كم عيون مالقت عندي حصيل وانت تاخذني على وقفة نظر - 43 والاخير | روايتك

عالم القصص والروايات 📚: ▇ـ▄▄▄💜 ▄▄▄ـ▇ { رواية كم عيون مالقت عندي حصيل وانتي تأخذني على وقفة نظر }💜 ( البارت ال 161 💜) ▇ـ▄▄ @ahgeel ▄▄ـ▇ مررت استغفر " 3 مرات " / اعجبتيني كثيييييير واول الحب اعجاب كل شيء كان حلو حياتنا ، مشاعرك ، والاحلى ضحكتك تغيرتي عليّ ماعشتي معي ولا لحظة سعيدة كنتِ زعلانه وكثير وانا ماكنت فاهم طلع قلبك غيور ؟ ويظن الحياة حطتك بطريقي خطأ ماحزرتي انتِ حُب ورحمه ونبض لـ ذيب انتِ نصيبي ومانقول لا للنصيب ماحبيت قبلك لا العنود ولا غيرها لو كنت احبها هقوتك بخليها ؟ لو كان قلبي يميل لها ولو شوي تتوقعين خوالي يردوني ؟ تتوقعين ابوي يمنعني ؟ كلهم همهم رضا ذيب لكن ذيب همه رضـاك ذيب وده بفرحتك انتِ لانك لين اللي مالان ذيب الا لهـا كنت اتجاوز حركاتك اقول مشتاقة لاهلها اقول تعبانة ، اخر شيء توقعته ان زوجة ابوك مخربة عليك وعليّ .. اخذ نفس عميق من لاحظ ان وجهها تغير ونزلت راسـها وعيونها دمـعت انحطت بموقف محرج وبنفس الوقت موقف قد جرح واحرق قلبها كثـير مايتصـوره الا شخص عاش بنفس الموقف / ابتسم بخفه ومسك ايدها : تاكدي اني احبك ارتفعت عيونها له وسرعان ماشتتها بربكة ؛ لين لا تشكين ابداً بمكانتك عندي انتِ زوجتي وحبيبتي واللحين في جوفك قطعة مني ومنك هزت راسها بالايجاب وغمضت بقوة من شدها لحضنـه وهو يقبّلها : كيف عرفت؟ وصله همسها المخنـوق ليلفظ : صديقتك كبت العشاء عند زامل وماقصر فيني ابشرك خذاني طقطقة عرض وطول يقول من زينك عاد! تلونت ملامحها بالحمرة وابتسمت بحرج ذيب بخبث: تتوقعين زامل صادق؟ ناظرته لتهمس ؛ القرد في عين امه غزال ارتفعت ضحكته بذهـول : لا ياشيخـة!!! ضحكت بالمثل وتحس قلبها يطييييير من السعادة. - شعور ان الشخص اللي تحبه يحبك ان همه انت ورضـاك وسعادتك شيء يكفي لـتنعم لين بطمأنينة لنفسها وطفلها ‏أنا أحبك ، وهذا يعني أنني لست هنا فقط للأجزاء الجميلة والأيام السعيدة أنا هنا في الأوقات العصيبة والأيام السيئة أنا هنا مهما حدث. - '~ فـي مكان اخر .... - بوسط جوف زامل كان لسان حاله يشكي ، ماكان العالم يكفي لـ اشعر بطمأنينة لم يكن يكفي وجود سيدة طاعنة بالسن بجواري كنت احتاجك وفقط بحاجة مُلحة لـك ، لصوتك ، حتى لغضبك الدائم الساعة السابعة مساءً في وسـط دارنا الدافئ كنت افتقدك - انتزع قميصه بهدوء ليرتدي اخر كئيب مُشابه للأول الفرق الوحيد وجود ثلاثة ازرار هنا وهناك اثنان مرر لسانه على شفتيه بتماسك ومحاجره تذبل ويالخسارة الرجال ياقهرهم وياقهـر زامـل وألمه الشديد عند التفكير بأنقطاع السُبل بـ الانسياق لـ الـمستقبل بدونك . بدون روان يعني بدون حياة بدون أمل تنهيدة عميقة تبعتها ابتسامة كاذبة ليخرج لـ جدته : بشريني يـ ام عقاب ؟ زان لك الجو ؟ ام عقـاب وهي تعرف ان مسمى " ام عقاب " لايخرج من زامل الا من كرب عظيم : ايه الحمدلله زامل مد يدة لـ دلة القهوة سكب في الفنجال الابيض لـ يرفعه لفمه بهدوء وضعه وهدوءه تثبت ان عاصفة وقعت بعد لقاء ام عقاب بـ روان ام عقاب بنظرات حنونه ؛ يمه اسوي لك عشاء تحبه؟ زامل ابتسم لها ووجهه ذبلان : لا فديتك شبعان ميلت شفتها بصمـت وعينيها تنزل للاسفل بحرقة شديدة على زامل لفظت بعد صراع مع عقلها : وينها حرمتك؟ ماهيب راجعه ؟ زامل ابتسم وعيونه على فنجال القهوة : لا يمه تطمني ام عقاب لانت ملامحها : اتطمن وانت كذا؟ زامل رمش ببطء وهو يهمس ؛ ماصار الا كل خير وقف وخرج من الشقـة والعمارة ليجلس بـ سيارته ارسل لها رسالة فارغة لكن لا رد ولا حتى استلام للرسالة ابتسم بسخرية شديدة ؛ من البداية كنت ادري مايكمل معي شيء ما ارتاح ، ما احب ، ما اعيش كان المفروض ما اعشم عمري على وهم ما اعلق روحي بـ كذبة بـ شيء مو مكتوب لي . تنهد بقوة ومسح وجهه وهو يمثل الا مبالاة حتى على نفسه : خلاص نقطة وانتهت لا تنبش فاللي فات يازامل .. يقنع نفسه وبصعوبة بضرورة تجاوز الامر بـ تركها في ذروة قراراتها - ———- - مررت اصبعها على شاشه الهاتف بمجرد وصول رسالة من ام بدر صـورة له وبوسط سيارته كفوفه على وجهه والاخرى يبتسم بهدوء وراسه يستند على المقعد ماكانت ملامحه عاديه ، ماكان مرتاح تعرفـه وكثير ، لو كان فيه ذرة هدوء كان دخن!! لو كان فيه حيل وقوة كان شغل سيارته وحرك كان مشى مشوار طويل وطلع قهره فيه لكن هلكـان وجداً.. رفعت سبابته تعضها ودموعها تبلل ملامحها ماله ذنب ، ياكثر ماتكلم ، ياكثر ماوضح وصرح بـ حبها قال لها من قبل : انا ماوديّ بالناس معك شرح لها غلاتها وختم اعترافه بـ " احبك " تمنت لو ام بدر ما ارسلت الصور وألمتها . #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { رواية كم عيون مالقت عندي حصيل وانتي تأخذني على وقفة نظر }💜 ( البارت ال 162 💜) ▇ـ▄▄ @ahgeel ▄▄ـ▇ مررت استغفر " 3 مرات " / فـ حائل ... - صعدت للاعلى وهي تسمع صـوت والدتها المبتهج : مبـروك على موافقه اروى عزام تهلل وجهه بالفرح ؛ وافقت ! ام اروى بسعادة : اي ونقول الله يوفقهم عزام : يارب الله يتمم لهم على خير وافرح بعيالها - — توسط افكارها اسمها واسـم شريك حياتها اروى ونواف .. - لم يكن ابداً في ابسط توقعاتي زواجي من ابن شيخ القبيلة المجاورة ولم يكن بأعتقادي اني ايضاً سأصبح ابنه لـ الشيخ عزام كل شيء اختلف خلال خمسة اشهر فقط مات عمي رعد ، تم طرد نهار من القبيلة تتويج راكان لـ ختم الشيخة ورفض وتنازل فيها لـ ابوي " عمه عزام " اكتشاف سحر لـ عمي رعد واعترفت زوجته بـ فعلتها والصدمة الاكبر " زامل ، زواجه ، هروبه ، قتله لـ رعد " احداث متتالية توضح لي " صغر الدنيا وسرعة الاقدار " توضح لي ان الحياة ممكن تنقلب بيوم وليلة وان كل شيء مستبعدين حدوثه ممكن يصير ! ممكن هو يكون الواقع بيوم ونعيشه يألم او يسعد ! كيف ابوي صار الشيخ؟ مع ان عمي رعد كان بيترك ختم الشيخة لـ نهار او زامل ! كيف قتله زامل !! كل شيء بسرعه صـار واللي فهمته وتأكدت منه هو شيء واحد انه مقدر ومكتوب مانقدر نعترض لكن نقدر نحارب بالدعاء . " ربي لاتغير حالنا الا لأحسنـه " - ————- - فـ بيت ابو خـالد .. - ضغطت زر الاغلاق ليختفي ضوء شاشة الهاتف من امامها بعد مكالمة طويلـة مع نادر وضح لها انه بعد مكالمتهم الفجر سافر مع امه لـ جدة وحالياً عند زامل اللي زوجته حامل وتعبانه بالمستشفى كان نادر جاهل اللي يصير فالشقة لكن مع هذا كل شيء يقـوله لـ بريهان بذمة وضمير وحُب .. كل تفاصيل يومه يقولها لها وبالتفصيل الممل ماكان يمّل ولا كان يتجاوز يومه بدون صـوتها ابتسمت برحابة وتفاصيل ليلة خطوبتهم تتكرر بذهنها رفض ابوها ان نادر يشوفها ووافق نادر لجّل تتم الخطوبة كانت تدري ان ابوها يغـار من نادر ومايبي اي احد يشاركه بقلب بنته الطيب لكن حكم الدنيا بعد عقد القران خرج خالد لـ سهرة مطولة مع الشباب وابوها استسلم لـ نومه في وقت رتبت شكلها وتجهزت بكامل زينتها لـ موعد غرامي مع نادر اللي تسلل كعادته لـ داخل الاسوار لكن هالمرة غيــر . حلاله ويجوز يشوفـها ، يتأملها مو يصّد ويشعل بصدره نار ماتطفي بمجرد رؤيتـه لها صدر منه " ونه " كانت سبب في تلون ملامحها بالحمرة الشديدة : يابعد حيي وميتي تقدم لها بهدوء ومد ايده لها يسلم عليها صافحته وشد عليها بخفه واصابعه تتلمس ليونه كفها همس وعيونه تتأملها بشدة : يقول لا اشوفك! ضاع الكلام منها في وقت انحنى يقبّل خدها مره ومرتين وهو يهمس وكفوفه تمسح شعرها : الله يحفظك لا تصيب"ن" عيونك ابتسمت من فرط حنيته وعضت شفتها بضحكة من حست فيه يمسك ايدها ويدورها على نفسها ؛ انيقة وحلوة كثير تجمدت ملامحهم من سمعـوا صوت الباب ودخول خالد للحوش نادر انحرج وصّد عنه بنظراته في وقت بريهان تخبت بوجهها في صدر نادر خالد بنص عين وهو كان شاك ان نادر كذوب مايقدر للشروط : ايه صّدوا عني يامسودين الوجه اجل حب وحبحبه تالي الليل؟ اكمل بتمثيل للغضب ؛ لا يكون بياخذك معه الهايت ؟ بريهان بذهول لفظت ؛ لاا مو كذا نادر ارتفعت ضحكته بقـوة وانحرجت وهي تدخل بسرعه خالد ضحك وقرب له : ماشاء الله على قلة الادب وش عندك يالاخو ؟ نادر بنص عين ؛ اقول خويلد وراء ماتذلف مايكفيك خربت السهرة بأولها خالد بتشفي وفرحة : تستاهل ، اتحداك من شاف وجهها هالليلة نادر تنهد : يكفيني مبسمها الـ.. سكت من لاحظ عيون خالد طارت فيه ضحك وهو يطلع بسرعه قبل يرميه خالد بعقاله . - رجعت بريهان لواقعها على صوت خالد اللي يتناقش مع ابوه لان زواج ابوها بعد يومين بس زواج عائلي بسيط ، ابوها العريس وخالتها العروس.. ترحمت على امها وهي تتمتم بأدعيه لها من قلب صـادق . - ————- - فـ جدة .. - اشتعلت ملامحها غضب من نادر اللي رفض يقوم يدور لـ زامل : طالع من ساعة يالمجنون قوم دور له نادر رفع رجله على الطاولة : كبير وفاهم ماهو جاهل يمه ام عقاب وقفت وهي تاخذ عصاها : والله والله ان تذوق وجع هالعصا يانويدر فز واقف وهو يوقف وراء الكنب : يمه الله يهديك ام عقاب رفعت عصاها لكن وقفت وهي تنزلها وتنطق : دق على الاسعاف نادر تجهمت ملامحه : ليه ام عقاب جلست : دق عليهم بسرعه نادر اتصل بسرعه وجلس جنبها بخوف وهي ساكته وتحرك عصاها بين كفوفها بتفكير نادر قبل كتفها وهو يهمس : يمه وش يوجعك؟ ام عقاب ضربته بعصاها وهي تنطق : حلفت انك تذوقها نادر مسح رجله من قوة الضربه : تم ابشري بس قولي وش يوجعك؟ ام عقاب اشرت للباب : شفت حرمة عيونها توطوط علينا كل شوي طالعه وداخله #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { رواية كم عيون مالقت عندي حصيل وانتي تأخذني على وقفة نظر }💜 ( البارت ال 163 💜) ▇ـ▄▄ @ahgeel ▄▄ـ▇ مررت استغفر " 3 مرات " .. // ام عقاب اشرت للباب : شفت حرمة عيونها توطوط علينا كل شوي طالعه وداخله وشفتها تراقب زامل هقوتي انها استخبارات لحرمته عساه المانيب قايله نادر بأستغراب : والاسعاف وش دخلها ام عقاب بخبث : تعرف اذا جات الاسعاف دخل زامل للعمارة وتقابل مع ابو بدر فالدرج وجلسوا يسولفون لدقائق وبعدها كل واحد اتجه لطريقه دخل زامل للشقة بعد محاولات لفتح الباب اللي علق فجاءة وتجمدت ملامحه من شاف نادر ماسك ايد امه وام عقاب تتنفس بصعوبة توسعت محاجرة بذهـول ؛ يمه ! ام عقاب اشرت له : تعال ياقلب يمه جلس عندها وهو يسمع نادر : تاخروا الاسعاف زامل بخوف : شفيها ؟ نادر بلع ريقه وعيونه على امه اللي تناظره بتهديد ؛ قليبها زامل بخوف وعيونه تدمع : يمه قليبك يوجعنك؟ ام عقاب قبلت خده وهي تضمه لها : زعلان مني يازامل؟ زامل ؛ لا ياملي وبعدي مانيب زعلان ارتاحي انفداك ارتاحي ام عقاب تنهدت وهي توقف مع نادر بصعوبة ومازال زامل منهار وغير مستوعب : وين بتروحين؟ ام عقاب : الاسعاف جات زامل بأنفعال : بيطلعون لك لا تتعبين او بننزلك انا ونادر ام عقاب قفلت عبايتها واتجهت للباب ووراها نادر اللي يهمس لها بتمتمه وزامل وقف بصـدمة !!! تعبانة وتركض للدرج حتى الاصنصير رفضت!! لحقهم وهو يتجاهل اللي صار ممكن من تعبها تبي دواها بسرعه . - ———— - فـ الرياض .. - وصـل راكان ودخل بحالة صـدمة تامه من عرف ان امه حللت واللي تقدم لها الشيخ اللي يقرأ عليها !! حاول يقنعها تأخر الموضوع لانها خلصت عدتها هالشهر وصعبه تتزوج بهالسرعة وش بيصير وجههم حتى قدام اعمامهم لكن رفضـت وطنشتهم ما كأنهم يتكلمون بالعكس تطلع وتجهز نفسها بطريقة سببت لهم يأس من حالتها لانها تحس نفسها بنت بـ العشرين او حتى مراهقه مو بالخمسين ! كمية حماسها وحركاتها تخليهم محرجين وجداً يبونها تثقل شـوي ، تكون حكيمة وعاقلة وحركاتها كلها رزان ، مايبون تكون بهالصـورة قدام اي شخص . - وقفت ام بدر عند الشرفة وعيونها على سيارة الاسعاف اللي ركب فيها زامل وام عقاب صورتها بسرعه وارسلتها لـ روان ومعها عبارة " الحقي على زوجك " - بعد مرور سـاعات تتحرك وبخمول شديد فتحت جوالها تشوف الوقت تجمدت بذهول من رسالة ام بدر فتحتها وتوسعت محاجرها بذهـول ؛ اسعاف ! دقت عليه بلا وعي انفاسها الغير منتظمة ورجفة كفوفها كانت كافيه لتوضيح مدى خوفها هاللحظة : رد قفل الخط بدون رد ورجعت تتصل وصلها صـوته بعد الرنه الثالثه ؛ نعم كان جامد وثقيييييل ؛ زامل ؟ رمش ببطء وهو يستوعب انها المتصلة ؛ هلا روان ، وينك ! روان ؛ وينك انت ! فيك شيء ؟ زامل فتح فمه بيتكلم لكن سكـت بدون رد روان بتمتمه : زامل ؟ الوو همس بخفه : معك روان اخذت نفس ؛ فيك شيء ؟ زامل تركزت عيونه على جدته اللي نايمة وهو مرافق معها : يهمك ؟ وقف وخرج من الغرفة يتحرك في الممر وينتظر ردها روان بعد صمت طويل : وينك ؟ زامل ؛ المستشفى ابتسم بسخرية ليلفظ ؛ تجيني ؟ روان عضت شفتها وتنهدت وهي تهمس : ارسل الموقع قفلت ووقفت تلبس بسرعه لجل تطلع له - ——— - تأمل شاشة الجوال ودخل لجدته اللي جلست بتوهن : وين رحت ! زامل ؛ شفت الدكتور ورجعت ام عقاب تنهدت : وكيف التحاليل ؟ زامل : حلوة ماشاء الله عليك بس بكرة يسوون لك عيونك ونطلع الا اقول وش الطاري على هالفحوصات ؟ ام عقاب : اتعالج واشوف نفسي ناظرته للحظه وهي تلفظ : اقول زامل ابتسم لها من حس بالفضول في وجهها : قولي يمه ام عقاب ؛ حرمتك ماجات ؟ زامل تجمدت ملامحه : ليه تجي؟ ام عقاب : تتطمن عليك وتشوف وضعك وبعدين وراها ضايقه ومنحاشة منك ؟ هاه ! عشان ضربتها زعلت الرفلا ؟ تستاهل اللي تمصع لها رقبتها ، اجل البيت وسخ وكل شيء مكبب وكاذبه علي تقول انها العنود وخالتها صديقتي وتبيني اخذها بالاحضان ؟ ما اطيق للكذب ما اطيق زامل تنهد : يمه واللي يعافيك ترى قلبي ضايق ارحميني ام عقاب : ماهو مهم اللحين ودك تاخذها ودك تخليها المهم برد خاطري فيها وخذت لعقه مني هذاك الكف اللي يريح الكبد اجل تكذب علي ؟ تكون قالت لي من البداية وخلاص ! لا اله الا الله تموت هالناس اذا قالوا الصدق زامل مرر لسانه بشفته وجلس على يمينها وهو يتذكر كذبته عليها ؛ روان هنا فالمستشفى '~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { رواية كم عيون مالقت عندي حصيل }💜 ( البارت ال 164 💜) ▇ـ▄▄ @ahgeel ▄▄ـ▇ / زامل مرر لسانه بشفته وجلس على يمينها وهو يتذكر كذبته عليها ؛ روان هنا فالمستشفى ام عقاب : عشانك؟ زامل ؛ لااا ، مريضه يمه ، البيبي طاح ام عقاب شهقت : لا اله الا الله الله يعوضكم خير زامل كشر ؛ امين ، بس ترى تعبااانه حيل وبيني وبينك خاطرها عافني ام عقاب سكتت للحظة وعيونها عليه ؛ اقول يالكذوب وراء ماتذلف برا ؟ ضحك بقوة من كملت كلامها : انت واياها مافيكم طب ، طنجرة ولقت غطاها زامل ابتسم ووقف عند الباب : يعني موافقه علينا ؟ ام عقاب بأبتسامة حنونه : جيبوا لي عقاب ومايكون الا كل خير زامل ضحك بسعادة : تبشرين بـ عقاب واخوان عقاب وخواته " يجهل انها جايه لهالمكان عشانه " طلع بسرعه للمواقف يقابل روان اللي ارسلت انها وصلت وسعادته مالها حـد . - كل شيء يتصلح كل شيء يرجع للنقطة الصح في وقت انتظاره لتحاليل جدته ارسل له مدير القناة اللي انطرد منها اعتذار و ان فيه خطأ في المشكلة وانهم بحاجته يرجع ، هو البريء ويبونه فالقناة وفي نفس المكان وبراتب اعلى واللحين جدته رضت عليه وتبي تشوف عياله وروان بيشوفهـا قدامه ويروي شـوقه - وقف عند باب الطوارئ وما شالته رجولـه جلس وسجد في مكانـه ودموعه تنزل بلا شعور من زمـان من سنين طوووويله ما ارتاح ولا قدر يعيش ، كان يحاول ويفشل بكل مره بكل مره يرجع لنفس النقطة بحزن وتحطم اكبر ، كانت توقعاته كلها انه بيموت منبوذ وحيد وبدون مايلقى من يقبره من كثر المشاكل والكُره اللي حوله وصل لليأس وصل للاكتئاب واللحين يفرح ؟ اللحين الدنيا بتضحك له بيرتاح !!! : يارب ياحبيبي شكراً شكراً انت اللي تدري وانت اللي تعرف اللي بقلبي واللي حسيت فيه واللي اوجعني واحرق روحي ياربِ احبك شكراً شكراً الحمدلله الحمدلله الحمدلله كان يرتجف في سجـوده من كثر البكاء واللي حوله يضحكون فرحة له وصوت تحمده وشكره عالي جلس وهو يمسح وجهه ويضحك بقوة تلثم بشاله ووقف وهو يتجاوز اللي حوله ويركض لـ المواقف كانت واقفه عند سيارته وكفوفها ترجف شافته وشافت التجمع اللي عنده كان منهار بس عجزت تدخل عنده المكان كله رجال وواقفين حوله انحرجت تدخل ، عدلت وقفتها من شافته جاي جهتها هرول في مشيته وهو يضحك ويضمها بقوة حاوطته بخوف شديد : وش صار !!! وش فيك ؟ ضحك وهو يمسح وجهه ويناظرها ؛ ماصار شيء انا حي ياروان انا حي ضحك وضحكت من ضحكته كانت حركاته غريبة عليها لكن تماسكت تحاول تفهم ؛ فيك شيء ؟ زامل اخذ نفس عميق وعيونه تثبتت عليها : والله العظيم اشتقت لك زامل اخذ نفس عميق وعيونه تثبتت عليها : والله العظيم اشتقت لك اهتز كل مافيـها من كلمته ونظراته وضحكته السعيدة حست بكراهيه لنفسها اللي تركته وهي تعرفه يمووت عليها ؛ اركبي السيارة بنمشي روان ؛ وين زامل ضحك وهو يفتح لها الباب : مكان سري اتجه للباب الثاني وهو يرسل لنادر يروح لـ ام عقاب لانه بيطلع . - شغل السيارة والتفت لها من حس فيها تمسك ايده : لبيه روان مالت شفتها ببكاء ؛ اسفه رفعت نفسها وهي تضمه وتجلس بحضنه تبكي : ما اقدر اراهن على اي شيء بدون مايخدشني الاسف ما قدرت اقرب لك لان وبكل مره اكتشف ان أنا امرأة من بحر وأنت رجل من جبل وبيننا جغرافيا هائلة ، بيننا عادات وتقاليد بيننا مذبحة كاملة يعز علي هذا التعب والركض الطويل في مدارٍ تجهله واجهله ، خذ بيدي يازامل خذني من التيه، من عبء الوجود الحزين، من بين أنياب القلق، إلى رحابة حنانك وأمانك اعذرني اذا قسيت اذا تمردت اذا بلحظة حسستك بشعور ماتحبه ولا يستهويك ‏في نهاية المطاف ارجع واقبل عليك وقلبي يدلني لك وروحي لاتكُف عنك، مهما مرينا بظروف سيئة وأيام لا نستريح بها، أنا أطمئن معك وهذا شيئاً كافي عشان أحبك لهذا الحد . كانت تتنفس بسرعه وعيونها بعيونه ظهرها على المقود وكفوفه حولها ملامحه متجمدة ونظراته مذهوله تماماً : لو هذا حلم ! لا سامح الله من يصحيني. شدها لحضنه وانهارت تبكي من جديد وهي تحاوطه : احبك والله اكثر من كل شيء من نفسي واهلي وربعي وناسي كلهم ، يابعد دنياي ياروان . مخبية وجهها برقبته وتشهق ببكاء بعد الانهيار الشديد اللي طاحت فيه كتمت كتمت كتمت وبالنهاية انفجرت عليه بكل قوة . - ___ - كل ايامنا تمر ونحتفي بها إما سعادة او غضب او حزن قاتل نحن نحدد كيف نعيش - بوسـط بيت ام عقـاب وتحديداً غرفة زامل - وضعت صحون الشاي واتجهت للنافذة الواسعة تتأمل القرية مرت أربعة أشهر مليئة بالاستقرار ولأول مرة تتوالى الايام بدون اي مشكلة مستعصية الحل او بمرض مُتعب .. فقط مشاكل بسيطة تنتهي بضحكات على تفاهه الموضوع او برضا بدون حل حتى همست بتمتمه : الحمدلله يارب الحمدلله اخذت نفس وهي ترسل له : " ‏مُمكن بعد أذن رقة بهاك تجي نشرب كوب شاي؟" سرعان ماوصلها الرد : "نخلص الدحه واجي" #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { رواية كم عيون مالقت عندي حصيل وانتي تأخذني على وقفة نظر }💜 ( البارت ال 165 قبل الاخيرر 💜) ▇ـ▄▄ @ahgeel ▄▄ـ▇ / ابتسمت بحماس شديد تبي تشوفه يرقص معهم بوسط قبيلته واهله وخواله اليوم تم استقبالهم في الديرة بعزيمة من عم زامل " عزام " وسبب العزيمة " صلح نفوس وولدنا ورحع لنا اللي فات مات واحنا عيال اليوم " تقفل موضوع رعد بالساهل ! لدرجة شكيت ان السحر سبب الضغينة في هذا بعد " لا تشكين ياروان هو فعلاً سبب " جات جاهه من القبيلة يقودها خال زامل وولده مروان ومعهم خمس مئة الف عنوه منهم لولد اختهم ويوضحون فيها مدام عمانه سامحوا بنسامح وهذي فزعه له يبدأ فيها حياته الجديدة ،، جو مليان رحابة وحُب ضحكة زامـل ماوقفت في كل مره يدخل يشوف الوضع عندها اما عند الحريم فـ وش اقول عن ام عقاب اللي بس تعرف العالم على روان صح انها بكل مره تقول ابشركم البنت اطيب من امها لكن " مايخالف " تمون ام عقاب انتهى العشاء بهدوء عند الحريم وكل وحدة راحت لبيتها الا اروى وامها وبريهان استأذنت روان وطلعت وروحها فاقدة زامل حيييل من الصبح لاهي عنها لكن عذره " دحه ووسط ربعه ! " ماقدرت تزعل بالعكس طلعت للسطح بسرعه وهي تحاول تشوفه بينهم وياكثـر السعادة بوجهه وهي تشوفه بين عمه عزام ونادر وخواله مقابلينه ابتسمـت بحُب وهي تتأمـل ؛ مابخليك تنام هالليلة من الفرحة يازامل تبشر باللي بتزيدك علوم سعيدة . تركزت ايدها على بطنها وافكارها كيف شعوره من يدري انها حامل وبشهرها الاول ؟ ماقالت هالشيء الا لـ ام بدر بس لانها غير بقلبها ام واخت وصديقه مو بس جارة لو قالت له قبل ساعات كان فضحهم فالمجالس بفرحته . - ___ - فالطابق السفلي .. ابتسمت اروى بوسط سوالفها هي وبريهان لتلفظ ام عقاب : ماشاء الله على العنود مرت ذيب صارت بشهرها السابع باقي هه وتولد بريهان بحرج ؛ يجي خير ياعمه ام عقاب بنص عين : لا تطولينها نفداك ودي افرح ، قهروني هالعيال صارت حياتي كلها حزن ومحازن ام اروى : اللحين قرب زواج اروى وبعدها إن شاء الله يتحدد موعد زواج بريهان ونادر وتفرحين ايام وسنين فيهم بطولة عمرك إن شاء الله ام عقاب : إن شاء الله وقفت بريهان وهي تلفظ ؛ استأذن خالد وصل الحمدلله على سلامة زامل والله يديم الافراح ام عقاب : اميييين يابريهان الله يسمع منك يابعد حيي وميتي طلعت من عندهم وابتسامة ام عقاب واسعه من زمان تحبها صح شالت بخاطرها عليها وقت رفضت نادر لكن شيء وانتهى ام اروى : ايييييه ماقلت لك ام عقاب ؛ وشو ؟ عسى خير ام اروى ؛ امس جاء راكان سهر مع عمه عزام للفجر وبعدها مشى للرياض ويقول ان امه نقلت مع زوجها لـ المدينة وتغييييرت حيل صارت أهدأ من قبل واكثر رزانه ام عقاب تنهدت وهي تقلب عينها : قطيعه والطاري تكفين ماودي اسمع طاريها خرابة هالبيت منها عسى بينا وبينها باب يصد مايرد اروى : طيب وعيالها ؟ ام اروى ؛ كلن لاهي بشغله وخاصة بعد مانقل راكان معهم للرياض صارت اوضاعهم احسن كلهم بشقه وحدة ومصاريفهم سهله ام عقاب ؛ كان زوجت عيالها بس فالحه في عمرها اروى ؛ يمه اتركيها بحالها خلاص سالفة وانتهت ام عقاب بقهر : لا تدافعين عنها ترى كبدي مندبلة منها . - —- - عزام بضحكة ووسط الدحة : مادريت ان مكانك خالي يازامل لييين هالوقت طلعت فرحة البيت كله زامل ضحك بسعادة : مالي غناة عنكم والله ياعمي لو بيدي مالكون زعلتكم بس كان شيء فوق قدرتي نادر بهمس ؛ اعترف ام نهار انها سبب الاذى كله وقالوا لي عيالها انها مسويه لك سحر بس دام امورنا انحلت شكله شر وزال زامل بضحكة وسعادة عارمة : إن شاء الله إن شاء الله . - سعادة زامل بهاللحظة مايوصفها شعـور مشاعر واحاسيس عميييقة كلها حُب ومودة بوسط فرحته طرى في باله شيء شيء نسـاه من زمن وماتوقع انه ينكتب لـه شيء تذكره وسرعان ماركض له اول ماصكت في وجهه " قبل سنين وقريب من بيت ام روان كان صغير بالسـن ببداية ١٧ سنـة يتذكر وقت طلعت له ام روان وهو يلعب بالشارع مع عيال الحارة كوره فحاءة تقول له : ياولد عقاب ؟ ماودك نناسبكم يالشيوخ وتحب لك بنتي ؟ يتذكر نظراته والاستخفاف بنبرته : لو ماعلى الارض غيرها ماخذيتها ، وع ام روان ابتسمت ونظراتها على الطفلة اللي مو فاهمه وجالسة عندها فالحوش تلعب ؛ واعطيك ملايين ! بس تكسر عيون ناس عني وعن بنت ويقولون ماطيح قلبه الا بنتها . زامل بأنفعال وبلا مبالاة : ملايين !!! اذا احتجت الملايين جيتك . " رجع لواقعه على صـوت عمه عزام اللي نطق : اعذرونا ياجماعة ودي اطلب تسمحون لـ زامل بن عقاب يدخل ويرتاح عقب مشواره الطويل من جدة لهنا الجماعة : الله يحفظه ، المهم راحته انحرج زامل وتعذر منهم وودعهم وهو يدخل كان وده يودعهم كلهم ويسهر للاخير لكن يبي روان اكثر - #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇