الفصل 13
📚قصص✍ وروايات📚:
📚| قـــــصــــص.وروايــــات.tt ♥
📖|" ##في_عيونها_دولة_وفي_رمشها_جيش_وفي_خدها_الوردي_هلاك_الشعوب🫶🏻
🎬| الــــحـــــلــــقـــــة【3⃣1⃣ 】
ـ➖➖➖➖➖➖➖➖
#تابعونا🔇 @horror_novel
ـ➖➖➖➖➖➖➖➖
من عرفتك وانا اشوف الناس بطرف عين احس اني ملكت شي مايملكونه '..خرج صاحبه عند الباب " غيث " وميل شفته و مسك شنبه وناظر نايف اللي مد يدينه يصافحه ونطق بطريقة مو كويسه بها تقليل : الا بسألك نايف ؟احتدت ملامحه نايف اردف يودعه : اسأل غيث! غيث قرب من نايف وهمس بأذنه وانظاره على بوابه القصر وننطق : البنت اللي دخلت المقلط تقرب لك ما كمّل كلامه الا نايف مسكه من ياقه ثوبه وشده بكل قوه و توسعت عيونه بغضب و شر يخرج من عيونه : وانت وش دخلك بها وش تبغى توصل له! مسك ايد نايف وابعده عنّه ويضحك!: هد هد ما ابغى شي بس اسئل ! نايف اضربه على صدره و دفعه للخلف بكل قوه و قهر يسئل عن اهله و ليه يسئل من الاساس ! رص على اسنانه ونطق بصراخ : اهلي لا عاد تسأل عنهم ويلا اذلف وان شفتك متصل اذبحك ويلا فاارقمسح على شواربه و ينحني ياخذ جواله اللي طاح بالارض و اتجهه لسيارته ونطق بصوت عالي : تمام هيّن دخل نايف القصر و غيث اتجهه لبيته ..جلس على حيله وهو يقرأ كلامها و يقرأ اكثر من مره يحاول يستوعب عقله مشاعرها و كلامها حبها له : نوف !! يكتب ويرجع يحذف الى ان كتب لها بعد تفكير عميق وتردد : نوف انتي مثل اختي و انا احترم كل مشاعرك و حبك بس انا ما اشوفك الا اخت ، اخوك فيصل ترك الجوال على الطاوله و هو يفكر بكلامها ومشاعرها ويتذكر كلام ابوها و تهديده و تحذيره تبتعد عن عيال فهد بالذات ويذكر خوته و رفاقته مع اخوها بدر ماحب يستغفله و يخون ثقته ، و ماحبّ يعلق بنت عمه على حب نهايته مو حلوه و مسدوده وهو ما يخفى حتى هو يحس بمشاعر اتجااها ، هو يحبها يحب خجلها و طفولتها و براءتها : الله يسامحك ياعمي قرأت كلامه نالت ملامحها بحزن و احراج كيف يشوفها اخت ! انا تسرعت وارسلت ! هو يشوفني اخته ! طيب ونظراته و كلامه ! طيب دفاعه عني !رمت الجوال على الارض بكل قوه وبكت من رده وكلامه وما توقعت بيرد عليها بذي الطريقه! وندمت اشد الندم ارسلت له نطقت بكل حزن و دموع على خدها : اكرهه نفسي ..فتح باب غرفه تركي بهدوء دخل بدون لا ينطق بكلمه جلس و استقر نظره على التلفزيون.. تركي كان واقف يضبط الأضاءه : شفيك رفع نظّره على تركي : انت مجبور على زواج من هيا ! تركي التفت عليه بسرعه ونطق : من قال هالكلام! رفع رجل على رجل و وضّع يدينه على دقنه ؛ وجهك اللي قال انت شفت وجهك وهما يباركون لك !!! تركي جلس على طرف السرير وهو يتذكر تفاصيل اليوم اللي اجبره على الزواج : اذا جدي قال كلمه تتنفذ غصب عن الكل تقدم له واكمل كلامه : انا انفذ كلام جدي وبس وطز بمشاعري و حبي و كل شي فيصل ينحني ظهره للامام : تكلم معه الى ان يمنع هالزواج ! دخل عليهم الجد بغضب ويأشر عليهم مصدوم : وش جالس اسمع! انتم تجننوني ! وقفوا فيصل و تركي بعد ما دخل الجد عليهم بعصبيته وغضبه اللي وده يكسر الباب من عصبيته فيصل باس راس جده : اسف ابوي ما كنا نقصد ضرب عكازته بالارض اللي تعبّر عن زعله و غضبه، استدار و لف وجهه بيخرج : والله اني ما اعرف اربي والله اني اربيكم من جديد ، والله اي احد يعترض على كلامي والله مايحصل خير اتجهه عند جده ويمسكه لكن ابعد عنه : ابعد انتم بتذبحوني فيصل وقف أمام جده وهو يترجاه ويبوس راسه: والله اسف الجد كشّر وجهه ورفع أصبعه السبابه بتهديد: ان سمعت اي كلمه تعارضني ما تلومون الا انفسكم فاهم فيصل ابتسم ويأشر على انفه : على هالخشم ..يوم الثاني , على الغداء الكل" الجده ابو بدر تركي فيصل نايف " جالسين على طاوله الغداء الجد تبحث عيونه عليهم ونطق بتساؤل : نوف وينها ؟ ما اكل الا و نوف عندي وينها ؟ التفت على ابو بدر : وين بنتك ؟ابو بدر اردف بهدوء : يمكن نايمه او ما تبغى تاكل الجده وقفت : اناديها الجد رفع حاجبه و يشوف الجده تنادي نوف و ابوها جالس ومكمّل غداه ولا هامه الموضوع ولا معتبره شي : اجلسي يا نوره ، سيف قم وناد بنتك نزلت نوف قبّلت راس جدانها واتجههت عن فيصل ونايف واغمضت عيونها ما تبغى تناظر فيه منحرجه منه و سحبت الكرسي وجلست عند ابوها ونطقت بهدوء: اسفه تأخرت ابو بدر لف عليها واحتدت ملامحه بغضب بهمس : وش عندك متأخره !! نوف تنهدت و قالت بهمس : اتروش الجد : اكلوا عليكم بالعافيه ..نايف حبّ يقطع الصمت اللي دار عليه اكثر من 10 دقايق : ابوي شرايك نروح البر والله تجنن و الأجواء اوربيه الجده التفت على الجد و نالت ملامحها بترجي ودها تخرج وطفشت من الجلسه : اي يابو فهد الجد : بعد زواج تركي و هيا تركي انقبض قلبه و يسمع زواج تركي وهيا وده يبوح وده يتكلم وده يصارخ بأعلى صوته ويمنع هالزواج ويرتاح منه بس مانطق بحرف وقف تركي : سفره دايمه الجده نوره تناظر فيه : ما اكلت يا حبيبي ! تركي اخذ جواله و نطق بصوت هادي ، ابتسامته و ضحكته و روحه الحلوه راحت بعد قرار جده :
شبعت ، عن اذنكم صعد و الجد يناظر فيه بخفى : الله يهديك ..قدمت الشاهي عنده وقفت أمامه وهي ممبتسمه : تفضل حبيبي ، بالعافييه اخذ الشاهي من يدينها اللي مزينها بالذهب ومن ثم ناظر وجهاا اللي مليان مساحيق التجميل : الله يعافيك ياروحي جلست عنده وجلست بين احضانه : ما ابغى الا قُربك كانت تناظرها وتناظر الحب بعيون أبوها لزوجته الثانيه يحب ويدلع ويدلل اما امها ما يعاملها الا بالصراخ والعصبيه ويترك البيت بالاشهر ثم يرجع نطقت : ابوي ممكن اتكلم معك ؟ التفت على بنته بدون نفس : وش تبين ! ديما بحزن : عادي اروح بيت جدتي ؟ رفعت رجل على الثانيه وهي تعدّل لبسها وتناظرها : شعندك ! ديما بلعت ريقها : بجلس مع بنت عمي وجدتي ماراح اطول اشتقت لهم طفشت بروحي ! زفر بعصبيه بعد ظهره من الكنبه ويناظرها : واللي معك هنا اصنام ! ام رعد مسكت ذراعه تمنعه يقوم لها : خلاص حبيبي اتركها وقفت بصدمه من عصبيه ابوها : اسفهصعدت غرفتها وهي تبكي التفت ام رعد على سلطان و تتكلم و تعبّي راسه من هالكلام: لا تسمح لها تتمادى عليك أدبها صوب انظاره على الشاهي ويركز على كلامها من ثم ناظرها : صح كلامك انا اربيها ابتسمت بخبث و تتكلم بخفى : مسأله وقت وكل شي بأسمي وبأسم ولدي ..عند منيف جلس وبعد اللحاف منه بضيق وهو يتنفس بسرعه : استغفرالله لاحظته توتره و خوفه على وجهه تقربت منه وضعّت يدينها على وجهه و عوارضه : شفيك حبيبي ! مدد ذراعه اليمنى على أكتافها العاريه ويشد عليها وأرخى ملامحه بتعب : مافيني شي ابتعد عنها و اتجهه للحمام يغسل وجهه اكثر من مرره وهو يتذكر تهديداتهم له : اف وقفت عند الباب وتناظر فيه مستغربه مو عادته يجيها مشتاق ومبسوط والان ساكت وماله خلق ونطقت : شفيك حبيبي ! خرج من الحمام وجلس على الكنبه ناظر جواله اللي يبنفجر من الاتصالات اخذ جوااله وناظر رقم المتصل : مالي خلقك جلست جنبه : من ؟ رمى الجوال ونطق : امي نطق بدون نفس : هاتي التيشيرت اعطته التيشيرت و لبسه و وقف : انا بروح البيت وقفت ودفنت جسمها الصغير بصدره العريض واغمضت عيونها : انتظرك الليله هنا قبّل راسها ونطق : ابشري خرج من الشقه و نزل وهو متوتر من التهديدات اللي تجيه مو عارف من السبب ومن ذا اللي يهدده : من ذول وش يبغون مني اتجهه لـ سيارته وركب وقفل الباب بقوه ، فتح اول مسج وصل له ومضمون المسج " تبغى نبتعد عن مضايفتك سووا اللي نطلبه منك "..~ المساء - في قصر الجد ~دخلت غرفته بعد ما طرقت الباب التفت عليها وتقدم مسرع يساعدها تجلس : تفضلي جدتي جلست على الكنبه وكأنه مأخذه بخاطرها عليه : اترك اللي بيدك وتعال عندي موضوع سحب الكرسي وجلس أمامها ومسك إيدها وشد عليها وهو مصوب انظاره للارض ما يبغى يناظر حزنها عليه : امريني رفعت كفها بحنيه وضعته تحت دقنه و رفعته للأعلى : ناظرنيناظرها وأبتسم : ابشري تنهدت بعمق ومن ثم نطقت : صارحني ، جدك أجبرك على هيا ! واذا ايوا وش السبب اللي يخليه يسوي كذا ! تذكر موقفه مع غدي بالشركه و شوفه عمه له انغبن واصرار جده لـ زواجه من هيا بسبب هالموضوع : لا انا مو مجبور وسّعت له المكان بقربها وبين احضانها : تعال عندي جلس عندها وضع راسه بحضنها وتمسح على شعره و تشد بحضنها وتخليه يهدأ : اذا انت ماقلت لي اللي يضايقك من يقول لي؟ انت ولدي و حفيدي واشوف الحياه فيك قول لي وش مضايقك ومزعلك ؟ انا حاسه من اول يوم كنا بالمزرعه قولي وش صاير لك ! رفع بصره وناظرها وأبتسم : يا حبيبتي مافيني شي لا تحاتين ما ارتاح قلبها بكذبته و سكوته بالنهايه بتعرف .. ..عند سعود وقف جنبها ومسك كتفها بهدوء وتقدم بحنيه وابتسم : الحمدلله انك اعطيتيني فرصه ، اعتذر عن كل اللي سويته معك بلعت ريقها وتنهدت بعمق ، كل هدوءها و صمتها مو يعني راضيه عن اللي صار بس عندها طفل جاي بالطريق تبغاه يتربى بحضن امه وابوه رفع طرف فكها بأصبعه السبابه والتقت عيونها بعيونه : نطلع نغير جو ؟ مها نطقت بهدوء : لا مسك وجهها بيدينه بكل هدوء : عشاني تكفين رمشت بشكل سريع تحاول ما تناظر عيونه اللي تحكي الندم : اوك البس عباتي توسعت ابتسامته و اتجهه يلبس الثوب والشماغ : تمام حبيبتي اساعدك ؟ هزت راسها بالنفي و لبست عبايتها و الطرحه على اكتافها : خلصت كان واقف أمام المرايا و يضبط الشماغ بعد ما انتهى تضبيط الشماغ التفت عليها ومسك يدينها وباسها : احبك نزلت راسها بخجل ولا ردت عليه ....عند ديما مسك ذراعها بكل قوه وهي تتألم : ايدي رص على اسنانه ونطق : ترفعين حسّك علي ما تلومين الا نفسك انا اخوك وتسمعين كلامي فاهمه؟ دفعها بالارض بكل قوته و ضربها عند رجلها بقوه : الان تقومين تسوين شاهي انتظره بالغرفه اتجهه تخرج من غرفته و هي طايحه بالارض وتبكي وش فعلت عشان ربي يعاقبها ، جلست و تناظر الكدمات الزرقاء اللي بيدها و ذراعها: ااخخ وقفت تعرج وتبكي وتتذكر كلامه و ضربه لها تبكي اكثر نزلت تسوي له شاهي ، طرقت الباب ومن ثم دخلت غرفته : تفضل التفت عليها و قفل مايك البلايستيشن بسرعه و تركه على
الطاولة و وقف أمامها ونطق بصوت عالي: كييف تدخلين غرفتي بدون ما تستأذنين! وكيف تنطقين وأخوياي يسمعون صوتك!رجعت للخلف وهي تناظر غضبه كأنه ثور هايج مدت يدينها له بكوب الشاهي : اسفه عض شفايفه بغضب فزّت و شهقت من ناظرت ضربه لـ الشاهي اللي بيدها وانكب بالارض وطاح الكوب نطق بصوت عالي : انقلعي بررا خرجت و تبكي بسبب صراخه و عصبيته و رميته عليها بالشاهي .. ..نزل من سيارته على الموقع اللي انرسل له ، نزل وهو يناظر المكان اللي يبعد عن مدينته ساعه ، مصدوم من المكان و الريحه يلتفت يمين ويسار يبحث عن اي احد وعن اي ظل وعن اللي ارسله وكلمه الا يسمع صوت متجهه له : حي الله منيف حفيد تركي مد ايده له وهو ممبتسم : حياك يا بو تركي منيف يناظر يده اللي انمدت له ومن ثم ناظر المكان متعجب نطق بكل حده : نعم! من انت وش تبغى مني ومن جدي! ضحك بصوت عالي وارسل نظره على البيت القديم وابتسم : ندخل وافهمك كل حاجه وضع يدينه أمامه يمنعه ، شكله و كلامه و وهيئته غريب مو مريح : لا ، عندك شي قوله هنا ميل شفايفه و ضحك وخفض صوته : تخاف ! منيف بصوت عالي مو عاجبه شي من كلامه : مو خايف منك اخلص علي ماني رايق لك ضحك بصوت عالي وهو يناظر منيف وغمز له : تعرف لينا ؟ اللي انت تجلس معاها و تسولف و تضحك وتاكل وتشرب معها ؟ وبينكم خلوه غير شرعيه !! منيف انقبض قلبه ودقاته سريعه وهو يسمع اسم حبيبته و عرف عنه كل شي يخبيه ويخفيه عض شفايفه بقهر : خيير وش جالس تقوله ! تقدم له بكل هدوء وهو ينطق : لينا بنت خالد حفيده خوي جدك تركي بن فهد ، قصدي عدو جدك اللي حذرك ما تقربون منهم هو السبب سرقه و احتيال أملاك جدك و رجع واشتغل على نفسه الى ان صرتم في العز والخير كله .. اكمل او يكفي ؟ عرفت لينا ؟ عرفتها ؟ صرخ منيف بأعلى صوته وكاد ينفجر : وش تبغى مني وقف أمام بكل برود و هدوء يخرج غضب منيف : شرايك افضحك و انشر غسيلك و اخلي سيرتك في كل لسان ! او اقول لجدك واللي فيها فيها تنفس بطريقة مسرعه و بلع ريقه وقبض يدينه بغضب واحتدت ملامحه : ما تهددني انت تعرف من انا ومن اكون فـ الزم حدك تركه وركب سيارته وابعد عن الطريق وهو يفكر....عند فيصل منسدح على سريره ويفكر بكلامه و رده لها كأنه تسرع و تهور اغمض عيونه وارخى ملامحه وتنهد بضيق ما حسبها صح : اعتذر لها! جلس على حيله وبعد اللحاف عنه وهو يبحث عن جواله اللي اختفى فجأة: مو وقتك تضيع صار يبحث عن جواله واخيرا لقاه يشحن ، اتجهه ياخذه ويكلمها و يعتذر بس تردد : لا الا كرامتك يارجال. جلس على الكنبه وهو يناظر للاعلى ويناظر غرفته اللي جلست فيها فتره طويله لكن لمح شي غريب عليه : وش هذا ؟ لقى دفتر مذكرات على شكل ورود و لونه ابيض و قلم اسود بالنص كأنه وقفت الكتابه وقفلت بنصه ، اخذه و نفسه تراوده يفتحه ويشوف محتواه ونطق بخفى : اتوقع لـ نوف اخذ الدفتر ويفتحه بشكل عشوائي وطاحت عيونه عليها : امي حبيبتي و نور عيني احبها اعظم ام شفتها بحياتي ،ربتّ اخوي بدر اللي كلنا نفتخر فيه بعد كم سنه و ربتني افضل واحسن تربيه ما حسستني بالنقص كل اللي احتاجه اشوفه عندي قبل لا اطلبه منها امي مُدرسه اسلاميه علمتني وربتني وتعبت علي مافي مثل أخلاقها ابداً وأبوي يحب امي ويحترمها ويقدرها وحياتهم حلوه ما عمر ابوي صرخ عليها او زعل منها ومستحيل تصير مشاكل بينهم ،ولا عمره صرخ علي و على بدر ودايم يحب يسمع لنا و ويأيد قرارتنا واذا كانت على خطا يوضحه لنا ويفهمنا ، لكن بيوم الايام سمعت صراخ أبوي على امي ! يسبها ويطعنها في شرفها ويقول تخرج و تكلم رجال ، من ذاك الوقت ماقدرت اشوف امي ابوي طلقها و اخذني وجابني عند جدتي والى الان انا حايره مو عارفه وش اسوي اقول لـ بدر او اسكت مو عارفه ..انصدم فيصل من اللي قرراه : يالله ! كيييف كذذا مستحيل سمع خطوات متجهه لـ غرفته خبى الدفتر بسرعه وجلس ، دخل نايف : فيييصل ناظره بهدوء: وش فيك ؟ نايف : جدي يبغاك فيصل وقف : جاي..في قصر ابو عبدالعزيز نطق طلال بصوت عالي عشان يسمعون كلامه : لا تنسون يا بنات ترحون زواج تركي حفيد تركي بن فهد لازم نوجب الناس موضي ميلت شفايفها ونطقت بشوفه نفس : انا مووضي بنت جبران اروح زواج اللي ما يتسمون ! ابتسم وناظرها : تروحين تروحين رفعت حاجبها : تهدد ؟ ضحكت ونطق : لا بس تروحين انتي والبنات والعيال معي لازم نوجب الناس وقف واتجهه لغرفته يرتاح مشعل لف وجهه لـ امه : ابوي شفيه! كييف نروح ؟ عبدالعزيز مدد ذراعه على الكنبه : نروح وش ورانا سمر وهي تلعب بشعرها وتنطق بغرور : اسفه ماما ماراح اروح موضي تنهدت و اكملت تشرب القهوة و هي تفكر بالموضوع ..وقف أمام المرايا يناظر الشماغ ويضبطه ، والتفت يناظر البشت اللي على طرف السرير وتنهد ومرر أنظاره ويتأمل الغرفه كلها تجهيزات لزواجه جلس على الكنبه ويهز رجله بتوتر وقلق وكان متضايق ما يبغى هالزواج بس ماعنده الشجاعة يوقف الجد مايبغى يضايق جده برفضه من زواجه من هيا يبغى الكل ينبسط على حساب نفسه وكرامته و قلبه وحتى
مشاعرهبلع ريقه بنزعاج بعد ما عقد الشيخ لهم صعد لغرفته يرتاح الى ان يخلصوا ويروحوا القصر الزواج دخلت الجده نوره بكامل اناقتها و زينتها وهيبتها دخلت وهي تهلل و تبارك لهم : تركي حبيبي التفت عليها بعد ما سمع صوتها و نبرتها الحنونه : سمّي يا عيون تركيالجده تناظر وجهه واضح عليه الحزن متضايق : حبيبي شفيك هذا زواجك فرحك لازم تنبسط فيه مايصير كذا تركي ابتسم ويمثل عليها كل شي طبيعي: مبسوط من قال لك اني مو مبسوط؟ الجده تنهدت : عارفه انك تمثل علي وحتى على نفسك ، قوم ارقص و افرح والله بتدعي لـ جدك انو زوجك هيا والله هيا مافي مثلها ولا احد يوقف جنبها من حلاوتها وجمالها وجمال روحها واخلاقها قم يا حبيبي قم نطق بهدوء : ان شاء الله الجده نوره : يلا ياحبيبي حنّا بنسبقكك للقصر ما اكملت كلامها الا الجد دخل غرفه تركي ونطق بشده : يلا تركي لا نتأخر تركي : ابشر ..في القصر ✨كانت العروسه هيا طلتها غير الميك اب ناعم ، فستانها فخم ومرتب وانيق انتهت من الميك اب والشعر وقفت أمام امها بزينتها وجمالها العمه هند نالت ملامحها بحزن و نفس الوقت فرح وضمتها بصدرها ونطقت بهدوء : لا اله الا الله جميله يا بنتي ، ياحظه فيك ، الف مبروك ياروحي نزّلت راسهاا للارض ونطقت بصوت هادي : الله يبارك فيك . هند تقرأ عليها الأذكار و تحصنها : حبيبتي ابتسمي هذي ليلتك هيا بتوتر : ان شاءالله رغد دخلت عند اختها : واووو ماشاءالله تبارك الرحمن تهبليين قمر قمر الله يسعدك هيا قلبها و يدينها وكل ما فيها يرجف ليله غير عن باقي الليالي شعور غريب : صدق كل شي بيرفكت؟ رغد حركت راسها بالايجاب: مرره تهبلين ماشاءالله هند تضبط طرحه هيا :استريحي يا ماما وهدي ولا تتوترين هيا تحس قلبها بيخرج من مكانه من الخوف و التوتر: طيب خرجت هند للمعازيم وجلست رغد عند أختها ....كانت نوف لابسه ستان اسود وميك اب خفيف ونااعم وبارز ملامحه وشعرها الطويل الناعم منسدل على ظهرها وكانت طول الحفله جالسه عند جدتها ، اما ديما لابسه فستان طويل وضيق عند الخصر و اكمامه طويله لونه اسود وشعرها ستريت ، اما رغد ميك اب بارز جمالها و ناعم وانيق ، شعرها ويفي وفستانها احمر وبارز معالم انوثتها و وعاري اكتافها وظهرها وطويل ✨
ــــــــــــــــــــــــــــــــــــــــــــــــــــــــــــــــــ
📣| https://telegram.me/+QeK2RuLXdGPVWJtl
[🙇] انتظرونا في الحلقة القادمة ...