كم عيون مالقت عندي حصيل وانت تاخذني على وقفة نظر - الفصل 4 | روايتك

عالم القصص والروايات 📚: ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' ' مررت استغفر " ١٠ مرات " - p ١٦ / توقفت بذهول تام وهي تسمعه يلفظ ؛ تقدرين! اخذت نفس وعيونها تتأمله للحظه لتهمس: ادخل ونتفاهم بهت لونه " وقمط العافية " : ادخل! روان ميلت شفتها للحظه : تعال دخلت ووقف بدون مايلحقها جامد مكانه عض شفته للحظه وهو يتحرك للداخل . "بيت بسيط جداً وأنيق لونه أبيض كامل من الداخل صالة الجلوس تندرج ألوان الكنب بين الزيتي والرصاصي والفازات الضخمة تزين الزوايا" : وش حاجتك اللي عند امي؟ واقدر انا اسويها! زامل جلس مقابلها وجمع كفوفه ببعض ؛ ابي فلوس روان ارتفع حاجبها ؛ فلوس! زامل : برجعها روان ؛ انت مين بالأول! زامل اخذ نفس : زامل بن عقاب تجمدت ملامحها وحست بالرعب يدبّ بقلبها دخلت قاتل لبيتي! ماكانت خايفة لانها تعرف ان اللكل يخاف منها ومن بيتها لكن اللحين الوضع اختلف . لاحظ ملامحها اللي شحب لونها : امك كانت بتعطيني مبلغ بس تقطعت بيننا السبل ولا قدرت ارجع لها . بلعت ريقها لتلفظ : وش علاقتك بـ امي ؟ زامل : موضوع وانتهى روان هزت راسها بالنفي : دامه كذا ماعندي شيء اساعدك فيه لانه بينك وبين امي زامل ابتسم لترتبك فوراً ؛ عندك وبتساعديني روان تثبتت عيونها بعيونه وانفاسها تتوقف للحظات تنهدت اخيراً : وش يثبت لي انك بترجعها؟ زامل : بعطيك كل شهر مبلغ ونشوف متى اخلص يمكن بعد اربعين سنه؟ روان ابتسمت ليبتسم بشكل مُباشر : اربعين سنه! ماعاد لي خاطر بفلوسك زامل ضحك : الشكوى لله روان : قول لي وش شغلتك مع امي وبعطيك زامل تجمدت ملامحه وانعقدت حواجبه بطريقة توضح غضبه : امك ماتت صح؟ روان : ايه زامل : لو تبيك تعرفين كان قالت لك روان ؛ بس جاوبني شغلك معها فيه أذى لـ احد ؟ زامل تأمل عيونها اللي دمعت فجاءة : يمكن روان ميلت شفتها بزعل لـ يلفظ : بس صار وانتهى روان : كم تبي ؟ زامل ؛ عشرة ملايين روان توسعت محاجرها : عشرة! صمتتّ للحظة بتفكير لترتفع عينيها له : موافقه بس بشرط زامل ارتخت ملامحه ؛ وش! روان : نتزوج زامل تدلى فكه بذهـول - '~~~~~~~~~~~~~~~~~~~~~~~~~~~~~~ #وانـت_تاخذنْـي_على_وقفة_نــظر #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' ' مررت استغفر " ١٠ مرات " - p ١٧ / روان : نتزوج زامل تدلى فكه بذهـول لتكمل روان بثقه وجديه : وتخرج من الديرة معي ونستقر بمكان شغلي فـ الرياض او الشرقية او الجنوب لحّد ماتجمع المبلغ وترجعه لي ، موافق؟ زامل ميل راسه وعيونه بعيونها للحظات بمجرد مايوافق بيرتبط في بنت الساحرة! وهذا شيء مو لصالحه انتبهت لملامحه اللي توضح الرفض لتنطق : اللي اعرفه ان عيال عمك رعد يبون راسك وانا بساعدك زامل تنهد وابتسـم بسخرية : موافق روان بتحذير : توقع الاوراق والاثباتات وتوعد ماتخون ولا تنقض العهد حتى لو انفصلنا مايطيح حقي زامل مرر لسانه على شفته : بس مايصير روان : وش اللي مايصير زامل : مايصير تتقوين على زوجك! روان ارتفعت سبابتها بأنفعال: على الورق بس زامل بضحكة : اييييه ، فهمت فهمت بلعت ريقها بصعوبة من شافته وقف وأتضح طوله الفارع : موافق ، بكرة انا والشيخ والشهود عندك . اتجه للباب في وقت ماتحركت من مكانها وعيونها على الأرض وتضرب أخماس بـ أسداس اللي سوته صح او خطأ؟ تعرف انه مستحيل احد يتقدم لها وتخاف تخرج لأماكن شغلها عشان ماتتعرض لـ اذى محتاجة احد معها وزامـل جاء بوقته لازم تطلع من الديرة ومن حايل كلها قبل ابو خالد يرجع لها ويقذف بشرفها كعادته . رجعت لواقعها على صوته : بس ماقلتي لي كم عمرك! ارتفعت عيونها له لتقف وتتجه ناحية الباب ؛ مو مهم العمر لانك ماتعرف الاسم حتى! زامل : يهمني العمر اكثر ابي اتطمن عسى تكونين اكبر من وتموتين قبلي ويطيح الدين من رقبتي ابتسمت من كلامه لتتحول ابتسامتها لضحكة تفتن أقوى الرجال: لا اجل تطمن من هالناحية اذا ربي كتب لنا عمر نعيش فـ بنعيش كثير إن شاء الله . زامل ابتسم وخرج بدون رد تجهل انه " طاح قلبـه من ضحكــه لكن يتقوى " . - ——- - عنـد ذيب ... الدقائق تمر ساعـات مرت رُبع سـاعة بالضبط من دخل زامل طلع جوالـه وهو ناوي يدق عليه واذا مارد على الشرطة فوراً لكن خروج زامل ونظراته المغلوب عليها تركته يتراجع ركب زامل واغلق الباب : حرك ذيب : وش صار ؟ زامل : انتهى ذيب : المبلغ صار كامل يعني! زامل تنهد : ايه وغير هذا بتزوج ذيب بذهـول : وجعاه توجعك الساحرة العجوز ! - '~~~~~~~~~~~~~~~~~~~~~~~~~~~~~~ #وانـت_تاخذنْـي_على_وقفة_نــظر #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' ' مررت استغفر " ١٠ مرات " - p ١٨ / زامل تنهد : ايه وغير هذا بتزوج ذيب بذهـول : وجعاه توجعك الساحرة العجوز ! مالقيت الا هي يالضايع ، يافضيحتك بين عيال عمك ارتفعت ضحكة زامل بصخب ليكمل ذيب بحرقة : والله ان ما سكت لا اكفر فيك زامل : لاا مو هـي ذيب ارتخت ملامحه : من! زامل التفت لـ ذيب : بنتها ذيب تجمدت ملامحه : صادق انت! زامل : والله مقابل المبلغ ترى ذيب استند على المقعد وعيونه بعيون زامل : ترى مجنون ادري لكن مو لهدرجة لا تلعب بـ أعصابي زامل بجدية ؛ المبلغ مقابل زواجي منها ذيب بهمس ؛ يعني هي اللي خطبتك وتزوجتك ودفعت المهر بعد ! كفو زامل ابتسم وهو يرفع رجله ليضعها فوق الأخرى ؛ المهم اطلع من حائل بسلامتي ذيب تنهد : طيب ! ماقالت لك بخصوص اللي صار قبل سنه ؟ زامل : لا ، امها ماتت انا تفاهمت مع البنت ذيب : كيف ماتت ! والمشكلة اللي سببتها مالها حّل ! زامل : انحلت وانتهت ماتشوفني بكامل عافيتي يارب لك الحمد ! ذيب بقهر شغل السيارة : ايه صحّ اصلاً انا وش دخلني! بالطقاق فيك وفيهم زامل ابتسم على غضب ذيب : ابيها تطلع من هالبيت وانا اعرف اتصرف بس داخل هالمكان ماعرفت اتكلم حتى احس مو مرتاح ذيب ؛ الله يستر منك - ————- - فـ بيت ام عقـاب .. - مجتمعين على قهوة المغرب هي وعيالها عزام ونادر كانت افكارها مو معها ابد وضعهم مايسر لا عدو ولا صديق عزام قطع الصمت : يمه ام عقاب : سم عزام : راكان تنازل بـ ختم الشيخة لي تدرين؟ ام عقاب : ازين له عشان يرتاح من هموم الناس وكثر المشاكل عزام : رجال القبيلة بيجون بكرة يباركون ويهنون ام عقاب هزت راسها بالإيجاب : هذا الواجب استقبلهم وجهز عشاهم الله يقويك نادر تنهد : ماكأنه بدري؟ عزام : مر ثلاث اسابيع من مات رعد ولازم يكون فيه شيخ يتابع الامور ومايتم الموضوع الا بتنصيب من رجال القبيلة ويجون شيوخ القبايل الثانية يباركون ويتعرفون على الشيخ الجديد نادر بتعجب : يعني لازم عشاء كبير ام عقاب : ايه لازم - '~~~~~~~~~~~~~~~~~~~~~~~~~~~~~~ #وانـت_تاخذنْـي_على_وقفة_نــظر #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' ' مررت استغفر " ١٠ مرات " - p ١٩ / فـ بيت ابو نـهار .. - ام نهار ابتسمت بسخرية بعد ماقراء  راكان رسالة عمه عزام : يقول لازم من حضوركم ! هه والله وجات عندك الشيخة ياعزام وانت ماتستاهل نهار عض شفته بقهر : لو ابوي حي راكان بحرقة : انت اللي وافق على الصلح او زامل قليل عليه الموت نهار وقف من شدة القهر وهو يدور بالمكان : ياسلام ياسلام مشعل نزل فنجان القهوة : المطلوب تحضر بكرة يانهار وتبين للكل ان ابو خالد على خطأ وانك تستاهل التنصيب بدل عمي عزام ام نهار بموافقه : مشعل صادق لا تترك لهم مجال عليك نهار مرر لسانه على شفته : بكرة وخير يا أنا يا أبو خالد ام نهار تنهدت وهي توقف وتتجه للطابق العلوي تاركتهم راكان بتمتمه : وش تقصد يانهار ! نبرتك ما أعجبتني نهار ابتسم بخبث : بكرة تشوف خرج من البيت ومشعل همس: فيه شيء؟ راكان بأستغراب : غريب! - —— - ركب نهار سيارته وشغل وهو يبتسم فور إضاءة هاتفه : هلا نهار نهار : بتروح لـ ابو خالد ؟ الطرف الاخر : لا اليوم السمرة على ابو طلال نهار : وابو خالد معكم ؟ الطرف الأخر : ايه كلنا ، ودكّ تجيء؟ نهار بكذب : لا لا توّ الوالد ماجف قبره وتبيني اتمشى بين البيوت ! استغفر الله الطرف الاخر بأعتذار : اعذرني ياخوك ماقصدي لكن وديّ تغير جو هذا اللي اقصده نهار ابتسم : ادري يالغالي ادري اغلق الخط بعد لحظات ووقف جوار مسجد الحيّ وهو يتجه لـ بيت ابو خالد من الطرف الأخر " زوجته متوفيـه من شهرين وخالد مسافر للشرقية يدرس هندسة ومافيـه فالبيت إلا " بريهان " ارتفعت ضحكة نهـار بخبث وكل النوايا الخبيثة يزينها الشيطان له اكثر تلثم بشماغـه وهو يتسلل لداخـل أسوار المنـزل بمجرد وقوفـه بوسط الحوش حس بتوتر وربكة خوف من ابـو خالد لو يجيء فجاءة لكن كمل بدون اهتمام المهم يدنس سمعة ابو خالد بالأرض فقط ثبت ظهره على الحائط وهو يدخل قطعة حديد يحاول يفتح الباب تجمد تماماً وهو يسمع صوت ناعم : دقيقه يبه فتحت الباب وتجمدت ملامحـها فوراً. - '~~~~~~~~~~~~~~~~~~~~~~~~~~~~~~ #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇ ▇ـ▄▄▄💜 ▄▄▄ـ▇ 🌺 رواية كم عيون مالقت عندي حصيل " وانت تاخذني على وقفة نظر💜 ▇ـ▄▄ @ahgeel ▄▄ـ▇ لايك🅰️ ' ' مررت استغفر " ١٠ مرات " - p ٢٠ / رجعت خطوة من الصدمة عجزت عن النطق عادت للخلف ليدخل وهو يدفعها بقوة ويغلق الباب رمشت ببطء ومازالت تحت تأثير الصـدمة ابتسم بإعجاب وملامحها غريبة وجداً لا تشبه والدها ابداً ميل راسـه بذهـول : وش هالزين! الله ياخذ ابوك صحـت من صدمتها على كلمته لتعود للخلف وهي تبتسـم لتستدرج أنظاره لشفتيها : ياهلا! نهار بتعجب : ترحبين ! شكلك متعودة هه! ميل شفته وهو يتحرك بخطوات ثقيلة ومفهي فيها على الأخير " مسكين أبن رعد لم يرى اي أمراءه في حياته سوى والدته وجدته ام عقاب " ابتسمـت بقوة وهي تتمكن من الإمساك بعصا المكنسة ثبتتها خلف ظهرها وميلت راسها : وش ودكّ تشرب! التفت للباب ولم ينزع لثمته ابداً بل قام بتثبيتها اكثر ؛ مابه وقت للقهاوي فهمت غايته من نظراته الشيطانية ؛ اقرب شفيك بعيد ! نهار تجمدت ملامحه من سمع صوت الباب يضرب بقوة بريهان شهقـت بذهـول وسرعان ما ارتفعت الدموع لعيونها لو ابوها دخل وشافهم كذا المـوت اقرب لها من صلاة الفجر . نهار دفعها بقوة وهو يدور مخرج صرخت بقوة من شافته دخل غرفتـها وبنفس الوقت انفتح الباب بالكامل وظهر شخص أخر بملامح حادة ،أسمـر وعينيه العسلية تكاد تُضي بوسط الظلمة : وينه الكلب! طاحت على الأرض بضعف جالسة واحد بتقدر له لكن اثنين بتموت بتموت ضمت نفسهـا بقوة وهي تنهـار باكية ليصـرخ بحدة : وينـه!!! اشارت لغرفتها ليدخـل وهي تكاد أن تُجن شابين غريبين وفي غرفتها وفي وقـت متأخر ارتفع صـوت نحيبها اكثر من سمعت صوتهم يرتفـع وصوت عطورتهـا اللي تطيح وتتكسر - نهار : فك عني الاخر بحرقة ؛ اعراض الناس لعبة ياولد الشيخ! نهار وانكتمت انفاسه بفعل الكف القوية المطبقة على عنقه تركه وهو يلفظ ؛ اطلع قدامي بسرعه ياقليل الرجولة . لحظـات فقط وخرجوا الأثنين وكل واحد يلعن بالثاني جاهلـة صلتهم ببعض وليش جاوا ؟ ووش غاية الثاني! اما الأول فـ معروف سبب جيته دنيء وقذر ! والأهم عرفت انه ولد الشيخ يعني اذا رجع ابوها بتلقى لها رد على سؤاله " من كسر الباب " . - '~~~~~~~~~~~~~~~~~~~~~~~~~~~~~~ #وانـت_تاخذنْـي_على_وقفة_نــظر #انتهى 🍃💜🍃 @ahgeel ⇐↜رابط قناتنا بالتلجرام ▄▁▁▁▁▁▁▁▁▁▅ـ يتبع البارت التالي ➥ ⇩⇩ ▇ـ▄▄▄💜▄▄▄ـ▇