كم عيون مالقت عندي حصيل وانت تاخذني على وقفة نظر - الفصل 32 | روايتك

عالم القصص والروايات 📚: ▇ـ▄▄▄💜 ▄▄▄ـ▇ { رواية كم عيون مالقت عندي حصيل وانتي تأخذني على وقفة نظر }💜 ( البارت ال 151 💜) ▇ـ▄▄ @ahgeel ▄▄ـ▇ مررت لا آله الا الله " 3 مرات " / ابتسمت وتحولت الابتسامة لضحكة مجرد ماضمها له ؛ من امس ماشفتني بس شكلك مشتاق! عض شفته وعيونه بعيونها ؛ مشتاق وبس! ويلك يالظالمة لين شدت يجلسون ؛ اقهويك! ذيب ؛ متقهوي كثر خيركم لين ابتسمت له وارتفع حاجبها من سمعته ؛ لاتكثرين قهوة انتِ الدكتورة قالت انتبهي : ليه! ذيب بخبث : علمي علمك ارتفعت ضحكتها بذهول من طريقته فالكلام : قول عشان البيبي وخلاص تخلي الموضوع مشكك فيه ! ذيب بضحكة : لا ياشيخة! احب اشوفك مستحيه وجهك يصير وردة جوري حمراء لين ابتسمت له وخدودها تتورد اكثر ذيب انحنى ياخذ الكيس من الطاولة : عيديتك يابعد ذيب وطوايف ذيب مسكتها للحظة وفتحتها قدامه من شافت حماسه : وااو خاتم من ديور ! ذيب ؛ امم وقت كنا فالبحرين اعجبك بس تمشكلنا ولا اخذناه عاد قلت والله مايقعد في خاطرك وكلمت واحد من الشباب يجيبه على طريقة لين ضحكت وهي تحاوطه ؛ عمري انت شكراً مررره حلو ذيب طلعه وهو يلبسها : عساه اردى ماتلبسين لين قبلت خدة وتحس بقلبها بيطير من الحُب . - —— - في بيـت ابو خـالد... - ابتسم نادر بسعادة وهو يمد جهاز البصمة لـ خالد اللي اخذه ودخل لـ بريهان ابو خالد بنظرات مُستاءة صّد عن نادر ماكان موافق لكن خالد اجبره وطلبه وترجاه لحّد ماتأكد انه وافق لكن بشـرط مايشوف بريهان الا ليلة العرس ووافق نادر المهم ياخذها . - فالداخل .. بهتت ملامحها بذهـول : مابيدخل يعني؟ خالد : ابوي شرطه انه مايشوفك يبي يقهره بس نادر وافق بريهان اخذت نفس وهزت راسها بالايجاب بارك لها وقبّل جبينها وخرج لـ ابوه ونادر وعزام : مبروك مبروك نادر ابتسم : يبارك بعمرك عقبالك خالد ضحك : يصير خير ابو خالد بدون نفس : مبروك نادر تنهد : يبارك فيك - ——— - عند ام عقاب .. - كشرت وهي تتذكر ان نادر راح لـ بريهان : عز الله ضاع عقل ولدي اروى : شفيها يمه ؟ ترى كنتي تحبينها ام عقاب : احبها بس عقب ماردت ولدي وكسرت قلبه حسيت ان روحي عافتها اروى ابتسمت : اقول يمه زامل مادق يعايدك؟ ام عقاب تنهدت: لقيت له مكالمة بس دقيت ولا رد اروى دقت عليه واعطتها الجوال : كلميه دق ام عقاب حطت الجوال بأذنها ووصل صوت زامل : ارحبي ام عقاب : السلام عليكم زامل : يابعد راسي وعليكم السلام ورحمة الله ام عقاب ؛ من العايدين زامل : عساك من السالمين فديتك ، شحالك؟ ام عقاب : حالي زين نحمد الله وانت ؟ زامل ضحك : ابشرك بخيييير بخير بخير ام عقاب : واللي معك ؟ كيفها ! زامل فهم ان قصدها روان : بخير دامها بقربي ام عقاب ضحكت بدون نفس : تلوموني فيكم انت ونادر ماعينتوا خير زامل ضحك : شفيه نادر ؟ ام عقاب : يخطب له اللي ردته بنت ابو خالد الشيخ زامل : مبروك ام عقاب تنهدت : عاد مامعي اقول الا مبروك طاح الفاس بالراس زامل : ماتبينها ؟ ام عقاب : لا زامل : من اللي تبينه يمه ومن اللي ترضين عليه ؟ انا مو عاجبتك روان ونادر مو عاجبتك زوجته ام عقاب : على الاقل زوجة نادر اعرف اصلها بنت شيخ فـ رضيت لكن انت ! الله يزينها زامل ؛ زينها ربي في عيوني يمه ام عقاب تنهدت بحسرة : زامل ابوك كان قادر يرد القوم يايمه وانت عاجز ترد قلبك ؟ زامل انهز من كلمتـها اللي اصابته فعلاً : اي والله عجزت يمه ، عجزت وقلبي طاح كله ادعي لي بالهدايه وادعي لنا بالصلاح لكن لاتدعين علينا ترى اللي يوجعها يذبحني ام عقاب مسحت دموعها وقفلت بدون رد اجهشت بالبكاء واروى ترتجف كفوفها من الصدمة كل هالكلام من زامل !!!! اللي يكره جنس حواء وكان رافض الارتباط ؟! اللحين اللي يوجعها يذبحه ! صدق ساحرة اللي قدرت عليه - ام عقاب كانت بوضع مكسورة الجناح وسرعان مالبت مطلب حفيدها الغالي زامل ودعت له ولزوجته مع انها ماتطيقها وتبي فراقها بس من ميلان قلبها لزامل دعت ومن حبها له زادت فالدعاء . - ——- - فـ الرياض ... - مسح وجهه بقوة وعيونه تدمع لكن يتماسك امه ولأول مره من سنين وشهـور شافها فاتحه المصحف كانت تقرأ ومن شافتهم خبته تحت وسادتها عشان مايشوفون كمل كأنه ماشافها وهو يتصدد ماوده يبكي قدامها من الفرحة طلع من الشقة ولحقه نهار : هيييه مشعل مشعل وقف وناظره وهو يمسح دموعه : كانت تقرأ قران ومن شافتنا قفلته وخبته تحت وسادتها نهار بذهول ؛ احلف مشعل : والله بس كأنك ماشفتها امي تحب تكابر نهار ابتسم وضحك بصدمة ؛ الله يبشرك بالجنة على ذا الخبر العيد عييدين ياخوك مشعل ضحك : الحمدلله الحمدلله '~~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { رواية كم عيون مالقت عندي حصيل وانتي تأخذني على وقفة نظر }💜 ( البارت ال 152 💜) ▇ـ▄▄ @ahgeel ▄▄ـ▇ فـ جدة .. - توسطت السرير وهي تجلس بألم تحس بصداع ومفاصلها تألمها بشكل كبير اخذت شور ولبست بجامة ناعمه حمراء متطابقة باللون مع خديها المُحمرة بفعل الحرارة ورجعت تجلس بسريرها بتعب زامل ماله اي اثر والساعة ثلاثه عصر ؟! انفتح الباب بمجرد تفكيرها فيه ؛ روان ! اتجه ناحيته مُبتسم بأرهاق لكن اختفت ابتسامته من شاف وجهها ؛ تعبانه ؟ ثبت كفه فوق راسـها : بسم الله عليك جلست على ركبها وهي تضمه لها بقوة وكفها شعره انهارت تبكي من فكرة انه يتغير عليها لو انفك السحر انه مايصير يحبها زي قبل قبّلته مرات مُتتابعة وزامل دمعت عيونه : رواني! خذها بحضنه لكن ابتعدت وهي تشهق : لا تقرب مني زامل تنهد ؛ حرارتك مرتفعة روان ببكاء مسحت وجهها بقوة : كله بسببك زامل ضحك بقلة حيله : بذمتك اللي جاي لك زعلان منك وصارت غايته يرضيك علميني وش اللحل معه ؟ كيف يكمل الزعل ؟ روان بدهشه ؛ زعلان ! زامل : ليه تحمليني ديون اكثر ! ليه تحرجيني معك اكثر ؟ قولي ليه روان فهمت ان قصده السيارة : مابيننا ديون زامل طلع شيك وحطه بحضنها : هذي فلوسك كاملة ارتفعت عيونها لـه بذهـول من شافت الشيك : من وين ! زامل ابتسم بأسف : المهم جاء روان هزت راسها بالنفي : لا مو المهم جاء ابي اعرف كيييف جاء ! زامل وقف وطلع تاركـها بصدمتها خرجت وراه بسرعه : عمار صح ؟ التفت لها بسرعه : وش ! روان ؛ رحت له ؟ زامل صّد ؛ انتِ حديتيني روان دخلت للغرفة وثواني طلعت بعبايتها دفته عن طريقها وطلعت وقف بأعلى الدرج وهو يشوفها تنزل بسرعه : بتروحين وين ؟ روان ماردت وتركتـه اخذ نفس وطلع وراها بدون مايجبرها ترجع كان يتبعها بصمـت من حقها تزعل اللي سواه كبير بس يبي يطلع نفسـه لحق السائق اللي اتجه للشركة وبمجرد وصولهم نزلت وجلس هو في سيارته بصمـت مايدري يدخل ! او يجلس - فالداخل ،، - طلعت الدرج بسرعة بدون ماترد على الموظفين والموظفات اللي يرحبون فيها دخلت مكتبها وفتشت الاوراق بسرعة وهي ماتشوف من الصـدمة كيف باعها لعمار بسهولة ! رفعت راسها للموظفة اللي دخلت ؛ الاستاذ عمار ينتظرك بقاعة الاجتماعات طلعت بسرعه وبمجرد دخولها ابتسم ؛ ياهلا بشبيه الريم جمعت كفها بغضب : وش صار بينك انت وزامل ؟ عمار : وقع على بيع الاماكن بالواجهه لي روان : بس انا ما وافقت عمار ضحك بسخرية : بصمتك موجودة روان انكتمت انفاسـها ودمعت عيـونها بقهر تمنت لو زامل قدامها وتنتقم وترتاح منه عمار تقدم لها وبنبرة غريبة ؛ حاولت اوصل لك كثير حاولت اجيك لشقتك اكثر من عشرين مره ياما نمت قدامها ليالي وياما انطردت وياما حاولت ادخل ولا القاك روان متى تفهميني ؟ متى تشوفين حُبي ؟ توسـعت محاجرها بذهول وابتعدت وراء ضحك وهو يلتفت للباب الزجاجي تحرك بسرعه ودفها لدورات المياة وقفل الباب شهقت بقـوة ؛ يمـاااااه دفتـه عنهـا وضربته وهي تحاول تهرب بوقت حاوطـها بكل انانيه وهو ينزع حجابها ونقابها : خليني اتهنى فيك ولو مـره اعطينـي فرصـة بس ولك المشروع والواجهه كلهـ.. انقطع صـوته من قـوة الضرب على الباب ثواني وانكسر المقبض وظهر زامـل لـهم طاحت روان جالسة بالارض وعيـونها بعيونه بوقـت عمار انكتمـت انفاسـه من الصـدمة زامـل تقدم لـه وعروق رقبته ظاهره : تتجراء ياعمار ؟ تمد ايدك ولسانك وقلبك ؟ انت ودك اكسـرك وماتلقى من يجبرك ! عمار انلخـم من شـافه قد جرب ضـرب زامل مره ولاودهّ يجربه مره ثانيه اخذ نفس وعيونه على الباب اللي وراء زامـل مد ايده بخفـه وهو يشوف زامل يقرب له طلع الفاتيح من جيبـه ورماها ناحية روان اللي صـرخت بألم زامل توسعت محاجرة بذهـول واتجه لها من تلطخ المكان بالدم : روان !!! روان كان يحرك كفه على وجهها اللي ماسكته بقـوة : راسـي مسح وجهها وهو يهمس : اسـف اسف شدها توقف لكن صّدت عنه وهي تمسح وجهها وتنحني للمغسلة تغسل مسك خصلات شعرها وهو ينزع سوارته ويربط شعرها فيها : بخير ؟ روان دفعته ؛ خاين زامل تأملها للحظـه وطلع من تاكد انها تمام نزل الدرج بسـرعه يدور عمار طلع من الشركـة وضرب الارض بقوة من شـاف سيارته تبتعد ؛ يا .... .. #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { رواية كم عيون مالقت عندي حصيل وانتي تأخذني على وقفة نظر }💜 ( البارت ال 153 💜) ▇ـ▄▄ @ahgeel ▄▄ـ▇ رجع للداخل وجلس وهو يحس بحرارة في راسـه ، بنار تغلي رفع راسـه بسرعه من حس بكفها على كتفه : مشينا وقف وطلع معها ركبـوا للسيارة ومـرت لحظات بدون مايتكلم الا انها مدت له اوراق : وقع كانت ازالته من منصـبه وكلته قبل ايام على كل شيء فالشركة واللحين هي بتزيله وبكامل عقلها وقع وصّد بنظـراته عنها مستحي حتى يشوفـها وصله صـوتها ضعيف خايب : حتى انت اول ماجتك الفرصة غدرت فيني وتنصـدم اذا قلت لك ابي ولد يكون سند لي وتزعل لاني ماقلت انت سنـدي تدري لو قلت لك انت سندي واكتشفت اليوم انك خنتني مابتكون هينه عليّ ابد صح جرحتني وقهرتني بس كنت متوقعتها منك وانا اللي قدمها لك على طبق من ذهب المشروع انا رفضته ولا افكر اخذه وبكون تركته في كل الاحوال ورديت للوزارة اني مابشتغل بس انت استعجلت رديت عليهم بدالي وخذيت حقك من عمار لانه صار المرشح بعدي لو انا اللي رد مابكون اخذت شيء بس انت استفدت سددت ديـونك وخلصت اللي بيننا زامل توسعت محاجرة بصدمة من نطقت ؛طلقني بس انت استفدت سددت ديـونك وخلصت اللي بيننا زامل : وش قصدك ! روان ضحكت بأستفزاز ؛ طلقنـي اخذ نفس وهو يناظر للشارع بصمـت بدون ماينطق ولا يناظرها روان تنهدت : زامل؟ ضحك بخفه : قلتي لي انك رافضة المشروع فـ ليه ماتبيني استفيد من وراء هالعمار في كل الاحوال هو اللي بيستلمه روان : بكيفي ياخي بكيفي زامل : بس فلوسك رجعت لك روان : مارجعت من عندك رجعت من عمار زامل ارتفع حاجبه : المهم رجعت عمار بيكون اخذ كل شيء ببلاش لانك بترفضييين في كل الاحوال ليش زعلتي وقت وصلت له رفضك واستفدت من وراء راسه ؟ روان : طلقني وبس زامل : لا تقولين طلقني وبس ابي رد مقنع ليش زعلتي مني ؟ بذمتك مو انتي اللي قلتي لي ماودي بالمشروع واستخرت وبأرفض ! روان تنهدت وهي فعلاً قالته له في احد الليالي ؛ ايه قلته زامل : طيب انا ودي بالخلاص ابي انتهي من شيل همومي وديوني حتى لو كنتي زوجتي وحبيبتي بس والله لو اظل طول عمري اشتغل ما اقدر اجمع المبلغ ولا ابيك تخسرين معي ابد ماودي اظل النقطة الناقصة بحياتك روان : زين ، فهمتك واللحين دورك تفهمني زامل ضحك : ورجعنا ياطير ياللي اقول لك طلاق مافيه احنا مو يومين او ساعتين ترى اسابيع وشهور مو سهله بيننا حياة ياروان روان بنبرة مقهورة : بس اتفاقنا تسدد وتروح زامل ؛ اتفاقنا ماكان كذا ارتفع حاجبها بذهول : وتكذب بعد ؟ زامل : والله مو كذا اتفاقنا كان اول مره اشوفك عند بابك سألتيني اقدر احل مشكلتك او تروح ؟ تدرين لو قلتيها من وراء الباب كان قلت بروح بس فتـنة انتِ وعز الله اني انفتنت روان تجمدت ملامحها زامل : مارحت وقفت ودخلت مع ان رجولي تراعد من الخوف ، لكن جلست وخطبت ماطلعت بالفاضي طلعت وانتِ معي ، طلعت وانتِ لي - كمل بضحكة ساخرة : تدرين ؟ جدتي تقول ابوك كان يرد القوم وانت عاجز ترد قلبك ؟ ايه عجزت ارده وهذا انا من شهـور اقدمـه وينرد احاول اسايره وامشي معه لكن يرجع لي خايب بذمتك تعمدت اوجعك ؟ تعمدت احرق قلبك ؟ لا والله ياروان ، ان ضحكتك تهمني وحزنك يحرقني فـ لا تعقدينها خلينا نعيش ، خلينا نرتاح يابنت ابوك ترى الدنيا تقفل بيبانها في وجهي وحزن المفارق سرق من عيني الفرحة امانة ، لا ترضينها عليّ وتطفين شمس كوني بعزوفك تبين اسرق من بنك ؟ تبين اجيب لك المبلغ بطلابة من شيوخ القبايل ولو على ذلِ راسي ؟ ما ارضاك مال عمار وتبينه بتعبي ؟ تراه بيبطي ، لكن تبشرين ويفداك الغالي .. جمع شفايفه بعدم رضـا من صمتها : رُدي ياروان انطقـي . كانت عيونها بالارض وشادة كفوفها ببعض كلامـه وحلوفـه ، تعبيره وكل شيء كان يميل قلبها ويوجعها عليـه زعلت لان الشيء اللي يربطهم ببعض انتهى دين وتسدد لكن هو ماكانت غايته كذا ! هو وضح لها اكثر من اللي تبيه حتى ! اخذت نفس ومدت ايدها بدون كلام ومسكت ايده عض شفته ورفعها لفمه يقبّلها شدتها رافضـة انه يقبّلها ضحك وعضها بنذالة شهقت بصـدمة : اه زامـل !! فكها وارتفعت ضحكته من نظراتها اللي انقلبت غضـب وزعل : مالت عليك ضحك اكثر وراسه يتثبت على المقود روان بقهر : مايضحك ! مسحت ايدها بمناديل ورمتها عليه بقهر عدل جلسته وهو يناظرها : قدها ؟ قمطت من سمعت نبرته الحادة ونظراته بلعت ريقها وهي تلفظ : انت اللي بدأ انهـار من الضحك على شكلها وانقهرت اكثر وهي شوي وتبكي .. - #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { رواية كم عيون مالقت عندي حصيل وانتي تأخذني على وقفة نظر }💜 ( البارت ال 154 💜) ▇ـ▄▄ @ahgeel ▄▄ـ▇ مررت لا آله الا الله " 3 مرات " / - فـي طرف اخر من عروس البحـر "جدة" .. - دخل للبيت وهو يدور أبوه : سديم وين ابويا ؟ سديم : في المكتب تجاوزها وهو يدخل لـ ابوه ويضحك : وفزنا ابو عمار بقهر رماه بالقلم : ماشاء الله! فايز بخيبتك عمار ناظره بذهول : لييه ابو عمار : كم المبلغ اللي حولت ؟ ماقدرت تاخذه بدون شيء ؟ ماقلت لك اضحك عليهم كيف ضحكوا عليك ؟ عمار تنهد : المهم قدرت فيهم واخذته ملايين بترجع دبل ابو عمار بضحكة : ايه بترجع لكن بعد ست سنين او سبع ؟ ياسواد وجهك طول عمرك فاشـل حتى سرقة توقيع ماقدرت؟ عمار تنهد وخرج بدون رد مهما صـار مستحيل ابوه يرضى مستحيل يقتنع انه تعب او اشتغل ؟ مايعجبه اي شيء يسويـه . - ———- - عند ام بـدر ... - انتهت من صـلاة المغرب وطلعت من المجلس للصالة ؛ بشري ؟ إن شاء الله جاء زوجة خالها : ايه جاء واعطيته الصندوق فالمجلس الخارجي ام بدر ابتسمت وطلعت له بسرعه جات عندهم من قبل الظهر لكن خالها كان برا البيت وتوه يرجع .. دخلت عنده وجلست بطرف المجلس في وقت يقراء وينفث ويفك السحر صـور زامل كبير وصغير شعر وخصـلات كثير مو قليلة بعد مناديل واشياء عجزت ام بدر تعرفها من تعفنها ! كانت تدعي ان الله ينهي مشاكلهم ومعاناتهم على ايدها هي وخالها . - ——- - خرج من دورة المياة وجلس بعجز على الباب مسك راسه للحظات وكل هذا تحت انظار روان اللي جلست مقابله بدون ماتقرب او تلمسه او حتى تكلمه عضـت شفتها من شافته وقف بسرعه ورجع للداخل يستفرغ " اكرم القارئ " غسل وجهه وقفل الباب بإحكام بينـه وبينها ، جلس على الارض بعجز وبكى فعلاً زامـل يبكـي من شدة الالم في بطنـه وراسه لحظات تمر وهو مابين لحظة ولحظة يستفرغ عجز عن الوقـوف مايتذكر انه اكل شيء ولا شرب شيء ليه كذا ؟؟ مو معقولة تسمم كان كل اللي يطلع منه سائل بُني اللون وغليظ بطريقة جننته تخليه ينهار اكثر  لدرجة يبكي من الالم والانهيـار . لبست عبايتها بسرعه وطلعت لشقة ام بدر دقت الباب وبمجرد مافتحت بنتها : هلا روان : امك جات ؟ وسن : لا تفضلي انتظريها داخل روان هزت راسها بالنفي : لا لا اذا جات خليها تجيني الله يسعدك وسن بقلق : حاضر رجعت روان للشقة وقفلت الباب وهي تتجه لـ زامل دقت الباب مره ومرتيـن تنتظر رده لكن ماتسمع الا شهقات وسعال جلست بقلق وبكـت بحرقة : زامل بسم الله عليك ابتعدت وجلست بعيد عن الباب وهي تقراء الفاتحه والمعوذات واية الكرسي كانت تحاول تحصنه بالرغم من المسافة تبيه يكون بخير لانها عارفة ان الضـرر كان منهم وبسببهم امها اللي ضرتـه فـ ماتلومه مسامحتك على اللي تسويه اي شيء اسامحك يازامل بس سامحنا انت الكريم والكبير سامحني وسامح امي كانت تبي تعتذر له بأي طريقة لكن تعجز توصل له اللي في بالها وكيف تهيئه للموضوع خاصةً انها في بداية زواجها نذر انه لو عرف انها تعاملت بالسحر او ضرت مخلوق انه يربيها ويدفنها حيه كل مره تتذكر تهديدة تحس انها بتموت فعلاً على ايده . همست ببكاء ؛ يارب مالي ذنب فـ ارحمني . - — بعـد اربعين دقيقة .. طلع ورجوله ترجـف ماكان مستوعب من قدامـه ولا شـافها حتى تخبى فالسرير وتغطى ورجفته واضحة لها قربت له وهي واثقة ان ام بدر سبب في فك السحر وهذي علاماته ! مدت ايدها وضمته من فوق المفرش وهي تقبل كتفه مرات متتابعة كان جـامد بدون حركة متغطي كلـه تحت المفرش ابتعدت عنه بعد لحظات وطلعت للصالة وقلبـها يوجعها عليـه . '~~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { رواية كم عيون مالقت عندي حصيل وانتي تأخذني على وقفة نظر }💜 ( البارت ال 155 💜) ▇ـ▄▄ @ahgeel ▄▄ـ▇ مررت لا آله الا الله " 3 مرات " / الثانية بعد منتصـف الليل .. الليلة الثانية من ليالي عيد الفطـر ... - فتحت عيونها وفزت جالسه من شافته واقف عندها ناظرتـه بقلق وخـوف تبيه يتحرك ، يتكلم يظهر لها وش يفكر فيه على الاقل انحنى لها وهو يغطيهـا ويهمس : بسم الله عليك ، كنت بغطيك تعدلت وهي ترجع تجلس ودموعـها في عيونها : كيفك اللحين؟ جلس على الطاولة وضحك : رواني؟ ماينخاف عليّ ماقلت لك تعودي ؟ مدت كفوفها لوجهه وتلمسته للحظه شدته لها وهي تضمـه وتتأسف له ؛ افا ! لا جمل الله من يبكي عيونك اللحين زعلانه مني ولا علّي؟ : زعلانه من حالي ، اسـفه والله اسـفه مرر ايدها على شعـرها للحظات وقبلها مره ومرتين ؛ ممكن تهدين ؟ مسحت وجهها ورفعت كفوفها لوجهه تمسحه ايضاً لترتفع ضحكته ؛ يابنت ارفقي بي ؛ لا تزعل مني ، سامح امي تكفى تجمدت ملامحه وتبددت ابتسامته بأستغراب : روان ! انحنت تقبّل ايده وهي تشد عليها ؛ انت تعبت بسببها ، بس خلاص انتهى اسـفه انا اسفـه نيابة عنها وعن كل اخطأها سامحها زامل ، داخله على الله ثم عليك ماتت وتحللت بقبرها بس قلبي ما مات وهي امي بس كلمة انطقها وسامحها والباقي عند ربي هو اللي متوليها وعارف اللي بتواجه رمش بذهـول وكلامها مايدخل الراس !! شهقت بحرقة وهي تهمس له وتترجاه وتلح اكثر واكثر تنهد ومسح وجهه ؛ بنت تعوذي من ابليس روان : اعوذ بالله منه ، الله ياخذه انهارت تبكـي ورفع ايده لراسـه للحظات نزلها لظهرها وهو يشدها لـه بدون ماينطق بكلمة ترجتـه وطلبته بس ماقدر يتكلم يحس انه مافهم وش اللي تبيه ووش اللي تقصده !! كان فاهم نوعاً ما بس قلبه ينكر  لان صورتها حيييييل نقية في عيونه ولا ودة تتشوة ولو بشيء عابر ! وقفت وهي تتهرب منه من لاحظت جمودة مقدرة لشعورة وفاهمة انها تطلبه شيء صعـب دخلت للغرفة وتنهد وهو يوقف يبي يلحقها يبي توضح له ويفهمها وقف من تذكـر شيء وابتعد عن الغرفة بسرعة - —- رفعت شعرها وقفلت اول ازرار بجامتها البيضاء حطت من اللوشن وانتبهت له يدخل مرت عليـه رُبع سـاعة تجمدت وعيونها على اللي في ايده " الاوراق !!!!! " تحركت ناحيتـه بسرعة بتاخذها لكن شدها لحضنه وهو يعض كتفها تأوهت بألم وهمس : يالمجنونة يالظالمة ، كم ليلة مرت علينا ؟ ليالي صح كم دقيقة كم ساعة كم ثانية تمنيت احدد شعورك وافهم اللي بقلبك لي تمنيت تميلين لي ولو شووووي ماطلبت كثير ، طلبت نطرة من عيونك مع ضحكة من شفاتك بس يكـفيني ، طلع قلبـك مليييييان قلبك يحبني يابنت !!؟ ضحك بحسرة وانفاسـه ترتفع وتحس بنبضاته بصدرها نطق بتعـب من فرحـته ؛ وانا اللي واقف على حيلي في صدري جواد ينتفض لاشاف بعيونك تعب اغيض واعدي لامن دريت انك ضايقة . تمسكت فيه من حست بخطواته تتراجع ضحك وهو عارف انها تخبي نفسها عنه تداري حالها عن عيونـه يعرف طعم هذا التهرب ، يعرف الضعف والإنهيار بحضن حنون ودافي يصادفك عقب عواصف تعصف بك، تحس أنك تشتكي له منهم وهي الان فعلاً تخاف المواجهه ، تخاف لانها قدامـه وصارت مكشـوفة تماماً انكتمت انفاسـها بذهـول من سمعته يهمس وايده تحط شيء بأيدها ؛ الله يسـامح امك ، حتى لو طلع كلامك صح وهي سبب الوجع اللي كان فيني او يمكن باقي لكن هدأ شوي زال العتب وزال التعـب يكفيني من هالدنيا انتِ عوضيني وبس . جلسها على طرف السرير وخرج بهدوء نزلت دمعتـها وشهقت وهي تشوف الورقة بأيدها ورقته اللي اعترف لها فيها فتحتها وهي تدري انه مايقصر لا بالكلام ولا بالحبر عضت شفتها وهي تقرأ كلامه اللي يوصفه.. (((‏"كنت دائمًا صادق، لم أتصنع أيًا من تلك الكلمات التي كنت أسردها لك بشكل عفوي، كل شيء خرج من فمي شعرت به في صدري." احبك للابد .. ))) ضمت الورقـة لقلبها وابتسـمت براحة بسعـادة بنهاية هاليوم اللي اهلكها .. - خارج العمارة في سيارته .. نفث الدخان وهو يضحك ويبتسـم ؛ من سنين مادخنت من فرط السرور ! لله درك ياروان ، صغير ويعرف يكتب ويعبر ! ضحك من شعوره من حُبـه لها يحسها صغيييييرة على الدنيا ماتفهم مايقدر لا يزعلها ولا يشوفها متضايقة يحن عليـها كثيييييير يحسها فعلاً اصغر بكثير من كل شيء حتى من همومها اللي تجيها ثقيلك وحيل فتح الورقة وهو يشوف كلامها وخطها اللي واضح مرتبكـة " احتاج اخذك من الدنيا لـحضني " ضحك بذهـول للمرة السابعة كل مافتح ضحك والله انا اللي احتاجك ومحتاج اهرب فعلاً لك . - #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇