كم عيون مالقت عندي حصيل وانت تاخذني على وقفة نظر - الفصل 13 | روايتك

عالم القصص والروايات 📚: ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ مررت استغفر " ١٠ مرات " - p / ٥٦ / مرتّ ٣ أيام بدون أحداث تُذكر بشكل روتيني تقليدي بأستثناء علاقة روان وزامل اللي كلها برود وتهرب من الطرفين - اليوم الجمعـة .. - خرج من المسجد بعد صلاة الجمعة وتوقف عند المحطة لتعبئة البنزين رن هاتفه برسالة " جيب معك خافض حرارة ومُسكن صداع " ميل شفتـه من الفجر ووضعها مو طبيعي . - فـ العمارة " شقة زامل وروان " - مُتدثرة بوسط السرير وملامحـها تشع بالحمرة من ارتفاع الحرارة اخذت مناديل ومسحت دموعها اللي تنزل بدون شعور وهي تجلس وتمسح انفها ايضاً سعلت مره ومرتيـن لتشعر بوجودة معها : زامل! تقدم من وراها وهو يوقف مقابلها : وش صار ؟ جلس ومد لها الادوية والموية : افطرتي؟ روان هزت راسها بالنفي وهي تهمس: عيوني كل شوي تدمع زامل مسح وجهها وكفوفه الباردة سببت لها رعشه لتندفع بين الوسائد : ايدك باردة وقف وخرج ليتركها للحظات ويعود : لا تأكلين الحبوب انتظري غمضـت عيونها وهي تتنفس بصـوت واضح حمدت ربها ان اليوم جمعة واجازة او بيكون تعبت فالشركة نظراً لعدم رغبتها فالتغيب - دخل للمطبخ وهو يفتح الادراج ويدور وين حطت الشوربه كل شيء مرتب ومايبي يحوس عليها طلعها وهو يحط فالخلاط مويه وبصل وطماطم وفلفل واخيراً الشوربة خلطها وحطها بالقدر تطبخ وضبط الملح والبهارات وطلع يتأكيد من وضع روان دخل بهدوء وهو يشوفها مغمضه عيونها : نمتي! فتحت عيونها ورفعت يدها فوق ؛ لا تقدم لها وهو يهمس : اعطيني يدك روان : مافيني اقوم قرب وهو يبعد المفرش : شوي بس غسلي وجهك وقفت واستندت عليه وهي تحس برجفه بجسمها تحركت معه للمغسلة غسلت وجهها والمويـه تسري بوجهها زي الكهرباء من الألم ، طلعها للصالة وجلست بتعب : الجو شكله أثر عليك رفعت عيونها له بذبول ؛ وانت؟ ابتسم : وانا؟ قصدك ليش مامرضت ابتسمت بتعب ليضحك ويردف بطقطقه ؛ ادري ودك اني طايح جنبك لكن الشكوى لله نيتك شينه حولي وعلى نياتكم ترزقون . ضحكت بالرغم من الخدر اللي صـايبها والحرارة اللي تسكن جوفها . - . - #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - ٥٧ / جلس مقابلها وكفوفه على ركبها : من متى تعبانة؟ رفعت يدها بخمول وهي تثبتها على راسه واصابعها بين خصلات شعره وتحركها بخمول تنهد وهو يوقف وينزل ايدها : لا تنامين ابتعد للمطبخ ورجع بعد لحظة وهو يحط الشوربة قدامها : سمي بالله مسكت الملعقة وهي تحركها بخفه فالصحن وسرعان مانزلتها بدون ماتشرب بمجرد مادخل للغرفة يجيب دواها جلس جنبها وهو يهمس : دواك مسكت الأدوية بخمول لكن تثبتت عيونها عليه وهو يرفع الملعقه مقابلها : يلا افتحي فتحت فمها لتنتزع الملعقه منه : خلاص زامل هز راسـه بعدم رضا وهو يفتح الملفات اللي مقابله ويتأملها بصمـت كلها للشركات والتمويل الخاص بـ روان تثبتت عيونه عليها من شافها تحط راسها على فخذه وتغطي وجهها بيدها تسلل لقلبها الندم من حست بيده اليمين على بطنها في وقت يفتح الملفات بالثانيه غفـت بعد وقت بدون شعـور بـ زامل اللي منصـدم من الارقام المسجلة وكيفية التلاعب بـ الحسابات استغرب كيف ما استوعبت روان هالشيء؟ مع انها تاخذ الملفات معها يومياً وكل شيء عليه توقيعها طلع جواله وفتح يحسب الارقام من البداية ويمسح ويكتب من جديد فالملفات وكل تفكيره ان عمار يتلاعـب وفقط! - ——— - فـ حائل .. - اروى رتبت الغداء واجتمعوا على السفـرة جدتها وابوها وامها اما نادر فـ عنده غداء مع الشباب جذب انتباهها كلام ام عقاب : نادر يبي يخطب عزام : اللحين؟ الوقت مو مناسب ام عقاب : يبي بس تكلم ابو البنت لجّل ماتروح لغيره عزام : ومن البنت؟ ام عقاب : بريهان بنت سالم عزام : ابو خالد ! ماغيره ام عقاب : ايه عزام : والله شور زين ويبشر بكلمه ام عقاب ابتسمت برضا : لا تنسى اروى التفتت لـ امها ؛ بيتزوج نادر ! ام اروى ابتسمت ؛ عمك عريس يابنت ابتسمت اروى وعيونها على جدتها اللي مبتسمه. - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٥٨ / صحت على صـوت زامل : روان روان بمجرد ماتعدلت جلستها لفظ : انا طالع قفلي الباب ولاتنسين ادويتك تجمدت ملامحها وهي تشوفه يدخل سلاحه بشنطه سوداء ووجهه متـورم وكله احمر فزت واقفـه وهي تهمس: وين ؟!! لااا ناظرها بهدوء ورجع يوقف مقابلها : ساعتين وراجع هزت راسها بالنفي : لا تذكر خوفها بـ اول يوم لهم بـ جدة ليتبادر لذهنه خطه صغيرة ؛ ابشري تعالي نجلس جلست معه واعطاها ادويتها مرت عشر دقائق وعيونها تقفل من النوم عضت شفتها بقوة وجسمها يضعف تماماً حست بكفوفه تحاوطها وراسها على صدره : نامي لحّد ما ارجع كان اخر شيء سمعتـه منه .. نزلها بالغرفة وخرج بسرعه وهو يقراء رسائل عمار اللي يتهدده ويتوعد فيـه مسح الدم اللي ينزف من شفتـه وهو يضحك : جايك لا تستعجل على روحك بمجرد توقفه عند باب العمارة توقف للحظات بتفكير ولأول مره يفكر من اربع ساعات كان الجنون راكبـه هز راسـه بالنفي : بدون سلاح يازامل كفاية اللي صار مو كل مره تسلم الجره تحرك خطوة للأمام ليعود للخلف بخطوة اخرى تنهد ورجع لداخل العمارة وتفكيرة ينحصر في نقطة واحدة " عدم رغبته بالعودة للسجن " صعد الدرج بهدوء وهو يسبّ عمار اللي جننه - قبل ساعات بمجرد اكتشافه لـ عمليات الاختلاس اللي كان عمار مسؤول عنها خرج من الشقـة للشركة وهناك بدأت المشادات الكلاميه بينه وبين عمار لتنتهي بـ لكمه على وجه زامل ومجموعة لكمات وخدوش وكسر باليد لـ عمار تدخل رجال الامن للفك بينهم وعند تدخلهم نطق عمار : اذا فيك خير تعال عند " ... " حدده له المكان ليلفظ زامل : صدقني لو بجي فـ عشان اكمل الخرائط اللي بوجهك - اخذ نفس عميق وهو يعتبر نفسه اخذ شوي من حق روان يتمنى لو تتكلم عن نفسها وتوضح له اذا كان لها يد بـ اللي صار لـ الجماعة وعمه رعد او امهـا بس لانه مع الأسف على قد مايحاول يبعد يصير يميل اكثر وممكن يميل حنيه على حالها يكره يشوف شخص وحيد ماله سند ولا قوة هو رجل ويتعب من قوة الوحدة فـ كيف بيصير بـ البنت ! - '~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٥٩ بعد سـاعتين .. كانت واقفه عند باب الغرفة وعيونها عليه فاتح الملفات ويحسب ويكتب تقدمت ووقفت عنده : كنت هنا؟ رفع عيونه لها : تمام اللحين؟ روان اخذت نفس وهي تحس انها احسن ومرتاحه على الأخير : ايه الحمدلله ؛ اجلسي بنتكلم جلست مقابله ووقف هو بشكل مباشر ؛ بسألك وتجاوبين بصراحه لان مالي خلق لف ودوران اللي ماودكّ تجاوبينه قولي مابجاوب اهم شيء الكذب لا روان ارتفع حاجبها : زامل ! لاتصدق موضوع هالزواج زامل ابتسم بسخرية : العصمة بيدي وهالزواج مارح ينتهي الا اذا قررت انا فـ من الأحسن نوضح لبعض لجّل مانعيش بهالنفور فاهمه ؟ روان بهدوء اسندت ظهرها على الاريكة : ايه وش تبي؟ زامل : سويتي سحر من قبل ؟ روان ؛ لا زامل تأمل وجهها للحظة اخذ نفس ولفظ : لك مشـاعر تجاه عمار ؟ تجمدت ملامحها بذهول : لا يكون تشك فيني؟ بلا وقاحة زامل رفع كفوفه لفوق ؛ وضحي لي روان بتأفف : لا ، لا انت ولا هو زامل ابتسم : يكون احسن صّدت عنه وعيونها تضيع فالفراغ : تبين عيال؟ ارتفعت عيونها له بدهشـه ؛ هيـه!! زامل وملامحه كلها جديه : انا أسأل هزت راسها بالنفي زامل تنهد بأرتياح : تمام عشان مانظلم بعض رمشت ببطء وهي تتجنب تناظره زامل جمع كفوفه : اكتشفت شيء ومع الاسف مو كويس لك روان : وشو ! زامل : في تللعب بالحسابات فالشركة وبس في فرع جده اما الفروع الباقيه فـ كل شيء تمام ! تدرين او لا ؟ روان بصدمة تثبتت عيونها بعيونه كمل بهمس : عمار يلعب من وراك روان ؛ وش يثبت كلامك ؟ زامل ؛ الاوراق مررت لسانها على شفتها ببطء تحت انظار زامل: ما اعرف للحسابات عشان كذا ممكن كلامك صح وممكن خطأ ونابع من الغيرة زامل ارتفع حاجبه : اغار عليك يعني؟ روان ابتسمت وميلت راسـها ؛ يمكن! زامل ضحك ؛ يمكن! وقف وتجاوزها وهو يتجه للمطبخ : ترى المواعين عليك بسرعه خلصي شغلتك ونظفي ارتفع حاجبها : لا ياشيخ؟ زامل ؛ انا طبخت روان بحدة ؛ ما احد طلبك تطبخ زامل ؛ احل تموتين من الجوع؟ روان بعناد : نظف حوستك - '~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ( وصلــنا للبارت رقـم 60) 💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٦٠ زامل : مو احسن لك العناد ! ترى بتصير علوم وعلوم روان ابتسمت بكبرياء : ماهو صاير شيء زامل ضحك : زين زين دخل للغرفه وقفل الباب فزت واقفه وهي تتجه للباب : زامل زامل رد بعد لحظات : بنام روان : وانا ؟ زامل وين انام ! ارتفعت ضحكته : نظفي وادخلك روان بهمس تحاول تلين راسه : انا تعبانه عضت شفتها بغضب واتجهت للمطبخ تنظفه - فـ الداخل استلقى على السرير بهـدوء وهو يأخذ نفس عميق ويدعي من كل قلبـه يدعي بكل إيمان بالإجابة ان روان ماكذبت ويدعي يكمل بوظيفته بشكل كويس مايبي يكون كالعادة يوصـل للنص ويوقف لانه تعب من كثرة البحث وكل مكان يقدم فيـه يستغربون ليش ترك المكان اللي قبل صارت سيرته الذاتيه عبارة عن " مهمل ". - ————- - فـ بيت ابو ذيب .. انعقد حاجب ذيب بذهول : يبـه ! ابو ذيب : العلم وصلك خطبت البنت من ابوها وبكرة موعدنا معهم ذيب هز راسه بالنفي : بس مايصير بهالسرعة ابو ذيب : الرجال خايف على بنته من بعده كان عنده بنت قبلها وتزوجت من قبيله ثانيه واللحين ماعنده الا هالصغيرة ذيب التفت لـ امه : يمه صادق ابوي؟ ام ذيب بهدوء وملامحها كلها جدية : ايه يمه ذيب رمش بذهـول : طيب وش اسوي؟ ماجهزنا شيء ام ذيب بتوتر : كل شيء جاهز جهزته انا وابوك حتى جناحك اللي فوق فرشناه ورتبناه ذيب ارتفع حاجبه : اي جناح اللحين ؟ نخلص الخطبة ثم يصير خير ابو ذيب : الزواج بعد اسبوع ذيب وقف بذهـول وضحك من قوة الصدمة : لا عاد ! ام ذيب : ابو البنت مختار هالشيء وحاطه شرط ذيب وعيونه تنتقل بين ملامحهم كانوا فعلاً جادين ! نطق بهدوء وبعدم قدرة على معارضتهم : اللي تشوفونه - '~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇