الفصل 5
📚قصص✍ وروايات📚:
📚| قـــــصــــص.وروايــــات.tt ♥
📖|" ##في_عيونها_دولة_وفي_رمشها_جيش_وفي_خدها_الوردي_هلاك_الشعوب🫶🏻
🎬| الــــحـــــلــــقـــــة【5⃣ 】
ـ➖➖➖➖➖➖➖➖
#تابعونا🔇 @horror_novel
ـ➖➖➖➖➖➖➖➖
شدة العشق وما يورثه من الحزن , من الصعب أن تنوي الرحيل الى قلب لن يتفتح لك أبوابه وفي وقت نفسه لست قادر على العيش بدونة ..عنـد نايف ازعجته الرسايل والاشعارات الكثيره والاسم يتردد عليه من فتره طويلة وكالعاده يسفهه وما يرد عليه لكن هالمره اخذه الفضول وحبّ يعرف من هذا اللي يراسله ! دخل المحادثة في إنستقرام وكتب : اشغلتني !! ماعدت دقيقه الا جاه اشعار من نفس الشخص : مساء الخير نايف بضجر : والله العظيم اشتغلتني برسايلك وهذا انا رديت امر اخوي بغيت شي؟ ارسل ضحكه من بعدها قال : ماتشوف الافتار؟ مو معقول ماتفرق بين بنت و ولد. انتبهه نايف لصوره العرض وكانت بنت : معليش ما انتبهتت ، ممكن تقولين وش عندك؟ رد علي ورد علي؟ أرسلت له : انت الشخص اللي عندك متابعين و تصويرك حلو .. انت باريستا ؟ مشهور صح ؟ ضحك : انتي تتكلمين جد ؟ صار لك اكثر من 9 شهور تتكلمين تقولين رد علي واخر شي ماتعرفيني ! لو انك حامل ولدتي !! ارسلت ضحكه ومن ثم قالت : معليش بس حبيت اتأكد ، انت نفس الشخص؟ رد عليها بملل ينتظرها تخلص كلامها : اي ردت عليه بسرعه البرق : انا اتابعك من فترة طويله و سويت حساب انزل فيه تصويرك و يومياتك انا جداً مُعجبه نايف استغرب ونفس الوقت ضحك ونطق : ماعندها حياه تتابع واحد ماتعرفه !ثم أرسلها : شكراً مرره الله يسعدك أرسلت له : ممكن طلب صغير ؟ تنهد بعمق واستغرب منها ومن كلامها كيف تتكلم مع شخص غريب !!! : اذا اقدر أرسلت له : ايوا ، يصير اكلمك ؟ يعني نايف عقد حواجبه وعبس وجهه ماا بعجبه هالاسلوب : انتي كم عمرك ؟ أرسلت له : 20 نايف : العمر كله ، اذا عشان التصاميم مو مشكله ترك الجوال واتجهه لـ دورة المياه عزكم الله ..قصر أبو عبدالعزيز " طلال " انتشرت ريحه البخور واختلطت مع ريحه القهوة دخلت ام عبدالعزيز بفستان اسود وناعم وفخم بنفس الوقت دخلت بهدوء و مع شوفه نفس وغرور مدت طرف يدينها تسلم على الضيوف وجلست براحه وتنطق بدلع : حياكم الله نورتم ام سلمان وهي تناظر فخامه المكان و جماله وتصميمه ياخذ العقل : تشرفنا فيكم حبيبتي وانبسطت بموافقه لينا والله اني اتمناها لولدي سلمان ضحكت بتسليك و شوفه نفس فضيعه : بنات اخو زوجي مافي احسن منهم ولا راح تلقين مثلهم نطقت ام سلمان ببتسامه : نبغى نشوفها أشرت بيدها على العامله اللي واقف وبيدها الضيافه : ناديها حطت الضيافه وخرجت تنادي لينا فزت لينا بخوف وتناظر خواتها : لا لا نوره مابي تحطين شي خايفه من عمي !! نوره بصرامه ورصت على اسنانها : لينا لا تمسحين شي وتنزلين أمامها كذا و راح تسوين اللي قلت له عليه ولا عليك من عمي وزوجته العجوز غدي بتوتر وحطت يدينها على شفايفها : يمكن عمي يعصب ويكبر الموضوع! التفت نوره بغضب على غدي : والله محد يقدر يسوي شي دامني موجوده ، لينا تبغين تتزوج سلمان السكير ! صااحب عبدالعزيز ! من بار لـ بار ؟ ليينا تبغين تتزوجينه! بلعت ريقها بتوتر وخوف خايفه من عمها و جبروته : لا نوره تركت الميك اب وقفت ومسكت ايد لينا وخرجوا من الغرفه ونزلوا لمجلس النساء و كانت سمر واقفه وتناظر فيهم وضحك : حمدالله والشكر دخلت نوره وماسكه يدين لينا : ارحبيي ام سلمان تفاجأت ام سلمان وهي تناظر لينا ولبسها ومكياجها وانصدمت اكثر من كلامها واسلوبها وحتى حركاتها : هلا هلا جلست نوره وجانبها لينا وتنطق بحركات غبيه ومجنونه : هذي اختي لينا عصبت ام عبدالعزيز ونطقت بحده : نوووره اصعدي اخذت لينا الكيكه وتاكلها بهمجيه ولعب بالنعمه وتلعب فيها وتضحك : حلوه الكيكه موضي ليه حارمتنا منها ؟ نوره رفعت رجلها على الطاوله وامام الاكل والضيافه وتناظر ام سلمان : تدرين زوجه عمي موضي ما تخلينا ناااكل ! وحارمتنا من الاكل تخيليي!! تفاجأت ام سلمان اخذت شنطتها وقفت تستأذن خرجت ام سلمان وقفت ام عبدالعزيز موضي وعصبت وصررخت : ووش هذا !! والله لا اقولل لعمكم والله نوره اخذت عصير وتشربه : قولي خرجت ام عبدالعزيز من المجلس وناظرت غدي واقفه عند الباب وعصبت وصرخت : انا اللي اربيكم..عند أبو سعودكانت جالسه مع زوجها وتتشاور معه في موضوع يخص منيف أبو سعود : انا اكلمه ولا تحاتين ام سعود متضايقه مرره بحال ولدها اللي لا تسر لا عدو و لا صديق : اي تكفى الان قطع حديثهم صوت منيف : سلام جلس وكان ساكت وما نطق بكلمه بعد السلام أبو سعود أبتسم : حي هالشوف ام سعود : هلا حبيبي منيف بدون نفس : هلا ام سعود : اسويلك عشا ؟ منيف بنبره جافه ماله خلق : لا بطلع مع نايف ألتفت ام سعود على زوجها بفرح من كلامه ومن بعدها نطقت : اي حبيبي اطلع انبسطجلست جنبه وطالت النظر فيه : حبيبي منيف التفت على امه : هلا ام منيف بلعت ريقها متردده تقول له الموضوع او تنتظر شويه قطع ترددها ونطق ابو سعود : شرايك تتزوج ؟ التفت على ابوه : لا ما
ابغى قفلو هالطاري وقفت ومن ثم خرج من البيت واتجهه لبيت جده ..في الصاله في قصر الجد ~يتراقص قلبها فرح بشوفه عيونه الحادتين وحواجبه الكثيفة شغفها سماره وتشوف وتسمع صوته و سوالفه وحتى ضحكته اول مره يشدها شخص بكلامه و اسلوبه وحتى تفكيره دخلت بخجل وهي تقدم الشاهي والقهوة لهم ومن ثم جلست عند جدتها وهمست لها الجده : ابوك وينه وليه ماجا ؟ نطقت تمتم : ماشفته اليوم رفعت انظارها وهي تشوفه مقبل عليهم بكل هدوء من الواضح انه متضايق او زعلان نطق بدون نفس : سلام الجد ناظر فيه و نطق بحده : من متى تصرخ علي ويطول حسك ؟ نسيت نفسك ؟ رفع بصره لـ ابوه ما يبغى يسمع كلمه كان متضايق و منغبن وتأفف بصوت عالي: اففف الجد عصب و نفذ صبره يشوفهم عاقين فيه حتى بأفعالهم نطق الجد بعصبيه : وتنافخ علي ؟ الجده بخوف وتهدي بينهم : لا اله الا الله سيف وقف بعصبيه واضح للان معصب من الموضوع مو جاي يتحكم بأعصابه : وش ترا ما تكلمت الجده تناظر ابو بدر وتحاول تهدييه وما يرد على ابوه ويعتذر : اعتذر له يلا سيف وضع يدينه أمام سيف يمنعه يقرب له و نطق بحده و زعل : مابيه يعتذر ماجا من نفسه مايحتاج يجي بعد ما قلتي له الجده : خلاص سيف اسكت توتر الجو بسبب المشاحنات و المضايقات والزعل كانوا محدّ متقبل الثاني اغمض عيونه بكل عصبيه وعض شفايفه بقهر ونطق بصوت عالي : لا تسكتيني يمه خليني اتكلم واقول اللي بقلبي الجده بنبره حاده : سييف ابوك تعبان لا تتعبه بكلامك! ابو بدر بقهر و عيونه نيران من القهر شد على اسنانه : ماراح اسكتت وراح تسمعون ، حلالنا اللي يلعب فييه البزر و انا بغيت اشتغل عنده رافض واخر شي يسجللل الشركه بأسمه خير وليه التفرقه وليه عيال فهد لهم كل الحب و الاحترام والفلوس و حنا و عيالنا لا فيصل استغرب منه ومن كلامه وحتى من طريقته رفع حاجبه ونطق : وش فيهم عيال فهد حاسدهم على المحبه !! وجدي جا لكم واحد واحد يترجاكم تعالو عندي الشركه رافضين !! يوم كافأ بتعبه و مجهوده غرتم ؟ المفروض تكونون سند لنا ماتكونون ضدنا عصب ابو بدر سيف وطال صوته وتقدم أتجاهه فيصل ويأشر عليه بيده : انت تتكلم معي كذا وترفع حسك علي ؟ فيصل بنبره حاده و قبض يدينه برزت عروق يدينه : اي انا اتكلم معك كذا ، اخوي تعب عشان الشركه وهذا جزاه ؟ وبعدين ماترضى اصرخ عليك انت تصرخ على جدي ؟ لا والله انا ما ارضى احد يهين جدي و اسكتت الجده تقطع قلبها باللي تشوفه وتسمعه الشيطان دخل بينهم وفرقهم ، دخل تركي وهو يسمع صراخ اخوه وصار يناظره : فيصل ؟ التفتت على عمه واستغرب : بسم الله شفيكم ابو بدر رفع كفه اليمين بكتف تركي وبعده بكل قوه وخرج استغرب تركي والتفت على اخوه : وش صاير ؟ وكأنه فهم الموضوع وحزن مره ومن ثم نزل تركي لـ مستوى جده وناظر فيه : ابوي خلاص ما ابغى شي خلوو عمي يتوظف فيها فيصل عصب : لا ماتتركها كذا هذا تعب جدي و تعبك مايروح كذا نطق الجد بهدوء من الواضح الهدوء ما قبل العاصفه : كلام فيصل صح ماعليك من عمك وكلامه تركي جلس ساكت لاكنه مصدوم مو كل اللي حولك يتمنى لك الخير
ــــــــــــــــــــــــــــــــــــــــــــــــــــــــــــــــــ
📣| https://telegram.me/+QeK2RuLXdGPVWJtl
[🙇] انتظرونا في الحلقة القادمة ...