غيرت لي حياتي - الفصل العاشر - بقلم شروق محمد | روايتك

ادهم : اي مالك... مصدومة ليه؟!... ليان بضيق شديد : لا عادي... بس مين سعيدة الحظ؟!... ادهم : يعني هيا سعيدة حظ بجد؟!.. ليان ببسمة مصطنعة : ايوة امال... ادهم : تفتكري اعترف بحبي ليها و مترددش... ليان سكتت والدموع بقيت مالية عينيها... بس هيا بتحاول تسيطر عليها انها متنزلشي... ادهم بإبتسامة : بس هيا بسيطة اوي و حلوة جداً و هادية و رقيقة و محترمة كمان ليان زعلت جداً لأنها مش هادية لان ادهم علطول بيقولها انها بتتكلم كتيرر و لا حتي حلوة جداً هيا عادية.... ليان الدموع لمعت في عنيها فدارتهم بسرعة بس ادهم خد بالو و ابتسم لانو اتأكد انها بتحبو... ليان : وايه العلاقة ؟!.. ادهم : يعني ممكن يكون في حد في حياتها لانها مثالية جداً و ساعتها انا معرفش ممكن اعمل اي... ده انا بس لما بتخيل انو يومي ممكن يعدي من غير ما اشوفها احس اني هتجنن... ليان بذهول : هو انتا بتشوفها كل يوم؟!.. ادهم بلئم : ايوة... علطول بشوفها... ليان بضيق : هيا شغالة معانا هنا ؟!... ادهم بخبث : اه... ليان بحزن : يبقي اكيد انا اعرفها مش كده ؟!.. ادهم بإبتسامة يحاول إخفائها : اه تعرفيها... ده انتو صحاب كمان... ليان الكلام نزل عليها زي الصاعقة و فضلت تفكر ممكن تكون مين... جيه في دماغها رودينا بس طردتها فوراً من راسها لانو لسه قايل انو فؤاد بيحبها وعاوز يقربهم من بعض... معقول معقول يكون بيتكلم عن نسمة صاحبتها.... ايوة مفيش غيرها... فاقت علي ايد ادهم اللي كانت بتشاورلها قصاد عينيها... ادهم : انتي كويسه؟!.. ليان : اه... ادهم : ها عرفتيها... ليان بضيق : ايوة عرفتها... وفهمت قصدك... و احب اقولك انو مفيش حد في حايتها... ادهم افتكر ليان فهمت قصده و عرفت انو بيتكلم عليها هيا... ادهم : ده رأيك؟!.. ليان بدموع تلمع في عيناها : ايوة... ادهم حس انها متضايقة فقرر انو يسألها... ادهم بإستغراب : هو انا قلت حاجه ضايقتك؟!... ليان بدموع : لا... ادهم : ليان مالك؟!... في اي ايه؟!... ليان سكتت و مقدرتش ترد لانها لو ردت هتعيط كتيرر اوي و مش هيعرف يسكتها.. ادهم استنتج انها ممكن تكون فهمت كلامه و قصده غلط كالعادة... ادهم : هو انتي ليه علطول ما بتفهمنيش من اول مرة؟!... ليان : ازااي؟!.. ادهم : انا كلامي واضح... ليان : بس انا فعلاً مش فاهمة... ادهم وهو يكتم غضبه : مش فاهمة اي ها؟!.. اي اللي انا قلتو مش مفهوم في كلامي؟!.. ليان : انتا علطول كلامك بالألغاز... ادهم بغيظ مكتوم : طيب يلا علشان اروحك... ليان : لا شكراً هروح لوحدي... ادهم : بقولك يلا علشان اوصلك.. اتفضلي قدامي.. ليان بغضب : اتكلم عدل... ادهم بغضب : وانتي اللي هتيجي تعلميني اتكلم ازاااي؟!.. ليان كانت لسه هتتكلم بس لقيت نفسها مسحوبة من ايديها فبصت لادهم بنظرات غيظ و ضيق بس هو ولا مهتم شدها وراه و ركبها العربية و ركب جمبها و هيا ماسكة ايدها من الألم و دموعها بتنزل علي خدها غصب عنها... ليان لقت الطريق غريب عليها وحست انو ادهم و خدها في مكان هيا متعرفوش فبصت ناحيته بقرف.. ليان بقرف : انتا واخدني فين؟!.. ادهم سكت و مردش ليان بنرفزة : رد عليا مش بكلمك... ادهم ببرود : لما تتكلمي بأدب هبقي ارد عليكي ساعتها.. ليان بزعيق : والله لو ما وقفت العربية لصوت والم عليك النااس.. ادهم سكت و مردش عليها ليان خرجت وشها من شباك العربية و اتكلمت بكل صوتها : ألحقووني.. يانااس.. حد يلحقني انا مخطوفه... ادهم بغضب : انتي اتجننتي.. ادخلي يا ليان بدل ما اتصرف تصرف حقيقي مش هيعجبك.. ليان بدموع : نزلني بقولك... نزلني... ثم تابعت بصرااخ : الحقوووني.. ادهم : بطلي جنان... في كذا واحد وقف قصاد عربية ادهم و بيتكلموا وهوا مش سامع منهم حاجه بسبب صويت ليان وعياطها... ادهم نزل من العربية علشان يفهم النااس سوء التفاهم اللي حاصل و يخليهم يوسعوا من قدام العربية علشان يمشي... طبعاً الناس دي في منهم من المحلات اللي حواليه وفي منهم كان واقف في الشارع عادي.. راجل بتاع محل ورود : وبتخطفوا بنات النااس كمان طب انتو محتاجين اي تاني... هو انتا يا ابني مش مكفيف العز اللي انتا فيه... انتا مش شايف العربية اللي معاك عاملة ازااي و لا تعملها قد اي... ده انا لو قعدت احوش عمري كلو مش هعرف اجيب زيها... ادهم : حضرتك مش فاهم حاجه... الراجل : مش فاهم اي بس... البت نازلة عياط و صويت وانتا ولا هامك... للدرجه دي الضمير اتعدم و مبقاش موجود.... يا ابني اعتبرها زي اختك.. ادهم : يا استاذ اسمعني طيب... الراجل : اسمعك اي بس... ما انتو بتفضلوا تألفوا قصص علشان الناس تسيبكوا تعدوا... ادهم بزعيق : ما تسمع بقي يا عم ولا انتا نازل كلام وخلاص.. الراجل سكت وبص لادهم مستنيه يتكلم... وليان ما بطلتش عياط طول ما هي في العربية و كانت حاطة وشها بين ايديها... ادهم : دي مراتي... ليان دموعها وقفت بتلقائية ورفعت وشها ناحية ادهم و قفلت عينها وفتحتهم تاني كأنها بتتأكد اذا كان ده حلم او حقيقة و كانت مصدومة من اللي هي سمعته... الراجل بتريقه : مرااتك... يا اخي طب قول قرابة تانيه يمكن كنت اصدقك... ادهم : بس انا مش بألف حوارات دي مراتي و احنا اتخنقنا قبل ما ننزل ونزلتها معايا غصب عنها و هي ما كنتش راضيه تيجي.. الراجل بص لليان اللي باصه لادهم وتايهة كأنها في حلم : انتي فعلاً مراته يا بنتي.. ليان ما ردتش عليه لأنها اصلا مش مصدقة اللي سمعته.. ليان لسه علي وضعها اللي كانت فيه اول ماسمعت كلام ادهم.. الراجل : هيا ما بتردش ليه؟!.. ادهم : هتقول اي يعني ؟!... هتقول معلشي اصلي مجنونة ولميت الناس علي جوزي.. الراجل : عقل مراتك يا ابني... وصالحها و متزعلهاش منك... انتا شايف عمالة تعيط ازااي.. ادهم بنفاذ صبر : حااضر... ممكن بقي توسعوا من قصاد العربية... الراجل خد باقي الناس و مشي و ادهم دخل العربية و لسه هيدور علشان يمشي لقي الراجل بتاع محل الورد واقف قصاد عربيته ماسك بوكيه ورد في ايده.... ادهم نزل علشان يشوف رجع تاني ليه لقي معاه بوكيه في ورد كان في النص فيه ورد احمر علي شكل قلب و حوليه ورد ابيض مالي البوكيه... ادهم بزهق : خير... الراجل وهو يمد لادهم باقة الورد : اتفضل يا باشا... صالحك مراتك بيها هتعجبها... ادهم مرضاش يكسفه لانو راجل طيب والمحل بتاعه صغير وعلي قده خد منه البوكيه و دفع ليه800 جنيه تمن الورد الراجل بفرح : ربنا يسعدك يا باشا و يخليلك مراتك و تجيبوا عيال زي القمر شبه حضرتك كده... ادهم ابتسم للراجل وسأله عن أسمو... الراجل : اسمي سعيد يا بيه... ادهم : ماشي يا عم سعيد... يبقي وردنا كلو من عندك بقا... سعيد بفرح : بجد يا باشا... ادهم : ايوة بجد... عن اذنك.. سعيد : اتفضل يا بيه اتفضل... سعيد فرح جدا و دخل المحل بتاعه فرحان و ادهم ركب عربيته و مشي وليان طول الطريق بتفكر في كلامه و ليه قال كده ما كان ممكن يقول اني اخته او قريبته اشمعني مراته... ادهم وقف العربية قصاد مكان شبه الكافيتيريا كده... ليان بدموع : ممكن افهم انتي جايبني هنا ليه ؟!... و ايه مراتك اللي انتا قولتها دي ؟!.. ادهم ببرود : هتعرفي لما تنزلي... ليان : وانتا مين قالك اني هنزل معاك و ادخل المكان ده... ادهم بغضب مكتوم : بقولك اي يا ليان انا مش خاطفك... هما كلمتين هقولهملك و بعدها عاوزة تمشي امشي ليان : قولهم هنا لاني مش هنزل معاك لو عملت اي... ادهم : هو انتي ليه علطول بتعارضيني؟!... ليان : لاني كل تصرقاتك غلط... ادهم : واي الغلط في كده... ليان : انك تاخدني و ندخل كافيتيريا او كازينو حتي يبقي غلط.. ادهم : هوا انا بقولك تعالي شقتي... يا بنتي بقولك عاوز اتكلم معاكي هتكلم فين يعني في الشركة... ليان : وانا بقولك مش هنزل... ادهم : ممكن افهم ليه.. ليان : لو حد شافنا قاعدين مع بعض ساعتها انا اللي هضر و سمعتي هتتبهدل و اكيد ده شئ ما يفرقش معاك.... ادهم بضيق : اولاً ده شئ يفرق معايا جداً وثانياً بقي انا مطلبتش منك تقرري نيابة عني اذا كان يفرق او لا.. ليان : خلاص لو هوا يفرق زي ما بتقول اتكلم هنا.. ادهم بفراغ صبر : ماشي يا ليان هتكلم هنا رغم اني الموضوع مش هيفرق إذا كنا في كافيه او في العربية بس تمام... ليان : اتفضل سمعاك... بس الاول عاوزة اعرف انتا ليه قولت اني مراتك و مقولتش اختك مثلاً.... ادهم : لأني مش بعتبرك كأخت ليا... ليان : لا والله.... ده علي اساس انك بتعتبرني مراتك يعني... ايه الإجابة المستفزة دي... ادهم : لأ بردو مش بعتبرك مراتي... بس فيها اي لو بقيتي... ليان : ده اي الهبل ده.... انتا ردودك كلها مستفزة اوي علفكرة... ادهم بهدوء مصطنع : بصي يا ليان رغم اني كلامي واضح بس هوضحه اكتر لاني الموضوع ده مفيهوش تلميحات... ليان : ياريت... ادهم : انا بحبك و عاوز اتجوزك.... ليان اتصدمت ومردتش لانها معرفتش ترد عليه وتقول اي.. ادهم باستغراب من سكوتها المفاجئ : اي كلامي ملوش رد عندك ولا اي؟!.... ده انتي ما بتعديش حاجه غير لما تعلقي عليها!!.. ليان بدموع تلمع في عينها : طب و نسمة... ادهم باستغراب : نسمة!!... اي جاب سيرة نسمة؟!... واي علاقة ده باللي انا بقوله؟!... ليان بدموع تلمع في عينها : هو مش انتا قولت انك بتحب... ادهم بذهول : اه قولت اني بحب بس ماجبتش سيرة نسمة او غيرها... ليان : انتا قولت هادية و حلوة جداً و بسيطة و انا عرفاها و صاحبتي... ادهم استغرب جداً انها علطول مش بتفهمه رغم اني المفروض يبقي الكلام وضح قصادها فاتضايق جداً.. ادهم بهدوء مصطنع : وانتي افترضتي انها نسمة مش كده؟!... ليان ببراءة : ايوة.... ماهي اكيد مش رودينا... ادهم : بس بس كفاية... انتي هتجيبيلي اسماء البنات كلها ولا اي.... انا كنت اقصدك انتي بتلمحاتي وللاسف كنت فاكرك فاهمة ده... ليان بذهول : اناا.. بس انت ولا مرة قولت اني هادية... ادهم بضحك : يعني احياناً بتكوني هادية... ليان : انا افتكرتك قصدك علي حد تاني وكنت هتجنن لما فهمت ده... ادهم بخبث : كنتي هتتجنني ليه بس؟!... ليان ببراءة دون ان تنتبه : لاني بحبك و بموت من..... معرفتش تكمل ووشها بقي احمر زي الطماطم و صوتها اختفي و مش عارف يطلع و بقيت عاملة شبهه الاطفال بخدودها الوردي الحلوة.... ادهم بضحك : كفاية عليكي كده النهاردة... ليان : انتا بتضحك علي اي؟!.. ادهم بضحك : هكون بضحك علي اي... عليكي طبعاً... ليان : علفكرة انتا غلس اوي... ادهم بمزاح : بس بتحبيني... ليان بصت في الارض ودارت وشها عنه لانو كان احمر جداً و الابتسامة كانت مالية وشها... ادهم بضحك : انتي حالك بيتغير اوي مع الرومانسية... ليان ضكت وسكتت ادهم بضحك : اي الادب اللي حل عليكي ده؟!... لا بس انتي فعلاً مجنونة... ليان بإهتمام : ليه؟!.... ادهم بضحك : انتي بتهزري صح؟!.... انتي بتسألي بجد؟!... ليان : ايوة والله... ادهم بضحك : علشان فرجتي علينا الشارع بس.... ليان اتكسفت وبصت للارض.... طول الطريق ادهم بينكش فيها وهيا تحمر وتبص في الارض وهوا يضحك علي شكلها لحد ما وصلها قصاد بيتها.... ادهم متعمد اخجالها : يلا يا حبيبتي انزلي... ليان وشها احمر وابتسمت : شكراً.. ادهم بضحك : باي خلي بالك من نفسك وانتي طالعه ولما يسألوكي وشك مالو احمر كده ليه قوليلهم ادهم عاكسني.. هههه.. ليان ضحكت ونزلت وقبل ماتطلع ادهم نده عليها... ليان : اي تاني... ادهم مد بوكيه الورد ليها : معقول هتسيبي وردة حبنا وتمشي... ليان بضحك : ورده حبنا!!.. وبعدين انتا مجنون عاوزني اطلع اقولهم اي... ادهم بضحك : قوليلهم وردة حبي انا وادهم... ليان : طيب هات.... ادهم : بحبك... ليان ضحكت علي جنونه وخدت البوكية وطلعت واول ما تيسير فتحت لها الباب لقيتها زي الطماطم وشها احمر جداً ومعاها بوكيه ورد فابتسمت ودخلتها ودخلت وراها تعرف اي اللي حصل.... كان ادهم روح بيته والضحكة علي وشه من هنا لهنا وعمال يغني ويدندن ورضوي افتكرت انو اتجنن لاني دي اول مرة يدخل مبسوط اوي كده لأ و اي بيدندن كمان... ×××××××××××××××××××××××××××××× في بيت عز الدين ✿✿✿✿✿✿✿✿ تيسير بسعادة : قالك اي مفرحك اوي كده؟!... و الورد ده اي مناسبته؟!... ليان بفرحة : مش مصدقة اللي حصل ياماما تيسير... حاسة اني بحلم... تخيلي يا ماما طلع بيحبني.. بيحبني ياماما انا مبسوطة اوي والفرحه مش سايعاني... تيسير بسعادة : ربنا يسعدكوا و يفرحني بيكوا قريب... ليان حكت لتيسير كل حاجه من اول ما خرجوا من الشركة لحد ما وصلها بيتها... تيسير بذهول : يعني فرجتي عليه الشارع وقالك بحبك وعايز اتجوزك... ليان بضحك : ايوة... لا واي كمان بيديني وردة حبنا... تيسير : ربنا يسعدكوا يا حببتي... بس خفي علي الواد شوية... الواد تقيل ومش بالساهل اما يحب و يعترف كمان... ليان : حااضر تيسير : عندي ليكي مفجأة انما اي هتعجبك... ليان : اااي.... تيسير شاورت علي الباب فليان لفت راسها وبصت ناحية الباب بتلقائية... ليان بدموع ولاكن دموع الفرح : بجد يا ماما... قوليلي اني مش بحلم... تيسير بفرحه : مش بتحلمي... ليان طلعت تجري علي عز اللي واقف مبتسم وحضنته و هيا بتعيط... ليان بعياط : وحشتني دخلتك علينا يا بابا اوي.... انا مش مصدقة انك خفيت وبقيت كويس... طب ده امتي ده.... وحصل ازاي وانا معرفش... عز بإبتسامة : اهدي يا حبيبتي... الدكتور اللي كان بيتابع حالتي لاحظ اني اتحسنت علي الادوية بسرعة فعرض علينا فكرة العمليه... فانا ومامتك قررنا نروح نعملها و نسلم امرنا لله والحمدلله اهو بقيت كويس.... ليان بفرح ممزوج بالدموع : حمدلله علي سلامتك يا حبيبي... عز : الله يسلمك يا ليان يا حبيبتي... ثم تابع موجهاً حديثه لتيسير بضحك : انا همشي علشان اشوف شغلي بقا ولا اي... تيسير بإبتسامة : روح ربنا يرزقك يا رب... عز خرج و ليان لسه واقفة مصدومة وبتضحك و بتعيط الاتنين مع بعض... تيسير قربت منها وطبطبت علي كتفها بفرح و بعدين قرصتها في خده علشان تأكدلها انها مش بتحلم... تيسير : مش بتحلمي... شوفتي بقا.. ليان : ماما تيسير ممكن اسأل سؤال... تيسير : اتفضلي طبعاً... ليان : هو انتي جبتي فلوس العملية منين؟!... تيسير : مش انا كان عندي كام غويشة دهب كنت شايلاهم لضرورة او لما تنخطبي ولا حاجه... ليان بزعل : طب ليه كده يا ماما... بيعتيهم كلهم... تيسير بهدوء : ايوة.... اهم حاجه انكم كويسين.... ليان : طب هترجعيهم تاني ازااي؟!... تيسير : لما ربنا يسهل وبعدين هما مش اهم منكم ولا اي... ليان سكتت فتيسير حضنتها و قالت لها انهم هيتعوضوا عن كل اللي حصل... ×××××××××××××××××××××××××××××× في بيت المغربي ✿✿✿✿✿✿✿✿ رضوي : خير الهم اجعله خير... مالك يا واد.... ادهم بفرحه وابتسامة عريضه : هيكون مالي يعني... مبسوط.. رضوي وهي تضع يدها علي جبين ابنها : انتا كويس يا حبيبي.. انتا سخن ولا اي... ادهم وهو يزيح يدها : اي يا ماما ده... هو انا ارجع مبسوط مش عاجب ارجع زعلان و مش طايق نفسي بردو مش عاجب.... اي يا ست الكل في اي.... رضوي : بطمن عليك يا بني.... اصلي مش من عوايدك ترجع مبسوط و بتضحك و تدندن كمان كده كتيرر.... ادهم بضحك : اتجننت يا ماما خلاص... رضوي : انتا يا ولا مالك... انتا اتهبلت ولا اي... ادهم وهو يبتسم و يضع يده علي صدره : هوا ده السبب... رضوي : هو انتا عاوز تجنني يا ابني... ادهم بإبتسامة : بعد الشر عليكي يا رضوش... رضوي : رضوش!!... و اي رضوش دي كمان... ادهم : ابنك وقع خلاص.... شوفتي بقالك قد اي بتتحايلي عليه يفرح قلبك... اهوا هيحقق لك مرادك... ده مش بس هيفرح قلبك ده هيخليه يرقص كمان... رضوي شهقت بفرحه : بجد يا ادهم... بتحب... ادهم : بحب بس.... ده انا بعشق و بحب و بغرق... ده انا اتبهدلت بهدلة يا رضوش ماحلمتش بيها حتي... رضوي بفرحه : والبت دي انا عرفاها صح.... ادهم : عرفاها بس... ده انتي اللي مدخلاها حايتي اصلاً وخلتيها تشقلبها كده.... رضوي : ليان مش كده.... انا كنت حاسة... البت وردة مفتحة مفيهاش غلطة.... لا واي قمر ارب... ادهم مقاطعاً لها بضحك : اي يا ماما براحة... ده كأني قولتلك ايوة هيا... رضوي بزعل : اي مش هيا... ليه كده يا حبيبي... ادهم بضحك : لأ هيا يا ماما... رضوي بفرح : لووولوووولللييييي.... لوووووولوووليييي... ادهم بضحك : هوا انتي كتبتي كتابنا من غير ما نعرف ولا اي... بس يا ماما هتفرجي علينا الناس... رضوي بفرحه : وانتا مالك انتا يا واد هوا انتا اللي بتزرغط ولا انا... لووووولووووولييييي.... ادهم بضحك : طب حوشي شوية لبعدين طيب.... رضوي : هتروح تطلبها امتي يا واد... ادهم بضحك : انتي مستعجلة كده لي... رضوي : هوا انتا كل يوم بتخش عليا وتقولي بتحب وعايز تتجوز يعني... ادهم : لأ.. رضوي : يبقي تخرس خالص.. لوووولووولييييي... ادهم بضحك : انا هدخل انام تصبحي خير... رضوي : تنام.. تنام اي هوا انتا هيجيلك نوم اصلاً... ادهم : هو انتي ليه محسساني اني ليلة فرحي انهاردة.... رضوي : انتا تروح تطلبها من اهلها بكرة و نقري الفتحه... ادهم بضحك : طب اي رأيك اروح انهاردة... رضوي : يلا روح البس.. ادهم بضحك : بس يا ماما... بطلي تسرع شوية... رضوي : وربنا يا ادهم لو ما جيت معايا نطلبها دلوقتي من اهلها لسيبلك البيت وامشي ومتشوفش وشي تاني... ادهم بضحك : لا وعلي اي كل ده ثواني وهبقي عندك... رضوي : يلا... انا راحه البس... ادهم طلع فوق علشان يغير ويتصل بليان اللي اكيد هتتفاجئ بوجودهم... ادهم : ايوة يا حبيبي... ليان بضحك : خير اللهم اجعله خير في اي... ادهم : وحشاااني... ليان بضحك : يبكااش هو انا لحقت اوحشك... ادهم : بقولك انا جاي اطلبك انهاردة من اهلك... ليان افتكرت ادهم بيهزر معاها فضحكت بصوتها كله... ليان : لا يا راجل... ومالو... ادهم : اجهزي بقا ودلعي نفسك كده... ليان بضحك : سلام يا ادهم... ادهم قفل ولبس بدلة رصاصي وقميص اسود ورضوي كانت لبست درس بيج ونزلوا ركبوا العربية ورضوي اصرت تروح محل حلويات وتجيب تورتاية كبيرة وطبق حلويات مشكل... ادهم كان ناوي يجيب بوكيه ورد او علبة شيكولاته... بس رضوي قالت انو يجيب هوا البوكيه والشيكولاته وهي تجيب الحلويات والتورتة.... واتصلت بتيسير قالت لها انها جايه تطلب ليان لادهم وهما في الطريق... تيسير : ليان... ليان... ليان بنعاس : ايوة يا ماما... تيسير : انتي بتعملي اي؟!... ليان : كنت داخلة انام... تيسير : تنامي!!.. رضوي لسه مكلماني وبتقول انها جاية هيا وادهم علشان يطلبوكي.... هوا ادهم مقالكيش... ليان بصدمة : ااي... لأ قالي بس كنت فاكراه بيهزر... ده مجنون رسمي فعلاً... تيسير : طب خشي البسي حاجه وانا هدخل المطبخ اشوف هعرف اعمل اي بسرعة كدا... مايا : ومطبخ ليه بقا... ما تتصلي ببابا و تقوليله يجب حاجات معاه وهوا جاي وخلاص... تيسير مردتش علي مايا و دخلت المطبخ تقلب تشوف هتعمل اي بس كل اللي ممكن تعمله هياخد وقت.... اتصلت بعز وقالتله يجي لاني في عريس جاي لبنته و يجيب معاه حاجه ساقعة او شربات علشان تقدمها لهم.... و عز فرح جداً وراح جاب شربات وحاجه ساقعة و روح بدري البيت... ليان طلعت تلبس وكانت مش مصدقة اللي بيحصل.. اليوم كان بالنسبة لها في حاجه غريبة كل حاجه كان نفسها فيها اتحققت بالسرعة دي... مسكت تليفونها وبعتت رسالة لرودينا انها تيجي لاني انهاردة قراية فاتحتها وفهمتها اني الموضوع جيه فجأه و رودينا فرحت وزعلت في نفس الوقت وحست باحاسيس متلغبطة... ليان لبست فستان سكري باكمام.. الاكمام بتاعته شيفون فيها نجوم صغيره بتلمع كان فوق الركبة وفردت شعرها علي ضهرها.. ادهم ورضوي وصلوا و معاهم الحاجات وتيسير خدت الشنط وحطتها.. تيسير بفرح : تعالي يا رضوي اتفضلي.. ملوش لزوم التعب ده.. رضوي : سلام عليكم.. ثم تابعت بضحك : ده مش ليكي ده لليان عز : وعليكم السلام... رضوي : حمدالله علي سلامتك يا عز... مايا : هوا انتي كنتي عارفة... رضوي : ومن امتي امك بتخبي حاجه عليا.... تيسير : ازيك يا حبيبي... ادهم : الحمدلله يا خالتي انتي اخبارك اي... تيسير : بخير الحمدلله.... ادهم : يا رب دايما يا خالتي... ازيك يا عمي... عز : يا اهلا وسهلا بالحبايب... سلموا علي بعض و بدأوا يتكلموا كلهم سوا وليان قاعدة وشهها احمر.... وفي الاخر اتفقوا وقرأوا الفاتحة وحددوا معاد الخطوبة كمان يومين تحت إلحاح رضوي... وتيسير راحت جابت الشربات وقدمتوا و رضوي قامت تزرغط... ادهم بضحك : ما صدقتي انتي صح... رضوي : روح يا واد اقعد جمب عروستك واسكت.... ادهم راح قعد جمب ليان و هيا بصت في الارض و اتكسفت... والفرحة مش سايعاها... ليان بضحك : انتا بجد مجنون... ادهم بضحك : ربنا يسامح ماما بقا هيا اللي اصرت اني اجي اطلبك انهاردة.. ليان بتكشيرة : يعني انتا مكنتش عاوز تيجي تطلبني.. ادهم : مكنتش هاجي انهاردة كنت بقولها اخر الاسبوع بس هيا مرضيتش وبعدين مكنتش اعرف ان عمي بقي كويس.. حمدلله علي سلامته صحيح.. ليان بإبتسامة خجل : الله يسلمك.. رضوي : لووووولوووولييي... لوووووولوووووولي... تيسير : ربنا يتمم لكم علي خير يا حابيبي.... لووولوووليي.. رضوي : الف الف مبروك عقبال الخطوبة... لووووولووووليييي.. لووووولووووووليييييي مايا ببرائة : هوا مفيش اغاني ليه؟!... هوا مش ده فرح؟!... الكل ضحكوا وراحت تيسير شغلت اغاني ورضوي عليتها علي اخرها وفضلت تزررغط و قامت رقصت... ليان خدت جمب وبعتت رسالة لرودينا تسألها اتأخرت لي بس ماحدش رد.... اتصلت مرة واتنين وتلاته محدش بيرد.... ليان قلقت والتوتر اتملك منها رجعت اتصلت تاني واخيرا رودينا ردت... ليان بلهفة وقلق : رودينا انتي كويسة؟!... رودينا : الو الو... ايوة يا لينو... انتي سمعاني... ليان : ايوة يا رودينا انتي فين... الو.... ( رضوي زرغطت :- لوووولوووولييي.. لووووولوووولي.. ) رودينا : انا في الشارع قربت اوصل... ليان وهي تضع يدها علي اذنها : انا مش سمعاكي... رودينا : اطلعي البلكونة طيب... ليان : اااي... رودينا بزعيق : اطلعي البلكووونه... ليان خدت التليفون و طلعت البلكونة و ادهم شافها فراح وراها... رودينا : سامعاني كده.. ليان : معقولة... ها انتي فين... رودينا : جاية في الطريق اهو... ليان : مستنياكي... طب انتي كويسة؟!... رودينا : اه متقلقيش... ثواني وهكون عندك.... ليان قفلت مع رودينا و لفت علشان تدخل بس خبطت في ادهم... ليان شهقت وحط ايديها علي بوقها من الخضة : يا لههوي... ادهم بضحك : اي شوفتي عفريت؟!.. ليان بعدما زفرت بإرتياح : حرام عليك يا أدهم بجد... ادهم بضحك : انا اسف والله مكنتش اقصد.. ليان : خالتي رضوي قالتلك اي علشان تيجي تطلبني انهاردة.. ادهم بضحك : حلفت اني لو مجتشي هتسيب البيت وتمشي ومش هتخليني اشوف وشها تاني هههه... ليان بضحك : يا نهااار... بس شاطرة... ادهم : عجباكي هيا مش كده... ليان : اوي الصراحة... بقولك اي... ادهم بإهتمام : قولي... ليان : رودينا شوية وهتيجي.. ادهم : اعمل اي يعني... ليان : هو اي اللي تعمل اي.... كلم فؤاد خلي يجي هوا كمان وبكده يتقابلوا الاتنين مع بعض... ولا انتا اي رايك... ادهم : بصي هي فكرة مش بطالة بس مش هنستفاد بيها حاجه... لاني فؤاد و رودينا ممكن التوتر اللي بينهم يوتر جو المناسبة كله... وانا مش عايز حاجه تعكر المود الصراحه... فاواعدك اني هعوضها بس بطريقة تانيه وقريب... ليان بضحك : ده انتا اناني اوي... ادهم : عيب عليكي.. مايا : انتو بتعملوا اي هنا؟!... امك عاوزاك انتا وهيا... ادهم : امك!!.. هيا اسمها امك بردو.. ليان : روحي يا مايا من هنا وبطلي قلة ادب.. مايا : اخلصوا... ليان خرجت مع مايا و بعد شوية ادهم خرج وراهم... رضوي : انتو كنتو فين؟! ليان بكسوف : كنت بكلم صحبتي بسألها اتأخرت ليه؟!.. ادهم بتوتر : كنت بشرب... رضوي و تيسير ضحكوا عليهم لانهم عارفين انهم كانوا سوا.. رضوي قطعت صمت الجميع :- لوووووولووووووليييي... يتبع......