كم عيون مالقت عندي حصيل وانت تاخذني على وقفة نظر - الفصل 8 | روايتك

عالم القصص والروايات 📚: ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' ' مررت استغفر " ١٠ مرات " - p ٣١ / توقف عند محطة الوقود ونزل للبقالة فتحت عيـونها بمجرد إحساسها بتوقف السيارة عدلت جلستها وفتحت جوالها تشوف الساعة باقي عشر دقائق وتصير الساعة العاشرة صباحاً ميلت شفتها والجوع تمكن منها مررت لسانها على شفتها بتوتر وهي تشعر بـ المسؤول عن تعبئة البنزين يقترب من نافذتها وعيونه تتأملها بوقاحة بالرغم من انها مو واضح منها الا عيونها شتت نظراتها بخوف وهي تمد كفها تتأكد اذا الباب مقفل او لا تثبتت عيونها عليه وهي تشوفه يخرج من البقالة رفع كفه اليمين ونزل النظارات لطرف أنفه ليلفظ ؛ ابو الشباب ! وش عندك؟ ابتعد عن نافذتها الشخص المقصود وهو يلفظ؛ الحساب ركب زامل وحط الأغراض بحضنها ؛ تعال عند شباكي اتجه له العامل ليخرج حسابه ويعطيه : يلا توكل وعيونك انتبه لها لا افقعها لك روان ابتسمـت من تحت نقابها وعيونها على الاغراض مويه وعصير وفطائر بالجبن حرك السيارة ببطء وهو ينطق : تبين شيء من البقالة؟ لفظت ومازال في صـوتها نوم : لا زاد من سـرعته وهو يخرج يده من الشباك ويدندن . - كانت متجمدة لم تتحرك او تخرج ماء او عصير او حتى تلفظ بكلمة رحمها زامل ولفظ : طلعي لي عصير اخرجت علبه ومدتها لـه ليلاحظ فوراً احمرار اصابعها من شدة ضغطها عليها : نزلي نقابك وافطري ،الطريق فاضي - تشعر بسوء الموقف وصعوبته مع ان زامل ماجرحها بشيء او حتى تعمد يدقها بالكلام هادئ واذا تكلم " يدندن ويغني " فقط نطق ليجذب انتباهها : تعرفين احد بجدة ؟ كان يتمنى تقول " لا " لانه كاره وبشدة يقابل احد ومو متأكد اذا هي ماحولها شيء من حركات امها او بتجتمع عليه المصايب نطقت بتمتمه ؛ لا ، بس عندي الشركة هناك زامل هز راسـه بالإيجاب وصمتّ كان من احد شروطها عدم منعها من العمل ؛ ابوك وينه؟ تجمدت ملامحها وكأن مويـه باردة انكبت عليها رفعت عيونها له لتعرف مقصدة من السؤال كانت ملامحه عادية : وش سبب السؤال ؟ زامل ببساطة : " فضول " عضت شفتها للحظه : مات من وقت طويل زامل ميل شفته وتنهـد بدون ان يلفظ شيء نطقت روان بعد لحظات ؛ عيال عمك بيتركونك؟ ابتسم بسخرية ؛ ايـه ، يقولونه - الطـريق طويل وكل واحد فيهم عاجز يتنازل للثاني ويبداء فالكلام المسافة بين حائل وجده ٧٣٧ كيلومتر يعني ٩ سـاعات وأكثر بقليل تقريباً . - '~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' ' مررت استغفر " ١٠ مرات " - p ٣٢ / فـ حايل .. - خرج ابو خالد لمزرعته القريبة من البيت ومعه اكل للابل والدجاج توقف وعيونه على نادر اللي طالع من بقالة الحي ومجبور يمر من قدام بيت ابو خالد نادر القى السلام بهدوء وتجاوزه وهو يمشي بهدوء ابو خالد : ادخل نتقهوى توقف نادر والتفت له : مستعجل اعذرني صّد ليكمل طريقه وهو متأكد انها تراقبه من النافذة التفت بسرعه وعاد لينظر فالطريق وهو يبتسم. - اغلقت الستارة وهي تحس بأنفاسها تنكتم : يمـه بلعت ريقها بصعوبة وهي تتحرك بتوتر وكفها خلف عنقها : شافني عرف اني اراقبه هزت راسها بالنفي وفزت بخوف من دخل ابوها : بريهان جهزتي القهوة؟ بريهان ابتسمت بربكة : جاهزة - —- - دخـل نادر للبيت واغلق الباب بهدوء : يمه ام عقاب ؛ لا تدخل فيه حريم توقف ليتجه لقسم الرجال - —— ام عقاب بتنهيدة : والله مدري وش الحل ام ذيب : انا اقول كلمي زامل ترى مشتاق لك حيل ام عقاب هزت راسها بالنفي ؛ مابكلمه والعقربه عنده ام ذيب تنهدت : وش السواة طيب ! ام عقاب بضياع ؛ الله يرده الله يجيبه ام ذيب وقفت وهي تعدل حجابها : عالعموم جيت اتطمن عليك وابي اشوف كيف حالك بعد ليلة امس و الحمدلله " عروس " ابتسمت ام عقاب : عروس اجل ! ضحكت ام ذيب وهي تنحني تقبل راسها : انا بطلع ذيب وصل وماوديّ احرج نادر ياعمري عليه ابتسمت ام عقاب : الله يفرحنا فيهم ام ذيب : امين امين - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' مررت استغفر " ١٠ مرات " - p / ٣٣ / انها شمس المدائن…وانها احلى البنات جده ذي مثل الغرق.. لا… جده مثل العوم جده مدينه حايره بين السهر والنوم قريتها مره فـ -كتاب- مدري في قصـيدة -للبدر- مدري فـ عيون احباب جده ذي عشقي مزاجي جده تفاصيل صغيرة جده ويل جده قناديل وليل جده مواويل وتراتيل وصهيل جده مشوار طويل جده فيها سحر بابل واختصار الناس وكل الناس . - —— - اتضحـت لهم المباني وصاروا بوسـط البلد ابتسم زامـل وهو يرفع كفه لحاجبه يرتبه : كسرة ظهر مو سفر روان وفعلاً تعبت ميلت راسها على المقعد وعيونها تتأمل الماره انفتحت الإشارة وحركوا لـ أقرب شقق اتضحت لهم وقف والتفت لها : دقيقه اتأكد فيه مكان كويس او لا . روان ؛ تمام نزل ودخل للعمارة تحت أنظار روان كل أعمالها تسويها من الجوال ماعمرها جات لجده ماتدري كيف تسخروا لها الناس وقدرت تتعرف على مهندسين شاطرين وبنات فيهم خير واشتغلوا مع بعض لحّد ماوقفت الشركة واكتملت ابتسمـت وهي محتاجة تشوف الشركة على الواقع دائماً صور فقط خرج زامل وأشر لها تنزل . نزلت بهدوء وهي تغلق ازرار عبايتها اللي انفتحت لبست شنطتها وعدلت نقابها اغلقت الباب واتجهت له وقفت جنبه وتجمدت من شافته يجلس ويقفل الازرار بأخر عبايتها وقف وهو يتنهد ويمشي قدامها مشت وراه بخطوات مُتتابعة حركته هزتها من اولها لأخرها انحرجت مره لو قفلتها من البداية كان اهون لها . - ثـاني شقـه بالطابق الثاني .. - العمارة ليست من الطراز الحديث لكن نظيفـة وجداً وتصميمها خفيف ومريح للعين فتح الباب ودخلت ليغلق الباب خلفه : ارتاحي داخل وانا بطلع اجيب شيء ناكله لفظت بهدوء : اطلب ويجيء مو لازم تروح تثبتت عيونه عليها للحظه : بشوف طلع وتركـها لتجلس على الاريكه الحمراء بهدوء - #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' ' مررت استغفر " ١٠ مرات " - p /٣٤ / بمجرد خروجه اتصل بـ ذيب ؛ وش سويت؟ ذيب ؛ طمني اول ، وصلت ؟ زامل : اي الحمدلله ذيب : الحمدلله على سلامتك زامل ؛ الله يسلمك ذيب ؛ ياطويل العمر رُحت عند عمك عزام وسلمته الشيك والاوراق اللي تثبت ان المبلغ اكتمل وجدتك ام عقاب كانت موجودة لكن صار شيء ماتوقعناه زامل ارتفع حاجبه : وش؟ ذيب : عرفوا بزواجك زامل توسعت محاجرة بأستغراب : عرفوا؟ ذيب : امي تقول جاتهم حرمة بالعرس وهبلت في جدتك تقول الساحرة سحرت ولدكم وتزوج بنتها وجدتك علومها ماتسرك معصبة حييييل زامل مرر لسانه على شفته : من الحرمه؟ ذيب ؛ جيران او مدري وش تقرب لهم المهم فيه شيء حلو زامل ابتسم : انت علومك واجد اتجه للسيارة وركب وهو يركب سماعاته : كمل يالذيب ذيب بحماس جلس بعد ماكان يستلقي على سريره الوثير ؛ الشيخة ام عقاب خايفه تدق عليك تقول لا يوصلها شيء من الشعوذه اللي حولك ارتفعت ضحكة زامل بصـخب وشـغل السيارة ؛ عز الله عرفنا كيف نشغل بالها ذيب بضحكة ؛ وازيدك من الشعر بيت تقول امي تدعي لك الليل والنهار وامنيتها تطّل بوجهك عليها بس زامل ابتسم بحب لجدته : تستاهل مو هي اللي طردتني ورفضت اودعها خلها شهر لين تزين العلوم ذيب : مابتدق عليها؟ زامل : مابترد تحسبني بسحرها ارتفعت ضحكاتهم ليلفظ ذيب بهمس يقطع به ضحكة زامل : كيف الزواج ! زامل كشر ؛ اسكت الله يعافيك مانمت طول الليل اراقب المكان انتظر متى يطلع علي شيء ويذبحني ذيب مسك ضحكته : والمدام ؟ زامل : شكلها متوتره او مو متعودة تنام بالليل المهم مانامت ذيب بطقطقة ؛ ماتنام وتخلي زوجها زامل : اقول توكل توكل قفل بوجهه وهو يوقف عند المطعم وينزل . - ———- - '~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' ' مررت استغفر " ١٠ مرات " - p / ٣٥ / فـ الشقـة .. - المكان خالي من الاغراض فيه اشياء بسيطة اريكه بوسط صالة الجلوس والغرفة تحتوي على سرير بدون اي شيء لا مرتبه ولا مفرش ! فقط خشب تنهدت وهي تنزل عبايتها ليتضح تيشيرت ابيض مدخلته فالبنطلون الجنز فاتح اللون عالي الخصر تتحرك بملل وتتصفح جوالها شغلت لها ميوزك وهي تلعب بشعرها وتدندن وقفت عند الشباك للحظة بما أن الشقة فاضيه شكله يبينا نطول هنا ونأثث او بس اليوم نرتاح ؟ بس وين انام ؟ ووين ينام ؟ ميلت شفتها بتفكير تحركت ناحية الاريكه لتجلس وترفع قدمها بكسل لتريحها على الأخرى انتبهت ان ساقيها تتضح لان البنطلون لنصف الساق وفهمت فوراً ليش قفل ازرار العبايه نطقت بتنهيـده ؛ يارب : يارب ساعدني التفتت بسرعه للصوت كان واقف وايديه مليانه اغراض ؛ تعالي شيلي بدال الحلطمه وقفت وتحركت ناحيته تأخذ الاكياس خرج ليعود بعد لحظة ومعه مفرشين نوم اغلق باب الشقه وهو يلفظ : يالله تدبير خير رفع عيونه كانت واقفه والاغراض مابعد نزلتها عيونها عليـه نطق بأستغراب : فيه شيء ؟ هزت راسها بالنفي للحظه لكن رجعت تتكلم بأنفعال ؛ مافي طاولة ولا فرش كيف نحط الاكل! زامل صمت للحظه ثم نطق : لحظه اتجه للمغاسل يغسل ورجع لها اخذ الكيس وفتحه وهو يحطه بالارض ويجلس رفع عيونه لها : اجلسي جلست وشعرها يتناثر على ملامحها : وبعدين؟ زامل طلع الساندوشتات : مافي شيء كويس غيرها روان بلا مبالاه : عادي فتح العصير ومده لها وفتح العصير الخاص فيه ليرتشف بهدوء رن جواله وطلعه : هلا ؟ ؛ زامل انا عمر زامل : هلا هلا وصلت ؟ عمر ؛ تعطلت سيارتي بنتظر احد يوصلني لنصف المسافة وقابلني زامل : وين عمر : طريق جده المدينه زامل ؛ زين اغلق الخط ليكمل طعامه بصمت وافكارة عند عمر اللي كان مأخذ منه خمسة آلاف وكلمه يبي يرجعها اول ماسمع باللي صار وحلف يزيد له لكن رفض زامل يبي حقه وبس . " جات في وقتها " . - '~~~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇