كم عيون مالقت عندي حصيل وانت تاخذني على وقفة نظر - الفصل 23 | روايتك

عالم القصص والروايات 📚: ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 106 💜) ▇ـ▄▄ @ahgeel ▄▄ـ▇ مررت سبحان الله " 3 مرات " / كان راكان يعيش وسط ضياع شعور وتعب نفسي كبييييير مايقدر عليه مخلوق كاتم بقلبه فعايل امـه ورافض ينطق ويفضفض وفاهم ان اخوه مشعل يعيش تخبط مو اقل منه ابداً بعكس نهار اللي مابعد عرف بشيء حتى ندم انه جاء لبيتهم لو ظّل بوسط حائل عند شغله كان ماتكدر اكثر  لكن اجازته يومين وقرر يقضيها عند جدته " ام عقاب " . - ——— - انتهت ام عقاب من الصلاة وجلست تستغفر وتنتظر الشروق لجّل تصلي الضحى انفتح الباب بهدوء وحست بأحد يدخل التفتت للباب وابتسمت من شافت نادر : تقبل الله يمه ام عقاب : منا ومنك حبيبي نادر جلس مقابلها : بطلع للعمل قلت امرك محتاجة شيء وانا راجع اجيبه معي؟ ام عقاب : الله يحفظك انتبه لنفسك نادر : دعواتك يالغالية انحنى يقبل كفوفها ووقف ليخرج خلال لحظات وام عقاب تحوفـه بدعواتها هو وكل عيالها واحفادها . - خرج نادر وحرك للدوام وشغل شيء يسمعه ويسليه كان يدندن وبدون شعور ترجع له القصيدة اللي قراها ليلة امس كان يتذكرها بين لحظة والثانية ويتهرب من التفكير بالنظر فالطريق فقط . - ——— - فـ بيت ابو خالد .. - انتهت من وضع طلاء الاظافر الأحمر تأملت اظافرها بصمت وتنهدت بدون شعور ماوصلها اي رد يوضح ان نادر عرف عن القصيدة لازم تلقى حل قبل نهاية الاسبوع اليوم الجمعة وسبعة ايام تفصلها عن عقد القِران . - '~~ فـ وسط حائل .. - فتحت عيونها بخمول وبدون اي سبب طرت في بالها لين وحركاتها واسلوبها المستفز في الحفلة ميلت شفتها وتثبتت عيونها على زامل اللي نايم جنبها بعد رجوعهم للفندق دخلت تبدل لكن ماترك لها مجال وهي تشوفه يتربع على السرير ارتبكت وعصبت وثارت فيه " اطلع " " لاتنسى الاتفاق " كانت بأعلى مراحل توترها لكن نطق " يابنت الناس بسولف لك بس " ميلت شفتها وانكتمت انفاسها وعيونها بعيونه كانت حاسه انه يكذب وبنفس الوقت واثقه انه مارح يغدر فيها صحيح انه حق من حقوقه لكن مو مستعدة ابداً تبداء حياتها معه اتجهت للسرير وجلست على الطرف فقط شدت كفها على فستانها العودي ورجعت خصلات شعرها لوراء في وقت زامل بوسط السرير ومتربع حاط الوسادة بحضنه وسرعان ما استرسل بالكلام وبدأ يسولف معها عن اشياء كثيرة حياته اصدقائه احلامه وحتى اعلى طموحاته كانت عيونه تشع بحماس وهو يسولف وواضح وش كثر يبي يبين لها ان ودهّ تكون معه من كثر مايسولف معها بدت تتكلم هي بالمثل بدون شعور توضح له اشياء بحياتها مايعرفها غيره فقط الان طفولتها وماضيها ، امها وابوهـا اشياء كثير بدت تتكلم فيها بدون شعور تفضفض فقط وحالها من حاله جاهله انه وصل للي يبيه " يبي يعرفها اكثر " تسلل النوم لهم بوسط حوارهم ونامت في وسط سالفته . - رجعت لواقعها على صوته الناعس : صباح الخير عدلت جلستها وردت بهدوء : صباح النور زامل ابتسم بخمول : نمتي بدري ابتسمت بحرج : ايه ماحسيت زامل جلس للحظة واشر لها ؛ رتبي هالحوسة امس تورطت معك تجمدت ملامحها وهي مو مستوعبة قصده : تورطت ! زامل دخل دورة المياة ووقفت هي بشكل مباشر تشوف قصده غمضت من حست ببرودة الارض وتحركت بسرعة للجهه الثانية للسرير كانت فيه مناديل مسح فيها الميك اب اللي على وجهها وكريمات ترطيب ابتسمت من فهمت قصده ، مسح مكياجها! ورطب بشرتها ! ضحكت بخفه وانحنت ترتب اغراضها اللي كلها مرمية وواضح طلعها كلها بدون اي فايدة . - '~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 107 💜) ▇ـ▄▄ @ahgeel ▄▄ـ▇ مررت سبحان الله " 3 مرات " / عند ذيب ولين 🧁. - حست فيه يقبّل وجهها للمرة الثالثة فتحت عيونها بخمول وسرعان ما أستوعبت انها مع ذيب مرر سبابته على خدها وانحنى يهمس لها : صبح صبح تلونت ملامحها بالحمرة ليبتسم وترتفع ضحكته مباشرة بعد صّدت بوجهها بحياء شديد : بنزل امشي شوي وانتِ صحصحي وتجهزي عشان نطلع نفطر هزت راسها بالإيجاب والكلام ينسرق من فمها عضت شفتها من سمعت الباب يتقفل فهمت انه يبيها تاخذ راحتها وتتجهز بهدوء وبدون اي احراج منه وقفت وسحبت الروب تلفه عليها لتلفظ بهدوء : اصبحنا واصبح الملك لله و الحمدلله ولا اله الا الله اللهم أني اسالك خير هذا اليوم وخير مافيه . - رجعت لذهنها احداث الليلة الماضية هادية وحنونه مُماثلة لـ ذيب وشعوره ابتدت بـ ركعتين صلوها مع بعض وبعدها بداء يسولف عليها ذيب بهدوء شديد لحّد ما أمتص ربكتها وبدت تتجاوب معه وتسولف حتى ونست كل شيء كان مكدرها حتى " روان " حوارها الشديد والحـاد مع روان يجعلها تشعر بكل السوء تتمنى لو تقابلها مره ثانيه وتقطع شعرها لـها اخذت نفس وهي تدخل تاخذ شور ومازالت روان تسيطر على ذهنه " بمجرد ترحيب نورية وطلبها انهم يتفضلون على العشاء صار المكان فاضي الا من لين اللي ماكان عندها اي رغبة تتعشى بعد عشر دقائق طلعت روان للحديقة وصوت كعبها يجذب للنظر لفظت لين بسخرية بالغة : جاية لزواج ذيب ! روان بهدوء مع ملاحظتها لنظرات لين : ايه عزمني ومارديته لين ابتسمـت : بعد لك خاطر فيه؟ روان بدون فهم : كيف يعني ! لين : تبينه !!! روان بذهـول : قصدك ذيب ! لين بكُره : مابتطولينه روان ابتسمـت وتحولت نظراتها للشفقة : ياحرام ! لين تجمدت ملامحها بغضـب لتقترب منها روان وبكل ببرود نطقت ؛ انا لـ.. - ——- - رجعت لين لواقعها على صوت ذيب : لييين خلصتي ؟ لفظت بسرعة : لا دقيقة قفلت الموية وهي تلعن وتسّب في روان اللي مازال كلامها يحرقها للأن . - '~~~~~ فـ بيت ام عقاب .. - غداء يجتمعون فيه عيالها وراكان من فترة طويلة تركت هالجمعة بعد اللي صـار من مشاكل وأحداث دقت على زامل بس قال لها انه ماشي لجدة ومايقدر يجيء اما راكان فـ صلى الجمعة واتجه لها على طول هو وعزام ونـادر . - على القهوة .. - ريحة البخور تفوح فالمكان وصوت خطبة الحرم من الـ tv متزامنة تماماً مع حضور راكان ودخول نادر وعزام جلسوا حولها وسوالف هاديه تدور بينهم لفظ راكان بكُره : سمعت ان زامل جاء! نادر : ايه تزوج ذيب وجاء يحضر معه راكان ارتفع حاجبه : زواج زواج او ملكه! نادر : زواج راكان بتعجب : ليش العجلة! ام عقاب بتنهيدة : والله مازانت البنت بعيني احسها تحب الاذى وبتوجع ذيب راكان : طيب زامل بيطول هنا! عزام بإنهاء للموضوع : حضر وسافر امس راكان هز راسـه بالإيجاب وسكّت عزام صّب القهوة لنفسه ولـ امه اللي خلصت فنجانها ام عقاب : كيف دوامك يانادر ! من صبح ماشفتك نادر : الحمدلله ابشرك العلوم زينه ام عقاب : الحمدلله عزام بسخرية ؛ ابو خالد زوج بنته توسعت محاجر نادر وحس قلبه هوى بين ضلوعه ؛ زوّجها !!! ام عقاب : من اخذت ؟ عزام : خذت ولد الشيخ حاتم اسمه نواف يقولون دكتور وله اسمه ومكانته بين ربعه ام عقاب سكتت راكان ماعلق في وقت نطق نادر : متى ! عزام : مابعد تمّ شيء رسمي لكن الطرفين موافقين نادر انكتمت انفاسـه من تذكر القصيدة والشطر اللي ابتدت فيه بنداء " يانـون " بلع ريقـه بصعوبة وهو يفتح جواله ويحاول مايبين شيء على ملامحه بالرغم من ان عزام وامـه اكتشفوا كسرة عيونه وقهـره رغم انه يحاول يخبيء. - '~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 108 💜) ▇ـ▄▄ @ahgeel ▄▄ـ▇ مررت سبحان الله " 3 مرات " .. فـ الطريق لجـده .. - كانت تراسـل ليلى ومنصدمة من كمية السوالف اللي عندها " فلانه تزوجت وفلانه تطلقت فلانه جاء لها ولد والثانية مات زوجها " كعادة ليلى علوم القبيلة كلها عندها في وقت طقطقتها بجوالها كان زامل صـامت وواضح مو معها شوي ونطق ؛ روني تجهمت ملامحها وهي تلتفت له بأستغراب زامل : اعطيني سلك الشاحن فالدرج قدامك ارتفعت حواجبـها بتعجب ومدت ايدها تعطيه شحن جواله ونطق ؛ تسوقين! هزت راسها بالنفي من شافته يوقف على جنب الطريق : لا لا ما اعرف زامل ابتسمت بشطانه : بعلمك ارتعبت اكثر من نزل : لا اخاف فتح الباب ومسك ذراعها : وش تخافين ! انزلي نزلت بربكة : ولو صدمت! ضحك بصخب : فداء عضت شفتها بتوتر وهي تركب مكانه قفل الباب ورجع يجلس مكانها : اولاً سمي بالله سمت وهي ترجف كفوفها : لا تكفى نزلني ارتفعت ضحكته اكثر : وش انزلك سهله ترى روان بقهر ناظرته : ولو صدمنا زامل بتخويف : الله يرحمنا تجهمت ملامحها ورجع يضحك اكثر من اول عضت شفتها بقهر : زامـل زامل : ياروحـه بلعت ريقـها وهي تضغط الزر بعد ماسمعته يقوله وتمد رجلها للمكابح لجّل تشتغل السيارة رجفتها قوية وواضحه لزامل اللي منهار من الضحـك عليها في وقت هي فقدت الشعور من الروعه ؛ يلا يابنت بدون وعي ضربت المقود ليرتفع صـوت الهرن فزت بخـوف وانهارت تبكي ارتفعت ضحكت زامـل بأنهيار تام غير قادر على الحركة من كثرة الضحـك في وقت هي تبكي وتسّب السيارة ومن اخترعـها شدها من ذراعها وثبت يمينه على قلبها : بسم الله عليك بسـم الله هههههههههههههههههههههههه جمعت كفها ولكمتـه بكتفه ونزلـت بقـهر استوعبـت اللي صـار وخوفها الغير مبرر لتبتسم ومازالت اثار الخوف عليـها لكن تستقوي على زامـل اللي ماسكّت من الضحـك . - '~~~~~~ بـعد رُبع سـاعه .. - حست فيه يحاوطها ودفعتـه بنفور : ابعد ابتسم وهو يشدها له ؛ وش سويت انتِ اللي ضغط وطلع الصـوت وش دخلني روان بتنهيـدة : والله خفت لفـها له وتجمدت ملامحها من شـافت ابتسامته ونـظراته نطقـت بقلق من حركـاته : زامـ.. انقطع صـوتها من أسترق كلامها بفمـه ابتعد بهدوء وركب وهو يشغل السيارة في وقـت ارتجفت كفها وهي ترتفع لشفتها حست بحرارة في كـامل جسدها وطعم الدخان يلتصـق بشفتيها مسحتها بتوتر وركبت من فتح الشباك : يلا ! اغلقت الباب وهي تتمنى لو لبست نقابها لكن الطريق فاضي ونزلتـه توسـعت محاجرها من سمعتـه : طعم كوفي! عضـت شفتها بقـوة وهي تصّد طلبت قهوة وطلب شاي بطريقهم واللحين مستغرب كيف وصل القهوة له ! من وقاحتك وقلة ادبـك كانت متنرفـزة من كلامه ومحرجة اكثـر واكمل عليها بـ " شكل بصير من عشاق القهوة " التفتت له بغضب هالمرة وابتـسم لها ببرود وهو يغمز لها لتتلون بالحمرة فوراً. - —————— - عند ذيـب ولين .. - ماسكين طريق الشرقـية ومن الشرقية للبحرين ونيتهم قضاء اجازة قصيـرة فقط والعوض فالجـاي من الأيـام . كانت لين مُرهقه ومحرجة منـه بعكس حركـاته اللي توضـح سعادته وهدوء بالـه تتضـارب افكارها وتعكر صفو أيامـها بكلام نوريـه والاحداث اللي صـارت بعده وتخاف ذيب تأمـنه وتحبه وبالنهاية يردهـا مكسـورة رجعت لواقعها على صـوته وهو يشد كفها الايسر : وين سرحانه الحلـوة! لين ابتسمـت بتجاهل لأفكارها : معك ابتسـم برحابة : نيالو ألبي فيك . - '~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 109 💜) ▇ـ▄▄ @ahgeel ▄▄ـ▇ مررت الحمدلله الله " 3 مرات " / فـ الرياض .. انتهت ام نهار من ترتيب شنطتها وطلعت تشوف الاغراض الباقية لـ نهار كان مرتبها ومجهز كل شيء لبست عبايتها ولفت شيلتها على راسها وابتسمت فوراً عند رؤية مشعل : هلا بأخر العنقود تعال ياروح امك مشعل بتعجب : وين بتروحين! ام نهار : حايل تجهمت ملامحه لتكمل هي بدون ماتلاحظه : اشتقت لـ راكان فقال نهار انا فاضي وبيوديني مشعل ؛ مايحتاج ام نهار : وش مايحتاج ! اخوك قلبي ماكلني عليه مشعل ابتعد عنها بدون رد ودخل غرفته وتقفل ميلت شفتها بتعجب منه ؛ شفيه ! - فالداخل .. اتصـل بـ راكان ومارد فـ ارسل له " امي ونهار بيجون للديرة " رد بعد لحظة " لا تقول " تنهد مشعل وجلس والهم ثقيل عليه كان معروف عند اللكل بفهاوته وبروده بس تغير في شـهر صار عكس ١٨٠ درجة والسبب كله يرجع لـ امه . - —————— - على خط السفر كانت سيارة زامل واقفه على جنب الطريق بسبب تعطل الإطار وداخلها روان اللي ملامحها تشع غضـب : قلت لا تسرع لا تفحط بس ماتسمع زامل اطلق ضحكة ساخرة قصيرة : هه عضت شفتها بقـهر في وقت نزل زامل وهو يشغل سيجارة : لا اله الا الله ميلت شفتها : زامل اتصل بـ احد طيب زامل نفث الدخان ببرود : العلوم هينه روان بحرقة : تصـرف ياخي ميل راسـه يناظرها مع الشباك ؛ ياخي في عينك قلبت عينها وسكتتّ : تبين اتصل بـ احد ! مثلاً من ! هاه قولي ! مافيـه انتظري وانتِ ساكته انفتح الباب ونزلت : لا ترفع صوتك زامل ارتفع حاجبه : اعطيني كف احسن شرايك ؟ روان تنهدت وبعدت عنه تمشي فالارض الفاضية جنب الطريق كان الوقت بعد المغـرب والشفق الاحمر بدأ يختفي ويحّل الظلام مكانه روان مررت لسانها على شفتها وجلست على الارض بيأس ؛ ساعتين مامر أحد زامل ناظرها ورمى سيجارته تحرك ناحيتها وقدمه تضغط على السيجارة لتتلف بالتراب : قومي هزت راسها بالنفي وهي تشوفه واقف قدامها جلس مقابلها وتربع بهدوء وتنهد ناظرته للحظة ونزلت عيونها للارض مدت كفها تاخذ قطعة حجر وتكتب بالارض خطوط وتمسح ؛ ليش عنادك معي بالذات ! ابتسمت بدون شعور وضحك زامل : ايه واثقه اني مارح أقوى ازعلك وانتِ زعل زامل عندك عادي هزت راسها بالنفي : مو عادي تثبتت عيونه عليها : مو عادي! ابتسمت بنذالة : ما احب ازعل احد عض طرف شفته بوسط ابتسامته لترتفع ضحكة روان : والله صادقة زامل هز راسـه بالنفي وهو يوقف بدون مايرد ابتعد عنها ووقفت بشكل مباشر تمشي وراه : تعال امزح ماحبتّ تزعلـه وهو من الصبح يرضيها مارد عليهـا وخافت من بعدوا عن السيارة : زامل شهقـت بقوة من حست فيه يشيلهـا بسرعه وهو يدور فيهـا تمسكت بقـوة : زامـل امانه لا ، زامـل ارتفعـت ضحكته وهو يدور اكثر لدرجة انه دوخـها ، حاوطته بكفوفها وراسهـا برقبته ارتجفت اطرافها من وقف ولاقدرت تتزن واحساسها صداع وغثيان دمعت بقهر وعضـت كتفه بقـوة نزلها على الارض وفك نفسـه منها وصـوت ضحكته يرتفع اكثر ؛ تبي تذبحني انت نطق بوله : بسم الله عليك نفضت عبايتها اللي صارت تراب كلها ورجعت للسيارة بخطوات كانت سريعة وبدت تهدي سرعتها علّ وعسى يلحقها زامل كانت خايفة ظلام ولحالها انكتمت انفاسها من حست بكفه على ظهره وضربها بخفيف : اركضي للسيارة اسرعت بخطواتها وركبت بهدوء : اركبي وراء عقدت حواجبها : وراء ! زامل : ايه نامي بلعت ريقهـا بخوف : وانت ! زامل : ماعليك بتأكد من الشبكة وبجيء معك نزلت وركبت وراء في وقت ابتعد وجواله معه يدور شبكة رجع لها وركب وراء وهو يقفل السيارة عليهم ؛ ارسلت لخويي في نقطة التفتيش اللي قدامنا إن شاء الله يفتح ويجيء هزت راسها وهي تلعب بجوالها : راسي صدع منك ضحك بخفه ونزل نظاراته الطبية وجواله قدام وتعدل بجلسته يناظرها : كل مرة مايعجبني كلامك بتشوفين شيء مايسرك جمعت شفايفها بقهر وارتفع حاجبها زامل رفع سبابته من لاحظ سخريتها : انتبهي! تنهدت بهدوء لتلفظ بلامبالاة : مره خفت ابتسم وهز راسه : ماتتوبين صمتت للحظة لتهمس بعدها : عادي اطلبك شيء ! مد كفه لخصرها يقربها منه : ابشري باللي ودكّ روان تثبتت عيونها بعيونه بدون ماتتكلم ميل راسه ناحيتها وهو ياخذها كلها بحضنه شدت كفوفها على ظهره بدون كلام وراسهـا بوسط صدره عدل جلسته وشفايفه على جبينها ؛ ارفعي راسك طيب رفضت وهي تنزلـه اكثر لصدره ويشد عليها . - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ { روايــة كم عيون مالقت عندي حصيل وانتــي تأخـذني على وقفة نظـر }💜 ( البارت ال 110 💜) ▇ـ▄▄ @ahgeel ▄▄ـ▇ مررت الحمدلله الله " 3 مرات " / فـ الشرقيـة .. - وصلوا ولف معها بالمولات شوي وبعدها اتجهوا لكوفي يجلسون فيـه لاحظ انها تصـور كثير فالسيارة فالمول عند القهوة وعند الفستان كل شيء تصـوره بدون اي كلل او مّلل لكن ماعلق " كل شخص وبكيفه " قفلت جوالها بعد تصويرها للكوب ورفعت عيونها لـ ذيب : بنعيش مع اهلك صح هز راسه بالإيجاب : عندي شقه فوق فيها مطبخ وغرفة نوم وغرفتين اضافية تقدرين تاخذين راحتك فيها . لين بجدية : مابغى شغالة ذيب : ليش! لين بصدق : امك ماتدري واحس بتزعل ذيب ميل شفته : التقديم يطول فـ بننتظر واذا قربت تجيء قلت لـ امي لا تشيلين همّ فتحت فمها بترد لكن صمتتّ امه ويعرفها اكيد . ذيب : وش عرفك بـ روان ! توسعت محاجرها وارتفعت عيونها له : روان ! ذيب ؛ ايه انتِ اتصلتي وكنتِ زعلانه وتقولين روان ومدري وش لين تذكرت ليلة زواجهم واتصالها : ايه ايه بنت خالتك تقصد ! ذيب بأستغراب : اي بنت خالة ! لين بشك : روان اللي جات مع امك وام عقاب ذيب بضحكة صاخبه : هههههههههههههههه لا لا ذي زوجة خويي لين ؛ هي قالت بنت خالتك ذيب ابتسم : مو مهم وش تقول المهم انا لين هزت راسها بالايجاب : طيب عندك خالات ! ذيب : ايه ٣ لين بحرقة : عندهم عيال ! ذيب : خالتي نورة عندها بنت بس وخالتي فاتن بنتين وخالتي ريم خمسة اولاد بس قليل يزورونا بس فالاعياد والمناسبات الكبيرة لان كل وحدة في مدينة ويشتغلون وكذا . لين بتفكير : كبار ؟ ذيب ببراءة وبدون ملاحظة لـ ليـن : ايييه العيال نفس سني والبنات اصغر مني بكثيير إلا العنود سميه امي نفس العمر تقريباً اشتعلت النار بـ قلب لين : اسمها العنود ! ذيب : امي تحبها حيل يمكن عشان سميتها لين ميلت شفتها : وانت ! ذيب ناظرها بأستغراب : انا ! لين وعيونـها مليان دمـوع ؛ انت تحبها ! ذيب بذهـول ؛ لين بلعت ريقها بصعوبة وطلعت مناديل تمسح دموعها ووقفت : ماعاد وديّ بالجلسة ذيب وقف وخرج معها بدون مايكلمـها  معقولة تغار من طاري اي بنت على لساني ! وانا اللي توقعتها تبي تتعرف على اهلي وتفهم طبيعة حياتنا ! تجاوزها وهو يركب ويشغل السيارة وتركب جنبه وكفوفـها ترجف بشكل لاحظه ذيب واستغـرب وزعل بنفس الوقت ! - '~~~~~~ بعـد مرور سـاعات على روان وزامـل .. - دخـلوا لجده اخيراً بعد اصلاح للسيارة ورُعب روان نزل للشقـه وهي جنبه تمشي بكل هدوء الصـداع يتعبها وكثير ولاحظ زامل : فيه مسكن إن شاء الله بترتاحين بعد ماتاخذين ماردت وهي تستند عليه وغمضت عيونها ضغط الاصنصير للطابق الثاني والتفت لها : روان اهدي شوي رفعت عيونها له وهي تهمس : اول مره يصير كذا تنهد زامل وشتت نظراته وهو يهمس : تعودي ناظرته بأستغراب شدها معه وتحرك لشقتهم وذراعـه تحاوطها : اللحين بتهدين لازم تنامين كويس ماردتّ عليه وكلمتـه اثارت الرعب بقلبها " أتعود ؟ " تذكرت بداياتهم والصداع اللي يجيـه لكن يتعذر بالنوم ! دخلت للشقه ونزلت عبايتها بشكل مباشر وهي تحطها بسلة الغسيل وتلتفت له نزل مفاتيحه وجواله عند الباب ورفع كفوفه يرجع شعره على وراء : ادخلي ارتاحي هزت راسها بالنفي وعيونها بعيـونه مالت شفته بتعجب : روان؟ نطقت ببحه : وش تقصد ؟ زامل ؛ ارتاحي يعني نامي روان : مو اللي قلته اللحين ، اقصد فالمصعد زامل رفع كتوفه بعدم المعرفه : ما اتذكر روان مررت لسانها على شفتها وهي تنطق : اتعود على الصداع ! زامل تقدم لها ورجعت خطوة على وراء : كان يجيك كيف تخلصت منه ! زامل ابتسم بحنيه : صداع طبيعي يروح من حاله حست فيه شيء غريب نظراته واضحه ان فيه شيء مخبيه هزت راسها بالنفي وضربت ايده اللي مدها لها زامل تنهد بصبـر : روان! روان : وش تخبي ! زامل ابتسـم لتهدئتها : تتوقعين بأذيك ؟ روان مسكت راسها ودموعـها تنزل بدون وعي : كذاب زامل تجهمت ملامحه وقرب لها رغم نفورهـا : بشويش على حالك حاوطها بقوة وشهقت تبكي وتشكي من راسـها كلمات متبعثرة تنطقها وتهد حيل زامل . - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇