دموع تبتسم - الفصل الرابع والاخير - بقلم ميلام - مكتملة | روايتك

*قـصـص وروايـات عـالـمـيـة💙📚📖* *بإدارة* *يـامـن💙* *❴📖❵↵* *دموع.تبتسم.tt* 🥹🩵 *❴🔢❵☟الـــبـــــــــــ❴4️⃣+5️⃣والأخير❵ــــــــــــارت☟* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏ *❴ *❴📚❵↵*قصص وروايات عالمية📚💙* * `` الكاتبه /ميلام ➖➖➖➖➖➖➖➖➖ #الجزء الرابع. ظلت بنت عمي عندي وتحكي معي وانا ابكي ومارد عليها كنت ابكي شوي واهدا شوي وكل ما اتذكر حكيو وكلامو اختنق انا متأكدة انو بحبني من قلبو بس ليش مادافع عن حبنا ليش مرق اسبوع ع خطبة ابراهيم لاهوا كان منيح ولا انا هيك اسمعت من اختو وبنت عمي قالن انو مالو مبسوط ابدا وانا كيف حالي ؟! الحزن الي انا فيه كبير كتير ماحدا حاسس فيني والي قاهرني اكتر انو ماحكا معي ولاسأل حتى بعد ماخطب بهالسرعة قدر ينساني معقول هالأيام مرو عليي كأنهن سنين حتى بالأخر جفو عيوني واذا بدي ابكي والله ماكان يطلع معي الدمع حبيت اطلع من الحالة الي انا فيها قررت روح عند بنات عمي وامي قالتلي اي بتغيري جو وبتتسلي مشيت ع بيت عمي وانا مكتفة ايديي وحاطة راسي بالارض وصلت واتطلعت قدامي كان ابراهيم واقف قدام بيتهم وكأنو عم يستناني شو اعمل ارجع ع البيت ولا كمل واسألو ليش هيك عمل وصلت لعندو اتطلعت فيه ماحكيت ولا كلمة ومشيت ابراهيم. مرام وقفت مكاني وهوا كان ورايي ابراهيم. ليش تجاهلتيني فتلت لناحتو وقلتلو شو بدك .. بتتوقع اني باركلك سكت وماحكا ابراهيم. كيفك مرام. كيف شايفني انت ؟ ابراهيم. ليش هيك حالتك مرام. شبني اه قصدك انو عيوني منفخين من كتر البكي اي معك حق لأن انا خسرت او لا انا ما خسرت عيوني هيك لأن الشخص الي وعدني انو يبقى معي طول العمر تخلا عني بأول فرصة اجتو لأن حبيبي تخلا عني بعد ماحبيتو اكتر من سنتين ونطرتو بالدقيقة الي وعدني انو نخطب بس يتسرح راح وخطب غيري لأن الي كنت حبو كان يقلي اوعديني ماتتزوجي غيري رفضت كل الناس الي طلبوني وحبيبي كسر قلبي وخطب غيري وعزمني ع خطبتو يمكن مابيستاهل اني ابكي عليه اصلا ابراهيم. لا تقولي هيك والله العظيم لساتك بقلبي وعم حبك اكتر واكتر مرام. ههه اي لهيك حب سنين راح هيك بغمضة عين وين الوعود وين الصدق والحنان وين الحب الي كان ابراهيم. الله يخليكي لا تزيديها ع قلبي والله ماني متحمل اتطلع فيني وعيونو مدمعين مرام. ابراهيم الله يخليك نظرات الشفقة الي بعيونك مابحبهن ابراهيم. انا بحبك مرام. لهيك كنت تتهرب وماحاولت حتى تحكي معي ابراهيم. لك اقسم بالله انا مابحبها بحبك انتي وبس وانا ماتهربت شو كنتي تتوقعي مني اني اجي وقلك انا بدي اخطب مرام. من وقت تسرحت لليوم ماحاولت تحكي معي ابراهيم. والله حاولت واجيت ع بيتكم اكتر من مرة وماكنتي تطلعي مرام. ع كلا الله يهنيك مع حبيبتك لجديدة ابراهيم. انتي حبيبتي وبس مرام. شو ماكان بالنهاية رح تكون مرتك ابراهيم. وانتي حبيبتي وبعرف انك بتحبيني مرام. لا انا نسيتك ابراهيم. شو نسيتيني .. طب والمحبس الي اعطيتك ياه ليش لساتو بأيدك مرام. شو دخلك سكتنا شوي شلحت المحبس من ايدي بعد تردد كبير ورميته تركتو ومشيت راح وانا رجعت طلعت لدور ع المحبس بس للأسف مالقيتو وندمت كتير اني رميتو وابراهيم يمكن يكون فكرني عنجد نسيتو راح ع البيت لعند اهلو وقلن انو مابدو اماني عمتي بس سمعت هيك قربت موعد العرس لأسبوع فقط خافت انو يغير رأيو بعد كم يوم بعتولنا كرت العرس قرأت اسمو واسم اماني وانفجرت بالبكي كان عندي امل انو يتركها او تصير معجزة ونكون لبعض بس ماصار هالشي اجا يوم الجمعة يوم عرسو لأبراهيم لحبيبي قررت اني روح حتى ماحدا يشفق علي لان الكل بيعرفو بقصتنا جهزت حالي ولبست احلا ماعندي وحطيت مكياج مع اني ماكنت اتمكيج لأن الكل بقولولي اني حلوة بدون مكياج عيوني وساع وتمي ناعم وخدودي حمر ووشي ابيض بس حطيت مكياج مشان جاكرو لأبراهيم لأن مابحب المكياج كانو عيوني مدمعين وايا كلمة بتبكيني حتى وانا حط المكياج بكيت اكتر من مرة ورجع عيد من اول وجديد رحت والأبتسامة ع وشي طبعا كلو تمثيل وانا من جواتي عم احترق وصلت لهنيك الصالة مليانة ناس وبس فتت حسيت عيون الناس كلا علي شافني ابراهيم وجن انو ليش هيك عاملة بحالي ومزبطة حالي ع الاخر يمكن فكرني نسيتو بس مستحيل والله ساكن بقلبي وروحي صار يزورني اني روح غسل المكياج عن وجهي يمكن نسي حالو انو اليوم عرسو وما الو علاقة فيني طنشتو وما اهتميت لوجودو حاولت سيطر ع عيوني قد مابقدر حتى ما ابكي كان قلبي عم يحترق بس بينت للناس اني نسيتو وفجأة طلعت اغنية ابراهيم بحبها كتير وقامت اختو ترقص قمت رقصت معها لجاكرو اكتر مابعمري رقصت قدام حدا بس كان لازمني هالشي لأثبتلو اني نسيتو كانت عيونو عليي وحسيت للحظة انو رح يجي لعندي ويسحبني من ايدي اه ياريت صار هالشي صار وقت انو يروحو يجيبو العروس وبس جابوها صارو يتصور هوا عيونو علي لاني كنت مقابيلو وهي عيونها ع الكمرة كانت عيونو تلاحقني وين مابروح وانا صرت بدي ابكي اختنقت راحو الكل يباركولو وانا ظليت لأخر شي قربت لباركلو مد ايدو وانا مديتلو ايدي كنت متمنية اني المس ايدو ضغط على ايدي بصعوبة طلعت معي كلمة مبروك وهوا دمعو عيونو باركت للعروس الي كان مفروض انا كون مكانها صرت ابكي رحت ع المغسلة وغسلت لحقني ابراهيم كان في بعيونو حكي بس مالحق يحكي شي لان اجت امي وقالت انو بدنا نروح أبكي مو بيدي حبيبي .. صعبه لحظات الودآع .. هسى وانتَ قبال عيني .. صدق آشعر بالضياآآعَ ... !! وصلت ع البيت ودخلت ع غرفتي وصرخت بأعلي صوتي ليششششششش لك ليش ودموعي ع ملا وشي ومقهورة اليوم كان عرسو وماعم سدء عم حس انو كذب او حلم او مزحة من ابراهيم لان هو بحب المزح كتير مرق اسبوع ع زواج ابراهيم وانا يئسانة من هالحياة وحزينة حاسة حالي ما الي حدا مخنوقة كتير انا خسرتو لأبراهيم خسرتو ماكان يمرق يوم ما ابكي فيه واتذكرو كل شي بذكرني فيه وبحكيو اجت امي لعندي وقالتلي نحنا رايحين نبارك لأبراهيم قومي روحي معنا كان بدها ياني روح وشوف بعيني انو كل شي انتهى حتى ارجع لحياتي الطبيعية بس ماقبلت روح قلتلها تعبانة راحو اهلي وانا انفلتت بالبكي ماكان الي نفس حاكي حدا مر شهر ع هالحالة وانا بغرفتي لا بطلع ولا بفوت واجا ابراهيم لعنا مرتين وماشفتو ابدا كانن بنان عمي يجن يحكن معي بس مارد ولا بكلمة يئسانة ع الخالص مابدي شي من هالدنيا ظليت هيك شهر وعشر ايام قررت انو اطلع لان لو ضليت كنت متأكدة انو رح بصير معي مرض نفسي واتعقد طبعا مانسيتو لعمري ابراهيم والله مابتسدئو اني حبيتو اكتر واكتر بيوم طلعت اسهر مع اهلي وستي فتحت موضوع ابراهيم وصارو يحكو ام عصام. هاد اختيار امو لألو وهيك نصيبو من حكيهم فهمت انو ابراهيم ومرتو بيتخانقو كتير ومانو حاببها وانو زواجتو غصبن عنو انا سمعت هالحكي ورجعت النار لقلبي مابعرف افرح انو مانسيني ولا احزن عليه لانو مانو مبسوط بعد اسبوع قالتلي ايات ابراهيم بدو يترك مرتو ماعرفت افرح لو ابكي بس هيك حسيت رجعلي الامل من اول وجديد بعد يومين اجا لعنا ابراهيم وانا ضيفتو القهوة وكنت مبسوطة كتير بشوفتو وماكان في حدا الا ستي قالي انو بدو يترك مرتو مشاني بعد كم يوم بس ليتفاهم هوا وابوها بالاول ما اقتنعت بس قلي انو مستحيل يجي يوم ويحبها قال انو هي ماعاملتلو شي بس هو ماحبها زعلت عليها كتير بس فرحت لنفسي كمان انا بحس وعندي مشاعر وبحب ظليت مبسوطة طول اليوم بالليل مرتو لأبراهيم خبرتو انها حامل وانجبر انو يبقى معها ومايتركها بس عرفت هالشي رجعلي الاكتئاب ليش هيك عم يصير معي كل ما اتأمل بشي بينتزع يمكن هيك حظي انو بعمري ما افرح تخطيت هالشي وصرت شوفو لأبراهيم كل كم يوم ويحاول يحكي معي ويقلي انو بحبني ومن هالحكي وعرف اني لساتني بحبو ومانسيتو وظلينا ع هالحالة حب من بعيد لبعيد قريب مني وبنفس الوقت بعيد عني مرقت الايام وكل يوم حبو اكتر ابراهيم ماكان حارم مرتو من شي كان مدللها وبيعمللها كل شي بتتمناه بس ماكان يحبها مو لأن انا حبيبتو بحكي هيك بس عنجد ماكان يحبها وعمتي بذاتها قالت انو ابراهيم مانو مبسوط كانت تشوفو وتزعل عليه عايش معها غصبن عنو ولما يضحك ما يضحك من قلبو عايش معها بس لأنو مجبور يعيش معها اجا اليوم الي ولدت مرتو فيه وجابت بنت كان بدو يسميها ع اسمي بس اهلو ماقبلو اتصل بخالتو هند الي كان يحبها كتيررر وبياخد رأيها بكل شي وسألها شو يسميها للبنت قالتلو انت ابوها وانت الي بتسميها قال اسمي ماعجب اهلي بدي انتي تختاريلي اسم ع زوقك قالتلو سميها ( آيه ) وسماهت آيه بعد فترة شهرين سمعت كمان مرة انو علاقتهن مو زابطة يمكن لان مافي حب بينهن حتى مرتو سمعت عنها انو مابتغار او مابتهتم فيه يعني لو يحكي مع عشر بنات غيرها عادي كبرت المشكلة بينهم وقررو يتطلقو ورجع لعندي وقلي رح طلقها واجي اطلبك ماحكيت شي لاني فقدت الامل من بعد ماصار اب بس قررو الطلاق طلعت مرتو حامل مرة تانية لان انا هيك حظي يمكن لانو مو نصيبي ومو مكتوبلنا انو نتزوج تقبلت الموضوع وقلبي من جوا محترق والله كل يوم مابنام الا وانا فكر فيه وبنيت الي والو حياة حلوة بالاحلام غير عن الواقع تماما لان ابراهيم عايش بقلبي وروحي مو مهم انو تزوج المهم اني بحبو وبحبني وهاد بكفيني رجع الضغط عليي من قبل اهلي كل مايجي عريس لألي ارفضو واهلي معد تقبلو هالشي عمري صار 19 سنة هاد العمر عنا مستحيل البنت توصلو الا يكون عندها ولدين بس انا مكانك راوح اجاني عريس جديد واهلي اصرو اني وافق وانا قول مستحيل اما ابراهيم او بلا الزواج كلو امي عرفت انو السبب ابراهيم حاولو يقنعوني فيه بكل الطرق لكن مستحيل والله مابيسكن قلبي غير ابراهيم ولسا عندي امل انو نكون لبعض الله كريم صارت الناس تحكي اني كبرت ومن هالحكي كنت طنش وما اهتم اجا اليوم الي ولدت فيه مرت ابراهيم وجابت عمر وصار ابراهيم ابو عمر بتذكر وقت كان يمزح معي ويناديني ام عمر اييييه ع هديك الايام صحيح صار عندو اولاد بس والله كل مايجي لعنا كنت شوف الحزن بعيونو وكنت شوف حبو لألي ابراهيم كان سادء معي بس الله يسامح الي كان السبب وافترقنا رغم كل هالأيام الي مرقت ماقدرت انساه وشيلو من قلبي بتذكرو بحكيو بتفاصيلو وحركاتو وصوتو وضحكتو وحنيتو يا الله كل شي فيه حلو بيوم قعدت الصبح افطرت وسألت عن امي قالولي هي عند منال منال بتكون اختو لكبيرة لأبراهيم وهي جارتنا رحت لعندهن وبس وصلت طلعت امي قالتلي منال خليكي نقعد شوي قعدت معها قالتلي معك خبر ابراهيم متخانق هو ومرتو وهلأ هي زعلانة ببيت اهلها مرام. عنجد بتحكي منال. اي .. احكيلك سر مرام. اي قولي منال. مرام ابراهيم لساتو بحبك ومانسيكي ولا يوم بس كان مجبور عالزواج ولهلأ بموت عليكي وكل خناقتو مع مرتو مشانك مرام. مشاني انا مناا. اي مرام. ليش منال. ماطلعتي لا من تفكيرو ولا من قلبو رغم انو صار عندو اولاد بس لساتو بحبك وكل مايجي لعندي بيسأل عنك وبيجي مشان يشوفك بس انتي معد طلعتي من البيت كتير انصدمت من حكيها رغم اني كنت بعرف انو مانسيني بس هلأ تأكدت لأن سمعت الحكي من اختو الكبيرة وانو هوا حاكيلها دمعو عيوني وكنت رح ابكي مرام. طب ليش هيك عمل ليش مادافع عن حبنا ليش تهرب مني ومعد حاكاني وطلع من حياتي فجأة انا متت الف مرة بغيابو اديش تعذبت بزواجو اديش تعذبت لتخطيت كل هالشي منال. وهوا عم يتعذب وراح لعند امي وقلا انا معد اتحمل وبدي مرام وبدي اتزوجها لساتني لهلأ مصدومة من الحكي الي سمعتو من منال ابراهيم لسا بحبني متل ما انا بحبو بس بعد شو ..شو الفائدة هلأ حتى لو كان بحبني اخرتو لمرتو واولادو بعد مرور كم يوم امي قالت بدها تركب برداية لشباك غرفتي وهي كانت شغلة ابراهيم وصتو ع وحدة واجا لعنا ودخل ع غرفتي ركبها طلعت امي من الغرفة ظليت انا وياه ابراهيم. كيفك مرام. الحمدلله انت كيفك ابراهيم. بس شفتك صرت منيح اتطلعت فيه وابتسمت وهوا كمان ابتسملي بعد كم يوم ابراهيم حكا لعمتي انو بدو ياني وهي قد ماشافتو عم يتعذب بحياتو مع اماني وافقت ومع ندم كتيررر بس بعد شو ياعمتي ليش من الاول ماصار هيك بنرجع وبنقول نصيب كل شي نصيب اجت نور لعندي وسألتني بتوافقي ازا اجا ابراهيم وخطبك بدون تفكير طلعت من تمي كلمة اي بوافق للحظة تذكرت مرتو واولادو انسانة ما الها ذنب اذا بوافق بخرب حياتها بس والله انا بحبو ومانسيتو ولا لحظة ومابتخيل كون لحدا غيرو او بكون الو او مابكون لحدا قالتلي يعني لساتك بتحبيه قلتلها بموت عليه وحلمي كفي العمر معو ومابقدر كون لغيرو حتى ولو ع ضرة موافقة المهم عيش معو راحت نور وخبرتو لأبراهيم كانت مرتو زعلانة ببيت اهلها فرح كتير وماوسعتو الدنيا من الفرح وانا كمان خبرت اهلي واتصلت نور وقالت انو الجمعة جايين لعنا بعد الصلاة انا كنت بعالم تاني يوم الجمعة 2013/1/25 راحو ع الصلاة وبس طلعو بلش القصف العشوائي ع المدينة وانا قلبي ولع نار قلت شو ممكن يصير كمان حسني قلبي انو في شي طبعا كنت مجهزة حالي وناطرة ابراهيم واهلو بعد نص ساعة اجا خبر انو ابن عمتي تصاوب الي هوا اخوه لأبراهيم الاصغر منو صرت ابكي من كل قلبي وزعلانة ع ابن عمتي وع حظي رحنا كلنا ع بيت عمتي وكان في ناس كتيرررر كل قرايبنا كانو موجودين والمصيبة انو طلع يلي متصاوب ابراهيم واخوه وابن اخوه احمد المعتقل بس سمعت هيك صرت متل المجنونة صرخ قدام العالم وقول وينو ابراهيم مشاااان الله قولولي شبو ابراهيم .. لك وينو ابراهيم ردت علي عمتي التانية وقالت ابراهيم اخدوه ع المشفى جنيت بزيادة مين بدو ياخدني ع المشفى طلعت دور ع شي حدا ياخدني شفت سيارات كتير مرام. لك شو في احكو قالولي ابراهيم مات صارت تترد الكلمة بذهني ابراهيم مات ابراهيم مات صرخت بكل صوتي لااااااااااااااا مرام. يا ابراهيم وينك بدي شوفك ردو عليي وقالو دفناه بسرعة لانو القصف شغال والوضع متوتر دخت ووقعت بالارض ماحست ع حالي الا وبنات عمي فوق راسي عم يرشو عليي مي قعدت واتطلعت حوليي الكل عم يبكي انهرت بالبكي الي ماتو ابراهيم وابن اخوه المعتقل واخوه التاني متصاوب وضعو خطر مرام. وينك يا ابراهيم ليش رحت وتركتني ليش هيك عم تعمل فيني بتأملني وبتروح وينك ياعمري يا ابراهيم يا ااااااالله مابقى اتحمل عمتي كانت بتقطع القلب خسرت اغلا الناس ع قلبها وابنها التاني وضعو خطر واخواتو كانن يبكن وبيحرقن القلب كان حنون كتير وماسمعت منهن الا راح الغالي راح ابراهيم مرام. ابراهيم وينك انا مابدي الحياة بدونك خليهن يقولو انو عم يمزحو خلص بلا مانتزوج بس المهم ارجع ع الاقل بشوفك قدام عيوني يلا ارجع والله مافيني عيش من دونك يارب مابدي اتزوجو يارب بس بدي ظل شوفو مابتحمل غيابو ياااارب معد شوفك يا ابراهيم يانور عيوني يا الله رحمتك ياربي ياربي تموتني والحق ابراهيم مابدي عيش الحياة من دونو ما الها طعمة يارب موتني وريحني من العذاب يارب وصل الخبر لمرت ابراهيم واجت كانت عم تبكي دخلت هي واولادها وبس شافتها عمتي انهارت اكتر واكتر بعد شوي اجت لعندي اماني ضمتني وهي تبكي وقالت ابراهيم مات يامرام مااات بوقتا عرفت انو هي بتعرف بقصتنا ماعرفت واسيها ولا واسي حالي ماكنت متخيلة انو يموت ياريت انا الي متت ياريت لو فيني افديه بروحي دخلت بمرحلة يأس مو طبيعية كرهت كل الحياة لو الانتحار مو حرام كنت انتحرت وارتحت يمكن انا مكتوب علي التعب والعذاب كل ما اطلع من حالة يأس بتجيني حالة اكبر من الي قبلها بس هالمرة كسرتني كتيررر ومابقى في شي بيرجعني للحياة يمكن مكتوب علي انو كل ماحب شخص اخسرو استعنت برب العالمين ع مصيبتي وضليت بحزن مابيعلم فيه غير الله ومرت الايام وانا نفسيتي محطمة مرق شهر ع موت ابراهيم شهر وانا عم موت بكل لحظة وراه كل الناس كانو يواسوني اهلي وبنات عمي وكل قرايبنا اجت اختو لعندي قالتلي شفت ابراهيم بالمنام قلتلها شو شفتي احكي قالتلي شفتو بالمنام وقلي مرام ليش ما اجت زارتني سمعت هالحكي وروحي طلعت مني انا كنت طالبة من اخي انو ياخدني زورو واخي ماكان يقبل بس بعد هالمنام اصريت عليه ومارفض طلبي رحت وزرت قبرو واخدت معي ورد ازرعو ع قبرو بس وصلت قرأت اسمو الشهيد ابراهيم....... وانفجرت بالبكي نزلت بالأرض وحاكيتو قلتلو ليش تركتني يا ابراهيم مسكت لتراب وشديت بأيديي ضميت القبر وانا ابكي اجا اخي وقومني واخدني ع البيت وقلي ماوعدتيني انك ماتبكي قلتلو ماقدرت اتحكم بمشاعري روحي ندفنت هنيك كيف بدك ياني كون مابطلب من الله غير يصبرني ومن وقتا شغلت كل وقتي بالقرءان والاحاديث والذكر والتسبيح ولجأت لرب العالمين ليخفف عني الي انا فيه رجعت للحياة بس جسد بلا روح وضع عمتي امو لابراهيم كان مانو احسن مني ماحدا بيعرف قلب الام فكيف هيي واحد من اولادها استشهد والتاني اصابتو خطيرة ومافيها امل بالشفاء والتاني معتقل واستشهد ابنو قبل ما يطلع ويشوفو والكبير مافيه شي الحمدلله الله يصبرها ويصبرني بعد مرور 6 شهور انا ع وضعي ماتغير شي صحيح رجعت للحياة بس كأني ميتة فقدت الامل بكل شي حسيت انو الفرح مات مع ابراهيم كنت كل يوم اتذكرو وادعيلو كنت خاف ابكي لان بسمع الي بيبكي ع الميت بيحرقو بكل صلاة كان يصلو دعائي وبكل دقيقة وتانية ابراهيم ما مات ابراهيم عايش جوا قلبي وعم حس فيه وعم يسمعني وكل دعائي عم يوصلو انا متأكدة مرق اربعة شهور صار لأبراهيم ميت حوالي 11 شهر فاجئتني عمتي وقت اجت لعنا كانت كل ماتشوفني تزعل عليي وتحس بالذنب ماكنت حسسها بشي مابدي زيدها عليها حكت مع ابي وقالتلو انا جايبة عريس لمرام انصدمت بس سمعت هالحكي قالت انا حاسة بالذنب وانو مرام لهلأ ماتزوجت بسببي والشب محترم وابن ناس قال ابي اي ليش لا يجي وبنشوفو جنيت انا ليش هلأ بدها تزوجني وعم تدورلي ع عريس ولمن كان العريس ابنها رفضت تاخدني طبعا انا مابدي اتزوج ومستحيل فكر بهالشي عمتي كانت حاسة بالذنب اني رح عنس قلتلهم انا مابدي اتزوج لا تحلمو بهالشي والله مو ببالي لزواج كلو صار عمري 22 وبنضرهن اني عنست وكل يوم يجيني واحد شكل وارفض كنت شايلة فكرة الزواج من بالي نهائيا... #الجزء الخامس. كنت كل يوم احكي مع ابراهيم واتخيلو عم يسمعني بكل وقت كان معي وبيوم من الايام كنت بدي احكي مع اخي كانت برات درعا والشبكة كان صرلا مفصولة عنا اكتر من سنة خط اخي طلع مفصول والشركة فعلتو وباعتو لشخص تاني انا ماكنت بعرف اتصلت فيه ورد عليي شخص فكرتو اخي مرام. الو مرحبا وليد. هلا مرام. كيفك عصام وليد. انا مو عصام مرام. لكن مين انت.. هاد رقم اخي مين الي عم بيحكي .. عصام فيه شي .. طمني عنو ليش عم ترد انت بداله لك احكي ليش ساكت وليد. يا اختي والله هاد رقمي انتي مامخليتلي مجال احكي مرام. كيف رقمك عم قلك هاد رقم اخي قلي وينو هلأ وليد. لك والله هاد رقمي واشتريتو جديد مرام. اه طيب شكرا الك يمكن انا غلطانة اسفة وليد. العفو ولايهمك تاني يوم رجع اخي وعرفت انو الي حكا معي كان سادء انا كنت منزلة واتس ع رقمي وبالليل حكا معي الشب الي اتصلت فيه واعتذرت منو وقالي مافي مشكلة وعرفني عن حالو اسمو وليد من الشام مطلق وعندو اولاد قلتلو تشرفت بمعرفتك صار كل يوم يحكي معي وحكيتلو عن حياتي وكل شي مرقت فيه وصار معي مابعرف ليش بحكي معو بس يمكن لأن هوا غريب حكيت كل شي بقلبي وماخبيت شي يوم عن يوم كنت اعرف عنو اكتر وهوا كمان لحد ما اجا اليوم الي عرفنا فيه كل شي عن بعض وقالي وليد انو ارتاحلي كتير وانو حبني صدمني حكيو انا كنت ماخدة الموضوع تسلاية او تضييع وقت مو اكتر كنت اشكيلو همومي وارتاح شوي لان في مين يسمعني قال انو بدو يجي يطلبني للزواج بس انا رفضت اعطاني ارقام خواتو وامو وصارن هني كمان يحكن معن يا الله مافي اروع منهن وليد كان كل يوم يكتبلي شعر وانا كنت مطنشتو وما اهتم احكي معو بس هيك تضييع وقت ظلينا 6 شهور نحكي ع الواتس شخص غريب دخل حياتي فجأة وكل يوم بيحب يتطمن عني ويعرف اخباري ظل ورايي حتى اقنعني انو يجي لعنا ونتعرف ع بعض بس هيك وافقت وحكيت لأهلي وما اعترضو وحكا معو اخي واخد عنوان البيت اجا وليد لعنا وكان انسان محترم كتير ومافي منو انا ماكان بدي اتزوج واخدت الموضوع مزحة ماتوقعت يجي وهلأ اذا رفضتو شو بدو يحكي عني وازا وافقت كيف بدي عيش معو وانا لساتني بحبو لأبراهيم وماراح عن بالي اذا تزوجت بكون عم خونو لأبراهيم طبعا انا هيك كنت فكر انو لو تزوجت بعتبر خنتو ابراهيم كان بقلبي وروحي رجع وليد ع الشام وناطر جواب مني حكيت لرفقاتي القصة والكل وقف ضدي وقالو اني لازم اتزوجو و وافق عليه وكان باين عليه انو محترم ومخلص وحنون وبحبني وبعد تردد كبير وخوف من كل شي خطوة صعبة كان لازم اخطيها اقنعني بنات عمي بالموافقة حطيت كل الماضي ع جنب وبلشت من اول وجديد قلت بلكي اقدر اتغلب ع نفسيتي المتحطمة وطالع ابراهيم من قلبي لأن هالشي متعبني كتيررر ومرضني سأل ابي عن وليد وطلع منيح وافقت عليه وخطبنا وبس شافني عن قرب قلي ماتوقعتك هيك ماشاء الله عليكي متل القمر بشكلك وطبعك انتي مافي منك انا صرت بعرفك منيح وصار يعاملني احلا معاملة كلا حب وحنان وكأنو بيعرفني من عشر سنين انا ماقدرت اتقرب منو بسرعة كبيرة ماكان في اي مشاعر اتجاهو بس كان بنظري انو محترم ومنيح صار كل يوم يحكيلي عن حياتو ويفتحلي قلبو ومايخبي عني شي بعد 20 يوم حددو العرس خفت كتير من هالخطوة وتوترت وحسيت حالي تسرعت وليد كان شاعلي اصابعو العشرة بس ماكنت حبو بس كان بذكرني بأبراهيم كل الصفات الي كانت بأبراهيم موجودة بوليد اجا يوم العرس وتزوجنا بدرعا عند اهلي مو بالشام وظلينا اسبوع بدرعا وبعدا ودعت اهلي ورفقاتي وطلعنا ع الشام بعد العرس تغيرت حياتي للأفضل بلشت حبو لوليد لحتى تعودت عليه وصار قطعة مني وانا بنفسي ماتوقعت حبو ولا توقعت حدا يدخل قلبي غير ابراهيم وصرنا احلا تنين بالدنيا وقدر يطالعني من الحالة النفسية يلي كنت فيها وليد كان شاعر وبيعزف ع العود وانا كتير بحب هالشغلة فيه وكل يوم كان يجبلي هداية وياخدني مشوار ودللني كتير خلاني اطلع من الحزن الي كنت فيه مع اني كنت فاقدة الامل بهاد الشي بعد مرور خمس شهور طلعت حامل فرحت كتير صار في شي عيش مشانو ورح يصير عندي عيلة بعد الحمل وليد ماكان يخليني اشتغل ولا شي طلباتي كانت عندو اوامر دللني دلال ماشفتو بحياتي عيشني بجنة عوضني عن كل شي دقتو بحياتي ولدت وجبت بنت وهلأ الحمدلله عايشة بسعادة وهنا اول فترة ماقدرت اتعود ع الحياة بالشام والبعد عن اهلي وليد ماحب يخليني بعيدة عنهن استأجرلي بيت قريب من بيت اهلي بدرعا وهيك اكتمل كل شي حلو بحياتي وبنتي هبة هي كل حياتي نورت دنيتي بوجودها الله يخليلي ياها شو بحبها بس فرشت البيت الي استأجرتو قالتلي امي خدي هي البرداية ركبيها ع الشباك ببيتك الجديد بتقصد الي ركبلي ياها ابراهيم ما وافقت وقلتلها هي ابراهيم ركبها هون ورح تبقى هون لموت ومارح شيلها من مكانها بكذب عليكن اذا بقوللكن اني نسيتو لأبراهيم كل فترة بيخطر ع بالي وبتذكر احلا ايام حياتي الي عشتها معو لانو حبي الو كان سادء كتير ادعولو بالرحمة لان ابراهيم شخص مستحيل يتكرر قد ماوصفتلم ياه مارح تعرفوه لان ماعشتو معو ابراهيم من كل قلبي بدعي الله يرحمك ويغفرلك انت ذكرى حلوة بقلبي وهيك رح تبقى طول العمر هي كل قصتي بحلوها ومرها والحمدلله ع كل حال. *الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ * *❴📚❵↵*قصص وروايات عالمية📚💙* *❴💙❵↵*ننشر جميع انواع القصص والروايات العالمية حـزن💙. اكشن💙. رعب💙. *❴ *❴💙❵↵*رابط المجموعة للاشتراك:* ```https://whatsapp.com/channel/0029VaQogP17YSdATvOUwa1h```