كم عيون مالقت عندي حصيل وانت تاخذني على وقفة نظر - الفصل 20 | روايتك

عالم القصص والروايات 📚: ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ▇ـ▄▄ @ahgeel ▄▄ـ▇ مررت سبحان الله " 3 مرات " - p / ٩١ / ابو خالد انعقد حاجبـه وريحـة عطر رجالي منتشره بالمكان ؛ كل شيء بخير ؟ بريهان ولونها مخطـوف : ايه كنت ابخر وعطرت شوي من عطرك لا يكون زعلت؟ ابتسم ابو خالد براحه ؛ فداك العطر وصاحبه مع ان ريحته اختلفت مع البخور بريهان ابتسمت ؛ اي اكيد اخذ جواله وقرب لها يقبّل جبينها : قفلي الباب كويس ولو صار شيء اتصلي بريهان ؛ ابشر ابتعد للباب ووقف : جيبي لي مويه يابوي بريهان والدم وقف بعروقها : ابشر ابتعدت للمطبخ ومن رجفتها طاح الكوب ابو خالد بقلق ؛ بريهان ! بريهان رجعت له بسرعه ومعه المويه ؛ طاح مني الكوب ابو خالد : تعبانه ؟ اجلس بريهان بأنفعال ؛ لاااا بخير بس توترت عندي شغل واجد تنظيف غرفتي وترتيب ملابسي ابو خالد : ايه زين اعطاها الكوب وخرج ؛ لو احتجتي شيء اتصلي بريهان : ابشر بمجرد خروجه اغلقت الباب بإحكام وابتسمت بدون شعـور الشخـص اللي في بالها موجـود بوسط غرفتـها ! اتجهت له بربكـة وفتحت الباب كان واقف ومستند على التسريحة بميلان وعيونه على جواله ؛ راح؟ حست بخـوف للحظـة وخصوصاً ان شكله غير عن قبل عيـونه حمراء وملامحه ذابله اتجه لها بغضب وهو يحرك كفوفه : ليه ردي ابي اعرف ليه ! بريهان مررت لسانها على شفتها : وش اللي ليه؟ زم شفايفه من قهره واقسى انفعالاته سكـوته فتحت فمها بتتكلم لكن صمتت من شافته يمسح محاجره بحرقة عضت شفتـها وبدون شعـور بكـت معـه لانه يبكـي نزلت دموعـها بحرارة وهمسـت : قول وش اللي صار ! انتبه لها وتجمدت ملامحه مد كفوفه بيمسح وجهها لكن وقف فجاءة وغطى وجهه بكفوفه ؛ حرمتيني حتى مسحة دموعك مسح وجهه بقوة ودخل ايده بسرعه بجيبه وطلع ورقة وحطها على تسريحتها ؛ اعتبريها اخر رسالة ، الله يوفقك ولا يعوق لك مطلوب خرج وشهقـت بقـوة من ارتبطت الاحداث بذهنها وفهمـت انه نـادر ! . - - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ▇ـ▄▄ @ahgeel ▄▄ـ▇ مررت سبحان الله " 3 مرات " - p / ٩٢ / فـ وسط حائل .. بأحد الفنـادق .. - نزلت عبايتها وجلست بأريحيه وعيونها على جوالها تفتح برنامج وتقفل وترجع تفتح الثاني ارتفعت عيونها له من شـافت كيس احمر ينحط بحضنها عدلت جلستها وناظرتـه بأرتباك من شافته مبتسم وعيونه فيها نظرة غريبة همست ؛ شفيه! اتسعت ابتسـامته من توترها : افتحي الكيس جلس مقابلها وضم كفوفه لبعض روان نزلت الكيس على الطاولة بدون ماتفتحه : افتحه انت ارتفعت حواجبه : هذا لك روان هزت راسها وفتحته رمشـتّ ببطء وعيونها على الخاتم : اشوفه يناسبك اخذت نفس وابتسمت بهدوء ؛ شكراً لكن ما احب الهدايا تجمدت ملامحه وارتفع حاجبه : ماتحبينها! ميلت شفتها وعيونها على الخاتم تحس بنظراته تحرقها : وش سبب الهديه؟ زامل اخذ نفس وكلامه يضيـع وهو يتأملها من أول مره شافها فيهـا وقلبـه مسلوب منـه سارقة روحه وقلبـه وكان الحاصل مثل هـ الشطر اللي يقول ؛ " فزعت أرد قلبي ، وأثرني حبيت سراقي " وجهها وعيونها وشعرها وكُلها على بعضها همس بهـدوء : ميـت ابيك تجمدت ملامحها وشتت نظراتها وهي تنزل الهديـة على الطاولة زامل بهدوء وصـدق واضـح : انا ابيك ومالي غنى عنك صح اخطيت بحقك ورميت عليك بعض الكلام لكن تداركت وضعي وفهمت كل شيء روان انتِ اول بنت تلفتني وانا ما التفت اول بنت اتشفق عليـها واتمنى ولو تبستم لي بس اول بنت اتعنى لها واكتب لها واهدي لها واحبها ومجنونها مايهمك كلام الناس من سنين وانا مايهمني ابشرك مايهمني غير وجهك السمح وابشرك مايهمني الا رضـاك وابشرك ماني ملزوم الا في طاعة الله ثم طاعتك عجزت اثبت على ارضي محتاجك روان بهدوء وملامحها جامدة : والمطلوب؟ رمش ببطء وعيونه بعيـونها ماكان فيها اي مشـاعر او تأثر او حتى قبول لـ حُبه المولود كانت صـامته هادئـة ؛ المطلوب تحبيني زي ما أحبك لفظت بكل اريحية : اتفاقنا تعطيني المبلغ وينتهي هالزواج ما اقدر ابني معك اي حياة لان ماوديّ لا اعيش على رضـا احد ولا على خوف من فقدان احد ، شكراً زامل صدقني كلامك واضـح ويبين شكثر اهمك بس انا ما أقدر اسـفه وقفت وابتعدت خلال لحـظات لتختفي عن انظاره وصـوت إغلاق الباب يولد خيبـة بقلب زامـل . - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ▇ـ▄▄ @ahgeel ▄▄ـ▇ مررت سبحان الله " 3 مرات " - p / ٩٣ / فـ بيت أبـو لين - غطت وجهها بخمول وهي تسمع صـوت ريتان : قومي بـسرعة ، لينـوه لين جلست وابتسـمت بنعاس : جيتي؟ ريتان بحماس شدتها بقوة توقف : بدلي ملابسك ذيب تحت لين تجمدت ملامحها : ذيب ريتان ابتسـمت : يجنن ماشاء الله ابي اعرف عيالكم كيف اشكالهم لين تلونت ملامحها بالحمرة وهي تبعد ريتان عن طريقها : صادقة انتِ؟ ريتان بتنهيدة ؛ ايه البسي بسرعـة - —— - فـ صالة الجلوس .. - مرر لسانه على شفـته بتوتر وهو يشوف سند واقف عند الدرج ويتأمله لا هو اللي قرب وسولف ولا اللي طلع وتركه بس نظرات طويلة وصامته ذيب ابتسم له : سند تعال اجلس سند هز راسه بالنفي وابتسم بعبط : بتاخذ لين! ذيب طلع جواله : تعال بوريك شيء قرب سند منه يمشي بخفه وحرج من ذيب شده ذيب يجلس وهمس له : امك تحب لين كشر سند وهو يلفظ : لا بس انا احبها سند : ليش ماتحبها ! سند ابتسم بضحكة طفولية ونطق بأنفعال : ماتعرف تسوي اكـل ، امي تسوي لها ذيب صمـت وهو يشوفها نازلة من الدرج ووقفت من شـافته وقف وهو ينطق : روح لـ ماما ياشاطر وقف سند وخرج من عندهم بسرعة بوقت اتجه ذيب لـ لين : هلا لين ميلت راسـها : هلا فيك نزلت الدرجة الاخيرة ومدت يدها تصافح كفه اللي مادها لـها لكن شـدها كلها لحضنه وهو يبوس خدها : اخبارك !؟ ارتجفت بربكة وابتعدت خطوة للخلف " ماتعرف الا بوسة الرأس من ابوها ارتبكت كلها من حست بشفايفه على خدها وضامـه له " ؛ زينه جلس جنبها من جلست ونزلت كفها لفستانها الناعم تلعب فيه ؛ اخبارك انت!؟ ذيب ابتسم وميل راسه لها : زين ناظرته من لاحظت تقليده لكلامها وصمتت دخلت الشغالة ومعها الضيافة ونطق ذيب ؛ عندكم شغالة! همست ببطء ؛ حقت ماما جايه تساعدني ناظرها لتلفظ بشكل مباشر : ما اعرف كثير - '~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ▇ـ▄▄ @ahgeel ▄▄ـ▇ مررت سبحان الله " 3 مرات " - p / ٩٤ / لين همست ببطء ؛ حقت ماما جايه تساعدني ناظرها لتلفظ بشكل مباشر : ما اعرف كثير لازم احد معي ، يساعدني ذيب ابتسم وكأنه مافهم : انا معك لين اخذت القهوة تصبّ له : اقصد عاملة ياليت تقدم بطلب ، عشان مو مستعدة اضيع وقتي بطبخ وتنظيف محتاجة اتفضى لك طول الوقـت التفت لها بفهاوة لتبتسـم بثقة وسرعان ماشتت نظراتها بحرج من فهاوته ذيب بتداوك لوضعه اخذ فنجان القهوة من يدها ونطق بعد ماضيعت علومـه : على خشمي ابتسمت واعجبها دلالـه : يعني موافق؟ ذيب ناظرهـا وتنهد : موافق الشكوى لله مع ان العاملات ذولا ما ارتاح لهم وماعندنا اطفال الان عشان اقول الوضع صعب عليك ، شخصين فقط لين ميلت شفتها للاسفل وعيونها بعيونه بزعل واضح : يعني لا ! ذيب ابتسم لها ورجع خصلات شعرها وراء اذنها : قلت على خشمي ، ما اردك انا ابتسمت برضـا ولفظ : سولفي عليّ لين : اممم مافي شيء اقوله ذيب مسك كفها وشّد عليها : إلا فيه لين بتعجّـب : وشو ؟ ذيب تنهد وابتعد عنها وهو يشتت نظراته من سمع الباب انفتح وابوهـا يدخل للصالة ؛ هلا والله بالذيب وقف ذيب واتجه له يسلم عليـه : شلونك ياعمي؟ ابو لين : الله يسلمك ، كيفك انت ! مستعد ذيب ضحك ورفع سبابته لحاجبه يرتبه بأرتباك : افا عليك جاهز ضحك ابو لين ونطق بكل هدوء : الله يوفقكم بطلع ابدل عن اذنكم صعد الدرج ليلفظ ذيب : انا ماشي بس حبيت اتطمن عليك اتجهت له بهدوء ووقفت قريبة منه : انتظر شوي يعني ابوي توّ جاي سولف معه ذيب هز راسه بالنفي : مستعجل بس بقولك شيء لين بقلق : قـول ذيب تنهد وهو يقرب لـ اذنها ويهمس : لا تلبسين هاللون مره ثانيـه عليم الله اني تخبطت ابتسـمت بحرج ليبتعد : توصين شيء؟ هزت راسها بالنفي ومازالت ملامحها تشع بالحمرة ابتسم وخرج تاركها " تتخبط " هي الاخرى في وسط كلماته . - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ▇ـ▄▄ @ahgeel ▄▄ـ▇ مررت استغفر " ١٠ مرات " - p / ٩٥ / يـوم جديد على أبطالنا في حائل بالتحديد يفصل بين مشـاعرهم واختلافها بين لهفتهم وبين حبهم وقسـوتهم . - فـ الفندق .. - جلسـت بهدوء وعيونها على الباب تنتظره ينفتح ويدخل زامـل بعد اللي صـار ماشافته ، خرج تارك المكان لها وهي تقفلت بغرفتها واللحين السـاعة ١٢ ظهـر وماله اي أثـر ، ندمت على كلامها وردها لكن الواقع انها مو مستعدة تعيش خيبة جديدة رافضة فكرة تكوين أسرة تخاف يتغير عليها حُب زامل لـ قسوة لو ظّل معها اكثر تخاف يكون نزوه واعجاب فترة ويروح كلامه هزهـا واحرق جوفها لكن ماتفضل تراهن على اي شيء لان كل شيء ضّـدها وصعبه عليها تحارب وحيدة . - —— - فـ بيت ام عقـاب .. - نزل الدرج بخمول من شهور مانام عند جدته اشتاق لغرفته وسريرة اشتاق اذا انكسر يتخبىّ بحضن جدته . لفظ وهو يشوفها ترتب الغداء : سلم ايدها ام عقاب بحب : يابعد عيني يازامل زامل جلس : مييييت جوع ام عقاب جلست : ننتظر نادر لا تستعجل زامل : لازم ننتظر ! جوعان يمه ام عقاب : اجـ.. انقطعت كلمتها بدخول نادر : صباح الخير ام عقاب : مساء الخير وانت الصادق شفيك؟ نادر وملامح وجهه الشاحبة لاتختلف عن ملامح زامل : مافيني شيء نومي ملخبط التفت لـ زامل بأستغراب : وش جايبك ؟ زامل : اشتقت نادر تنهد ومافيه شده يتكلم زامل مرر لسـانه على شفته وصمتّ وافكارة تعيده لخيبتـه الليلة الماضية وكيـف انقهر وانجن بفعايل روان ام عقاب بأستغراب وعيونها عليهم : فيكم شيء مو طبيعين والله نادر ابتسم : وش يمه ! صدقيني كل شيء تمام زامل ابتسم هو الاخر لتلفظ ام عقاب بضحكة ساخرة : من لاعب عليكم! من اللي سارق ضحكتكم! انتم عيالي وانا ابخص فيكم اجل كل واحد فيكم همومه جبال فوق كتوفه وتبوني اسكت ! زامل تنهد وهو ينطق : دقينا بيبان الهوى وردتنا وش السواة! نادر بسخرية مُشابهه لـ زامل وتحكي شعورهم : مارثع فينا وخيّب هقاوينا غير  الحُب يايُمه . ام عقاب ارتفعت حاجبها بذهـول لترتفع ضحكة زامل بكذب : امزح امزح نادر بطقطقة : اجل حنا وجيه تحب وتنحب ! لا تصدقين يالغالية ترى كلها قصائد واشعار ام عقاب نزلت عيونها لصحنها وبدت تاكل بهدوء ومتأكدة ان فيهم شيء! . - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇