كم عيون مالقت عندي حصيل وانت تاخذني على وقفة نظر - الفصل 24 | روايتك

عالم القصص والروايات 📚: ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 111 💜) ▇ـ▄▄ @ahgeel ▄▄ـ▇ مررت الحمدلله الله " 3 مرات " / فـ الشرقية .. - دخـلوا لجناحهم وقفل الباب بصبر : اللحين بوسط جناحنا ولوحدنا تقدرين توضحين اللي تفكرين فيه ؟ لين بغضب : كل شيء واضح ذيب ارتفع حاجبه : ليش زعلتي ؟ لين : انت فاهم وش سويت ! صدق يقتل القتيل ويمشي بجنازته ذيب بذهـول ؛ بنت ! ناظرتـه وصّدت بسرعه من لمحت عيونه متوسعه ولونـها قلب احمر ؛ انا اسال جاوبي بسرعه لين : طلقني ذيب مرر لسانه على شفتـه : دلع يعني؟ رفعت راسها لـه : مو دلع ! هذا اسمه نفور ذيب بدهشه : ماشاء الله ! ونعرف النفور بعد ! لين توترت من ارتفع حاجبـه بغضب واضح : جمعي اغراضك ساعه والقاك جاهزة مالت شفتها للاسفل : بكلم ابوي يجيء ذيب قرب لها بهدوء وهو ياخذ جوالها من جنبها وكفه ترتكز على كتفها : لا تخليني اتصرف تصرف مو كويس ، مفهوم؟ لين قلبت عيونها وشهقت بقـوة من حست فيه يشد فكها بقوة ويثبت عيونه بعيونها : مفهوم ! دمعت عيونها بقهر للحظـه وشد اكثر ينتظر ردهـا  لكن ماردت ونطراتها كلها عناد صّدت من تركهـا وخرج بعد ما قفل عليـها . - ———- - فـ الطريق لحائل .. - ام نهار مبتسمة وعيونها على الطريق افكار كثيرة في بالهـا اولها تزوج نهار ويرتاح واخرهـا تهز ام عقـاب وتقهرها في زامل شوي واخيراً تاخذ حق زوجهـا من المزارع اللي تدري ان ام عقاب تحبها وتزرعها بكل شغف تبي تبيعها وتحرق قلبها وهي حيه السعادة اللي في قلبها مايتصـورها مخلوق نطق نهار وقطع افكارها : شفتي زامل كل شوي راز وجهه بالقناة والاخبار صار سياسي على غفله ! ام نهار بخبث : من متى وزامل يطول بشغله ؟ تعرفه يعاف الشغل بدري نهار بجدية : اي والله دائماً شهرين او ثلاثه بالكثير ويقدم استقالته ام نهار بتشفي : هذا حظه طايح كل شيء يقرب منه يضره . - '~~~~~~~~ فـ جدة .. - فتحت عيونها بخمول تحس فيه قريب منها ريحة عطـره فالمكان جلست بتعب وانتبهت للجو اللي واضح نهار تنهدت بضيـق : كم الساعه! دورته بعيونـها لكن مو موجود . دقائق وخرجت من الغرفة وهي مقهورة كيف بدل لها ملابسها بدون اي وعي منها ! والأكثر مرارة رش لها من عطره وسوى لها جديلتين متناسبه مع بجامتها الحمراء وقفت بالصالة وهي تشوفه واقف فالمطبخ يجهز شاي رفع عيونه لها وابتسم : كيفك! هزت راسها بالايجاب : احسن قربت له وهي تحط كوبين فالصينيه ويصبّ شاي : روان ناظريني التفتت له بأستغراب وابتسم لها : خلاص خرج من المطبخ ولحقته بتعجب : وش اللي خلاص؟ زامل براحه جلس وفتح البرقر اللي طالبه : وجهك احسن من امس جلست جنبه وبينهم مسافة : كم الساعه؟ زامل : ٤ عصر تجهمت ملامحها : طولت نايمه! وقفت ورجعت للغرفه وهي تسمعه : روان بنت طلعت راسها له : بصلي اللي فاتني توقعت الوقت ١٠ صبح ابتسـم بضحكـه : عشرة اجل ! روحي روحي دخلت تصلي ورجع زامل يكمل اكلـه بهدوء وعينه على جواله . اسبوع واربعة ايام بس بينهم وبين رمضـان ابتسم لفكرة ان روان معـه ! كمية التناقض اللي بين السنة الماضية والان عجيبة ! رحع لذهنه موقف قبل سنـه مع جدته ام عقاب . " جلست مقابله وابتسمت : عمك رعد يقول يبيك تروح معه للصيد زامل بملل : مو لازم ياخذ واحد من عياله ام عقاب بزعل : وانت مو من عياله ؟ زامل تنهد ونزل يد السوني : اللي تبينه يايمه اني اروح لكن انا ماوديّ ام عقاب : وش بينك وبينه ؟ ليش تكرهه زامل بهدوء : ما اكرهه لكن ماوديّ اطلع معه ام عقاب بتغيير للموضوع : طيب وش رائك في اروى ؟ كشر زامـل بقهر : يعني ياصيد او زواج ! انا اكرهه جنس حواء ما احب البنات ولاوديّ بغيرك قدامي ام عقاب بقهر رمت عليه المناديل وطلعت " - '~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 112 💜) ▇ـ▄▄ @ahgeel ▄▄ـ▇ مررت الحمدلله الله " 3 مرات " / ابتسـم زامل ورجع لواقعه على صوت روان ؛ زامل ! ناظرها وابتسم اكثر : هلا روان : اشرب شاي قبل يبرد زامل رفع كوبه يشرب منه وتنهد وهو ينزله : ماودكّ تقبلين عليّ ؟ روان قطعت البرقر وهي تاخذ قطعه منه وتناظره بتعجب : اقبل عليك! زامل ابتسم واستند على ذراعه وهو يتأمله : ايه اتعافى اذا اقبلتي تلونت ملامحها وابتسمت بقلة حيله زامل مد كفه يرجع خصلات شعرها وراء ليلفظ : ماشاء الله شعرك مره ناعم رفعت عيونها لشعره بتلقائيه : حتى انت زامل حرك شعره : المهم انتِ مو انا نزلت اكلها بالصحن وناظرته ؛ بتتركني اكل ؟ زامل غمز لها بخبث عقدت حواجبها بأستغراب وسكتتّ من انحنى لها يقبّل خدها وقف وابتسم بهدوء من لاحظ انها ما اسنتكرت قربه ولا نفرت منه زامل ميل شفته وابتسم : عندك بجايم حلوة بس ماتلبسينها تجمدت ملامحها ولفظت بصوت متجهم من تذكرت سواياه : هيـه! عض طرف شفـته : انتِ كيف حلوة كذا؟ حست بقلبها يطيح ببطنها من الذهـول ووقفت بدون شعور : زامل ! انتبه مني ارتفعت ضحكته بصـخب لتلفظ بقهر : من سمح لك تقرب مني اصلاً! زامل : ماسويت شيء بس .. سكـت بدون إكمال لتدمع محاجرها بتلقائيه ؛بس وش! زامل : ضمه وبوسه وو لا لا بوستين رمـت جوالها بقوة عليـه وارتفعت ضحكته وهو يوقف بهرب روان : ماعاد وديّ اشوفك ابتسم وضحك بتلقائيه : ابشري بترك لك المكان كلـه اخذ مفاتيحه وجواله : انا بطلع امشي تحت احس وزني زايد وانتِ خلصي اكلك وارجعي نامي كشرت وهي تنطق : مالك دخل فيني . - / فـ بيت ابو ذيب .. - غمضت عيونها بصبر وصوت الباب ينفتح تجاوزها بدون مايكلمها بـ حرف واحد وطلع بدلته وخرج تاركـها تشتعل بنيران غيرتها بدون مايريحها او يطمنها بشيء . شدت على فستانها ودموعـها بدت تنزل وكل اللي صـار الليلة الماضية يتكرر بذهنها . - " فالشـرقية " - رتبت اغراضها وتركت اشياءه بعدم مبالاة رجع بعد سـاعه بالضبط وانتبه لها بعبايتها متكتفه وتناظره ببرود : خلصتي؟ لين ؛ ايه تنهد واتجه لشنطته يفتحها ويرتب اغراضه ارتفعت عيونه لها للحظة وصـار بيتكلم لكن سكت من شافتها تقلب عيونها انعفست ملامحه وقفل شنطته بقهر واضح : يلا امشي اخذ شنطتها ونزل بسرعه وهي وراه بعد رُبع سـاعه فهمت انهم ماشين للرياض يعني لا الشرقية ولا البحرين بتستانس فيها لفظت بحدة رغم نعومة صـوتها : عشان تنزلني عند اهلي ذيب مرر لسانه على شفته ومارد لين تنهدت وناظرته ؛ ذيب تسمعني؟ ذيب التفت لها : زوجك ترى مو سواقك شووووي اسلوب الله يعافيك لين تجهمت ملامحها وصّدت بتنهيدة مسموعه ذيب شغل المكيف والمسجل ليرتفع صـوت الاغنية اللي كانوا يسمعونها بطريقهم للشرقية قفل الصـوت ولفظ : ياصبر الارض لين تجمعت شفايفها ونزلت عيونها لكفوفها تحركها بخفه وتتأملها مع انعكاس الضوء على كفوفها ولون المناكير الواضح ابتسمت لنفسها بمداراة جاهلـة ان ذيب ابتسم معها وسرعان ماتجهمت ملامحه خوف انها تشـوفه وتضيع الهيبه طلع زامل صادق لزوم اسنعهـا ثم افكر بالاشياء الفرعيـة . - وصلوا لبيت ابو ذيب .. قبل الفجر بسـاعه ولاحظ ملامح لين الغاضبة طلبته ينزلها عند ابوهـا ورد بصريح العبارة " لا ولا اسمع صـوت لان روحي تالفه منك " دخلوا من الباب الخلفي للبيت وصعدوا لجناح ذيب الخاص غرفتين وصـالة ومطبخ تحضيري بسيط كل شيء لونه ابيض والاثاث يتدرج بين الرصاصي الغامق والفاتح صـورة عند مدخل الجناح لـ ذيب ببدلته العسكرية ومعـه ابوه ببدلته ايضاً مما وضحّ لـ لين ان عائلة ذيب تندرج فالسلك العسكري . - '~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 113 💜) ▇ـ▄▄ @ahgeel ▄▄ـ▇ مررت الحمدلله الله " 3 مرات " / نطق وعيونه عليها : لين هنا بعض الاغراض جابتها امك واختك ميلت شفتها وهي تشوف الاشياء اللي في بيت اهلها قد ارسلوها ورتبوهـا بجناحها جلست على طرف السرير بدون ماترد عليه وانحنت تفك كعبها وبمجرد ما اعتدلت في جلستها مدت كفها بنعومه تنزل بلوزتها اللي ارتفعت عن ظهرها وهي من الاساس من النوع القصير كذا مرت ليلتهم بكل برود بينهم وتجنب من ذيب لها واساساً لو حاول يتكلم تفرعنت عليه وطلعته هو الخطأ. - —— - رجعت لواقعها على صـوت ام ذيب اللي تدق الباب وتناديها : لين يمه ؟ فيك شيء وقفت وهي تعدل فستانها وتتجه للباب فتحت وابتسـمت لـ امه بمجاملة : هلا خالتي ام ذيب بحنيه : ابو ذيب طلع لدوامه مع ذيب تجين اتقهوى معك؟ لين هزت راسها بالايجاب : زين جايه ام ذيب اختفت ابتسامته من صّدت لين ورجعت للجناح ببرود " تقابلت مع اهله قبل ساعات بسلام حار منهم وجفاء منها مما سبب زعل ذيب اكثر " ام ذيب تنهدت ونزلت تحت وهي تحترق على ذيب ؛ كله من ابوه كلـه منه جلست بالصـالة تنتظـر لين مرت دقائق طويلة لتنزل لين وريحه عطرها تنتشر بالمكان جلست مقابل ام ذيب اللي واضح انها مو مرتاحه لـ ليـن لين بتوتر رجعت شعرها على وراء وتثبتت عيونها على الباب اللي انفتح ودخلت ام عقاب بدون ماتستأذن او تدق جرس ام ذيب بذهول : ياهلا ياهلا ام عقاب بأبتسامة واسعه : السلام عليكم اختفت ابتسامتها من شـافت لين وقفت تسلم مع خالتها تأملتها وانعقد حاجبها من شافت فستانها اللي كل ظهرها مكشـوف وشفاف من عند البطن ؛ هذي حرمة ذيب! ام ذيب ؛ ايه رجعوا الفجر ام عقاب جلست وقهوتها ام ذيب بهدوء وجلست : وش هالزيارة الحلوة ام عقاب : شفت باب الحوش مفتوح وانا جايه من عند ام ليلى قلت ادخل واروعك عشان تعرفين تفتحين بيبان بيتك ارتفعت ضحكة ام ذيب ؛ عز الله فرحتيني ماروعتيني ام عقاب اشرت بعينها على لين : كيفها العروس ! لين ؛ الحمدلله زينه ام عقاب : الحمدلله ام ذيب : كيفها ام ليلى ؟ ام عقاب : الحمدلله ماعليها خلاف تقول ان حرمة زامل كانت معه هنا في حايل ! وانا اسألة يالعنود يقول ماجبتها ام ذيب بتوتر ضحكت : لا لا زامل مايكذب تعرفين ام ليلى تحب تسولف كثير ام عقاب بقهر : اكيد جابها اكيد بس مايبي تتكدر ام ذيب ابتسمـت وهي تتذكر روان : انا اقول اكسبيها عشان قلب زامل ام عقاب : هذا كلام يجيء منك يالعنود ؟ الله يهديك المفروض تقولين زوجي زامل عشان يعقل ويرميها بنت الساحرة تجين تقولين اكسبيها ! تعقب وتخسى ام ذيب بتهدئه : مدري مدري اللي تشوفينه صح سويه بس هدي حالك ام عقاب بتنهيدة ؛ حرقني هالولد حرقني. لين تستمع بأستغراب لـ كلامهم من يكون زامل ! ومن هالبنت اللي رافضتـها ام عقاب! مالت شفتها بأستغراب اكبر كيف جاء عند اهله ورفض يجيبها خوف على مشاعرها! تقول ام عقاب مايبيها تتكدر ! الله يالحُب! - ————— - فـ بيت ابو نـهار .. - فتحت الشبابيك واخذت نفس عميق من هواء الديرة النظيف رجعت للداخل وشهقـت من شـافت راكان داخل للبيت : راكـان !!!! تجهمت ملامحـه بذهول وعيـونه بعيون امـه رمش ببطء ورجع بخطواتـه على وراء بدون مايتقدم لها وقفت بأستغراب من هروبـه وهي اللي تتقدم ناحيته : راكان ! امك انا ليش خفت؟ راكان صّد وطلع من البيت بدون مايرد عليها لحقته بخوف ودهشـه من حركاته ووقفت عند الباب تناديـه بصـوت عالي : راكان ... راكان بسم الله عليك .... راكـان نزل الدرجه الاخيرة في حوشهم وسرعان مارجع لها بخوف لا يسمعونها الجيران وقف قدامها : ادخلي داخل ام نهار ومازالت لم تستوعب : ياولد ! نهار ظهر من خلفها : شفيكم ! كيفك راكان ؟ ام نهار ببكاء : نهار شوف اخوك مدري وش فيه؟ نهار بصـدمة : شفيه ! راكان ! راكان بحدة وغضب : ادخلي داخل فضحتينا نهار توسعت محاجرة : لا ترفع صـوتك دخل راكان وقفل الباب بقـوة : وش جابكم ! نهار بدهشـه وسخرية ؛ بيت ابوي فيه مشكلة؟ راكان التفت لـ امه : وش جابك ؟ ردي ام نهار ارتجفت ودموعها تنزل : اخوك ضاع عقله يانهار نهار شد راكان من ياقته بقـوة : شفيك عليها امك ياحقيـر امك راكان ابتسم بسخرية : امي ! انا قلت لمشعل لايخليك تجين نهار تركه وهو يتذكر مشعل كيف حاول يقنعهم يجلسون بالرياض لكـن ماسمعوا له نهار نطق بتوجس وشكّ : وش في خاطرك ؟ راكان هز راسه بأسف : امنا امك وامي فضحتنا يانهار فضحتنا ام نهـار وقفت بربكة ورجولها ترتجف ومصايبها توضح قدامها : وش تقصـ..ـد !!! - #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 114 💜) ▇ـ▄▄ @ahgeel ▄▄ـ▇ مررت الحمدلله الله " 3 مرات " / ام نهـار وقفت بربكة ورجولها ترتجف ومصايبها توضح قدامها : وش تقصـ..ـد !!! راكان بخيبه : السحر اللي مسويتـه لـ ابوي يمـه لقيـناه لقيناه وراعيـه ميت يتعذب بقبره ما ارتاح ابوي يانهار ما ارتاح بسببها تدري انها يتعذب بقبره بسبب هالسحر ؟ و ربي افرجها عليه ورحمـه ام نهار بلعت ريقها بقلق وخوف : بس هذا اللي مزعلك او ءء فيه شيء حتى ! راكان تجمدت ملامحـه بذهـول : وفيه اكبر يعني؟ وفيه اهم من هذا يمه ؟ نهار جلس وصدمتـه كبيرة في امـه اما ام نهار تنهدت بأرتياح بمحرد معرفتها ان اللي اكتشفـه راكان فقط سحـر ابوه . هاللحظات البسيطة سببت شرخ كبير في وسـط هالبيت ينضم لـ للي قبله من شقوق مما يعني اقتراب الانهيـار او بدايته لفظّ راكـان ليقع احد الاعمدة بعد رعد ؛ انا ما اعرفك ولا تعرفيني بريء منك ومن عمايلك ليوم الدين . خرج وتركها تصـرخ بفجيعـة ، بصـدمة ومازالت ترى انها على صـواب انهـا كان لها اسبابهـا ليش يعاقبها ولدها ليش يحرمها منـه! . - ———— - عند عزام .. واقف بمزرعتـه يسقي الاشجار وصـراخ راكان يوصـله نطق بتشفي في ام نهار : عز الله انك رجال وماتستاهلك في ذمـتي . - ——- - فـ جدة .. - روان كشرت وهي تسمع كلام ليلى : وتقول جدة زامل انها بتزوجه ولقيت له عروس روان بتسأول : ماتدري من! ليلى : وحدة قابلتها في زواج ذيب تقول من اهل خالتي العنود المهم انها مُصرة مره فـ الحقي على زوجك قبل يغدر فيك ابتسمـت روان بأرتياح وهي متأكدة حتى لو كان عند زامل نيه يغدر فيها بيوصلها الخبر من ليلى قبل يخطط لانها هيئة معلومات للقبيلة هي وامها : لا لا ماعليك لا تشيلين همي نطقت بشكل مباشر من شافت زامل يدخل للشقه : اكلمك بعدين ليلى ليلى : يلا ياروحي باي قفلت الخط ووقفت : طولت زامل ناظرها بأستغراب من وقفتها : ايه قابلت الشباب وجلست معهم شوي روان : طيب انت عندك نشرة اليوم ؟ زامل : ايه ببدل وامشي روان : ابي اطلع للسوق لحّد ماتخلص زامل بأستغراب : يعني انزلك واروح وبعدين ارجع لك ؟ روان : لا ، السواق بيوديني زامل ؛ ناقصك شيء ضروري ! او تنتظرين ونروح سوا روان : ابي اخذ اغراض رمضان مابقى وقت زامل : ايييييه زين على راحتك بس لو صار شيء كلميني روان ؛ تمام دخلت تلبس عبايتها وتكلم السائق اللي فالشركة . - '~~~ / في بيـت ابو خـالد.. - بكرة الموعد المحدد لـ كتب الكتاب كانت تحس بتعب وأرق خصوصـاً ان نادر ماردّ عليها ولا وضح لها وش بيصير معقولة خلاص! اخذت نفس وهي تحاول تقنع نفسـها انه النصيب ومن الله كل شيء حلو وبكل مرة تقنع نفسها تدمـع عيونها بدون شعـور كانت بين نارين قلبـها وعقلها انتبـه ابو خالد لها وحاول يتجاهل ذبولها توقعها رافضـه الزواج كله بشكل عام لكن الولد رجال وكفـو مايقدر يرده وده يشوفها في بيتها مرتاحة مو كُره لها او لوجودها عنـده بالعكس يحبها ولو تطلب عيونه فداها . انتبـه لها تناديه وابتسـم لها : هلا يبه بريهان بهدوء ونبرة متزنه : ليش تجبرني؟ ابو خالد ما اجبرك يبه انا ابي مصلحتك بريهان ونبرتها فعلاً بدت تهتز ؛ بس رفضت نادر وانت ما اعترضت ابو خالد : نادر اكيد بترفضينـه عشان اللي صار لك مع نهار ولا الومك ولا احدكّ عليهم بريهان بـ أنفجار وببكـاء عميق : ما ابغاه طيب ماوديّ اطلع من القبيلة ولا من بيتنا تكفـى يبه تكفى داخله على الله ثم عليك تجـمدت ملامحـه بذهـول وصـدمة : بريهـان! بريهان بشهقات حادة وانفاسها تضيق ؛ ماوديّ تـ..ـكفى ابو خالد بتهدئه للوضع : طيب اهدي وبعدين نتكلم بريهان وقفت ورجفتها تزيد : احلف احـ..لف ماتجبرنـ.ـي ابو خالد بغضب : بريهان اذكـري الله بريهان رجعت تبكـي بحدة اكبر مما سبب جنون والدهـا بالفعل كل ما حاول يسكتها انهارت وحلفتـه مايوافق طلع جواله وهو ينطق ؛ بدق بدق عليهم اسكتي اللحين انكتمت انفاسها ورفعت كفوفها لوجهه تكتم صـوتها ابو خـالد : اعطيني سبب بالعقل فكري بعقلك يبه بعقلك بريهان بتمتمه وسط شهقاتها : موافقـه انشرحت ملامح ابـوها وسرعان ماتجهمت من نطقت : موافقه على نادر بس هذا لا لا يبـه ابو خـالد هز راسـه بالنفي وحالتها ميؤوس منها : انتِ مو طبيعيه بريهان ؛ مابيـ..ـه ابو خالد مسح حاجبه بحيـرة وتفكير في حّل بكرة الرجال بيجونـه كيف يطيح وجهه قدام قبيلة ابو نواف وهو قد ردّ عليهم بالموافقة ! كان موقفه جداً صـعب. - '~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 115 💜) ▇ـ▄▄ @ahgeel ▄▄ـ▇ مررت الحمد الله " 3 مرات " / فـ بيت ابو ذيب .. - جهزت ام ذيب العشـاء وعلى دخول ذيب وابوه ابتسمت برحابه : هلا بالعين ونظرها ابو ذيب : المهلي مايولي يالعنود ذيب بتلذذ : وش هالطبخ يالغالية ! كانك حاسه بجوعي ام ذيب ابتسمت له بحنيه : بطلع لكم اكلكم يمه ذيب تجهمت ملامحه : ليه تطلعينه! ام ذيب : تعشى انت وزوجتك ذيب : مافي غريب تنزل وتاكل هنا ابو ذيب : عندكم مطبخكم وقسمكم فوق وامك توضح لك ان حياتكم لازم فيها جزء خاص لكم مو كره فيك او في حرمتك ذيب بلامبالاة ؛ انا بتعشى هنا مالي شغل توسعت محاجر ام ذيب وارتفعت ضحكتها في وقت ابو ذيب لفظ بشكّ : وش تغير يالذيب ! قلبك ماهو على خبري ذيب ابتسم بإخفاء للحقيقة : مابه خلاف يبه ابو ذيب بنظرات طويلة : اجل خذ الاكل واطلع لحرمتك ذيب انقلبت ملامحه بشكل واضح واخذ الاكل وطلع ابو ذيب بتنهيدة : والله صادقة يالعنود فيه شيء صاير ام ذيب ميلت شفتها : البنت عنيدة وبتشيب في ولدي ابو ذيب بندم : إن شاء الله يقدر لها الذيب . - ———- - فـ الأعلى .. - تجلس بميلان وتتأمل صورها هي وريتان فـ اخر سفرة لهم ابتسمت بخفه وهي ترسل لها الصور وتعلق عليها بضحكة وعبارات مُستفزة لـ ريتان عدلت جلستها من شافت ذيب يدخل وواضح معصب نزل الاكل قدامها ودخل للغرفة بدون اي كلمة تنهدت وهي توقف وتدخل وراه : امي بتجيء ارتفع حاجبه والتفت لها للحظه وزفر بصبر وهو يصدّ ؛ حياهـا لين تقدمت له وهي تشوفه من الغضب عجز يفتح الساعه كل ماصار بينزعها مسكت ايده بخفه ونزلت السـاعة فتحت اول ازراره ورجعت لـ وراء بربكة مد كفه لها يحاوط خصرها يقربها له : انتِ ليش كذا ! ندمت انها قربت منه خصوصـاً مع غضبه الواضـح لها : مدري ابتسم ولانت ملامحه من شاف خوفها : اطلعي قبل اكفر فيك ارتفع حاجبها وميلت راسها وعيونها بعيونه : وش بتسوي؟ مد كفه لوجهها ورجع شعرها وراء اذنها : ترى انـ.. سكت من وصـل له صوت دق الباب . - '~~~~~ / فـ جدة .. - تحركت بين انواع الدقيق بتفكير في النوع المناسب وقفت وهي تشوف عمار مع بنت واقفين فالجهه المقابلة ابتعدت بتوتر بدون ماتناظره لو عرف زامل ذبحها بدون رأفه مجنون وتعرف حركاته لفظت للسائق اللي يدف العربية : يلا امشي للكاشير تحرك وهو ينطق : فيك شيء مدام؟ روان بربكة من وجود عمار : لا لا بس خلصت وقف عند المحاسب وابتعدت هي للجهه الثانيه تشغل نفسها بتأمل الشبسات ارتجفت بقوة من سـمعته : مديرتنا ! عضت شفتها بهدوء وناظرته : اوه ! عمار عمار ابتسم بلطف : سديم اعرفك روان مديرة شركتنا صح صغيرة بالسن لكن ذكية روان ماتعرفين اكيد ان سديم اختي الوحيدة واصغر العنقود روان : تشرفنا سديم سديم ابتسمت : من زمان وديّ اشوفك عمار : إن شاء الله تشوفون بعض اكثر روان : على خير إن شاء الله عمار ؛ بكرة إن شاء الله بجيك فالشركة واتمنى اقابل زوجك معك فيه موضوع ضروري ابي نتناقش فيه كنت ناوي اكلمك بالجوال لكن صدفة خير من الف ميعاد روان بأستغراب من طلبه وجود زامل : مو مشكلة حياك ابتسم لها بهدوء وابتعد هو وسديم بعد ما استأذنوا منها روان اتجهت للسائق تحاسب وطلعت معه اما عمار اكمل تسوقه مع سديم اللي نطقت بضحكة : شكلها على نياتها عمار بقهر : على نياتها وضاااايعه بالشغلة لكن ربي كتب لها الرزق وجاها والمصيبة كلها زامل لو انه ما انخلق ولا عرف لها درب كان عرفت اتصرف سديم ميلت شفتها : ابوي بيضبط الموضوع عمار : اكيد اكيد - ———- - فـ حائل . - ثبتت نقابها على وجهها وهي تتنفس بقوة وصدمـة ملامحها وهي ماتشـوف اي اثر لبيت الساحرة هزت راسها بصـدمة : هدموا البيت ! هدمـوه شدت على عبايتها وهي ترجع للقرية بخـوف لايشوفها احد شعورها متضارب دام بيت الساحرة انهدم يعني ماتت فعلاً بس دامها ماتت وين حطت السحر ! - '~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇