الفصل 14
📚قصص✍ وروايات📚:
📚| قـــــصــــص.وروايــــات.tt ♥
📖|" ##في_عيونها_دولة_وفي_رمشها_جيش_وفي_خدها_الوردي_هلاك_الشعوب🫶🏻
🎬| الــــحـــــلــــقـــــة【4⃣1⃣ 】
ـ➖➖➖➖➖➖➖➖
#تابعونا🔇 @horror_novel
ـ➖➖➖➖➖➖➖➖
كانت تناظر نوف من بعيد وماراحت انظارها عليها ، تقدمت لها ومدّت يدينها : سلام عليكم ناظرتها بستغراب وابتسمت وهي متوهقه بعد ما ابتعدت الجده عنها قبل لا تجي الحرمه وتبحث بأنظارها عن الجده ونطقت بخجل : وعليكم السلام.. من ؟ ابتسمت ونطقت بصوت عالي شوي : معك ام نواف.. انتي من بنته ؟ بلعت ريقها بتوتر وقلبها شوي يخرج من مكانه اول مره حرمه تكلمها بذي الطريقه: نوف بنت سيف لفت بأنظارها وتناظر الجده اللي واقفه و حولها هند : جدتي نوره ام فهدام نواف ناظرت الجده وابتسمت : اي عرفتكم ، كم عمرك ؟ نوف رجعت للخلف شويه وتبعد خصله من شعرها لخلف اذنها مو عارفه وش تتصرف مع الحرمه: 18 ام نواف توسعت ابتسامتها : تخرجتي ؟ ولا باقي تدرسين؟ نوف متوهقه من أسئلتها اللي مو جايه تخلص :أدرس ام نواف ارتاحت مره وتناظر فيها وتحدق فيها : ماشاءالله امك وينها ؟ نوف بلعت غصتها ماتبغى احد يذكرها بأمها : ماجات ام نواف : امممم ام نواف مسكت شعر نوف بقوه وشدته : شعرك؟نوف عبست وجههاا توجعت وتألمت ونطقت بسرعه : ايي! اي وش بيكون يعني!!ام نواف عدّلت جلستها وتقربت من نوف اكثر : ههه معليش بس شبكت ايدي داخل شعرك وقفت نوف : عن اذنك اتجهت نوف للحمامات " عزكم الله " وقفت عند المرايا وهي متضجره من تعاملها وأسلوبها وكيف تسأل كل هالاسئله : وع كييف كذا تشد شعري! تقدمت ديما لـ نوف ومستغربه كيف تتكلم مع نفسها : وش فيك؟ لفت على ديما وهي منهاره من تصرف الحرمه اللي شدت شعرها وسحبته بقوتها : وحده ماعرفها ولا تعرفني وتسألني أسئله غبيه وبعدها شدت شعري بقوه وصارت تقلد صوت الحرمه وتقلد حركاتها : معليش شبكت يدي داخل شعرك انهارت و ديما تضحك عليها : اضغطتني ديما ضحكت : شكلها تتأكد من شعركغمزت لـ نوف وضحكت وأكملت حديثها: شكلها انعجبت فيك وتبغى تخطبك عبست وجهاا وبلعت ريقها واغمضت عيونها تعبر عن كرهه لذا الطاري : تكفين لا ضحكت ديما ومسك ايدها : تعالي ندخلل..عند الرجال انتشرت ريحه البخور و العطور المكان مليان بالناس تبارك وتهني ~ تركي بن فهد بن تركي ال ثنيان ~ الجد واقف ويناظر وجهه تركي اللي حتى ابتسامه ما ابتسم تقرب منه وهمس له شد ورص على اسنانه يبين غضبه و عصبيته : ابتسم لا تخلي الناس تتشمت عليك وعلينا ، انت تركي بن فهد بن تركي افهم واستوعب هالشي اغمض عيونه وتنهد من اعمااق قلبه ماله الا ينفذ كلامهم ويسكت : ابشر تقدم ابو خالد عند الجد : الف مبروك، عسى ربي يسعدهم ويهنيهم الجد بصوت جهوري : الله يبارك فيك وعقبال عيالك ابو خالد : امين الكل يسلم ويبارك لـ تركي الجد يناظر كأنه يبحث عن احد ، طاحت عيونه على فيصل وأشر له يجي ، انتبهه فيصل له وشال اللثمه منه وجا : سم الجد : روح عند جدتك وشف الصواني العشاء على وصول اتصل على جدتك ما ترد أشر على أنفه وابتسم : على هالخشم وضع يدينه على كتف فيصل و ابتسم نطق : روح وتأكد ، من باب المطبخ الخلفي هو صاد ف يمديك تدخل محد حولك فيصل : ابشر تقدم ابو عبدالعزيز وخلفه أولاده عبدالعزيز و مشعل : الف مبروك يا بو فهد عقبال أحفادك الباقي نالت ملامحه ويكبت غضبه ما يبغى الناس تشوفه بعصبيته ابتسم ويمثل الفرح وصافحه : الله يبارك فيك وبرضوا عقبال عيالك ابتسم ابو عبدالعزيز وجلس حولهم ....خرج منيف بعد ما جاه اتصال وركب سيارته ورد على الاتصال ورد وهو معصب : نعم ما اخلص منك! ضحك بصوت عالي يستفز منيف : لا لا ما اتفقنا على كذا عض شفايفه بقهر ونطق بعصبيه : اخلص علي رد عليه و يحاول يقنعه : اذا ما سويت اللي اقوله لك ارسل الصور والمحادثات لـ جدك وانت ادرى بجدك منيف عصب وضرب دركسون السياره بقوه واحتدت ملامحه : ماعندك شي وسو اللي تبغاه ماتهمني وقفل في وجهه رمى الجوال عند رجله بعصبيه : الله يلعنك دق بأصبعه السبابه على شباك السياره اكثر من مره: شفيك؟ التفت بسرعه بخووف منخرش : بسم الله نزل الشباك ينحني له بعد ما رفع حاجبه يسأله : شفيك من تكلم ؟ منيف يحاول يهدي من نفسه : ولا شي نايف منصدوم منه : مافيك شي ومعصب ؟ منيف بلع ريقه ونطق بصوت هادي ويحاول يغير الموضوع: لا تحاتي مافيني الا العافيه ، ندخل لا جدي يشوفنا نايف ما مشت عليه وكأنه حاس منيف بمصيبه : تمام ..دخلت القصر وهي تناظره فخم والتنسيق متعوب عليه وريحه البخور منتشرة والمضيفات بكل مكان يضيفون المعازيم دخلت ماتعرف احد منه تدخل وتناظر الجده و بنتها و زوجه راشد ، جلست على اخر شي وتناظرهم كلهم : ماشاءالله جات هند تستقبلها : ياهلا والله نورتينا وقفت و أبتسمت كانت هاديه وأنيقه حتى بطريقة كلامها : ياهلا هند حدقت فيها وماعرفتها : انتي من بنته ؟ تنهدت بهدوء ونطقت : غدي بنت خالد اخ طلال هند ابتسمت : حياك الله حبيبتي معك ام العروسه انقبض قلبها وتتسارع دقات قلبها وبلعت
ريقها بكل توتر ونطقت بصوت خافت : امها ! بعدت خصله شعرها للخلف وتحاول ما تبين ضعفها وحزنها وكانت لابسه فستان نااعم وهادي ولونه ابيض : الف مبروك حبيبتي الله يوفقهم ويسعدهم هند : امين جلست غدى ونبضات قلبها مسرعه وطاحت دمعتها ومسحتها بسرعه قبل احد يلاحظ : اهخ لينا بهمس لـ اختها : ماشاءالله اول مره اشوف زواج حلو كذا غدي بلعت ريقها : اصلبي نفسك يا بنت وعزيها تنهدت غدي تتذكر اختها نوره : اشتقت لـ نوره لينا تنهدت : حبيبتي هي ما تستاهل ..دخل المطبخ من باب الخلفي وهو يحط صواني العشاء هل يكفى او يجيب زياده !! ، بيخرج سمع اصوات متجهه ناحيته تخبى ورا الباب : اسغفرالله مو وقتكم ! صار يسمع سوالفهم وضحكاتهم : نوفي تعالي ضبطي روجك هنا نوف بصوت هادي وناعم نطقت : طيب وقفت عند المرايا وهي تضبط شكلها وتناظر نفسها مُغرمه : ديما شرايك فييني !!! ديما ناظرتها وأبتسمت : ياحظ اللي بياخذك ناظرتها وابتسمت : امه داعيه له بالخير تقدمت ديما وهي تضحك : بتوافقين على نواف !! نوف راحت بعالم ثاني وخيالات حلوه: يمكن اي اوافق ديما بنظرات حزينه و مفرحه بنفس الوقت: الله يوفقكك أستوعبت زوجه ابوها ونطقت : اسمعي زوجه ابوي الغثيثة اخاف تبحث عني ما تلاقيني وتقول لابوي فـ بروح قبل لا تسوي شي انتي خلصي نفسك وتعالي نوف تقدمت لـ مرايا وتضبط روجها : تمام حبيبي دخلت نوف المطبخ تبغى تاخذ علبه مويا الا تنصدم بوجود فيصل ، رجعت للخلف بخوف و توتر : فيصل ! سحبها من ذراعها وثبتها عند الجدار و هو يناظر فيها وبلبسها وشكلها مارمش ثانيه وحده ويناظر عيونها و وجهها وحتى ثغرها مو مستوعب جمالها و اناقتها يناظرها بكل حب وهيام ، استوعب على نفسه ونطق بحده : وش كنتي تقولين ؟ بلعت ريقها بتوتر تحاول تفك منه مو قادره وتحاول تستوعب قربه عندها ، ويدينه متمسك بذراعها و تحس بأنفاسه الحاره على عنقها ، رص على اسنانه ينطق بلا شعور يحس بالغيره قبض يدينه يحاول يسيطر على نفسه : وش تقولين تو ؟ من اللي خطبك ! انطقيي! بعدت يدينها منه وتناظر فيه وهي معصبه : بعد عني ! وانت ايش دخلك من اللي خطبني ! تقرب منها ورجعّ يعيد كلمته لكن بعصبيه اكثر وعيونه تخرج منها نيران بطريقه اشد : من اللي خطبك ؟ ضربته على صدره ومسك معصم يدينها يهديها و يوقفها عن الضرب لكن بعد ما تذكرت كلامه لها ونالت ملامحها بحزن و تجمعت عيونها بدموع : بعد عني انت مالك دخل فيني مو انت تعتبرني اختك وش تبي ! بلع ريقه كيف بتروح لـ واحد غيره وهو يحبها ويعشقها من اول ما شافها دخلت مزاجه يحب خجلها و خوفها و حنيتها وحتى كلامها : افهميني يا نووف بكت وطاحت دموعها : بعد عني ما ابغى افهم شي مسك ايدها بقوه ويحاول يفهمها لكن رافضه تسمع منه شي وتحاول تقاومه وتبتعد لكن بحركه منها بدون قصد صدمت بصدره و وطبع الروج على ثوبه وقفت مصدومه وضعت يدينها على ثغرها ودموعها اللي حاست ميكبها بلعت ريقها مصدومه : اسفه مو قصديناظر الثوب ومن ثم ناظرها بصدمه كيف يواجهه الناس بالشكل هذا وش بيقول لـ جده و اخوانه وحتى عيال عمّانه ! اردف بهدوء : يروح ؟ حركه راسها بالايجاب: اي بس ثواني خرجت تبحث عن مزيل ميك اب عالسريع ، وهو ينتظرها ومتوتر احد يشوفه بذا المنظر ويفكر غلط سمع صوت الجده وهي تقلط النساء على غرفه الطعام توهق وتخبى بالدولاب الى يفرجها الله .. الجده تناظر نوف وهي مقبله : نووف تعالي التفت نوف على جدتها : سمي الجده: نادي عمتك هند نوف تناظر المطبخ متنحه : طيبالجده استغربت : شفيك ؟ انتبهت على نفسها وابتسمت : الان اناديها ...أنتهى ✨قراءة مُمتعه ولا تنسون ⭐️
ــــــــــــــــــــــــــــــــــــــــــــــــــــــــــــــــــ
📣| https://telegram.me/+QeK2RuLXdGPVWJtl
[🙇] انتظرونا في الحلقة القادمة ...