الفصل 3
📚قصص✍ وروايات📚:
📚| قـــــصــــص.وروايــــات.tt ♥
📖|" ##في_عيونها_دولة_وفي_رمشها_جيش_وفي_خدها_الوردي_هلاك_الشعوب🫶🏻
🎬| الــــحـــــلــــقـــــة【3⃣ 】
ـ➖➖➖➖➖➖➖➖
#تابعونا🔇 @horror_novel
ـ➖➖➖➖➖➖➖➖
العائله سندك حين يرحل عنك من كنت تظنه لك سند غيرهم .قصر الجد في يوم الجمعه بعد صلاه العصر .. اختلطت ريحه البخور مع ريحه القهوة السعوديه ارتفع صوت ضحكاتهم وسوالفهم في مجلس النساء.الكل موجود ما عدى ابو ديما , سلطان , اللي الجده نوره مصدومه من تصرفاته الفتره الاخيره ومصدومه من عصبيته ونفسيته المتدمره وحاولت تتصل عليه اكثر من مره لكن مايرد عليها وكانت قلقانه عليه مو عادته ما يرد عليها والتفتت على ديما وتتكلم معها بصوت خافتت : ابوك شفيه ؟ ديما نظراتها للارض ونطقت بهدوء : مدري تركني وراح مادري هو وينالجده بقلق وخوف : استودعته الله العمه هند لاحظت توترها وخوفها وسوالها لديما ونطقت :أمي تراه رجال وفاهم ماله داعي الخوف والقلق الجده بغبنه وتكه وتبكي : ولدي مهما كبر وصار عنده عيال بخاف عليه واحاتيه هند تنهدت : الله يعين ، الا ام سعود منيف متى ناوي يتزوج والله نبغى ننبسط ونفرح منال ام سعود تنهدت وتذكرت كلامه ورفضه للزواج : انا تعبت معه مو راضي مو حاط فكره الزواج براسه ، تركي اكبر منه يتزوج هو اللي يحتاج زواج التفت عليها و ردت الجده عليها : لو تركي نوى يتزوج والله أني اختار له احسن البنات لكن هو مثل منيف مدري وش فيهم عيالي ما يبغون يتزوجون هند بضحكة مستفزه : من حيااه والدينهم عافوا الزواج ام سعود استغربت منها ومن كلامها اللي ما تثمنه واكتفت بالصمت هند حدقت بـ مها اللي الجوال ما طاح من يدينها حطت يدينها تحت فكها ونطقت بطريقه مُستفزه : مها متى نشوف عيالكم انتي وسعود؟ مها نبض قلبها بقوه من سمعت كلامها و انصدمت ومن صدمتها توهقت مو عارفه وش تقول أبتسمت بتصنع ونطقت : الله كريم ، الله يرزقنا ويرزق كل محروم هند ضحكت ويدينها على خدها وهي تناظر فيها : صار لكم متزوجين اكثر من 3 سنواات كان عندكم ولد ، انا مستغربه من سعود كيف ساكت! الجده تحاول تسكت هند وتوقفها عند حدها : هند!!! هذا امر الله مالهم حيله مها كأنه جمره بحلقها مو قادره ترد عليها حتى هي ودها بالاطفال يملون عليها وتبغى تجرب الامومه بس مو بيدها كل شي بيد رب العالمين مايقدرون يعترضون عليها هند ناظرت امها وميلت شفايفها : الله يرزقكمالجده : اميين هند ناظرت ديما ونطقت بتساؤل : ديما امك وينها وين مسافره؟ ديما ارخت ملامحها بتعب تعبت من هالسوال اللي ما تخلى الجلسه منه : مدري فـ اتوقع مع صديقتها وقفت واخذت جوالها معها وقهوتها : عن اذنكم خرجت ديما تبغى تبتعد عن الكلام اللي تعبت وهي تسمعه وين امك وليه سافرت وليه سافرت مع من وابوك شفيه وين راح وضعت يدينها على اذنها بفزع : يالله تعببتت تتمشى بالحديقه الجو بارد والهواء خفيف وشعرها يداعب وجهها وعبايتها مفتوحه جلست في حديقة القصر وهي تتأمل مساحتها وجمالها والزرع بكل مكان مرتب و أنييق مع وجود نافوره بالنص تعطي المكان جمال ، كانت تتمشى بالحديقه وبين الورود وجلست تستنشق ريحتها : الله ماشاءالله تهبل وكانت تشوف افخم واحسن السيارات وطاحت عيونها على سياره سيارة بورش 911 سوداء ملكي وشدتها مرره واتجههت لها وتشوفها عن قررب : ماشاءالله تجننن صارت تناظر بكل ذهوول متعجبه فيها والابتسامه مافارقتها فكت الباب السايق وانصدمت انه مفتوح مو مقفل , ركبت وهي مبسوطه وجلست فيها منبهره من جمالها وصارت تناظر فيها : ماشاءالله تبارك الرحمن تهبلل يارب ارزقني مثلها من انبهارها وحركتها الكثيره طاحت قهوتها بالسياره وشهقتت : يمه ! اخذت فاين تمسحه و قطع كلامها طق اصبعه السبابه بالشبااك : خير ؟ توسعت عيوونه بغضب من يشوف القهوة منكبه في سياره : وش ذا ؟! خافت مرره وقلبها يدق بقووه فتح الباب و نزل لمستواها وقرب منها و عيوونه نيراان سيارته اللي يحبها اكثر من نفسه انحاست بالقهوة !: وش تسوووين !! قلبها يدق بقوه ونبرة صوتها يرجف كل ما فيها يرجف عضت شفايفها بخوف : اسفه نايف والله مو قصدي قبض يدينه وشد على اسنانه شي خااص فيه مايحب احد يقرب من اشياءه الخاصه ، مسك ذراعها وسحبها بقوه بأتجاهه ورجعها عند السياره وتقرب منها وهو يناظرها بغضب : شي يخصنييي لا تتدخلين فيه فاهمه!!! هزّت راسها بخوف : ابشر ابتعدت عنه وتركض تدخل مجلس النساء ....في مجلس الرجالكان يعطي عمّانه القهوة وهو يسمع حديثهم اللي شد انتباهه الجد وهو يحاول يقفل الموضوع قبل يبدأ : حنا مالنا دخل فيه شركته وهو حر وتركي ماسك الشغل صح ابو بدر بيده تمر : ولييه تركي يشتغل ليه ما اشتغل انا بدل عنه !! أبو سعود : تركي من فتره طويله يشتغل مع ابوي ويعرف كل شي أبو بدر ما اعجبه الكلام نطق بقهر : أبوي ابغى انا اشتغل بشركتك وتركي شوف له اي شغل برا الشركه مد يدينه له بالقهوة ونطق بحدّه ليه يتكلم عن اخوه كذا وما يبغاه يشتغل مع جده ! ليه الحساسيه و الكرره والحقد مابينهم ليه
التعامل بهذي الطريقه : تفضل يا عم وترا اخوي شغله صح مايحتاج كل هذا ، تخرجه من الشركه عشان ايش؟ رفع انظاره و ناظر فيصل ورفع حاجبه : انت تتكلم معي كذا ؟ فيصل ميل شفايفه مع ضحكه بسخريه : ما قلت شي غلط ! وقف أبو بدر وهو يناظر فيصل بحده وحقد اخذو الحب والحنان و حتى الفلوس من الجد والجده ولا معبرينهم ولا معبرين عيالهم : كل هذا ولا قلت شي غلط؟ حرك أكتافه بعدم فهم بالاصح حبّ يستهبل على عمه ويمثل مو فاهم شي : ماقلت شي غلط !! تنرفز أبو بدر من فيصل : اذا انا تكلمت انت لا تتدخل فهمت! لا والله تندم .. الجد قطع حديث بو بدر : سييف ! شفيك مع الولد !! فيصل مصدوم من تعامل عمه له وحبّ يستفزه اكثر وهمس له : والله والله ماراح يصير اللي انت تبغااه ترك القهوة وخرج من مجلس الرجال.. ..في قصر ابو عبدالعزيز بالصاله جالسين سُوا لكن قلوبهم مو على بعض كل واحد حاقد وكارهه الثاني ويبغى يتخلص منه بس يبغون مصلحتهم واذا خلصت المصلحة تركوا بعض ، قلوب مزيفه ضعيفه ما تهمها الا الجاه والمنصب العالي والفلوس ابو عبدالعزيز طلال والجوال بأحضان كفّه : موضي التفت عليه بشوفه نفس و حاطه رجل على رجل ونطقت بغرور : نعم طلال وعينه على الجوال : جهزي المجلس جايين ضيوف يشوفون بنات اخوي وجهزي لينا لان نوره بتتزوج مشعل و غدي تتزوج عبدالعزيز توسعت عيونها نوره بقهر : لا ماراح يتزوجون خواتي ولا انا ماراح اتزوج ولدك المنحط عمي لا تجبرني على شيي ماابغاه موضي بشوفه نفس: يعني انا اللي ابغاك انتي و خواتك ؟ وقفت ام عبدالعزيز تتجهه لـ نوره وتعصب عليها : انتي و خواتك تنقلعون المطبخ فاهمه وكلمه ثانيه تندمين التفتت على عمها بغضب : انا مكاني مطبخ عمي!! انتي مكانك المطبخ انتي وبنتك يازباله مسكت ايد نوره بقوه وتعطيها كف لكن نوره صامده : والله لا اندمكم كلكم على فعايلكم صعدت غرفتها وراها خواتها ابو عبدالعزيز يناظرها تصعد وضحك : بعدك ما شفتي شي يا بنت خالد ..صعد لغرفته وجلس متضايق من الكلام اللي ينقال عن اخوه انسدح على الكنبه اللي صاده عن الباب الخشبي وهو يفكر عمه ليه يتكلم كذا وش اللي غير تفكيره ! من رجع من الطايف صار شخص ثاني .. انفتح الباب الغرفه ودخلت وفصخت عبايتها ورمتها على السرير و جلست على الجوال حسّ بأحد دخل الغرفه جلس وهو مصدوم يشوف نوووف جالسه أمام عينه بكامل زينتها وأناقتها ، نوف انفجعت ناظرته وقفت بخووف : فييصل ! فيصل وقف ويحاول يهديها ويتمتم وضع يدينه أمامها : لا تخافين والله اني نسيت معليش والله مو قصدي وقفت تتراجع للخلف بـ خوف و رهبه لوجودها بغرفه مع رجال غريب ماتعرف عنّه الا اسمه و اللي انقذها من الحريق بس !اتجهه للباب بيخرج وسمع صوت ينادي على نوف بحركه سريعه منه يتخبى بأي مكان وانفتح الباب : نووف ! تناظرها واقفه مصدومه وخايفه تقدمت لها : شفييك؟؟ نوف رمشت بكثره تحاول تستوعب اللي صار لكن قلبها يدق بقوه وبلعت ريقها بتوتر : مافيني شي رغد : طيب حنا بنروح كوفي مع السايق تجين معنا ؟ نوف لسى مصدومه من اللي صار مو عارفه تقول كلمه ونظراتها على الدولاب ، رغد استغربت من نظراتها وعقدت حواجبها بعدم فهم : شفيك؟ نوف تحاول تتدارك الموقف ماتبغى احد يعرف وتكبر السالفه : مافيني شي استأذن من ابوي واجي لك جلست رغد على الكنبه وتناظرها وهي تلعب بشعرها : انا بتنظرك شوفي ابوك وتعالي نوف مسكتها من يدينها وتحاول تخرجها : لا ببدل بعدها انزل رغد مستغربه مرره من تصرفاتها و تفاجأت بجوال فيصل بالغرفه موجود ناظرت الجوال ثم ناظرت نوف و كانها فهمت الموضوع : اوك انتظرك خرجت رغد من الغرفه ونزلت وهي تفكر باللي صار اما نوف ناظرت بالخارج ومالقت احد : فيصل مابه احد فيصل خرج من الدولاب : اسف والله مو قصدي نوف تعجل فيه : طيب اخذ جواله وخرج من الغرفه ....صار الليل بعد صلاه العشاء منيف جالس بالحديقه وساكت وماله خلق احد ، تقدم نايف وجلس جنبه بدون مايناظر فيه : لمتى ! منيف التفت عليه : وش؟ نايف وهو يشرب القهوة وأكمل كلامه : وضعك عدّل جلسته وناظر فيه : بالله عليك انت راضي على نفسك ؟ جالس لحالك ومكتئب وضاييق !! منيف عبس وجهه مايحب احد يتكلم عن هالموضوع شي خاص فيه ما يبغى احد يتدخل فيه: نايف خلاص قفل الموضوع نايف رفع حاجبه : وبعدين !! وش مستفيد؟ غير الحزن والكئابه بشي انت مالك علاقه فييه ! تعترض على قضاء الله وقدره!!! تدري هالشي حرررام ! منيف ياحبيبي اللي جالس تسويه غلط والله غلط ولنفسك عليها حق انت تدهور نفسك وحياتك وتأثر على اللي حولك ، انت شوف امك وحزنها عليك تقرب نايف منه ويدينه على أكتاف منيف : والله العظيم تضيع حياتك و تتعب نفسيتك باللي تسويه منيف صوب انظاره للأرض و كلامه وحزنه مسيطر عليه : اللي مات خويي واخوي واعز نايف تنهد : الله يرحمه بس راح لأحن عليه من نفسه ، راح لرب العالمين وخويك توفى اكثر من 4 شهور كفايه حزن شوف الحيااه اسعى روح وتعال شووف الدنيا منيف هزّ راسه بالايجاب بعد ما تنهد : بحاول نايف أبتسم: انا معاك
وماراح اخليك منيف ابتسم : مشكور نايف ضربه على كتفه بخفه : ما بينا شكر ، انت اخوي و ولد عمي وطول عمرنا سُوا ، يلا قم نتمشى سوا منيف ناظره : والله مالي خلق وقف نايف أرخى ملامحه بتعب : انا وش كنت اقول من سااعه !! مسك يدينه ويحاول فيه يقوم معه : يلا !وقف منيف : طيب ..في المطبخ ، قصر الجد بو فهد كانت تهمس لها : والله شفته كانت تسوي شاهي و قهوة و التفتت عليها مصدومه : شفتيييه بعينك !! رغد بهمس وصوتها خافت : اي والله شفته عندها وضعت يدينها على شفايفها مصدومه : احلفي!! رغد سحبت الكرسي وجلست وتكمل كلامها بحماس مع صدمه : الجوال بغرفتها وليه يكون عندها يا هيااهيا أختها تحاول تحسن الظن : يمكن قال لها تشحنه او شي !! حرام ندخل بالنياات رغد بستهزاء بضحك كل اللي شافته وبتكذبه : والله انتي اللي على نياتك ، بنت و ولد في غرفه وحده يعني وش فيهمهيا أصبعها السبابه بشفايف رغد : اشش عيب هالكلام ولا تدخلين بالأعراض الناس مايجوز ضحكت رغد : لا ماعليك بس حبيت التطبيل لهم هيا ضربت الطاوله بقوه تحاول تسكتها : اص وان قلتي لأحد ياويلك وقفلي الموضوع لا تجي امي وتسمع وتعرفين أمي مايحتاج اتكلم دخلت ديما وتشوفهم يتهامسون واتجهت لهم : سلام ابتعدت هيا ومن ثم تجهز القهوة ونطقوا : وعليكم السلام ديما سحبت الكرسي وجلست جنب رغد : مرره طفش رغد : اي , نوف وينها ؟ رجعت راسها للخلف و تفتح شعرها و تحركه بحركه سريعه وتلعب فيه : جالسه مع جدتي ليه ؟ هيا ناظرت اختها بحده وتحرك شفايفها < لا تقولين شي > رغد كانت تناظر اختها وضحكت التفت ديما على هيا : وش فيكم ؟ هيا اخذت الشاهي والقهوة : مافي شي , ممكن احد يساعدني ؟ ديما وقفت : انا بساعدك هيا مدّت يدينها لها بالشاهي والقهوة : لا هنتي لمجلس الرجالديما : اوكي اخذتهم واتجهتت لمجلس الرجال وطرقت الباب مره ومرتين وبالثالثه خرج سعود ناظر اللي بيدها ابتسم واخذه منها : شكرا. ديما : العفو ..بعد الساعه 12 الفجر الكل رجع بيته ..لبست سماعتها وشغلت موسيقى ماجده الرومي " يسمعني حين يراقصني كلمات ليس كالكلمات " راحت عالم بعيييد واحلام وأمال وصارت تدور بالحديقة الكبيرة وهي تلعب بشعرها الطويل الاسود وفجأه تشوف بسة قريبه منها تحاول تسيطر على نفسها وما تصرخ لكن صرخت بخوف اللي ماسمع يسمع، خافت مررره بوقت متأخر من الليل وشبهه ظلام تركت السماعات وراحت تركض بخوف الا تصدم بجسم عريض المنكبين و طويل قامه تراجعت للخلف وهي تتنفس بسرعه واختلطت مع الخوف : بسم الله خرشتني كان يتأمل عيونها البنيه وجهها جميل كالأماني رقيق كأوراق الورد، مشرق كالضحى، وشعرها اسود ناعم، انتبهه على نفسه رفع حاجبه ونطق بدون نفس : وش قصدك ! شايفه جني بلعت ريقها وهي تشوفه منفس : معليش نايف شد على اسنانه ويأشر على المقلط : المقلط اخوياي موجودين ، بفهم ليه الصرراخ ؟ لو تشوفين عفارريت الجن ماتصاررخين فاهمه !! ويلا روحي من هنا ولا تخرجين مستغربه منه ومن جبروته وتسلطه كانها تشوف الجد بتصرفاته و اسلوبه وحتى بعصبيته : مالك دخل اصرخ او ما اصررخ ؟ كيفي مو بكيفك! تقدم لها مصدوم من جرأتها : انتي تردين علي كذا ؟ ابتعدت للخلف تحاول تقوي نفسها وما تستلم كالعاده كفايه صمت وكفايه خووف منه ومن لسانه السليط : ايي انا وش عندك!!! حك دقنه وعض شفايفه : ديما دام عليك النفس طيبه وخري عن وجهي وانطقي داخل يلا اول مره تجي لها الشجاعه والقوة كذا وماتهاب اي مخلوق وضعت يدينها على خصرها : واذا ما دخلت وش بتسوي؟ بتضربني؟ تنفس بعمق وقبض يدينه وبرزت عروقه ادركت انو فعلاً عصب : اذلفــي داخــل ، لا امد يديني عليك للان صامده ما تراجعت عن كلامها : اذا انت رجال مد يدك اغمض عيونه يتحاشى الكلام معها ويتركها بس صامل على كلمته وشدّ بحروفه وهو ينطق : ديماا !! منتي بزر !!! قطع حديثهم فيصل استغرب من وقفتهم بالحديقه بالواضح مو جلسه حب جلسه خناق وتصفيه حساب : وش صاير ؟ نايف عصبي مره مايتحمل احد يجادله ونطق بقهر : بنت عمي تصرخ والعيال بالمقلط قله ادب الصراحه اول مره اشوف كذا ديما توسعت عيونها كيف يتكلم عنها كذا : احترم نفسك انا مو قليله ادب ومتربيه احسن تربيه ، انت قليل ادب مو مصدومه ماعندك احد يربيك سمع هالكلمه منها عض شفايفه بقهر وتقدم لها بس كان فيصل أمامه وفصل بينهم قبل لا يسوي شي ويندم عليه : نايييف اتركها لا مايصير تمد يدينكك على بنت !! نايف فتح عيونه ونارر تططلع منها بسبب عصبيته واجزم طفح الكيل كيف تتكلم عن تربيته واللي ربوه ماتوا : فيصل : نايف خلاص التفت على ديما : روحي بسررعه ديما تركتهم وراحت لداخل نطق فيصل وعصب : تبغى تضربها ؟؟ مايصير كذا اغمض عيونه بكل قهر يدينه على وجهه ويمسح وجهه بسرعه : والله كنت بجرم فيها قليله الادب تتكلم عن امي وابوي كذا والله ماراح اخليها تركك اخوه ودخل الملحق لـ اخوياه ...جالسه بالغرفه متضايقه مقهوره من الكف اللي نزل بخدها دخلوا خواتها عندها واستغربت من جلوسهم بالوقت المتأخر : ليه ما نمتم ؟
انسدحت لينا على السرير براحه : نتمشى ونغير جو لفت وجهها نوره تناظر اختها غدي تتكلم : ايوا هذي المناطق السياحيه اللي متوفره الوقت هذا ضحكت لينا وتكمل مع غدي : هذي احلى واغلى السفرات ضحكت غدي برقه وهدوء هذا طبعها : ايي نطقت لينا بقهر : تصدقون اليوم يخرجون عمي و زوجته وحتى سمر ما كلف على نفسه عمّي يقول بنات اخوي اخذهم معنا ؟ والله زعلت وتضايقت محتاجه اخرج واغير جو على الاقل احس عندي اهل واخرج معهم الجمعه غدي تنهدت بزعل : مو جديد عمّي كل جمعه يتركنا عادي نوره ارخت ملامحها ونطقت تطبطب على اخواتها وتاخذهم بحضنها : انا امكم وابوكم وانا اهلكم ، اصبرو علي كم شهر والله مااخلي شي بخاطركم ونطلع وننبسط ونفلها وعد ابتسمت لينا و تجمعت الدموع بعيونها : حياتي غدي حضنت نوره ونطقت بحزن : ان شاءالله تذكرت نوره و عقدت حواجبها وتنطق بهدوء : انتم موافقين بكلام عمي الصباح ! تتزوجون ؟ ارخت جسمها لينا بتعب : لا مابغى اتزوج بس اللي ابغاه اكمل جامعتي واتخصص طب لفت وجهها نوره على غدي ونطقت بتساؤل : وانتي ؟هزت راسها بالنفي : لا تنهدت نوره وطاحت عيونها على صوره ابوها اللي واقف خلف امها حامل و جانبها نوره غدي ، وقفت اخذت الصوره وتقبّل امها وابوها بشكل متكرر وتنطق بصوت هامس : رحتم وضيعتونا لينا رفعت جسمها وتناظر لـ نوره : نوره !غدي وقفت وراحت لها وتحضنها : لا تخافين حبيبتي ماراح نوافق على كلام عمنا هزت راسها برضى وحطت الصوره مكانها ومسكت ايد اختها واتجهتت لسرير : انسدحوا خواتي وارتاحووا ابيكم دايم معاي الى ان تنحل القصه هذي ...مرت الايام بهدوء وسلام يوم الاحد بداية الاسبوع الكل متوجهه يكمل حياته ويحقق امنياته و يسعى لها في قصر الجد الصباح الساعه 8 كانت جالسه في غرفتها وصوت القران بمسامعها و وصوت عصفورها اللي تحبه يغرد بأحلى التغريدات ، كانت تفطر وحدها بعد الكل راح دوامه ، كانت تذكر الله وتشكره على ابسط النعم وتحصن زوجها و اولادها و احفادها نزلت نوف متوتره ومستعجله وكان شعرها مفتوح والطرحه على كتفتها وعبايتها مفتوحه لابسه المريول والشنطه بكتفها جايه متأخره : جده ابوي مو فيه , في احد يقدر يوصلني تأخرت مرره الجده ناظرتها : مافي احد يا بنتي السايق مع جدك ، اصبري اتصل على تركي نوف تقدمت لجدتها كانت مستاءة وتبغى تلحق على الحصص تحب المدرسه وكانت متفوقة بدراستها : يلا جده اخذت جواله واتصلت على تركي بس ما يرد : مايرد غيبي نوف ميّلت شفايفها بزعل : لا ابغى اداوم اليوم اول يوم لي بهذي المدرسه لازم حظوري الجده وقفت : اصحي فيصل اصبري اتجهتت للمجلس وتبحث بأنظارها لـ فيصل ،دخلت وكان المجلس شبهه معدوم بسبب فوضويته حرّكت راسها يمين وشمال ونطقت بخفى: الله يهديك اتجهتت له وتحرك كتفه تصحيه : ماما يافيصل قووم فتح عيونه الرؤيه عند معدومه افتح عيونه بنعس مستغرب من جدته وطلبها : وش أمي؟ الجده بهدوء ويدينها على كتفه : وصل نوف المدرسه مافي الا انت موجود يلا جلس وهو يحرك عيونه بيده ويحاول يصحصح : طيب الجده ابتسمت لان مايرد لها طلب : يلا حبيبي اتجهه للدوره المياه " عزكم الله " غسل وجهه و نظف اسنانه ونشف وجهه : ابدل ملابسي واجي الجده تناظر لبسه كان لابس شورت وتيشيرت: لبسك مافيه شي ماراح تنزل من السياره ، يلا يا حبيبي مافي وقت الساعه 8 يلا فيصل اخذ المفتاح والجوال ونطق : طيب انا انتظرها بالسياره الجده : يلا جايه لك كان ينتظرها بالسياره بنعس وكان يناظر الشارع وهو يحاول يقاووم النوم ما أخذ كفايته , ركبت بالخلف ونطقت بخجل : سلام عليكم ناظرها من مرايا السياره حدق فيها و مصدوم : اجلسي قدام !! ليه جالسه بالخلف توترت مو متعوده تجلس مع احد غريب بالسياره : لا أنا مرتاحه كذا فيصل بعناد ورفع حاجبه ونطق : ماراح اتحرك الا ان تجلسين قدام يلا استصعبت الموضوع وصوتها بالقوه ينسمع من خجلها: لا والله عادي الله يعافيك يلا لا اتأخر فيصل عبس وجهه من يسمع تقوله يلا لا نتأخر يعني تعتبره ساايق ؟ قفل السياره ورفع رجله اليمنى وحطها على المرتبه والرجل الثانيه تحت ويدينه ممدوده على ركبته ورجع ظهره وتسند على الكرسي ينتظرها تجلس قدام عنده : ماراح امشي ان جلستي بالخلف قدام يلا ، منيب سايق ترا ؟!! تأففتت بخفى ونزلت وتفتح الباب بكل قوتها اللي تعبر عن عدم رغبتها و تسكر الباب بقوه نطق بدون شعور وهو يسمع باب سياره يتقفل بكل قوه ! نطق بحده : وعمى ! بلعت ريقها بتوتر ماتوقعت يتقفل بقوه ونطقت بتوتر : اسفه مو قصدي هو تقفل بكل قوه! عض شفايفه بقهر : طييب جلست وتحاول ما تقرب منه وتثبت عند الباب بحيث تخلي مساافه بينهم مع وجود مسافه بالفعل !!شغل السياره وراح المدرسه...أنتهى ✨قراءة مُمتعه لا تنسون ⭐️
ــــــــــــــــــــــــــــــــــــــــــــــــــــــــــــــــــ
📣| https://telegram.me/+QeK2RuLXdGPVWJtl
[🙇] انتظرونا في الحلقة القادمة ...