الفصل 21
عالم القصص والروايات 📚:
▇ـ▄▄▄💜 ▄▄▄ـ▇
🌺 "رواية كم عيون مالقت عندي حصيل "💜
▇ـ▄▄ @ahgeel ▄▄ـ▇
مررت استغفر " ١٠ مرات " -
p / ٩٦
/
فـ بيت ابو لين .
-
تسـولف ريتان مع ابـوها وكل الموضـوع عبارة
عن " ادور لك عروس "
كانت غايتها تقهر نوريـه زي ماقهرت لين
بموضوع ذيب
نورية بهدوء : ريتان اقول ماتدرين عن تخر
الاخبار ؟
ريتان ارتفع حاجبها : وشو !
نورية ؛ امك يقولون تطلب الطلاق!
هذي ماتشبع ! كل يوم زواج وطلاق
ريتان ارتفع حاجبها ؛ امي مبسوطة مع زوجها
ومارح تتطلق الا اذا هي عافتـه
ابو لين تجمدت ملامحه لتلفظ نورية بسرعه :
قصدك عافت ابوك! وانا صابرة عليه ترى
فـ لا تفتنين وكل شوي تضغطين عليه
تزوج وابي ازوجك
انا جبت لـه سند ومايقدر يعرس عليّ صحّ
يابو سنـد ؟
ابو لين ابتسـم بهدوء : مقدر لـ ريتان حرصها
على راحتي لكن اللحين وديّ سند يكبر
وبعدها بجيك خطاب وابي تدورين لي عروس.
ضحك بطريقة مرحه ليهدي الوضع
لين لفظت اخيراً : بكرة زواجي ومو يعني طلعت
من البيت تفضون غرفتي
البيت فيه ٨ غرف ، اعيد واكرر غرفتي ما اسمح
لأي شخص يفتحها او يفتش فيها
نورية تأففت بقهر
ريتان ارتفع حاجبها : هييييه خير تتأففين!
ابو لين : ريتان انتهينا يبه
وانتِ يالين ما احد يفضي غرفتك ولا يقربها
البيت بيتك .
ابتسمت لين لـ ابوها ونوريـة ايضاً تشفي في
ريتان اللي زعلت من نبرة ابوها الحادة " لكن لسانها ماتقدر تمسكـه " . -
———-
-
عند بـريهان ..
-
للمرة الألف تكرر قراءة الرسالة
كانت بكل مرة تثبت لنفسـها ان نادر راح ومارح
يرجع
كانت تضيـع بين كيف تكلمه وكيف ترجعه
وكيـف حتى ابوها تقنعه وهي اللي رفضت بكامل
قواها العقلية والقلبية
لكن " ندمـت " .
تشكلت نصوص رسـالتة بقصيدة مُعاتبة لها
؛ "عيّنت قلبي؟ ما وصفوا لك حراويه؟
يا كيف ضيّعته وهو معك أمانة!" . -
'~~~~~~
#انتهى
🍃💜🍃
@ahgeel ⇐↜رابط قناتنا بالتلجرام
▄▁▁▁▁▁▁▁▁▁▅ـ
يتبع البارت التالي ➥ ⇩⇩
▇ـ▄▄▄💜▄▄▄ـ▇
▇ـ▄▄▄💜 ▄▄▄ـ▇
🌺 "رواية كم عيون مالقت عندي حصيل "💜
▇ـ▄▄ @ahgeel ▄▄ـ▇
مررت سبحان الله " 3 مرات " -
p / ٩٧
/
دخل للفندق بعد صلاة المغـرب
اتجه للجناح اللي روان موجودة فيه
بمجرد دخـوله كانت موجودة تناظرة بكل
هدوء وثـقه
ميل شفته وسلم بهدوء وقفل الباب
ردت السلام وهي تتفحصه بدقه
اتجه للغرفة لتتبعه بهدوء : زعلان؟
زامل ؛ لا طبعاً بطير من فرحتي
روان ؛ اذا زعلان قول
زامل جلس على السرير ورفع عيونه لها : ليش
بترضيني؟
روان بتنهيدة : مالك حق تزعل انا ماشيه معك
حسب اتفاقنا
زامل ابتسم ؛ وانا بعد اعتبري اللي صار ماصار
واعتبريني ماقلت شيء
لكن يهمني انك تعرفين شعوري تجاهك واللي
بداخل قلبي لك
اعرفي اني "تركت عمري وراي، وجيتش مسيّر"
اعرفي ان فيه شخص اسمه زامل
يركضّ لك حافي لو الدنيا قيضّ
اعرفيه كويس اللي لو توجعين قلبه يقول "دام الحشى بيتها وأنا مدلّعها وش دخّل
القلب يزعل يوم توجعني"
ماتبين قربي ، ماتبين الحياة اللي انا اعيش فيها
حاولي تتأقلمين لان مارح اتركك
انا وعدتك فـ جدة ما اتركك وانا ما اخون الوعد .
تتأملـه بهدوء طريقة كلامه وحركات كفوفه
اللي يحاول يفهمها وتتحرك اثناء كلامه
عيونه اللي كلها مشـاعر ماقد عاشتـها
ابتسمـت ببطء من لاحظت انتظاره لردها : زين
ابتسم بشكل مباشر : زين زين
روان ارتفعت كتوفها بـعدم معرفة ؛ ما اوعدك
لكن مشـاعرك وصلتني
وقف وقرب لها بهدوء وهو يرفع سبابته ويثبتها
على جبينها ؛ وديّ بهذا يرضى " عقلها "
نزل سبابته لمكان قلبها ودق بهدوء : ويهمني
ان هذا " قلبها " يميل لي محتاج له يحبني
محتاج له ولو اني ادري انه بيخليني اهوجس
بنفسي لانه حرام يحبك انسان عادي
انتِ فارقـة .
تجمعت شفايفها بصمـت وكلامه زعلها
اكثر من انه يفرحهـا في وقت خرج
وهو يلفظ ؛ تجهزي نخرج للسـوق يامّلي. -
'~~~~~~~~~~~~~~~~~~~~~~~~~~~~
-
~ كلمة ياملي : تعني يامن لي من الأقارب والأحباب أنت " يكفيه عن اللكل " . -
-
#انتهى
🍃💜🍃
@ahgeel ⇐↜رابط قناتنا بالتلجرام
▄▁▁▁▁▁▁▁▁▁▅ـ
يتبع البارت التالي ➥ ⇩⇩
▇ـ▄▄▄💜▄▄▄ـ▇
▇ـ▄▄▄💜 ▄▄▄ـ▇
🌺 "رواية كم عيون مالقت عندي حصيل "💜
▇ـ▄▄ @ahgeel ▄▄ـ▇
مررت سبحان الله " 3 مرات " -
p / ٩٨
/
اليـوم الخمـيس
زواج " ذيب $ ليـن "
-
زواج بسيط عائلي فقط بعيد كُل البُعد عن
التكلف .
في بيـت ابو لين ..
-
المكان مُرتب وجاهز بشكل كامل والبخور
والـعود ريحته منتشرة بالمكان
نوريه تتفقد التجهيزات وتتأكد من كل شيء
ومعها ريتان اللي مره يتفقون وعشر يتهاوشون .
-
فالأعلى كانت لين تجهز نفسها واخر اللمسات
انتهت من صلاة العصر وبدت تتجهز والمشكلة
خلصت بدري!
تنهدت بربكة وهي تجلس على طرف سريرها
وتشوف الوقت الساعة ٥ وباقي بس الميك اب
انفتح الباب ودخل سند : لين اللي بتسوي
المكياج جات
ابتسمت له وهي تلفظ ؛ قول لـ ريتان تجيبها
سند بحرج : ما اقدر هي واقفه معها
ابتسمت لين على شكله مستحي وينحرج مره
من اللي مايعرفهم . -
——
-
عند ذيب ..
-
التفت لـ زامل : في ذمتك حلو
زامل تنهد وللمرة الالف يجاوب : يارجال حلو
لو اني بنت كان ما وافقت على غيرك
ذيب تعقدت حواجبه وهو يتأمل عوارضه
: بس احس مو متوازنه!
زامل : حلو حلو اخلص علينا
ذيب خرج من الصالون وزامل وراه يطقطق
بجواله وباله مع روان اللي لبست ووداها
عند العنود وهي رافضـه يشوف شكلها وكشختها
ركب السيارة وتنهد : يالله من فضلك يالله ياكريم
ذيب : اقول كيف افاتحها ان العمل ما اعطوني
اجازة ؟
زامل : يا رجال ترى ربكتك ذي بس اول يوم
اقعد يومين كذا ثم قول ياحسافة رفضوا اجازتي
وهي ماتدري
ذيب : شورك وهداية الله
زامل وقف عند الاشارة : وش قصة العاملة اللي
طلبتها ! -
'~~~~~~
#انتهى
🍃💜🍃
@ahgeel ⇐↜رابط قناتنا بالتلجرام
▄▁▁▁▁▁▁▁▁▁▅ـ
يتبع البارت التالي ➥ ⇩⇩
▇ـ▄▄▄💜▄▄▄ـ▇
▇ـ▄▄▄💜 ▄▄▄ـ▇
🌺 "رواية كم عيون مالقت عندي حصيل "💜
▇ـ▄▄ @ahgeel ▄▄ـ▇
مررت سبحان الله " 3 مرات " -
p / ٩٩
/
زامل وقف عند الاشارة : وش قصة العاملة اللي
طلبتها !
ذيب ؛ ءء عشان البيت وكذا تساعد امي وزوجتي
زامل ضحك بطقطقة : يقول الشاعر علي بن حمري
ان ماتعلمتي السنع في بيت ابوش
اليا خذيتي لش كفو بيسنعش
وان كان تبغين التماشي والقروش
تلقين لش خبل"ن" وراش يتبعش !!
-
ذيب التفت له بقوة : وش قصدك؟
زامل ؛ قصدي واضح تجيب شغالة اليوم وانت
مافيه فالبيت غيرك انت واياها ؟
وبكرة هالشغالة يجيء من وراها بلاوي ومصايب
اذا زوجتك ماتفهم بالسنع سنعها ياذيب
علمها يالذيب ولا مايستوي عندك السنع واللين!
ذيب تجمدت ملامحه
زامل كمل كلامه وهو يحرك لبيت ابو ذيب :
لاتكون الدلخ اللي مقصود فالقصيدة تراني طالبك
ذيب تلونت ملامحه بالحمرة وعروقة برزت بغضب
عارم : وقف وقف هنا
زامل بأستغراب : ليه ! زعلت يالاخو !
وقف على جنب ونزل ذيب وهو ينطق :
اذلف عن وجهي مابقى الا تضربني على فعايل
ايدي !
قفل الباب بقوة وكمل طريقة مشي وهو يشوف
بيتهم قريب منه
زامل بضحكة مشى جنبه بالسيارة وفتح الشباك:
اقول ماودك بتوصيله ! المشوار بعشرة
ذيب بقهر : تزوج وجاء يدق بنصايحه فوق راسي
زامل بضحكة قويه : ياحلو انصحك وتزعل !
بكيفك اجل جيب بدل الوحدة عشر
وتزوج بدل الوحدة اربع
بس لا تزعل من الحق ماوديّ يقولون حرمة
ذيب ماتعرف شيء ، جيب شغالة مابه خلاف
لكن لازم تفهم البنت كل شيء اولاً
اجل تحط حياتك بيد وحدة يمكن حتى الاسلام
ماتعرفه ! امرك عجيب
قفل الشباك وتجاوزه للبيت تاركه يفكر بهدوء . -
———
-
فـ بيت ابو ذيب ..
ابتسمت روان لـ العنود اللي بتطير من الفرحة
ولدها ووحيدها بيتزوج اليوم !
العنود بأبتسامة : والله احس بفرحة ياروان ما اخد
قد حس فيها
كشرت بعد لحظة : بس والله خايفة تطلع مثل
امها تهد حيل ذيب وحيلي
روان بأستغراب وهي ماتعرف ام لين اساساً :
لا إن شاء الله البنت كويسه
ام ذيب بتنهيدة : يقولون اقلب الجرة على فمها
تطلع البنت مثل امها
روان صمتت وهي تتمنع عن الرد لان هي لو
التزمت بهالمثل يعني انها ساحرة مثل امها
العنود رفعت عيونها لـ روان واستوعبت كلمتها
وبتدارك للوضع : ءء بس مو اللكل فيه بنات
فيهم دين واخلاق اكثر من اهلهم
وعاد الهداية بيد الله
روان ابتسمت وهي فاهمه ان ام ذيب تورطت :
صادقة ياخالة
ام ذيب بتغيير للموضوع : ام عقاب بتروح
معنا للزواج . -
-
#انتهى
🍃💜🍃
@ahgeel ⇐↜رابط قناتنا بالتلجرام
▄▁▁▁▁▁▁▁▁▁▅ـ
يتبع البارت التالي ➥ ⇩⇩
▇ـ▄▄▄💜▄▄▄ـ▇
▇ـ▄▄▄💜 ▄▄▄ـ▇
🌺 "رواية كم عيون مالقت عندي حصيل "💜
{ وصلنا للبارت رقم 100 }
▇ـ▄▄ @ahgeel ▄▄ـ▇
مررت سبحان الله " 3 مرات " -
p / ١٠٠
/
ام ذيب بتغيير للموضوع : ام عقاب بتروح
معي للزواج اليوم لا يكون عندك مانع ؟
روان تجمدت ملامحها : لا عادي لكن مابعد
زرتها ولا تعرفت عليها
ام ذيب بضحكة وحماس : دامه كذا فـ خليك
مجهولة وانا بقولها انك بنت اختي وجايه
تحضرين معي
ابتسمت روان بتعجب : وليه !
العنود تنهدت : والله ام عقاب ماتسكت وانا ماودي
تزعلك واحنا ورانا فرح
روان هزت راسها بالإيجاب وتحمست تشوف ام
عقاب : زين اللي تشوفينه .
-
——-
-
فـ بيت ام عقاب ..
/
رسمـت كحلها وسرعان مامسحته وذكرى رعد
في بالها
بيكمل على وفاته شهرين واسبوع
مابعد هان عليها ترسم كحلتها وتتزين وهو ماجف
قبره : يمـه يمـه
ام عقاب : تعال يانادر
دخل وابتسم من شاف ثوبـها الأحمر وكشختها
البسيطة المتناسبة مع كُبر سنها
وشعرها يختفي تحت شيله سوداء مزينه اطرافها
وتجاعيدها تزيدها حلاوة ووقار : ياجعلني ما انحرم
وش ذا الزين نفداك!
ضحكت ام عقاب وهي تقرب له ؛ الزين الصدق
لامن شفتك معرس
كشر وانعفست ملامحه : يصير خير ، عزام يبيك برا
ام عقاب شدت على عكازها وخرجت لـ عزام بعد
مالفت شال اسود عليها : مشينا ياعزام !
عزام : يلا ابو ذيب ينتظرنا في بيته
التفتت لـ نادر : روح تعشى عند زوجة اخوك
واروى تراهم يحترونك
نادر ابتسم : زين انتِ روحي لاتشيلين همّ
قبل راسها وساعدها توصل للسيارة وفتح الباب:
عزام انتبه لها تراها عروس هالليل
عزام بضحكة : عز الله الشيبان راحوا فيها
ام عقاب بطقطقة : ومن قال باخذ شايب !
انا ما اخذ الا صغير سن يدلعني
ارتفعت ضحكـاتهم بذهول من ردها في وقت
هزت راسها بيأس منهم باقي يفكرون انها بتتزوج
وتحب بعد هالعمر
جاهلين ان حبها الاول والاخير ابو عقـاب . -
——-
-
فـ بيت ابو خالد ..
-
كان عنده ضيف كبير وغالي عليه
الشيخ حاتم " شيخ القبيلة الثانية " وولده نواف
ابو خالد بحفاوة : يالله انك تحييهم عدد المطر
يامرحباً الف
ابو نواف ابتسم بتقدير لـ ابو خالد : الله يبقيك
ويسلمك والله من غلاوتك تعنينا وجينا
ابو خالد بأستغراب : المحل محلكم ولو ان زيارتكم
غريب وقتها عسى خير إن شاء الله
ابو نواف : جيناك بلزوم و إن شاء الله ماتردنا
ابو خالد بذهول : اردك ياحاتم ! اردك وانت خليفة
حاتم الطائي الكريم الغالي والأصيل تبشر باللي
ودكّ
ابو نواف : ابي بنتك بريهان على سنة الله ورسولة
لولدي نواف . - -
'~~~~~~
{رواية وانت تاخذني على وقفة نظر }
#انتهى
رواية حلوة و إن شاء الله ترضيكم بعد الغيبة
اتمنى توصـلون القلوب 100❤️.
#نوقف هنا ونكمل معاكم يـوم السبت القادم
انتظرووونا
🍃💜🍃
#ملاحظة : يسعـدنا مشاركة الروايـة في قروبات الواتس او قنوات التلجرام ..
ولكـن لا أبيـح ولا أحلل نقل الروايـة او نسخها وحذف رابط القناة 😢
الي يـريد نقـل الرواية " يمنـع حذف رابط قناتنا 💔
رابط قناتنا بالتلجرام 👇👇
https://t.me/joinchat/AAAAAFdO1y-1PZ5SzX0BWg
🍃💜🍃
@ahgeel ⇐↜رابط قناتنا بالتلجرام
▄▁▁▁▁▁▁▁▁▁▅ـ
يتبع البارت التالي ➥ ⇩⇩
▇ـ▄▄▄💜▄▄▄ـ▇