الفصل 23
&&&&&&&&&&&&&&&
(( #ﻣﺎﺑﻐﻴﺘﻚ_ﺑﺎﻟﺤﺮﺍﻡ_ﻭﻻ_ﺑﺎﻟﻈﻼﻡ_ﻣﺎﺑﻐﻴﺖ_ﺍﻻ_ﺃﺧﻮﻙ_ﻳﺎﻏﻨﻰ_ﻳﺼﻴﺮ_ﺧﺎﻝ_ﻭﻟﺪﻱ))
(( #الحديقة_الثالث_والعشرون ))
ــــــــــــــــــــــــــــــــــ
ﻓﻲ ﺑﻴﺖ ﺍﻟﺸﺒﺎﺏ .
ﺩﺧﻠﺖ ﻏﻨﻰ ﺑﺼﺪﻣﺔ ﻣﻦ ﺍﻟﺼﺮﺍﺥ ﺍﻟﻠﻲ ﻭﺍﺻﻞ ﺍﻟﺸﺎﺭﻉ
ﺻﺮﺥ ﻋﺰﻳﺰ ﺑﻘﻬﺮ ﻭﺩﻣﻮﻋﻪ ﺑﻌﻴﻨﻪ : ﻛﻴﻒ ﺗﺄﺧﺬﻫﺎ ﻣﻨﻲ ﻛﻴﻒ ؟
ﻣﺸﻌﻞ ﺑﻌﺼﺒﻴﺔ : ﺍﺳﺘﺢ ﻋﻠﻰ ﻭﺟﻬﻚ ﻭﺵ ﺍﺧﺬﻫﺎ ﻣﻨﻚ ﻫﻲ ﺯﻭﺟﺘﻲ ﺏ ﺍﻟﺤﻼﻝ ﺑﻌﺪﻳﻦ ﻣﻦ
ﺳﻤﺢ ﻟﻚ ﺗﺪﺧﻞ ﻏﺮﻓﺘﻲ
ﻋﺰﻳﺰ ﺑﺴﺨﺮﻳﺔ ﻭﻫﻮ ﻳﺒﻜﻲ : ﻟﻴﻪ ﺧﺎﻳﻒ ﺍﺷﻮﻑ ﻋﻘﺪ ﺯﻭﺍﺟﻜﻢ ﻳﺎﻟﻤﺤﺘﺮﻡ
ﻣﺸﻌﻞ ﻳﻤﺴﻚ ﺍﻋﺼﺎﺑﻪ : ﺷﻒ ﻳﺎﻋﺰﻳﺰ ﺍﻧﺎ ﺳﺎﻛﺖ ﻻﻧﻲ ﺍﺣﺒﻚ ﻭﺍﻏﻠﻴﻚ ﻭﻻ ﺍﺑﻴﻚ ﺗﻨﺠﺮﺡ ﻣﻨﻲ
ﻓﺮﺟﺎﺀً ﻃﺲ ﻋﻨﻲ ﻻ ﺗﻄﻠﻊ ﺷﻴﺎﻃﻴﻨﻲ
ﻋﺰﻳﺰ ﻳﺼﺮﺥ ﻭﻋﺮﻭﻗﻪ ﺑﺎﻧﺖ ﻣﻦ ﺍﻟﺤﺮﺓ : ﺍﻧﺖ ﻛﻴﻒ ﺗﺘﺠﺮﺃ ﺗﺘﺰﻭﺟﻬﺎ ﻭﺍﻧﺖ ﺗﺪﺭﻱ ﺍﻧﻲ ﺍﻣﻮﺕ
ﺏ ﻫﻮﺍﻫﺎ
ﻣﺸﻌﻞ ﺑﺼﺮﺍﺥ ﻭﻫﻮ ﻳﻜﺴﺮ ﺍﻟﻄﺎﻭﻟﺔ ﺍﻟﻠﻲ ﻗﺪﺍﻣﻪ : ﺗﺮﺍ ﺍﻟﻠﻲ ﺗﺘﻜﻠﻢ ﻋﻨﻬﺎ ﺯﻭﺟﺘﻲ ﺍﻧﻘﻠﻊ ﻻ
ﺍﺫﺑﺤﻚ
ﺳﻠﻄﺎﻥ ﻳﺴﺤﺐ ﻣﺸﻌﻞ ﻟﺒﺮﺍ ﻻ ﻳﺬﺑﺢ ﻋﺰﻳﺰ ، ﻭﻏﻤﺰﺕ ﻏﻨﻰ ﻟﻨﻴﻠﻮﻓﺮ ﺗﺼﻌﺪ ﻓﻮﻕ ، ﺿﺮﺏ ﻋﺰﻳﺰ
ﺍﻟﻤﺮﺍﻳﺎ ﺍﻟﻜﺒﻴﺮﺓ ﺑﻴﺪﻫﺎ ﻭﻫﻮ ﻳﺼﺎﺭﺥ ﺑﻀﻴﻘﺔ : ﺍﻟﻠﻪ ﻳﺎﺧﺬﻧﻲ ﻭﺵ ﻟﻘﻴﺖ ﻣﻦ ﻫﺎﻟﺪﻧﻴﺎ ؟ ﺑﺤﻴﺎﺗﻲ
ﻣﺎﻃﻤﻌﺖ ﺏ ﺍﺣﺪ ﺑﺤﻴﺎﺗﻲ ﻛﺜﺮ ﻣﺎﺣﺒﻴﺘﻬﺎ ﻭﻃﻤﻌﺖ ﻓﻴﻬﺎ ﺍﻭﻝ ﻣﺮﺓ ﺍﺣﺐ ﻟﻤﺎ ﺣﺒﻴﺘﻬﺎ ﻣﺎﻟﻲ
ﺳﻨﺪ ﻣﺎﻟﻲ ﺍﻫﻞ ﻣﺎﻟﻲ ﺍﺏ ﻭﻻ ﺍﻡ ﻭﻻ ﺍﺧﺖ ﺍﻭﻝ ﻣﺮﺓ ﺍﺟﺮﺏ ﺷﻌﻮﺭ ﺍﻟﺤﺐ ﻣﻌﻬﺎ ﻋﺎﻳﺶ ﺣﻴﺎﺗﻲ
ﻟﺤﺎﻟﻲ ﻻ ﺍﺻﺪﻗﺎﺀ ﻻ ﺍﺣﺪ ﺑﺲ ﺍﻧﺎ 23 ﺳﻨﺔ ﻗﻀﻴﺘﻬﺎ ﻣﻊ ﻧﻔﺴﻲ ﻟﻤﺎ ﻃﻠﻌﺖ ﻋﻠﻰ ﺍﻟﺪﻧﻴﺎ ﻧﻄﻖ
ﻫﺎﻟﻘﻠﺐ ﺑﺎﺳﻢ ﻧﻴﻠﻮﻓﺮ ﻭﻳﺎﺧﺬﻫﺎ ﻫﺎﻟﺨﺴﻴﺲ ﻣﻨﻲ
ﻏﻨﻰ ﺑﻬﺪﻭﺀ : ﻧﺎﻳﻒ
ﻟﻒ ﻋﻠﻴﻬﺎ ﺑﺤﺰﻥ ﻋﻠﻰ ﺣﺎﻝ ﻋﺰﻳﺰ : ﻫﻼ
ﻏﻨﻰ : ﺧﺬ ﺍﺧﻮﻙ ﻣﺤﺪ ﺑﻴﻜﻮﻥ ﺍﺣﻦ ﻋﻠﻴﻪ ﻣﻨﻚ ﻫﺎﻟﻔﺘﺮﺓ
ﻧﺎﻳﻒ : ﺍﻧﺎ ﻭﺍﻧﺘﻲ ﻭﺍﺣﺪ
ﻏﻨﻰ : ﻻ ﻓﻴﻪ ﻓﺮﻕ ﺑﻴﻦ ﺍﺧﻮﻙ ﺍﻻﺻﻞ ﻭﺑﻴﻦ ﺍﺧﻮ ﺍﻟﺪﻧﻴﺎ
ﻧﺎﻳﻒ ﺑﺼﺪﻣﺔ : ﻛﻴﻒ ﻳﻌﻨﻲ ؟
ﻋﺰﻳﺰ ﺑﺼﺪﻣﺔ ﻭﺩﻣﻮﻋﻪ ﻋﻠﻰ ﺧﺪﻩ : ﺗﺮﺍ ﺍﻟﻠﻲ ﻓﻴﻨﻲ ﻣﻜﻔﻴﻨﻲ ﻻ ﺗﺰﻭﺩﻳﻦ ﻋﻠﺘﻲ
ﻏﻨﻰ : ﻭﺍﻟﻠﻪ ﺍﻟﻌﻈﻴﻢ ﺍﻧﺘﻢ ﺍﺧﻮﺍﻥ ﻣﻦ ﺍﻟﺒﻄﻦ ﻃﻠﻌﺘﻮﺍ ﺍﻧﺘﻢ ﺗﺆﺍﻡ ، ﻋﻦ ﺍﺫﻧﻜﻢ ﺧﺎﻟﻲ ﻳﻨﺘﻈﺮﻧﻲ
ﺑﺮﺍ .
ﻭﻃﻠﻌﺖ ﻣﺎﻓﻴﻬﺎ ﺣﻴﻞ ﺑﻌﺪ ﺍﻟﻠﻲ ﺷﺎﻓﺘﻪ ﺗﺠﻠﺲ ﺏ ﺍﻟﺒﻴﺖ ﺍﻛﺜﺮ ﻃﻠﻌﺖ ﻭﻫﻲ ﻧﺎﻭﻳﺔ ﺗﺨﻄﺆ
ﺍﻟﺨﻄﻮﺓ ﺍﻟﺠﺎﻳﺔ ﻭﺗﺮﻭﺡ ﻝ ﺍﻟﺴﻌﻮﺩﻳﺔ ﺭﻭﺣﺔ ﺑﻼ ﺭﺟﻌﺔ .
ﺳﻠﻄﺎﻥ ﺍﺳﺘﻐﺮﺏ ﻳﻮﻡ ﺷﺎﻓﻬﺎ : ﻣﺎﺭﺍﺡ ﺗﺠﻠﺴﻴﻦ ﻣﻌﻬﻢ ؟
ﻗﺮﺑﺖ ﻣﻨﻪ ﺑﻬﻤﺲ ﻋﺸﺎﻥ ﻣﺎﻳﺴﻤﻌﻬﺎ ﻣﺸﻌﻞ : ﻻ ﻭﺩﻧﻲ ﻝ ﺻﻬﻴﺐ ﺑﻌﺪﻳﻦ ﻧﻤﺸﻲ
ﺳﻠﻄﺎﻥ : ﺯﻳﻦ ﻳﺎﺑﺎﺑﺎ ﻳﺎﻟﻠﻪ ﺍﻧﺘﻈﺮﻧﻲ ﺑﺎﻟﺴﻴﺎﺭﺓ " ﻟﻒ ﻋﻠﻰ ﻣﺸﻌﻞ " ﺍﻧﺘﺒﻪ ﻻ ﺗﺘﻬﻮﺭ
ﻣﺸﻌﻞ ﺑﺴﺨﺮﻳﺔ : ﺗﺬﻛﺮ ﻟﻤﺎ ﻛﻨﺖ ﺍﻗﻮﻝ ﺍﺧﺎﻑ ﻋﻠﻰ ﻋﺰﻳﺰ ﻣﻦ ﺍﻟﺪﻧﻴﺎ ؟ ﻫﺬﺍ ﺍﻟﻠﻲ ﻛﻨﺖ ﺍﻗﺼﺪﻩ
ﺯﻭﺍﺟﻲ ﻣﻦ ﻧﻴﻠﻮﻓﺮ ﻫﻮ ﺣﻠﻤﻪ ﻭﺍﻧﺎ ﺳﻠﺒﺘﻪ ﻣﻨﻪ ﺑﺲ ﻭﺍﻟﻠﻪ ﻣﺎﺳﻠﺒﺘﻪ ﺑﻜﻴﻔﻲ " ﺿﻐﻂ ﻋﻠﻰ ﺭﺍﺳﻪ
" ﻫﻲ ﻣﻦ ﻣﺤﺎﺭﻣﻪ ﻛﻴﻒ ﻳﺘﺰﻭﺟﻬﺎ؟
ﺳﻠﻄﺎﻥ : ﻻ ﺗﺘﻬﻮﺭ ﻭﺗﻘﻮﻟﻪ ﺍﺻﺒﺮ ﻟﻴﻦ ﻳﺸﻔﻰ ﺻﻬﻴﺐ ﻭﺑﻌﺪﻫﺎ ﻳﺤﻠﻬﺎ ﺭﺑﻚ .
ﺭﻛﺐ ﺳﻴﺎﺭﺗﻪ ﻭﺗﻮﺟﻬﻪ ﻝ ﺍﻟﻤﺴﺘﺸﻔﻰ .
'
ﻛﺎﻥ ﺟﺎﻟﺲ ﺑﺨﻮﻑ ﻭﻫﻮ ﻳﺘﻔﺮﺝ ﻋﻠﻰ ﺍﻟﻐﺮﻓﺔ ﺍﻟﺒﻴﻀﺎﺀ ﻛﺎﻥ ﻣﻦ ﻛﻼﻡ ﺍﻟﺮﺟﻞ ﺍﻟﻠﻲ ﻳﺴﺎﻋﺪﻩ
ﻳﺨﻮﻑ ﻣﻦ ﺍﻟﻤﺴﺘﺸﻔﻰ ﻭﺍﻧﺮﺳﺨﺖ ﺍﻟﻔﻜﺮﺓ ﺏ ﺑﺎﻟﻪ ﺧﺎﻑ ﺍﻥ ﻫﺎﻟﺸﻲﺀ ﻳﺄﺛﺮ ﻋﻠﻰ ﺍﻟﻌﻼﺝ
ﺍﻟﺪﻛﺘﻮﺭ ﺑﺎﺑﺘﺴﺎﻣﺔ : ﺍﺫﺍ ﻛﻨﺖ ﻣﺘﻌﺎﻭﻥ ﺑﺎﺫﻥ ﺍﻟﻠﻪ ﺧﻼﻝ 6 ﺷﻬﻮﺭ ﻭﺍﻧﺖ ﻣﺎﻓﻴﻚ ﺍﻻ ﺍﻟﻌﺎﻓﻴﺔ
ﺻﻬﻴﺐ ﺑﻔﺮﺣﺔ : ﺻﺪﻕ ؟
ﺍﻟﺪﻛﺘﻮﺭ : ﺍﻱ ﻭﺍﻟﻠﻪ ﻭﻫﺬﺍﻧﻲ ﺳﻌﻮﺩﻱ ﺟﺎﻱ ﺧﺼﻴﺼًﺎ ﻋﺸﺎﻧﻚ
ﺍﻧﻄﻖ ﺍﻟﺒﺎﺏ ﻭﻃﻠﺖ ﺑﺮﺍﺳﻬﺎ ﺍﻟﻤﻤﺮﺿﺔ : ﻳﻮﺟﺪ ﺯﺍﺋﺮ ﻟﺪﻯ ﺻﻬﻴﺐ
ﺍﺑﺘﺴﻢ ﺍﻟﺪﻛﺘﻮﺭ : ﻣﺎﺑﻌﺪ ﻛﻤﻠﺖ 24 ﺳﺎﻋﺔ ﻭﺯﻳﺎﺭﺍﺕ ﻳﺎﻟﻠﻪ ﺍﻧﺎ ﺍﺳﺘﺄﺫﻥ
ﻃﻠﻊ ﺍﻟﺪﻛﺘﻮﺭ ﻭﺩﺧﻠﺖ ﻏﻨﻰ ﻭﻓﺰ ﺻﻬﻴﺐ ﺑﻔﺮﺡ
ﻗﺮﺑﺖ ﻏﻨﻰ ﺑﻬﺪﻭﺀ : ﺑﺮﻭﺡ ﺍﻟﺴﻌﻮﺩﻳﺔ ﺑﻨﺎﻡ ﺑﺤﻀﻦ ﺍﻫﻠﻲ ﺑﺸﻢ ﻓﻴﻬﻢ ﺭﻳﺤﺔ ﺍﻣﻲ ﺑﺘﻨﻔﺲ ﻫﻮﺍﺀ
ﺩﻳﺮﺗﻲ ﺑﺸﻮﻑ ﻧﺎﺱ ﻣﻦ ﺍﺻﻠﻲ ﻭﻓﺼﻠﻲ ﺑﺎﻛﻞ ﻭﺑﺸﺮﺏ ﻣﻊ ﻧﺎﺱ ﻳﺮﺑﻄﻨﻲ ﻓﻴﻬﻢ ﺍﻟﺪﻡ
ﺻﻬﻴﺐ ﺿﻐﻂ ﻋﻠﻰ ﻳﺪﻫﺎ : ﺍﺭﺟﻌﻲ ﻟﻲ ﻻ ﺗﺨﻠﻴﻨﻲ ﻭﺍﻟﻠﻪ ﺍﻣﻮﺕ
ﻏﻨﻰ : ﻭﻣﺸﻴﺖ ﻣﻦ ﻏﻴﺮ ﻣﺎ ﺍﻭﺟﻌﻚ ﺍﻭ ﺍﺭﺩ ﻟﻚ ﻧﻔﺲ ﺍﻻﻟﻢ ﻭﺑﻘﻴﺖ ﺍﺣﺒﻚ ﻧﺼﻔﻲ ﺭﺿﺎﺀ
ﻭﻧﺼﻔﻲ ﻗﻬﺮ
ﺻﻬﻴﺐ ﺑﺨﻮﻑ : ﺍﺧﺎﻑ ﻣﺎﻗﻮﻯ ﻋﻠﻰ ﺑُﻌﺪﻙ ﺍﺧﺎﻑ ﺍﻟﺪﻧﻴﺎ ﺗﺸﻘﻴﻨﻲ ﺍﺧﺎﻑ ﺍﺗﻌﺬﺏ ﺑﺤﺴﺮﺗﻲ ﻭﻻ
ﺍﻟﻘﻰ ﻟﻲ ﺻﺪﺭ ﺍﺑﻜﻲ ﻋﻠﻴﻪ
ﻣﺴﺤﺖ ﻋﻠﻰ ﺭﺍﺳﻪ ﺑﺤﻨﻴﺔ : ﺑﺸﻴﻞ ﺍﻟﺤﻤﻞ ﻟﻮ ﺗﺸﻜﻲ ﺑﻜﻮﻥ ﺍﻷﻡ ﻭﺇﻧﺖ ﺑﺎﻟﺤُﻀﻦ ﺍﺑﻨﻲ
ﺑﺎﺱ ﻳﺪﻫﺎ ﻭﻋﻴﻮﻧﻪ ﺗﺸﻊ ﺏ ﺍﻷﻣﻞ ﻣﻦ ﻛﻼﻣﻬﺎ ﺍﻟﻤُﺤﻔﺰ ﺍﺑﺘﺴﻤﺖ ﻟﻪ ﻭﻃﻠﻌﺖ ﻝ ﺍﻟﻤﻄﺎﺭ ، ﻛﺎﻧﻮﺍ
ﻣﺘﺄﺧﺮﻳﻦ ﻝ ﺍﻻﺳﻒ ﻭﻳﺎﻟﻠﻪ ﻟﺤﻘﻮﺍ ﻭﺭﻛﺒﻮﺍ ﺑﺴﺮﻋﺔ ﺍﻟﻘﺖ ﻧﻈﺮﺓ ﺍﺧﻴﺮﺓ ﻋﻠﻰ ﺍﻟﻤﺪﻳﻨﺔ ﻭﻫﻲ
ﺗﻮﺩﻉ ﻧﻴﻮﻳﻮﺭﻙ ﺍﻟﻠﻲ ﺿﻤﺘﻬﺎ 23 ﺳﻨﺔ ﺏ ﺍﺣﻀﺎﻧﻬﺎ ﺷﻬﺪﺕ ﻋﻠﻰ ﻛﻞ ﻟﺤﻈﺔ ﺿﻴﻢ ﻋﺎﺷﺘﻬﺎ
ﻛﺎﻧﺖ ﻇﻬﺮﻫﺎ ﺑﻐﺮﺑﺘﻬﺎ ﻭﺍﺧﻴﺮًﺍ ﺭﺍﺣﺖ ﺗﺘﺠﺮﺩ ﻣﻦ ﻫﺎﻟﻐﺮﺑﺔ ﺍﺫﺍ ﺿﻤﺘﻬﺎ ﺩﻳﺎﺭ ﺍﻟﻤﻤﻠﻜﺔ ﺍﻟﺤﺒﻴﺒﺔ .
ﺑﻌﺪ 12 ﺳﺎﻋﺔ .
ﺻﺤﺖ ﺳﻠﻄﺎﻥ ﺗﺨﺒﺮﻩ ﺑﺎﻧﻬﻢ ﻫﺒﻄﻮﺍ ﻃﻮﻝ ﺍﻟﺮﺣﻠﺔ ﻣﺎﻗﺪﺭﺕ ﺗﻨﺎﻡ ﺧﺎﻳﻔﺔ ﻣﻦ ﺍﻟﺨﻄﻮﺓ
ﺍﻟﺠﺪﻳﺪﺓ ﺍﻟﻠﻲ ﺍﻗﺒﻠﺖ ﻋﻠﻴﻬﺎ ﺑﻘﻮﺓ ﻭﺍﺻﺮﺍﺭ ﻭﻣﺎﻓﻜﺮﺕ ﺑﻌﻮﺍﻗﺒﻬﺎ ﺏ 12 ﺳﺎﻋﺔ ﺭﺳﻤﺖ ﺍﺣﺪﺍﺙ
ﻟﻘﺎﺀﻫﺎ ﺍﻷﻭﻝ ﻣﻊ ﺧﻮﺍﻟﻬﺎ ﺑﻴﺤﺒﻮﻧﻬﺎ؟ﺑﻴﻜﺮﻫﻮﻧﻬﺎ؟ ﻧﺰﻟﺖ ﻭﻛﺎﻥ ﺏ ﺍﺳﺘﻘﺒﺎﻟﻬﻢ ﺧﺎﻟﻬﻢ ﻣﺤﻤﺪ
ﺍﺑﺘﺴﻤﺖ ﻭﻫﻲ ﺗﺒﻮﺱ ﺭﺍﺳﻪ ﻭﻫﻮ ﻳﻬﻠﻲ ﻭﻳﺮﺣﺐ ﻓﻴﻬﺎ
ﻣﺤﻤﺪ ﺑﻔﺮﺣﺔ : ﺗﻮ ﻣﺎﻧﻮﺭﺕ ﺍﻟﺮﻳﺎﺽ ﺏ ﻗﺪﻭﻡ ﺑﻨﺖ ﺍﻟﻐﺎﻟﻴﺔ ﺟﻌﻠﻬﺎ ﺑﺎﻟﺠﻨﺔ ﺍﺷﺮﻗﺖ ﺷﻤﺴﻬﺎ
ﻭﺍﻣﻄﺮﺕ ﺳﻤﺎﻫﺎ ﻭﺍﻧﺒﺖ ﺍﺭﺿﻬﺎ
ﺳﻠﻄﺎﻥ : ﺍﻟﻌﻘﻞ ﻭﺵ ﻓﻴﻚ ﻳﺎﺭﺟﺎﻝ ﻗﻠﺒﺖ ﺷﺎﻋﺮ ؟
ﻣﺤﻤﺪ : ﻣﻦ ﺷﻮﻓﺔ ﺍﻟﻐﺎﻟﻴﺔ ﻣﺎﺑﻘﻰ ﻓﻴﻨﻲ ﻋﻘﻞ........
#الى_هنا_اقفل_حديقتي_ال23
*ـــــــ((( @ahgeel )))ـــــــ*