كم عيون مالقت عندي حصيل وانت تاخذني على وقفة نظر - الفصل 22 | روايتك

عالم القصص والروايات 📚: ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ( البارت 101 💜) ▇ـ▄▄ @ahgeel ▄▄ـ▇ / فـ بيت ابو ذيب .. - دخلت ام عقاب والعنود ترحب وتهليّ ومبسوطة بجيتها ؛ والله ماطلبت احد يسير معي لزواج ولدي غيرك ام عقاب سلمت عليها وابتسمت : ام ليلى مابتجيء؟ ام ذيب : لا يابنت الحلال الله يغنينا عن جيتها دخلت ام عقاب للمجلس وانعقدت حواجبها من شـافت بنت غيييييير تماماً عن اي بنت سبق وشافتها شكل ووجهه وملامح وقفت مكانها للحظات بدون ماتتحرك او تسلم او تفكّ عقدة حاجبيها روان بحرج وقفت وتثبتت عيونها على العنود تستنجد فيها وسرعان مانطقت العنود : ام عقاب ! علامك ام عقاب بتدارك للوضع : السلام عليكم روان تقدمت له تسلم وابتعدت عنها بتوتر تحس انها انكشفت وندمت لان زامل مايدري ام عقاب ابتسمت بخفوت وملامح وجهها منقلبه : من هالبنت يالعنود؟ ام ذيب : بنت اختي جايه زيارة الله يسعدها ام عقاب تنهدت وجلست : لو اخذتيها لولدك مو احسن من لين ! امها لحالها ينخاف منها شلون ماتخافين انتِ؟ العنود : والله ذيب شافها واعجبته عاد وش السواه. تقدمت تضيف ام عقاب وروان بتوتر خرجت للمغاسل تغسل وتتأكد من شكلها رجعت للمجلس وتجمدت ملامحها من سمعت ام عقاب : هالعيال بيهبلون فينا يالعنود زامل راكب راسه اقوله يطلق هالساحرة يقول احبها ومجنونها ؟ روان انكتمت انفاسها وجلست بذهـول زامل قال لها ماشاف اهله ولا قابلهم اثاريه ماوده يجرحها العنود بربكة : اتركيه على راحته البنت مسكينه وعسـ.. انقطع كلامه من نطقت ام عقاب ؛ انا اوريه بس ودي انه جايبها عشان اربيه واربيها لكن اللحين يرجع جده ويستانس شوي معها ثم اناديهم واكلمهم وجه لوجه العنود تحس الارض تدور فيها من الفشلة ولا قدرت تسكت ام عقاب اما روان ابتسمت ببرود رغم النار اللي داخلها ام عقاب ابتسمت لها : ماشاء الله كم عمرتس ! روان : ١٨ ام عقاب بأعجاب واضح ؛ والله ان شوفتس تسحر العين وش ذا الزين وبطقطقة : ماطلعتي مثل خالتس العنود العنود بضحكة : افا ! صرت مو حلوة ام عقاب : والله الصدق ان هالبنت غير . روان ضحكت على حالها ساعة تمدح وساعة تذمها العنود بغمزة : ودك نخطبها لـ زامل روان تجمدت بصـدمة وام عقاب انشرح وجهها : اي والله هذا الرأي الزين قلنا بنزوحه اروى بنت عمه قال الهوى لـ حرمتي ماهو لها الولد جننته يالعنود جننته روان عضـت شفتها بقوة وهي تسمـع صوت زامل ؛ خاله العنود العنود تغطت وبصوت واضح مليان مكر : / : تعال تعال دخل ووقف بدهشه وعيونه على روان اللي رمشـت ببطء وملامحهـا انقلبت بزعل خلال لحظات عرفت انه كان بيتزوج بنت عمه وجدته طلبته يطلقها وايضاً وضح للكل انه يحبها ومجنونها !! زامل استغرب زعلها وصّدها وتقـدم لها بدون شعـور لكن وقـف وضربتين فالرأس توجع جدته ام عقـاب اتضحت له وبنص المجلس : اطـلع فشلتنا ماتشوف البنت تتصدد عنك زامل خرج بسرعة والعنود انطلقت ضحكتها ام عقاب وقفت وهي ترتكز على عصاها : السموحة يمه روان سكتت بحرج منها وام عقاب توقعته حرج من زامل ! طلعت لـ زامل بقهر : انت ماتشوف ماتنتبه ! وش نوحك طاب على الحريم ؟ زامل بتصحيح للوضع ؛ ياجده مو وقت الكلام ام عقاب : فشلتنا مع البنت اللحين وش تقول عنا العنود ! مانستحي ماعرفنا نربي ؟ زامل سكت بعدم فهم وام ذيب طلعت لهم قبل يخرب خطتها : زامل الله يهديك داخل عند بنت اختي بدون احم ولا دستور ؟ ام عقاب بحرج : السموحة السموحة زامل ابتسـم من فهم : ايييييه بنت اختك! ام عقاب كشرت : ايه ‏ماينلام اول مره يشوف له بنيه حلوة ام ذيب بتهرب : عن اذنكم بروح لها دخلت للمجلس ونطق زامل بخبث : ياجدة وش ذا البنت ؟ وش حلاتها كأنها اجنبية ام عقاب بلهجة حايليه البحته : لو يفتشن الغطوه السعوديات كان تطيح سعبولك ويطيح حنتسك من زينهن لكن نخاف الله مو زي هالكافرات الله يجيرنا زامل ارتفعت ضحكته من كلام جدتـه وهرب قبل ترميه بعصـاها رجعت للداخل وابتسمت لـ روان ؛ ايه ماعرفت اسمتس؟ ردتّ بهدوء ؛ روان ام عقاب : ماشاء الله ماشاء الله - ——- - فـ بيت ابو ليـن .. - وصـلت ام لين مع صناديق وشنط مليانه هدايا والخـدم معها يساعدونها تحت انظار نورية اللي بتموت غيضّ ؛ لو ارتحتي وبقيتي من هالحوسة ! البنت ماتركها ابوها تحتاج شيء ام لين رجعت شعرها بنعومة وراها : بنتي وادللها بكيفي وابوها مايقصر لكن مافي غناه عني تحركت تشوف المكان والتحهيزات ووقفت بفرحة من شافت ريتان نازلة الدرج بسرعه : بشششويش ماودي حفيدي يروح نورية ارتفع حاجبها بذهول : حامل !!!!!! ريتان ضمّـت امها بقوة : اشتقت اشتقت شلونك ماما ! ام لين : الحمدلله صرت بخير من شفتك كيفك وكيف زوجك ؟ ريتان : تمام نورية قلبت عيونها وابتعدت عنهم بكُره لغرفتها. - #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ( البارت ال 102) 💜 ▇ـ▄▄ @ahgeel ▄▄ـ▇ ' ' مررت استغفر " 3 مرات " - فـ بيت ابو خـالد ... - هزت راسها بالنفي : بس انا ماوديّ ابو خالد بغضب عارم : الولد كفو ومن عايله طيبه وسمعته تشهد له بتوافقين يابريهان بتوافقين روحي استخيري واتركي الكلام الفاضي بريهان : من اللحين اقول لك ماوديّ ولا ابيه ابو خالد بقهر ؛ بتأخذينه انا وافقت ورديت لهم خبر لا تحرجيني مع الرجال انا مايهمني يعجبك او لا انا يهمني ادري اذا هو كفو ورجال ويخاف ربه فـ بكون مرتاح لاني بتأكد انه فيه خير لك لكن ودي وما ودي لا تتكرر على لسانك انا رديت لهم خبر جهزي نفسك خرج وتركهـا بذهـول وصـدمة من ابوها وكيف بليلة وحدة انقلبت حياتها " نـواف " من وين طلع ! وش نوع المصيبة اللي تنتظرني ! كيف ابرر لـ نادر كيف اشوفه ! - كيف يمكن ان يتشكل الكُره والحُب معاً في حرف واحد كيف يمكن ان يحتوي على قلقي وسكوني ، جنتي وجحيمي "نون" نهاري ونُوري، نعمتي ونعيمي، ونسيمي ونجمي، وأنت ناري ونهوري، ونظري ونوَتي، وأنت نجوتي ونجاتي يكفيه عزاً " نادر " ويكفيه خيبة " نهار " ويكفيه وجع " نواف " ويكفيه حيرة ان يتشكل بأخر أسمي لأضيع في كل مره اتذكر بها ماحولي " بريهان" بدون اي استيعاب دخلت لـ تويتر تحديداً حساب اخبار قبيلتهم وسجلت رقم التواصل لترسل له " ابي انشر قصيدة فالحساب وبمقابل مادي " رد عليها بعد لحظة المسؤول " حول ١٠٠ ريال " ارسل رقم الحساب وسرعان ماحولت وارسلت له الأبيات على أمل توصـل لـ نادر ويفزع لها . - - " اغني بيوت الشعر من خاطرٍ ملطوم ‏على اوتار حزن القاف غنّى واغني له ‏تثاقلت همي  لو غيري  عليه  هموم ‏عسى الله  يخفف كايد الهم  ويزيلـه ‏ زمانك يجيك بيوم  ويروح عنك بيوم ‏على  ماكتب  ربك  تقهوى  فناجيلـه " يانون " ‏والله انه عداك اللوم ‏انا اللي علي اللوم في ذمتي هالليله ‏سامح رفيقك ترى العلم فيه علوم ان وضحت علومي له لا يبخل مراسيله " / بعـد صلاة المـغرب .. - وصـلوا اهل العـريس لبيت ابو ليـن .. - دخلت العنود وام عقاب بهدوء وخلفهم روان اللي تجذب الأنظـار بكونها البنت الوحيدة معهم وأناقتها جداً جداً تفتن . طلعت ريتان لـ لين فوق : جات ام ذيب ووحدة كبيرة سن معها وبنت خالته تجمدت ملامح لين والتفت لـ ريتان : كيف شكلها؟ ريتان بدون معرفة لـ افكار لين : تجنن تجنن لابسه فستان يشبه اللي لبستيه في حفلة خطوبتك بس لونه غير والاكسسوارات فيه اقل لين بغيرة : اوصفيها صح ريتان : نفس طولك مدري احس ملامحها حادة ووجهها طفولي كأنها كورية اذا شفتيها من الجنب واذا ناظرتك لا تحسين ان ملامح حاادة وطفوليه بنفس الوقت مدري مدري كيف اوصف بس تهبل لين بغضب : انقعلي برا بسسسرعه ريتان ؛ ليه لين : هذا وصف ! بالله ريتان كملت بدون مبالاة : فستانها عودي غامق شعرها مو طويل مره يوصل لـ اطراف كتفها لونه اسود غااااامق لين بغيـره : حلوة يعني ريتان : اااخ تجنن لين بدون شـعور خذت جوالها بسرعة وفتحت جهات الاتصال : ريتان عندي مكالمة اطلعي شوي ريتان : لا تطولين انزلي طلعت ولين اتصلت بـ ذيب رد بعد لحظات ؛ هلا لين ؛ من اللي جات مع امك ! ذيب : ام عقاب جارتنا لين : لا ، البنت ذيب بأستغراب : البنت ! شفيها لين بقهر : ذيب جاوبني تكفى ذيب ارتبك لو طلعت تعرف روان وانها بنت الساحرة اكيد بيصير كارثة عند ام عقاب نطق بهمس لاجل مايسمعونه : لين تكفين خلي هالليلة تمر بسلام وفالفندق بفهمك كل شيء بس اسكتي تكفين لين دمعـت عيونها بحرقـة وقهر ؛ قول من تكون ذيب بأستسلام : روان روان قفلت بوجهه وهي تتحرك فالمكان بغيـرة وكُره للي موجودة تحت وتوقعاتها انها بنت خالة ذيب اللي كان يبي يتزوجها حسب كلام " نورية ". - ——— - عند الرجـال .. نزل جواله بأستغراب وناظره زامل : شفيك؟ ذيب ؛ شكل لين عرفتها زامل تلونت ملامحه : روان ؟ ذيب : ايه الله يستر منهم زامل طلع جواله وارسل لها : " العروس شفتيها " ردت بعد لحظة " تطمن احلى منها " ابتسم على ردها " ادري ، بس تعرفينها من قبل ؟ " روان " لا طبعاً " تنهد والتفت لـ ذيب : كيف عرفتها ؟ ذيب ؛ مدري مدري - #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ( البارت ال 103) 💜 ▇ـ▄▄ @ahgeel ▄▄ـ▇ / نزلت لين بهدوء وثقـه وبرود عكس المشاعر اللي داخلها والنار اللي بوسط جوفهـا وقفت اخر الدرج وهي تاخذ نفس وطلعت للحديقة عند أهل ذيب واهلها وقفوا من شافوها ومباشرةً قربت امها لها : بسم الله عليك كانت نظراتها لـ بيتها كلها اعجاب وحنية بعكس ام عقاب اللي ما اعجبتها لين بشكل تام وببساطة همست لـ ام ذيب : نسخة امها ودعي الله في ولدك ام ذيب انقلبت ملامحها والخوف دبّ في قلبها روان منشغلة على جوالها برسايلها هي وزامل ومبتسمة برحابة رفعت راسها ورجعت شعرها بنعومة على وراء تجمدت ملامحـها وهي تشوف نظرات لين اللي مليانة حقد وكُره واضح ارتبكت وصّدت عنها ببرود لين اخذت نفس واتجهت مع امها تسلم على الموجودين حفلة صغيرة بسيطة مناسبة لـ لين وذيب بمجرد جلوس لين ابتداء النقاش بين ام لين وام ذيب بطريقة استفزت ام عقاب اللي كعادتها " تفزع " لـ ام ذيب ام لين ؛ اشترطت لين شغالة جابها ولدك او باقي ؟ ام ذيب بذهول وهي ماتعرف بالموضوع : شغالة! ام لين ابتسمت بكبر وثقة : ايه بنتي ماتشتغل يالعنود ولا تتعب نفسها بشيء هي مو ملزومة فيه ام ذيب صمتتّ للحظة وخيبتها في ذيب لأول مرة تتولد بقلبها كيف تركها تواجه هالموقف بدون مايلمح لها حتى : إن شاء الله خير يتفاهم ذيب ولين ام لين بضحكة وهي تشد كف لين : ايه تفاهموا تفاهموا ولا يقدر يردها الذيب ام ذيب ابتسمت بصعوبة لتنطق ام عقاب : ليش شغالة ! لاتكون محرولة بنتكم ولا فيها شيء؟ ام لين تجمدت ملامحها : لا بسم الله عليها ام عقاب بنقد لاذع : اجل ! وشو له شغالة ام لين بغضب واضح : تساعدها مافيه بيوت تخلى منهم اللحين ام عقاب بحدة : اذا صارت الحرمة مافيها خير جاب لها رجلها شغالة واذا صارت مشغولة وعندها وظيفة جابت لنفسها واذا كانت من اثرياء البلد وزوجها عنده خير واجد فـ يجيبون لنفسهم بعد لكن لين وذيب مايشملهم شيء من هالامور ذيب على قد حاله ماهو جالس على بنك يا ام لين ام لين ارتفع حاجبها : الولد ما اعترض وموافق فـ رجاءً لا تخربين بيت بنتي لين همست لـ امها : قفلي الموضوع واللي يعافيك ام لين بسخرية : الله يعينك على حمولتك وقفت وخرجت من عندهم وسط ذهولهم لتبتسم نورية : ام لين ماتغيرت هذا طبعها من زمان سامحوها تحب تفرض رايها دائماً وتعتبر نفسها الصح مع انها استغفر الله ريتان وقفت بغضب : مع انها وش ! نورية ضحكت : اساليها تعرف نفسها ام عقاب مسكت راسها بصدمة من اللي يصير اما ام ذيب كانت عيونها ذابلة بعكس اول ماجات روان وضعها اختلف اول عزومة تحضرها وكلها حسد ونغزات / عند الرجـال .. - أحاديث جانبية وهدوء واللكل مبسوط رغم توتر بسيط من ذيب وربكة زامل وخوفـه على روان طلع جواله واتصل على جدته وردت بعد لحظة : هلا يمه زامل : كيف الوضع؟ ام عقاب : وتسألني كيف الوضع ! نار موقدة ام لين ماتركت العنود تتهنى بعرس ولدها كسرت مجاديفها وهي توضح لها ان ذيب ماصار الا تحت شور لين زامل صمتّ بدهشه ام عقاب وعيونها على روان اللي تلعب بسوارتها : زامل انت صدق ودك ببنت اخت العنود ؟ زامل ابتسم : تهقين توافق ؟ ام عقاب ابتسمت : اييه ليش ماتوافق زامل : جربي يمه ام عقاب ابتسمت : بسألها وارد لك زامل : انتظرك قفلت واتجهت لـ روان تجلس جنبها : اقول يا روان ماتفكرين بالعرس! روان سمعتها وهي تكلم زامل : انا مطلقة ياخالة تجمدت ملامح ام عقاب وسكتت روان ابتسمت بخبث وهي تتخيل شكل زامل اذا عرف ردها - ام ذيب كانت تطقطق في جوالها ببرود عكس فرحتها اول النهار انقلبت كلها جمود لين جالسة مقابلها وتوزيع الطاولات كل ثلاث مع بعض لاحظت كيف اختلفت مره بعد كلام امها وتوترت كيف تبداء بالكلام وتوقعاتها كلها انها عشان الشغالة اخذت نفس ونطقت : ياخالة لا تزعلين من كلام امي ام ذيب ابتسمت مجاملة : لا تفكرين بالموضوع واستانسي بليلة عمرك لين سكتت للحظات ورجعت تنطق بأنفعال : ذيب ماوافق ام ذيب ناظرتها بسـرعه لتكمل لين : انا طلبته صح بس ما وافق يقول بعدين نتشاور هو وانتِ وانا وانتِ ياخالة راعية الشور ومالنا غنى عنك . - كانت نبرتها مرتجفة مثل كفوفها ماودهّا تدخل على العنود بشر ماودهّا ان ذيب تزعل منه امه كانت تحاول تصلح ولو شوي من اللي خربته امها هدفها اللحين تكون العنود بصفها اكثر من ذيب ذاته لان اللي حماتها تحبها ماتـنضام . - العنود ابتسمت برضا : ايه ولدي مايخبي عني شيء ولو قال لي مابكون رفضت بس ماوديّ اطلع اللي ماتعرف شيء قدام الناس. لين ابتسمت براحه : ذيب يحبك وبيكون قال لك بس نسى ممكن وفالنهاية شيء قفلناه فـ لاتزعلين العنود ابتسمت بحنية وهي تضم لين لها : ياعمري مازعلت يايمه مازعلت . #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ( البارت ال 104) 💜 ▇ـ▄▄ @ahgeel ▄▄ـ▇ فـ بيت ام عقـاب .. - كان نادر مستلقي فالصالة ومشغل مسلسل يتابع وباله مو معه وبنفس الوقت يطقطق بالجوال دخل لقروب الشغل وابتسم من شاف طقطقتهم على قصيدة نزلت في اخبار القبيلة فالتويتر ميل شفته بأبتسامة وهو يقراء وسرعان ماجلس من اتضح له حرف " نون " وحيد بأخر  القصيدة انعقد حاجبه وهو يقراء مره ومرتين تعوذ من ابليس وكره تفكيره اللي يوديه لها بوقت هي ردتـه بدون ادنى محاولة منها للتفكير قفل جواله ورجع انسدح وهو يرفع صوت الـ tv بتجاهل لـ بريهان اللي للحظة توقعها تنخاه في ابيات مجهولة . - ————- - عند اروى ،. - انتهت من ترتيب شكلها وابتسمت لنفسها برضا اختارت كعب مناسب ونزلت لـ امها : مساء الخير ام اروى : ياهلا بنور عيني اروى جلست جنبها وميلت راسها بهدوء ؛ ابوي بيطول عند ابو ذيب وش رايك نرسل له ونطلع نتعشى ام اروى : عمك نادر ماراح معهم اروى : ويعني؟ ام اروى : بيجيء يتعشى عندنا اروى كشرت : برسل له واشوف فتحت جوالها ولقيت رسالة من نادر " انا بنام مارح اجي للعشاء " ابتسمت بفرحة ؛ يقول مابيجيء ام اروى وقفت وتحمست فعلاً لجّل اروى : البسي عبايتك وانا بطلع البس وارسل لـ ابوك . - ——— - عند ام لين .. - لبست عبايتها على عجل وهي تشوف الوقت تأخر وصار المفروض لين تطلع مع ذيب خرجت بسرعه للسيارة ووقفت تنتظر ذيب بعد اربع دقائق خرج وجنبه زامل اللي اتجه لسيارته وقف ذيب بأستغراب من سمع الصوت : ذيب التفت لها ونطق : هلا ام لين : انتبه لـ لين ذيب : لا توصين ام لين : اذا زعلت او شانت نفسيتها وضاقت عليك لا تاخذ بخاطرك لين ترى يرضيها اي شيء صالحها بهدوء وانصحها كثير بعدها صغيرة ياذيب تكفى ذيب استغرب وكثيييير طريقتها بالكلام معه غير عن اللي يسمعه جاهل ان ام لين تعامل كل شخص غير عن الثاني وحسب مقامات بنظرها وذيب فاز بمقام كبير : ابشري لين في عيوني ابتسمت برضا ودخلت تودع لين . - '~~~ فالداخل .. - ودعت لين امها ومازالت بحالة ذهول واستغراب من روان وكلامها معها زلزلت اعماقها وهزت ثقتها بنفسها بعبارة بسيطة " لو استمريتي بالشكوك اللي انتِ عايشة فيها صدقيني ذيب مارح يكون لك " متعجبة من روان كيف تتجراء وتحضر حفلتها وهي كانت حبيبة ذيب ! ليش مو زعلانه مو هي بنت خالته المقصودة ! كانت افكارها تتضارب جاهله ان كل افكارها مالها اي نوع من الحقيقة مجرد خزعبلات وكذب في كذب نورية عيشتها بوهمّ وماقدرت تطلع منه - طلعت للسيارة وركبت جنب ذيب لتهمس بخفه : السلام عليكم اغلقت الباب بإحكام والتصقت فيه ورجفتها ماهدتّ رد السلام وابتسم وعيونه عليها : مبروك لفظت بهمس وهي تصّد بربكة طبيعية : يبارك فيك حرك للفندق وابتسامة رحبة كعادته ترتسم على مُحياه . - ———— - عند روان ... نزلت مع العنود تنتظر زامل اللي يوصّل جدته والأكيد انه بيسأل عن ردها لخطوبته ومبتسمة بحماس تشوف ردة فعله مع انها تعرف ان زامل من النوع اللي اقسى انفعالاته سكـوته ! قطع افكارها صوت العنود : روان متى بتسافرون جده ؟ روان ؛ بكرة بعد صلاة الجمعة العنود ابتسمت بحنية ؛ الله يحفظكم ولا يوريكم مكروه روان ؛ امين واياكم يارب . .. #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ( البارت ال 105) 💜 ▇ـ▄▄ @ahgeel ▄▄ـ▇ عند زامل .. - توسعت محاجرة بذهول من نطقت جدته ؛ خطبت لك البنت وتقول مطلقة وعايفه العرس ام عقاب من شافت وجهه المندهش ؛ لا تزعل يمه بدور لك بدور غيرها زامل ارتفع حاجبه وابتسم ابتسامة مايله ؛ لا مايحتاج ، دامها رفضت بكيفها ام عقاب : وانت ! تجلس مع الساحرة زامل ضحك بخفه : قلت لك ودي بالبنت اذا وافقت طلقت الساحرة ضحكت ام عقاب وافكارها توديها لمليون طريقة لاقناع روان لتلفظ بقهر : بس ماعلمتني ان لو وافقت بتطلق المنحوسة ! زامل : خليها توافق بالأول ام عقاب بتفكير جاد : بتوافق إن شاء الله نزلت عند بيتها وحرك زامل مبتعد عن الحيّ بعد ماوضح لها انه بيسافر بكرة ويبي ينام في وسط حايل هالليلة وماخفى عليه تضجرها وزعلها . - ——- - فـ جدة .. - ابتسم عمار برضى تام وهو يوقع الاوراق اللي قدامه تنهد ونزل القلم وتفكيره ينحصر فـ كيف يقدر يقنع روان برفض مشـروع الواجهه البحرية شغل بسيط ومشاريع بسيطة بعين الكثير لكن تطلع ارباح بالملايين وروان لصغر سنها يقدر يضحك عليها لكن مع وجود زامل صعب الموضوع ! فكر لمره ومرتين وثلاث اخذ نفس وهو ناوي فعلاً يروح بنفسه ويقنعها فالشركة او بالأصح يقنع زامـل انه لمصلحة روان لازم تنسحب او بيكون المشروع سبب اذى لها . - طلعت روان من بيت ابو ذيب بعد توديعهم واعتذارها لهم لو كانت سببت لهم اي نوع من الازعاج بالرغم من انها تدري بحُب ام ذيب لها ركبت جنب زامل اللي واضح مبسوط بسيارته فهمت انها اقساط وعلى ثلاث شهور كل فترة يسلمهم مبلغ وما استفسرت اكثر لان زامل وضح عليه الضيق من الموضوع فـ تركته بدون نقاش . ابتسمت له من سمعت : هلا هلا مطلقة اجل ! ضحكت وناظرته بفضول تدرس ملامحه : مو هذا واقعنا ؟ زامل ابتسم وعيونه فيها نظرة غريبة تصنف تحت " الخيبة " : واقعنا هوى وغرام ماهو رد طلايب وقاتل ومقتول ليتك تشيلين شوي من اللي في قلبي لك وتعرفين قصدي روان صمتتّ وندمت على كلامها زامل عرف انها زعلت وابتسم لتغيير مزاجها : اقول ! دامها رفضت وش رائك انتِ ! روان التفتت له ؛ رايي بشنو ! زامل ؛ رايك فيني حست بقلبها شوي ويطلع من وسط ضلوعها : مدري زامل تنهد بقهر وبتمثيل : اخخخ بس اخخ ابتسمت وضحكت من نطق : اروح فدوة للضحكة زامل اخذ اول منعطف ولفظ ؛ ايه ماعلمتيني كيف الزواج ! روان : حلو وهادي مرررره زامل : اكيد بس اقصد جدتي او احد ضايقك بشيء؟ روان : لا زامل : والعروس ! روان : شفيها ! زامل بخبث : حلوة او لا ؟ روان ارتفع حاجبها : وش دخلك تسأل زامل : لا حول جاوبيني طيب روان بغضب : مالك شغل فيها زامل بنص عين : لا يكون تغارين روان : لا تطمن ، بس عينك فالطريق لا ندعم احد زامل ابتسم ؛ ايييه ابشري ارتبكت وهي تشتت نظراتها عنه يحاول يعرف قدره عندها لكن مابعد عرفها روان راسها قاسي ولا بيقدر يفهم منها . _ ————- - بعـد اذان الفجـر .. فـ بيت ابو نهار .. - دخل راكان للبيت وشغل النور بهدوء وافكارة توديه لكل ذكرياته بوسط هالصالة وبوسط البيت بشكل عام جمعة اهله وحُبهم رغم كثر المشاكل كان يتعجب من حُب ابوه لـ امه لكن اللحين بداء يعرف انه مو حُب كان سحر فقط لان لو حُب كان بان في عيونه كان يحب بكامل صحته كان يحب بـ كامل شعوره مو فقط تابع وخـادم لزوجته اللي هي " ام نهار " - '~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇