انا لا اتشبه باحد - الفصل 6 - بقلم ابرار اليفوزي | روايتك

--- *رواية: أنا لا أتشبه بأحد أحيانًا أحس ما عد باقي فيني طاقة أشرح، ولا أقاوم، ولا حتى أفتّش عن السبب. كل اللي فيني صمت… صمت طويل، ثقيل، مؤلم… صمت لو تكلم، بيبكي بدل الدموع دم. أنا مو بخير، بس تعودت أقول: "عادي" لأني تعبت أكرر نفس القصة، وتعبت أسمع: "اصبري، بتعدي" طيب متى؟ أنا ما بيدي الصبر خلاص… خلص من كثر ما استهلكته. أنا اللي إذا انكسر شي جواها، تجمعه لحالها، وتضحك على نفسها، وتقول: "ما صار شي." ما يعرفون إني أنام من التعب، مو من الراحة. وإني أصحى وأنا حاسة بثقل، ما له علاقة بالوقت، بس له علاقة بالحزن اللي جالس معي من سنين. الناس تشوفني هادية، بس ما أحد سمع الصراخ اللي جواي. كل ليلة، قلبي يضرب بصوت، ما يسمعه غير ربي… قلبي يتعب من حمل الذكريات، وأحلامي صارت قديمة، ما عادت تنمو، بس أتمسك فيها، لأنها الشي الوحيد اللي باقي لي. كل الناس يقولوا لي: "كوني قوية" بس ولا واحد قال: "تعالي، خذي راحة، خذي حضن، خذي طمأنينة." أنا ما أتغيرت… أنا انكويت، وتحملت، وانكسرت، وسكت. ويمكن أظل كذا… بنت في زحمة الناس، تضحك كثير، وتبكي أكثر،