كم عيون مالقت عندي حصيل وانت تاخذني على وقفة نظر - الفصل 18 | روايتك

عالم القصص والروايات 📚: ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ▇ـ▄▄ @ahgeel ▄▄ـ▇ ' ' مررت استغفر " ١٠ مرات " - p / ٨١ / حايل اليوم الثلاثاء - الرابعة مساءً .. - وقف عند بيت ابو ذيب والتفت لـ روان اللي ارتبكـت من وقف : وش اتفقنا عليه همست بهدوء وهي تشوف ذيب يطلع لهم : لازم انزل؟ زامل : ايه وماعليك ، ما احد بيسألك عن شيء انتهى من جملته وفتح الباب بشكل مباشر ذيب : ارحب الف اتجه لـه زامل يسلم عليـه بحرارة وشـوق : فقدتك يالذيب ذيب : يارجال شوف الغيرة شاعله قلبي رحت اتزوج واسوي سواياك علّ الشوق يخف ارتفعت ضحـكة زامل وعيونه تتثبت على السيارة: ءء اقول لك ذيب فهم قبل يكمل زامل : انا بدخل وانت دلّ زوجتك على الطريق دخل للبيت ونزلت روان بهدوء : تعالي اتجهت ناحية زامـل لتهمس : ماوديّ زامل وفاهم شعورها وربكتها : مافي الا ام ذيب حنونه وطيبه حيييل خالتي العنود صدقيني مابتزعلك ولا بتقول شيء تدري انه بيحز بخاطرك روان بتدارك للوضع بما أنهم طولوا واقفين : زين تحرك للبيت واشر لها تدخل ودخل هو لقسم الرجال - ابتسمـت بحرج وهي تشوف ام ذيب واقفه عند الباب ومو واضح منها الا عيونها : الله حيها فكت غطاها لتتضح ملامحها لـ روان وتقرب لها : هلا بمرت الغالي ياهلا روان اتجهت للداخل وهي تنزل نقابها وتدخل للبيت : السلام عليكم ام ذيب : وعليكم السلام ورحمة الله تفضلي يمه سلمت عليها بهدوء ورجفة روان واضحة لـ ام ذيب : تفضلي تفضلي دخلت للبيت وتحس بحرارة بجسمها من التوتر لأول مره بحياتها تزور احد لاول مرة تدخل بيت احد كـ ضيفة وكـ زوجة لـ زامل ماعاشت هالشيء مع امها ولا مع اي شخص . - '~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ▇ـ▄▄ @ahgeel ▄▄ـ▇ مررت لا اله الا الله " 3 مرات " - p / ٨٢ عند الرجال .. - زامل بعد ماتقهوى هو وذيب استأذن منه بيروح لـ جدته ام عقاب وروان بتظّل هنا لوقت رجعته ذيب بهدوء : زين بس ابي اسألك عن شيء زامل التفت له : وش ؟ صار شيء ؟ ذيب : يارجال البنت اللي خطبتها شكلها هونت او مدري وش صار زامل انعقد حاجبه : ليه؟ ذيب بتنهيدة : مدري بس بقولك الموضوع وانت احكم زامل تربع بجلسته : ايه! ذيب : كان الوضع تمام وكل شيء ماشي كويس فجاءة دخلت زوجة ابوها وقالت ياذيب لاهنت روح نادي عمك فـ طلعت من عندهم واول مارجعت سمعتها تقول " لو كنا ندري مازوجناك اياه لكن امه توها تقول " والمصيبة سألت امي وش دار بينهم من كلام ماقالت شيء يزعل او ينقد والبنت انقلب وجهها ميه وثمانين درجة حتى وقت شافتني بس تصد ولا ودها تناظرني. زامل ميل شفته ؛ تتوقع زوجة ابوها داخله بشر ! ذيب : ما اتوقع الا متأكد بس البنت كيف اقنعها ؟ زامل : سهل امرها الزواج مابقى عليه الا يوم واذا صارت عندك هنا تعال معها باللين والهداوة و إن شاء الله تفهمك وتقول لك ذيب هز راسه بالنفي : المشكلة حتى اجازة من دوامي رفضوا وكل وقتي مناوبات الشغل قوي هاليومين وابوي الله يهديه ماترك لي مجال احدد موعد ثاني للزواج زامل : يارجال بتتيسر إلا احسن لك تاخذها ولا تجلس عند مرت ابوها تعبي راسها عليك ذيب بأقتناع : اي والله صادق زامل : المهم حاول تفتح كل الموضيع اللي شاك انها السبب فـ تغير البنت واذا ماوضحت شيء فـ اتركها يمكن نفسيه ضربتها ساعه وفكتها ذيب ضحك : هقوتك ؟ زامل : ايه ايه البنات ترى اطباعهم صعبه دقيقه تبكي وساعة تضحك مره تكشخ لك وتحسسك انها راضيه معك ومره تلعن خيرك وتسبك عاد انت الله يكون بعونك ارتفعت ضحكة ذيب اكثر : شكلك متعود ؟ زامل تنهد وهو يتذكر اليومين اللي فاتت وجنان روان فيها : يارجال بتجرب بتجرب - '~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ▇ـ▄▄ @ahgeel ▄▄ـ▇ مررت لا اله الا الله " 3 مرات " - p / ٨٣ / فـ بيت ابو بريهان .. - فاتحه جوالها وبالها مو معه اخذت نفس عميق واحساسها كله نفور وكراهيه للشخص اللي عبث براحتها اليومين الماضيه واشغل تفكيرها بالرسائل ابتسمت بسخرية : عم نهار وش ارجي منه ؟ اوافق وبعدين عيالي يجون مثل نهار ؟ لا اعوذ بالله وقفت وهي تخرج لـ ابوها اللي مازال يكلم بجواله جلست وبمجرد ما اغلق الخط لفظت ؛ يبه انا فكرت ابو خالد : وش قررتي ياعيوني؟ بريهان : مو موافقه ابو خالد وكان متوقع هالشيء ؛ زين الله يكتب اللي فيه الخيره بريهان : امين ، متى بترد عليهم ؟ ابو خالد ؛ اليوم إن شاء الله بريهان ابتسمت ؛ تمام - ———— - فـ بيت ابو اروى .. - تبخر المكان وكلها حماس وشوق لـ شوفة زامل عزام بتنهيدة : لازم يجي هنا ؟ خليه يروح لـ بيتك يمه ماودي اشوفه ام عقاب بزعل : ودي نكلمه ونقنعه جميع لازم يطلقها هالمنحوسه عزام تنهد : ابشري ابشري اروى ابتسمت وهي تحط القهوة على الطاولة ؛ اقول جده عمي نادر وينه ؟ ام عقاب : بيجيء اللحين إن شاء الله عزام ؛ ابو خالد بشوف له اليوم وش ردهم علينا ام عقاب ابتسمت : بيوافقون اجل فيه احسن من نادر في الديرة ؟ عزام ضحك : القرد بعين امه غزال ام عقاب بذهول : هاو ! اخوك قرد ! ارتفعت ضحكة اروى وعزام في وقت رن الجرس لتتسع محاجر اروى دهشـة وفرح ؛ زامل جاء - '~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ▇ـ▄▄ @ahgeel ▄▄ـ▇ مررت لا اله الا الله " 3 مرات " - p / ٨٤ / واقف عند الباب وينتظر عمه يقتح ثواني وانفتح الباب وارتفع ترحيب ابو اروى الواضح انه بدون نفس : هلا زامل هلا زامل دخل بعد ماسلم عليه مصافحة فقط : شلونك عمي ؟ عزام : الحمدلله يسرك الحال ، شلونك انت ؟ زامل : بخير ونعمه الحمدلله دخلوا للمجلس ليتجه فوراً لجدته اللي ابتسمت بحسره ولهفه : ياعيوني يايمه انحنى يقبل راسها وكفوفها مره ومرتين بشوق حقيقي ودمعت عيونها بحرقة : ابطيت يازامل ابطيت علي زامل : والله اني مشتاق لك لكن الشغل والدرب اخروني ام عقاب ضمته لها وهي تبوسه : جعلني ما اعدمك قول امين قول امين زامل : امين ارتفعت عيونها لـ عزام اللي واقف عند الباب : وين حرمتك ؟ زامل ابتسم وعرف ان الموال بيبداء : ماجبتها ام عقاب ارتفع حاجبها : وليه ؟ زامل : ودي اشوفك فـ لا تصعبينها انا فداء عينك ام عقاب تنهدت وهي تصّد عنه وتقرب القهوة ؛ تقهوى ثم نحكي بكل شيء زامل ابتسم : متقهوي تقدرين تبدين كلامك عزام : كلامها وطلباتها واضحه زامل ارتفع حاجبه : ودي اسمع منها عزام بسخرية : ايه مايعجبك كلام اعمامك زامل قلب عيونه بتهدئة لـ اعصابه والتفت لـ جدته ؛ وش تأمرين يمه ؟ ام عقاب : الساحرة ذي ابعدها عنك لا تفشل عمرك وتفشلنا زامل : مو سـ.. انقطع كلامه بفعل دخول نادر : السلام عليكم وقف زامل : وعليكم السلام صافحه وكل واحد يتجنب يناظر للثاني من بعد صحبتهم العميقة سابقاً صاروا متنافرين من بعـض بشكل مؤلم لقلب ام عقاب نادر : غريبة جاي يازامل ؟ لايكون فلست وجاي تطلب فزعات زامل جاوب على مضض ؛ لا بشوف الغالية واروح ام عقاب : نرجع للعلم يايمه لازم تبعدها توافقني الرأي صح ؟ نادر : اكيد يوافقك اجل نهاية ولد عقاب ياخذ له ساحرة ! عزام بحدة ؛ بيوافقك ومن فوق خشمة ولو يحتاج لها قص رقاب قصينا زامل ارتفع حاجبه وفكه يتدلى بذهـول من كلامه وسخرية منهم ايضـاً . - '~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "رواية كم عيون مالقت عندي حصيل "💜 ▇ـ▄▄ @ahgeel ▄▄ـ▇ مررت لا اله الا الله " 3 مرات " - p / ٨٥ / لفظ زامـل : لا ما اوافقكم الرأي عزام بحدة ؛ ياورع زامل ارتفع حاجبه : الزم حدودك واعرف كلمني مو بزر عندك نادر بضحكة : لا يكون بتطول لسانك وايدك لا والله حصدنا خير ام عقاب واعصابها تلفت : انا اكلمه وش دخلكم انتم ! رد علي يازامل بتطلقها ؟ زامل بحدة : لا توسعت محاجرهـا وعيونها دمعت : لا ! لييييه ؟ زامل بضحكة ساخرة : وش فيكم عليها ؟ ساحرة احد منكم ؟ مأذيتكم ! نادر : كفاية رعد اتعبته شكلك بتلحقه زامل : مالها علاقة فيه عزام وقف وهو يأشر بأيده : مجنون مسحور ماعليه ملام زامل بجنون : ايه سحرتني فيهـا مجنونها عندك مانع ؟! - انكتمت انفـاس اروى ودمعـت عيونها من كلمته لتنسحب من عند الباب بسرعه - نادر بذهول وقف : زامل ! انت اللي تكره البنات اقول لك زمان اخطب فلانه وارتاح لكن راكب راسك تقول ماودي واكره هالبنات الكذابات تجيء اللحين تصوم تصوم وتفطر على هالبنت بالذات؟؟ عزام ؛ من فلانه اللي تقصـدها ؟ نادر بحدة ؛ يعرفها زامل زامل وفهم ان قصـده اروى بنت عزام : ماجذبني من العذارى غيرها ام عقاب بقهر رمت الفنجان : قوم عني قوم زامل بضحكة وقف بذهول : يعني كلامك يمشي او تزعلون ؟ ام عقاب بكـت : بتذبحك بتذبحك تجمدت ملامحهم واندهشـوا من بكاها زامل قرب لها وهو يجلس عند رجولها : يمه يكفي لاتبكين نادر بقهر : اعجبك ؟ عزام طلع من المجلس وهو يسبّ زامل بصوت واضح وصل لهم - '~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇