الفصل 17
📚قصص✍ وروايات📚:
📚| قـــــصــــص.وروايــــات.tt ♥
📖|" ##في_عيونها_دولة_وفي_رمشها_جيش_وفي_خدها_الوردي_هلاك_الشعوب🫶🏻
🎬| الــــحـــــلــــقـــــة【7⃣1⃣ 】
ـ➖➖➖➖➖➖➖➖
#تابعونا🔇 @horror_novel
ـ➖➖➖➖➖➖➖➖
دعيت الله تلقى كل شي تحبهورجيت الله اكون اكثر شي تبيه ..~ يوم جديد~ عند تركي و هيا كان منسدح و السماعات بأذنه وكان يتكلم بصوت خافت : اسمعي اشوف هيا و اتصل بعدها ، ماراح اتأخر ، احبك كانت واقف من ورا الباب تسمع كل كلمه يقولها وتبكي على حياتها اللي تدمرت ولا تقدر تنقذها ، كانت ضحيه بزواج الاجبار تزوجت انسان ما يحبها و بحياته بنت غيرها ما تقدر تنسيه ولا تقدر تبعدها عنّه حست بخطواته و حركته انسدحت على السرير وتلحفت بكل سرعه ، ناظرها منسدحه رفع حاجبه : نمتي؟ انا بخرج بغير جو تخرجين؟ تقدم يناظر فيها و يناظر وجهها : هيا ! ما كانت ترد عليه ، اتجهه ناحيه الدُولاب فك دولاب الملابس و خرج له لبس و تقدم وناظرها مغمضه عيونها غطاها باللحاف و خرج من الغرفه و من الفندق..فكت عيونها اللي رؤيتها مغبشه بسبب دموعها وانكسار خاطرها و قلبها ماتوقعت يكسرها بهذي الطريقه يكلم حبيبته و أمامها بعد ما تأكدت خرج جلست اخذت لها شور دافي وتدفت زين وبعدها اتصلت في اختها وتقضيها سوالف .. ..في قصر الجد ، بالصاله تحديدا التفت الجد يناظر حوله يبحث بأنظاره عليه فاقده وفاقد حسه وضحكاته اشتاق له واشتاق لمحارشته وذباته كان جالس وبيده كوب الشاهي يفكر و عقله بعيد ، نطق الجد وهو يناظر فيه لكن قطع تفكيره دخول رعد اللي لابس ثوب وشماغ وبيده مسبحته اقبل عند الجد وقبّل راسه : اخبارك ياجد رفع الجد بصره له وابتسم يحب وجوده مابينهم وانه ما قطع الوصل : الحمدلله انت طمنا عنك اتجهه لـ جدته يسلم عليها ويرد عليه : الحمدلله قبّل ايدها وابتسم : اخبارك يا جده عساك طيبه الجده : الحمدلله جلس وهو يضم أصابع يدينه ببعض بتوتر وبقلبه كلام كثير ومتردد يقوله التفت حوله يناظر الموجودين اللي ماخذتهم السوالف وطاحت عيونه على نوف اللي اقبلت وبيدها الدلة لان الجد امرها تصب له القهوه نطق بصوت شبهه عالي وهو يحرك شنبه وعيونه تناظرها بنظرات مريبة : نوف لكن محد حسّ بشي والكل ملتهي بسوالف : نوف .. اذا ماعليك امر قهوه لفت عليه وبلعت ريقها خايفه منه اول مره تخاف من احد بذي الطريقه لكن وقف فيصل بقهر متنرفز من اسلوبه وتأمره عليها ما اعجبه الوضع واخذ منها القهوة ومررّت نظرتها لعيونه ومن ثم على رعد وعلامه الخوف مو بس باينه بعيونها حتى وجهها وحركاتها واسلوبها اتجهه فيصل له لـ رعد وعلامه الغضب بين عيونه وصب له قهوة و رعد ببتسامه جانبيه و خبيثه رفع يدينه ياخذ القهوة منّه : كفوو قصّر حسّه وهو يناظر فيصل : حبيت دور الرجل الغيور فيصل ضحك يستفزه : ضحكتني ، تحسبني نفسك ماعندي غيِيره ولا شهامه ولا... ! اكمل كلمتي ولا اسكت عشان لا احرجك أمامهم يا مغازلجي صب له قهوه وحنى مقابل وجهه رعد وهمس له ويضحك : خذ يا بو النسوان ياراعي الحريم نايف يناظرهم من بعيد ويعرف بينهم مشادات طويله وماراح تخلص ونطق بخفى : ورعد ذا ماعنده حياه بحركه سريعه من فيصل اكمل يصب قهوة و عن حدها و سكبها على اجزاء من رجله وفخذه ونطق : اوووه ما انتبهتت وقف رعد بسرعه بسبب الحرق وصرخ : مجنون ! احرقتني ! الجد ناظرهم واستغرب من اصواتهم العاليه بعد ما كانت خافته وماكان بينهم شي كان ضحك واستهبال ! : وش فيكم ! علامكم !رعد بصراخ ومسك فيصل من ياقه التيشيرت وعصب : مو صاحي تعابير وجهه فيصل مستفزه بنسبه لـ رعد وده يصفقه يسوي اي شي عشان يبرد خاطره وقلبه لكن فيصل مستمر ويضحك : كل العصبيه عشان حرق ! بسم الله عليك تعورتي ! قصدي تعورت ؟الجده عقدت حواجبها ونطقت : وش بلاكم ! رعد ما تحمل تعامل فيصل المستفز وضربه ويلكمه في وجهه وهمس له : عناد لك نوف بتزوجها غصباً عن الكل وعناد انقهر فيصل من كلامه وضربه وتخانقوا لكن الجد بصوت عالي يوقفهم : رعد ! وش فيك انجنيت ؟ نايف اتجهه يفاكك بينهم ونطق : هي ! ابعد عن اخوي لا اكسر راسك !! رعد منت بصاحي الجد وقف عندهم و نطق بصوت عالي وضرب عكازته بالارض بغضب : وش فيكم ! وليه الضرب ! مافي اي احترام !رعد يمسح طرف شفته وهو يتنفس بعلو : اوريك يا حيوان فيصل عدّل تشيرته وهو يناظر رعد برود الارض : ماني خايف منك وسوو اللي تبغاه بس مو هنا بمكانك وبيئتك الوصخه لا تجيب وصاختك وقله ادبك هنا ، واذا انت عاجز تتأدب بنفسك انا اادبك و اربيك نايف ناظر رعد : مانخلص حنّا من المشاكل! رعد عض شفته بقهر كلهم ضده مافي احد واقف معه : مو غريبه عليكم دايم واقفين مع الغلط الجد يقطع النقاش: وش قلت انا ؟ وش فيكم وش سبب الخناق هذا ! تتضااربون وأمامي؟ وامام جدتكم مو عيب! رعد وش فيكم فيصل وش صاير ! فيصل اخذ جواله و ضعه في جيبه ويناظر رعد : قل لهم لا تسكت ، قل لا تخاف دامك على حق رعد قبض يدينه ماله وجهه يتكلم ويصرح ويبرر : انا مو على خطأ بس مدري شفيه علي من يشوفني يقلب علي فيصل جلس رجل على رجل
ونايف يصب له فنجان قهوه ويناظر فيهم : انت سطل ؟ لا جد انت سطل ! نايف ضحك بصوت عالي وهو يسمع كلام اخوه وبروده اللي نزّل عليه فجأة وجلس عنده : حمدالله والشكر عصب رعد من حركاتهم : منت متربي ولا ابوك رباك زين يابن الكلب " خرجت الكلمه منه بالغلط " .. سمع يا ابن الكلب ما تحمل و رمى فيصل فنجانه على جدار قريب من راس رعد و توسعت عيونه بعصبيه وتقدم له ويسحبه ويطرحه بالارض ويضربه في وجهه : تسب ابوي انت يالواطي تسب ابوي نايف يبعد فيصل عن رعد : خلاص لا يموت بيدك اتركه الجده بخوف تشوفه يضربه وتترجاه يفكه من يده لكن لا حياة لمن تنادي : فيصل حبيبي اتركه لا تضربه دخل منيف على خناقهم انصدم وبعده هو نايف من رعد الجد عصب : وبعدين مانخلص ! رعد فيصل يكفي ماتستحون على وجيهكم وأمامنا ! وش خليتهم للورعاان هاا! لف وجهه على رعد اللي جالس يتنفس بتعب ويمس الدم : وكيف تسب عمك ! الميت مايجوز عليه الا الرحمه ..عند سعود مسك ايدها بهدوء ويناظر عيونها وشعرها و وجهاا وخدها وثغرها يناظرها بكل حب بمكان هادي والجو بارد وأجواء وطبيعه قبّل يدينها ونطق بكل حب : احبك نزلت راسها بخجل : احبك اكثر ، وش شعورك بتصير اب بعد كم شهر تنهد بكل اريحيه وضع يدينه على راسها ويسندها على كتفه و يدينه اليمنى يحتضنها بيها : بكون اسعد واحد بالعالم كله الله يخليك لي ولا يحرمني منك وتولدين بالسلامه ياروحي مها بهدوء: امين ، طيب و شهد التفت عليها بسرعه بعد ماسمع شهد بلع ريقه ويرمش بكثره بتوتر : شهد ؟ شفيها ؟ مها بعدت عنه وجلست أمامه وتناظر عيونه اللي يشتت نظره عنها : خلاص قطعت علاقتك فيها ؟ تنفس بأعماق قلبه ومسك ايدها و وقف : اي ، قومي نتمشي ناظر عربه ايس كريم : وش ودك فنيلا او شكولاته؟ استغربت من تهربه وتوتره : فراوله ضحك وضع يدينه على خدها : من عيوني ابتسمت : تسلم عيونك الحلوه..طلب وما طّول طلبه ومد يدينه لها بـ ايس كريم: تفضلي عمري اخذت : دام فضلك بداو يتمشون وهو يسولف ويضحك وهي بالها بخوفه وتردده وتهربه من السوال و تأكدت للان باقي معاها او يكلّمها ونطقت بينها وبين نفسها؛ مصيري بعرف ....عند تركي دخل الفندق اللي عباره عن غرفه و حمام ومطبخ دخل يتكلم بالجوال ومنبسط ماخذ راحته على الأخر يطلع ويروح ويجي بدون محاسبه احد ولا يهاب احد ويسوي اللي يبغاه وتغيرت شخصيته واسلوبه وحتى حياته من ليله الزواج دخل الغرفه وقفل الباب برجله ونطق بكل حب : اكلمك بعدين انا دخلت الغرفه ، انتبهي لنفسك احبك قفل الجوال و فصخ الجاكيت وجلس برتياح : ااخ كانت بالمطبخ وسمعت كلامه طاحت دمعتها على خدها انجرحت منه وانقهرت وانهانت كرامتها وحتى كبرياهها : ليه كذا ليه حظي كذا مسحت دمعتها و خرجت و وقفت عند الباب وتسند كتفها وتكتفت وتنطق بجمود و بدون نفس : ماشاءالله عادي عندك تتركني لوحدي وحنّا في بغربه ! بلد ماعرف عنّه شي ؟ رفع رجله و ضعها على الطاوله وخرج دخانه ويدخن : انتي بأمان ماله داعي الخوف عبست وجهها عليه من تشم ريحه الدخان اللي انتشرت بالغرفه ، تقدمت له بكل سرعه واخذت دخانه رمته بالارض و داست عليه بقهر : ياخي شويه احساس وش فييك ليه المعامله هذي !! تركيي اصحى من اللي انت فيييه اصحى ! طنشها وما اهتم لـ كلامها اخذ جواله يطقطق فيه ، تنفست بعمق واخذت جواله منه وعصبت : انا اتكلم معك لا تهمشني كذا وقف و توسعت عيونه بغضب وقف أمامها كيف تسحب الجوال منه بالطريقه هذي ! كان قريب منها مرره من قربه لها تسمع حتى انفاسه عصب وصرخ : جربي تعيدين حركتك ذي اقسم بالله تندمين عمرك كله فاهمه ، مو اني ساكت لك تتمادين دخل الخوف بقلبها ماتوقعت بيعصب عليها بسبب الموضوع هذا بلعت ريقها بخوف و رجعت للخلف لكن ما بينت له ضعفها وانكسارها ونطقت : طلقني انت مو كفو انت ماتستاهلني تستاهل حبيبه القلب الرخيصه يالرخيص انصدم من ردها واعطاها كف ورص على أسنانه : اششش ! صرخ في وجهها : طلاق ماراح اطلقك وراح اخليك معلقه وما تذوقين الهنا ضربته على صدره بكل قوه وهي تبكي انقهرت وانهارت من كلامه واسلوبه معها مسك ايدها يمنعها تكمل ضرب : اتركني وطلقني ما ابغاك ما ابيك انت اناني ما تهمك الا مصلحتك يارخيص انت وصخ وقليل ادب طلقني دفها وبعدها عنه بكل قوه وطاحت على الارض و راسها على طرف الطاوله : خلاص قفلي فمك قطع كلامه وهو يشوف الدم على وجهها انصدم ونزل لمستواها ما توقع بتطيح على الارض نطق بخوف : تعورتي ؟بعدت عنه وضعت يدينها على راسها وهي تبكي : وخر عنيي وخر ما ابيك ما ابيييك ..عند نوف وديما خرجت وهي خايفه واقفه عند الدرج وهي تشوف يضرب رعد بعصبيه وحشيه طاحت دموعها وتناظر ديما : اخاف يصير شيديما مسكت ايدها تهديها : لا تخافيين ماراح يصير له شي وهذا نايف ومنيف وقفووه ، قومي نصعد للغرفه لا يشوفونا كذا راحوا غرفه نوف وكانت ججدا خايفه ومتوتره تروح وتجي دخلت رغد الغرفه وقفلت الباب بقوه وجلست : نوف ديما بخفى : يالليل جاثوم اعوذ بالله وقفت نوف تناظرها تبغاها تتكلم وتقول اللي
عندها قدمت رغد لها و تناظرها : اعرف ليه تخانقوا ديما عقدت حواجبها من سمعت كلامها : وليه جايه تقولين حنا وش دخلنا ! ناظرت ديما وكشرت في وجهها ونطقت : انتي اسكتي لا تخليني انزل لهم وافضحك ومن ثم ناظرت نوف ووضعت اصبعها السبابه على خد نوف وتضحك بستفزاز : اثنين ميتين عليك مع انك ما تستاهلين ورخيصه و واطيه ديما سحبت ايد رغد واعطتها كف وتأشر على الباب : قليله ادب اطلعي برا حطت يدينها على خدها وعضت شفايفها بقهر : اوريك خرجت رغد و ديما جلست عند نوف : ماعليك منها هذي مو طبيعيه هذي حاقده و خبله هذي حرفيياً مجنونه نزّلت راسها على ركبتها وهي تبكي : خلاص ملييت طفشت ما ابغى اعيش هنا ابغى اروح لـ امي من جيت هنا وحياتي تغيرت للأسوأ نطقت ديما بحزن : وتتركيني لوحدي؟ رفعت راسها وهي تناظر ديما : حبيبتي بس والله طفشوني وخصوصا رغد طفشت منها حضنتها : اتركيها عنك واهدي ..بالصاله رعد جلس في الصاله مع جده وجدته و فيصل جلس في الحديقة مع نايف ومنيف جالس ومنحني ظهره ويهز رجله بكثره للان باقي منقهر من رعد وده يكمل عليه وينهيه حياته و يدمره ، مد يدينه له بكاسه المويا : خذ رفع راسه واخذ الكاس من منيف وشربها في نفس واحد جلس نايف عند اخوه : وش السبب اللي يخليك تضربه! لف وجهه على اخوه بغضب : ما تسمع سب أبوي ! خير يسبه منيف واقف ويناظره : اكيد بيدافع عن ابوه ماسوا شي غلطنايف رفع حاجبه: لا مو كذا في سبب غيره فيصل ناظر اخوه بعصبيه وغض شفايفه : مافي سبب غيره لو بيدي اقطعه مو بس أضربه نايف يناظر اخوه مو مصدق تبريره وشاك بسبب اعظم من هذا لكن يفضل يكتم كلامه و يسكت منيف ناظر جواله ولقى المسجات: عن اذنكم شباب انا رايح البيت نايف ميل شفّته وضحك بسخريه: سلملي عليهم منيف ما اهتم لـ كلامه و قال : عن اذنكم خرج وركب سيارته وسجل فويس : 20 دقيقه وانا عندك وترك الجوال وصار يفكر بالمسجات بقهر : طيبب يا لينا طيب بعد ما وصل دخل الشقه ويبحث بأنظاره ويناديها بصراخ : لييينا ! خرجت من غرفه النوم وكانت كاشخه ولابسه فستان قصير ماسك على الجسم وعاري الاكتاف و شعرها عنـد رقبتها وميك اب ناعم وهادي و لون روجها احمر ، قفل الباب وصار يناظر فيها وتقدم بكل هدوء : انتي جايه بيتي ؟ عند امي ؟ تقدمت له اكثر و ضعت يدينها على وجهه وتمسح على دقنه و شواربه : اي بس ماقلت شي زفر بعصبيه : ولييه سويتي كذا ؟ مررت يدينها على صدره و تقفل وتفتح بالأزرار ونطقت بغنج : لاني احبك وما ابغى اخسرك وابغى نتزوج ، وش فيك علي؟ تنهد وناظر يدينها و باسها : وانا احبك بس لا تروحين لـ اهلي تكفين و الزواج اتركيه فتره تركها وانسدح على الكنبه بتعب : افهمي كلامي ياروحي راحت لـ عنده و جلست على الارض وتتأمل وجهه : احبك ابتسم ولف يناظرها ويناظر عيونها و خدها وشفايفها : وبعد وقفت : بس مسك ايدها وسحبها عنده : امووت فيك ..في قصر ابو عبدالعزيز دخلت لينا البيت واقف مشعل أمامها ونطق ؛ وين كنتي؟ تنفس بشكل متكرر و تحاول تدخل البيت لكن مشعل وقف أمامها ونطق بحدّه : وين كنتي! ابتعدت للخلف وعقدت حواجبها : مالك دخل ، عمي هو الوحيد اللي يكلمني ويسألني ، ابعدد عني ابعد خرج ابو عبدالعزيز ونطق : مشعل ابعد عنها ، ادخلي لينا دخلت لينا و لف مشعل لـ ابوه وميل شفايفه : يبا ؟ابتسم ابو عبدالعزيز: شفيك ؟ نطق بغضب : كيف تخرج و ترجع متأخر ما يصير دخل ابو عبدالعزيز وهو يتكلم : دام اني راضي ماعليك منها سكتت مشعل ما يقدر يقول شي بعد كلام ابوه جلس ابو عبدالعزيز: محد فاهمني الا لينا و قرريب نهايتك يا منيف والله لأخلي تركي يندم على كل شي ..~ الليل ~ ، في الصاله قصر الجد نزلت ديما تناظر الجد والجده جالسين لـ وحدهم أقبلت بكل هدوء : سلام عليكم، جده ممكن اتكلم معك ابتسمت وهي تشوفها هاديه و تتكلم بهدوء وبأدب: اي يا ماما قولي و شفيك توسع لها المكان : تعالي اجلسي عندي جلست جنبها ونطقت بعد صمت : ابغى اخرج اتقضى الجد لف وجهه يناظرها و ابتسم : اطلعي يا بنتي وانبسطي خذي السايق وروحي واذا احتجتي شي مايردك الا لسانك وتعالي وقولي وان شاءالله انا وجدتك ماراح نقصر معك ابتسمت بخجل : شكرا الله يخليكم لنا ويطول بأعماركم الجد عدّل جلسته : تعالي راحت لـ جدها وخرج محفضته و اعطاها ممبلغ كبير انصدمت : لا لا كثير ضحك ونطق : دللي نفسك يا بنتي ، خذي نوف و رغد معك تنبسطون دخل نايف وهو يقول : على وين ! جلس عند الجد و بعده دخل فيصل جلس عند جدته و كانت ديما واقفه وتناظرهم ابتسمت الجد وهو يناظر نايف : يخرجون يغيرون نفستهم شوي ناظر ديما ونطق : خلاص أنا رايح اوصلهم فيصل ضحك ونطق بصوت خافت : العب من متى انت توصلهم الجده ناظرته وسمعت كلامه وضحك : اسكت عنه ..الجد يناظر نايف : اي انتبهه لهم نايف ناظر ديما وابتسم : متى رايحين ؟ ديما بلعت ريقها ونطقت : نلبس ونروح وقف : تمام اضبط نفسي وانتظركم ديما : طيب صعدت وصعد وراها دخلت عند نوف وهو دخل غرفته لبس ثوبه وشماغه وقف عند المرايا يناظر نفسه ويتعطر دخل
فيصل وهو يقول يتساءل : انا مو بس شاك انا متأكد التتفت على فيصل و نطق : وش فيصل تقدم لـ اخوه ويضبط شماغه ويضبط ثوبه ويقفل ازراره وكأنه يتصيد له : وقعت في الحب ؟ ضحك نايف بصوت عالي ومصدوم كيف يفكر كذا : لا خير فيصل بعد تفكير مادام الا لـ دقايق معدوده وكان يناظر وجهه اخوه : ترا ديما تقدم لـها واحد واحس ابوها ماراح يرفض التفت على اخوه بصدمه : من اللي تقدم لها !!! فيصل ميل شفايفه و رفع اكتافه بتمثيل : مدريقبض يدينه و برزت عروقه وبان عليه الزعل : وجدي وش قال فيصل ضحك : شفيك ! تتزوج افضل لها من العيشه مع ابوها وبعدين انت شدخلك فيها ؟؟ استوعب على نفسه يحك دقنه : هااه فيصل ابتسم بعد ما شاف رده فعل نايف : حبيّب اخوي ، تقدم لها قبل لا تروح من يدّك بلع ريقه و رفع حاجبه: ما احبها تأخرت عن اذنك خرج و فيصل يضحك على اخوه .. ..بعد ما دخل ابو بدر و صارت مُشاده بالكلام و الحوار نطق الجد بصوت عالي ومقهور من تصرف سيف ابو بدر : والله ان تزوجت نوف و الله اني اقلب الدنيا كلها عليك فاهم و شيل الهبال اللي بعقلك لا والله اطردك من القصر و اتبرى منك خلاص اهجد منت صغير على هذي الحركات سيف وقف معصب وطال صوته على ابوه : وكيف اسدد الفلوس! الدين برقبتي؟ انسجن يرضيك!!الجده بترجي وشوي تبكي من القهر : انا اسدد الفلوس ولا تزوجها واحد اكبر منها الجد بشده : وانا اعطيك دبلهم بس تشيل الافكار الغبيه براسك ابتسم بعد ماسمع طاري الفلوس وراح بأحلامه و مخططاته ..عند تركي كانت بالحمام الله يكرمكم تغسل وجهها و جبهتها وراسها تقدم لها وبيده كيس ثلج وضعه على راسها: ما كنت اقصد قطعت كلامه : اسكت ما ابغى اسمع منك شي لو سمحت والان تحجز اقرب طياره برجع واذا ما حجزت انا برجع لـ وحدي مسك ايدها و يهديها : طيب اهدي ولا تعصبين ، تحسين بدوخه ؟ اخذك للمستشفى؟ خرجت من الحمام ولفت عليه معصبه : لاا ما ابغى شي منك تركي وضع الثلج على الطاوله وناظرها ونطق : طيب جلست وهي معصبه تركها وخرج من الغرفه و جلست تبكي بأعلى صوتها مكتومه مقهوره ضايقه فيها الدنيا بعدها اغفت ونامت .. ..عند رغد سحبت الكرسي وجلست : هاي تأخرت ؟ مسك ايدها بهدوء: لا .. اشتقت لك كانت تتأمل عيونه ونطقت بكل حب : ريّان والله اني احبك ابتسم بخبث : وانا اموت فيك يا رغد .. متى نروح الشقه ؟ ماقدر اتكلم هنا والكل يناظر اخاف عليك من اهلك بعدت خصله شعرها خلف أذنها وابتسمت: امم ما اكملت كلامها الا جا لها صوت : يا ابن الكلب وقفت وشهقت بعد ما شافته يضرب ريّان بوحشيه و هي تصرخ بأعلى صوتها : لا طرحه بالارض ويلكمه ويضربه : ياكلب ....دخل الجد قسم الشرطة ويناظر فيصل اللي جالس ويهز رجله بقهر وملامحه الحاده اللي تعبر عن غضبه وعصبيته ولف وجهه للجهه الثانيه ويشوف رغد تبكي الجد بخوف وهو يناظر الضابط : وش صاير ؟ وقف الضابط أشر على الكرسي ونطق : استريح يابو فهد جلس و رجله ما تشيله خايف وش سبب وجودهم وليه رغد تبكي وفيصل معصب : وش صاير ؟ لف وجهه على رغد : وش فيك ما تنطقين ؟ زادت من البكى مالها وجهه تتكلم وتقول ليه جايه هنا ودها تنشق الارض وتبلعها وما تنحط في هذي المواقف نطق الضابط بصوته حاد : اسف يا بو فهد بس احفادك ماسوو خير رفع حاجبه فيصل ونطق : اشوف الغلط واسكت ! الضابط بصوت عالي وجلس: اسكت لف وجهه على الجد اللي خايف مو عارف وش بلاهم : ابو فهد أشر على فيصل ونطق : فيصل اعتدى بالضرب على واحد اسمه ريّان بمكان عام و ريّان جا وقدم شكوى ضده وعصب : لو لا الناس ما ابعدوه كان الرجال راح فيها و حفيدك ماقصر فيه ، والان لازم يدخل التوقيف الجد اغمض عيونه بتعب وارخى ملامحه ونطق : لا ما يجلس ، انا ادفع كفالته لو ادفع ثروتي كلها فيصل يخرج ..عند نايف كان واقف والجوال بيده يتصل على رغد اللي اختفت منهم ومن انظارهم ونطق بحده : شوفي الزفت ماترد ديما بخوف وهي تبحث بأنظارها بالمكان عنها مو لاقيتها : ما اشوفها واتصل عليها ماترد نوف بخوف : يمكن رجعت القصر ؟ نايف قبض يدينه بغضب ويعض شفّته وتنهد بأعماق قلبه يمشي رايح وجاي متوتر و وقف قبال ديما وزفر : هذي ما تتربى الى العن جدفها ، شوفي اتصلي على العامله وحرصي جده ماتعرف اتصلت ديما على العامله والى ان وصل لها : مو بالبيت ؟طيب طيب جدتي لا تعرف ، اوكي باي قفلت الجوال وناظرت نايف بخوف ويأس : مو بالبيت نايف رفع حاجبه بصدمه : وين راحتت !! ديما بتوتر : استغفرالله مع ذي الادميه ما تتعب ولا تتوب نوف يدينها على ثغرها خايفه على رغد : يمكن عند عمي ابو سعود ؟ نايف : مستحييل وش ياخذها هناك ! ديما تعض اصبعها بتوتر : يمكن راحت مع منيف ؟ او انها تفكر رجعنا و تركناها وراحت معه ! او مع فيصل ! نايف هز راسه و نطق : تمام ابعد عنهم و راح مكان اصد واتصل على فيصل واستغرب عدم رده دخل بقلبه الخوف : طيب نرجع القصر وتشوف وش نهايتها ..في قصر ابو عبدالعزيز كانت تضرب الباب بقوه وتصرخ : افتتح الباب عمي افتح الباب وقف مشعل عند الباب ونطق بهدوء: افتح لك الباببس بشرط ! تهندت وهي تسمع كلامه طفشت من الوحده والجوع وبالحر اشتاقت لـ خواتها ومزحهم وضحكاتهم ماقدرت تتحمل المكان والعيشه فيه : قول مشعل بمكر : تتزوجيني والله اطلع من الغرفه لبيتك وقصرك دفت الباب بقوه ونطقت بغضب : تخسي اتزوجك انت وصخ وقليل ادب من بنت لـ بنت ابعدد عسااني موت ولا اتزوجكمشعل اسند ظهره للباب : قولي اللي بتقولين مايهمني الا انتي ، فكري ما راح تلقين احد بيناظر وجههك احمدي ربك باخذ فيك اجر نوره وضعت يدينها على اذنها ما تبغى تسمع صوته يخنقها : مشعل روح اموت ولا اتزوجك ، شاايف وجهك! حتى العامله يجيها اجلها اذا شافتك روح وابعد ضحك بصوت مرتفع : بتدمنين على كلمه تقولينها خليك محبوسه ازين لك ..قصر الجد دفها بقوه و زفر بعصبيه ونطق بصوت عالي : ادخلي خرجت الجده من المطبخ من سمعت صوت الجد معصب ويصرخ: شفييه ! ناظرت واقف وعلامه الشر بعيونه و رغد واقفه عنده وتبكي : وش صاير ، تركي شفييك نطق بتعب و بالقوه تخرج الكلمه من فّمه وعلامه الغضب بوجهه وصوته ومدّ يدينه على رغد ونطق : خذييها للغرفه وقفلي الباب وماراح تخرج من البيت و الجوال منها اسحبيه و وكل شي ممنوع صرخ وضرب الارض بعكازته : فااهمه خذيها من وجهي لا بارك الله فيها ولا في الساعه اللي جت فيها كانت تبكي ومنهاره و مسكت ايدها واخذتها للغرفه وقفلت الباب عليها و اتجهه لعند الباب وتدقه بقوه : اسمعونييي لا تتركوني هنا والله ماكنت قاصده اسوي كذا ، جده افتحي تكفين اتركتها الجده وهي حزينه ومتضايقه عليها ، جلست عند الجد اللي متضايق وتعبان منهم ومن مشاكلهم مصوب انظاره للأعلى ويفكر ماتوقع هالسوات من احفاده : نوره .. انا تعبان ناظرت فيه بخوف وتقربت منه ويدينها ترجف وتحرك كتفه : تركي وش فيك ؟ تركيي ! بو فهد ! تحرك وجهه و خده وتصحيه وطاحت دمعتها بخوف وصرخت يأعلى صوتها : تركي !! ..كانوا بالسياره و ساكتين وكل واحد غارق بهواجيسه و يفكر في مستقبله وحياته وكيف يعيشها وكيف يبعد عن المشاكل والمشاحنات والخناق ، كل واحد منهم يفكر باللي زعله و يضايقه ويقطع التفكير سبحه البريك و يناظر مصدوم : يالله !!ديما تناظر نايف بخوف و دقات قلبها مسرعه وضعت يدينها على شفايفها بصدمه : صدمتها !! نايف لف وجهه عليها ونطق بصدمه : ما شفتها !! والله ما شفتها نوف بخوف قلبها و يدينها وكل مافيها يرجف : انزل وشوفها نزل نايف وترك باب السايق مفتوح ، نزل بخطوات ثقيله ويدعي ربه تكون على قيد الحياه ، اتجهه للبنت اللي كانت بالارض ونزل لـ مستواها: اختي .. اختي ؟ ناظرهم بخوف ورفع اكتافه ونطق : ما تتحرك !.. عند سعود غطى جسمها باللحاف و باس خدها وجلس عندها يتأمل وجهه بحب : اموت فيك تركها و جا طلبه من المطعم و وضع على الطاوله واخذ جواله وجلس يطقطق فيه ويقلب بالبرامج بشكل عشوائي الا ان جاه اشعار من رقم مجهول : اذا ما تكلمت معي بشتكي عليك دخل على الرساله و قرأ محتواه وكتب : نعم .. من معي ؟ جاه الرد : انا شهد ، سعود بكلمك في موضوع ضروري واقسم بالله ان سحبت علي بتندم ندم حياتك كلها جاه الفضول يعرف مبتغاها بعد تفكير رد عليها : تفضلي اختي وش بغيتي؟ شهد : بتصل عليك ونتكلم سعود بلع ريقه اتجهه لـ مها اللي معطيته ظهرها وضيق نظره على وجهها مها كانت غاارقه بالنوم رجع مكانه و اخذ الجوال و كتب: طيب اتصلت عليه وترك جواله على الطاوله وضعه سبيكر و بدأ ياكل قبل لا يبرد الاكل وكانت تتكلم وتتكلم وتتكلم وخّرجت كل اللي بقلبها : بعد ماعرفت زوجتك عّنا تتهرب مني ليه ؟ مو كنت انا حبيبتك وحياتك و روحك ! وانا اللي بجيب لك اطفال وهي لا ! وش اللي تغير الان ليه الجفى حبيبي سعود! وين الحب وين الوعود وين هذا كله ! سعود انا احبك ومااقدر اعيش بدونك والله احبك فتحت عيونها بصدمه وطلع كل تفكيرها وشكها صح نزلت دموعها على خدها بغزاره بهدوء لاكن صدمها برده : اللي بيني وبينك انتهي وآنا مرتاح جداً مع زوجتي و ام ولدي تكفين اطلعي من حياتي وانا اعترف اني غلطت وماكان اتمادى واعطيك وجهه لاكن انا احب زوجتي وما ابغى اخسرها بسبب نزوه ، مع السلامة قفل الخط في وجهها و بدا يكمل الاكل جلست مها بعد ما سمعت كلامه ودموعها على خدها: سعوود الفت عليها بخوف بعد ما شاف دموعها : شفيك حبيبي ؟ اتجهه له وضمته بقوه : احبك والله احبك بادلها نفس الحضن والحب والمشاعر: اموت فيك..دخل فيصل القصر وسمع صراخ جدته : امي شفيك ! الجده وهي تبكي ومنهاره : جدك ما يتحرك ! !!اتجهه مسرع على جده و رفع راسه بحضنه وينطق بخوف : جدي شفييك ، جدي ردي علي ! ناظر جدته بخوف : شفيييه ! الجده وهي تبكي : من رجع مع بنت عمتك وهو متضايق تعب و طاح علي ولا يرد عليي صرخ على العامله تجيب مويا اخذها منها ويكبكب على جده وما يرد عليه ولا يتحرك ادرك انه نهايته ، اتصل على الاسعاف وهو يبكي..
ــــــــــــــــــــــــــــــــــــــــــــــــــــــــــــــــــ
📣| https://telegram.me/+QeK2RuLXdGPVWJtl
[🙇] انتظرونا في الحلقة القادمة ...