الفصل 10
📚قصص✍ وروايات📚:
📚| قـــــصــــص.وروايــــات.tt ♥
📖|" ##في_عيونها_دولة_وفي_رمشها_جيش_وفي_خدها_الوردي_هلاك_الشعوب🫶🏻
🎬| الــــحـــــلــــقـــــة【🔟 】
ـ➖➖➖➖➖➖➖➖
#تابعونا🔇 @horror_novel
ـ➖➖➖➖➖➖➖➖
دخل دخل جناحه وهو مبسوط بعد ماسمع الخبر حملها تقدم لها بخطوات سريعة والابتسامة مليااانه وجهه : مها حبيبتي! وقفت بتعب و ارهاق مانطقت ولا حرف حضنها بقوه وهو مبسوط وطاير من الوناسه وضع يده على وجهها بحنان : مبروك يا عمري واخيرا راح اصير اب وانتي ام ؟ كانت واقفه جسد بلا روح و دموعها على خدها كل ما تتذكر المحادثات و الغرام والحب تبكي اكثر، انصدم منها وناظرها بذهول مسك وجهها بكفوفه : حبيبي شفيك؟ تعبانه؟صار يحاول فيها تتكلم وتقول ولكن رافضه تقول اي شي رافضه تبرر له رافضه حتى تسمع له بعد اللي سواه!مسك ايدها بحب وسحبها بحضنه وحملها ويناظر فيها وهو مغرم منبسط بحملها : انتي ماراح تشيلين شي أنتي ترتاحين جلّسها على الكنبه و جلس على الارض : احبك ما اعطت اي رده فعل كأنه ماتشوفه نطق وهو عاقد حواجبه: شفيك حبيبتي؟ واخيرا نطقت أغمضت عيونها وتتذكر تفاصيل ذاك اليوم: من شهد توسعت عيونه من سمع اسم شهد وارتبك : شهد؟ هذي زميلتي شفيها لفت عليه بسرعه وهي تكمل حديثها: شهد حبيبتك ضحك يحاول يهديها ويفهمها الموضوع: لا مو حبيبتي انتي حبيبتي وعمري وحياتي وقفت وصرخت بأعلى صوتها ماتحملت كذبه عليها ويستغفلها: لا تكذب عليي!! لا تتتتكذب اخذت جوال واتصلت عليها فيديو كول ردت بسرعه عليه : هاي حبيبي سعود حاول يسحب الجوال منها لكن اركضت للغرفه وتقفل الباب الغرفه ونطقت مها بحزن ودموع : معك زوجه سعود قفلت شهد ، سعود عصب وصرخ بكل قوه : افتحي البااابمها وقفت عند الباب وهي تسند عليه وتبكي منها انهارت : لا ماراح افتح لك روح لها الله ياخذك وياخذهاسعود مسك مقبض الباب وصار يترجاها: تكفين افتحيلكن مها عيت تفتح الباب..يطرق الباب عشان تفتح له مايبغى تنام ببدون ماتسمع تبريره يبغى يبرر لها بأي شي المهم تصدقه مثل ماصدقته من قبل في كلمه يقولها خيّم الصمت عليهم اللي يفصل بينهم الباب الخشبي الابيض اسند ظهره على الباب وهو نادم اشد الندم و مها تبكي بحرقه وغصه بألم بقت على هذا الوضع ساعات تقدمت للسرير وانسدحت و خلّت المخده ملاذ اللي يستقبل صرختها وآهاتها ودموعها قطّعت مافيها حتى أحمرت عيونها تحس بحراره فيها ماتقدر حتى تلمس عيونها من شده الالم ..في قصر الجد دخل غرفه تركي كان محافظ على نظافتها و ترتيبها وحتى ريحتها تجنن دخل وهو ينادي عليه : تركي!! أقبل على جده وجاهل مبتغاه تقدم له والف فكره و فكره براسه ويفكر انكشف وانكشف سره : هلا الجد وجهه و صوته و اسلوبه كلها تشير على عصبيته : صحيح اللي سمعته ! بلع ريقه تركي ونطق : وش سمعت! الجد بنظره حاده ماتوقع هالشي يجي من تركي اللي رباه وتعب على تربيته : انت تجيب بنات في الشركه ! انت تسوي خرابيط والعياذ بالله ! انا ما ربيتك هذي التربيه انصدم تركي من سمع كلام جده و انهار داخلياً مو قادر يبرر موقفه مو قادر ينطق بكلمه وحده عصب الجد : تكلمقبض يدينه و برزت عروقه و شّدت ملامحه مايقدر يتكلم مع جده بطريقه مو كويسه : عمي سلطان هو اللي قال لك؟ صد الجد عنه وجلس مطأطئ راسه وهو يردد الكلام: انا ما ربيتك كذا نزل لمستواه ويناظر فيه و تعابير وجهه تحزن وتكسر الخاطر: والله العظيم انت فاهم غلط خلّني اشرح لك وقف الجد وهو معصب : لا تشرح لي شي ولا ابغى اسمع منك شي تركي بغصه وهو مظلوم من هذا كله : يبا اسمعني الله يخليك لا تظلمني الجد بقهر ماتوقع هالشي من تركي : لا تقول لي شي وقف الجد و وقف أمام تركي وهو يناظره بحده و عصبيه : ماعندي ولد بأسم تركي دامك بذي الوصاخه تركي عض شفايفه واحتدت ملامحه: والله العظيم انا مو كذا لكن الجد صد عنه وتركه وراح وراه : ابوي اسمعني الجد : خلاص ..اليوم الثاني , الساعه 3 العصر , في الشركه وقف وهو رافع حاجبه مستغرب من جيته و دخوله بهذي الطريقه ونطق بخفه ؛ هذا ليه يدخل بدون استئذان؟ نطق وهو يحاول يكون مروق مايكون معصب : ياهلا ابو عبدالعزيز، حياك الله أقبل ابو عبدالعزيز وجلس واضح عليه الزعل: هلا تركي ابتسم على قدر المستطاع: حاب تشرب شي؟ التفت ابو عبدالعزيز على تركي وهو معصب : مابي شي منكم ، جدك وينه ؟ ليه يتخبى مثل النسوان ! وقف تركي وضرب الطاولة بعصبيه احتدت ملامحه بغضب و حده : يوم تذكر جدي اذكره بأدب تكلم زين لا تندم وقف ابو عبدالعزيز ويناظر هيبه و رهبه وقوه تركي اللي اخذ صفات وقوه جده هذا تربيه تركي : اسمع ماني فاضي لك جدك يجي الان ولا والله بتندمون فهمت تقدم تركي لـ ابو عبدالعزيز ونطق بحده : شوف انت شايب ومافيك قوه وانا محترم هالشي وارتفع صوته ونطق بعصبيه وهو يحلف ويهدد : والله العظيم واقسم بالله ان جا شي لـ ابوي ما تلوم الا نفسك ويلا فارق صد تركي واعطاه ظهره وابو عبدالعزيز بغضب : اوريك وخرج جلس تركي على الكرسي ومنزل راسه للارض وهو يتنفس بعمق دخل خويه متعب :
وش صاير ليه الصراخ؟ رفع بصره على تركي وهو خايف عليه ويسمعه يتكلم: ابن الكلب جاي يهدد جدي متعب سحب الكرسي اللي امامه وجلس : اوووف ليه وش صاير وش يبغى؟ رجّع ظهره ويسنده ويدينه تحت دقنه وهو يناظر متعب واضح عليه العصبيه : مدري عنه بس جاي يقول عن جدي يتخبى مثل النسوان تعجب متعب من الكلام : هالدب ذا يهدد العم تركي ! يهز رجله بكثره وزم شفايفه : والله لا اربي هالشايب اصبر علي ..دخل نايف غرفه فيصل اللي بابها مفتوح عالاخر : فييصل !ناظره وينتظر يكمل كلامه : وش جلس نايف على طرف السرير وهو يناظر الغرفه بضحكه : ماشاءالله استلمت الغرفه فيصل رفع حاجبه ونطق : شايفني بوسط غرفتي واغراضي حولي تقول هالكلام! لا حبيبي انا جاي اخذ الطلب وامشي !! اكمل كلامه : وتسألني اسئله غبيه مثل وجهك ليه ؟ نايف ضحك بصوت عالي : خلاص خلاص جلس فيصل وهو يناظر نايف : مادري عنك جاي تسأل اسئله غبيه نايف قفل الباب الغرفه واتجهه لـ اخوه : خذ ناظر ايد اخوه و توسعت عيونه بصدمه : زقار..حط يدينه بشفته ونطق بهدوء: ارفع حسّك بعد ؟؟ بعد ايد نايف ونطق : انت مو صاحي تبغاني ادخن ؟ نايف حط الزقاره بفمه : اشرب اول ما بدا يستوعب اللي سوواه اخوه حبّ يجرب بلع ريقه : ودي نايف ضحك : دام ودك جررب بدا يشرب الزقاره وتو يخرج الدخان من فمه الا دخل الجد عليهم ويشوفهم بذي الوضعيه انصدموا كلهم ، نايف و فيصل يناظرون بعض ومن ثم ناظروا الجد اللي وجهه تغير : شفيكم !!! كح فيصل بقوه وتقدم الجد له بخوف : بسم الله عليك نايف : مابه الا العافيه ماعليك الجد ناظر نايف بحده : انت اساس البلاء مسك اذن نايف بقوه وتألم ؛ اخخ ااذني جدي بشويش الجد خرج من الغرفه وهو ماسك اذن نايف ونايف يتألم : دواك عندي وقف الجد عند المسبح الداخلي وهو ماسك اذنه ونطق بصوت عالي : فييصل تعال فييصل جا فيصل وهو يناظره ويضحك : سم ترك اذنه و رماه في المسبح بارد مرره ومع الجو يكون ابرد نايف خرج من المسبح وهو يرجف : جددي! وجّهه العكازه أمام نايف ونطق بحده : ارجعع نايف وهو يرجف : باررد !! اموووت الجد تقدم له و نايف يرجع : ارجع ماراح تموت لا تخاف رجع نايف المسبح : والله لو يصير لي شي بتندمون ضحك الجد : لا ماعليك ماراح يصير لك شي ذيب ..عند ديما دخلت عليها الغرفه وتلاقيها منسدحه على السرير وتتابع فيلم ونطقت بصوت عالي وغرور وهي متخصره : انتي هي قومي جلست ديما تناظرها و وقفت الفيلم : تفضلي خالتي؟ ام رعد : تعالي وراي بسرعه راحت معاها و اتجهوا للمطبخ : غسلي المواعين كلها لا يجي ابوك ويعصب عليك، وبعدها انقلعي غرفه رعد ونظفيها وما ابغى اشوف وصخ بالارض فاهمه!بلعت ريقها ونطقت بتوتر: ان شاءالله اتجهتت ديما عند مجلى الصحون وتناظرها كثييره مره وتسمع اصوات غريبه وضحكات وسوالف ! واردفت بخفى : جايبه احد بالبيت ! اتجههت عند الباب وتناظر اكثر من 3 بنات انصدمت مره : من ذولا؟ اتجهتت تغسل المواعين وهي مكسوره الخاطر لا من ابوها ولا من زوجته وهذا اول لقاء بينهم وعاملتها بوقاحه وبجاحه وظلم !دخلت ام رعد وعصبت ونطقت بصوت عالي : ماخلصتي! يلا وش تنتظرين؟؟ديما بخوف : الان اخلص لا تحاتين تقدمت ام رعد عند ديما ومسكتها بقوه من ذراها وشدتها وشده على اسنانها : هالشي يكون بينا اي كلمه توصل لـ ابوك ماتلومين الا نفسك فاهمه! رمتها بالارض وطاحت ومسكت ايدها بألم وهي تناظر الارض نطقت ام رعد وهي تضحك : اخرجي من باب المطبخ مابغى احد يشوفك يلا انقلعي وقفت وخرجت بكل سرعه لغرفتها وهي تبكي وقفت عند المرايا تناظر ذراعها اللي انجرح وتبكي اكثر وتسمع صوت جوالها اللي يرن بكثره اتجهتت وتناظر الاسم : نوف! ردتّ عليها بدون اي صوت ، نوف عقدت حواجبها: ديما ؟ مسحت دمعتها وبلعت غصتها وتحاول ما تبين لها : هلا حبيبي نوف بفرح : ياهلا اخبارك ، اشتقت لك طاحت دمعتها على خدها من سمعت صوتها اشتاقت لها ودها ماراحت عند ابوها وجلست عند جدتها تمنت يوم واحد تقول لـ ابوها لا ما تبغى تعيش بظلمه و جبروته ..قصر ابو عبدالعزيز جالس في الحديقه ويدخن ويفكيره بعيد ، اقبلت موضي بهدوء وجلست بهدوء : سويت اللي قلت لك لف وجهه عليه ويخرج الدخان في وجهها : اي مثل ما خططنا ابتسمت وهي ترفع رجلها على رجلها الثانيه وميلت ثغرها بغرور هذي افكاري يا طلال عشان نفتك من بنات اخوك اهم شي انت سيطرت عليهم باقي الكبيره عاصيه ضحك وداس زقارته واخذ فنجانه بطعم قهوة تركيه : هذي مجهز لها مكيده اصبري بس اكمل كلامه وهو يفكر ويخطط : اهم شي علمتهم بالحرف الواحد عقدت حواجبها موضي اردفت بتساؤل : اهم شي لا يقولون انت عمهم أشر لها : لا تحاتين ..أنتهى ✨قراءة مُمتعه ولا تنسون ⭐️
ــــــــــــــــــــــــــــــــــــــــــــــــــــــــــــــــــ
📣| https://telegram.me/+QeK2RuLXdGPVWJtl
[🙇] انتظرونا في الحلقة القادمة ...