كم عيون مالقت عندي حصيل وانت تاخذني على وقفة نظر - الفصل 25 | روايتك

عالم القصص والروايات 📚: ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 116 💜) ▇ـ▄▄ @ahgeel ▄▄ـ▇ مررت الحمد الله " 3 مرات " / ام ليـن بأبتسامة واسعه وعيونها على لين ؛ هاه يمه كيفك ! لين ابتسمت على مضض : الحمدلله ام ذيب وقفت بهدوء : استأذنكم هذا جناح لين وخذي راحتك يا أمها ام لين بغرور رجعت شعرها على وراء وماردت على العنود طلعت وطلع ذيب وراها بهدوء . ام لين بحدة : شفيه زوجك ؟ لين : مابيه ام لين تجهمت ملامحها : وش لين : ابيه يطلقني ام لين شهقت ووقفت بسرعه متجه لـ لين شدتها مع ذراعها بقوة : يطلقك ؟ تبين تفشلينا من ثالث يوم بعرسها مطلقه! لين بقهـر دمعت عيونها : ما ارتحت احسه مايحبني ام لين بسخرية : عساه ماحبك مو مهم الحُب المهم استقرار واحترام اذاك في كلمه ؟ طول لسانه عليك ؟ مد ايده ؟ لين هزت راسها بالنفي ام لين جلست وابتسمـت : اجل الغلط راكب من راسك لـ رجلك يابنت ابوك لين بدهشه : ماما ؟ تخيلي يحب وحدة والله مو مرتاحة وهو عايش كذا معي ام لين بخبث : وتتركينه لها ! تاخذه منك قليلة الاصل ؟ لين تجمدت ملامحها ام لين : تجيبين راسه يالين وصدقيني لو دريت انك ماقدرتي وهربتي منه ورحتي عند نورية وابوك اللي زوجك في اسبوع والله والله والله لا احرق قلبك على ذيب وازوجه انا بنفسي بنت تخليه ينساك وينسى طوايفك شهقت لين بذهـول من كلام امها في وقت وقفت وعدلت حجابها : السائق برا بطلع معه وانتِ لا اشوفك طالعه من بيت زوجك والله يالين اني ما أثم حلوفي تراني حلفت لين نزلت دموعـها بحرقه : حتى انتِ معه ام لين : لان افكارك مالها اي نوع من الحقيقة اعتذري له وسوي نفسك تعبانه من ضغوط العرس وفهمتي غلط وارحعي افتحي صفحة جديدة جيبيه من اقصاه وخليه طايح على وجهه وميت فيك ، فهمتي ؟ لين صّدت وزمت شفايفها ببكاء طلعت امها ونزلت الدرج الخلفي لتخرج من البيت كامل مقهورة وجداً من لين اللي استسلمت ببرود وسلمت زوجها لـ غيرها . - ذيب دخل للشقـة وسكت وهو يشوف ملامح لين تفيض بالحمرة وعيونها مدمعـه قرب لها : لين! لين وقفت ومسحت وجهها : شوي واجيك دخلت تغسل وجهها وذيب جلس ينتظرها. - '~~~~~ رجعت له واخذت نفس وكلامها كله خوف من امها : انا تعبانه كثير ومتوترة من ليلة العرس حاسه نفسي مضغوطة اسفه لو طولت لساني او فهمت اشياء غلط بس كنت تعبـانه ومازلت فـ اصبر عليّ شوي واعطني وقت استرد عقلي وارتب افكاري . كانت تتكلم بتوتر وتشتت واضـح خايفه يردها ويقول ببساطة " طلبتي الطلاق وانتِ طالق " ذيب ابتسم براحه : والله اني كنت حاس ادري انك مو على طبعك وصار لك شيء لكن استغربت وش صار لدرجة قررت اوديك لشيخ يقرأ عليك وربي لكن دامك رجعتي لعقلك فـ لك مني انتظر واصبر الوقت اللي تبينه لكن لا تعصبين وتعقدين الامور فديتك تراها صعبة عليّ عريس ومقفلة الدنيا بوجهي . تجمدت ملامحها من رده وابتسمـت ببطء وكأن الغمامة اللي تغطي عيونها اختفت ابتسمت اكثر ووقفت بسرعه تتجه له وقف بشكل مباشر ياخذها بحضـنه : يابعد راسي لين بهدوء : شكراً ذيـب ذيب مرر لسانه على شفته وابتسم بهدوء مشابه لـ هدوءها : العفو ياروحه واثق انها مو على طبيعتها ومحتار كيف يشدها له ويجبرها تكون طبيعيه معه بدون اي تصرف غريب! . - ——- - عند زامـل .. - دخل للشقـة بصمت عكس عادته لتذهل روان من شكـله ازرار ثوبه الاولى مقطعة وشعره طايح على وجهه وشماغة بيده عضت شفتها بخـوف بالغ من شافته رمى شماغه عليها وتجاوزها بدون اي كلمة تقفل بالغرفة وانقطع حسـه تحركت لباب الشقة تقفله بإحكام ورجعت لـ زامل تناديـه بقلق ولأول مرة يتركـها بخوفه ومايرد لحظات ودقائق وسـاعات مرت عليه داخـل بدون مايطمنها بكلمة في وقت كانت تعيش روان صراع من عقلها اللي يقول كلمي الشرطة وقلبها اللي يطلبها تنتظر لان زامـل مابيقوى يردها وبيفتح . - - '~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 117 💜) ▇ـ▄▄ @ahgeel ▄▄ـ▇ مررت لا آله الا الله " 3 مرات " / روان ببحـه ؛ زامل تكفى ، طلبتك جلست عند الباب وهي تهمس بمحاولة : اذا مافتحت بكلم الشرطة يكسرون الباب مالت شفتها للاسفل ودمعت عيونها بدون شعور : بس قول شيء يطمني انفتح الباب اخيراً ورفعت راسـها تناظره اختفى راجع لداخل الغرفة وقفت وهي تتحرك وراه لبس تيشيرت ابيض وانحنى ياخذ مفاتيحه بدون مايناظرها ؛ نامي انا بطلع هزت راسها بالنفي وهي ملاحظة كيف يتجنب يناظرها : زامل دقيقه ناظرني اخذ نفس وهو يحس فيها واقفه وراه بالضبط تقدمت اكثر ولف لها : هلا تجمدت ملامحها وهمست بذهـول : شفيك! كانت ملامحه ذابله يكتسيها السـواد وعيونه تتلون بالحمرة : مافيه شيء نمت وصحيت تجاوزها لكن شدته ووقفت قدامه بقـوة : لو سألتني شفيني كان قلت لك ليش ماتقول لي ؟ زامل ابتسم على مضض : بطلع روان مو فاضي تركت ذراعه وزمت شفايفها بقوة ودموعها تغرق عيـونها ليش كذا ! شفيـه؟ تحرك للباب ومرت لحظـات قليلة مسحت روان وجهها بقوة وابتسمت من شافته يرجع يدخل : ماقدرت اطلع وانا شفتك زعلتي ضحكت وهي تحاول تضبط نفسها وماتبكي بالرغم من دموعها اللي في محاجرها : مازعلت زامل رفع كفه لراسه يحرك شعره ويشده للحظه : تعبان شوي وءء ا مرت لحظة صمـت ليلفظ سخرية بالغه : انفصلـت من وظيفتي روان رمشت ببطء وهي تشوف كيف ملامحه حرج .. خيبة .. قهـر عاجز يوصـف شعوره لفظت تهديه : خيرة إن شاء الله زامل بضحكة من حرقة قلبـه : مو اول وظيفة روان رابع مره والجايات نفسـها فجاءة بدون سبب القى فيه مشكلة والمتسبب انا ! واللي ينفصل انا ! لـ متى ؟ ابي افهم روان سكتت بعد كلامه زامل اخذ نفس عميق وارتاح نوعاً ما بعد ماتكلم : عوافي ماصـار شيء روان هزت راسها بالإيجاب : بتعوضها إن شاء الله زامل ابتسم واول شيء يفكر فيه الان كيف يرد دينها ! وهو حتى رُبع المبلغ ماعنده ! مستحيل يقدر يستغلها ويفشل نفسه معها لازم يرجع لها حقها كامل . كل مره يقول هانت يلقى نفسـه بمصيبة جديدة انتبـه لها تكلمه : زامل ؟ جوالك زامل طلع جواله يرد : هلا خالد .. ايه ابشر ابشر ماعليك .. مع السلامه قفل الخط والاتصـال يذكره بـ القسط اللي للسيارة . لازم يلقى وظيفـة وبسـرعه . - '~~~ / يـوم جـديد ... يحمل مشـاعر غريبـة لكل ابطالنا .. - في قـرية الشيخ حاتم .. توسعت محاجره بذهول وهو يشوف الساعة صارت ٢ ونص وولده نواف مابعد وصّل ! المفروض كتب الكتاب يكون بعد صلاة العصر : وين ولدك يا ام نواف ؟ ردت بتوتر : دقيت عليه ومارد الشيخ حاتم بصـدمة : مايرد ؟ وقف بسرعه وطلع من بيتـه يجمع بعض شباب القرية يدورون لـ نواف اللي من الساعة سبعة طالع ولا رجع . - ———- - فـ بيت ابو خـالد .. - كانت على اعصـابها ابوها بيرد الناس ووضح لها انها الغالية وتبشر ولو كان على سواد وجهه بين القبايل لكـن ماترضاها عليه تعيش بوسط النار ولا تحرق ابوها وتفشله طلعت له وابتسمت من شافته جالس ويحرك سبحته وهموم الارض فوق ظهره : يبه رفع عيونه لها وابتسم بهمّ : ماعليك يبه ماعليك بريهان من وراء قلبـها : انا موافقه اذا جاو لا تردهم ابو خالد انشرحت ملامحه وانصـدم : موافقه ؟ بريهان : ايه ابو خالد هز راسه بالايجاب وابتسـم : الله يوفقك الله يوفقك يبه - ———- - عند عزام وام عقاب .. انتهوا من صـلاة العصر واتجهوا لـ محلات الذهب مباشرةً . - في محـل الذهب .. تشتري غوايش " بناجر " جديدة لها عزام حرك الذهب في يده بتأمل وحطه عند امه : نادر وينه ؟ ام عقاب : طالع مع اخوياه للبر عزام : بس نادر مايحب البر ام عقاب ابتسمت : يقول اللي بيطلع معهم ونيسين وسوالفهم تسلي الخاطر عزام بعدم اهتمام : زين ، سوى خير . - '~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 118 💜) ▇ـ▄▄ @ahgeel ▄▄ـ▇ مررت لا آله الا الله " 3 مرات " / عند ليـن وذيب .. - فتحت عيونها بخمول وابتسـمت من شـافته متعمق بنومته .. جلست بهدوء وسرعان ماوقفت مبتعدة عن السرير تبدل وتصلي وترجع له - فتح عيـونه بعد دقائق مُطولة وشـافها تصلي جلس بخمول واخذ جواله يشوف الساعة : اوووه اربعة ؟ لين سلمت من صلاتها وناظرتـه ذيب بوله : صباح الخير يا اغلى من لمحتـه عيوني لين ضحكت ووقفت ترتب سجادتها : صباحك او مساك رضا وسرور ذيب اتجه لها يقبل خدها وشكلها بجلال الصلاة يمـوت من جماله ذيب بهمس ذايب : بيبي لابس جلال وش هالنقطة يابنت ! ارتفعت ضحكتها بحرج : انت طويل ولا انا مو قصيرة ذيب بتنهيدة : إلا قصيرة ومتربعة هنا ضرب صدره بسبابته دخل ياخذ شـور في وقـت تنفست لين بـراحه وحُب فارقتها الايام الماضيـة .. - ——— - عند راكـان .. كان خارج حائل مُتجه لـ الرياض بيروح لـ مشعل ويحاول يغير جو عنده ويرتاح شوي جاهل ان نهار معه بنفس الطريق ومتجه للرياض ايضاً تاركين امهـم اللي تقفلت رافضـة تشوف نهار وتبرر له وماقالت الا جملة وحدة : يستاهلون ابوك واهله يستاهلون مانفت الخبر ولا قالت يانهار يكذبون تركتـه مكسـور مصدوم فـيها . - ام نهـار بعد خروج عيالها من حائل اتجهت لبيت ام روان ونيتها ان عيالها مايكتشفون شيء من الأسرار المخفية لكن المذهـل فالأمر ان البيت انهدم والسـاحرة مختفية ماصدقت ابداً انها ماتت وعايشه بحالة خوف من الجـاي . - '~~~~ / مرت الساعات طويلة على الشيخ حاتم اللي ينتظر نواف يبين لـه ويظهر او يرد على جواله لكن مافي اي طريقة للتواصـل معـه مما سبب الاحراج لـ الشيخ حاتم وقرر يكلم ابو بريهان اللي اتصل فيه قبل ساعه ومارد اخذ نفس عميق ودق على ابو خالد والساعة تُشير للخامسـة مساءً ... رد ابو خالد بسـرعه : هلا حاتم عسى ماصار لكم خلاف ! حاتم بحرج : اعذرنا يابو خالد مانقدر نجيء بريهان شهقت بفرحة وضحكت ابو خالد بتدارك للوضع : ماصار الا كل خير والله يرزق نواف بنت الحلال اللي تناسبه حاتم بذهول : بنغير الموعد يا. انقطع كلامه من لفظ ابو خالد : لا نفداك الكتاب من عنوانه وخيره للاثنين إن شاء الله سكت ابو نواف بغضـب هادر من ولده نواف ابو خالد : مع السلامه حاتم : هلا _ انتهت المكـالمة بسعادة عارمـة لـ ريهان لتصمت للحظة وافكارها تتمحور ليش ماجاوا ؟ معقولة نادر ! ابتسمت بأتسـاع : شفت يبه مو مكتوب لي ابو خالد انبسط لها : خيره يابوي خيره . - ——— - فـي جدة .. بشقة زامل وروان ... - واقفه عند الباب : من ؟ وصلها صوت انثوي : افتحي يابنتي انا جارتكم فتحت روان بربكة بعد ماتاكدت ان زامل صحى : هلا ظهرت لها امراءة منقبة وبيدها سلة فيها صينيه حلا وقهوة وشاي : تفضلي حبيبتي تقهوا عليها ورقمي داخل انا جارتك اللي جنبكم ام بدر روان ابتسمت بحرج : مشكورة ياخاله بس ام بدر : لا لا بدون بس ولا شيء انا شفتكم طالعين وداخلين شكلكم توكم عرسان ومالكم احد هنا لو احتجتي شيء او طفشتي من بيتك تعالي سولفي معي انا وبناتي قدامك على طول شقتي الباب بالباب روان : ابشري ، مشكورة كثير ام بدر ابتسمت بسعادة :العفو يايمه العفو طلعت وقفلت روان الباب والتفتت لـ زامل اللي طلع لها : بتروحين للشركة او هونتي؟ تذكرت عمار وحست زامـل مايبي يقابله فـ تجنبت تقوله : لا لا مابروح اساساً باخذ اجازة من اللحين للعيد زامل جلس بالصالة وجلست قريبة منه وهي تطلع القهوة : انبسطتي بجيرانك ! روان رفعت كتفها بعدم معرفه : ماقد جربت جيران زامل ابتسم لها : سمعت صوتها إن شاء الله انها بنت حلال وطيبة قلب واضح . روان بحماس وتوتر : إن شاء الله تحمسـت هههههههههههه زامل ضحك معها بشكل مباشرة ولاول مرة يسمع ضحكتها كذا . ~~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄💜 ▄▄ـ▇ { رواية كم عيون مالقت عندي حصيل }💜 ( البارت ال 119 💜) ▇ـ▄ @ahgeel ▄ـ▇ انتهت من صلاة المغرب واتجهت للمطبخ تجهز قهوة لها ولـ زامل وقفت للحظة بجمود من شافت اشعار بأسم " عمار " فتحت الرسالة بهدوء ورمشت ببطء وذهول من اللي مكتوب " ماتوقعت توعدين وتخلفين كان وضحتي لي بدل ما اجلس انتظر على الفاضي الايام بينا ياروان " بلعت ريقها بصعوبة من تهديدة الواضح نزلت جوالها وعضت شفتها بخفه من سمعت صـوت زامل : من ارسل! همست : الشركة طلعت للصالة وتبعها بصمـت جاهله انه قرأ اسم عمار واول كلمتين من رسالته وش اللي وعدته فيه روان ! خرج وراها : وش يبي عمار ! روان رتبت الطاولة وشغلت الفواحة : شغل بس مارديت طنشته زامل قرب لها ووقف جنب الكنبة من يمين روان : والشغل فيه وعد ؟ روان بعدم فهم : وعد ؟ زامل انحنى لها وتكئ على الاريكة وعيونه بعيونها ؛ روان لا تسوين نفسك ماتدرين ، خلصيني روان : كان عندنا اجتماع بالشركة بس مارحت فـ عصب الظاهر زامل ماصدقها وقف وابتعد للغرفة رجع لها بعد لحظة وهو يلبس الكاب على راسه : افتحي رمز جوالك روان شدت على جوالها : لا زامل : روان افتحي روان بسخرية : لا تكون تغار ؟ انا ما اكذب ومابيني وبينه شيء زامل انحنى لها وتثبتت كفه على عنقها بخفه : بتفتحين ولا افتحه بطريقتي انذهلت منه : بتخنقني؟ زامل شد بخفه وغمضت عيونـها : روان ! روان ارتجـفت بقوة من حست بأنفاسه قريبه منها : لا تخلينا نوجع بعض روان فتحت الرمز ومدته له وغايتها يبعد عنها حفظ رمزها الواضح كان اخر رقم جوالها دفعته بخفه : بعد عني زامل انحنى لها اكثر وكفوفه تحوطها بقوة اختلطت ريحة الدخان بعطرها : ما اشبع منك وانتِ تدرين صّدت عنه وانفاسها تزيد : زامل فكني شرك زامل شد على وجهها وصار مقابله : ليه عيني ماتشوف الا بهاك ؟ ليه مافيه نجمه غيرك بمداري؟ ابي اعرف سبب هالنفور ياروان روان بقـوة وعيونها بعيـونه : ما اقدر اثق فيك تجمدت ملامحه بذهول : روان! روان شهقت بقوة من انحنى يقبلها بقـوة : بعد عنـي زامل ثبت راسه بعنقها وانفاسه تلفح ملامحها : ماتثقين! كان ينتفس بقوة في وقت تجمدت روان والالم اللي برقبتها فضيـع كانه ينتقم بقبلاته : اتركـني زامل بضحكة ساخرة بدون مايتحرك : لو صـار الوصل كان تثقين ياروان لكن الخطأ مني اللي معطيك على جوك روان بغضـب حاولت تبعده : غصباً عنك غصباً عنك تبعد وتروح ماوديّ فيك لا تهددني ولا تتعبني معك روح عنـي روح زامل شالها بخفه لتصـرخ فيه بقـوة : نزلنـي حطها بوسط السرير وفتح فمها بقوة وهو يدخل شيء كانت تنتفض بقهر منه ومن قوته اللي ماتقدر تدافع عن نفسها قدامه ثبت كفه على فمها وكتم انفاسها تماماً من لاحظها بتطلع اللي دخل نزلت دموعها بقوة : ابلعي اللي بفمك وافك ايدي بعد ثواني اضطرت فعلاً ترضخ له لان الهواء نفذ منها فك ايده وابتسم بحنيه من شافها تبكي وتسبـه : انقلع الله لايردك ضحك ووجهها الاحمر شوي وينفجر من القهر : وش اعطيتني وش زامل رفع كفوفه لفوق وابتسم : ماعطيتك شيء شهقـت بقوة وهي توقف : بطلعها اصلاً ركضت لدورة المياة وهدفها تطلع اللي اكلها وترجع اكلها كله " الله يكرم القارئ " صرخت بقوة من ثبتها على صدرة ومسك كفوفها : دقيقه نتكلم ثم روحي وسوي اللي تبين روان بحقد : انت وعمار نفس بعض لا تسوي نفسك اطيب منه او شخص نبيل ترى كلكم نفس الشيء كلكم كلكم انهارت تبكي وزامل مانطـق بحرف : انتِ اللي اجبرتيني روان ببحه ؛ كذاب زامل ؛ والله انتِ ، قد قات لك انا مجنون لا تزيديني تكفين . تنهد من تأخر رد وحطها على السرير من لاحظ خمولـها ونومهـا : اسـف كلها لمصلحتك قبل جبينها وغطاها بخفه وطلع من الشقة بعد ماقفل عليها واخذ جوالها معه ارسل لـ عمار ؛ " انتظر بالشركة ، تجيء؟ " رد بعد دقيقه " زامل معك " تنهد زامل بحرقة ورد " لا " عمار بخبث واضح لـ زامل " مسافة الطريق وانا عندك يالاميرة " عض شفتـه بقهر وابتسـم : اوريك اللحين صدقني ماتتمنى ان روان ارسلت لك . ركب سيارته وحرك للشركة وهو متأكد ان عمار بينرفزة بكلمتين وضربتين ويذلف عنه لكن روان ! كيف بيرضيها ؟ ابتسم بخفه : رمضان على الابواب والمسامح كريم ياروان . - ف بيت ام عقاب . - انفتح الباب ودخل نادر وهو يدندن ويغني : يالله حيها ام عقاب ابتسمت له : الله يبقيك ويحفظك تعال اعطني علومك نادر جلس وابتسـم بخفه : شخبارك؟ ام عقاب : يارب لك الحمد على حطت ايدك رحت للذهب غيرت ذهبي ورجعت وانت ! نادر : عزام اللي وداك! ام عقاب : ايه نادر : زين زين سكت للحظة ليبتسم ويلفظ : والله انا الحمدلله مبسووط مبسسوط طلعنا في هالبر وشبينا الضوء وذبحنا الذبايح ورحبنا بالرجال وسوالف وطقطقة علوم تسرك يالغالية ام عقاب بأبتسامة واسعه : ايه ووش بعد نادر بكذب وتأليف : تعرفين علومنا يالعيال اللي ماعرف للملح واللي ذبح له عقرب كانت بتقـ #انتهى 🍃💜🍃 @ahgeel ↜رابط قناتنا بالتلجرام ▄▁▁▁▁▁▁▅ـ يتبع البارت التالي ➥ ⇩ ▇ـ▄▄▄💜▄▄▄ـ▇ ▇ـ▄💜 ▄▄ـ▇ { رواية كم عيون مالقت عندي حصيل}💜 ( البارت ال 120 💜) ▇ـ▄ @ahgeel ▄ـ▇ ام عقاب بشهقه : بسم الله عليك نادر : لا لا تطمني ولدك ذيب ام عقاب : الحمدلله ماجاك شيء ؟ نادر : لا الحمدلله ام عقاب براحه : زين لفظت بمكر واختبار له : وتعشيت او اسوي لك عشاء ؟ نادر : والله جوعااان ببدل وابي عشاء يالغالية ام عقاب تنهدت وهي متأكدة ان سوالفه كذب وماكان فالبر ؛ ايه ايه ابشر طلع يبدل بدون ماينتبه انه فضح نفسه عندها في وقت تنهدت بتقكير وين كان ! ليش مختفي يوم كامل ؟؟ - —— عند نادر .. تقفل غرفته وابتسم بهدوء وهو يرسل لـ خويه : بشرني ؟ رد فوراً : فكيته وراح لـ اهله نادر ضحك بخفه : كفو خويه ابتسم : ازهل علمك قفل جواله ورماه على سريره وهو يتذكر نواف كان واقف عند السوبرماركت فـ بكل نذاله تقدم له نادر ودفعه بقوة ليسقط منه كيس وتتكسر الزجاجات داخله نواف بذهول : هييييييه انت ماتشوف! نادر ابتسم ببرود : امثالك ما اشوفهم نواف ارتفع حاجبه وفهم ان نادر مدور شّر : روح روح الله يخلف على اهلك ابتعد وهو يتعوذ من ابليس ويرمي العصائر اللي تكسرت ابتعد لسيارته وفتح الباب بيركب لكن انصدم من شـاف ضابط شرطه جاي ومعه نادر ونادر ماسك ايده بقوة ويتألم : تعدى علي ياطويل العمر الضابط المتفق مع نادر وخويـه ؛ نعم انت ! ماعاد فيه لا حياء ولا عقل ! تتهجم على الناس ببرود وقلة ادب ؟ نواف بصدمة : هو اللي تهجم علي الضابط : معي لو سمحت على المركز نواف برفض ؛ وش اللي معك ! لا انا وراي موعد مهم نادر بقهر : موعد مهم ! عساك ماحضرته ولا لحقته نواف وطفح الكيل هجم على نادر اللي كان منتظر هاللحظة وبدأ يتضارب معه بكل قـوة وحقد تدخل الضابط وعدد من المارة فالفكّ بينهم ليلفظ الضابط بحّل وسط : قدامي كلكم على المركز ونتفاهم هناك ركبوا معه بقلة حيلة وتركهم فالحبس من الظهر للعشاء لحّد ما تأكد نادر ان كل شيء انتهى وان العريس اختربت خطوبتـه كلها . — فـ بيت ابو ذيب . - دخلوا للبيت وضحكة لين الناعمة ترتفع ذيب بتمتمه : الوكاد ان هالليلة بتلبسينه توسعت محاجرها وصّدت بحرج : لا ذيب طلع الدرج ومعه الاكياس ولين تمشي وراه ببطء وعبط : خلنا نسهر مع خالتي ذيب اشر لها تسكت والبيت كله الاضاءة مقفلة ؛ في جناحهم نامت اكيد لين تنهدت وهو يشدها معه للجناح : تحركي يابنت لين كشرت ؛ اذا اعجبك البسه انت توسعت محاجره وناظرها ؛ فستان! ارتفعت ضحكتها وتجاوزته : ايه. ذيب اغلق الباب بإحكام وهو يتأملها تنزل عبايتها بهدوء وتدندن ببطء : قلت لك حلو لين ميلت شفتها : لاني لابسته؟ ذيب قرب لها وتنهد وحاجبه يرتفع مع ابتسامه واسعه : يزهاك الفستان والسوارة والله تأملت سوارتها اللي اهداها لها قبل ساعات فالمـطعم : زايد دلالك بشكل احبه ذيب حاوطها يقربها له : تحبينه وبس؟ عضت شفتها السفلية واصابعها تتحرك على ازرار ثوبه : اممم نتابع فيلم؟ ذيب : لا ناظرته للحظة ليهمس : ماودك تفكين ازراري؟ تلونت ملامحها بالحمرة : بالثوب حلو مو لازم تنزله ذيب ابتسم وهو يشدها له : فكي الازرار الله يرحم والديك ارتفعت ضحكتها من انحنى يقبلها لتتحرك اصابعها تفتح اول ازراره وتتأخر بعبط : مايقوى عليك شيء يابنت سالم! وش هالعبط؟ لين ابتسمت اكثر واتضحت غمازتها اسفل شفتها انكتمت انفاسها من حست فيه يقبلها لمره ومرتين وثلاث : مع كل فكه زر بوسه فم - ف جدة . - فتحت عيونها وتثبتت بجمود وعيونها تتأمل سطح الغرفة : زامل فزت جالسة ورمشت ببطء من شافت المفرش مغطيها بعدته بسرعه ووقفت خارجه من الغرفة حاولت تفتح الباب لكن مقفل من برا جلست بقهر مستندة على الباب : وينه ؟ معقولة صار شيء وانا نايمة ! تجمعت دموعها : كيف نمت ؟ هو اللي نومني الحبة اكيد منومة هو اللي اعطاني نزلت راسـها بحرقـة ودموعها تجتمع وتنزل بشكل مُباشر بدون اي قدرة على التماسك . - في مكتب روان .. - اغلق الملف الرابع وتنفس بقوة وتعب رفع كفه وابتسم للجرح اللي من بداية سبابته لوسط ذراعه كان عميق نوعاً ما لكن قدر يسيطر عليه بدون مستشفى راجع كل الملفات وطلع الاختلاسات اللي صارت خلال هالسنوات الاربع الاخيرة كانت بعضها بسيطة وتجاوزها وبعضها تعتبر خسارة واضحة لـ روان بدون ماتنتبه لها وفوراً ارسلها لمحامي من طرفه وقدم فصل لبعض الموظفين وتعيين لمجموعة جديدة من خمس ساعات يشتغل بدون اي أستيعاب للوقت لان اللي تجهله روان كثير وكل رزقها ونصيبها مجرد بركة من الله وحافظه لها ، وقف ومرن جسده بتعب اخذ الكاب وحطه على راسه وهو يتجه للباب ليخرج بعد لحظات بعد إلقاء نظره على غرفة الاجتماعات وابتسامة ساخرة على المكان اللي تحول ل ساحة معركة داميه بينه وبين عمار .. ركب سيارته وربط حزام الامان شغل سيارته وحرك لينعقد حاجبه ويتوقف بشكل مباشر وينزل بسرعه الإطارات الخلفيه مقطعة اطرافها تنهد ليلفظ : ياصغر عقلك ياعمار ؟ مالقيت تحط مراجلك الا هنا #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▅ـ يتبع⇩ ▇ـ▄▄💜▄▄ـ▇