كم عيون مالقت عندي حصيل وانت تاخذني على وقفة نظر - الفصل 27 | روايتك

عالم القصص والروايات 📚: ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 126 💜) ▇ـ▄▄ @ahgeel ▄▄ـ▇ مررت لا آله الا الله " 3 مرات " / هزت راسها بسخرية مليانه أسى : ماتفهمني زامل عض شفته بلوعه : ما افهمك ! افهم احساسك وقلبك يامحبوبتي ‏وتحسين إنك "غريب الدار لا ربعٍ ولا خلٍ ولا ديرة" ناظرتـه وثبتت عيونها بعيونه للحظـات طويلة ابتسمت وانتقلت نظراتها للموج الازرق وكأنه تقول صحّ عليك زامل بتنهيدة مع ابتسامـة : شعورك عندي نفسه لكن بدون أي مبادرة وحُب منك وشوفيني حالي مثل حال من قال : "لو برى حبّك عظامي ما حكى عنّك لساني" روان ضحكت بسخرية على حالها وتحس دموعها بتنزل دُفعة وحدة زامل بتغيير للموضوع : اعطيني التيشيرت مافي سباحه مدته له بدون ما تلتفت ولبسه بهدوء : نرجع؟ ماردت وهي متأكدة انه يبي منها كلمة لكن تعجز تنطق شيء يوقف عند طرف فمها ويمنعها من الكلام او حتى مجاراة مشاعره عاجـزة عنده كثيـر وقف القارب ونزل قبلها وهو يشوفها تعدل حجابها بدون نقاب وتنزل وكفوفها بكفوفه تحرك للسيارة بهدوء وركبوا وهو ممتن لـ السائق اللي رفض يمشي ووضح لزامل انه بينتظر ويستمتع بالجو بما أنه ما كان حار كثير رطوبة وهواء بارد .. حرك السيارة وزامل سـاكت عكس بداية روحتهم للبحر يسولف ويطقطق مع السائق نطق بهدوء ؛ صار شيء ؟ زامل ناظره بتعجب ؛ هلا السائق ابتسم : اعرف الناس ترمي همومها بالبحر ما تشيله وترجع روان تمنت لو تنشق الارض وتبلعها لان ضيقـة زامل واضحة وجداً لكن تعجز تسوي شيء زامل ابتسـم : ماصار الا كل خير كملـوا طريقهم للشقـة وروان متوترة ماودها يتقفل عليها الباب مع زامل وهي متأكدة انه بيمثل الرضا عشانـها . وقفوا عند العمارة اللي مو بعيدة عن البحر ونزل زامل ودفع الحساب ودخل بخطوات بطيئة تبادر لذهنه شيء واتجه للشقة بخطوات سريعة وهو يتمنى يفهم طريقة تفكير روان ولو بعد فترة دخل للشقة ورفعت كفوفها بشكل مباشر ؛ بهدوء لو سمحت زامل اغلق الباب وتجاوزها للغرفة لتقف بذهول رجع لها ومد لها ورقـة وقلم : اكتبي روان بـذهول : وش زامل ابتسـم : اكتبي شعورك هاللحظة وبنقفلها انتِ تكتبين وانا اكتب روان بربكة : وبتشوفها ؟ زامل بحنية ابتسم : اللي ودكّ روان هزت راسها بالنفي : لا زامل : اكتبي واكتب والوعد ليلة العيد روان فهمت ان مقصـدة يقرونها ليلة العيد سكتت بتوتر وربكـة للحظة واخذت نفس عميق هزت راسها بالإيجاب : يلا خذت الورقة وانحنت تكتب تحت صـدمة زامل اللي توقعها ترده لكن ماهان عليهـا ابتسم واخذ ورقة وبدأ يكتب قفلت الورقة ووقفت : خلصت ناظرها بذهـول : بس كلمتين يابخيلة! ابتسمـت وملامحها تتلون بالحمرة : بكيفي تنهد ورجع يكتب تحت انظارها وقلبها يرجف بكل لحظة ينزل فيها سطر جديد بعكسها اللي كتبت خمس كلمات نزل القلم ورجعت خطوات روان لوراء : وين نحطها؟ زامل رفع كفه : نحط مواثيق وعهود مانخون ولانفتحها روان ؛ اوعدك زامل ابتسـم وهو متردد ؛ اوعدك قفل الورقة ومدها لها : احفظيها حست بقلبها بيطيح كيف شهـر كامل تكون عندها وماتفتحها : ءء انت زامـل : خليها عندك احفظيها وبس روان ابتسمت له ولثقتـه انها مارح تفتح ؛ طيب اخذت الاوراق واتجهت للمطبخ تحطها فيـه تحت انظار زامل اللي بيتقطع قلبـه يبي يعرف وش كتبت . - ———— - فـ حائل .. - فتح عيـونه بوهن وهو يسمع صـوت ضرب على شباك السيارة تعدل بجلسته وحس ظهره مكسر فتح الشباك ولفظ : هلا نادر بأستغراب : علامك نايم هنا ؟ انزل راكان : ما انتبهت للوقت فتح الباب ونزل بتعب ووجهه متغيييير حيل وملامحه ذابلـة نادر شده وهو يمسكه قبل يدخل لحوش بيتهم : تعال تعال راكان ناظره : نادر واللي يعافيك نادر قاطعـه : واللي يعافيك انت تكلم وطمني شفيك! راكان تنهد : ولا شيء واحد مخدوع في امه وش تبي يسوي ؟ يرقص!! نادر تجهمت ملامحه وتركه :  انت اقوى من كذا ياراكان راكان بقهر : روحي بتنفجر نادر ناظره للحظة وتنهد : تبي شوري؟ راكان : اي بالله نادر : ودها لـ شيخ يقراء عليها راكان كشر : مابتطيع الشور ولا بتسمع لي ابد نادر : غصباً عنها راكان تنهد : وهقوتك يفيد نادر : انصحك توديها وانا إن شاء الله بكلم زامل يجيء يصوم هنا وبوديه راكان : وش فيه بعد ؟ نادر : مو مرتاح له احسه مو على بعضه راكان هز راسه وبإنهاء لموضوع زامل : زين انا بدخل نادر : لا تنسى امك مرضها روحي ومافي علاج للروح الا القران راكان دخل وكلام نادر فعلاً يتوسـط عقله لازم يوديهـا . - - #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 127 💜) ▇ـ▄▄ @ahgeel ▄▄ـ▇ مررت لا آله الا الله " 3 مرات " / دخل راكان للبيت وارتفع صـوت امه الغاضب : رويكن ! وين انت ادور عليك وعلى اخوك وينكم ؟ هاه ! وين كنتم !!! راكان تنهد بصبر : يمه ببدل وانام شوي وبعد الظهر نحرك للرياض إن شاء الله ام نهار بذهول : لييييه ؟ راكان : وديّ ام نهار : وانا مانيب رايحه راكان ارتفع حاجبه : إن شاء الله بتروحين إن شاء الله طلع لغرفته وتركها بصـدمتها : اروح ؟ بيجيرني ولد رعد ؟ هه ماحزر ابتسمت ببرود واتجهت للمطبخ تسوي قهوتها . - ——— - دخل للبيت وعيونه على الساعة مر الوقت سـريع وقرب اذان المغرب ورحلتهم لجدة الساعة ١٢ ليل صعد الدرج وهو متأكد ان امـه وابوه اتجهوا للقصيم عند خواله وصار البيت فاضي فتح الجناح ودخل وابتسم بخفه : السلام عليكم رفعت عيونها له وابتسمت وهي تتجه له : وعليكم السلام ، تأخرت! ذيب : خلصت اشغالي وما انتبهت للوقت امي راحت ؟ لين : ايه وعمي معها ذيب هز راسه بالإيجاب : زين ابتعد للتسريحة ونزل ساعته : لقيتيه! لين ؛ اي كان طايح ذيب التفت لها وابتسم : ممكن تجهزين اغراضك؟ ورانا سفره سريعة لين بذهول : اللحين ؟ ذيب ؛ رحلتنا ١٢ توسعت محاجرها وهي تتذكر الشنط والاغراض : بنطـول ؟ ذيب ؛ اسبوع وكم يوم لين سكتت للحظة ذيب : جدة عند زامل خويي لين رمشت ببطء : وبتروح لخويك بعد ؟ كان قلت من بدري ذيب : يمديك إن شاء الله تحركت لجهه الدواليب وهي تفتحها وتتأمل وش تاخذ ووش تخلي . - ———— - فـ جدة ... - تنهدت وهي ترمي الملعقة بغضب : ممكن تطلع؟ ابتسم بنعاس وكمل اغنيته لها هزت راسها بيأس ؛ زامل !!! زامل بوله : عيـون زامل ارتفع حاجبها وضحك وهو ينزل من الطاولة : خلاص بطلع طلع من المطبخ بعد ما تأكد انه جننها جلس بالصالة وشغل الـ tv بملل وصلت سيارته قبل ساعه جابها سائق الشركة بعد تصليحها مايفكر يخرج مكان يحس بخمول ونوم خصوصاً ان نومهم تخربط وماناموا الا اربع ساعات بس زامل نطق بصوت عالي : روان مسلسلك طلعت من المطبخ بتعجب وابتسمت وهي تشوف مسلسها : وش عرفك اني اتابعه ؟ ابتسم بعبط ؛ اشوفك رجعت للمطبخ ورن جرس الشقة وقف بتنهيدة : اففف فتح الباب وانعقد حاجبه وهو يشوف طفل بعمر الخمس سنين : هلا ياشاطر الطفل ابتسم ؛ خذ مد له صحن وهرب للشقه المقابلة لهم ودخل زامل ناظرها للحظة وفهم انها " نقصه " من جيرانهم ام بدر وعيالها رجع للداخل وقفل الباب : شوفي وش ارسلت جارتك طلعت روان وابتسمت : ياروحي زامل عض شفته ؛ روحي انتِ ميلت راسها وعيونها بعيونه : حالتك مستعصيه اليوم اخذت الصحن وهي تفتح القصدير عنه : شاورما ! ياعمري هي ، لازم اشكرها زامل جلس بخمول : اشكريني انا اللي فتح الباب وجيبي العشاء تكفين روان نزلت الصحن قدامه : بجيب عصير ونتعشاها مافيني اطبخ زامل توسعت محاجره : والمكرونه اللي سويتي ؟ روان ؛ باقي ماسويتها كنت اقطع واجهز و الحمدلله ربي يحبني زامل كشر ؛ والله غش ماردت عليه الا برجوعها مع كوبين عصير تمتم بتأفف : حتى مافيه شاهي روان بحدة ؛ ترى دورك تسويه زامل سكت واخذ العصير بدون مايرد . - ———— - فالريـاض ... - دخل للشقة وهو يرحب بـ أمه بكل هدوء بالقوة اقنعها تمشي معه وكان طلبها لجل تروح معه يعاملها هو واخوانه زي معاملتهم لها قبل فـ بأتفاق بينهم وافقوا لجل يقدرون يقنعونها بموضوع الشيخ والرُقيه خصوصاً ان رمضان على الابواب .. دخلت للشقة وابتسمت وهي تشوف مشعل لكن سرعان ما اختفت ابتسامتها من شافت نهار : ايه يالضايع رحت وخليتني؟ نهار سكت وهو يصّد عنها ام نهار بنص عين : ليش زعلان ياحظي! ترى اللي سويته عشانكم كله عشانكم ابوكم ماكان يعتبركم شيء بعيونه كان اهم شيء عنده زامل وانا اللي خليته يرجع لكم ماتتذكرون كيف كنتم نكرة بالنسبة له ! هه وتجون تزعلون مني ياعيال رعد الشرهه علي موب عليكم دخلت غرفتها وقفلت الباب بقوة ليخيم الصمت فالمكان رغم كل اللي صار مو مقتنعة انها على خطأ. '~~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 128 💜) ▇ـ▄▄ @ahgeel ▄▄ـ▇ مررت لا آله الا الله " 3 مرات " / رتب الاغراض بسيارتهم والتفت لـ لين اللي تقفل بوابة البيت وتتجه له بالمفاتيح : يلا؟ لين : يلا ركبت السيارة وابتسمت برضا وهي مرتاحه ان ذيب ماراح مع امه لخواله فالقصيم : متى بترجع خالتي؟ ذيب شغل السيارة وحرك : العشر الاواخر هذا طبعها هي وابوي لازم بداية رمضان يصومونه هناك لين : والعيد ؟ ماتروح لهم ذيب مارد وهو منشغل بالسيارة التفت بيجاوب لها لكن داهمته بسؤال ثاني : انت ليش مارحت معهم ؟ ذيب : ما احب اروح كثير ، ومن ناحية العيد يجون خوالي كلهم مع امي ويعيدون هنا عندهم بيوت والعلوم طيبه لين عضت شفتها وشتت نظراتها للحظة ذيب ؛ إن شاء الله اذا رجعنا من جدة تروحين لـ اهلك لين : ايه مع ان كان ودي قبل نسافر ذيب بتعجب : امك رفضت اتمنى اعرف ليه لين كشرت وهي مستوعبة ان امها ماتبي نورية تتشمت فيها راجعه من اول اسابيع عرسها : امي تقول لازم نبقى فترة بدون تدخل اي احد فـ رفضت اروح لهم ذيب : لو شفنا الموضوع من جهه ثانية كلامها صح لين بتسليك: ايه صح ميلت شفتها وسكتت وعيونها على الطريق اما ذيب بدأ يدندن لها ويغني وهو يطلع جواله ويرسل رسالة لـ زامل " وش رائك باللي اشتاق لك ووده يجيك ؟ " وصله الرد بشكل مباشر " اعز من يلفي على قلبي " ضحك ذيب وقفل جواله بدون مايرد على اتصالات زامل . - ——— - فـ جدة ،. - قفل جواله بصدمة واستغراب كلام ذيب يوضح انه بيجيء لكن ليش مايرد ؟ معقولة جاي بالطريق! قطع افكارة صوت روان ؛ زامل ! التفت لها ؛ هلا روان : بروح انام قفل الباب معك لو بتطلع زامل هز راسه بالنفي : لا لا مابطلع ابتعدت عنه لداخل الغرفة وتقفلت تنام بوقت رجع يرسل لـ ذيب وهو شاك انه جاي . '~~~~~ يوم جـديد ... - يبدأ من جدة والأجواء الحارة الممتلئة بالرطوبة فتح باب الشقة بخمول ونوم بعد ازعاج الجرس انعقد حاجبه من شاف شاب ابتسم له : اعتذر لكن فيه طرد وضروري اسلمه لك معي الاستاذ زامل بن عقاب ؟ زامل رمش ببطء ولفظ : ايه وصلت مد له باقة الورد اللي يتوسطها كرت : تفضل اتمنى توقع انك استلمته زامل وقع ودخل وهو يفتح الكرت : " منزلك مبارك وعامر ياروح اخوك " زامل انفكت عقدة حاجبه : ذيب! انحنى ياخذ جواله من الطاولة وهو يشوف الساعة الثالثة عصراً : وينه ذا ! اتصل عليه ومارد تنهد وهو يلتفت لـ روان اللي رافعه شعرها وحاطه عليه زيت ووجهها قناع اسود عجز زامل يحدد نوعه : وش مهببه بعمرك ! ابتسمت وحاولت ترجع لحالة الجمود وهي تهمس ؛ لا تضحكني زامل ابتسم بتعجب : يعني هذا فن ؟ روان ماردت وهي تفتح جوالها تشوف كم باقي وتغسل زامل هز راسه بيأس ودخل للغرفة يبدل : انا متأكد انك فاصله اليوم رجع يطلع راسه لها : اقول عندك مشكلة لو عزمت اليوم اخوياي؟ التفتت له بسرعه ومحاجرها توسعت لتلفظ : اليوم! - ———- - فـ السوبر ماركت ... - تتمتم بكلمات غاضبة وهو يمشي وراها بصمـت ثارت فيه وانطلقت تغسل وجهها وسرعان مارجعت له بعبايتها : كل شيء ناقص ، امشي للسوبر ماركت خرجت وتركته مكانه للحظات ثم تبعها بسرعه وسبب طلبها انه يروح معها معروف " الاغراض كثيرة ولا تقدر تشيلها " تنهد بملل : هييييه خلاص عاد نطقت بغضب : انت اللي عزم تحمل زامل : ياكلمة ردي مكانك مانيب عازم احد يلا خلينا نطلع روان ناظرته بغضب : تطقطق ! بعدين تعزمهم من وراي وابتلشي ياروان زامل تكتف ورفع سبابته لفمه بمعنى مارح اتكلم صّدت تاخذ مكونات للحلى والسلطات وصلها صوت من وراها : جارتنا الحلوة تحوس هنا روان التفتت بأستغراب وهي ماتشوف زامل قريب منها ام بدر ابتسمت : الله عليك خايفة مني؟ '~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 129 💜) ▇ـ▄▄ @ahgeel ▄▄ـ▇ مررت لا آله الا الله " 3 مرات " / روان بتوتر ابتسمت : لا لا بس استغربت ام بدر مدت ايدها تاخذ حلاوه لـ بدر اللي معها : كيف صحتك ؟ إن شاء الله تمام روان : الحمدلله ام بدر بتعجب : اشبو زوجك؟ روان ناظرت زامل اللي عيونه عليهم ؛ ههه لا مافي شيء ام بدر تحركت تحاسب وهي تكلم ولدها بدر : يعني دحين تبيني افرشك ضرب؟ بدر بغضب رجع الحلاوه وخرج من السوبر ماركت زامل رجع لـ روان وهو ينطق بخفوت : الله لو فرشتك على قولتها روان ضحكت وهي تعطيه الاغراض : اقول خلصني زامل اتجه للمحاسب وحاسب وخرجوا . - ———— - في مطعم بوسط جـدة ... - نزلت الشوكة وانعقد حاجبها : بتروح لصاحبك يعني؟ ذيب : ايه بنتعشى معهم بس مفاجأة ابيها لين : لا ماينفع كلمهم ذيب تنهد : ماودي اخسّره ويتكلف لين : لازم يجهزون حالهم ذيب طلع جواله وبمجرد مافتحه انتبه لـ رسالة من زامل " تعال يالخوي للعشاء ترى عازم الشباب " ذيب ابتسم ورد عليه " كيف هذا الذكاء فيك؟" زامل " قل اعرذ برب الفلق قول ماشاء الله " انطلقت ضحكة ذيب " ماشاء الله " زامل " الورد حلو " ذيب :" يشبهك ياصاحبي " زامل ارسل له فيس مبتسم ذيب ناظر لين : ترى عزمنا على العشاء لين ابتسمت ؛ ايه زين - ———— - فـي حايل .. - عضت شفتها وهي تسمع جدتها ام عقاب : الولد كفو ليش ماتوافق ؟ عزام : اروى رافضه ام عقاب : هاو ! ليييش عزام : ماودها يمه ام عقاب بنص عين : ليش يا اروى ؟ اروى بربكة : ماودي ام عقاب : وانا اقول ليه ماودك ! اروى ؛ بدري عليّ ام عقاب ارتفع حاجبها : اييييه بدري اجل اروى سكتت ام عقاب بتنهيدة ؛ حظي بأحفادي اللي حارميني افرح مثل هالحريم يالوعة خاطري والله وقفت وهي تستند على عكازها : واخوك ! كلمته عزام : نادر مثل اروى رافضين يمه ام عقاب هزت راسها : عز الله افلحت خرجت وتركتهم متجهه لبيتها تقدم شاب مُلتزم يعمل في البلدية بمنصب حلو ومرتبة حلوة لخطبة اروى لكن رفضت بدون سبب مقنع ام عقاب بضحكة ساخرة : باقي مولعة يابنت عزام ماتبين الا زامل ! ههه فاتك يا اروى فات وانهبل مع المجنونه فتحت باب حوشها ودخلت وبمجرد رؤيتها لـ نادر اللي يسقي الاشجار انفجرت فيه بغضب : نويدر !! نادر بأستغراب لغضبها : لبيه ام عقاب : ماودك تعرس ببنت نوره ؟ نادر : لا يمه ام عقاب : وليه لا نادر : تعرفين مطلوبي ام عقاب ارتفع حاجبها : مطلوبك ردك مايبيك نادر تنهد : اجل الشكوى لله ام عقاب ضربته بعكازها على كتفه : اخطب واعرس نادر بذهول وهو يمسح كتفه : يمه شفيك ام عقاب : تعبت فيكم ما احد وده يفرحني تبي بنت ابو خالد وهي تعيي ماتبغاك نادر وقف : الا بتاخذني إن شاء الله ام عقاب بحمق : الله ياخذها تجاوزته للبيت بغضب وهي تتحلطم عليهم وعلى حيلها التعبان او بتكون ورتهم الشغل الصحيح . - ———- - في بيت ام ليلى ... - ميلت شفتها : لا ام ليلى : وليه لا ؟ ليلى ؛ تبين اروح استعرض نفسي عنده ! ام ليلى : ماقلت استعرضي عنده قلت شوفي امه واعطيها كلمتين ذربه تجيب راسها ليلى تنهدت : لا لا ام ليلى بغضب : قومي مو بكيفك ليلى : يمـ.. ام ليلى شدتها توقف ودفتها في غرفتها : تجهزي المغرب نروح ليلى كشرت بزعل . - ———— - مر الوقـت سريع ... - جهزت روان كل الاشياء الاساسية الحلا والسلطات وكل شيء يتعلق بالضيافة من قهوة وشاي ومعجنات وتمر واخيراً حطت البخور فالمجلس والصالة ودخلت تبدل بسرعه قبل يجيء احد خصوصاً مابقى وقت احتارت في لبسها واخيراً اختارت جلابيه سوداء ناعمه لكن سرعان ما رمتها فالشنطة برفض وطلعت فستان لونه افتح درجات الازرق يوصـل لتحت الركبة والاكمام طايحه على كتوفها تركت شعرها على كتوفها بأستثناء خصلات خفيفه رجعتها على وراء وثبتتها لبست اكسسواراتها وجلست تسوي الميك اب على دخول زامل : السلام عليكم ردت بهدوء : وعليكم السلام تحرك يغسل ورجع يبدل بينما تشتت نظراتها وتلتهي بالكحل والروج اللي ارتجفت يدها من وجود زامل وخرب تأففت : لاا رجعت تعدله ووقف زامل وراها ينسف شماغه : لا تحطين روج احمر '~~~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 130 💜) ▇ـ▄▄ @ahgeel ▄▄ـ▇ مررت لا آله الا الله " 3 مرات " / ناظرته ورفعت حاجبها : وليه لا ! ابتسم من شاف بشرتها الصافيـة وروجها احمر صـارخ انحنى لها وتوسعت محاجرها بذهول وهي تحاول تبعده لكن حاوطها وثبت شفايفه لتنكتم انفاسـها للحظات ابتعد وابتسم وهو يمسح شفايفه من الروج ناظرها وانتبه لها متجمدة وعيونها بالارض وكلها تهرب منه : اقري اذكارك طلع بسرعه قبل يضحك وتزعل . - تنهدت بمحرد خروجه ورفعت راسها تشوف ملامحها اللي لونها يتدرج بالاحمر والوردي من شدة الاحراج ميلت شفتها وهي تشوف الروج تخرب ابتسمت للحظة وضحكت وهي تمسحه بالكامل وترجع تحط .. - —— - فالفندق .. - صلوا المغرب وخرجوا من الفندق لشـقة زامل وذيب ماوده يوصّل احد من الشباب قبله : عنده اطفال ؟ ذيب : لا بس زوجته لين متوتره جداً اول مره تروح وزيارة لوحدها : وقف اخذ شيء معي ذيب : زين في محل حلويات حلو قدامنا - ——- - في شقـة ام بدر ... - لبست عبايتها وطلعت تاخذ قهوتها : انا مارح اطول عندها انتبهوا لاخوكم بناتها ردوا بصـوت واحد : إن شاء الله طلعت ام بدر وهي تتجه لشقة روان عزمتها وطلبتها تجيء هي والبنات لكن خافت ان روان تتكلف وتتعب فـ راحت لوحدها حتى ولدها الصغير تركته مع اخواته .. دقت الباب وسرعان مافتحته روان وبترحيب ؛ ياهلا والله دخلت ام بدر بسلام حار مع روان : زوجك هنا؟ روان ؛ راح للمجلس خذي راحتك نزلت عبايتها وجلست بهدوء تنتظر روان اللي حركتها توضح قد ايش متوتره : فيه شيء اساعدك فيه ؟ روان ؛ لا لا انحنت تصب لها قهوه : وين بدر والبنات ؟ ام بدر : ماجبتهم تعرفين بزوره وازعاج روان بزعل : ليييه ؟ انا طلبتك يجون ام بدر : الجايات اكثر ياحبيبتي المهم اليوم اسيبهم وارتاح انا كمان شويا روان ابتسمت لها : صار خير جلست مقابلها يسولفون بمواضيع بسيطة . - ——— - دخلوا للعمارة ونطق ذيب : لينو سمي بالله ولو صار شيء كلميني طلعت معه الدرج للطابق الثاني ولفظت ؛ كيف يعني ؟ ذيب ومازال يتوتر من روان : يعني لو ما ارتحتي وحبيتي نطلع كلميني لين ابتسمت له : زين حبيبي ذيب عض شفته ؛ حبيبي هنا ولابسه نقاب وانا ناسف شماغ اخخخ لو قلتيها قبل ساعه لين ووصلوا للطابق الثاني : ماعليه حبيبي معوض خير هربت بخطواتها منه وضحك هو بشكل مباشر. / انفتح باب الشقـة ودخلت لين عند روان وذيب دخل لقسم الرجال رحبت روان فيـها بهدوء وبأبتسامة رحبة سببت ذهـول لين اللي عجزت تنزل نقابها روان بأستغراب : تفضلي لين ونظراتها حـااادة نزلت النقاب وارتفع حاجبها : اتفضل ؟ روان تجمدت ملامحها وهي تتذكر اللي صـار بينها وبين ليـن في ليلة زواج لين وكيـف شككتها بنفسها وزوجها بدون ماترحمها رمشت بذهول وابتسمت ؛ ايه تفضلي لين بغضب تجاوزتها وهي تحاول تهداء وماتخرب على ذيب ... - قبـل اسابيع قليلة... في ليلة زواج " لين ، ذيب " عند لقـاء روان وليــن ... " سـلام بارد فالبدايـة مع تبادل نغزات مُبطنه من قِبل لين بعكس روان اللي مو فـاهمة واخيراً نطقت روان : شفيك انتِ ؟ لين بحدة : ليش جايه ؟ روان بتعجب وهي تتوقعها تقصد عشان امها : زعلانه ؟ لين : تبين تخربين فرحي ؟ روان بعدم فهم : وش تبين توصلين له ؟ لين : اطلعي من هنا روان ابتسمت ببرود : انا جايه مع خالتي العنود ومع العريس ذاته يعني ماتقدرين تطرديني لين بغضب : وتعترفين بعد انك جايه مع ذيب روان : لا لا شكلك مريضه فعلاً لين : تحبينه؟ روان بذهـول وصدمة : هييييه لين : قولي اساساً واضح روان ابتسمت وفهمت كل شيء : تشكين بزوجك ! لين دمعـت بقهر : اكرهك روان بضحكة وبرود عظيم : ماتعودت حُب احد صدقيني لو ابي ذيب كان جبته من اقصـاه وبدون ادنى جهد مني لكن ماودي فيه لان عندي اللي افضل منه على الاقل تزوجني برغبه منه هو مو من توصيـة اهله ولا عشان رضـاهم انا عندي اللي حارب اللكل عشـاني مو انا اللي حاربت ولا انا اللي بكيت ولا حتى غرت او زعلت اذا ودك بـ ذيب فـ اعرفي كيف توصلين له مو كيف تبعدين الناس عنه ابتعدت عن لين وهي تنطق بسخرية بالغة : وبكل قوة عين تزعل بعد ! هه . كان هالحوار بنفس اليوم اللي اكتشفت فيه روان ان زامل راح لـ اهله وحلف مايتزوج غيرها ووضح لهم انه مجنونها كان بنفس اليوم اللي زاد شك لين ان ذيب جايب بنت خالته اللي يحبها على قول نورية وتصـادفت مع جيت روان كل وحدة كان داخلها شعـور بس عكس عن الثانيه فيه اللي زعلانه من حُب زامل وتحس انها مو قده وانه خطأ يحبها وفيه لين اللي تبي ذيب لها بدون مايحتك بأي شخص اخر او يتكلم مع احد او ينشغل عنها حتى . وبكذا كان نتيجة الموضـوع كُره من لين وعدم اهتمام وبرود من روان ... - '~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇