الفصل التالت
في بيت عز الدين
✿✿✿✿✿✿✿✿
في تمام الساعة الثامنة صباحاً
ليان بإبتسامة : صباح الخير....
تيسير : صباح النور يا حبيبتي ، رايحه الشركة مش كده
ليان ببراءة : آه... ، إنهاردة اول يوم ليا هناك
تيسير : ربنا يوفقك يا حبيبتي ، يلا عشان تفطري
ليان : حاااضر..
ليان تناولت فطورها التي حضرته امها و صعدت الي غرفتها و
فتحت خزانتها واخرجت فستاناً احمر اللون ذات حزام اسود
يلتف حول خصرها قصير بعض الشئ وقامت بإرتدائه وقامت
بفرد شعرها الذي كان يغطي ظهرها تماما و نزلت من غرفتها و
ودعت أمها و خرجت مسرعة مرتدية حذائها الأسود الأنيق الذي
يليق بها ثم اوقفت تاگسي لگي تذهب الي الشرگة.
وعندما وصلت الي الشرگة كانوا الموظفين مذهولون لما تري
عينهم فهي فتاه جميلة و رقيقة و تجذب اليها من يراها فكانت
تسير بثقة و تألق.
ليان : لو سمحت
الموظف : خير**
ليان : فين غرفه المدير
الموظف وهوا تائه في ملامحها الجذابه : ااي.. فوق حضرتك
ليان : شكرا
ليان صعدت الي الطابق العلوي لتلتقي بنسمة وتسألها عن
ما تريد.
ليان بإبتسامة رقيقة : لو سمحتي
نسمة : نعم*
ليان : عاوزة أقابل مدير الشرگة
نسمة : هوا انتي المساعدة الجديدة
ليان : اه
نسمة : ثواني...
ثم تابعت بعدما طرقت باب المكتب الخاص بأدهم : استاذ أدهم
أدهم : خير...
نسمة : مساعدة حضرتك وصلت
أدهم : آه..... ، دخليها
نسمة بعدما خرجت من المكتب : اتفضلي يا فندم
ليان بعدما تنحنحت : السلام عليكم
أدهم : و عليكم السلام
ثم تابع دون ان يرفع رأسه : اتفضلي قعدي
ليان : امم...
أدهم بعدما رفع عينه لتلتقي بعينيها الجميلتان و يتوه فيهما : اااااي... ، احححممم... ، اسمك اي؟!
ليان : اسمي ليان إبراهيم الدسوقي
أدهم بعدما اعاد نظره الي حاسوبه الخاص ليكمل حديثه دون ان يرفع رأسه ليظهر عدم اهتمامه : اممم.... ، طبعاً انتي هتبقي مساعدتي الخاصة و ده شرف كبير ليگي و طبعاً حابب اعرفك اني اي غلطه بحساب مهما كانت صغيرة و اللي انا اقول عليه يتنفذ بدون نقاش في اي حاجه ، هتبقي مسؤلة عن كل حاجه في المكتب كل صغيرة و كبيرة و قبل اي اجتماع مع اي حد لازم تبلغيني بيه قبلها بحوالي نص او ربع ساعه و تكوني مجهزة كل حاجه تخص الإجتماع تمام و لو حبيتي تستفسري عن اي حاجه نسمة موجودة في اي سؤال عاوزة تسأليه
ليان بتوتر : لا شكرا
أدهم : تمام اتفضلي و خلي نسمة توريكي مكتبك ولو عوزتك هتصل
ليان : مكتبي ... ، هوا انا ليا مكتب
ادهم و هوا متعجب من سؤالها : امال ناوية تقعدي فين ان شاء الله
ليان : عادي...
أدهم : خير في سؤال ذگي تاني من اسألتك
ليان بغيظ : لأ شكرا
ادهم : طيب يا ريت تتفضلي تطلعي علشان ورايا شغل و اظن وضح معاگي هتعملي اي
ليان خرجت من المكتب وهيا في ذهول من كل تلك القواعد التي
من المفترض ان تلتزم بها وتتبعها وقالت في نفسها:- هوا مش
المفروض براحة اني اول مرة آجي هنا يبقي في هدوء شوية و
واحدة واحدة كدا علينا ولا اي.، لأ ده رص لي لستة كأني راحه
اجيب طلبات من السوبر ماركت ، و مع ذلك متعبشي من
الگلام بعد كل اللي قاله ده...... ، لأ و بيتكلم بتناگه رهيبه من
غير ما يرفع راسه حتي ده اي ربي التكبر ده
وقاطعتها نسمة وهي تضحك : هوا لحق يجننك
ليان : هااا... ، هوا انا صوتي عالي اوي كده
نسمة بضحك : تقريباً
ليان : هوا فين أنسة نسمة
نسمة بضحك : أنااا... نسمة. ، تعالي اوريگي مكتبك
ليان بإبتسامة : امم.. ، ماشي
نسمة : أسمك إي
ليان : اسمي لياان
نسمة : اسم جميل
ليان بإبتسامة رقيقة : شكرا
ليان دخلت مكتبها بعدما ذهبت نسمة و جلست علي
الگرسي و بعد مرور دقائق من جلستها تلك جائها اتصال
علي هاتف المكتب لتجيب عليه
ليان برقة : الو
أدهم بحده : انتي قاعدة عندك بتعملي اي
ليان : هوا مش حضرتك قولت....
أدهم بعدما قاطعها : ثواني و تكوني قدامي
_ واغلق الهاتف دون ان يسمع منها كلمة _
ليان بتعجب : اي البني ادم ده ... ، ده اكيد حيوان في سورة بشر
ثم ركضت مسرعة الي مكتبه و طرقت الباب و انتظرت حتي أذن لها بالدخول
ليان بتوتر : خير *
ادهم بحده : فين ورق الاجتماع بتاع النهاردة
ليان بإستغراب : هوا في اجتماع انهاردة ؟!
ادهم : لا والله هوا انا اللي هفكر سعتك ولا اي
ليان : مكنتش اعرف وبعدين ده لسه اول يوم شغل ليا براحه شويه
ادهم بغيظ : هوا انتي اللي هتعلميني اتعامل مع موظفيني ازاي
ليان بإرتباك : لأ طبعاً .... ، بس انااا..
ادهم بعدما قاطعها : ما بسش ثواني و ورق الاجتماع يكون عندي انتي فاهمه
ليان : حاضر
ثم ذهبت الي نسمة لتخبرها بما حدث
نسمة : خلاص استنيني هنا و هروح اجيب لك الاوراق و بعدين اعرفك تعملي اي بالضبط بعد كده
ليان : شكرا اوي بجد
نسمة : علي اي.. ، ثواني....
ليان في نفسها : ده راجل مجنون والله معرفشي بقا قاعد علي الكرسي ده ليه و ازاي
نسمة : اهم... ، و موجود فيها كل حاجه تخص اجتماع انهاردة.، اما الورقة دي مواعيد باقي اجتماعات الاسبوع علشان تبقي عارفة و تجهزي نفسك قبلها
ليان : شكرا اوي يا نسمة
نسمة : شكرا اي بس هوا احنا مش بقينا صحاب ولا اي
ليان بإبتسامة : اه طبعاً بقينا اصحاب
نسمة : خلاص يبقي مفيش شكرا بينا
ليان : اممم... اوكي اتفقنا
نسمة : يلا روحي بسرعه علشان ميزعقش
ليان : صحيح انا همشي
و بعدما انتهي الحديث بينها وبين نسمه ركضت مسرعة الي
مكتبه لتطرق الباب وهي تسمع دقات قلبها من شده خوفها
من ما سيحدث و بعد ان اذن لها بالدخول دخلت و تنحنحت
ليان : احم احم....
ادهم : هو انتي بتعملي اي كل ده
ليان : بجيب الورق
ادهم بغيظ : لو بتصنعيهم مش هتأخدي كل الوقت ده
ليان : اتفضل
ادهم : بصي يا شاطرة.....
ليان بعدما قاطعت حديثه : علفكره ليا اسم اتنده بيه
ادهم بعصبيه : والله..... هوا انا مش عرفتك اني طول ما انا بتكلم متقاطعنيش ، لأ وبتقلي ادبك كمان
ليان بإستغراب : اقل ادبي....
ادهم : بصي يا بت انتي علشان انا بتعصب بسرعة وخلقي ضيق فمش هتلقيني صابر عليكي كتير لسه اول يوم ليكي شغل و عماله تعملي في غلطات معملهاش ناس بقالها هنا سنين خلي بالك واتقي ربنا في نفسك علشان اناااا المرة الجايه مش عارف هعمل فيكي اي
ثم تابع حديثه بصوت مرتفع ملئ بالغضب الشديد :ـ انتي سامعه ولا انا بكلم نفسي
ليان بخوف : اه ساااامعه ... ، هوا حد قلك اني طرشه
ادهم : هوا واضح اني انتي سمعتي الصراحه
ثم قام من مكان جلوسه و بدأ في الاقتراب ووجه ملئ بالغضب و قال بصوت مرتفع :ـ اااطلعي برة
ليان : حاضر
ادهم في نفسه : ده اي الناس المتخلفه اللي بتتحدف علينا دي يا رب منك لله يا ماما انتي السبب دي لهلوبة دي
صحيح ما هوا ربنا ما بيديش كل حاجه عقل و حلاوة كمان ليه يعني الصبر يا رب
ليان بعدما خرجت من مكتبه و الدموع في عينيها ثم دخلت
مسرعه الي مكتبها لتجلس علي كرسيها وتسند برأسها علي
حافه المكتب وتبدأ بالبكاء و هي تقول :ـ ده اي الذل ده يا
رب انا عمري ما حد كلمني بالطريقه دي هوا بيعملني كده لي
علشان شغالة عنده يعني لو مش محتاجه للشغل ده مكنتش كملت اساسا
_ثم امسكت هاتفها لتتصل بصديقتها رودينا_
ليان بصوت ملئ بالبكاء : الو
رودينا : الو ازيك يا لينو
ليان : الحمدلله كويسه
رودينا : هوا انتي بتعيطي
ليان : اايوة
رودينا : في حاجه ولا ايه انگل كويس
ليان.: اه كويس
رودينا : امال مالك . انتي فين طيب
ليان : في الشرگه
رودينا : واي اللي معيطك كده
ليان وكادت ان تكمل حديثها ولاكن قاطعها رنين الهاتف الخاص بمكتب الشركه : رودينا طب اكلمك بعدين
رودينا : بعدين اي بس
ليان : علشان خاطري هبقا اكلمك بعدين
رودينا : تمام
ليان بعدما انهت مكالمتها مع رودينا و اجابت علي الهاتف مسرعه في الرنه الثانية
ليان.: الو
ادهم بغيظ : تعالي على المكتب
ليان : حاضر
ليان بعدما طرقت الباب.: نعم *
ادهم : ما بترديش لي
ليان : كان معايا تليفون
ادهم : امممم... ، طيب روحي لعدنان في مكتبه و سلميه الورق ده و الورق اللي هيديهولك تجيبيه و تيجي و حسابك معايا بعدين
ليان : تمام
ليان ذهبت و طرقت باب نسمه
نسمه : اي مالك
ليان : فين مكتب عدان
نسمه : عدان مين
ليان : هوا اللي قالي كده
نسمة بعدما استوعبت حديثها : اااه ، عدنان
ليان : ايوة هوا ده
نسمة : في الطابق السفلي تاني مكتب علي ايدك اليمين
ليان بإبتسامة رقيقة : شكرا يا نسمة
نسمة بعدما تبادلت معها الابتسامة : العفو
ثم ذهبت مسرعة لتطرق الباب وتنتظر حتي ياذن لها
بالدخول وبعد ثوانِ اذن لها عدنان ان تدخل
ليان : لو سمحت استاذ ادهم بيقولك اتفضل وهات الورق اللي طلب من حضرتك تجهزه
عدنان وهو شارد في ملامحها الرقيقه : اااا عيدي كلامك تاني معلش مكنتش مركز
ليان : استاذ ادهم بيقولك اتفضل وهات الورق اللي طلب منك تجهزه
عدنان بابتسامة : اه تمام ثانيه واحده.......... ، اتفضلي
ليان : شكرا
عدنان في نفسه :- هو في حد كده دي اكيد ملاك مش انسان
- ثم خرجت وذهبت مسرعه الي مكتب مديرها الذي كاد ان ينفجر من غضبه -
××××××××××××××××××××××××××
في بيت عز الدين
✿✿✿✿✿✿✿✿
تيسير : مالك يا عز قاعد مضايق ليه
عز : خايف علي ليان ، مش مطمن عليها
تيسير : متخافش دي بتشتغل مع واحد بن حلال و رضوي هتبقي طمني عليها
عز : ربنا يسترها معاها يارب هيا واللي زيها
تيسير : يا رب يا حبيبي
××××××××××××××××××××××××××
في شركه المغربي
✿✿✿✿✿✿✿✿
ليان : اتفضل
ادهم : هوا انتي يا بنتي ما تعمليش حاجه عدلة ابدا يإما تموتي عقبال اما تجيبيها يإما تجيبيها غلط
ليان بعد ان كتمت غيظها : مش فاهمة
ادهم بعدما اخذ نفسا طويلا لكي يهدأ : انا ماشي بمواعيد يعني في نظام مش عشوائي فبعد كده متتاخريش تاني تمام
ليان بصبر : حاااضر
ادهم : انا عندي اجتماع دلوقتي هخلصه واتفضلي امشي
ليان : حاضرر
خرجت ليان من المكتب بعد ما اعدت له كل ما يخص اجتماعه
وذهبت الي نسمه وجلستا سويا يتحدثان معا وظلا علي هذه
الحالة حتي انتهي الاجتماع .
ليان : استاذ ادهم ممكن اروح
ادهم : طيب روحي بس متتعوديش علي كده انهاردة مكنش في شغل كتير
ليان في نفسها : امال لو في شغل كتير كنت هبات عنده ولا اي
ادهم : انتي لسه واقفه... لي؟!
ليان : لا مفيش كنت فاكرة اني نسيت الشنطة
ثم خرجت مسرعة لتوقف تاكسي وتذهب الي بيتها التي قد
اشتاقت له كثيرا
××××××××××××××××××××××××××
في بيت عز الدين
✿✿✿✿✿✿✿✿
ليان بتعب : السلام عليكم ورحمة الله وبركاته
تيسير : وعليكم السلام ورحمة الله
ليان : ماما تيسير ممكن اروح عند رودينا نعد شوية سوا
تيسير : اممم.... ، طيب بس اصبري اما تتغدي الاول
ليان ببراءة : بس انا مش جعانه
تيسير : معلش كلي معانا الاول وبعدين روحي
ليان : امم... حاضر
××××××××××××××××××××××××××××××
في بيت الشرقاوي
✿✿✿✿✿✿✿✿
رودينا : يوووه هوا كل مآجي احل مسألة تطلع غلط اوف بقا
زينب بزعيق : انتي يا بت....، قومي افتحي الباب اللي بقاله ساعه بيخبط ده
رودينا بزهق : حاااضر يا ماما حااضر...
زينب : مين اللي بيخبط
رودينا : دي بنت جارتنا اللي قدمنا بتقولك عندك لمونة
زينب بزهق : اه عندي
رودينا بعدما اخذت من امها اليمونه : اتفضلي يا حبيبتي
زينب : اهي ما بتعرفنيش غير علشان مصلحتها
" بعد مرور ١٥ دقيقة "
رودينا : انا نازلة
زينب بشدة : نازلة رايحه فين يعني
رودينا : رايحه لليان
زينب : امم .. متتاخريش هناك نص ساعة وتعالي
رودينا : يوووه بقا يا ماما.. سيبيني اقعد براحتي ..
ثم فتحت باب المنزل وخرجت وركبت سيارتها وذهبت لمنزل ليان
زينب : انما انتي بت متربتيش صحيح
××××××××××××××××××××××××××××××
في بيت عز الدين
✿✿✿✿✿✿✿✿
ليان بابتسامه : الحمد لله انك جيتي ..
ثم تابعت بضحك :- وفرتي عليا..
رودينا بضحك : كنتي بتفكري فيا ولا اي
ليان : انا كنت ناوية اجيلك.... كنت لسه داخلة البس
رودينا : اهو شوفتي من القلب للقلب يا ستي
ليان : مش صحاب بقا
رودينا : ايوة امال ...
ثم تابعت بابتسامة :- عملتي اي في اول يوم شغل صحيح اتبسطي؟!
ليان : متفكرينيش بقا
ثم تابعت :- ده يوم ما يعلم بيه الا ربنا
رودينا : ليه
ليان : هو انا قولتلك اني اشتغلت عند ابن خالتي رضوي
رودينا : اه قولتيلي
ليان : ده بقا حاجه ما تتوصفش
رودينا : اي قمر...
ليان : قمر اي بس يا رودينا انتي كمان
رودينا : انتي اللي قولتي حاجه ما تتوصفش
ليان : قصدي انو بارد برود ومغرور بشكل ... لا وقليل الادب كمان
رودينا بضحك : ليه بس كده هو عملك حاجه
ليان : لا هو ميقدرش يعمل حاجه بس بيقول كلام يحرق الدم بجد
رودينا بضحك : لي بس
ليان : كنت بجد عاوزاكي تبقي معايا
رودينا : ولا تزعلي نفسك الوقت اللي هبقي فاضيه فيه هاجي اقعد معاكي في مكتبك
ليان بفرحه : بجد..
ثم تابعت :- وطنط مش هتزعق
رودينا : طنط دي قرفتني في عشتي بجد ...، لا مش هعرفها اصلا هبقي اقولها اي حاجه سعتها
ليان : لي بتقولي كده دي مامتك ميصحش تتكلمي عنها بالشكل ده
رودينا : يا بنتي انا زهقت والله تعبت ، حاسه اني لو تنتني في البيت ده هتجنن
ليان : علشان اي ده كلو
رودينا : مش بتشوف وشي غير لما تزعق لي وتتطلب مني حاجات اعملها و في الآخر مش بيعجبها عاميلي
ليان : بس دي مامتك ملهاش غيرك يا رودينا متعمليش معاها كده ، خليكي حنينه عليها حرام تعملي فيها كده وبالذات بعد اللي حصل معاها
رودينا بدموع : وانا ذمبي اي اني بابا طلقها وسبنا ومبقاش يسال
عننا ولا فارقة معاه احنا عايشين ولا ميتين
ليان : بس هيا معندهاش غيرك علشان تفك علي نفسها معاه سواء بزعيق او بشتايم او غيره...
علي عكسك انتي عندك انا موجدوة جمبك ومش هسيبك كل ما تحسي انك مخنوقة تعالي عيطي في حضني و فضفضي براحتك وانا هسمعك...
انتي لازم تغيري معاملتك معك مامتك علشان خاطر هيا تستاهل ده فوقي يا رودينا ومتخليش الشيطان يلعب بيكي...
رودينا بدموع : عندك حق في كل حاجه بس صعب والله اعمل كده
ليان : حاولي انتي قدها وانا معاكي
رودينا بعدما مسحت دموعها : هحاول وعد مني ليكي اني هحاول ومش هكرر عميلي دي تاتي ابدا
ليان : وانا واثقة انك هتوفي بوعدك ليا
رودينا بابتسامة بعدما عانقت ليان : ربنا يخليكي ليا يا احلي صاحبة في الدنيا دي
ليان بضحك : احنا اخوات يا بنتي..
رودينا : هو ينفع انام عندك النهاردة
ليان : ايوة طبعا ...، بس مش كده طنط هتقلق عليكي
رودينا : لا هيا عارفة اني عندك
ليان : خلاص يبقي نسهر سوا
رودينا بفرح : هي دي فيها كلام
ثم تابعت :- ناس مكنا عندهم امتحنات بعد بكرة المفروض يقعدو يذاكروا انما احنا لا...
ليان بضحك : انتي قولتي الناس العادية اما احنا برينسيسات
رودينا : فعلا ..، واصلا احنا مش محتاجين مذاكرة احنا متفوقين جدا
ليان بتريقه : اممم اوي اوي كمان ...
رودينا : انكل عامل اي دلوقتي سلميلي عليه
ليان : الحمد لله ..، للاسف مفيش جديد ...، الله يسلمك حاضر
ثم تابعت :- ها هناكل اي بقا
رودينا : اندومي...
ليان : يعع .. اي القرف ده....
رودينا : انا هجيب اندومي شوفي انتي هتاكلي اي ...
ليان : هجيب كيكاية وبسكوت او ممكن فطيرة بالجبنه او باتيه...
رودينا : ايوة يعني هتاكلي اي بردو....
ليان : اممم ... ، باتيه و فطيرة...
رودينا : طيب انزلي انتي هاتي الحاجه وانا هستناكي هنا...
ثم تابعت :- هاتي لي كيسين اندومي من الكبار باللحمه وخليها تعملهالي وتزود شطه كتيرر
ليان : تمام ...اجيب حاجه نشربها
رودينا : ماشي ولا اقولك بلاش احسن
ليان بضحك : حاضر
ليان ذهبت واحضرت كل الطلبات وعادت الي منزلها وجلست مع
رودينا لكي يتناولا الطعام واخذو يضحكون وقاموا باللعب ببعض
الالعاب الخاصة بليان بالاضافة الي مشاهدة بعض الافلام ..
وظلتا هكذا حتي شعرت ليان بالنعاس وطلبت من رودينا ان
يكملا غدا وذهبا الي الفراش لكي يناموا ...
يتبع.........