل عنه حالها : كيفك يا عمّه! مسحت طرف عيونها وهي مبسوطه وتشوفهم حولهم ومبسوطين : الحمدلله الحمدلله الجده نوره : انتي كيفك ان شاءالله بخير! هند ضمت امها وجلست عندها وبين احضانها : الحمدلله عمليتي ناجحة الحمدلله بس صارت مضاعفات لزوجي والان احسن جلسوا يتكلموا معهم وتحكي لهم اللي صار ....عند نوف جالسه بقسم النساء وحدها وهي تتذكر الموقف مع رعد تبكي اكثر مو مستوعبه دناءته و وصاخته وقطع تفكيرها و بكاها اتصال فيصل عليها كان واقف عند سياررته وده يحرق الجوال من القهر و الخوف بس عشان ترد علييه بس ما ترد وصار يدخن اكثر من مره و توتر اكثر و شك رعد ورا الموضوع بلع ريقه ورمى زقارته بالارض وداسها واتجهه لقسم النساء بخفى وهو يلتفت يمين ويسار وطق الخشب وقال : عاررف انتي الان وحدك و سافهتني وما تردين علي ، اطلعي لي اطمن عليك واذا عيتي والله لا ادخلك ! نوووف لا توجعين قلبي عليك من البارح بعد العشاء انتي مو طبيعيه وانا متأكد يا بنتي يا روحي انتي من هالشي اطلعي لي اتكلم معك والله ماراح اطول عليك ، طمني قلبي لا يوقف ما سمع منها جواب وشك ماهي موجوده وقرر يدخل يتأكد من شكه ، فك الستار ومرر نظره للخيمه اللي مليانه اغراض البنات وعفشهم و انصدم من وجودها دخل فيه مد يدينه أمامها ونطق بعصبيه و رص على اسنانه : نوف لا نووووف ليه تسوين كذا !! ..عند نايفباس راس جده وهو منبسط : الان اروح واطعس ، تركي تخاوي ؟ تركي ابتسم ونطق : لا .ضحك وحبّ يحارشه : تخااف ؟ الجده نوره عقدت حواجبها : اتركه ماعليك منه اذا انت ماتخاف على نفسك انا اخاف عليه ضحك نايف من كلام جدته و خوفها : طيب خلييه بحضنك دلوع الجده ضحك تركي و يرمي عليه علبه المويا : ضف وجهك ضحك نايف وهو يرفع ثوبه لـ خصره ويرفع اكمام يديه : تمون نايف يناظر اعمامه : ها عمّاني تخاوون ! تجووون ! عمتيي ! رغد و هيا ديما ودكم ! رغد وقفت ممبسوطه : ايييي ودي اجرب نايف : يلا تعالي ، هيا و ديما ودكم ؟ هيا ابتسمت : لا بلعت ريقها ديما وتناظر ابوها : ابوي عادي اروح ؟ عدّل جلسته و مو هامه سلامتها ما فرقت معاه : بالطقاق روحي وش اسويلك! قطع كلامه الجد و رده عليه بستغراب : بوو رعد !! ناظر بنته : روحي روحي خرجت منحرجه ومكسور خاطرها احرجها أمامهم ، الجده ميلت شفايفها مستنكره كلامه و اسلوبه: الله يهديك خرج وراها نايف و تتبعه رغد : ديما !! وقفت وهي تمسح طرف دموعها وتحاول تبتسم لكن دموعها سبقتها وطاحت : ماعليك من ابوك وتعالي معنا رغد تخصرت وتناظر ديما : اول مره يقول لك هالكلام يعني؟ ترا عادي المفروض تعودتي وصار معك تبلد وضحكت تستفزها لف وجهه على رغد ونطق بحده : ررغد !! رغد ضحكت : ماقصد كذا بس اللي اقصده لا يهمك ولا عليك سحبتها من ايدها وتحاول تهديها ؛ خلاص حبيبتي ماعليك منه هذا شايب وخررف ضحكت ديما ونطق نايف : صادقه ماعليك منّه هو بس يبغى يبكيك هزت راسها بالايجاب: طيب واتجهوا عند السياره و يطعس بهم ..أنتهى ✨قراءة مُمتعه و لا تنسون ⭐️
ــــــــــــــــــــــــــــــــــــــــــــــــــــــــــــــــــ
📣| https://telegram.me/+QeK2RuLXdGPVWJtl
[🙇] انتظرونا في الحلقة القادمة ...