كم عيون مالقت عندي حصيل وانت تاخذني على وقفة نظر - الفصل 16 | روايتك

عالم القصص والروايات 📚: ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ مررت استغفر " ١٠ مرات " - p / ٧١ / فـ بيت ام ليلى .. - جالسة بالصالة ومرفعة صوت التلفزيون : ليلى جيبي الشاهي ليلى بقهر : متى اتزوج وانفك ام ليلى توسـعت محاجرها : وجعاه علامك يابنت؟ ليلى اشرت على زامل اللي يلقي نشرة المساء : شوفي روان تزوجت وانا باقي ام ليلى بتنهيدة : ساحرة وخذت قاتل وش اللي تبينه ؟ تصيرين مثلها!!! ليلى ؛ والله عسل وتستاهل احسن من زامل ام ليلى بسخرية : لو فيها خير ماعافها الطير ليلى كشرت : اجيب لك شاهي احسن لي - ———— - فـ بيت ابو ليـن .. - وقـع ذيب وابتسم لـ عمه ابو زوجته كانت ابتسامة بسيطة ماكان يحس بشعور فرحة او حزن كان بـارد جداً كأنه ملزوم يوقع ويمشي شغله وينجزها وانتهى بدون اي اسنتزاف لمشاعره رجع ابو لين بعد لحظات وهو مبتسـم ومعه كتاب عقد القران اعطاه الشيخ اللي بدأ يدعي لهم بالسعادة والذرية والصلاح والرفاه والألفة. بمجرد خروج الشيخ زان الجو لـ ابو ذيب وابو لين وبدت سوالفهم مع مزيج من المواضيع القديمة والمستقبلية كان جميع من بالمجلس يشاركون بحماس وضحك عكس ذيب الهادي . عيال عم لين وعيال خالها اللي حضروا اليوم ومعهم امها " مطلقة من والدها من سنين ". - ——— - فالداخـل .. - كشرت ام ذيب من حركات ام لين ونورية كانت كلها محارش ونكد وشوي وتقوم الحرب بينهم ام لين بطبعها شخصية قوية ولا ينفرض عليها رأي كانت مشهورة بالقبيلة بقوة بأسها وحدة موقفها واللكل انصدم وقت تزوجت ابو لين لانه انسان هادي وجداً عكسها دام زواجهم وجابت ريتان بنتها الكبيرة وبعده بسنتين لين ، مر الوقت وكبرت لين وصار عمرها عشر سنين هنا انفصلوا ابوها وامها والخطأ راكب ام لين لانها طفشت من كونها مع شخص مهمل ماعنده رأي وسط قومه وبعد طلاقها تزوجت من قبيلة اخرى لكن المعروف عنه انه كبير قوم وله كلمته بين جماعته. - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ مررت استغفر " ١٠ مرات " - p / ٧٢ / ام لين نزلت كوب الشاي وعيونها على نورية: اقول امسكي لسانك لا اقصها لك نورية بقهر التفتت لـ ام ذيب : شايفة فعايلها يالعنود ؟ ام ذيب بتوتر : نوريه وش هالكلام ؟ وانتِ يا أم لين تعوذي من ابليس ام لين ابتسمت بقوة وهي ترجع شعرها على وراء بكل أناقة كانت نسخة طبق الأصل من لين بالشكل ونعومة المظهر والمبسم كل شيء نفسها ، لدرجة خافت ام ذيب ان ذيب يبلش مع لين ام لين وقفت وهي تشد لين توقف معها اللي كانت محرجة جداً من حركاتهم وملامحها تلونت بالحمرة : تعالي تشوفين زوجك ابتسمت ام ذيب بذهـول المفروض " زوجك بيشوفك" لكن عند ام لين كل شيء فارق خرجوا من الصالة لتبداء حلطمة نورية : شايفة هذا الضيم ؟ مع انها ماتجيء الا في مناسبات بناتها لكن تحسسني اني شغالة عندها وعندهم ام ذيب : ماعليك من هالكلام كله وطولي بالك اللحين هي ضيفة عندك وانتِ صاحبه المكان والبنات يعتبرونك زي امهم صدقيني نورية بسخرية ؛ شلون زي امهم ؟ والله والله ماعمرهم قالوا لي ياعمه او ياخالتي طول الوقت نورية اطبخي نورية نظفي قليلات ادب وطويلات لسان لايغرك اشكالهم ام ذيب كشـرت وقلبها انقبض من كلام نورية وهي تحس بقلق اكبر تجاه لين - ————— - فـ المجلس .. جلست لين وهي شوي وتبكي: يمه كان تركتي نقاش نورية لحّد ماتروح العنود ام لين ابتسمت بسخرية ؛ مو مهمه لا العنود ولا نورية المهم ذيب لين تجمدت ملامحها : شفيه بعد ! ام لين ميلت شفتها : لا تعطينه مجال يستقوي عليك ولا تتركين له لحظة يفكر بغيرك خليك دائم الصح وصدقيني هو مع الوقت بيبدأ يلحق وراك شوفي ابوك حتى بعد طلاقي يموت على اسمي وعلى طاريّ ولو بيده رجعني لكن انا اللي عفته لين تجمعت شفايفها : ذيب يمكن غير عن ابوي ام لين ابتسمت : وهذا المطلوب يكون غير لين تنهدت ؛ ما اعرف ترى اسوي شيء ام لين مررت لسانها على شفتها بتفكير لين " رفلا " من الاخير بعكس امها السنعة ؛ عادي العبي عليه بكم كلمة ومصيره يجيب لك شغالة وخليك ملكة في بيتك لين بعدم اقتناع : واذا رفض؟ ام لين ؛ اذا قدرتي لقلبه مابيقوى يرفض لين صمتت وهي تشوف الباب ينفتح ويدخل اخوها سند : بابا يقول ذيب بيدخل ام لين : خله يجيء - '~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ ' مررت استغفر " ١٠ مرات " - p / ٧٣ / سند رجع للرجال وهو يعلم ابوه ؛ ام لين تقول خله يجيء ابو لين التفت لـ ذيب : تقدر تروح يا ابوي سند روح معه الله يقويك وقف ذيب واتجه للداخل ولأول مره يحس بشعور هالليلة " توتر ، قلق ، حماس " دخل ذيب وتجمد مكانه من شـاف ام لين ترحب وتهليّ ؛ هلا ياعمه هلا عرف انها مستحيل تكون هي لان اللي استقبلته " شكلها كبير شوي " تقدم للداخل وجلس ثواني ودخـلت لين كانت ريحة عطرهـا تنتشر بالمكـان خلال ثواني بس تثبتت عيونه عليها من راسـها لاطراف اصابع رجولها تأملها بكل ثبات وقـوة لدرجة ام لين ارتبكت اكثر وهي تتجه لـ بنتها : اجلسي يمه جلست لين وهي تشد بيد امها دقائق ودخلت ام ذيب وهي تسلم عليهم وتدعي لهم ونظراتها على ذيب اللي مايتضح اي شيء على ملامحه دخلوا الهدايا ولبسها الشبكة بكل هدوء منـه وارتباك منها ، ورفض التصوير . ام ذيب بأبتسامة : نتركك مع العروسة تاخذون راحتكم ذيب ابتسم لها : الله يحفظك خرجت ام ذيب وام لين معها ومبسوطة على لين لان ذيب نهائياً مايتضح عليه غير الرجولة والرزانـه والعقل . - ———- - بعد خروجهم تجمعت شفايف لين بشكل عفوي وهي تلعب بطرف فستانها كانت عيونها على دبلتها اللي لبسها ذيب لفظ اخيراً ؛ اعجبتك؟ ارتفعت عيونها له بجهل لقصده : نعم؟ ابتسـم واشر على الدبلة ؛ الدبلة لين بتمتمه : اي حلوة لاحظ ملامحها نهائياً مافيها شيء يوضح الحماس بنفس درجة حماسه كان حماسها مع ان الوضع اختلف بالنسبـة له >..< وقف وارتفعت عيونها له ابتسم لها ومد ايده : اوقفي مدت ايدها لها ووقفت بربكـة من لمستـه ابتسم وهو يشدها ناحيتـه . - 📌🙇🏻‍♀️ - '~~~~~~~~~~~~~~~~~~~~~~~~~~~~~~ #وانـت_تاخذنْـي_على_وقفة_نــظر #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ مررت استغفر " ١٠ مرات " - p / ٧٤ / تثبتت عيونها عليه للحظة وسرعان ماتحركت مبتعدة عنه بسبب صوت نورية اللي عند الباب ابتسمت وعيونها ارتفعت له مره ثانيه وابتسم بشكل مباشر دخلت نورية وهي تعدل حجابها : ذيب لاهنت قول لـ ابو لين يجيء ذيب ارتفع حاجبه وتحرك على مضض وهو يخرج عنهم ينادي ابو لين لفظت نورية وهي تشد لين بقوة : تراه مجبور بالزواج ولا قلبه عند بنت خاله لو كنا ندري ما كان زوجناك لكن امه الله يهديها توها تقول لين توسعـت محاجرها وذبلت ملامحها في لحظة خرجت نورية وبنفس اللحظة دخل ابو لين ؛ لبيه ياعيوني لين بتمتمه ؛ نوريه تبيك دخل للقسم الأخر لتمرر لسانها على شفتها وتحاول تهدئة نفسها جاهله ان ذيب كان واقف وسمع اخر جملة قالتها نورية " لو كنا ندري ما كان زوجناك لكن امه الله يهديها ، توها تقول " وانتبه ولاحظ ملامحها ودموعهـا وحتى علامات يد نورية اللي على ذراعها وش اللي لو عرفوه ماسمحوا لها تتزوجه؟ لين رفعت كفوفها تمسح وجهها وهي تعدل فستانها وبدون سبب ارتفعت عيونها للباب وتجمدت من شافته واقف ومعقد حواجبه تجمعت شفايفها وهي تحس بأنفاسها تتراكم بكل مراره بوسط صدرها باللحظة اللي صارت عيونها بعيونه وحست للحظة بشعور حلو ، دخلت نورية وانهار كل شيء . ذيب حس بقهر وكره لـ نورية مع انه مايدري وش قالت لها بالضبط لكن تمنى ومن كل قلبه لو انها انشقت الارض وبلعتها قبل تدخل تحرك ناحية لين وهو يمد كفـه لها ويضم كفها له ؛ ماقدرنا نتكلم براحه بس الجايات اكثر إن شاء الله . كان يحاول يجذب انتباهها بأي طريقة لكن هي كانت جامدة والذبول كاسيهـا عكس اول مادخل وما أبدت اي ردة فعل سوى تشتيت نظراتها عنه . شدها له وهو يضمها لجوفه بحرقة وقهر لين غمضت بقوة ورجفة سرت بجسمها من حاوطها ابتعد عنها وهو يرفع راسها له بأمل لكن مالت شفتيه بيأس من شافها صّاده بنطراتها عنه وافكارها كلها تتمحور بأشياء سلبيه - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ مررت استغفر " ١٠ مرات " - p / ٧٥ / مالت شفتيه بيأس من شافها صّاده بنطراتها عنه وافكارها كلها تتمحور بأشياء سلبيه قاطع افكارها صوت ذيب : كل شيء بيتعدل ارتفعت عيونها له بأستغراب ليكمل بجدية : من تكونين ببيتك كل شيء بيتغير انتِ صاحبة القرار والشور شورك ولا يصير شيء بدون رضـاك حتى عقالي ومسباحي مقاسهم بأخذه على قّد خصرك ، انتِ بس تعالي وحرم ذيب ماينقال لها " لا " . حست بمويـه باردة تنكبّ عليها بعد كلامه ابتسم لنظراتـها المذهـولة لتنقلب ملامحها حمراء بعد كلامـه ونظراتـه اللي تركزت على خصـرها . اتجهت للباب بتهّـرب لكن وقفت من سمعته : دقيقه ناظرته وانتبـهت لمسباحه اللي يمده لها : خليه معك ميلت راسها بأستغراب : ليه؟ ذيب ضحك وهو يقرب لها ويحط المسباح بين كفوفها ؛ اول كلمة اسمعها منك " ليه " وديّ يظل معك مسباحي والود وديّ اظـل كُـلي . ابتسمت بحرج ليتسلل شعور غريب لقلبه " راحة ، استكنان " كانت مشاعر من هالنوع لانها اخيراً ابتسمت! بس باقي مشـواره معها طويل او بالأصح مع " نوريه " . - ——- - دخلت لين وهي تحس بتخبط في شعورها ابتسمـت وهي تحس انها باقي بحضـنه من قوة شده لها انتبهت لـ امها اللي اتجهت لها بسرعه ؛ هاه ! وش صار ؟ لين ابتسمت بربكة : مدري ام لين كشرت : ضحك عليك بكلمتين لين تنهدت بزعل : يمـه نورية بسخرية : لين تعالي نشوف وجهك العنود ودها تشوفك. كانت نيتها ماتروح لكن من قالت العنود انجبرت تتجه للمجلس وتبتسم بربكة لـ العنود " ام ذيب " نورية ارتفع حاجبها من شافت المسباح؛ شلحتي الرجال من اولها! لين توسـعت محاجرها بذهول من كلمتها في وقت فزت ام لين وهي تتجه لنورية وواضح ناويه شّر ام ذيب وقفت بينهم وهي تلفظ : زوجها ومابه خلاف يهديها اللي وده مالك شغل يانورية وانتِ ياهند تعوذي من ابليس ام لين بغضب : اعوذ بالله منها لين تجمعت الدموع بمحاجرها لتتجه للدرج تاركتهم الاحراج يكتسيها بسبب نورية وأفعالها. - '~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇