كم عيون مالقت عندي حصيل وانت تاخذني على وقفة نظر - الفصل 6 | روايتك

عالم القصص والروايات 📚: ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' ' مررت استغفر " ١٠ مرات " - p ٢١ / ارتفع اذان الفجر واجتمعوا القبيلة فالمسجد المتوسط للقرية " كالعادة " بمجرد الانتهاء من صلاة الفجـر بداء إمام المسجد بتذكيرهم بـ " تنصيب الشيخ " الجديد وضرورة حضورهم جميعاً . - خرجوا من المسجد نسمات باردة تحيط بالمكان السماء تتلون باللون الازرق الغامق اصوات العصافير و" الديك " أيضاً تعلن اقتراب شروق الشمس . - تحرك ليتجه ابو خالد ناحيه ابو اروى : السلام عليكم ياعزام عزام بأبتسامة واسعة : الله حي هالزول ابو خالد ووجهه مايبشر بخير : تعالي معي للبيت ابيك بموضوع عزام تجمدت ملامحه : عسى خير ابو خالد وعينيه تكاد تخرج من الغضب : مابه خير اتجه ناحية بيته وعزام خلفـه - راكان بأستغراب : شفيه ابو خالد ؟ مشعل بسخرية ؛ يبي يتأكد ان الشيخ خاتم بأصبعه وصلهم صوت نادر الغاضب : وينه نهار ؟ لا صلاة ولا عبادة ؟ راكان تنهد : نام يقول الظهر بيحرك للرياض عنده موعد لوظيفته نادر اكمل طريقة لبيته تاركهم يكملون طريقهم أيضاً . - فـ بيت ابو خـالد .. - تجهمت ملامح عزام من شاف الباب كيف مكسور ؛ متأكد انه من عيال رعد ! ابو خالد رفع سبابته : البنت ماتكذب وولدكم لزوم يتربى ، اذا ماتعرفون تربون فـ انا بربيه عزام اخذ نفس : يابو خالد صل على النبي ابو خالد : اللهم صلِّ وسلم على نبينا محمد عزام : ابشر باللي يرضيك وبالنسبة لـ عيال رعد بتأكد منهم وارد لك ابو خالد : ابي الحق يقام عليه اجل يبي يطعن بشرفي ! يخسي الا يخسي عزام بورطه وحرج كبير : ابشر باللي يرضيك ابشر خرج من البيت ناحية بيت رعد بغضب عارم ابو خالد وضح له انه شاك بنهار والواضح انه هو فعلاً لان راكان عصبي لكن عاقل ومشعل مفهي ويخاف مايقدر يتعدى الحدود ونهار مايهمه شيء المهم اللي براسـه يصير . - '~~~~~~~~~~~~~~~~~~~~~~~~~~~~~~ #وانـت_تاخذنْـي_على_وقفة_نــظر #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' ' مررت استغفر " ١٠ مرات " - p ٢٢ / دخل ابو خالد ومازال يحمل الكثير من الغل والقهر تجاه رعد وعيـاله اقتربت منه بهدوء : يبه ! ابو خالد التفت لها ؛ متأكدة يابوي انه ماقرب لك ولا اذاك ! بريهان بأنفعال : والله والله ماسوى شيء ابو خالد بتعجب : اجل وش قال لك ! بريهان بكذب : يهدد ويتوعد مدري وش قصده ابو خالد ارتفع حاجبه : وطلع من نفسه ! بريهان خوف على الغريب لفظت : ايه ايه طلع من حاله ابو خالد تنهد ؛ الله ياخذه الله ياخذه بريهان ؛ اجهز قهوتك ! ابو خالد : لا لا روحي نامي انا بطلع اسقي الزرع لوقت رجعة عزام بالاخبار بريهان بلعت ريقها بصعوبة تخاف نهار يكشف انه دخل شخص اخر تخاف انه يتورط ويطلع نهار منها مع انها ماتعرفه واول مره تشـوفه ! دخلت غرفتها وقفلت الباب وهي تحس بتوتر وربكـة وخوف " يارب سترك ". - ——— - فـ بيت رعد .. - ام نهار بجنون : عيالي متربين لا تكذب على حالك ياعزام والزم حدودك راكان بذهول : عمي كلامك مايدخل العقل مشعل بفهاوته المعتادة : لا تظلمنا والله والله ياطول الليل نلعب سوني انا وراكان اما نهار مدري وين كان . تثبتت الانظار جميعاً على نهار اللي رفع راسـه وتجمدت ملامحه بدون رد ام نهار بصدمه : نهار !! مشعل وشعر بالمصيبة : انت ! اعقب قاطعه عزام ليلفظ : نهار وين كنت بالليل! نهار تشتت انظارة : نايم مشعل : اما ! عزام بحده ؛ سويت شيء للبنت ! نهار وقف وانفاسه ترتفع : لا تطمن ياشيخ ماسويت شيء جاء حبيب القلب ووقف بيني وبينها يخاف عليها اذا ماتدري عزام بدهشـه : من تقصد ! نهار ارتفعت عيونه لـ " نادر " اللي دخل : أساله وش جايبه عندها عزام مسك راسـه بقوه وهو يهمس بكلمات ماوصلت لهم لكن الأكيد انها شتائم نادر تكتف : عندك مشكلة ؟ جيت ألملم فضايحك نهار صعد للطابق العلوي لينزل بعد اربع دقائق بالضبط ضاعت عليهم بالصمـت تجاوزهم وهو خارج : بجهنم الشيخ والديرة واهلها ام نهار ببكاء ؛ نهار وين بتروح ! ضرب بالباب بقـوة لتجهش بالبكاء وسط صدمتهم وذهولهم مماحدث . عزام وقف واتجه للخارج : تعال يانادر - '~~~~~~~~~~~~~~~~~~~~~~~~~~~~~ #وانـت_تاخذنْـي_على_وقفة_نــظر #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' ' مررت استغفر " ١٠ مرات " - p ٢٣ / التفت له بغضب : وش وداك لـ البنت ! نادر بذهول : صدقته !!! عزام غمض عيونه بصبر ؛ جاوب نادر : شفته وهو يوقف سيارته وينزل متلثم وانا كنت امشي ابي احرق سعرات لحقته وانصدمت من شفته يتسلق السور وينط بوسط الحوش قررت الحقه مو عشان البنت ترى عشـانه ماوديّ يفضحنا ياخوك عزام تنهد : البنت شافتك! نادر صمتّ وهو يصّد عزام بقهر : وش الحل ! وش اقول لـ ابو خالد ؟ نادر مرر لسانه على شفته : قول له صار بيني وبين نهار كلام وطردته من الديرة وبس ، الولد مارح يرجع هاليومين لانه زعلان و إن شاء الله ابو خالد يخف زعله عزام هز راسه بالإيجاب واقتنع : ايه شورك وهداية الله تحرك ناحية بيت ابو خالد وهو يحس بالأرض تدور فيـه اليوم بيستلم ختم الشيخة اول النهار صار كذا ، الله يستر من اخره شكلها مو مكتوبه لي . - ————- - الساعـة ١٢ ظهـر .. - فـ بيت أبـو ذيب .. - فتح عيونـه بوهن للحظات أستوعب اللي صار الليلة الماضية وتنهد وهو يجلس ويفتح جواله ابتسم من شاف ذيب مرسل له قبل ساعة " صحيت ؟ " رد " ايه " بعد دقيقة انفتح باب المقلط ووقف عند الباب : صباح الخير زامل وقف وهو يمرن جسمه : صباحك سرور ذيب : يلا انتظرك بالسيارة غسل وجهك وتعال زامل : زين خرج بعد مارتب نفسه انتبه لـ ابو ذيب كعادته يتقهوى والجريدة بين يديه : صبحت بالخير ابو ذيب : هلا يازامل زامل : الغالية وينها ! " ام ذيب " ابو ذيب ابتسم : طالعة تلف بهالاسواق لا حرارة الشمس تمنعها ولا البرد ارتفعت ضحكة زامل وخرج لـ ذيب ركب ولفظ : على وين ! ذيب : امي طردتنا بيجيها ضيوف عشان كذا بوديك تحلق ونكمل اشغالنا قبل المغرب ولا نسيت ياعريس؟ زامل كشـر ؛ ايه صادق - '~~~~~~~~~~~~~~~~~~~~~~~~~~~~~~ #وانـت_تاخذنْـي_على_وقفة_نــظر #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' ' مررت استغفر " ١٠ مرات " - p ٢٤ / عيونه على الطريق ماناموا الا بعد الفجر هو وذيب قضوا الوقت كله طقطقه وسوالف قاطعة ذيب يوسط افكارة : زامل زامل : هلا ذيب : كلم جدتي عشان العرس زامل بسخرية ؛ لا يارجال السالفة يومين ونشوف يمكن القى لي فكه منها ذيب بتفكير ؛ اللحين البنت بتخطبها من مين! زامل : مالها احد بخطبها بيني وبينها وانت شاهد ودور لك واحد ثقه مايطلع الخبر ماوديّ اصير لعبة بلسان نهار واخوانه ذيب ؛ انا اقول شغل عقلك وتعوذ من ابليس واترك للبنت فرصة زامل : طول الليل ادور من اللي ممكن يخطبها مافي اي احد طرى في بالي غير اثنين " يامجنون يامسحور " ارتفعت ضحكة ذيب ويبتسم زامل بدون نفس ذيب : وانت اي واحد منها ! زامل تنهد : مجبور وقليل حيلة بس صمتّ ذيب بعدم معرفة لطريقة الرد الصحيح من السيء ان يقع صديقك المُقرب بمصيبة كهذه زامل شاب مُتهور صحيح لكن ذكي ايضاً يجد مخرج لكل مصيبة يخوض فيها تخرج من جامعة الإعلام ولم يحصل على عمل مُحدد فـ كل مكان يقدم فيه لايستطيع الأستمرار أكثر من شهر لأسباب غريبة تتعلق به تربى في كنف جدته ام عقاب توفي والداها وهو لم يكمل السنتين لم يشعر باليتم كثيراً بفضل الله ثم جدته لكن مازال في عينيه لمعة " فقد " . - ——- - فـ بيت ابو اروى .. - تنهدت ام اروى بتعب : اقول لك ماوديّ اسمع كلمة ثانيه صدعت منك اروى بمحاولة اخيرة : تكفين كلميه يمه تكفين ام اروى جلست وهي تفتح جوالها : نكلمه ونشوف اروى ابتسمت بسعادة وجلست جنبها مرت ثواني حتى وصل صوت " زامل " : هلا عمه ام اروى : هلا زامل شلونك! زامل : الحمدلله بخير ، كيف صحتكم انتم ؟ ام اروى : الحمدلله ، ابي اتطمن عليك إن شاء الله بخير وامورك زينه زامل تنهد : نقول الحمدلله اروى عضت شفتها وبهمس : ياعمري ام اروى بنظرات حادة : ما اطول عليك يمه اذا احتجت شيء كلمني مهما كان احنا اهل اروى ابتسمت بسعادة وسرعان ما اختفت من سمعت زامل : مشكورة لكن لو كلمتك بيصير مشاكل فـ اقفل احسن لي ولك اروى شهقت ببكاء وام اروى لفظت : زين فمان الله اغلقت ولفظت بحدة : ارتحتي ؟ حتى الولد هج وصار مرتاح لاتفكرين فيه ابد خرجت من الغرفة تاركه اروى منهـارة من بعد كلام زامـل قطعت كل الأمل في رجعته . - '~~~~~~~~~~~~~~~~~~~~~~~~~~~~~~ #وانـت_تاخذنْـي_على_وقفة_نــظر #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' ' مررت استغفر " ١٠ مرات " - p ٢٥ / فـ بيت روان .. - انتهت من ترتيب اغراضها القليلة اوراق ومستندات وأشياء تهمها في مشاريعها وحياتها الجديدة ماتبي لا ملابس ولا اغراض تذكرها بالماضي تعلقت عيونها على غرفة امهـا ودخلت بالرغم من خوفها كانت تعيش دائماً في خوف تفتح هالغرفة او لا تعرف ان امها ماكانت أعمالها صحيحة وبالعكس كانت تضر الناس اكثر من انها تفيدهم لكن ماقدرت تغير قناعاتها تأملت المكان بصمت فكرت تأخذ شيء يذكرها بأمها اتجهت مُباشرة لصندوق الذهب خذته وخرجت تاركه الغرفة بما فيها بمحرد ماتشرق الشمس بتسـافر هي وزوجها لـ منطقة ثانية وبتطلب من احد الشركات هدم البيت وإعادة البناء علّ وعسى تزين امورها ومايتعرض لها ابو خالد مره ثانيـه دخلت الصندوق لشنطتها وبدت تجهز شكلها ماتكلفت كثير لانها عارفه ان زامـل ماعنده اي رغبه فيها و " منجبر " حاداه الدنيا عليها لكن مع هذا كانـت عجيبة . - — - مر الوقت سريع عليهـا واقترب موعد اذان المغرب جهزت القهوة والضيافة كاملة بخرت المكان ومن شدة توترها شعرت بحاجتها لتشغيل القران بالمنزل لتهداء في لحظات وتقل ربكتها شغلته ليصدح صوت " عبدالرحمن مسعد " اخذت نفس لتأخذ جوالها ارسلت لـ ليلى ؛ " بتجين؟ " ردت لينكسر قلب روان ؛ " امي رفضت " عضت شفتها بقهر ورفعت عيونها فوق : لا تبكين عادي لا تبكين كانت تتماسك وطاح قلبها من دق الجرس . وقفت بذهول : جاو ! لأول مرة ترتبك وتخاف وخوفها الأكثر من الجرس اللي كان خربان من سنه واليوم دق! - '~~~~~~~~~~~~~~~~~~~~~~~~~~~~~~ #وانـت_تاخذنْـي_على_وقفة_نــظر #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇