كم عيون مالقت عندي حصيل وانت تاخذني على وقفة نظر - الفصل 15 | روايتك

عالم القصص والروايات 📚: ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٦٦ / اغلق من ذيب بعد توديعه وتوصيات قليلة اعتقد ذيب انها فاشله فـ لم يكترث بها ، اتصـل بـ جدته " ام عقاب " وصـله الرد بعد لحظه : هلا انعقد حاجبه من الصوت الانثوي الناعم غير عن صوت جدته ؛ ام عقاب؟ وصله الرد : لا اروى ارتفع حاجبه ليلفظ : هلا اروى شلونك؟ اروى وتكاد ترفرف بسعادة : الحمدلله ، شلونك انت؟ زامل : الحمدلله بأحسن حال ارتفع حاجبها بغضب : يعني كيف بأحسن حال؟ زامل بعفويه ودون انتباه : يعني كل شيء حلو اعطيني جدتي ، عندك ؟ اروى مدت الجوال لجدتها اللي خلصت صلاة : هلا زامل زامل ابتسم : يمه شلونك! ام عقاب بتنهيدة : مايسرك زامل انعقد حاجبه : ليش بسم الله عليك ام عقاب ؛ تعال للديرة ابيك هنا زامل : ابشري لكن لقيت شغل هنا تدرين؟ ام عقاب : انت تعال ونتفاهم من قريب زامل بأستغراب : وش قصدك؟ ام عقاب بغضب : العقرب اللي عندك وش تسوي معك ؟ زامل ارتفعت حواجبه وفهم سبب الاتصال : زوجتي يمه ام عقاب بحدة : جعلها العمى زامل اخذ نفس : يمه هدي بالك والبنت ام عقاب بمقاطعه : بنت الحرام ذي لا اشوفها معك زامل ابتسم بخبث : ايه ايه ابشري ام عقاب بأستغراب : تعال بدونها زامل : من عيوني المهم رضاك يالغالية ام عقاب : زين مع السلامة زامل : الله يحفظك اغلق الخط وهو يتنهد : خليني اشوفك واحل الموضوع من عندك - عند ام عقاب ابتسمت اروى بتشفي وهي تشوف جدتها مستغربة كيف طاعها زامل ؟ اروى بأبتسامة : جدتي زامل مشتاق لك ولا بيقدر يرفض لك طلب ام عقاب ابتسمت رغم ان داخلها مو مقتنع : ايه صادقه اروى ضحكت بنشوة انتصـار وتفكيرها متى بيجيء زامل ؟ - '~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٦٧ / فـ الشركة .. - تنهدت روان وهي ترمي القلم بنص المكتب وتفكيرها يعود لـ زامل ولسؤالة اللي بقى ملازمها ليلة امس انقهرت من عمار ومن تلاعبه لكن ماقدرت تفكر كثير بالموضـوع بسبب زامل وكلامه انذهلت انه يسأل اذا تبي عيال منه او لا ! يعني كان ممكن تقدر تبداء معه حياة جديدة او كان فقط يوجه سؤاله من باب السخرية! ميلت شفتها وحاجبها يرتفع وهي تكره ان تقف بمنتصف الأشياء . - ———- - فـ الشقـة .. - بداء بتفتيش كل اغراضها مع تشغيل قران فـ الشقة لكن الصـدمة اللي وقعت عليه مافيه اي شيء بأغراضها وبدأ يحس بتعب وتخبط في جسمه من صـوت القران !! اغلق جواله وهو يجلس بتعب واطرافه يصيبها خمول مرر لسانه على شفـته بتفكير ! معقولة سحرتني؟ بدأت الفكرة تتوسط عقله ليبدأ بالأنجراف فعلاً بالرغم من ان روان لم تعمل اي شيء كل افكارة صارت تتمحور حولها بدأ يتذكر ابسط وادق تفاصيلها شعرها ؟ شكلها ! عفويتها ! كان يحس انه يميل لها لكن الأن اكيد بيحبها وبسبب السحر ! لعـن الشيطان وهو يشغل القران لكن سرعان ماقفله من حس بـ إرهاق فعلي يصيبه طلع جواله واتصـل فيها : روان ردت بأستغراب : هلا زامل بأنفاس سريعه : تعالي مارح اقدر اجيك دوري لك اي سيارة وتعالي رمشـت ببطء وذهـول : زين جايه اغلقت الخط ليضع هاتفه على الطاولة اكيد دامها ساحرتـه فـ مارح ترتاح الا اذا كان زي اللعبة بيدها ! من الكوارث التي تصيب عقل الأنسان هي ان يضع فكرة ويبدأ بتصديقها عندها ستعمل جوارحه وقلبه على تنفيذها مثلاً شخص يتمارض وفعلاً يمرض وهنا زامـل زرع ان روان ساحرتـه ولجّل يسلم لازم تكون عنده وقريبه منه ويقنعها انه تحت امرهـا لجّل يسلم بنفسـه ويقصيها عن عالمه وحياته ! ماكانت افكارة تبشر بخير لانه حاط نفسه بمثابة اللي اكتشفـها وبيتغداء فيها قبل تتعشى فيه جاهل انه بيندم بمحرد رؤيتها. - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٦٨ / فـ الرياض .. - على طاولة الغداء مشعل ونهار وامهم كان نهار يتغداء بهدوء وعينه على جواله اما مشعل كان يتجنب يناظر امـه يحس بنفور منها بشكل مو طبيعي . ام نهار ؛ اقول راكان ماكلمكم ؟ نهار : لا يمه مشعل : لا ام نهار : قلبي مو مرتاح ودي ارجع حائل واخذ راحان واجيبه معنا مشعل : شغله هناك نهار بلامبالاة : ترى كبير وعقله براسه وبعدين عايش بوسط حايل ومعه اخوياه فالشقه لو كان فالبيت لحاله كان خليناك ترجعين ام نهار تنهدت : قلبي ماكلني عليه وادق مايرد مشعل وقف : الحمدلله شبعت ابتعد عنهم ليلفظ نهار : الله الله شفيه الاخو ؟ من يومين مايتغداء زي الناس ام نهار بقلق : لاحظت شفت اخوك نحفان ومو على بعضه مشعل : لا بس اسوي دايت نهار رجع لجواله بلا مبالاة وهو يكمل اكله ام نهار بشك يدب في قلبها لحقت مشعل : تعال تعال وقف والتفت لها ونظراً لفهاوته خاف يقول شيء ويندم : هلا ام نهار : راكان فيه شيء مشعل ؛ لا يمه اصلاً ماكلمته ام نهار : طيب شفيك ؟ مشعل : ولا شيء وزني زايد ولا ابي اكثر بالاكل يارب لك الحمد ام نهار بعدم تصديق : زين ياولد رعد زين ابتعد مشعل وهو يتنهد لـ طاري ابوه وام نهار رجعت تجلس مع نهار اللي يجهل كل شيء ومايعرف باللي صار واللي اكتشفه مشعل وراكان . - —————- - " أسوأ شعور فعلاً إن الواحد يلاقي الخذلان وعدم الشعور بالأمان والثقـة من أسرته. ‏الأم والأب -الطبيعيين- هما مصدر الأمان والطمأنينة والدعم والحب بدون اي تصنع او استعانه بغير الله في تحقيق مبدأ العائلة السليمة المفعمة بالحُب " - '~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٦٩ / فـ حايل .. - مر الوقت سريع على العريس " ذيب " اللي مابين صالون حلاقة وتجهيز وغسيل السيارة كان ضـايع وتمنى فعلاً لو عنده اخ او زامل يساعده . - —— - فـ بيت لين .. - انتهت من تسريح شعرها لم تذهب لصالون بدأت في تزيين نفسها من بعد صلاة العصر كانت يدها خفيفه في الميك اب والتسريحات وتحب تشتغل على حالها وتعرف وش يناسبها ويطلعها بشكل حلو بدون اي مبالغه . طلعت فستان وردي فاتح ماسك من فوق لحد خصرها بعدها في نفشه بسيط يوصل لنصف الفخذ عطرته وخرجت تجهز البخور لكن كانت نوريه جايبته لها : خذي البخور لين تنهدت : كم الساعه؟ نورية : مابقى شيء عن اذان المغرب بمجرد انتهاء نورية من جملتها ارتفع صوت اذان المـغرب لين بتوتر : نوريه متى يجون؟ نوريه : اكيد بعد الصلاة لين رجعت لغرفتها وهي تبخر فستانها وشعرها والتوتر يرتفع عندها بالرغم من انها كانت هاديه . - ——— - فـ بيت ابو ذيب .. دخل ابو ذيب للبيت : العنود العنود طلعت بسرعه وهي لابسه عبايتها : علامك؟ ابو ذيب : مارجع ذيب؟ ام ذيب بقلق : لا يمكن يصلي بالمسحد ويجيء ابو ذيب : زين بروح الحق على الصلاة واجي القاك جاهزة ام ذيب : إن شاء الله خرج ليتصادف مع ذيب اللي داخل للحوش ومعه ثوبه جايبه من المغسلة : استعجل علينا ذيب : ابشر ابشر دخل للبيت بسرعه ونزل الثوب وخرج وراء ابوه للمسجد . - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ( وصلنا للبارت رقم 70) 💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٧٠ / فـ جدة . قبـل سـاعات .. - تثبتت عيونها عليه بـذهول وهي تحاول توعيه من أفكارة : زامل وش تفكر فيه انت ! مو طبيعي زامـل ابتسـم ؛ تبين احبك ؟ هذا انا اقولها احبك يابنت الناس كرهته وكرهت اندفاعه اكثر كان يميل بمشيته ويبتسم بغباء كرهـت انه فعلاً يسخر او يستفـز انوثتها : ارجع لعقلك توقـف بأستغراب : انتِ زوجتي ليش زعلتي روان بمجرد ماتوقف مقابلها وميل راسه يتأملها من قريـب بكـت .. توسـعت محاجره بذهول ورجع على وراء : مو انتِ اللي تبين كذا ! روان هزت راسها بالنفي وجسدها يرتطم بالحائط خلفها : كذاب ماوديّ وماقلته ياكذاب زامل مسح على وجهه بقوة ؛ انا ادري اني مارح اطلع من هالموضوع سالم روان بحلف : ياولد الناس انا كم مره حلفت لك كم مره ! والله ما اسحر ولا ابيك ولا ابي قربك زامل تجمدت ملامحه وعيونه عليه كانت ترتجف بقوة وتعض شفتها بقـهر هز راسـه بالنفي : روان ترى الشياطين راكبه راسي روان بسخرية وهي تمسح وجهها : ومتى نزلت اصلاً هالشياطين ؟ طفشتني وامرضتني معك زامل ابتعد خطوة وسرعان ما التفت لها ؛ بجيب لك فلوسك ونتطلق بالسلامة روان هزت راسها بالنفي : لا تجيبها طلقني وبس التفت لها وارتفع حاجبـه ؛ كيف! روان مسكت شعرها اللي التصق بوجهها بفعل دموعها ورجعته وراء اذنها : مابي الفلوس خلها لك ، طلقني وبس مرر لسانه على شفـته ولفظ : ليش ؟ روان مالت شفتيها للأسفل ودموعـها بتنزل مره ثانيه ارتفعت عيونها للأعلى بمحاولة لتهدئة نفسها : اعتقني من افكارك وبس زامـل صمـت ليهمس بعد لحظات : أسـف خرج ليتركـها وحيدة بعد ساعه من الأرق والمجادلات معه . - - بعد صـلاة المغرب .. - فتح باب الشقـة ودخل انتبه لها جالسه بالصـالة وما التفتت لـه ولا ناظرتـه كانت ملامحها واضحـة انها زعلانه المشكلة ان ملامحها طفولية للغاية ماتسمـح له يرضى بزعلها تجمدت ملامحها من شـافت ورد احمر ينحط بحضنها ويبتعد زامـل للغرفة ويقفل الباب توسـعت محاجرها وهي تقراء " نبداء من جديد ؟ " رمشتّ ببطء وهي تنزل الورد على الطاولة وبمكابرة وقفت متجاهلة الورد وصاحبه انتبهت للكرت فيه عبارة من وراء " مابتركك لحالك ، اعتبريني جاي اخطب " تلونت ملامحها بالحمرة لتبتعد للمطبخ بتوتر وهي تهمس : غبي ! - - #انتهى #نوقف هنا ونكمل معاكم غدا 🍃💜🍃 #ملاحظة : يسعـدنا مشاركة الروايـة في قروبات الواتس او قنوات التلجرام .. ولكـن لا أبيـح ولا أحلل نقل الروايـة او نسخها وحذف رابط القناة 😢 الي يـريد نقـل الرواية " يمنـع حذف رابط قناتنا 💔 رابط قناتنا بالتلجرام 👇👇 https://t.me/joinchat/AAAAAFdO1y-1PZ5SzX0BWg ▇ـ▄▄▄💜▄▄▄ـ▇