كم عيون مالقت عندي حصيل وانت تاخذني على وقفة نظر - الفصل 14 | روايتك

عالم القصص والروايات 📚: ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٦١ / فـ بيت جديد .. / استلقت على سريرها بغضب والدها قرر تزويجها بشكل سريع لسبب تجهله لكن الأكيد انه يتعلق بزوجته الثانيه لانها كارهه وجودها بالبيت جلست ببطء وهي تسمع صـوت قريب من الباب وقفت عند باب غرفتها وهي تسمع صوت " نوريه " زوجة ابوها : ايه بفتك منها ميلت شفتها ببطء وهي توشك تفتح الباب لكن وقفت من سمعت صـوت ابوها : ترى " لين " حنونة وقلبها طيب شفيك عليها ؟ نوريه بلعثمه ؛ ايييه بس ودي نتطمن عليها ببيت زوجها لين بتنهيدة رجعت لسريرها معتبره الزواج لعبة فترة سوالف وهدايا وضحك فقط ، ماعندها اي مسؤولية وهالسبب اللي جنن نوريه منها لانها ماتعرف لا الطبخ ولا التنظيف فقط الميك اب والراحة التامه والماسكات والاكلات السريعه . تثبتت عيونها على الساعه تقترب من منتصف الليل . - ———- - فـ حوش ابو خالد ... - كانت بريهان تستلقي على الزوليه الحمراء وراسها بحضن ابوها وعيونها على القمر : شايف شلون كامل يبه؟ ابو خالد ماكان حولها ابد وتفكيره ينصب عند عزام اللي كلمه بعد صلاة المغرب ووضح له يفكرون للوقت اللي يبونه ومايستعجلون نادر رجل بمعنى الكلمة لكن مايعرف اذا بريهان بتوافق او بتفهم الموضوع بشكل ثاني وانه مايبيها معه ! بريهان جلست بهدوء : يبه ابو خالد ؛ لبيه بريهان ؛ صار شيء ؟ خالد فيه شيء ؟ ابو خالد : لا لا بس فيه موضوع مشغلني تعرفني علوم الجماعة واجد بريهان تنهدت : الله يعينك . - '~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٦٢ / عند ذيب .. - للمرة العاشرة يتصـل بـ زامل لكن مايرد يجهل انه نايم وتارك روان برا الغرفة وتارك ذيب بوسط دوامة الزواج المفاجئ - —- - فـ بيت ام عقاب .. - انتهت من صلاة الوتر وجلست اروى عندها : تقبل الله ام عقاب ابتسمت : منا ومنكم اروى شتت نظراتها للحظة : جده ام عقاب : قولي اللي عندك قوليه وريحي نفسك مو معقولة جايه معي وبتنامين عندي بدون سبب اروى بذهول : علامك ياجده والله احبك ودائم انام هنا ام عقاب ضحكت : ادري تحبيني بس اليوم في فمك كلامك انطقيه وارتاحي اروى بتردد ؛ بطلبك شيء ام عقاب : عيوني لك يابنت عزام اروى : دقي على زامل يرجع ام عقاب بذهول : هااو ؟ ادق عليه والساحرة عنده اروى بترجي : ياجدتي لاتخلينها تستفرد فيه بتدمره ام عقاب : مافي حل خذت الولد وراحت اروى بمحاولة لتليين قلب جدتها : كسر خاطري لا ام تنصحه ولا ابو يرشده ام عقاب تنهدت : زين بكلمه بكلمه اروى ابتسـمت بسعادة : متى ام عقاب : الصبح اروى : احلفي عليه يجيء ام عقاب : واذا ردني! اروى ؛ اذا ردك بنتأكد انها ساحرته لكن اذا جاء يعني الحمدلله ولدك باقي فيه رجاء ام عقاب ضحكت بحماس مع حماس اروى : اي والله صادقة اروى ابتسـمت والسعادة تغمر قلبها ماتفكر غير بشيء واحد تشكك روان بنفسها وتبعدها عن زامل . - ——— - فـ جده .. - انتهت من التنظيف وجلست على الملفات وفعلاً انذهلت من كمية التصحيحات اللي كاتبها زامل لكن لقلة معرفتها بهالشيء استغلها عمار بكل وحشيه واستولى على نصف ارباحها بدون ماتدري استلقت على الكنب وهي تفتح جوالها على افلام وتدور لفلم تتابعه خصوصاً ان زامل نايم وتقفل الباب . - '~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٦٣ / يوم جـديد .. - فالشركة تحديداً .. عدلت نقابها بمجرد دخول عمار : صباح الخير روان ارتفعت عيونها له كان وجهه متورم وفيه خدوش ، نبهها زامل قبل تنزل من السيارة وقال لها جملة بس " لا توضحين له شيء " اخذت نفس وهي تلفظ : هلا عمار عمار جلس وحاجبه ارتفع : اقدر اعرف اللي وصلك اليوم وش يقرب لك ؟ روان مررت لسانها على شفتها : زوجي توسـعت محاجرة بذهـول ليرمش بدهشه وصدمة اكبر عند نطقها : عمار ترى بيجيء يشتغل معي هنا وبيكون المسؤول عن الاقسام يعني الملفات عنده وكذا وانت بتصير مسؤول عن قسم الموظفين عمار ارتفع حاجبه : روان ! متى تزوجتي؟ ليش ماعندنا خبر ؟ روان بربكة بسبب وقوفه واقترابه : كل شيء صار بسرعه عمار ارتفعت عيونه للسقف وهو يتحرك فالمكتب بجنون : وبيمسك الشركة؟ روان بهدوء : اللي في جده بس عمار هز راسه بالنفي : على كذا كأنك تقولين روح يا عمار انا مستغنية عنك روان : انا ماقلت هالشيء ولا ابي اقطع رزق احد عمار : الارزاق بيد الله وانا اشتغل هنا عشانك انتِ مو عشان الراتب لان الفلوس كثيرة مو بحاجة زيادة روان انذهلت من غضبه الواضح واحمرار ملامحه سرعان ماضحك بسخرية : لا يكون يغار ؟ مايبيني حولك؟ روان بكذب : ايـه عشان كذا ضروري اغير قسمك عمار هز راسه بالايجاب وهو يقترب من المكتب : اعتبريني قدمت استقالتي من هاللحظة صّد وخرج لتجلس بذهـول كيف خرج بهالبساطة؟ بدت تشك في زامل انه افتعل الموقف لجل يبعد عمار ! لكن مو مرتاحة لـ عمار ايضاً . - —— - خرج عمار من الشركة وبمجرد ركوبه لسيارته اتصـل بـ والده : يبه روان تزوجت والشركة صارت بيد زوجها ابو عمـار بدهشـه : تزوجت ؟ ماتقول بتخطبها! عمار بقهر : مدري كيف صار كذا ابو عمار ابتسم : روح للبيت وريح اعصابك وارجع لها بيوم ثاني مو لازم تربح كل شيء يا أبوي مره وحدة انتظر وصدقني انت الكسبان  عمار بأستغراب : والشركة؟ ابو عمار بخبث: بنجيبها بنجيبها - '~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٦٤ / فـ حايل .. - نزل الدرج والنوم يتمكن منه لكن صوت والدته اجبره ينزل : هلا يمه ام ذيب ابتسمت وعيونها على ملامحه اللي انقلبت : وش ذا؟ ام ذيب : الهدايا والشبكة ذيب قرب يتأمل الشكل كانت مرتبه وبشكل انيق ووالدته تحب الاناقة والالوان الزاهية : حلوة يعطيك العافية ام ذيب اشرت على الدبلة : حطيت فيها حرفك وحرفها ذيب مرر لسانه على شفته : وش اسمها؟ ام ذيب ؛ لين بالله عليك مو حلو لين وذيب! ذيب هز راسه بالنفي : عكس بعض يمه ام ذيب ضحكت : مايقدر على الذيب إلا اللين ذيب جلس بخمول وهو يشيل العطر ويتأمله ويرجع يفتح الهدايا : بكم ؟ ام ذيب ؛ وانت شكو ؟ هديه مني ذيب : يمه كان انا جبتها ام ذيب تنهدت : متى تجيبها ؟ الموعد عند الناس صلاة المغرب وانت رافض تصحى فـ قلت انجز لك الشغلات ذي وانت بعدين جيب لها هدايا على ذوقك ذيب ارتفعت عيونه لها : اي هدايا؟ فيه غيرها ام ذيب ابتسمت : انت لو تترك هالخمول والكسل وتتحمس شوي للموضوع ذيب تنهد وهو يناظرها بجدية : ماكنت مفكر نهائياً اتزوج وفجاءة بيوم وليلة تجيبين هالبنت طبيعي مارح اتحمس لاني مو مفكر حتى بالموضوع ام ذيب بتمثيل نزلت راسها : يعني ترد امك؟ ماودكّ نفرح ! ماودكّ نستانس بولدنا الوحيد ؟ ذيب تجمدت ملامحه : يمه ام ذيب وقفت وهي تتجه للمطبخ : جمع الاغراض واذلف فوق كمل نومك ما يهمك لا فرحة امك ولا فرحة ابوك ياحسرتي عليك يالعنود ولدك ماودهّ يفرحك ذيب اتجه لها وهو يقبل جبينها : افا يمه اكيد ودي تفرحون وحتى انا مبسوط شوفيني موافق ومارفضت لك طلب ابتسمت ام ذيب بنشوة انتصار : يعني موافق من قلبك؟ ذيب ضحك : ايه وافقت - '~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٦٥ فـ بيت ابو لين .. - نزلت الدرج وتثبتت عيونها على نوريه اللي تأكل ولدها الصغير : وين ابوي؟ نوريه ؛ قولي صباح الخير لين تنهدت وهي تجلس وتفتح جوالها : بيجون الناس اليوم؟ نوريه : ايه تجهزي عدل لين ؛ وريتان بتجي ؟ " اختها " نوريه : لا زوجها عنده شغل ولا يقدرون يجون من الشرقية الى هنا لين جمعت شفايفها وهي تلعب بشعرها : سند جيب الريموت سند " اخوها الصغير " وقف وهو يجيب الريموت نوريه بقهر : ماتشوفينه ياكل ؟ لين ؛ مابيموت تطمني نوريه تأففت وابتعدت خارج الصالة بأجتناب للنقاش لين وقفت وهي تطلع وراها : اقول نوريه ابي اكل نوريه ناظرتها : سوي لنفسك لين : ما اعرف نوريه ؛ ومتى بتعرفين إن شاء الله ؟ لين تنهدت وعيونها بعيون نوريه : اقول جوعانه نوريه بيأس وبعد لحظة من الصمت ؛ زين روحي عند سند وانا بجهز الاكل ابتسمت لين بكبر وهي تطلع لـ سند . - ———— - فـ جـدة .. - رجع للشقه وفتح جواله اخيراً ليذهل بمكالمات من ذيب و " جدته ام عقاب " اتصل بـ ذيب وسرعان ماوصله الرد : وينك ياكلب! زامل ابتسم : الحمدلله كيفك انت ؟ ذيب بقهر : مو وقت طقطقتك زامل : شفيك؟ ذيب : احجز بسرعه وتعال قبل يوم الخميس زامل بهدوء وترقب : ليه؟ ذيب ابتسم : اليوم ملكتي والخميس العرس زامل توسـعت محاجره : عرس!! هييييه انت ! دقيقه دقيقه اي عرس واي ملكة ذيب ارتفعت ضحكته : والله مدري امي جهزت كل شيء بتعاون مع الوالد القائد زامل : وش بتسوي؟ ذيب : وش اسوي بتزوج مو مشكلة ترى شيء حلو زامل ضحك : دامه كذا بحجز واجيك طيران ذيب : ترى زواج خفيف عائلي لكن ابيك معي زامل بتفكير : وحرمتي اجيبها ؟ ذيب : اكيد ، اجل وين تبي تخليها؟ زامل : زين زين ذيب ؛ يلا بقفل كنت ابيك امس اتحلطم فوق راسك بس اللحين طاح الفاس بالراس واقتنعت زامل ضحك ؛ والله خالتي العنود اذا صارت تبي شيء بتقنعك غصب ذيب ابتسم لطاري امه : ايه والله صادق - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇