الفصل 7
📚قصص✍ وروايات📚:
📚| قـــــصــــص.وروايــــات.tt ♥
📖|" ##في_عيونها_دولة_وفي_رمشها_جيش_وفي_خدها_الوردي_هلاك_الشعوب🫶🏻
🎬| الــــحـــــلــــقـــــة【7⃣ 】
ـ➖➖➖➖➖➖➖➖
#تابعونا🔇 @horror_novel
ـ➖➖➖➖➖➖➖➖
ليل الشتاء ماله سوى شبت النارلازاد برد الليـل زدنا حطبها..وصلوا المزرعه نزلت من السياره بخطوات ثقيله خطوات خلها خوف و توتر وكانت متردده وباين عليها الخوف والتوتر ونطقت نوف بهدوء : فيصل التفت عليها وتوسعت أبتسامته : امري؟نوف بلعت ريقها وصوبت انظارها للارض ونطقت : لا تقول لهم اللي صار بالمحطه رفع حاجبه واستغرب من طلبها ليه رافضه يعرفون اللي صار : ليه مايعرفون ؟ نوف نالت ملاحمها البريئه للحزن : ابوي فيصل تفهم الامر وكأنه فاهم شعورها و خوفها من أبوها اللي اخر فتره تغير: تمام ولا يهمك محد بيعرف رفعت راسها توسع ثغرها وبانت ابتسامتها: شكررا فيصل : العفو .. دخلوا سُوا الصاله فيصل : سلام عليكم الجد ناظرهم سُوا و واقفين أطمئن قلبه بجيتهم بالسلامه : وعليكم السلام، ارحبوا حياكم دخل فيصل قبّل راس جده وجدته : يا حي هالشوف الله يحيك الجده ناظرته ومن ثم ناظرت نوف اللي ملامحها ما تبشر بالخير وبدأ القلق يسيطر عليها : تأخرتم !! فيصل وهو يشرب مويا : لا بس صحيت متأخر الجده عقدت حواجبها من سمعت كلامه اللي ما دخل بعقلها وحسّت مخبين عليها شي , أقبل ابو بدر وناظر بنته اللي متأخره سحبها من معصم يدها لعنده وعصب ويأشر على فيصل اللي وقف بصدمه من كلام عمّه وعصبيته : اسمعي ان رحتي مع احد غيري ما تلومين الا نفسك رفعت عيونها له بصدمه و ذبلت ملامحها بشكل واضح أشر على فيصل بتهديد : ابعد عن بنتي لو تشوفها ميته ما تساعدها اخذ فيصل نفس عميق يحاول يتمالك نفسه وما يظهر رده فعل بوسط تجمعهم ، ويدرك انه المفترض يلزم الهدوء والثبات الجد وقف بحزم : ما نخلص؟ ما نرتاح ؟ ابو بدر خرج بعد ماسمع كلام ابوه الواضح يسوي كذا عشان يجبر ابوه ويضغط عليه بكلامه وعصبيته .. ..جلست عنده اللي تشوفه مهتم بالجوال والابتسامة مافارقته ، مدّت يدينها له ونطقت : تفضل حبيبي ناظرها واخذه منها : يعطيك العافيه حبيبي جلست وضمت رجولها وحاوطت نفسها حطت راسها عليهم و كانت تناظره وتفكر ؛ وش فيه وش اللي انشغل فيه ؟ انتبهه لها و لنظراتها ترك جواله ونطق : شفيك مها أبتسمت: مافيني شي حبيبي تقرب منها و تلاصق كتفه بكتفها ويدينه على راسها وضعه بصدره وصار يمسح بشعرها بحنان : اليوم انتي مو على بعضك فيك شي؟ كان ودها تقول عن شكها و ملاحظتها بس كان الصمت افضل لها الى ان تتأكد و تواجهه : لاسعود : اكيد ؟ مها تنهدت واغمضت عيونها : اي خلع جاكيته و غطى جسمها به ناظرته : ليه ؟ ضحك سعود : اعرف انك بردتي مها : حبيبي ....خرجت من الغرفه وتشوف ديما ورغد سوا ومن الواضح عندهم سوالف خاثره ، اتجهت عليهم : هاي التفتوا سُوا اللي تنصدموا من وجودها : جيتي؟ رغد رفعت حاجبها وميلت ابتسامتها : من اللي جابك ؟ جلست نوف وجلسوا بعدها : فيصل رغد توسعت عيونها بصدمه من سمعت اسم فيصل و ربطت الاحداث اللي صارت و ادركت اللي بينهم شي قوي وبينهم علاقه حب , رغد ميلت شفايفها ونطقت : ماشاءالله يا نوف علاقتك بفيصل قوويه التفت نوف عليها وانصدمت من كلامها وعقدت حواجبها : ايشش؟ديما توضح لـ نوف وتفهمها : لا قصدها ماشاءالله هو جابك رغد بحقد وتساؤل : بينك وبين فيصل شي؟ لا تخبين علينا كل شي واضح نوف مصدومه كيف تتكلم عنّها وتسيء الظن فيها وتألف كلام وقصص ، تحاول تفهمها اللي صار : رغد لا تألفين قصص وشو وش بيني وبين فيصل؟ هو مثل اخوي الكبير مثله مثل بدر اخوي لا اكثر ولا اقل عيب عليك وبعدين جايه تتكلمين عني وعن اخلاقي شوفي نفسك واخلاقك ! شهقت رغد و توسعت عيونها بصدمه ويدينها على صدرها : اخلاقييي! وش فيها اخلاقي يا حبيبي! انا ما دخلت شخص بغرفتييي و طلعت معاه وطلعت في وجهه يعني صدفه ديما تحاول تهدي بينهم ومايكبر الموضوع : خلاص اهدو نوف عصبت و وقفت وأرفعت أصبعها السبابه وتهددها : احترمي نفسك وعن الغلط انا مو مثلك ولا مثل تربيتك ارتقي شوي بكلامك وقفت أمامها ضحكت رغد ويدينها على خصرها : ارتقي بكلامي ! ليييه نسيتي تخبين فيصل بالغرفه ؟ وش تفكرين اني غبيه وما افهم ؟انقهرت نوف من كلامها واتهاماتها الباطله لو يسمع ابوها هالكلام يقتلها : اي انتي غبيه وما تفهمين ، ليه تدخلين في شرفيي عيب عيب ضحكت رغد بضحكتها المُستفزه : انا صددقت كلامك صدت نوف عن رغد وهي مقهوره اشد القهر من اللي صار وكيف تتكلم عنها بذي الطريقه المفروض ما تسيء الظن بها وتحاول تعرف الموضوع بطريقة كويسه بس رغد تتمنى عكس ديما عقد حواجبها ونطقت : انتي وش فيك وش الكلام اللي تقولينه ! حرام والله رغد ضحكت وبعدّت شعرها عن وجهها مع ابتسامته خبيثه : انتي خليك كذا فاهيه ..جا العامل معه شوي من الفحم وحطب عشان يشبون نار ويجلسون حولها اخذهم نايف وصار يشّبها ناظر فيصل ويحرك شفايفه اللي يبغى يوصل له كم كلمه لكن فيصل ما استوعب وأشر عليه : وش
تقول؟ حرك شفايفه بدون صوت وناظر منيف : منيف !لف فيصل على منيف ويشوفه مندمج بالجوال وكأنه بعالم اخر نايف بضحكه ارسل نظره لـ المسبح اللي بدون اسوار و حواجز وكأنه فيصل فهم وش يقصد وقف نايف واتجهه لـ منيف من امامه و فيصل من خلفه وامسكووه منيف مستغرب شايلينه ويناظرهم مصدوم : شفييكم ؟ ليه شباب ! ضحك نايف وصرخ : يلا ! فيصل ضحك : يلا منيف يناظر نفسه وهم شايلينه كأنه جنازه متجهين للمسبح وصرخ بأعلى صوته ويقاوم ويبعدهم لاكن متمسكين بقوه : لاااااا لاااااا الجوو بارد اهجدوا اهدوا مايصير كذا !!! بس ما اكمّل كلامه الا هو بوسط المسبح وضحكوا عليه خرج رأسه من المويا ويناظرهم وشد على اسنانه : اطفال ؟ خرج من المسبح وهو ميت من البرد ويرجف : الله يلعنكم اوريكم اصبروا علي هيّن فيصل جلس على الكرسي وهو يضحك : حررام نايف يناظر منيف وهو يمشي اللي ملابسه غرقانه مويا وصار يقلد كل حركاته ومشيته : وربي كأنه بطه فيصل توسعت ابتسامته وضحك : والله جد سعود اللي كان يضحك على اخوه وعيال عمه خاف يجيه الدور وقف ويسحب نفسه : يلا انا رايح عند المدام شوي نايف : الله معك فيصل غمز له : اييي اسحب لا تخاف ماراح نسوي لك شي سعود بضحكه : اي عارف ، عن اذنكم نايف و فيصل يناظرون بعض نطق فيصل وضع يدينه أمام اخوه : انا اخوك لا تغدر بي نايف وقف أمام اخوه ميل شفايفه وتتبعها ضحكه خفيفه : تدري اني اتلذذ بالغدره خصوصا لـ اخوي؟ فيصل مسك ايد اخوه ويحاول يهرب منه وضحك : لانك حمار معليش يعني انا اخوك الكبير احترمني! نايف بضحكه عاليه ونطق : احلللف فيصل سحب اخوه لـ الجهه الثانيه من عند المسبح وضربه بحيث يرجع للخلف و طاح بالمسبح ونطق : اتلذذ وانا اشوفك كذا نايف ضحك وهو يبعد شعره عن عيونه : الله لا يلعنك اختفت أبتسامه نايف وناظر رجله وكأنه يتوجع ، تغيرت ملامح فيصل بخوف واتجهه له : وش فيك ؟ نايف بألم ويحاول يتمسك لكن ماقدر : رجلي مدّ يدينه فيصل يفزع لـ اخوه : تمسك بي رفع يدينه لـه و تمسك فيه بكل قوه لان نايف شده عليه وسحبه عنده وطاح بالمسبح وضحك : احب الغدره انصدم فيصل من حركه نايف وعصب : وش الحركاتت ذي!نايف حالف يمسخر فيصل : تغدر فيني اجل !! فيصل عض شفايفه بقهر : يحمار خفت عليك واخر شي تمقلبني ؟ ضحك : اييخرج فيصل من المسبح وجلس وهو يرجف من قوه البرد ونايف عاجبه بروده المويا ..بعد صلاه المغرب كانوا جالسين كلهم بالمشب مع سوالف الجد اللي الكل ينشد ويصمت له وكانت سوالفه جدا لها اهميه و حكمه و درر مع شويه نصايح توعيهم ونطق الجد : انتم كلكم عيالي واحبكم وما افرق بينكم بس تنهد واكمل كلامه وناظر سيف اللي مو عاجبه هالكلام ولا عاجبته الجلسه : اللي يتعب على نفسه ويسمع اي كلمه اقولها اعطيه عيوني مو بس محبتي ومعزتي وحتى فلوسي الحلال بعد عيني لكم نطقت الجده وهي تستغفر: عمرك طويل ربي يحفظك ويطول بعمرك لا تقول كذا الجد تنهد ومسح وجهه : انا احبكم كلكم ويشهد علي ربي ويشهد على اي كلمه اقولها ما حطيت احد بمكان الا اني عارف مستواه ، مستوى ذكاءه وكفائته وقدرته مثلا تركي اعطيته اقوى منصب ليه؟ لان انا اللي علمته ودرسته ودربته تحت يديني من كان عمره 23 سنه شفت حبّه وشغفه لشغل !! الان عمر 30 سنه بالله اسلم الشغل اللي تو من شهر او اقل من شهر للشغل ؟ يروح تعب السنين كلها أبو سعود : الشركه شركتك و الفلوس فلوسك حنا ما نقدر نقول لا التفت فيصل لـ جده و هو يعزز على كلام عمّه : صح كلامك ابوي فلوسك حلالك حنا نقدر نتوظف بأي مكان ناظر عمّه أبو بدر ونطق : الفلوس مستحيل تغيرنا على بعض الجد ارتاح قلبه من كلامهم وأطمئن اذن آذن العشاء وقف الجد : الله أكبر لا اله الا الله ،يلا نتوضأ ونصلي جماعه الكل وقف يستعد للصلاه كان امام ويصلي بهم الجد تركي صلّوا جماعه ومن ثم اجلسوا يتقهون ....كانت جالسه تتمرجح بكل هدوء و الهواء يلعب بشعرها الاسود رمت العبايه على الكرسي و كانت لابسه هودي موف وبنطلون اسود ولابسه السماعات و تغني مع الاغنيه
ــــــــــــــــــــــــــــــــــــــــــــــــــــــــــــــــــ
📣| https://telegram.me/+QeK2RuLXdGPVWJtl
[🙇] انتظرونا في الحلقة القادمة ...