كم عيون مالقت عندي حصيل وانت تاخذني على وقفة نظر - الفصل 12 | روايتك

عالم القصص والروايات 📚: ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ مررت استغفر " ١٠ مرات " - ٥١ رد نهار بعد لحظة : هلا يمه ام نهار تطمن لصوته : شلونك؟ نهار وهو يخرج من مكتبه : تمام ، ودكّ بشيء؟ ام نهار : لا لا بس اتطمن ، بتجيء للعشاء؟ نهار نظر للساعه : لا صارت ١٢ تعشي بالعافيه ام نهار : زين مع السلامة اغلقت لتتصل بـ راكان مره ومرتين ولايوجد رد رفعت كفها لقلبها : شفيه ؟ لايكون صار شيء؟ كانت بتتصل للمرة الثالثة لكن اتصل هو : هلا راكان راكان وهو يقف مع ابو خالد وعمه عزام ابتعد عنهم : هلا ام نهار ؛ خفت عليك ليش ماترد راكان مسح دموعـه اللي تحرقـه : كنت نايم دوامي صباحي ام نهار بأسف ؛ يابعد عمري اعذرني ونام نام جعله نوم العافيه راكان : يعافيك اغلق الخـط وهو عاجز يصّد او يعاملها بقسوة لانها امــه ماقدر يوضح لها انه عرف بالسحر ماقدر ابداً يوضـح لها شيء . —- ———— —- يـوم جـديد .. الثانية ظهـراً .... عادت روان للشقـة لترى زامل مازال يجلس وامامه اوراق كثيرة يرتب ويكتب من الصباح : مساء الخير رفع عيونه لها : جيتي؟ روان هزت راسها بالإيجاب : السواق جابني تنهد وهو يلفظ : ما انتبهت للوقت او بكون جيت روان صمتتّ وهي تتجاوزه للغرفة نطق وهو يمد جواله : سجلي رقمك روان ناظرته وهي تمد يدها وتاخذ جواله : وش اكتب عند الاسم؟ رفع عيونه وناظرها بأستغراب ملامحها رحبه وتوضـح انها مروقه على الأخير ابتسم بتعجب : اكتبي اللي ودكّ سجلت رقمها ومدتّ الجوال له : سمّ اخذه وهو يفتش بالأسماء بفضول ابتسـم ليغرق بضحكـاته في وقت اتجهت للغرفة وهي تبتسم ؛ "مصيبتي❤️" - '~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - ٥٢ / جلست جنبه بعد مالبست بجامه خفيفه ناعمه رفعت شعرها لتجذب انظاره فوراً ؛ روان بسألك روان ناظرته بهدوء؛ هلا زامل تنهد وهو يحاول يدور له مخرج ؛ لا لا خلاص روان بأستغراب صّدت وهي تفتح جوالها وتبتسم من رسائل ليلى ارتفع حاجبه بمجرد ما ارتفعت ضحكتها : انا اشتغل قصري صوتك ابتسمت وهي ترد على ليلى بدون انتباه لكلامه تجمدت ملامحها من قرت رسالة ليلى " شفت زوجك امس ياخذ العقل " قفلت جوالها وهي تتأفف وناظرته : فكرت بكلامي! زامل ؛ اي كلام روان ؛ الشركة زامل : رديت عليك وكلامي كان واضح روان صمتت من حست بنبرته تميل للحدة وقف وهو يبتعد للغرفة ليعود بـ اوراق : جهزي اكل ترى ميت جوع روان رفعت عيونها لباب المطبخ بتفكير في شيء سريع ؛ وش تبي؟ زامل : اي شيء وقفت وهي تدخل المطبخ كان معبيه اغراض لكن بالاكياس تنهدت وهي ناوية ترتبها وتنتبه شوي للشقه لان كل شيء متراكم ومافي ترتيب حياة " عزابيـه " . انتبهت لصوت جوالها لتخرج وهي تأخذه وتشوف اسم ليلى : هلا ليلى ليلى بحزن : ياروحي ياروان وربي توّ ادري انهم هدموا البيت روان تجمدت ملامحها ؛ هدموه ! زامل ارتفعت عيونه لها ليلى ؛ ابو خالد راح مع شيوخ اليوم وعمال بناء وهدموه والمصيبة انهم لقيوا من اللي كانت امك تسوي روان تلونت ملامحها بالحمرة لترتفع بلورات ملحية شفافه لعينيها : كثير ؟ ليلى : ايه واللي متأكدين منه زوجة الشيخ رعد كانت طالبه منها لجّل يبقى زوجها معها ويتعلق فيها توسعت محاجر روان بذهـول وهي تتذكر بعض الأحداث لتهمس وهي تتجه للغرفه : ومن بعد ؟ ليلى : مدري بس هي اللي وصل خبرها وكل حريم الديرة يهرجون فيها روان مررت لسانها على شفتها ببطء : زين بقفل اللحين ليلى انتبهت لنبرتها المُتحشرجة : لا تزعلين ربي بيعوضك مالك ذنب بشيء روان صمتت لتغلق الخط بهدوء ام نهار فعلاً جات وتقفلت مع امها لـ ساعات لكن ماتوقعت ان زوجة الشيخ تطلب سحر ! التفتت للباب ووقفت بذهول وهي تشوف زامل واقف بميلان : يصير نتكلم؟ روان هزت راسها بالنفي وهي فاهمه انه اكيد بيوضح لها شيء بخصوص البيت زامل ؛ كلمتين ماتضّر روان ببحه وهي تحاول تضبط صوتها وماتبكي : مو اللحين - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - ٥٣ / زامل صمتّ وهو يشوفها تتجاوزه وتتجه للمطبخ بدت ترتب وتطبخ وتشغل نفسها بأي شيء تطلع فيه تفكيرها انقهرت ان البيت أنهد بدون مايبلغها احد انقهرت ان سمعتها بكل مره تتلطخ بالوحل أكثر ومتأكدة ان الكلام مابيكون لـ امها كثر ماهو لها لان امها ماتت وانتهت لكن هي باقي قدامـها الحياة . - زامل لاحظ تهربها منه ودموعها اللي كل شوي تمسحها بقهر وقوة تحرك للمطبخ ووقف يحرك المكرونة اللي حطتها على الفرن وصارت مويتها تغلي : ماشاء الله شكلها لذيذه ماردتّ وهي جالسة بالأرض وترتب بالأدراج السُفلية كانت مو حوله ابد وواضح انها تفكر بعيد زامل استند على درج المطبخ : وش قالت لك اللي تنادينها ليلى ؟ روان همست : هدموا البيت زامل تثبتت عيونه عليها ليلفظ ؛ لو بوضع غير هالوضع كان منعتهم لكن مو بيدي ولا بيدك روان رفعت عيونها له : قصدك لو زوجتك غيري كان وقفت معها وضّد الجماعة! زامل ميل شفته وكلامها صحيح : بكون وقفت معك حتى ، لكن البيت اذا انهد انقذ ارواح وانتِ فاهمه قصدي! روان تثبتت عيونها بعيونه للحظة ليلفظ ؛ لا تناظريني كذا بذمتك كلامي صح او خطأ ؟ شغل ايديكم زي مافكرتي انتِ وامك تحرقون ارواح ناس ابرياء جربي تنحرق روحك على بيت وجدران صمتّ وهو يتنفس بضيق وعيونها مثبته عليـه بجـمود همست ببطء وهي توقف ؛ ماحرقت روح احد تحركت للخارج لتسمع لفظه ؛ دقيقه وقفت والتفتت عليه ؛ وش باقي مارميت من سهومك ؟ كمل كمل زامل ارتفعت سبابته ونبرته تحتد : والله والله والله شوفيني حلفت لو عرفت انك مكملة بهالخرابة وانتِ على ذمتي لا اخليك تعيشين بحياة اضيق من الإبرة وادفنك وانتِ حيه ، فهمتي؟ روان توسعـت محاجرها بذهول . - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ مررت استغفر " ١٠ مرات " - p / ٥٤ لا اخليك تعيشين بحياة اضيق من الإبرة وادفنك وانتِ حيه ، فهمتي؟ روان توسعـت محاجرها بذهول وهي تجمع قوتها للرد والسبّ والشتم لكن قاطع قوتها المزعومة صوت تلاوته للأية الكريمة ؛ ﴿ وَلَا يُفْلِحُ السَّاحِرُ حَيْثُ أَتَى ﴾ تجاوزها ليخرج من المطبخ ويأخذ مفاتيحه ويخرج من الشقه ليتركـها بوسط كلماته الضيقة الحادة ومازالت تظلم الحياة عليها وتقسو على قلبها الذي بحجم الكف. تأكدت انه مارح يتقبلها او يحاول يعيش معها ونفوره منها واضح ولو حتى مثل ان الوضع عادي . - ——- - ركب السيارة واغلق الباب بضيق وخطة ذيب انه يعاملها بحُب زائف ماقدر يخوضها يكره ان احد يخدعه وعشان كذا وضح لها من البداية مايبي ابداً يوصـل شيء عن زوجتـه او تأذي احد وهي على ذمتـه لو فعلاً اقترفت شيء بسيط بينفذ حلوفه ويدفنها حيـه بدون ندم او حزن . - —————— - حائل ... فـ بيت ابو خالد... - جلست على الاريكة الناعمة وهي تبرد أظافرها وتتأكد من لون المناكير اذا مناسب او تختار لون ثاني ، تنهدت وهي تتذكر الظرف والرسالة والكلام والحرف كل شيء يسبب لها ضيـاع اكثر من قبل عضت شفتها بخفه خوف من نهار لو كان هو ورغبة بـ المنقذ المجهول مشاعرها وشعـورها مندفعين لـ شخص مجهول وعقلها خائف من نهار ولو يرجع فجاءة ؟ والظرف فقط تمهيد ! - ————— - بعد صلاة المغرب ... - انتهى ليجلس ابو اروى ويشغل الـ tv ينتظر نشرة الاخبار ام اروى نزلت القهوة مقابله وجلست : تبداء سبعه مو اللحين عزام ؛ عشان ماتفوتنا وديّ اتأكد من وجهه لايكون كان فيه شيء وانفك من اللي فكوها ليلة امس الشيوخ ام اروى ؛ تقصد سحر ؟ عزام تنهد : لقينا واجد ولقينا عند باب المقبرة القريب من بيتها ماتخاف الله ماتخافه ام اروى بخوف : الله يجيرنا اعوذ بالله من الشيطان واعوانـه . - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 "روايــة : كم عيون مالقت عندي حصيل "💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٥٥ / فـ جـده ... - رحع للشقـه ودخل يبدل بسرعـه ليتجه للباب ويخرج بدون اي كلام مع روان اللي مستلقية على الاريكة بنعاس . بمجرد خروجه عدلت الخدادية تحت راسـها وغمضت عيونها لتغط بنـومها . - —- - حرك سيارته متجـه لمكان عمله توقف عند الإشارة ليخرج هاتفه يتسلى قليلاً لكن ! مو موجود ؟ اكيد نساه ! عض شفتـه وهو يشوف الطريـق زحمة ولو اخذ للطريق الثاني ورجع بيضيع عليه الوقت تنهد وهو يتحرك للطريق الفرعي ويرجع للشقه - بعد عشر دقائق .. - دخل للعمارة وصعد للطابق الثاني توقف بذهول وهو يشوف باب الشقـة مفتوح!! ويستوعب انه ماقفله اصلاً وراه بحكم انها جالسة وبتقفله! دخل بهدوء وتثبتت عيونه عليها غرقـانه بنومـها ، اتجه للغرفة اخذ جواله والمفرش وخرج غطاها بهدوء واغلق الإضاءة واخذ المفاتيح وهو يطلع ويقفل الباب . - ———— - فـ الاستديو .. - انتهت مروى من تعديل الميك اب وجلست تناظر زامل اللي دخل بأستعجال وهو يلقي السلام ويتجه لزاوية الاستديو يلبس المايك والسماعات ويأخذ نفس يهدي حاله قبل تبداء النشرة طرت في باله للحظة روان وافكارة تتمحور لـ كيفية إيجاد طريقة لـ وضع حّد لخلافاتهم ومشاكلهم والأهم يبي يتأكد من حياتها السابقة وكيف كانت عايشة ومرتاحة بوقت كثير ناس يتوجعون ! لا وجهها ولا ملامحها ولا نظراتها تدل ان وراها كوارث ودمار انقهر من نفسـه اللي بدت تضـيع في تأملها . رجع لواقعه على صوت مروى : تفضل رفع عيونه لها وانتبه لكوب القهوة اخذه بهدوء ونزله على الطاولة مروى : باقي رُبع ساعه بس على النشرة وشكل مزاجك معكر زامل : لا كل شيء تمام ، مشكورة ابتسمت وهي تجلس قريبه منه وتشرب من قهوتها . - '~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇