غيرت لي حياتي - الفصل الثالث عشر - بقلم شروق محمد | روايتك

فؤاد : انتا بتعمل اي؟!... علاء ببرود دون ان يتحرك : وانتا مالك يا جدع انتا... خليك في روحك.. طبعاً علاء بيتكلم بثقة لانو عارف انو مش موظف معاهم في الشركة لانو مش لابس اليونيفورم بتاعهم... فؤاد بغضب : طب نزل ايدك عنها وابعد احسلك... علاء بتحدي : ولو منزلتهاش... فؤاد : هوريك ساعتها انا هعمل اي... قدامك دقيقة واحدة لو منزلتش ايدك وبعدت عنها هطلع روحك في ايدي... علاء : طيب انا قاعد مستنيك اهوا... علاء قرب اكتر من رودينا علشان يستفز فؤاد بس رودينا استغلت تركيزه الشديد مع فؤاد و قامت عضته في ايده راح باعد ايده عنها بسرعة بس ما تحركش من مكانه زي ما هوا قريب منها لدرجة انها مش عارفة تتحرك.... فؤاد مسكه من ياقة قميصه وشده ناحيته و ضربه بوكس ورا بوكس في وشه ورودينا دخلت مكتبها من غير ولا كلمة وسابت فؤاد يربي علاء من جديد.. وفعلا فؤاد ضرب علاء كتيرر لدرجة ان علاء اغمي عليه ووشه بقي كله دم... وبعد ما خلص ضرب فيه سابه مكانه ودخل لرودينا... فؤاد : الحيوان ده كان عايز منك اي... رودينا بتوتر : معرفش بس هوا علطول بيضايقني وبيستفزني... فؤاد بزعيق : ده اللي هوا ازااي يعني... وطالما هوا مضايقك مبتقوليش لادهم ليه علي اللي بيعمله ده... رودينا بخوف : اهدي يا فؤاد... علفكرة دي اول مرة يتعامل بالشكل ده... فؤاد : اول مرة... اممم... ثم تابع بجدية : طب اسمعي بقا انا دلوقتي عرفته اني وراكي حد ومش لوحدك فاعتقد انو مش هيرجع يضايقك تاني واللي حصل النهاردة ده مش هيتكرر... ولو اتكرر و رجع عمل الحركات الزبالة دي معاكي تاني تقوليلي وانا هتصرف معاه سعتها انتي فاهمة... رودينا بخوف: حااضر... طب ممكن نمشي من هنا... فؤاد بهدوء : تعالي... تعالي متخافيش... فؤاد خد رودينا وطلع برة المكتب وهما مشيين رودينا لقيت علاء علي الارض ووشه كله دم... رودينا : يانهار ابيض.... انتا هتسيبه كدا.... فؤاد : خليه علشان يتربي... وبعدين في الف موظف هنا خلي واحد فيهم بقي يبقي يدور عليه... رودينا : انتا بتهزر صح... فؤاد بجدية : انتي شايفاني بهزر؟... رودينا : بس يا فؤا... فؤاد مقاطعاً لها : مابسش... انا مش عارف هوا يفرق معاكي في اي... رودينا : مش هوا اللي فارق معايا علفكرة... انا خايفه يجراله حاجه وسعتها انتا اللي هتضر وتتأذي وانا مش حابة ده... فؤاد : احب اقولك اني محدش هيقدر يأذيني... فؤاد قال كلمته ومستناش رودينا ترد عليه حتي راح ساحبها من ايديها وخرج بره الشركة كلها ومي شافتهم وهما نازلين واتغاظت جداً وركب العربية معاها ومشي... ورودينا كانت خايفة و متوترة جدا بسبب اللي حصل وقررت انها مش هتسكت بعد كده... ×××××××××××××××××××××××××××××× في كافتيريا هادئة ✿✿✿✿✿✿✿✿ فؤاد وصل هوا و رودينا والاجواء كانت هادية و رومانسية واختار طربيزة علشان يقعدوا عليها وطلب من الجرسون يجبلهم اتنين عصير برتقال فرش.... فؤاد بتنهيدة : اسف اني اتعصبت عليكي انا مكنش قصدي بس فعلا الموضوع ضايقني اوي... رودينا عنيها لمعت بالدموع وبصت لفؤاد ورجعت بصت للعصير بتاعها في صمت... فؤاد بهدوء : بصي انا عارف اني كان ممكن اوصل لك الموضوع بطريقة تانية وانا اس... رودينا مقاطعاً له : مفيش داعي للاسف وبعدين انتا معملتش حاجه غلط انا اللي كنت غلطانة من الاول اني روحت اشتغلت... فؤاد : الشغل ولا عيب ولا حرام بس المشكلة انك مش محتاجه فليه المرمطة ووجع القلب ده.... ثم تابع بمزاح ليغير الجو : وبعدين انا مبحبش اني مراتي تكون بتشتغل ولا اي.... رودينا ببسمة خجل : حااضر... فؤاد بضحك : مش كنا نعمل خطوبتنا احنا كمان النهاردة وتبقي بدل الفرحة اتنين وبدل الزرغوطة تلاتة... رودينا بضحك : معلش بقي.... ثم تابعت بتسأل : فؤاد هوا فين اهلك صحيح... انا ولا مرة سمعتك بتتكلم عنهم..... ادهم كان بيقول انك قاعد لوحدك... فؤاد بضحك : ادهم!!.. انتو بقيتو صحاب بقي... وبعدين هوا علطول فاضحني كده.... رودينا بضحك : يعني... هااا؟!... فؤاد : هااا اي؟!... رودينا : عن اهلك... عمرك ما كلمتني عن نفسك قبل كده او عيلتك... فؤاد بتنهيدة : عاوزاني اقولك اي يعني... رودينا : احكي لي عنهم... فؤاد : بصي هما ميتين اصلا فمش هتستفادي حاجه... رودينا : لو مش عاوز تقولي براحتك... فؤاد : لا عادي.... بس ماعتقدش انك هتحبي تعرفي رودينا بفضول : لا عاوزة اعرف بجد؟!... هما كانوا وحشين ولا اي؟!.. فؤاد : امي كانت غلبانة والله وماكنش ليها حد غيري... رودينا : هو باباك اتوفي قبل مامتك؟!... فؤاد : لا ماما اتوفت الاول.... رودينا : امال ليه بتقول ماكنش ليها حد غيرك.... فؤاد : لاني بابا كان بيظلم ماما في حاجات كتيرر وكانت علطول تقعد تعيط وتقول امري لله انا راضية يا رب.... رودينا : ليه هو كان وحش معاها..... فؤاد : وحش دي كلمة قليلة علي اللي امي شافته من ابويا.... رودينا : احكيلي طيب.... فؤاد : بصي يا ستي انا ابويا كانت معظم فلوسه حرام اغلبيتها من صفقات تهريب اسلحة ومخدرات وامي كانت عايشة معاه غصب عنها لانو هددها بيا لما عرفت انو فلوسه دي حرام و من اللحظه دي ماما حرمت فلوسه عليها وعليا و لما عملت كده بابا طلقها و راح اتجوز و كان بيقولي لما تعوز حاجه تعالي اطلبها مني انما امك دي ملهاش حاجه عندي مش انا فلوسي حرام.... الصراحة هو كان بيعاملني حلو انما ماما لأ.... ده كان احيانا بيضربها و كان بيهددها طول الوقت بالطلاق... وهي كانت خايفة عليا وعلي مستقبلي فكانت بتصبر وتقول اهم حاجه ان ابني كويس.... امي بعد الطلاق بفترة قررت تروح تشتغل وتصرف علينا بنفسها بالحلال يعني... ثم تابع وعيناه تلمع بالدموع : اشتغلت خدامة في بيوت النااس كانت بتيجي مهدودة وتعبانة ومكنتش بتقول حاجه كانت بتيجي تأكلني وتلاعبني رغم انها مش قادرة ومرهقة وانا كطفل كنت بلعب وبفرح عادي بس كنت حاسس انها تعبانة كانت بتاخدني معاها في كل بيت بتروح فيه لاني مكنش في مكان تسبني فيه وتبقي مطمنة عليا.... كبرت وبدات افهم حاجات كتيرر مكنتش فاهمها وبابا كان عاوز يخليني اشتغل معاه بس انا طبعاً رفضت ولما رفضت منعني ادخل بيته او حتي اجي اشوفه ومن هنا اتقطعت علاقتي بابويا... لحد ما في يوم طلبني وقال عاوزني ضروري انا ساعتها فرحت وقلت خلاص هرجع اشوفه تاني لانو كان واحشني اوي ماما قالت لي مروحش بس انا اصريت... ولما روحت لقيته بيطلب مني طلب غريب اووي... طلب مني اتجوز بنت صاحبه وطبعا انا اتصدمت ومنطقتش ولا كلمة وبكل بجاحة قالي علشان يأمن فلوسه بعد ما يموت طبعا انا رفضت واستأذنت ومشيت وقبل ما امشي وقفت علي صوته وهوا بيندهني فبصيت له ويارتني ما بصيت... قالي جملة واحدة عمري ما هنساها..... " لو خرجت من هنا هتخرج لوحدك ومن غير حد واي حد هتتعلق بيه هزيحه من طريقك.... ماهو يا تبقي حليفي يا تبقي عدوي.... واولهم هتبقي امك علفكرة.... " انا ما أهتمتش لكلامه لاني كنت فاكره كلام وخلاص بس... وهنا فؤاد سكت ومعرفش يكمل والدموع نزلت من عينه.... رودينا دموعها كانت بتنزل علي وشها من غير ما تقف علشان حبيبها ودموعه اللي اول مرة تشوفهم..... رودينا : مستحيل يكون ده انسان اصلا... فؤاد قول اني اللي في دماغي غلط.... فؤاد بدموع : لا مش غلط.. رودينا بصدمة : ازاااي.... فؤاد بدموع : قتلها يا رودينا ايوة... ثم تابع حديثه وصوت بكاءه بدأ يزداد شئ فشئ : قتلها قدام عيني وبكل دم بارد كاني مش دي الست اللي عااش معاها سنين عمره... كانت سايحة في دمها وماقدرتش اعمل حاجه... رودينا بدموع : ربنا يرحمها اكيد في الجنة... انتا كنت قد اي كده؟!... فؤاد بدموع : كنت في سنة تانية جامعة... رودينا : طب هوا عمل اي بعدها عاش وكمل عادي؟!.... اكيد ندم صح... فؤاد بسخرية : ندم!!... ده عاش واتبسط وكمل قرف ولا همه حاجة... رودينا انتي عارفة انو حاول يقتلني قبل كده.... طب بلاش دي في اكتر من انو يروح لادهم ويهدده علشان يبعد عني ويقاطعني ولما قفله وملاقاش سكة منه بعت ناس يضربوه ويتهجمو عليه في بيته وكسره البيت فوق دماغه هوا وامه... لا وأي مش بس كده في اليوم ده مامت ادهم اضربت بالسكينة وادهم ماكنش عارف يلاقيها من الرجالة اللي بتضربه ولا يروح يشوف امه اللي سايحة في دمها.... اليوم ده كان بشع فعلا.... رودينا : يا نهار اسوود... طب انتا قلت انو مات... مات ازااي؟!... فؤاد : خلافات في الشغل المحترم ابن الحلال بتاعه واتقتل لانو حرفياً كان مسيطر علي كل حاجه ولنفسه بس وعلفكرة انا متفاجأتش لاني كنت متوقع ده من بدري بس اللي فجأني فعلا هو جبروته... ده حتي وهو بيموت كان بيوصي علي فلوسه تخيلي.... يعني بجد انا مش عارف الاقي كلمة توصفه الصراحة... رودينا : فؤاد بجد انتا كنت عايش معاه ازااي ده... فؤاد بتنهيدة : انا كنت عايش مع امي مش معاه.... انا اصلا تقريبا مشفتوش غير كام مرة تتعد علي الصوابع كده... رودينا حاولت تغير الموضوع وتتكلم في حوار تاني بما اني هيا اللي فتحته.... رودينا : اي رأيك تقوم توصلني علشان الحق اجهز للخطوبة... ولا انتا مش جاي ولا اي... فؤاد : جاي طبعاً... يلا... فؤاد خد رودينا ووصلها بيتها وهوا روح علشان يجهز لاني كلها كام ساعة وصاحب عمره يخطب.... رودينا لبست فستان احمر بيلمع " قصير من الامام و طويل من الخلف ليس لديه اكمام و كان مطرز من الاعلي بطريقة جميلة " وعملت ميك اب جميل وكانت زي القمر بس كانت مزودة اوي في الايشادو والبلاشر.... وراحت بعربيتها لحد بيت ليان وقفت قصاد الباب وخبطت خبطتين وراه بعض... مايا فتحت لها الباب وكانت لابسه بلوزة صفراء " كانت شيفون من علي الاكمام وبطلون جينز غامق وكانت عاملة ضفيرة وحاطة فيها توك صغيرة بتلمع ولونهم ابيض " رودينا دخلت واتجهت ناحية اوضة ليان اللي كانت واقفة زي الاميرات... كانت واقفة قدام المراية وعاملة تسريحة اول مرة تعملها في شعرها كانت رفعاه بطريقة حلوة علي شكل دائرة شبه الوردة كده وحوليها توكة لافندر بتلمع ومنزلة خصل منه علي جبينها وقصاد ودنها وكانت بريئة جدا وخصوصا في الميك اب الهادئ اللي كانت حطاه.... رودينا : قمررر.... ربنا يتمم لك بخير يا حبيبتي انا مبسوطة اوي... ليان : وانا مش مصدقة وخايفة اوي... رودينا : خايفة من اي يا عبيطة انتي... ليان : خايفة لكون بحلم ويطلع كل ده مش حقيقي في الاخر... رودينا قربت منها وقامت ضرباها علي دماغها ضربة خفيفة ثم قالت بمزاح : لينو بقيت عروسة يا ناس... ليان بضحك : هههههه... انهاردة خطوبتي مش كتب كتابي .... رودينا بضحك : ان كان علي رومي يكتب النهاردة عادي ههههه ليان : هههه ده مجنون انتي هتقوليلي... وقطع حديثهم دخول تيسير وهي تنظر لليان بفرح وهي تقول : يلا يا حبيبتي علشان منتأخرش.... وبعدين ادهم تحت مستنيكي بقالو فترة.... ليان بخفة : وانتي مقولتليش ليه يا ماما تيسير... وجريت تبص علي نفسها في المراية وهي بتحط ايدها علي شعرها وفي لحظة كانت نزلت تجري علي تحت... تيسير ورودينا ضحكوا عليها وعلي تسرعها.... ادهم : بس بس.... علي مهلك... ثم تابع بضحك : انتي في حد بيجري وراكي ولا اي... ليان ببسمة فرح ممزوجة بالخجل : تؤ تؤ... ادهم ضحك وخدها هي وتيسير ورودينا ومايا وركب العربية وراح علي بيته خد رضوي ووصل القاعة... وكان فيها ناس كتيرر جدا اللي يعرفهم واللي ميعرفهومش... فؤاد كان منتظر ادهم قصاد القاعة واول ما وصل سلم عليه ودخلوا.... وفي اللحظه دي بدأت اصوات الزراغيط و الاغاني و الجو كان تحفة بدأ ادهم و ليان يلبسوا الدبل لبعض و النااس كلها فرحانة ورضوي كانت هتطير من الفرح بس الغريب ان علاء ومهند محضروش وده كان لصالح ادهم... بس اللي كلنا منعرفوش ان هما اصلا مش عارفين اني ادهم هيخطب وده لاني رضوي ماكنتش عاوزة مشاكل... الكل كان مبسوط وطايرر من الفرح وليان ورودينا مبطلوش رقص وادهم وفؤاد و كام شاب من اللي يعرفوا ادهم فضلوا يرقصوا ويهيصوا سوا.... تيسير : انا فرحانة اوي يا رضوي... رضوي : فرحانة بس..... ده انا هموت من الفرح.... ثم تابعت وهي تتجه ناحية ادهم وليان : الف مبروك ياحبيبتي... الف مبروك يا قلب امك...... لووووووووولييييييييي..... لووولييي.. لوووولييييييي... ادهم وليان مع بعض : الله يبارك فيكي ... وفي اللحظة دي ليان سكتت ووشها بقي احمر زي الطماطم فكمل ادهم مكانها وهو مبتسم :- الله يبارك فيكي يا ماما... حفلة الخطوبة خلصت والكل بدأ يروح بيته بعد ما ودعو ادهم وليان وباركلهم في سعادة وفرح.... وفي اخر اليوم ادهم طلب يروح يتغدي هوا وليان برة بس رضوي رفضت وقالت له يخليها بكرة ويقضوا اليوم كله مع بعض احسن.... الفكرة عجبت ادهم جداً ووافق وقرر انو مش هيروح الشركة ويفضل اليوم كله مع حبيبته.... كل واحد فيهم روح علي بيته حتي رودينا فؤاد وصلها لحد باب البيت... ادهم اول ما روح قلع الجاكيت بتاع بدلته ورماه علي الكنبة اللي في اوضته وفرد نفسه علي السرير وهو مبتسم وبيبص للخاتم اللي في ايده و ابتسامته بتوسع اكتر..... فضل يفكر فليان واليوم اللي هيقضوا سوا مع بعض وهيروحوا فين وهيعملوا اي لحد ما النوم اتغلب عليه ونام بهدومه.... ليان دخلت اوضتها وفضلت تلف فيها زي الفراشة و قعدت علي سريرها بعد ما غيرت فستانها ل( ترينج بينك في ابيض ) كانت طالعة زي الملاك البرئ و طول ما هي قاعدة كل شوية تبص علي نفسها في المراية وهي بتتأمل السلسلة اللي حولين رقبتها وبعدين تبص علي الخاتم والغوايش اللي في ايديها وتبتسم وتضحك بهيستيرية لدرجة اني مايا دخلت عليها وقالت بكل براءة :- انتي اتجننتي يا ليان ده انتي لسه مش بقيتي بيضة ليان بابتسامة ممزوجة بالاستغراب : يعني اي بيضة؟!.. مايا : يعني لابسه فستان كبير اوي بيضة وحلو... ليان بضحك : معرفش والله هعمل اي ساعتها.... ههههه.... مايا بضحك علي ضحك ليان : انتي تضحكي علي اي.... ليان بابتسامة : فكك مني وروحي نامي.... يلا... مايا : لا... هسهر... واضحك.... زيك.... ليان نامت بتمثيل علي السرير : لأ..... بصي انا نايمة اهو.... مايا : طب ممكن انام جمبك... ليان بمزاح وهي ترفعها من وسطها الي السرير : تعالي يا ام عيون عسلي انتي.... مايا : تصبحي علي خير... ليان بابتسامة : وانتي من اهلو... مايا فضلت شوية صاحية بتبص علي السلسلة اللي في رقبت ليان ومسكتها ولعبت فيها شوية لحد ما رحت في النوم وليان ابتسمت و غمضت عينيها وحاولت تنام بس افتكرت انه بعد اسبوع هتبقي مراته..... ♢ فلاش باك ♢ رضوي : نعمل الخطوبة كمان يومين و بعد كده بقي نجوزهم الاسبوع الجااي... تيسير بذهول : انتي مالك متسربعة لي بس يا رضوي... رضوي : طول ما الاتنين جاهزين اي بقي اللي يمنعني اني استعجل.... طبعاً رضوي ماصدقت ابنها حب بنت هي اصلا كانت بتتمناه له وفي نفس الوقت اهو يلحق يتجوز ويجيب له عيل يشيل اسمه و بكده عمه وعلاء هيبعده عنه خالص لان كده هيبقي ليه وريث وده كان تفكير رضوي... عز : ماشي يا رضوي بس مش كده برضو... رضوي : ادهم وليان مش لسه اتنين ميعرفوش بعض ومستنين فترة الخطوبة تعرفهم علي بعض دول عارفين بعد بقي لهم فترة كويسة.... وكده كده ليان هتيجي تقعد معانا في الفيلا بتاعتنا يعني ولا تقوليلي جهاز ولا عفش ولا نيش ولا غيره.... ولا انتو عاوزين نأخر في الجواز والسلام.... ثم تابعت بمزاح : ولا انتا ناوي تسأل علينا يا عز.... عز : لا العفو منك... انتو ناس محترمة وبقالنا سنين عارفنكو من ايام يوسف الله يرحمه.... ثم تابعت تيسير بإبتسامة : كنتي بتيجي انتي وادهم لما كان لسه عنده 4سنين ليان ساعتها كان عندها سنه ثم نظرت الي ادهم لتكمل حديثها قائلاً : انتا مش فاكر يا ادهم... ادهم بابتسامة ممزوجة بالخجل : الصراحة انا مش فاكر... رضوي بصت لليان : انتي كنتي صغيرة اوي بس كتي زي العسل ومازالتي برضو... ليان ابتسمت و بصت للارض.... رضوي : اي يا عز انتا مش هتقول حاجه ولا اي.... عز : علي بركة الله.... رضوي : نقرأ الفاتحة بقي.... تيسير : نقري الفاتحة..... ♢ باك ♢ ليان ابتسمت ابتسامة صغيرة وبعدها بدقايق كانت راحت في النوم..... ×××××××××××××××××××××××××××××× في بيت الشرقاوي ✿✿✿✿✿✿✿✿ زينب : مين يا بت اللي موصلك لحد باب البيت ده... رودينا ابتسمت وبصت للارض.... زينب فهمت من حركات بنتها انو فؤاد.... زينب بابتسامة خفيفة : طب مش عيب يجي في الوقت ده ويدخل كده قدام الشارع بعربيته لحد هنا.... الناس يقولوا علينا اي يعني... رودينا : هوا اللي اصر يوصلني... زينب : طب ادخلي غيري..... وعقبال اما افرح بيكي كده.... رودينا ضحكت علي امها ودخلت تجري علي اوضتها وغيرت هدومها و بعد حوالي نص ساعة تقريبا بعتت رسالة لفؤاد نصها " طمني وصلت ولا لسة.... " فؤاد رد عليها برسالة " ما تقلقيش انا كويس... لسه داخل الشقة دلوقتي.... " رودينا بعتت له رسالة " طيب غير هدومك وخد شاور ونام.... تصبح علي خير يا حبيبي... " فؤاد بعت رسالة " وانتي من اهلو يا قلب حبيبك.... انا هكلمك تليفون ردي عليا.... " فؤاد رن علي رودينا وهي كانت عاملة التليفون صامت قاصدة علشان زينب ما تسمعش... رودينا بفرح : الو.... فؤاد : حبيبي قاعد بيعمل اي؟!.... رودينا : واقفة بتفرج من الشباك علي القمر.... فؤاد بضحك : هوا انتي من الناس اللي بتقعد تسرح وتتأمل في القمر.... رودينا : انا عمري ماكنت بعمل الحركة دي.... بل بالعكس ليان لما كانت بتقعد وتعمل كده قدامي كنت بتريق عليها اوووي بجد.... فؤاد بضحك : واي اللي غيرك بقي؟!... رودينا : الحب يا فؤش... فؤاد بضحك علي طريقتها : فؤش!... ده اي الدلع الجديد ده.... رودينا باستغراب : امال انتا دلعك اي؟!... فؤاد بنبرة لم تستطيع رودينا تميزها او تحديدها : محدش بيدلعني اصلا... ادهم بيقولي فؤاد عادي.... رودينا : يعني انتا تفهمني اني مفيش غير ادهم اللي بيندهلك. .. ليه يعني؟!.... فؤاد بوجع : ايوة... لاني انا اصلا مليش حد غيره والباقي التعامل معاهم بيبقي برسمية في اطار الشغل يعني.... رودينا بعدما ادركت شعوره فاسرعت قائلاً بمزاح محاولة التخفيف : ولا تزعل نفسك يا فؤش.... انا هدلعك واعمل لك كل اللي انتا عاوزه... فؤاد بضحك : تسلميلي يا دودو.... رودينا فرحت من الدلع الجديد اللي محدش قالهولها قبل كده... رودينا بضحك : انا اول مرة حد يقولي دودو دي.... فؤاد بضحك مماثل : يا بنتي انا لازم ابقي مميز في اي حاجه كده... رودينا : طيب يا عم المميز... فؤاد : امال في العادة بيدلعوكي اي عندي فضول... رودينا : رودي.... رورو... روني... كده يعني حاجات من دي.... فؤاد : طيب يا ستي انا بقي هقولك دودو... انا حر بقي ادلع مراتي زي ما انا عاوز... رودينا : مراتك تاني... يا ابني هوا انتا جيت طلبت ايدي من بابا ووافق وقالك تنورنا يا بني وانا معرفش ولا اي... فؤاد بضحك : اعتبريني.... هتفرق معاكي يعني... رودينا : هيا من ناحية تفرق فتفرق بس يلا.... تصبح علي خير بقي علشان معطلكش عن شغلك... فؤاد بضحك : ولا عطلة ولا حاجه..... انتي هتهزري... رودينا بضحك عليه : سلام يا فؤش بدل ما اقفل السكة في وشك.... فؤاد بضحك : لا.... اذا كان كده سلام... اقفل بكرمتي احسن... رودينا بضحك : شاطر... احبك وانتا بتسمع الكلام يا فؤشتي... فؤاد بضحك : هوا الدلع بيتطور لوحده ولا اي... رودينا بضحك : اه دي تحديثات كده علي الابليكيشن احنا ملناش دعوة بيها.... كنوع من انواع التجديد يعني.... فؤاد بحب : هتوحشيني... رودينا بخفة : وانتا كمان... يلا بقي مع السلامة... فؤاد بضحك : هتموت وتقفل السكة في وشي.... بتتلككي انا عارف... رودينا : ماسكة نفسي بالعافية علفكرة... فؤاد : لا وعلي اي ده كله.... باااي.. فؤاد قفل معاها والفرحة مش سيعاه حاسس اني الدنيا بتضحك له فجاه بس هوا مبسوط وكويس طول ما حبيبته جمبه ومعاه... اما رودينا فابتسمت بخجل وحضنت التليفون بسعادة ونطت علي سريرها بفرح و فضلت تسرح في حبيبها وهي باصة لسقف الاوضة بتاعها.... ×××××××××××××××××××××××××××××× في شركة المغربي ✿✿✿✿✿✿✿✿ " في الصباح المبكر " علاء كان قاعد في مكتبه بيفكر اي السبب اللي خلي ادهم ميجيش الشركة امبارح وفجأة قطع تفكيره صوت طرقات الباب... علاء : اتفضل... نسمة : استاذ علاء انا اجلت الاجتماع بتاع امبارح زي ما حضرتك طلبت واستاذ ادهم بلغ عدنان انو مش هيجي انهاردة وقال انه في وفد جاي وطلب من حضرتك تقابلهم نايبة عنه... علاء بإستغراب : ادهم مش جاي النهاردة.... ليه؟!... ثم تابع بجدية : المهم... هاتي الملفات اللي بتخص الاجتماع بتاع امبارح و بالنسبة لموضوع الوفد ده نبقي نتناقش فيه لما تجيبي الملفات.... نسمة : تمام... علاء : بقولك... نسمة : ايوة يا فندم... علاء : بالنسبة للاجتماع اللي اتلغي حددتي معاهم ميعاد تاني ولا... نسمة : ايوة.... اتفقنا علي آخر الاسبوع ان شاء الله.... علاء : اممم... جميل... نسمة بإبتسامة هادئة : عن اذن حضرتك يا فندم.... علاء بشرود : اتفضلي.... نسمة خرجت من المكتب وعلاء حس بنفس الاحساس لتاني مرة الاحساس اللي بيتملك منه لما بيتكلم معاها او يشوفها رغم انو لسه شايفها امبارح.... بس هو حاسس بحاجه غريبة ناحيتها.... في حاجه هو مش قادر يفهمها..... مافيش دقايق وكانت نسمة رجعت وفي ايديها الملفات.... ×××××××××××××××××××××××××××××× في بيت الشرقاوي ✿✿✿✿✿✿✿✿ زينب : بت يا رودينا اصحي يا بت رودينا بنوم : ايييي... سيبيني انام شوية طيب.... زينب : قومي شوفي المصيبة اللي انتي جيبهالي رودينا بنوم : يا ماما سبيني انام مرة في حياتي.... مصيبة أي... انا معملتش حاجه زينب : انتي طول عمرك نايمه قومي... قومي يابت الحكومة عاوزاكي برة.... رودينا بعدما قفزت من اعلي السرير وفركت عيناها بسرعة : حكومة أي اللي عاوزاني دي... زينب : انا مش فاهمة حاجه... في حد رافع عليكي قضية باين أو حاجه زي كده مش عارفة قومي.... رودينا : طب ثواني اغير هدومي واطلع... زينب بخوف : الطف بينا يارب.... احنا غلابة والله.... رودينا فضلت واقفة شوية تستوعب و في دماغها ألف سيناريو :- ياتري ده فؤاد وجيه بلبس الشغل و ماما مش عارفاه أصلا لا لا فؤاد هيكلمني قبل ما يجي وبعدين بتقولي حد رافع قضية يعني مش فؤاد أكيد.... طب حكومة أي دي اللي هتيجي هنا دي دلوقتي وعلشان أي مفيش غير العقربة اللي اسمها مي دي هي اللي ممكن تفكر تعمل حركة زبالة زي دي.... بس هترفع قضية أي دي... انا بقالي كتير مشوفتهاش اصلا.... يارب هو أي اللي بيحصل ده.... وفاقت في لحظه علي صوت أمها وهي بتنادي عليها وبتخبط الباب بتاع الاوضة بتاعتها زينب : يا رودينا يا بنتي.... رودينا : حاضر... رودينا خرجت من اوضتها بتشيرت رصاصي وبنطلون جينز وشعرها منحكش حبتين ( ماهي كات نايمة يا جماعة 😂) ووشها شاحب من كتر الخوف.... الضابط بصرامة : آنسة رودينا اتفضلي معانا... زينب بصدمة : تتفضل فين ياباشاا... الضابط بإشارة واحده للعسكري اللي معاه : هاتها يابني... العسكري اتقدم وحط الكلبش في أيد رودينا وسحابها وراه ورودينا بتقاوم وهي بتقول برعب : استنوا بس.... انا معملتش حاجه والله.... طب في أي طيب حد يفهمني.... زينب : يالهوووي.... بنتي.... بنتي.... انتوا واخدينها علي فين... حرام عليكوا... حسبي الله ونعم الوكيل حسبي الله فيكم... ×××××××××××××××××××××××××××××× في بيت فؤاد ✿✿✿✿✿✿ فؤاد صحي علي صوت تليفونه اللي رن أكتر من مرة والرقم كان غريب... فؤاد بنوم : الو.. زينب بعياط : ايوة يا بني الحقني... فؤاد باستغراب : معلش مين معايا.... زينب بنفس النبرة اللي كلها عياط وخوف : انا مامت رودينا.... فؤاد بلهفة : في حاجه ولا اي... رودينا كويسة.... زينب بصوت مكتوم من كتر العياط : الحكومة جات خدت رودينا من البيت يا بني.... فؤاد بصدمة : حكومه... ازااي... زينب : معرفش حاجه... محدش راضي يرد عليا.... ثم تابعت بحرقة : انا عاوزة بنتي.... يتبع.........