الفصل 9
📚قصص✍ وروايات📚:
📚| قـــــصــــص.وروايــــات.tt ♥
📖|" ##في_عيونها_دولة_وفي_رمشها_جيش_وفي_خدها_الوردي_هلاك_الشعوب🫶🏻
🎬| الــــحـــــلــــقـــــة【9⃣ 】
ـ➖➖➖➖➖➖➖➖
#تابعونا🔇 @horror_novel
ـ➖➖➖➖➖➖➖➖
البارت 9
أنتِ الشتاء اللي سقى قلبي مطر وأنتِ الفصول اللي تحلي دنيتي ..__يوم الاحد ، بعد الدوامات عند أبو سعودكان جالس يشرب قهوة ويتصفح في الجوال مو منتبهه لأحد جات زوجته ام سعود وجلست عنده وتناظر فيه انتبهه لها وعقد حواجبه : من متى انتي هنا ؟ حطت رجل على رجل ويدينها على فكها وناظرته : ساعه .. تو تلاحظ؟ ترك الجوال على الطاوله ويشرب القهوة ام سعود تنهدت اللي تفكيرها و عقلها مع منيف : تكلم احد ؟ عادي خذ راحتك و وقتك ضحك على كلامها وشدها بالكلام معه : شفيك؟ بس سئلت متى كنتي موجوده.. ما اكلم احد ضرب كتفها بخفه وضحك : تغارين علي ؟ التفتت عليه وضحكت برود :ههه انا اغار ؟ اكيد لا ما اغار انت خلاص كبرت محد بيناظر فيك وياخذك ناظرها ضحك على طريقتها معاه بالكلام : غرامهم هالايام الشايب وأنتي تقولين محد بياخذني انتبهي بس تنهدت بعدم رضى : انا وين وانت وين ، المهم قوم نطلع نغير جو مليت من البيت والله ترك قهوته وأخذ الريموت يقلّب بالقنوات : من يطلع هالوقت ؟ حر و شمس بالليل افضل بنروح لأمي تأففت : بطلع بشم هوا تقول بيت امي ، وبعدين من يقلّب بالقنوات الان ؟ شايب ضحك على حلطمتها وكمل بالتلفزيون.. ام سعود وقفت : تبغى شي ؟ بصعد اريح شويبو سعود : لا صعدت ام سعود تسمع صوت انين وبكى من غرفه سعود اتجهت بخطوات سريعه وضربت الباب : مها ؟ مها ماما فيك شي ؟ لكن بدون اي جواب ابتعدت ام سعود ..قصر الجد جالسين سُوا وبين سوالفهم وضحكهم دخلت ام ديما و بنتها ناظرها الجد وهي تبكي وقف بخوف ويناظر عيونها المحمره وشكلها متبهدل تقدم لها ونطق : شفيك تبكين يا بنتي؟ الجده نوره تناظرها ونطقت : اجلسي ، نوف جيبي مويا لها جلست الهنوف ام ديما وهي تبكي من اللي صار موجوع قلبها ومتفطر نطق الجد : شفيك يا بنتي ناظرت عيون عمها اللي يشبهه ابوها بأطباعه وصفاته اللي يخلي الكل ينذل عشانها : سلطان تزوج علي و عنده ولد اكبر من بنتي متى تزوجها وجاب منها ولد !! متى فكر وقرر يتزوج ! متى مداه يجيب ولد وقفت ويدينها على راسها مصدومه وهي تبكي منهاره ومقهوره منه والف فكره براسها : انا بنت عمه المفروض مايعاملني كذا مسكت ايد الجد تترجاه راح صوتها وهي تبكي : تكفى عميالجد زعل لـ زعلها وحزن لـ حزنها و مسح دمعتها ومن ثم حضنها : خلاص يا بنتي أهدي ومايصير خاطرك الا طيب وش اللي تبغينه وتم رفعت راسها بحزن وجهها تعبان من البكى ونطقت وصوتها يرجف : اتطلق وارجع لـ امي في الخبر توسعت عيونه بصدمه من طلبها وبلع ريقه مايقدر يخليها تتطلق بعد ذا العمر : لا يا بنتي قطعت حديثه وهي مكسوره : تكفى ياعم انا ابغى اتطلق منه الجده تنهدت وهي تشوف دموعها وحزنها وانهيارها : لا مايصير تتطلقين منه هذا ابو بنتك جلست منهاره بالارض اول مره يشوفونها منهاره وزعلانه وتبكي بعد ما كانت قويه وترد بالكلمه عشر جابت نوف لها مويا بلعت ريقها : تفضلي ..عند أبو ديما فتح الباب المدخل وهو يمدد ذراعه بكل فرح : تفضلي ياقلبي فتحت النقاب وهي تناظر البيت بأنبهار توجهت له وقفت جنبه : ماشاءالله حبيبي مدد يدينه على اكتافها و هو ممبتسم : ماعندي شي اخبيه على احد ، هذا بيتك هم الخارجين وانتي الداخله اكمل كلامه وهو يتجهه لـ غرفه المعيشه وهو متمسك بأيدها : تفضلي يا عمري ابتسمت و نطقت بهدوء: دام فضلك ، ام بنتك وينها ؟ توسعت أبتسامته و نطق : راحت راحت روحها ، ماعلينا منها تعالي شوفي غرفتك صار يوريّها كل الغرف اللي موجودة في البيت وهو متحمس ومبسوط و دخل غرفة النوم : هذي غرفتنا انا وانتي يأشر على الغرفه الثانيه: هذي غرفه رعد واللي جنبها ديما ام رعد عضت شفايفها : و ام ديما وين؟ ضحك : ماعليك منها ام رعد بلعت ريقها وهي تناظر الغرفه اللي فيها اغراض وأثاث ام ديما : اخذ غرفتها ؟؟ احس لا مايصير مسك أيدها وشد عليها بكل حب : يصير كل شي لعيونك ، ما تتصورين انتظاري لهذي اللحظه تعالي معاي اكمل لك باقي البيت ..عند سعود جلس وهو يكتب لها الدواء : هذا الدواء بعد الأكل عشان يخف التورم و الألم وقف المريض : شكراً يعطيك العافية ابتسم : الله يعافيك خرج المريض رجّع ظهره يسنده على الكرسي تنهد وهو يشوف الساعه : 5 العصر ماشاءالله ما حسيت التفت بعد ماسمع طرقات الباب : سلام أتسعت ابتسامته من شافها واقفة : ادخل ؟ أشر على الكرسي: حيياك جلست و حطيت يدينها على الطاوله وتتكى عليها وتناظره وهي ممبتسمه ، سعود حرك وجهه بخفى مع ابتسامة: شفيك تنهدت برتياح : احد من قبل قال لك انت وسيم بزياده! ضحك : لا ، وينك ماشفتك اليوم ، فيك شي ؟ بعدت شعرها خلف اذنها وهي تطقطق أصابعها بهدوء وكأنها عندها كلام منحرجه تقوله ، استغرب و وقف متجهه لها وسحب الكرسي اللي أمامها مسك ايدها بخوف : شفيك ؟ابتسمت بخفى من تشوف يدينه
على يدينها نزّلت راسها بهدوء ونطقت : امي تعبانه مره وجلست عندها فتره طويله تعرف ماعندنا عامله تساعدنا واخوي ما يتواجد بالبيت سعود حزن عليها شد يدينه على يدها ويمسح عليها بحنيه ؛ ولا يهمك اشوف لك اقرب عامله كل شي ولا غيابك تعودت عليه ، يلا شهد وريني أبتسامتك أبتسمت : مشكور ، احبك ..قصر ابو عبدالعزيز دخلت ام عبدالعزيز غرفه نوره وناظرتهم جالسين سُوا مسوين حلقه وجالسين حولها وعندهم بعض من السناكات و المشروبات ومشغلين فلم يتابعونه رفعت حاجبها و وقفت أمام التلفزيون وأطفت التلفزيون عليهم ونطقت وهي تضحك : معليش بالغلط انقهرت نوره من حركتها و افعالها اغمضت عيونها تحاول تهدي من نفسها ونطقت بنفس بنبرتها : عجوز انتي ؟اطلعي براتخصرت ام عبدالعزيز وناظرت نوره اللي واقفه أمامها : العجوز اللي تلعن خيرك و تعذبك اللي انتي مستهينه فيها نطقت لينا : خلاص نوره اتركيها لا تكبر الموضوع!غدي بلعت ريقها تشوف حقاره موضي وافعالها لكن ماتقدر تسوي شي : نوره اختي اتركيها نوره رفعت اكمام بجامتها وقربت من موضي وتجاهلت كلام خواتها وتأشر على الباب ونطقت بصراخ ؛ اطلعي برا يازباله توسعت عيونها بصدمه من كلام نوره : الكلام لي!! نوره بغضب : ايي لك وسوي اللي تبغين تسوينه مايهمني اطلعي برررا ام عبدالعزيز سحبت ايدها واعطتها كف على خدها و مسكت شعرها وصارت تشده بكل قوه و تسحبها للخارج ونوره تحاول تبعدها عنها وتصرخ : اتركيني يا عجوز اتركينيي مسكتها بكل قوه وتجرها جرّ لـ طلال ابو عبدالعزيز عقد حواجبه ونطق بعدم فهم : وش صاير ؟ تركتها موضي و الشرار تتطلع من عيونها ونطقت بقهر وعصبيه وصراخ : بنت اخوك ماتعيش عندي ما تعيش وقفت نوره بتعب ورفعت شعرها عن وجهاا وشفايفها ترجف بسبب الجر و شد الشعر انقهرت مرره ماقدرت تتحمل اكثر : ارموني بالشارع ولا اجلس دقيقه وحده هنا طلال قبض يدينه ويحاول يفهم الموضوع: ليه ساحبتها كذا موضي بقهر وتنطق بصراخ : انا موضي بنت الاكابر تسميني عجوز و زباله ! شووف يا طلال يا تطردها يا انا اذبحهاا تقرب طلال وقف امام نوره اللي كل حواسها ترجف ونطق وهو يرص على أسنانه : تتكلمين عن زوجتي كذا ! بلعت ريقها وتحاول ما تنكسر امامه ما تبين ضعفها وينكسرون خواتها تحاول تتقوى ماتهاب شي اردفت بحدّة : اي اقوول اللي يدوسني على طرف ادوسه عمي ادوسه نطقت موضي بكذب وابتلاء : وتشتمك وتسبك توسعت عيونه بغضب ونطق بصراخ : انا تسبني ! نوره هزت راسها بنفي : لا عمي ماسبيتك ! مسك يدها ويشدها بقوه ونطق بغضب : انا اربيك يا بنت شوارع توسعت عيونها بصدمه وقهر ادركت مالها سند وذخر بلعت ريقها وتحاول تجمع حواسها و تفلت عليه وتصرخ : ماني بنت شواررع تفهم انا تربيه خالد وحصه سحبها بكل قوه لـ غرفه مُظلمه واقفل عليها الباب وضربت الباب وتصررخ : افتح البابب !! يا مجنون يا مجرم افتح الباب!تجاهل كل كلامها عنّه واتجهه للصاله بكل برود واكمل يتابع الأخبار..عند نايف خرج من دوره المياه عزكم الله لاف منشفته حول خصره وشعره مبلول ورفع حاجبه على الاتصالات الكثيره و الرسايل اخذ الجوال و يناظر الرقم اللي تكرر عليه بشكل مو طبيعي و رفع ونطق : نعم ! بصوت هادي وناعم : ليه ما ترد علي جلس على طرف السرير : وليه ارد عليك ! من انتي عشان ارد عليك؟ بلعت ريقها ونطقت بحزن : كل يوم اسولف معك وتاخذ من وقتي من الصباح للفجر والان تقول لي من انا معقوله نسيت اللي بينا ! ضحك بصوت عالي وتقدم عند المرايا ييجفف شعره بمنشفه ثانيه ؛ وش بينا ؟ لاحب ولا بطيخ ، اذا انتي تتوهمين هذي مشكلتك بصوت باكي ويرجف : انا احبك لبس و جلس يلبس شراباته : وانا ما اعتبرك شي بحياتي ، انا نايف بن فهد بن تركييي احب وحده نفسك ؟ والله تخسين وتعقبين ويلا اعطيتك وجهه زياده بكت وصارت تترجاهه : تكفى لا تتركني انا احبك نايف عصب : وانا ما احبك يا بنت الناس وراي اشغال مو فاضي لك قفل في وجهها وبلكها من انستا و الاتصال وجلس يطقطق على التيك توك ، ضحك جاته فكره اخذ علبه واسعه و كبيره وغرقها مويه و خلّى الباب شوي مفتوح وحط علبه المويا على الباب وجلس على السرير وينادي على اخوه اكثر من 7 مرات : فييصل لكن فتح الباب وطاحت المويا علييه و توسعت عيونه بصدمه وهو يشوف الجد واقف المويا عليه واتجهه له بكل سرعه : ابوي معليششش الجد نفض المويا من على ثوبه ويناظر نايف بنظره حاده تنفس بعمق ونطق : وش الحركاات هذي ! بلع ريقه وقلبه يدق بقوه كيف الجد فتح الباب مو فيصل! مسك ايد جده : اسف ابوي الجد بحده : وخر عني اعرف طريقي لف الجد ونزل ونايف مستغرب ومصدوم وكتم ضحكته ودمعت عيونه من الضحك : استغفرالله اسف ابوي بس شكلك يضحك ..عند تركيوقف السياره وعدّل شماغه بمرايا السياره و نزل ، يناظر القصر وتنهد مو عارف وش ينتظره هل الجد عّرف باللي صار او لا ويحاول ما يصادفه ولا يشوفه : سهيل تعال جا العامل واخذ المفتاح منه و هو دخل القصر ويلتفت يمين ويسار اذا احد موجود او لا بخطوات سريعه بيصعد الا يسمع صوت جدته
تناديه : تركي! عض شفايفه واغمض عيونه ، التفت على جدته ببتسامه عريضه : سمي يا عيون تركي اقبل عليها وباس يدينها : سلام عليكم الجده : وعليكم السلام، جدك يبغاك بلع ريقه وتطق بتوتر : وش فيه ؟ سمع شي ؟ معصب ولا مروق ؟ استغربت من توتره وميلت شفايفها : لا ماقال شي تعال دخل : سلام الجد ابتسم : ياهلا حبيبي جلس جنبه بعد ما وسع له المكان : وينك الخميس و الجمعه والسبت ! كل ما ناديتك ما لقيتك ، فيك شي يابوك؟ تركي استقرت انظاره للارض : لا مافيني شي الجد : يقولون جيت ومشيت بدري من المزرعه حدق فيه ويناظر توتره ورتباكه : قل ياولدي فيك شي ؟ تركي بلع ريقه بتوتر يبغى يصعد غرفته قبل لا يصير شي : لا مافيني شي بس بصعد اريح احس اني تعبان الجد بخوف وقلق عليه : تروح المستشفى؟ تركي وقف : لا لا بس ابغى انوم مرهق شوويقّبل راسه جدته وجده : عن اذنكم ..دخلت ام سعود غرفه مها وتلقاها تبكي اتجهت لها مسرعه ونزلت لمستواها: شفيك يا بنتي؟ وش صار معك ؟ كانت منهاره جسد بلا روح دموعها على خدها و حمرار عيونها و وجهها ذبلان وتعبان نطقت ام سعود بخوف : شفيك يا بنتي ! كانت ساكته وماترد عليها بس دموعها تطيح وصوت باكي وحزين موجوعه مكسوره مخذوله واغمى عليها ! ام سعود بخوف وهي تناظرها بالارض طايحه جسد بلا روح تضرب خدها بخفى تصحيها لكن بلا جواب اخذت الجوال ويدينها ترجف اتصلت على ولدها اكثر من مره لكن مايرد نزلت لـ زوجها وهي خايفه: مها اغمى عليها قوم نأخذها للمستشفى وقف ابو سعود مصدوم : اتصلي على سعود بسرعه ام سعود بخوف : مايرد ، نأخذها بعدين يصير خير راحوا المستشفى متوترين اول مره يصير معهم الموقف طلعت الدكتوره ببتسامه : مبروك حامل انبسطوا كلهم بالخبر اللي ينتظرونه سنين اول حفيد لهم من اول فرحتهم دخلت ام سعود مبسوطه على مها اللي تناظر يدينها بالمغذي : مبروك يا بنتي انتي حامل قلبها ينبض بسرعه ودقاته سريعه وضعت يدينها على بطنها وهي تبكي: حامل ؟ انا حامل! صدت عن ام سعود وهي تتذكر محادثات سعود مع شهد وتنهار اكثر وتصرخ : لا مابييه تقدمت ام سعود بصدمه : بسم الله عليك شفيك؟ مها بكت وانهارت وصارت تصارخ ....جالسه على السجادة ورافعه يدينها تدعي وتبكي بقهر تبكي حرقه في قلبها ما توقعت يجازيها كذا تركها وتخلى عنها صارت تدعي وتبكي بكاء من كل قلبها تبكي على خذلان و خيبه امل و وجع السنين نطقت بصوت باكي وحزين : حسبي الله ونعم الوكيل بعد ما بعتني لَجل ناس تسليك تحرم عليك رجعتي ولو كنت غالي وعزيز علي تقدمت ديما بحزن وتمسح دموع امها وتهديها : خلاص ياماما لا تبكين ولا تاخذين قرار وانتي معصبه جلست مع بنتها تشتكي لها عن الظلم و القهر والهم والغم اللي شافته مع ابو ديما ومع ذلك كانت ترد عليه وماتسكت عن حقها : خلاص حبيبتي ماما لا تبكين الهنوف : ان شاءالله كانت نوف تناظرها منهاره ومقهوره صارت تدعي لها : الله يريح قلبك وبالك ويحقق مُناك بعد ما جلست مع بنات اكثر من ساعتين وقفت عند عمها يناظر فيها بحزن كيف كانت وكيف صارت : عمي عجل فيه الجد بحنيه و حنان : هذا هو جاي لا توترين يا بنتي واي قرار تأخذينه انا معك مو ضدك ابتسمت على رغم زعلها الا كلامه رييحها : مشكور ياعمي دخل ابو ديما بشوفه نفس وتكبر ويلعب بمسبحته : هلا جلس عند ابوه وهي كانت واقفه ، الجد : اجلسي يا بنتي جلست عند يمينه و سلطان عند يساره جالس رجل على رجل ويلعب بمسبحته مو هامه وجودها ما سئلها شفيها ! وليه خرجت! بترجع له او لا مو هامه الا نفسه وحياته مع زوجته الثانيه الجد تركي : الهنوف عندها موضوع اسمع لها يشتت نظره عنها يناظر كل شي الا عيونها ، نطقت بصوت حزين وفيه كميه من الانكسار : تتطلقني لف وجهه عليها بسرعه و رفع بصره وميل شفته مع ضحكه مستفزه : متأكده من قرارك ؟ ام ديما تتكلم بقهر ودموعها على خدها : اي مالي رجعه لك عفتك مابيك انت اناني ومايهمك الا نفسك ومصلحتك انت ظالم ما ابغاك تظلمني اكثر وقف كتم قهره ويحاول ما يبين لها تقدم أمامها وهو يضحك ويحاول يستفزها : تم وانتي طالق و ديما اقسم بالله ماتكون عندك ويلا اذلفي عند امك و اخوك بالخبر لا اشوفك هنا الجد وقف وعصب مرره : سلطان ! مالك حق تتطردها من بيتي ناظر ابوه من ثم ناظر ام ديما : تمام طلقتها ان شاءالله ارتاحت جلست الهنوف تبكي ابو ديما ناظر فيصل داخل الصاله ويسلم وضحك وناظر ابوه : انتبهه من عيال فهد يا ابوي الجد ناظره مستغرب : وش صاير ؟ ابو ديما تو بيتكلم لكن الجد وقف وناظرهم مستغربين ماحب يتكلم عن عيال فهد بالطريقه مو كويسه وضع يدينه أمام سلطان ويمنعه يكمل حديثه ونطق : الحقني واتجهه لمجلس الرجال و معاه ابو ديما : وش صاير ؟ شفيهم عيال فهد ؟ سلطان ابو ديما وهو يتشمت : تركي يواعد بنات الناس بالشركه و احضان و بووسات الله العالم باللي يصير ..
توسعت عيونه بصدمه ورص على اسنانه وقاطعه يكمل حديثه وكلامه : اسكت ولا تكمل كيف تتكلم عن ولد اخوك وحسبه ابنك في هذي الطريقه ! ضحك ابو ديما بضحكات عاليه ودخل يدينه بجيوبه : والله يا ابوي لعب من وراك وانت ساكت وماتدري عنه وعن خرابيطه ضرب الارض بعكازته اللي خلّى سلطان يسكتت وماينطق بكلمه بعدهاجلس الجد بحيره من اللي سمعه مع صدمه وذهول : تربيتي مستحيل تركي يسوي كذا سلطان ابو ديما : تقدر تسئله ، انا شفت بعيوني محد قالي نطق الجد بعصبيه وصوت عالي كله صمود و جمود : اطلع ما ابغى اشوفك ..قصر ابو عبدالعزيز دخل عبدالعزيز عند ابوه ونطق بهدوء : ابوي رفع نظره ونطق بهدوء: نعم جلس عبدالعزيز أمامه و بعد تفكير : خابر تركي ابو فهد صاحب اكبر الشركات ؟ هز راسه برضى و كل حواسه تسمع له اكمل عبدالعزيز : اخذ المناقصه منك توسعت عيونه بقهر : كيف ؟اسند ظهره للكنبه ويحرك يدينه : مادري ابوي! هزّ راسه بقهر ما حسب الحساب ولا حسبها صح اكتم قهره ونطق : انا اوريه نافش ريشه على غير سنع وقطع كلامه صراخ نوره : افتحووا الباب لف وجهه عبدالعزيز لمصدر الصوت : ابوي صوت نوره ! تقدم مشعل يعدّل ياقته ونطق : تسمعون الصوت! ابو عبدالعزيز نطق بهدوء: خلووها تتربى مشعل رفع حاجبه بعدم فهم : وش سوت ؟ موضى رفعت رجل على رجل وتشرب قهوة : قليله ادب مو متربيه عقد حواجبه عبدالعزيز و اكمل مشعل : وش سووت اروح اربيها !!رفع يدينه يتكأ عليها : اتركها وماعليك مني ..
ــــــــــــــــــــــــــــــــــــــــــــــــــــــــــــــــــ
📣| https://telegram.me/+QeK2RuLXdGPVWJtl
[🙇] انتظرونا في الحلقة القادمة ...