الفصل 2
عالم القصص والروايات 📚:
▇ـ▄▄▄💜 ▄▄▄ـ▇
🌺 رواية 📖
{ كم عيون مالقت عندي حصيل
وانت تاخذني على وقفة نظر } 💜
( البارت : 6 💜)
▇ـ▄▄ @ahgeel ▄▄ـ▇
'
مررت استغفر " ١٠ مرات "
/
فـ الرياض ..
-
كانت ملامحها ذابلة ويكتسيها الحزن توفي زوجها
وعيالها صـغار
وتوفي ولدها عقاب وعمره ٣٠ سنـه ماترك وراه
الا زامل
واللحين زامـل قتل عمـه رعد
مابقى لها إلا عزام ونادر
ارتفعت عيونـها لتسمع همس ولدها نادر :
يمه ! اجيب لك شيء يدفي جوفك؟
ام عقاب بهمس مبحوح : ماعاد فالجوف دفى
نادر تنهد : يالغالية هدي حالك ربي مايكتب الا
كل خير ،وزامل بربيه لك
ام عقاب هزت راسها بالنفي وهي تبتسم بسخرية؛
زامل خذ روح رعد مايحتاج تربيه لانه كسب
قضيته المقفلة من سنين
نادر مرر لسانه على شفته : زامل مايدري باللي
صار
ام عقاب : يدري يانادر يدري وعشان كذا
قتـل رعد ما ألومه ولا ألومك
انت فقدت اخوك وهو انتقم لـ أهله
نادر رمش ببطء ليقع في صـمت للحظات
حتى اخرجه صوت والدته : متى رحلتنا؟
نبي نوصل حايل اليوم قبل بكرة
نادر : ابشري ابشري
وقف ليخرج من الشقة بشكل كامل وهو يبحث
عن حّل يوصل فيه شروط عيال رعد لـ امه. -
———-
-
بعـد اذان المغـرب ..
فـ بيت ابو اروى ..
-
كان المجلس يضج بـ رجال القبيلة
انتشـر الخبر وتوسـع بشكل سريع يوضح ان عيال
رعد قابلين بالصلح ويسامحون ولد عمهم زامل
لكن بشـروط !
كانت شروطهم صعبة خصوصاً ان زامل توه
متوظف فـ اكيد ماعنده اي سيوله مالية
ومافي اي احد بيدعمه من اعمامه وأخواله
والمبلغ اللي طالبينه ٣٠ مليون !
والإبل ١٥٠ فـ شيء يكسر الظهر .
تكلم احد كبار القبيلة " ابو خالد : يا عزام العلوم اللي وصلتنا
ماترضي صحّ ان رعد غالي وعزيز لكن زامل يتيم
وماحوله احد فـ لا تصّدون كلكم عنه
ابو اروى بتنهيدة : وش الحل ! عيال رعد هذا
مطلوبهم
تكلم شخص اخر بشكل ساخر : وام عقاب ؟ ترضى
بمذلة زامل ! لايكون تبونه يشحذ لجّل ينرفع
السيف عن رقبته؟
ابو اروى صمتّ لينقطع صمت المكان بدخول
نهار وراكان : السلام عليكم " وعليكم السلام ورحمة الله "
استغربوا من السيارات خارج بيت عمهم عزام
ومن دخلوا اكتشفوا السبب " يفزعون لـ زامل ! "
جلسوا بهدوء بعد لفظهم " السلام نظر ياجماعة الخير "
ابتسم لهم ابو خالد : يالله انك تحييهم
نهار ابتسم له على مضض : حياك الله
ابو خالد بجدية : احنا دعمناكم ووقفنا معكم في
قضية الشيخ رعد الله يرحمه
لكن دامكم قررتوا الصّلح فـ احنا جيناكم
نحّل الموضوع بينكم وبين ولد عمكم
فالنهاية الظفر مايطلع من اللحم
نهار بحدة وبمقاطعة : زامل قتل ابوي
ماعاد به لا دمّ ولا وصّل بيننا
ابو خالد ارتفع حاجبه : لا تقاطع الكبير يانهار -
'~~~~~~~~~~~~~~~~~~~~~~~~~~~~~~ #وانـت_تاخذنْـي_على_وقفة_نــظر
_
#انتهى
🍃💜🍃
@ahgeel ⇐↜رابط قناتنا بالتلجرام
▄▁▁▁▁▁▁▁▁▁▅ـ
يتبع البارت التالي ➥ ⇩⇩
▇ـ▄▄▄💜▄▄▄ـ▇
▇ـ▄▄▄💜 ▄▄▄ـ▇
🌺 رواية 📖
{ كم عيون مالقت عندي حصيل
وانت تاخذني على وقفة نظر } 💜
( البارت : 7 💜)
▇ـ▄▄ @ahgeel ▄▄ـ▇
مررت استغفر " ١٠ مرات " -
-
نهار بحدة وبمقاطعة : زامل قتل ابوي
ماعاد به لا دمّ ولا وصّل بيننا
ابو خالد ارتفع حاجبه : لا تقاطع الكبير يانهار
احترم شيب وجهي
تلونت ملامح نهار بـ الحمرة
ليلفظ راكان : العذر والسموحة يابو خالد
ابو خالد تنهد وماعجبته ردود فعل نهار :
تسلم ياراكان ، احنا جيناكم وماظننا تردونا
المبلغ اللي طالبينه يكسر الظهر
واحنا كلنا على قد الحال
تعرف بعلوم القبيلة ولا انتم بجاهلين
مو تجار ولا رجال اعمال ناس عاديين على قد حالنا
فـ طلبكم لـ هالامور يوضح امر انكم تبون
رأس زامل بس بشكل غير مباشر
المطلوب ياعيال رعد انكم تحترمون شيبنا
جيناكم طالبينكم تلقون حّل يبيض وجيهكم
وتقللون من المبلغ والإبل تلغونها
نهار بسخرية : ايه رأس ابوي تبون نرخصه؟
ماشاء الله
ابو خالد بعتب : لا تحور الكلام يانهار
راكان انتبه لـ ملامح عمه عزام الغاضبة:
الشور عند عمي عزام ولا نتعداه لكن لا ترضون
لنا الردى
ابو خالد بعزوة : ابو خالد حرام حرم الدم مانرضاها
عليك يابو رعد
ارتفع حاجب نهار بغضب عارم لان ابو خالد
وقت ناداه قالـه " يانهار " واللحين يقول
لـ راكان " يابو رعد " يعني فيه إهانة له انه مو كفو
يشيل اسم ابوه!
وقف نهار وخرج من المجلس بخطوات سريعة
وملامحه تتلون بالحمرة
ليردف عزام بترقيع : نهار مابعد استوعب موضوع
ابوه اعذروه ياوجيه الخير
ابو خالد : نهار ماتطمن افعاله ياعزام
اعذرني على كلمتي لكن ردود فعله ماتثبت انه
يتحمل مسؤولية نفسه فـ مابالك فـ مسؤولية
القبيلة ! اذا ودكم بـ شيخ فـ ترى اتكلم عن الربع
والجماعة نختار من عيال رعد راكان
والرأي في هالأمور لنا مو لكم
واذا نهار اللي تبونه فـ بنسحب ختم الشيخة منكم
ونسلمه لواحد ارجل من نهار
وقف بغضب وخلفه الرجال ليخرجون تاركين
الموضوع بدون حل يرضي الطرفين .
استند عزام وهو يلفظ : اخوك خاتمته شينه
راكان جمع شفايفه بتفكير : نهار ماأقدر له
لسانه طويل لكن ترى مايطيع الا أمي
عزام تثبتت عيونه بـ عيون راكان : دام امك
بتقدر له فـ العلم سهل إن شاء الله .
وقف عزام وافكارة توديه وتجيبه
راكان بتنهيدة : عمي وش بترد على الجماعة؟
عزام : لازم تقللون المبلغ روح وكلم امك
اكيد انها افكارها
تجمدت ملامح راكان وتلونت بالحمرة
من لفظ عمه عزام : رجال يمشيها كلام الحريم
دخل للبيت تارك راكان يغلي بمكانه من القهر . -
'~~~~~~~~~~~~~~~~~~~~~~~~~~~~~~
_
#انتهى
🍃💜🍃
@ahgeel ⇐↜رابط قناتنا بالتلجرام
▄▁▁▁▁▁▁▁▁▁▅ـ
يتبع البارت التالي ➥ ⇩⇩
▇ـ▄▄▄💜▄▄▄ـ▇
▇ـ▄▄▄💜 ▄▄▄ـ▇
🌺 رواية 📖
{ كم عيون مالقت عندي حصيل
وانت تاخذني على وقفة نظر } 💜
( البارت : 8 💜)
▇ـ▄▄ @ahgeel ▄▄ـ▇
'
مررت استغفر " ١٠ مرات " -
داخـل السجـن ..
-
يحرك قطعة الخبز وسط الجبن ليرفعها بعد
لحظه لفمه ، بلع الـ لقمه
ورفع كوب الشاي يرتشف منه
ارتفع حاجبه وهو يرى ذيب يدخل
ويقف عند الباب : شفيك؟
ذيب تنهد وهو يتجه له ويجلس مقابله وينزع
الكاب عن راسه : نشرت الحساب والقصيدة
و إن شاء الله اهل الخير مابيقصرون
زامل تنهد : ما اقدر اجمع نصف المبلغ حتى
ذيب : يارجال إن شاء الله توصلك اخبار تسعد
خاطرك
زامل ؛ اي اخبار؟
ذيب ابتسم ؛ ابو خالد وكبار القبيلة
راحوا لعمك
عزام وتقابلوا مع عيال عمك رعد
و إن شاء الله العلوم طيبه
زامل ميل شفته : وجدتي؟
ذيب تنهد : ماجات ولا اتصلت
زامل تاهت عيونه فالفراغ وتوقعاته
كلها انها تركته
حالها من حال اعمامه وخواله
وخوفه الوحيد انها كرهته وصارت تدعي
عليه بدل
دعواتها اللي كانت تحيطه
عض شفته والعبرات تتصاعد بعنقه برزت عروق
كفوفه واتضحت بعنقه ايضاً ليعلم ذيب كمية
القهر والخيبة اللي يغرق فيها
تتكوّن لديّه عن ذاته الفكرة
الأكثر فظاعة الأن .. نطق ذيب بهمس : زامل !
لا تصعبها ياخوك
لو صدوا كلهم انا معك
تعلقت عيون زامل فيـه للحظـة طويلة
وسرعان ماصّد وهو يلفظ :
يارجال ما اهتميت عساهم
فداء رجولك
ذيب ابتسم وهو يمد كفه ويشد على كتف
زامل : هونها وتهون
-
-
العرب قالوا بالامثال هونها تهون
لين زلّت في طريق الضياع أقدامنا
٠
٠
كل مانعطي وفاء ناخذ القيمة طعون
ينسجون أفراحهم من خيوط آلامنا !!! -
'~~~~~~~~~~~~~~~~~~~~~~~~~~~~~~
#انتهى
🍃💜🍃
@ahgeel ⇐↜رابط قناتنا بالتلجرام
▄▁▁▁▁▁▁▁▁▁▅ـ
يتبع البارت التالي ➥ ⇩⇩
▇ـ▄▄▄💜▄▄▄ـ▇
▇ـ▄▄▄💜 ▄▄▄ـ▇
🌺 رواية 📖
{ كم عيون مالقت عندي حصيل
وانت تاخذني على وقفة نظر } 💜
( البارت : 9 💜)
▇ـ▄▄ @ahgeel ▄▄ـ▇
مررت استغفر " ١٠ مرات " -
بوسـط القرية كانت سيارة نادر تتجه لـ بيت اخوه
عزام
وبجواره تجلس والدته بكل قوة وعزيمة ونيتها
الوحيدة خروج زامل وعفى الله عما سلف
توقف اخيراً مقابل الباب الرئيسي لتنزل والدته
وتخرج اروى مهرولة لمساعدتها وهي تقبلها
بشوق
نادر اكمل طريقه ليركن سيارته وافكاره تعود
لـ اروى
ايضاً مُغرمة وكثيراً بـ زامل لكن !
الوضع لن يسمح لهم بالبقاء معاً
تنهد وهو يفهم انها تحبه من طرف واحد وقد يكون
جيد ان تبتعد عن زامل لانه فضّ وقاسي مع
الإناث بشكل عام .
نزل من السيارة واغلقها وهو يتجه لداخل منزل
عزام ارتفع صوته ؛ ياولد درب درب
ام اروى عدلت حجابها وهي تلفظ : حياك نادر
دخل وهو يلقي السلام بهدوء ليلاحظ
ملامح عزام المتكدرة : عسى خير ؟
ام عقاب بسخرية : مابه خير
عزام بغضب : كل خير إن شاء الله قولي
لا اله الا الله يمه
ام عقاب : سبحان الله ياقو قلوبكم ! زامل فالسجن
ماطلعته ياعزام !
اروى تهللت ملامحها بالسعادة وافكارها تتمحور
ان جدتها ليست غاضبة من زامل وهذا شيء
إيجابي .
عزام ارتفعت عيونه لـ نادر ؛ ماقلت لها ؟
ام عقاب بذهول : وش يقول ؟
التفتت لـ نادر : وش وراك ياولد !
نادر ابتسم بقلة حيلة : عيال رعد وافقوا على
الصلح
ام عقاب : والخيبة بالطقاق ما احد طلبهم
يوافقون
عزام تجهمت ملامحه : يمه العيال فتقدين ابوهم
ووافقوا فـ لا تعقـ..
ام عقاب وقفت وهي تعدل عبايتها : ودني للشرطة
قوم يانادر
نادر ارتفع حاجبه : يمه الصبر للصبح الله يعافيك
ام عقاب بحدة : بتوديني ولا اروح على رجلي؟
نادر تنهد : يمـه!
ام عقاب خرجت وهي تتلفظ بكلمات حادة غاضبة
: انا بعفي عنه ما احد طلبهم عيال المقرودة
ابتسمت اروى بسعادة وبضحكة عجزت تمسكها
صدرت منها بشكل قوي من سمعت جدتها
تسبّ زوجة عمها رعد .
ابو اروى ابتسم لبنته ؛ ايه اضحكي
اروى صمتت ومازالت ملامحها رحبه مُبتسمة. -
-
#انتهى
🍃💜🍃
@ahgeel ⇐↜رابط قناتنا بالتلجرام
▄▁▁▁▁▁▁▁▁▁▅ـ
يتبع البارت التالي ➥ ⇩⇩
▇ـ▄▄▄💜▄▄▄ـ▇
▇ـ▄▄▄💜 ▄▄▄ـ▇
🌺 رواية 📖
{ كم عيون مالقت عندي حصيل
وانت تاخذني على وقفة نظر } 💜
( البارت :10 💜)
▇ـ▄▄ @ahgeel ▄▄ـ▇
مررت استغفر " ١٠ مرات " -
/
فـ اطراف القرية وتحديداً بيت روان..
-
توقفت بذهول وهي ترى ابو خالد ومعه ثلاثة
من الشيوخ يقرون قريب من البيت ويتكلمون
بكلمات غريبة لكن فهمت بعد ضربهم على الباب
وكلام ابو خالد " اطلعي يابنت الحرام "
شعرت وكأنه ماء بارد ينسكب عليها
فتحت الباب واستندت عليه بغضب عارم:
وش تبون ؟
احد الشيوخ ؛ بسم الله الرحمن الرحيم
ارتفع حاجبها : علامك ماعرفت تذكر الله الا اللحين!
ابو خالد ؛ امك وينها!
روان عدلت حجابها : اقولك ماتت ماتفهم !
كم سنة وانت مناشبني!
ايو خالد : يالكذوب لو ماتت كان انفكت اسحارها
روان هزت راسها بقوة وهي تسمع احدهم يلفظ
: شكل البنت تكمل شغلة امها ماكذبوا الحريم
يابو خالد
دخلت واغلقت الباب بقوة وهي تتنفس بقوة
انحرمت من تعليمها وانحرمت من الحياة كلها
بفعل اعمال امها والتنمر اللي تتعرض له
عضت شفتها بقوة وهي تسمع ابو خالد :
تجيك الشرطة وتربيك ياللي مافي وجهك حياء
انقطعت اصواتهم لتجلس وهي تجهش بالبكاء
توفيت امها من سنتين ولا احد حضر عزاها ولاحد
عزاها اصلاً
ساعد في حفر قبرها والصلاة عليها مجموعة
عمالة من جنسيات مختلفة " واستأجرتهم "
روان ماكانت شغلتهم لوجه الله .
ارتجفت كفوفها بقوة وهي تحس بروحها تحترق
عضت شفتها اكثر وطعم الدم يتسلل لفمها
همست ببحه : ليه يايمه مافي حياة معك
ولا بدونك! الله يسامحك الله يسامحك.
وقفت وهي تلملم شتاتها وضياع افكارها
انتشلها من افكارها صوت جوالها
ردت وهي تشوف اسم ليلى ؛ هلا
ليلى : اخبارك !؟ روان : الحمدلله
ليلى : نايمة؟
روان ؛ توّ صحيت
ليلى : بتروحين للشرقية !
روان ؛ لا
ليلى : والمحل اللي بينفتح ! مابتحضرين الافتتاح!
روان : لا
ليلى تنهدت وهي حاسه ان فيها شيء: شرائك
نسولف؟
روان ابتسمت : تاخذين اجري -
_
#انتهى ..
#نوقف هنا ونكمل معاكم غدا
🍃💜🍃
#ملاحظة : يسعـدنا مشاركة الروايـة في قروبات الواتس او قنوات التلجرام ..
ولكـن لا أبيـح ولا أحلل نقل الروايـة او نسخها وحذف رابط القناة 😢
الي يـريد نقـل الرواية " يمنـع حذف رابط قناتنا 💔
رابط قناتنا بالتلجرام 👇👇
https://t.me/joinchat/AAAAAFdO1y-1PZ5SzX0BWg#
▇ـ▄▄▄💜▄▄▄ـ▇