الفصل 4
عالم القصص والروايات 📚:
*ـــــــــــــــــــــــــــــــــــــــــــــــــ*
*, #ﺇﻥ_ﺟﻴﺘﻴﻨﻲ_ﺑﺪﻣﻮﻉ_ﺟﺎﺑﺮ_ﺍﻟﻜﻮﻳﺖ_ﺻﺮﺕ_ﻟﻚ_ﺣﻀﻦ_ﻓﻬﺪ_ﻭﺍﻟﻤﻤﻠﻜﺔ*
*(((((( #البارت_الرابع )))))*
****ـــــــ****ـــــــــ****ـــــــ*
ﺷﺎﺩﻥ ﻭﻫﻲ ﺗﻌﺪﺩ ﺑﺒﺮﺍﺀﺓ :
ﺑﺎﻟﺸﺮﻗﻴﺔ ﻭﺍﻟﻜﻮﻳﺖ ﻭﺑﺎﻛﺴﺘﺎﻥ ﺑﺲ ﻣﺎﻗﺪ ﺳﻤﻌﺘﻬﻢ
ﺳﻴﺎﻑ ﻭﻫﻮ ﻳﻨﺴﺪﺡ ﻋﻠﻰ ﺍﻟﺴﺮﻳﺮ ﺑﺠﺎﻧﺐ ﻏﻨﻰ :
ﻣﺸﻜﻠﺔ ﺗﻀﺎﺭﺏ ﺍﻟﺜﻘﺎﻓﺎﺕ
ﺗﻮﻟﻤﻲ ﻳﻌﻨﻲ ﺍﺟﻬﺰﻱ
ﺑﻨﺤﻮﻝ ﻳﻌﻨﻲ ﺑﻨﻨﺰﻝ
ﺟﻠﺴﺖ ﻋﻠﻰ ﺭﻛﺒﺘﻬﺎ ﻭﻫﻲ ﺗﻔﺘﺢ ﺷﻨﻄﺘﻬﺎ
ﻣﺎﻟﺖ ﺷﻔﺘﻴﻬﺎ ﺑﺘﺮﺩﺩ ﻣﺎﺗﺪﺭﻱ ﻭﺵ ﺗﻠﺒﺲ
ﻭﻣﻼﺑﺴﻬﺎ ﺍﻟﺮﺳﻤﻴﺔ ﻓﻲ ﺑﻴﺖ ﺧﺎﻟﺘﻬﺎ
ﻛﻞ ﺍﻟﻠﻲ ﻣﻌﻬﺎ ﻛﺎﺟﻮﻝ
ﻟﻔﺖ ﺷﺒﻪ ﻣﺒﺘﺴﻤﺔ ﻭﻫﻲ ﺗﺴﻤﻌﻪ ﻳﻬﻤﺲ ﻭﺫﺭﺍﻋﻪ ﻋﻠﻰ ﻋﻴﻮﻧﻪ :
ﺍﻟﺠﻤﺒﺴﻮﺕ ﺍﻷﺑﻴﺾ
ﺭﻓﻌﺖ ﺣﺎﺟﺒﻬﺎ ﺑﺈﻗﺘﻨﺎﻉ
ﻭﻫﻲ ﺗﺸﻮﻑ ﺟﻤﺒﺴﻮﺕ ﺍﺑﻴﺾ
ﺑﺎﻛﻤﺎﻡ ﻛﺖ ﻋﺮﻳﻀﺔ
ﻭﻣﻜﺴﺮ ﻣﻦ ﺑﺪﺍﻳﺔ ﺍﻟﻔﺨﺬ ﻛﺴﺮﺗﻴﻦ ﺧﻔﻴﻔﺔ
ﻭﻗﻒ ﺳﻴﺎﻑ ﻭﻫﻮ ﻣﺘﻮﺟﻬﻪ ﺍﻟﻰ ﺍﻟﺪﻭﻻﺏ :
ﻏﻴﺮﻱ ﺑﻨﺘﻚ ﺍﻭﻝ
ﺑﻨﺰﻝ ﺍﻧﺎ ﻭﻳﺎﻫﺎ ﻗﺒﻞ ﻭﺍﺫﺍ ﺧﻠﺼﺘﻲ ﺍﻟﺤﻘﻴﻨﺎ
ﻃﻠﻌﺖ ﻟﻐﻨﻰ ﺷﻮﺭﺕ ﺍﺑﻴﺾ ﻭﺗﻴﺸﻴﺮﺕ ﻣﻮﺭﺩ ﺏ Pink
ﻭﺻﻨﺪﻝ ﺑﻴﺞ ﻭﺟﺪﻟﺖ ﻟﻬﺎ ﻣﻘﺪﻣﺔ ﺷﻌﺮﻫﺎ
ﺟﺪﻳﻠﺔ ﻫﻨﺪﻳﺔ ﺃﻭ ﺍﻟﺴﻤﻜﺔ
ﻣﺴﺤﺖ ﺧﻠﻒ ﺍﺫﻧﻬﺎ ﺏ ﻣﺴﻚ
ﻋﻠﻰ ﺧﺮﻭﺝ ﺳﻴﺎﻑ ﻣﻦ ﻏﺮﻓﺔ ﺍﻟﻤﻼﺑﺲ
ﻭﻫﻮ ﻳﺘﻌﻄﺮ ﺑﺈﺑﺘﺴﺎﻣﺔ ﺣﺎﻧﻴّﺔ ﻻﻧﻌﻜﺎﺱ ﻏﻨﻰ ﻟﻪ ﺑﺎﻟﻤﺮﺁﻳﺎ
ﻟﻔﺖ ﺷﺎﺩﻥ ﺑﻌﻔﻮﻳﺔ :
ﺣﻠﻮﺓ ؟
ﻋﺾ ﺳﻴﺎﻑ ﺧﺪ ﻏﻨﻰ ﺑﻬﻤﺲ :
ﻣﻮﺕ
ﺟﻠﺲ ﺳﻴﺎﻑ ﻭﺑﺤﻀﻨﻪ ﻏﻨﻰ ﻭﻫﻮ ﻳﺼﻮﺭﻫﺎ
ﺟﺎﺀﻩ ﺻﻮﺕ ﺷﺎﺩﻥ ﻣﻦ ﻏﺮﻓﺔ ﺍﻟﻤﻼﺑﺲ :
ﻭﻳﻦ ﻧﻤﺖ ﺍﻣﺲ ؟
ﺍﺑﺘﺴﻢ ﺳﻴﺎﻑ ﺑﺨﺒﺚ ﻭﻫﻮ ﻳﺸﻮﻓﻬﺎ ﻣﻬﺘﻤﺔ ﻵﻣﺮﻩ ﻭﺍﻥ ﻛﺎﺑﺮﺕ
ﻣﺎ ﺍﻛﺘﻤﻠﺖ ﺍﺑﺘﺴﺎﻣﺘﻪ ﻋﻠﻰ ﻣﺤﻴﺎﻩ ﻷﻧﻬﺎ ﺍﻛﻤﻠﺖ :
ﺛﻮﺑﻚ ﺗﻘﻮﻝ ﻋﺎﻟﺠﺘﻪ ﺑﻘﺮﺓ
ﻗﺎﻃﻌﻬﺎ ﺳﻴﺎﻑ ﺑﻘﻬﺮ :
ﻣﺎﻟﻚ ﺩﺧﻞ ﻭﻋﺠﻠﻲ ﺍﻣﻲ ﻣﺘﻠﻬﻔﺔ ﻋﻠﻰ ﺑﻨﻴﺘﻲ
ﻃﻠﻌﺖ ﻣﻦ ﺍﻟﻐﺮﻓﺔ
ﻭﻫﻲ ﺗﺴﻜﺮ ﺍﻟﺴﺤﺎﺏ ﺑﻀﺤﻜﺔ
ﻭﻗﻔﺖ ﺍﻣﺎﻡ ﺍﻟﻤﺮﺁﺓ
ﻭﻫﻲ ﺗﻤﺸﻂ ﺷﻌﺮﻫﺎ ﻋﻠﻰ ﺍﻟﺨﻠﻒ
ﻭﺗﻠﺒﺲ ﺍﻛﺴﺴﻮﺍﺭﺗﻬﺎ ﻭﺗﺘﻌﻄﺮ
ﺍﻧﺤﻨﺖ ﺗﻐﻠﻖ ﺻﻨﺪﻟﻬﺎ :
ﻧﻨﺰﻝ ؟
ﻋﻘﺪ ﺳﻴﺎﻑ ﺣﻮﺍﺟﺒﻪ :
ﻭﻳﻦ ﺟﻼﻟﻚ ؟ ﻣﺎ ﺍﺿﻤﻦ ﺇﺧﻮﺍﻧﻲ
ﻗﺎﻃﻌﺘﻪ ﺷﺎﺩﻥ :
ﺍﻧﻘﻄﻊ ﻗﻠﺒﻲ ﻗﺒﻠﻚ ﺍﺩﻭﺭ ﺟﻼﻝ ﻫﻨﺎ
ﺍﺻﻠﻲ ﻓﻴﻪ ﻣﺎﻟﻘﻴﺖ
ﺑﻨﺰﻝ ﻭﺍﺫﺍ ﺟﻮ ﺑﺨﻠﻲ ﺧﺎﻟﺘﻲ ﺗﻌﻄﻴﻨﻲ
ﺳﻴﺎﻑ :
ﺗﺴﺘﻬﺒﻠﻴﻦ ﺍﻧﺘﻲ ؟
ﻟﻮﻗﺖ ﻣﺎ ﺍﻣﻲ ﺗﻌﻄﻴﻚ
ﺑﻴﻜﻮﻥ ﻭﻗﺘﻬﺎ ﺍﺧﻮﺍﻧﻲ ﻣﺴﺘﻌﺪﻳﻦ ﻳﺮﺳﻤﻮﻧﻚ
ﻫﺰﺕ ﺷﺎﺩﻥ ﻛﺘﻮﻓﻬﺎ ﺑﻘﻞ ﺣﻴﻠﺔ
ﺗﻨﻬﺪ ﺳﻴﺎﻑ ﻭﻫﻮ ﻳﻄﻔﻲ ﺍﻟﻠﻤﺒﺎﺕ ﻭﻳﻄﻠﻊ ﻣﻦ ﻏﺮﻓﺘﻪ
ﻃﻠﻌﺖ ﺧﻠﻔﻪ ﺷﺎﺩﻥ ﻭﻫﻲ ﺗﻘﻔﻞ ﺍﻟﺒﺎﺏ ﺧﻠﻔﻬﺎ
ﻭﻗﻔﺖ ﻭﻫﻲ ﺗﺸﻌﺮ ﺑﺈﻥ ﺍﻟﺮﻳﺎﺽ ﻭﻣﺎﺟﺎﻭﺭﻫﺎ ﻳﺮﻗﺼﻮﻥ ﻃﺮﺑًﺎ
ﻋﻠﻰ ﺻﺨﺐ ﺩﻗﺎﺕ ﻗﻠﺒﻬﺎ ﺍﻟﻤﺘﻮﺗﺮﺓ
ﻷﻭﻝ ﻣﺮﺓ ﺗﺸﻮﻓﻬﻢ ﺏ ﻟﻘﺎﺀ ﻭﺩّﻱ ﺑﻌﺪ 12 ﺳﻨﺔ
ﻭﺩﻋﺘﻬﻢ ﻭﻫﻲ ﻃﻔﻠﺔ ﻣﺎ ﺗﻤﺖ ﺍﻟـ 13 ﺳﻨﺔ
ﻭﻋﺎﺩﺕ ﻟﻬﻢ ﺃﻡ ﻭﺯﻭﺟﺔ ﺁﺑﻨﻬﻢ ﺫﺍﺕ 24 ﺳﻨﺔ
ﻓﺘﺤﺖ ﻋﻴﻮﻧﻬﺎ ﺑﺼﺪﻣﺔ ﻭﺍﻧﺨﺮﺳﺖ
ﻭﻫﻲ ﺗﺮﻣﺶ 3 ﻣﺮﺍﺕ ﻣﺘﺘﺎﻟﻴﺔ
ﻟﻤﺎ ﺣﺴﺖ ﺑﻴﺪﻳﻦ ﺭﺟﻞ ﺿﺨﻤﺔ
ﺗﺤﺎﻭﻁ ﻛﺘﻮﻓﻬﺎ ﺍﻟﻌﺎﺭﻳﺔ ﻭﻳﻠﻔﻬﺎ ﻟﻪ ﺑﻘﻮﺓ
ﻓﺘﺢ ﻳﻮﺳﻒ ﻋﻴﻮﻧﻪ ﺑﺼﺪﻣﺔ
ﻭﻫﻮ ﻳﺸﻮﻑ ﻓﻲ ﻳﺪﻳﻪ ﺃﻧﺜﻰ
ﻷﻭﻝ ﻣﺮﺓ ﻳﻠﻤﺤﻬﺎ ﻭﻟﻜﻦ ﻋﻴﻮﻧﻬﺎ ﻣﺎﻛﺎﻧﺖ ﻏﺮﻳﺒﺔ
ﺍﻟﻌﻴﻮﻥ ﺍﻟﻠﻲ ﺍﺭﻋﺒﺘﻪ ﻟﻴﺎﻟﻲ ﻣﻦ ﺷﻬﺮﻳﻦ
ﻫﺬﻩ ﺍﻟﺸﺎﺩﻥ ، ﻫﺬﻩ ﺯﻭﺟﺔ ﺍﺧﻮﻩ
ﺍﻧﺘﻘﻠﺖ ﻋﻴﻮﻧﻪ ﻣﻦ ﻋﻴﻨﺎﻫﺎ ﺍﻟﻰ ﺟﺴﺪﻫﺎ
ﺍﻟﻠﻲ ﻳﺮﺟﻒ ﻓﻲ ﻳﺪﻳﻪ
ﺭﻓﻊ ﻳﻮﺳﻒ ﺣﺎﺟﺒﻪ
ﻭﻫﻮ ﻳﺸﻮﻑ ﺍﻟﻜﻠﻤﺎﺕ ﺗﺨﺘﻨﻖ ﻓﻲ ﺣﻨﺠﺮﺗﻬﺎ
ﻭﻻ ﺗﺨﺮﺝ ﻣﻨﻬﺎ ﺍﻻ ( ﺍﺍﺍﺀﺀ ﺱ ﺱ ) :
ﺍﻱ ؟
ﺩﻓﻊ ﺷﺎﺩﻥ ﺑﻘﻮﺓ ﺧﺎﻳﻔﺔ
ﻭﻫﻮ ﻳﺸﻮﻑ ﺳﻴﺎﻑ ﻳﻨﻈﺮ ﻟﻬﻢ ﺑﺼﺪﻣﺔ
ﻭﻳﻨﻘﻞ ﻧﻈﺮﻩ ﺑﻴﻦ ﻳﺪﻳﻦ ﻳﻮﺳﻒ
ﺍﻟﻠﻲ ﺗﺤﺘﻀﻦ ﺷﺎﺩﻥ ﺛﻢ ﺍﻟﻰ ﻣﺤﻴﺎﻫﻢ
ﺩﺧﻞ ﺫﻋﺎﺭ ( ﺃﺑﻮ ﻣﻘﺮﻥ ) ﻣﻨﺰﻟﻪ ﺑﻌﺼﺒﻴﺔ
ﻭﺧﻠﻔﻪ ﺣﺮﺳﻪ ﺍﻟﺸﺨﺼﻴّﻦ ﺍﻷﺛﻨﻴﻦ
ﺳﻌﻮﺩﻳﻦ ﺍﻟﺠﻨﺴﻴﺔ
ﻣﺎﻳﻔﺎﺭﻗﻮﻥ ﺫﻋﺎﺭ ﺍﻻ ﻋﻨﺪ ﺍﻟﻨﻮﻡ ، ﻭﺩﺧﻮﻟﻪ ﺩﻭﺭﺍﺕ ﺍﻟﻤﻴﺎﻩ
ﻭﻗﻔﻮﺍ ﻋﻨﺪ ﺑﺎﺏ ﺍﻟﻤﻨﺰﻝ ﻭﻫﻮ ﻳﺒﺘﺴﻤﻮﻥ ﻟـ ﺍﻟﺤﺮﺱ ﺍﻵﺧﺮ ﺍﻟﻤﺤﺎﻭﻁ ﺍﻟﺒﻴﺖ
ﻭﻫﻮ ﻳﺪﺧﻞ ﺛﺎﺋﺮ ﻣﻦ ﻏﻀﺒﻪ
ﻳﺒﺤﺚ ﺑﻌﻴﻮﻧﻪ ﻋﻦ ﻣﻘﺮﻥ ﺁﺑﻨﻪ
ﺍﻟﻠﻲ ﻳﺴﻜﻦ ﻣﻌﻪ ﺑﻨﻔﺲ ﺍﻟﻤﻨﺰﻝ ﻭﻟﻜﻦ ﺑﺠﻬﺔ ﻣﻨﻌﺰﻟﺔ ﺗﻤﺎﻣﺎ
ﺗﻠﺒﻴﺔ ﻟﺮﻏﺒﺔ ﻣﻘﺮﻥ ﺑﺨﺼﻮﺻﻴﺘﻪ
ﻛﺎﻧﺖ ﻧﺪﻯ ﺗﺠﻠﺲ ﻋﻠﻰ ﺍﻷﺭﻳﻜﺔ
ﺑﺎﻟﻠﻮﻥ ﺍﻟﺮﻣﺎﺩﻱ ﻭﺍﻟﺨﺪﺍﺩﻳﺔ ﺍﻟﻨﻴﻠﻴﺔ ﻓﻲ ﺣﻀﻨﻬﺎ ﻭﺑﻴﺪﻫﺎ ﺍﻟﻴﺴﺮﻯ ﺟﻮﺍﻟﻬﺎ
ﻭﻳﺪﻫﺎ ﺍﻟﻴﻤﻨﻰ ﻋﻠﻰ ﺻﺪﺭﻫﺎ ﺑﺨﻮﻑ ﻣﻦ ﺻﻮﺕ ﺫﻋﺎﺭ ﻭﻫﻮ ﻳﺼﺮﺥ ﺑﺤﺪّﺓ :
ﻭﻟﺪﻙ ﻭﻳﻨﻪ ؟ ﻋﺎﻣﻼﺕ ﺑﻴﺘﻪ ﻳﻘﻮﻟﻮﻥ ﻣﻮ ﻣﻮﺟﻮﺩ
ﻭﻗﻔﺖ ﻧﺪﻯ ﺑﺨﻮﻑ
ﻭﻫﻲ ﺗﻔﺮﻙ ﻛﻔﻮﻓﻬﺎ ﺑﺒﻌﺾ ﻣﻦ ﺫﻋﺎﺭ ﺍﻟﻠﻲ ﻻ ﻳُﺒﻘﻲِ ﻭﻻ ﻳﺬﺭ ﺍﺫﺍ ﻏﻀﺐ :
ﻭﻟﺪﻱ ﻣﻘﻄﻮﻉ ﺳﺮﻩ ﺑﺎﻟﻤﺤﻜﻤﺔ ، ﺗﻠﻘﻰ ﻋﻨﺪﻩ ﻗﻀﻴﺔ ﺑﻴﺨﻠﺺ ﻭﺑﻴﺠﻲ ﻟﻠﺒﻴﺖ ﺍﻥ ﺷﺎﺀ ﺍﻟﻠﻪ
ﻭﺵ ﻓﻴﻚ ﻭﺵ ﺑﻐﻴﺖ ﻓﻴﻪ ؟
ﺫﻋﺎﺭ ﻭﻫﻮ ﻳﺂﺷﺮ ﺑﺤﺪّﺓ
ﻭﺍﺳﻨﺎﻧﻪ ﻣﻨﻄﺒﻘﺔ ﻋﻠﻰ ﺑﻌﺾ
ﻭﻛﺄﻥ ﺍﻟﻜﻠﻤﺎﺕ ﺗﺨﺮﺝ ﻣﻦ ﺑﻴﻨﻬﻢ ﺑﻌﺪ ﺍﻥ ﺗﻔﺘﻔﺖ ﻓﺘﺎﺕ ﺣﺎﺭﻕ ﻳﻠﺴﻊ ﻣﺴﺎﻣﻊ ﻧﺪﻯ ﺍﻟﺨﺎﺋﻔﺔ :
ﺍﻥ ﻛﺎﻧﻪ ﺭﺟﺎﻝ ﻣﻦ ﺻﻠﺐ ﺭﺟﺎﻝ
ﻳﺠﻲ ﻭﺭﻳﻨﻲ ﺷﻠﻮﻥ ﻳﺴﺘﺮﺟﻞ ﻣﻦ ﻭﺭﺍﻱ ﻋﻠﻰ ﺁﺧﺘﻪ ﻭﻳﻘﺎﺑﻠﻨﻲ ﻭﻳﺴﻤﻌﻨﻲ ﺁﺧﺮ ﺑﻄﻮﻻﺗﻪ
ﻋﻘﺪﺕ ﻧﺪﻯ ﺣﺎﺟﺒﻴﻬﺎ :
ﻭﺷﻔﻴﻬﺎ ﺭﻳﻨﺎﺩ ؟
ﺫﻋﺎﺭ ﻭﻫﻮ ﻳﺠﻠﺲ ﻭﻳﺄﺧﺬ ﻗﺎﺭﻭﺭﺓ ﺍﻟﻤﺎﺀ ﺍﻟﺒﺎﺭﺩﺓ ﺑﻨﺼﻒ ﺍﻟﻄﺎﻭﻟﺔ ﺍﻟﺰﺟﺎﺟﻴﺔ ﻳﺒﺮﺩ ﻋﻠﻰ ﻗﻠﺒﻪ
ﺑﻌﺪ ﺍﻥ ﺣﺮّﻗﻪ ﻣﻘﺮﻥ :
ﺍﻗﺼﺪ ﺍﻟﺜﺎﻧﻴﺔ ، ﺷﺎﺩﻥ
ﻏﻤﻀﺖ ﻧﺪﻯ ﻋﻴﻮﻧﻬﺎ ﻭﻫﻲ ﺗﻨﺘﻬﺪ ﺑﻘﻞ ﺣﻴﻠﺔ
ﻋﺮﺍﻙ ﻣﻘﺮﻥ ﻭﺫﻋﺎﺭ ﺩﺍﺋﻤًﺎ
ﺑﺴﺒﺐ ﻣﻮﺿﻮﻉ ﺷﺎﺩﻥ
ﻣﻘﺮﻥ ﺗﺄﻛﻠﻪ ﻏﻴﺮﺗﻪ ﻭﺧﻮﻓﻪ ﻋﻠﻰ ﺃﺧﺘﻪ ، ﻭﺫﻋﺎﺭ ﻻ ﻳﻜﺴﺮ ﻛﻠﻤﺔ ﻟﺸﺎﺩﻥ ، ﻭﺷﺎﺩﻥ ﻣﺎﺗﺴﻤﻊ
ﻷﺣﺪ
ﻭﻫﻲ ﺍﻟﻀﺤﻴﺔ
ﺑﻴﻦ ﻫﻢ ﺟﺒﺮﻭﺕ ﺯﻭﺟﻬﺎ ، ﻭﺧﻮﻓﻬﺎ ﻋﻠﻰ ﺁﺑﻨﻬﺎ ، ﻭﺷﻔﻘﺘﻬﺎ ﻋﻠﻰ ﺑﻨﺖ ﺍﺧﺘﻬﺎ ﻭﺍﺑﻨﺘﻬﺎ ﺑﻨﻔﺲ
ﺍﻟﻮﻗﺖ ﺑﺎﻟﺮﺿﺎﻋﺔ
ﻭﻗﻒ ﺫﻋﺎﺭ
ﻭﻫﻮ ﻳﺼﻌﺪ ﺍﻟﻰ ﺍﻟﺪﺭﺝ ﻭﺧﻠﻔﻪ ﺍﻟﺨﺎﺩﻣﺔ ﻣﻦ ﺍﻟﺠﻨﺴﻴﺔ ﺍﻷﻧﺪﻭﻧﺴﻴﺔ
ﺍﻟﻤﺴﻮﺅﻟﺔ ﻋﻦ ﺟﻨﺎﺡ ﺫﻋﺎﺭ & ﻧﺪﻯ :
ﻣﺎﻳﺼﺒﺢ ﺑﻜﺮﺓ ﺍﻻ ﻭﻋﻔﺸﻚ ﺟﺎﻫﺰ
ﻭﺍﺭﺳﻠﻲ ﻋﺎﻣﻼﺗﻚ ﻭﻋﺎﻣﻼﺕ ﺭﺑﻰ ﺍﻟﻠﻴﻠﺔ ﻣﻊ ﺻﺎﻟﺢ ( ﺣﺎﺭﺳﻪ ﺍﻟﺸﺨﺼﻲ )
ﻟﻘﺼﺮ ﺍﻟﺮﻳﺎﺽ ﻳﺠﻬﺰﻭﻧﻪ ﻟﻜﻢ
ﺿﻮﻗﺖ ﻧﺪﻯ ﻋﻴﻮﻧﻬﺎ ﻭﻗﻠﺒﻬﺎ ﺍﻧﻘﺒﺾ ﻣﻦ ﻃﺎﺭﻱ ﺍﻟﺮﻳﺎﺽ ﺍﻟﻠﻲ ﺍﺻﺒﺤﺖ ﺗﺒﻐﺘﻪ ، ﻭﺍﺳﻢ
ﺍﻟﺮﻳﺎﺽ ﻳﻤﺮ ﻋﻠﻰ ﻣﺴﺎﻣﻌﻪ ﺏ ﺍﺳﻢ ( ﺍﻟﻤﺼﺎﺋﺐ ) :
ﻭﻣﺘﻰ ﺑﻨﺮﺟﻊ ؟
ﻭﻗﻒ ﺫﻋﺎﺭ ﺑﺎﻟﺪﺭﺝ ﻭﻫﻮ ﻳﻔﺼﺦ ﺷﻤﺎﻏﻪ ﻭﻳﺴﻠﻤﻪ ﺍﻟﻌﺎﻣﻠﺔ ، ﺑﻼ ﻣﺒﺎﻻﻩ ﺑﺮﺩﺓ ﻓﻌﻞ ﻧﺪﻯ :
ﻟﻤﺎ ﺍﺻﻴﺮ ﻳﺎﻏﺎﻟﺐ ﻳﺎﻣﻐﻠﻮﺏ
ﻳﻌﻨﻲ ﻳﺎ ﺃﻧﺎ ﻭﺷﺎﺩﻥ ﻭﻻ ﻳﺎ ﺳﻴﺎﻑ ﻭﻣﻘﺮﻥ
ﻭﻗﺘﻬﺎ ﺑﺘﺮﺟﻊ ﺍﻟﺸﺮﻗﻴﺔ ﺗﺴﺘﻘﺒﻠﻨﺎ ﺑﺄﺣﻀﺎﻧﻬﺎ !
💜 @ahgeel 💜 👈قنـاتنــ
ـا📚
💜 @hkauat 💜👈الارشيف📚
} ﻓﻲ ﺑﺎﺭﻳﺲ ؛ ﻣﺪﻳﻨﺔ ﺍﻟﻨﻮﺭ ، ﺍﻟﺤﺐ ، ﻭﺍﻟﻤﻮﺿﺔ || ﻓﻲ ﻛﺎﻓﻴﻪ ﻟﻮﺑﻐﻮﻛﻮﺏ {
ﺩﺧﻠﺖ ﺭﻳﻨﺎﺩ ﺑﺨﻄﻮﺍﺕ ﻏﺎﺿﺒﺔ
ﻭﻫﻲ ﺗﺪﺧﻞ ﺟﻮﺍﻟﻬﺎ ﺑﻘﻮﺓ ﻓﻲ ﺷﻨﻄﺘﻬﺎ ﺍﻟﻤﻌﻠﻖ ﺳﻴﺮﻫﺎ ﻋﻠﻰ ﻛﺘﻔﻬﺎ ﺍﻷﻳﻤﻦ
ﻣﺘﻮﺳﻄﺔ ﺻﺪﺭﻫﺎ ﺣﺘﻰ ﺗﺴﺘﻘﺮ ﺑﻘﻴﺔ ﺍﻟﺸﻨﻄﺔ ﻋﻠﻰ ﺧﺼﺮﻫﺎ
ﺑﺤﺜﺖ ﺑﻌﻴﻮﻧﻬﺎ ﻋﻦ ﻃﺎﻭﻟﺔ ﺍﺻﺪﻗﺎﺀﻫﺎ ( ﻧﺎﺻﺮ ، ﻣﺸﻌﻞ ، ﺭﻏﺪ ) ﺑﻌﺪ ﻣﺎﻋﻠﻤﺘﻬﺎ ﺭﻏﺪ ﻭﻳﻦ
ﻣﻜﺎﻥ ﺗﺠﻤﻌﻬﻢ ﺑﻬﺬﻩ ﺍﻟﻈﻬﺮﻳﺔ
ﻃﺎﺣﺖ ﻋﻴﻨﻬﺎ ﻋﻠﻰ ﺭﻏﺪ
ﻭﻫﻲ ﺗﺮﻓﻊ ﻟﻬﺎ ﻳﺪﻫﺎ ﻣﺒﺘﺴﻤﺔ ﺗﻠﻮﺡ ﺑﻬﺎ ﺣﺘﻰ ﺗﻨﺘﺒﻪ ﻟﻬﻢ
ﺍﻗﺘﺮﺑﺖ ﻣﺘﺠﺎﻫﻠﺔ ﺗﺮﺣﻴﺒﻬﻢ ﺑﻬﺎ
ﻭﻫﻲ ﺗﻘﻒ ﺍﻣﺎﻡ ﻣﺸﻌﻞ :
ﻭﻳﻦ ﺻﺎﺣﺒﻚ ﺍﻟﺤﻴﻮﺍﻥ ﺍﻟﻠﻲ ﺟﺒﺘﻪ ﻟﻨﺎ ؟
ﺗﺠﺎﻫﻠﻬﺎ ﻣﺸﻐﻞ
ﻭﻫﻮ ﻳﺄﻛﻞ ﻣﻦ ﻗﻄﻌﺔ ﻛﻴﻜﺘﻪ ﺑﺈﺳﺘﻤﺘﺎﻉ ﻣﺼﻄﻨﻊ
ﺣﺘﻰ ﺗﺘﺄﺩﺏ ﺑﺄﺳﻠﻮﺑﻬﺎ ﻣﻌﻪ
ﻭﻻ ﻛﺄﻥ ﻓﻮﻕ ﺭﺃﺳﻪ ﻭﺣﺪﺓ
ﺗﺸﺎﺑﻪ ﺑﻐﻀﺒﻬﺎ ﻏﻀﺐ ﻓﺮﻋﻮﻥ
ﻟﻤﺎ ﺃُﻟﻘﻴﺎ ﺍﻟﺴﺤﺮﺓ ﻟﺮﺏ ﻣﻮﺳﻰ ﺳﺎﺟﺪﻳﻦ
ﻭﺑﺮﺟﻠﻬﺎ ﺍﻟﻴﻤﻨﻰ ﺗﻘﺮﻉ ﺍﻻﺭﺽ ﺍﻟﺨﺸﺒﻴﺔ
ﺣﺘﻰ ﺗﻬﺪﻱ ﻣﻦ ﻏﻀﺒﻬﺎ
ﺭﻓﻊ ﻧﺎﺻﺮ ﺣﺎﺟﺒﻪ ﺑﺈﺳﺘﻐﺮﺍﺏ :
ﻭﺵ ﺻﺎﻳﺮ ؟
ﻳﻮﻣﻴﻦ ﻣﺎﻧﺸﻮﻓﻚ
ﻭﻳﻮﻡ ﺟﻴﺘﻴﻨﺎ ﺟﻴﺘﻲ ﺑﺸﺮّﻙ ﺗﻨﻔﺎﺧﻴﻦ ﻭﺗﻬﻮﺷﻴﻦ ؟
ﺧﺒﻄﺖ ﺭﻳﻨﺎﺩ ﻳﺪﻳﻨﻬﺎ ﻋﻠﻰ ﺍﻟﻄﺎﻭﻟﺔ
ﺣﺘﻰ ﺍﺭﺗﺪﻋﺖ ﺍﻟﻜﺄﺳﺎﺕ ﻣﻦ ﺍﻣﺎﻛﻨﻬﺎ ﻣﻦ ﺍﺛﺮ ﺿﺮﺑﺘﻬﺎ
ﻣﺘﺠﺎﻫﻠﺔ ﺍﻷﻧﻈﺎﺭ ﺍﻟﻠﻲ ﺍﻟﺘﻔﺖ ﺍﻟﻴﻬﺎ ﺑﺈﺳﺘﻐﺮﺍﺏ
ﻣﻦ ﻫﺬﻩ ﻗﻠﻴﻠﺔ ﺍﻟﺬﻭﻕ ؟ :
ﻻﻥ ﻳﺎﺣﻀﺮﺓ ﺍﻻﺳﺘﺎﺫﺓ ﻧﺎﺻﺮ
ﻣﻮ ﺍﻧﺖ ﺍﻟﻠﻲ ﺗﻤﺮﻃﺮﻃﺖ
ﻣﻦ ﺗﺎﻛﺴﻲ ﺍﻟﻰ ﺗﺎﻛﺴﻲ ﺣﺘﻰ ﺗﻮﺻﻞ ﻫﻨﺎ !
ﻣﻮ ﺍﻧﺖ ﺳﻴﺎﺭﺗﻚ ﺍﻟﻠﻲ ﺍﻧﺤﺒﺴﺖ ﺑﺎﻟﺠﺎﻣﻌﺔ ﻳﻮﻣﻴﻦ
ﻭﻓﻮﻕ ﻫﺬﺍ
ﺻﺎﺭﺕ ﺳﻴﺎﺭﺓ ﺑﺎﻷﺳﻢ ﻭﻻ ﺑﺎﻟﺤﻘﻴﻘﺔ ﺧﺮﺩﺓ
ﺑﺴﺒﺐ ﻭﺍﺣﺪ
ﺣﺘﻰ ﺍﺳﻤﻪ ﻣﺎ ﺍﻋﺮﻓﻪ
ﻭﻻ ﻓﻜﺮ ﻭﺍﺣﺪ ﻓﻴﻜﻢ ﻳﻜﻠﻒ ﻋﻠﻰ ﻧﻔﺴﻪ ﻳﺴﺄﻝ ﻋﻨﻲ
ﻧﺎﻇﺮ ﻣﺸﻌﻞ ﺍﻟﺸﺒﺎﻙ ﺍﻟﺰﺟﺎﺟﻲ
ﺍﻟﻤﻄﻞ ﻋﻠﻰ ﺷﻮﺍﺭﻉ ﺑﺎﺭﻳﺲ ﺍﻟﺘﻲ ﻻ ﺗﻨﺎﻡ
ﻓﻜﻴﻒ ﺑﻮﻗﺖ ﺫﻭﺭﺓ ﻣﺜﻞ ﺍﻵﻥ ؟
ﺭﻓﻊ ﻛﻮﺑﻪ ﻭﻫﻮ ﻳﺮﺗﺸﻒ ﻣﻨﻪ ﺑﻜﻞ ﺑﺮﻭﺩ ﻣﺼﻄﻨﻊ
ﺣﺘﻰ ﻳﻐﻴﺾ ﺭﻳﻨﺎﺩ :
ﺳﺒﺤﺎﻧﻪ ﻳﺎﻧﺎﺻﺮ !
ﻳﻘﻮﻝ ﻟﻚ ﺍﻟﺸﺨﺺ
ﻳﻘﺪﺭ ﻳﺸﺘﺮﻱ ﻛﻞ ﺷﻲﺀ ﺑﻔﻠﻮﺳﻪ
ﺍﻻ ﺍﻷﺳﻠﻮﺏ ﺍﻭ ﺍﻷﺧﻼﻕ ﺑﺸﻜﻞ ﻋﺎﻡ
ﻣﺪﺕ ﺭﻳﻨﺎﺩ ﻳﺪﻫﺎ ﻭﺣﺮﻛﺎﺕ ﻣﺸﻌﻞ
ﺍﻟﺸﺨﺺ ﺍﻟﻮﺣﻴﺪ ﺍﻟﻠﻲ ﻳﻌﺮﻑ ﻳﺘﻼﻋﺐ ﺑﺄﻋﺼﺎﺑﻬﺎ
ﺗﺮﻣﻴﻬﺎ ﻓﻲ ﺣﻔﺮﺓ ﺗﻔﻴﺾ ﻣﻦ ﺍﻟﻠﻬﺐ
ﻛﺄﻧﻬﺎ ﻗﻌﺮ ﺟﻬﻨﻢ
ﻭﻫﻲ ﺗﻠﻒ ﻣﺸﻌﻞ ﻣﻦ ﺍﻛﺘﺎﻓﻪ ﻟﻬﺎ ﺑﻘﻮﺓ
ﻭﺑﻨﺒﺮﺓ ﻣﺘﻠﻌﺜﻤﺔ ﻣﻦ ﺣﺪﺓ ﺃﻧﻈﺎﺭ ﻣﺸﻌﻞ :
ﺍﻧﺖ ﺍﺻﻼ ﻟﻮ ﺃﻧﻚ ﺭﺟﺎﻝ
ﺣﻄﻴﺖ ﻋﻴﻨﻚ ﺑﻌﻴﻨﻲ
ﻭﻗﻠﺖ ﺍﻟﻠﻲ ﺗﻘﺼﺪﻧﻲ ﻓﻴﻪ ﻣﻮ ﻟﻨﺎﺻﺮ
ﺩﻑ ﻣﺸﻌﻞ ﻳﺪﻳﻨﻬﺎ ﺑﻘﻮﺓ ﻣﻦ ﻋﻠﻰ ﺟﺴﺪﻩ :
ﻟﻮ ﺍﻧﻲ ﻣﻮ ﺭﺟﺎﻝ
ﻛﺎﻥ ﻣﺎﻗﺪﺭﺗﻲ ﺗﺘﺠﺮﺋﻴﻦ ﺗﻘﻮﻟﻴﻦ ﻫﺬﺍ ﺍﻟﻜﻼﻡ ﺑﻮﺟﻬﻲ
ﻻﻥ ﺗﺪﺭﻳﻦ ﺍﻥ ﻳﺪﻱ ﺑﺘﻌﻠّﻢ ﻋﻠﻰ ﺟﺴﻤﻚ
ﻭﻹﻧﻲ ﺭﺟﺎﻝ
ﻗﻠﺖ ﺍﻟﺤﻜﻲ ﻟﻨﺎﺻﺮ ﺣﺘﻰ ﻣﺎ ﺍﺑﻜﻴﻚ
ﺑﻠﻌﺖ ﺭﻳﺎﺩ ﺭﻳﻘﻬﺎ
ﻭﻫﻲ ﺗﺘﺮﺍﺟﻊ ﺧﻄﻮﺗﻴﻦ ﻟﻠﺨﻠﻒ
ﻭﻟﻮ ﺗﻤﻠﻚ ﺍﻟﺠﺮﺃﺓ ﻟﺤﻠﻔﺖ ﺍﻥ ﺍﺿﻌﻒ ﻣﺎﺧﻠﻖ ﺍﻟﻠﻪ ؛ ﻫﻲ
ﻟﻮﻫﻠﺔ ﺗﻮﻗﻌﺖ ﺍﻧﻬﺎ ﻗﻮﻳﺔ ﻻ ﻳﻀﻬﻴﻬﺎ ﻗﻮﺓ
ﻭﻟﻜﻦ ﺍﻟﺤﻘﻴﻘﺔ ﻛﺎﻥ ﻛﻞ ﻣﻦ ﺣﻮﻟﻬﺎ
ﻳﻨﺘﻈﺮ ﻳﺸﻮﻑ ﺁﺧﺮﺗﻬﺎ ﻣﻌﻬﺎ ؟
ﻫﻤﺴﺖ
ﻭﻫﻲ ﺗﺒﻠﻞ ﺷﻔﺘﻴﻬﺎ ﺍﻟﺠﺎﻓﺔ ﺑﻄﺮﻑ ﻟﺴﺎﻧﻬﺎ
ﺣﺘﻰ ﻻ ﺗﺒﻜﻲ ﻭﺍﻧﻈﺎﺭ ﺍﻟﺠﻤﻴﻊ ﻋﻠﻴﻬﺎ
ﻭﻣﺸﻌﻞ ﻳﻤﺎﺭﺱ ﻃﻘﻮﺱ ﻏﻀﺒﻪ ﺍﻻﻥ ﻋﻠﻴﻬﺎ
ﻣﺮﺕ ﺑﺬﺍﻛﺮﺗﻬﺎ ﻋﻴﺎﺭﺓ ﺟﻠﻮﻱ ﻟﻬﺎ ﺑﻜﻞ ﻧﻘﺎﺵ ﻳﺘﻔﻮﻕ ﻋﻠﻴﻬﺎ ( ﻳﺎﻟﺒﻜﺎﻳﺔ ) :
ﺍﻧﺖ ﺍﺻﻼ ﻟﻮ ﻓﻴﻚ ﺧﻴﺮ
ﺍﻋﺘﺬﺭﺕ ﻋﻦ ﺻﺎﺣﺒﻚ ﺍﻟﻠﻲ ﻣﻦ ﺷﻔﺘﻪ ﻣﺎﺷﻔﺖ ﺧﻴﺮ
ﻭﻟﻜﻦ ﺍﻟﻄﻴﻮﺭ ﻋﻠﻰ ﺍﺷﻜﺎﻟﻪ ﺗﻘﻊ
ﻫﻮ ﺣﻘﻴﺮ ﻭﻟﻘﻰ ﻣﻦ ﻳﺨﺎﻭﻳﻪ ﻣﺜﻠﻚ
ﻭﻗﻒ ﻣﺸﻌﻞ
ﻭﺃﺳﻠﻮﺏ ﺭﻳﻨﺎﺩ ﻳﺨﺮﺝ ﺍﺳﻮﺀ ﻣﺎﻓﻴﻪ
ﺑﺎﻻﻭﻝ ﺗﻐﻠﻂ ﻋﻠﻴﻪ ﺑﺮﺟﻮﻟﺘﻪ
ﺛﻢ ﺗﻬﻴﻨﻪ ﻭﺗﻄﻠﻌﻪ ﻗﻠﻴﻞ ﺫﻭﻕ ﻭﺃﺻﻞ
ﻭﻗﻒ ﺍﻣﺎﻣﻬﺎ ﻭﻫﻮ ﻳﺄﺷﺮ ﺑﺎﺻﺎﺑﻌﻪ
ﻓﻲ ﻭﺟﻬﻬﺎ ﺑﻨﺒﺮﺓ ﺍﻗﺘﻠﻌﺖ ﻣﺪﻳﻨﺔ ﺍﻟﻄﻤﺄﻧﻴﻨﺔ ﻓﻲ ﻗﻠﺐ ﺭﻳﻨﺎﺩ :
ﺍﻧﺘﻲ ﻗﻠﻴﻠﺔ ﺃﺩﺏ ﻣﺎﻓﻴﻬﺎ ﺧﻼﻑ
ﻭﻟﻜﻦ ﻣﺎﺗﻮﺭﻳﻨﺎ ﺷﻄﺎﺭﺗﻚ ﻋﻠﻲ
ﺑﺄﻱ ﺣﻖ ﺍﻋﺘﺬﺭ ﻣﻨﻚ ﻭﺍﻧﺖِ ﺍﻟﻐﻠﻄﺎﻧﺔ ؟
ﺍﻧﺘﻲ ﻣﻦ ﺑﺪﻳﺘﻲ ﺗﺘﻠﻔﻈﻴﻦ ﻋﻠﻴﻪ ﺏ ﻡ . ﺵ . ﻥ
ﺗﺘﻮﻗﻌﻴﻦ ﻏﺒﻲ ﻟﺪﺭﺟﺔ ﻣﺎﻳﻔﻬﻢ
ﺍﻧﻬﺎ ﺍﺧﺘﺼﺎﺭ ﻟﻜﻠﻤﺔ ( ﻣﺴﺘﺸﺮﻓﻴﻦ ) ؟
ﻓﺸﻠﺘﻴﻨﻲ ﻣﻌﻪ !
ﻣﻦ ﺑﻌﺪﻫﺎ ﻣﻌﺪ ﻟﻘﻴﺘﻪ ﺑﺴﺒﺒﻚ
ﻭﻗﻔﺖ ﺭﻏﺪ ﻫﻲ ﺗﺸﻮﻑ ﺍﻟﻨﻘﺎﺵ
ﺑﺪﺃ ﻳﺘﺄﺧﺬ ﻣﺠﺮﻯ ﺛﺎﻧﻲ
ﻭﺍﻟﻨﺎﺱ ﺍﻟﻠﻲ ﺗﻨﺎﻇﺮﻫﻢ ﺯﺍﺩﺕ ﺭﺑﻜﺔ ﺍﻟﻤﻮﻗﻒ :
ﺑﻨﺴﺄﻝ ﻋﻨﻪ ﺟﻮﺯﻳﻒ
ﻫﻮ ﻣﺴﺆﻭﻝ ﻋﻦ ﺗﻌﺮﻳﻒ ﺍﻟﻄﻠﺒﺔ ﺍﻟﺠﺪﺩ ﺑﺎﻟﺠﺎﻣﻌﺔ
ﻣﻤﻜﻦ ﻳﻌﺮﻓﻪ
ﻗﺎﻃﻌﻬﺎ ﻧﺎﺻﺮ ﻭﺑﺴﺨﺮﻳﺔ :
ﻭﻳﻦ ﺑﺘﻠﻘﻴﻨﻪ ﻓﻴﻪ ﻋﻤﺘﻲ ﺭﻏﺪ ؟
ﺭﻏﺪ :
ﻓﻲ ﺍﻟﻜﺎﻓﻴﺔ ﺍﻟﻠﻲ ﺩﺍﺋﻤًﺎ ﻧﻠﻘﺎﻩ ﻫﻨﺎﻙ
ﻭﻗﻒ ﻧﺎﺻﺮ ﻣﻌﻬﺎ
ﻭﻫﻮ ﻳﺄﺧﺬ ﻣﻔﺎﺗﻴﺢ ﺳﻴﺎﺭﺗﻪ ﻣﻦ ﺍﻟﻄﺎﻭﻟﺔ :
ﻣﺎﻓﻴﻪ ﺭﻭﺣﺔ ﻟﺤﺎﻟﻜﻢ
ﻭﺑﻌﺪﻳﻦ ﺗﺤﺘﺎﺟﻮﻥ ﺳﻴﺎﺭﺓ ﺍﻟﻤﻘﻬﻰ ﺑﻌﻴﺪ
ﻃﻠﻌﺖ ﺭﻳﻨﺎﺩ
ﻭﺧﻠﻔﻬﺎ ﺭﻏﺪ ﻭﻧﺎﺻﺮ
ﺍﻟﻠﻲ ﺗﻐﻤﺰ ﺣﺘﻰ ﻳﺼﻤﺖ ﻻ ﺗﺒﻜﻲ ﺭﻳﻨﺎﺩ
ﺭﻛﺒﻮﺍ ﺍﻟﺴﻴﺎﺭﺓ
ﻭﺍﻟﺼﻤﺖ ﺳﻴﺪ ﺍﻟﻤﻮﻗﻒ ﺍﺣﺘﺮﺍﻣﺎ ﻟﺪﻟﻊ ﺭﻳﻨﺎﺩ
ﻣﺎﻛﺎﻧﺖ ﺍﻻ ٤٥ ﺩﻗﻴﻘﺔ ﻓﻲ ﺷﻮﺍﺭﻉ ﺑﺎﺭﻳﺲ ﺍﻟﻤﺰﺩﺣﻤﺔ
ﻫﺪﺋﺖ ﺳﺮﻋﺔ ﻧﺎﺻﺮ ﺗﺪﺭﻳﺠﻴًﺎ
ﺣﺘﻰ ﻳﻮﻗﻒ ﺳﻴﺎﺭﺗﻪ ﺑﺎﻟﺒﺎﺭﻛﻴﻨﻖ
ﺍﻟﻤﺨﺼﺺ ﻟﻠﻜﺎﻓﻴﻪ
ﻭﻳﺠﻤﻊ ﺃﻏﻠﺐ ﺍﻋﻀﺎﺀ ﺟﻤﺎﻋﺔ
( ﺍﻟﺠﻤﺎﻋﺔ ﺍﻟﺤﻤﺮﺍﺀ ﺍﻭ ﺟﻤﺎﻋﺔ ﺍﻟﺪﻡ )
ﺗﺠﺎﻫﻠﺖ ﺭﻳﻨﺎﺩ ﺳﻼﻣﺘﻬﺎ
ﻭﻫﻲ ﺗﻔﺘﺢ ﺍﻟﺒﺎﺏ
ﻭﺍﻟﺴﻴﺎﺭﺓ ﻣﺎﺯﺍﻟﺖ ﺗﻤﺸﻲ ﻣﺘﻮﺟﻬﻪ ﺍﻟﻰ ﺍﻟﻜﺎﻓﻴﻪ
ﻓﺘﺢ ﻧﺎﺻﺮ ﻋﻴﻮﻧﻪ ﺑﺬﻫﻮﻝ ﻣﻦ ﻏﺒﺎﺀﻫﺎ
ﻭﻫﻮ ﻳﻮﻗﻒ ﺍﻟﺴﻴﺎﺭﺓ ﺑﻘﻮﺓ ﺧﺎﺋﻔًﺎ ﻳﺪﻋﺴﻬﺎ
ﻧﺰﻟﺖ ﺭﻏﺪ ﺧﻠﻔﻬﺎ
ﺷﺎﻓﺘﻬﺎ ﺗﺒﺤﺚ ﺑﻌﻴﻮﻧﻬﺎ ﻋﻦ ﺟﻮﺯﻳﻒ
ﺁﺷﺮﺕ ﻟﻬﺎ ﻋﻠﻰ ﺷﺨﺺ ﺑﻤﻼﻣﺢ ﺑﺮﺍﺯﻳﻠﻴﺔ
ﺟﺎﻟﺲ ﺑﺰﺍﻭﻳﺔ ﺍﻟﻤﻘﻬﻰ ﺍﻟﻤُﻈﻠﻢ
ﻭﻻ ﻛﺄﻧﻬﻢ ﻇﻬﺮ
ﻭﻓﻲ ﺣﻀﻨﻪ ﺟﻬﺎﺯﻩ ﻣﺘﺠﺎﻫﻞ ﺍﻟﺼﺨﺐ
ﻭﻗﻔﻮﺍ ﺭﻏﺪ ﻭﺭﻳﻨﺎﺩ ﻭﻣﻌﻬﻢ ﻧﺎﺻﺮ ﺍﻣﺎﻡ ﺟﻮﺯﻳﻒ
ﺭﻳﻨﺎﺩ ﺑﻐﻀﺐ ﺑﺎﻟﻔﺮﻧﺴﻴﺔ :
ﻫﻞ ﺗﻌﺮﻑ ﺷﺨﺺ ﺳﻌﻮﺩﻱ
ﺳﻴﺪﺭﺱ ﻣﺎﺟﺴﺘﻴﺮ ﺍﻟﻜﻴﻤﻴﺎﺀ ﺑﺎﻟﺠﺎﻣﻌﺔ ؟
ﺍﺑﺘﺴﻢ ﺟﻮﺯﻳﻒ ﺑﺴﺨﺮﻳﺔ ﻋﻠﻰ ﻭﺻﻒ ﺭﻳﻨﺎﺩ ﺍﻟﻔﺘﺎﺓ ﺍﻟﺜﺮﻳﺔ ﺍﻟﻤﺪﻟﻠﺔ :
ﻟﻢ ﺍﻋﻠﻢ ﺍﻥ ﻓﻲ ﺑﺎﺭﻳﺲ ﻓﻘﻂ
ﺷﺨﺺ ﻭﺍﺣﺪ ﺳﻌﻮﺩﻱ ﻳﺪﺭﺱ ﻣﺎﺟﺴﺘﻴﺮ ﺍﻟﻜﻴﻤﻴﺎﺀ
ﻗﺎﻃﻌﻪ ﻧﺎﺻﺮ :
ﺍﺳﻤﻪ ﻛﺴﺎﺭ ، ﺍﺳﻤﻪ ﻣﻤﻴﺰ ﺑﺎﻟﺘﺄﻛﻴﺪ
ﻗﺎﻃﻌﻬﻢ ﺟﻮﺯﻳﻒ
ﻭﻣﻼﻣﺤﻪ ﺍﻟﺴﺎﺧﺮﺓ ﺍﻧﺨﻄﻒ ﻣﻨﻬﺎ ﻟﻮﻧﻬﺎ
ﻟﺘﺼﺒﺢ ﺻﻔﺮﺍﺀ
ﻭﻫﻮ ﻳﺂﺷﺮ ﻋﻠﻰ ﺷﺎﺏ ﺟﺎﻟﺲ
ﺏ ﺟﺎﻧﺐ ﺭﺋﻴﺲ ﺍﻟﻌﺼﺎﺑﺔ ﺍﻟﺤﻤﺮﺍﺀ
ﺿﻮﻗﺖ ﻋﻴﻮﻧﻬﺎ ﺭﻳﻨﺎﺩ ﺑﺼﺪﻣﺔ
ﻭﻫﻲ ﺗﺘﻌﺮﻑ ﻋﻠﻰ ﻣﻼﻣﺤﻪ ﺟﻴﺪًﺍ
ﺭﻳﻨﺎﺩ ﻭﺭﻏﺪ ﻭﻧﺎﺻﺮ ﺑﺬﻫﻮﻝ ﺟﻤﻴﻌًﺎ :
ﻛﺴﺎﺭ ﻣﻦ ﺍﻟﻌﺼﺎﺑﺔ !
ﺭﻓﻊ ﺳﻴﺎﻑ ﺍﻧﻈﺎﺭﻩ ﺑﺒﻂﺀ ﻭﺑﻨﺒﺮﺓ ﻫﺎﻣﺴﺔ ﻟﻴﻮﺳﻒ :
ﺍﻧﺖ ﻭﺵ ﻗﺎﻋﺪ ﺗﺴﻮﻱ ؟
ﺭﺟﻊ ﻳﻮﺳﻒ ﺧﻄﻮﺗﻴﻦ ﻟﻠﺨﻠﻒ ﺑﺨﻮﻑ ﻭﻫﻮ
ﻳﻤﺴﻚ ﺍﺫﻧﻪ ﻣﻦ ﻓﺮﻁ ﺗﻮﺗﺮﻩ :
ﺍﻧﺎ ﺍﻧﺎ ﺍﻣﻲ ﻗﺎﻟﺖ ﺷﻒ ﺑﻨﺖ ﺟﺪﻳﺪﺓ
ﻓﻮﻕ ﺗﻠﻌﺐ ﻣﻌﻬﺎ ﺍﻧﺖ ﺍﻧﺖ ﺑﺘﻬﺎﻭﺷﻨﻲ ؟
ﺍﻗﺘﺮﺏ ﻣﻨﻪ ﺳﻴﺎﻑ ﺑﺨﻄﻮﺍﺕ
ﻛﻞ ﻭﺍﺣﺪﺓ ﻣﻨﻬﻢ ﺗﺴﺒﻖ ﺍﻵﺧﺮﻯ
ﻭﺍﻟﺸﺮ ﻳﺘﺮﺍﻗﺺ ﺭﻗﺼﺔ ﺍﻟﺘﺎﻧﻐﻮ ﻓﻲ ﻋﻴﻨﺎﻩ
ﻭﻫﻮ ﻳﺮﺹ ﺑﺄﺳﻨﺎﻧﻪ ﻋﻠﻰ ﺑﻌﺾ
ﻭﺑﺴﺒﺎﺑﺘﻪ ﻳﺂﺷﺮ ﻋﻠﻰ ﺷﺎﺩﻥ :
ﻭﻫﺬﻩ ﺍﻟﺒﻨﺖ ﺍﻟﺠﺪﻳﺪﺓ ﺍﻟﻠﻲ ﺑﺘﻠﻌﺐ ﻣﻌﻬﺎ ؟
- ﺻﺮﺥ ﻭﻫﻮ ﻳﻤﺴﻜﻪ ﻣﻦ ﻛﺘﻔﻪ - ﺣﻤﺎﺭ ﺍﻧﺖ ؟
ﻏﻤﺾ ﻳﻮﺳﻒ ﻋﻴﻮﻧﻪ
ﻭﻫﻮ ﻳﻘﻠﺺ ﺟﺴﻤﻪ ﺑﻴﺪﻩ ﺑﺨﻮﻑ ﻣﻦ ﻏﻀﺒﻪ
ﻭﻫﻮ ﻳﺮﺟﻒ ﺑﺸﻜﻞ ﻏﺮﻳﺐ
ﻭﻟﻮﻧﻪ ﺍﻧﺨﻄﻒ ﻭﻛﺄﻧﻪ ﻓﻲ ﺣﺎﻟﺔ ﺍﺣﺘﻀﺎﺭ
ﺩﻓﻪ ﺳﻴﺎﻑ ﻣﻦ ﺁﺛﺮ ﺻﺮﺧﺔ ﺳﻠﻄﺎﻥ ﺑﻤﻨﺘﺼﻒ ﺍﻟﺪﺭﺝ :
ﺳﻴﺎﻑ
ﺍﻗﺘﺮﺏ ﻭﻫﻮ ﻳﺮﻣﻘﻪ ﺑﺤﺪﺓ :
ﻋﻨﺪﻱ ﻳﻮﺳﻒ ﻭﺍﻟﻤﻮﺕ
ﺟﺎﻧﻲ ﻋﻠﻰ ﻧﻔﺴﻚ ﻟﻬﺬﻩ ﺍﻟﺪﺭﺟﺔ ؟
ﺳﻴﺎﻑ ﻭﻫﻮ ﻳﺤﺎﻭﻝ ﺍﻥ ﻳﺘﺤﻜﻢ ﺑﺎﻋﺼﺎﺑﻪ ﺍﺣﺘﺮﺍﻣﺎ ﻟﻪ :
ﺷﻮﻱ ﻭﻳﻨﻮﻡ ﺯﻭﺟﺘﻲ ﺑﺤﻀﻨﻪ
ﺗﺒﻴﻨﻲ ﺍﺑﻮﺳﻪ ﻋﻠﻰ ﺭﺍﺳﻪ
ﻭﺍﻗﻮﻝ ﺷﺎﻃﺮ ﺣﺒﻴﺒﻲ ﺑﺲ ﻻ ﺗﻜﺮﺭﻫﺎ
ﺍﻗﺘﺮﺏ ﺳﻠﻄﺎﻥ ﺍﻣﺎﻡ ﺳﻴﺎﻑ ﻭﻻ ﻳﻔﺼﻞ ﺑﻴﻨﻬﻢ ﺍﻻ ﻗﺪﺭ ﺃﻧﻤُﻠﺔ ، ﻭﻫﻮ ﻳﻬﻤﺲ ﺑﺤﺪّﺓ :
ﺗﺒﻮﺱ ﺭﺃﺳﻪ ﻭﻳﺪﻩ ﻭﺍﺫﺍ ﺗﻄﻠﺐ ﺭﺿﺎﻩ
ﺗﺒﻮﺱ ﺭﺟﻠﻪ ﺑﻌﺪ
ﺭﻓﻊ ﺳﻴﺎﻑ ﻋﻴﻮﻧﻪ ﺑﺼﺪﻣﺔ
ﻣﻦ ﺟﺪﻳﺘﻪ ﺑﺎﻟﺘﻬﺪﻳﺪ
ﻧﺰﻝ ﻋﻴﻮﻧﻪ ﻣﺮﺓ ﺁﺧﺮﻯ
ﺑﻌﺪ ﺍﻥ ﺧﺰﻩ ﺍﺑﻮﻩ ﻋﻠﻰ ﻗﻠﺔ ﺍﺣﺘﺮﺍﻣﻪ ، ﻫﻤﺲ ﻭﻫﻮ ﻳﺒﺮﺭ ﻣﻮﻗﻔﻪ :
ﻳﺒﻪ ﺻﻐﺮ ﻋﻘﻠﻪ ﻣﺎﻳﺸﻔﻊ ﺑﻪ ﻛﺒﺮ ﺟﺴﻤﻪ !
ﻳﺒﻪ ﻳﻮﺳﻒ ﺭﺟﺎﻝ ﺷﺌﺘﻢ ﻭﻻ ﺁﺑﻴﺘﻢ
ﻋﻘﻠﻪ ﻳﻌﻴﺶ ﺑﺴﻦ ١٤ - ١٥ ﺳﻨﺔ
ﻳﻌﻨﻲ ﻣﺮﺍﻫﻖ ﻭﻓﺎﻫﻢ ﻭﺍﻋﻲ ﺑﺸﻜﻞ ﻛﺎﻓﻲ
ﻣﺎﻫﻮ ﻃﻔﻞ ١٠ ﺳﻨﻴﻦ
ﺍﻧﺘﻢ ﻣﻦ ﺧﻠﻴﺘﻮﻩ ﻳﻌﻴﺶ ﺣﻴﺎﺓ ﻃﻔﻮﻟﻴﺔ ﺑﺘﻌﺎﻣﻠﻚ ﺍﻧﺖ ﻭﺍﻣﻲ ﻭﻻ ﻛﺎﻥ ﻗﺪﺭ ﻳﺘﺠﺎﻭﺯ ﻫﺬﻩ
ﺍﻟﻤﺮﺣﻠﺔ ﻭﻳﺼﻴﺮ ﺍﺭﺟﻞ ﺭﺟﺎﺟﻴﻞ ﺍﻟﻤﺠﺎﻟﺲ
ﺻﺮﺥ ﻳﻮﺳﻒ ﺑﺤﺮّﻗﺔ ﻣﻦ ﺍﺳﺘﻨﻘﺎﺹ ﺳﻴﺎﻑ ﻟﻪ :
ﻻ ﺗﻜﻠﻤﻨﻲ ﻛﺬﺍ ﺍﻧﺎ ﻣﻮ ﺑﺰﺭ ﺍﻧﺖ ﺍﻟﺒﺰﺭ ﺍﻧﺖ ﻭﺍﻟﻠﻪ ﺑﻴﺤﻄﻚ ﺑﺎﻟﻨﺎﺭ
ﻏﻤﺾ ﺳﻴﺎﻑ ﻋﻴﻮﻧﻪ
ﻭﻛﻠﻤﺎﺕ ﻳﻮﺳﻒ " ﺍﻟﻠﻪ ﺑﻴﺤﻄﻚ ﺑﺎﻟﻨﺎﺭ "
ﻭﺇﻥ ﻛﺎﻧﺖ ﺗﻬﺪﻳﺪ ﻃﻔﻮﻟﻲ
ﺍﻻ ﺍﻧﻬﺎ ﻧﺠﺤﺖ ﻓﻲ ﻛﺶ ﺷﻌﺮ ﺟﺴﺪﻩ ﻣﻦ ﻫﻮﻝ ﺍﻟﻜﻠﻤﺔ
ﻣﺸﻰ ﺳﻠﻄﺎﻥ ﻣﺘﻮﺟﻬًﺎ ﻟﻴﻮﺳﻒ
ﻭﻫﻮ ﻳﺤﺘﻀﻨﻪ ﺏ ﺣﻨﻴﻪ ، ﻭﻳﻨﻔﺚ ﻋﻠﻴﻪ
ﻣﻦ ﺁﻳﺎﺕ ﺍﻟﺮﻭﺅﻑ ﻭﺍﻟﺴﻜﻴﻨﺔ ﺣﺘﻰ ﻫﺪﺃ ﻓﻲ ﺣُﺠﺮﻩ :
ﻫﻮ ﺍﻟﺒﺰﺭ ﻭﺍﻟﻬﻴﺲ ﺍﻷﺭﺑﺪ
ﺑﺲ ﻻ ﺗﺤﺮﻕ ﻋﻤﺮﻙ ﻭﺍﻧﺎ ﺍﺑﻮﻙ
ﻭﻟﻮ ﺗﺒﻲ ﺍﻃﻘﻪ ﻃﻘﻴﺘﻪ
- ﻋﺎﺩ ﺳﺆﺍﻟﻪ ﺑﻨﺒﺮﺓ ﺁﻣﺮ ﻭﻫﻮ ﻳﺄﺷﺮ ﻋﻠﻰ ﺳﻴﺎﻑ -
ﺍﻃﻘﻪ ؟ ﻗﻞّ
ﺭﻓﻊ ﻳﻮﺳﻒ ﻋﻴﻨﺎﻩ ﺑﺨﻮﻑ ﺑﺒﻂﺀ
ﻭﻫﻮ ﻳﺴﺘﺮﻕ ﺍﻟﻨﻈﺮ ﻷﺧﻮﻩ ﻣﻦ ﺣﻀﻦ ﺳﻠﻄﺎﻥ
ﺷﺎﻑ ﺳﻴﺎﻑ ﺑﻌﺎﻟﻢ ﻏﻴﺮ ﺍﻟﺬﻱ ﻳﻌﻴﺶ ﻓﻴﻪ ﻫﻮ ﻭﺍﺑﻮﻩ
ﻋﺎﻟﻢ ﻛﺎﻥ ﻳﺴﻜﻨﻪ ﻫﻮ ﻭﺷﺎﺩﻥ ﻓﻘﻂ
ﻛﺎﻥ ﺳﻴﺎﻑ ﻭﺍﻗﻒ ﺍﻣﺎﻡ ﻳﻮﺳﻒ ﻭﺳﻠﻄﺎﻥ
ﻭﻣﻜﺘﻒ ﺫﺭﺍﻋﻪ ﻓﻲ ﺣﻀﻨﻪ
ﻭﻋﺎﻗﺪ ﺣﺎﺟﺒﻪ ﻭﻛﺄﻧﻪ ﻳﻘﻴﻢ ﻛﻮﺍﺭﺙ
( ﺳﻮﺭﻳﺎ - ﺑﻮﺭﻣﺎ - ﻏﺰﺓ .. ﺃﻟﺦ ) ﻓﻲ ﺩﻣﺎﻏﻪ
ﻭﻳﺮﻣﻖ ﺷﺎﺩﻥ ﺑﻨﻈﺮﺍﺕ
ﺷﻄﺮﺕ ﺁﺧﺮ ﺫﺭﺓ ﻃﻤﺄﻧﻴﻨﺔ ﻓﻲ ﻗﻠﺒﻬﺎ
ﻭﻟﻜﻦ ﻭﺟﻮﺩ ﺍﺑﻮﻩ ﻭﺍﺧﻮﻩ ﻳﻌﻘﺪ ﻟﺴﺎﻧﻪ ﻋﻨﻬﺎ
ﻫﺰ ﻳﻮﺳﻒ ﺭﺃﺳﻪ ﺏ ﻻ .
ﺭﻓﻊ ﺳﻠﻄﺎﻥ ﺭﺃﺳﻪ ﺑﺈﺣﺮﺍﺝ
ﻭﻫﻮ ﻳﺸﻮﻑ ﺷﺎﺩﻥ ﻭﺍﻗﻔﺔ ﺑﺰﺍﻭﻳﺔ ﺍﻟﻤﺸﻬﺪ ﺑﺬﻫﻮﻝ
ﻭﻛﻞ ﻛﻼﻣﻬﻢ ﺑﺎﻟﻨﺴﺒﺔ ﻟﻬﺎ ( ؟ )
ﺃﺷﻔﻖ ﻋﻠﻰ ﻟﻮﻧﻬﺎ ﺍﻟﺸﺎﺣﺐ
ﻣﻦ ﻫﻮﻝ ﺍﻟﻤﻮﻗﻒ ، ﻭﺑﻨﺒﺮﺓ ﺣﺎﻧﻴﺔ
ﻭﻛﺄﻧﻪ ﻳﻜﻠﻢ ﻳﻮﺳﻒ :
ﺗﻌﺎﻟﻲ ﻳﻤﻪ ﺷﺎﺩﻥ ﺳﻠّﻤﻲ
ﻟﻔﺖ ﺷﺎﺩﻥ ﻋﻴﻮﻧﻬﺎ ﺑﺴﺮﻋﺔ ﻋﻦ ﻋﻴﻮﻥ ﺳﻴﺎﻑ
ﻭﻛﺄﻥ ﻧﺪﺍﺀ ﺳﻠﻄﺎﻥ ﺭﺣﻤﺔ ﺭﺑﺎﻧﻴﺔ ﺍﻧﻘﺬﺗﻬﺎ ﻣﻨﻪ
ﻓﺮﻛﺖ ﻛﻔﻮﻓﻬﺎ ﺑﻘﻠﻖ ﺏ ﺑﻌﺾ
ﻭﻫﻲ ﺗﺸﻴﺮ ﺑﺄﻧﻈﺎﺭﻫﺎ ﻟﻴﻮﺳﻒ
ﻣﺴﺢ ﺳﻠﻄﺎﻥ ﻋﻠﻰ ﺭﺃﺳﻪ ﻳﻮﺳﻒ
ﺛﻢ ﻗﺒﻠﻪ ﻭﻛﺄﻧﻪ ﻳﻘﺒﻞ ﺍﻟﺤﺠﺮ ﺍﻷﺳﻮﺩ ﻣﻦ ﺧﺸﻮﻉ ﻣﻼﻣﺤﻪ :
ﻣﺎﺗﻨﻄﺒﻖ ﻋﻠﻴﻪ ﺍﻟﺸﺮﻭﻁ ﺍﻟﻜﺎﻓﻴﺔ ﺍﻷﺳﻼﻣﻴﺔ
ﻋﺸﺎﻥ ﻛﺬﺍ ﻣﺎﻫﻮ ﻭﺍﺟﺐ ﻋﻠﻴﻚ ﺗﺘﻐﻄﻴﻦ ﻋﻨﻪ
ﺃﺑﻌﺪ ﻳﻮﺳﻒ ﻋﻦ ﺣﻀﻨﻪ
ﻭﻫﻮ ﻳﺘﻘﺪﻡ ﺧﻄﻮﺗﻴﻦ ﺣﺘﻰ ﻳﺴﻠﻢ ﻋﻠﻴﻬﺎ
ﺑﻌﺪ ﻣﺎﺷﺎﻑ ﺍﻱ ﺭﺩﺓ ﻓﻌﻞ ﻣﻨﻬﺎ
ﻭﻛﺄﻧﻬﺎ ﺧﺎﻳﻔﺔ ﻣﻦ ﺍﻥ ﺗﻘﺘﺮﺏ ﻭﻳﻘﺘﻠﻊ ﺭﻗﺒﺘﻬﺎ ﺳﻴﺎﻑ .
💜 @ahgeel 💜 👈قنـاتنـــا📚
💜 @hkauat 💜👈الارشيف📚
|| ﻏﺮﻓﺔ ﻧﻮﻡ ﺗﺮﻛﻲ & ﺃﻧﻔﺎﻝ {
ﻛﺎﻧﺖ ﺃﻧﻔﺎﻝ ﻣﺘﺴﻨﺪﺓ ﻋﻠﻰ ﺍﻟﺒﺎﺏ ﻭﻫﻲ ﻣﺘﻜﺘﻔﺔ
ﻭﺃﻧﻈﺎﺭﻫﺎ ﺗﺼﻮﺭ ﻛﻞ ﺣﺮﻛﺎﺕ ﺗﺮﻛﻲ
ﺍﻟﻠﻲ ﻛﺎﻥ ﻳﻘﻒ ﺍﻣﺎﻡ ﺍﻟﺘﺴﺮﻳﺤﺔ ﺍﻟﺒُﻨﻴﺔ
ﻭﻫﻮ ﻳﺴﻜﺮ ﺍﺯﺭﺍﺭ ﺛﻮﺑﻪ ﺍﻷﺑﻴﺾ ﻭﻳﻤﺸﻂ ﺷﻌﺮﻩ ﻋﻠﻰ ﺍﻟﺨﻠﻒ
ﻭﻳﺨﺘﻢ ﺷﻜﻠﻪ ﺍﻟﻤُﻌﺘﺎﺩ
ﺑﺮﺷﺔ ﻣﻦ ﻋﻄﺮﻩ ﺍﻟﺮﺟﺎﻟﻲ
ﻋﻘﺪ ﺣﺎﺟﺒﻪ ﺑﺈﺑﺘﺴﺎﻣﺔ ﻭﻫﻮ ﻳﺸﻮﻑ ﻟﻮﺷﻦ ﺟﺪﻳﺪ ﻋﻠﻰ ﺗﺴﺮﻳﺤﺘﻪ :
ﺷﻜﻠﻪ ﺟﺪﻳﺪ ، ﻣﺘﻰ ﺷﺮﻳﺘﻴﻪ ﻭﺑﺈﻳﺶ ؟
ﺃﻧﻔﺎﻝ ﻭﻫﻲ ﺗﺒﺘﺴﻢ ﺑﺴﺨﺮﻳﺔ ﻟﺘﺮﻛﻲ
ﺍﻟﻠﻲ ﻣﺎﻳﻐﻠﻂ ﻓﻲ ﺷﻜﻠﻪ ﻭﻻ ﻏﻠﻄﺔ
ﺣﺘﻰ ﺑﺈﺧﺘﻴﺎﺭ ﻣﺮﻃﺒﻪ ﻳﺪﻳﻨﻪ
ﻭﻛﺄﻧﻪ ﻋﺮﻳﺲ ﺏ ﻟﻴﻠﺔ ﺯﻓﺎﻓﻪ :
ﺯﺑﺪﺓ ﺍﻟﺸﻴﺎ ﺑﺎﻟﻔﺎﻧﻴﻼ
ﻓﺼﻞ ﺗﺮﻛﻲ ﺟﻮﺍﻟﻪ ﻣﻦ ﺍﻟﺸﺎﺣﻦ
ﻭﻫﻮ ﻳﺘﺄﻛﺪ ﻣﻦ ﻣﻔﺎﺗﻴﺤﻪ
ﺍﻧﻬﺎ ﺗﺴﺘﻘﺮ ﺑﺠﻴﺐ ﺛﻮﺑﻪ
ﺛﻢ ﺍﺩﺧﻞ ﺟﻮﺍﻟﻪ
ﻭﻫﻮ ﻳﺤﺎﻭﻝ ﺍﻥ ﻳﺨﻔﻲ ﺍﻻﺷﻌﺎﺭﺍﺕ
ﻻ ﺗﺴﻘﻂ ﻋﻠﻴﻬﺎ ﻋﻴﻮﻥ ﺍﻧﻔﺎﻝ
ﻣﺮّ ﻣﻦ ﺟﺎﻧﺒﻬﺎ ﻭﻫﻮ ﻳﺒﻮﺱ ﺧﺪﻫﺎ ﺑﺈﺑﺘﺴﺎﻣﺘﻪ :
ﻻ ﺗﻨﺘﻈﺮﻧﻲ ﻧﺎﻣﻲ ﺍﻧﺘﻲ ﺍﻟﻠﻴﻠﺔ
ﺍﺣﺘﻤﺎﻝ ﺍﺳﻬﺮ ﺑﺎﻹﺳﺘﺮﺍﺣﺔ
ﺍﻟﻌﻴﺎﻝ ﺑﻴﻀﺒﻄﻮﻥ ﺍﻟﻌﺸﺎﺀ ﻭﺑﻨﺸﻮﻱ ﻭﺷﻜﻠﻬﺎ ﺻﺒّﺎﺣﻲ
ﺃﺑﺘﺴﻤﺖ ﺃﻧﻔﺎﻝ ﻋﻠﻰ ﺗﻔﻜﻴﺮﻫﺎ
ﻭﻫﻲ ﺗﺸﻮﻑ ﺍﺑﺘﺴﺎﻣﺔ ﺗﺮﻛﻲ ﺍﻟﺪﺍﺋﻤﺔ
ﻭﻛﺄﻧﻪ ﺑﺪﻋﺎﻳﺔ ﻟﻤﻌﺠﻮﻥ ﺍﻷﺳﻨﺎﻥ :
ﻏﺮﻳﺒﺔ - ﻭﺑﻨﺒﺮﺓ ﺍﺳﺘﻬﺘﺎﺭ -
ﻣﻮ ﻋﺎﺩﺓ ﺭﺑﻌﻚ ﺍﻟﺴﻬﺮ ﻟﻴﻦ ﺣﺰﺓ ﺍﻟﺪﻭﺍﻣﺎﺕ !
ﺍﻟﻌﺎﺩﺓ ﻣﺎﺷﺎﺀ ﺍﻟﻠﻪ ﻣﻊ ﺻﻼﺓ ﺍﻟﻌﺸﺎﺀ ﺗﺪﺧﻠﻮﻥ ﻣﻔﺎﺭﺷﻜﻢ
ﺗﺄﻓﻒ ﺗﺮﻛﻲ ﻣﻦ ﺳﺨﺮﻳﺔ ﺃﻧﻔﺎﻝ
ﻭﻫﻮ ﻳﻨﺰﻝ ﺣﺼﺔ ﺑﻨﺘﻪ ﻣﻦ ﺣﻀﻨﻪ :
ﺍﻟﻮﺍﺣﺪ ﺍﺫﺍ ﻗﺎﻝ ﻟﻚ ﺍﺳﺘﻬﺘﺮﺗﻲ
ﻭﺍﺫﺍ ﻣﺎﻗﺎﻝ ﻟﻚ ﺯﻋﻠﺘﻲ ﻭﻃﻴﻨﺘﻲ ﻋﻴﺸﺘﻪ ﺍﺫﺍ ﺭﺟﻊ
ﻭﺵ ﺗﺒﻴﻦ ﺑﺎﻟﻀﺒﻂ ؟
ﺩﺧﻠﺖ ﺃﻧﻔﺎﻝ ﺍﻟﻤﻄﺒﺦ
ﻭﺑﺼﻮﺕ ﻋﺎﻟﻲ ﺣﺘﻰ ﻳﺼﻞ ﻣﺴﺎﻣﻊ ﺗﺮﻛﻲ :
ﻫﺬﺍﻙ ﺍﻭﻝ ﻳﻮﻡ ﻛﻨﺖ ﺍﺳﺘﻨﻜﺮ ﺳﻬﺮﺍﺗﻚ ﻭﺍﻧﺎ ﻋﺮﻭﺱ
ﻳﺎﻋﺰﺗﻲ ﻟﻲ ﻛﻨﺖ ﺍﺣﺴﺐ ﺍﻟﻨﺎﺱ ﺍﺑﻮﻱ ﻭﺍﺧﻮﺍﻧﻲ
ﻟﻜﻦ ﺍﻟﺤﻴﻦ ﻟﻮ ﺗﺮﺟﻊ ﺑﺪﺭﻱ ﺑﺤﻠﻔﻚ ﺑﺎﻟﻠﻪ
ﺍﻧﻚ ﻣﻮ ﻣﻄﻠﻮﺏ ﻟﺸﺮﻃﺔ ﺍﻟﺮﻳﺎﺽ ﻭﺍﻟﻤﺒﺎﺣﺚ
ﺿﺤﻚ ﺗﺮﻛﻲ ، ﻭﺍﺭﺩﻑ ﺿﺤﻜﺘﻪ
ﺑﺈﺑﺘﺴﺎﻣﺔ ﺣﻘﻴﻘﺔ ﻣﺎﻛﺎﻧﺖ ﺗﻌﻘﻴﺒًﺎ ﻟﻜﻼﻡ ﺃﻧﻔﺎﻝ
ﻻ !
ﻛﺎﻧﺖ ﺍﻻﺑﺘﺴﺎﻣﺔ ﻧﺘﻴﺠﺔ ﺍﻟﻜﻼﻡ
ﺍﻟﻠﻲ ﺍﻧﺎﺭ ﻓﻴﻪ ﺟﻮﺍﻟﻪ ﻣﻦ ﺇﺷﻌﺎﺭ ﻣﻦ ﺍﻟﻮﺍﺗﺲ ﺍﺏ
ﻭﻫﻮ ﻳﻄﻠﻊ ﺑﺨﻄﻮﺍﺕ ﺳﺮﻳﻌﺔ ﺧﺎﺭﺝ ﺷﻘﺘﻪ
ﻭﺑﺈﺑﻬﺎﻣﻪ ﻳﺒﺤﺚ ﻋﻦ ﺍﻟﺮﻗﻢ ﺏ ﺟﻬﺎﺕ ﺍﻹﺗﺼﺎﻝ .
ﻃﻠﻌﺖ ﺍﻧﻔﺎﻝ ﻣﻦ ﺍﻟﻤﻄﺒﺦ ﺑﺈﺳﺘﻐﺮﺍﺏ
ﻟﻤﺎ ﺳﻤﻌﺖ ﺑﺎﺏ ﺍﻟﺸﻘﺔ ﻳﺘﺴﻜﺮ
ﻟﻔﺖ ﻋﻠﻰ ﺍﺑﻨﺘﻬﺎ ﺣﺼﺔ ﺫﺍﺕ ﺍﻷﺭﺑﻊ ﺳﻨﻮﺍﺕ :
ﺑﺎﺑﺎ ﻣﺎﻗﺎﻝ ﺑﻴﺮﺟﻊ ؟
ﺣﺼﺔ ﻭﻫﻲ ﺗﻨﺎﻇﺮ ﺍﻟﺒﺎﺏ ، ﻭﺑﻴﺪﻫﺎ ﺍﻳﺒﺎﺩﻫﺎ ﺏ ﺑﻼﻣﺒﺎﻻﻩ :
ﻻ ﻭﻗﻔﻞ ﺍﻟﺒﺎﺏ
ﺑﺎﻟﻤﻔﺘﺎﺡ
ﺭﻓﻌﺖ ﺃﻧﻔﺎﻝ ﺣﺎﺟﺒﻬﺎ ﺑﺈﺳﺘﻨﻜﺎﺭ
ﻭﺑﻴﺪﻫﺎ ﺷﻨﻄﺔ ( ﻋﺪّﺓ ﺍﻟﺸﻮﻱ )
ﺍﻟﻠﻲ ﻣﺎﻳﻄﻠﻊ ﺗﺮﻛﻲ ﻟﻌﺸﺎﺀ ﺍﻻﺳﺘﺮﺍﺣﺔ ﺍﻻ ﻭﻫﻲ ﻣﻌﻪ !
ﺷﻠﻮﻥ ﺭﺍﺡ ﻣﻦ ﺩﻭﻧﻬﺎ ؟
💜 @ahgeel 💜 👈قنـاتنـــا📚
💜 @hkauat 💜👈الارشيف📚
ﺣﺲ ﻛﺴﺎﺭ ﺑﺈﻧﻈﺎﺭ ﺗﺨﺘﺮﻗﻪ ﻣﻦ ﺧﻠﻔﻪ
ﻟﻒ ﺑﺈﺳﺘﻐﺮﺍﺏ ﻭﻫﻮ ﺑﻴﺘﺄﻛﺪ ﻣﻦ ﺷﻜﻮﻛﻪ
ﻓﺘﺢ ﻋﻴﻮﻧﻪ ﻋﻠﻰ ﻛﺒﺮﻫﺎ ﺗﺪﺭﻳﺠﻴًﺎ
ﻭﻫﻮ ﻳﺸﻮﻑ ﺃﻭﻝ ﻭﺟﻴﻪ ﺗﻌﺮﻑ ﻋﻠﻴﻬﺎ
ﻣﻦ ﺧﻄﺖ ﻗﺪﻣﻪ ﻃُﺮﻗﺎﺕ ﺑﺎﺭﻳﺲ ﻭﺑﻴﻨﻬﻢ ( ﺭﻳﻨﺎﺩ )
ﺷﺎﻑ ﻛﺴﺎﺭ ﺭﻳﻨﺎﺩ ﺗﻘﺘﺮﺏ ﻣﻨﻪ ﺑﺨﻄﻮﺍﺕ ﻏﺎﺿﺒﺔ
ﻟﻤﺢّ ﻛﻔﻬﺎ ﺍﻷﻳﺴﺮ
ﺭﻏﻢ ﺍﻥ ﺍﻟﻤﻜﺎﻥ ﻣُﻈﻠﻢ ﻭﺍﻟﺰﺣﻤﺔ
ﺍﻻ ﺍﻥ ﺭﺑﻲ ﺷﺎﺀ ﺍﻧﻪ ﻳﺮﺃﻫﺎ
ﻭﻫﻲ ﺗﺴﺤﺐ ﺳﻜﻴﻨﺔ ﺍﻟﻤﺎﺋﺪﺓ ﻣﻦ ﻋﻠﻰ ﺍﻟﻄﺎﻭﻟﺔ
ﻭﺗﺨﻔﻴﻬﺎ ﺑﻜﻔﻬﺎ ﺑﻬﺪﻭﺀ
ﺣﺘﻰ ﺩﺧﻠﺘﻪ ﻓﻲ ﻛﻢ ﺟﻴﺒﻬﺎ ﻭﺗﺒﻘﻰ ﻃﺮﻓﻬﺎ ﻓﻲ ﻛﻔﻬﺎ
ﻗﻔﺰ ﻛﺴﺎﺭ ﻗﻔﺰﺓ ﺧﻔﻴﻔﺔ ﻋﻠﻰ ﺍﻷﺭﺽ ﺍﻟﺨﺸﺒﻴﺔ
ﻣﻦ ﺍﻟﻜﺮﺳﻲ ﺍﻟﻤﺮﺗﻔﻊ ﺍﻟﻠﻲ ﻳﺤﺎﻭﻁ ﻃﺎﻭﻟﺔ ( ﺍﻟﻤﺸﺮﻭﺑﺎﺕ ﺍﻟﻜﺤﻮﻟﻴﺔ )
ﻭﺧﻠﻔﻬﺎ ﻧﺎﺩﻟﺔ ﺟﻤﻴﻠﺔ ﻭﺯﺟﺎﺟﺎﺕ ﻛﺤﻮﻟﻴﺔ ﻋﺘﻴﻘﺔ ﺗﻤﻠﺊ ﺍﻟﺮﻓﻮﻑ
ﻣﺴﻚ ﻛﺘﻒ ﺭﻳﻨﺎﺩ
ﻗﺒﻞ ﺍﻥ ﻳﻨﺘﺒﻪ ﺍﻟﺮﺟﺎﻝ ﺍﻟﻠﻲ ﻣﻌﻪ ؛ ﻋﻠﻴﻬﺎ
ﻭﻫﻮ ﻳﺤﺎﻭﻝ ﺍﻥ ﻳﺒﻌﺪﻫﺎ ﻋﻦ ﻣﻜﺎﻧﻪ
ﻭﻳﻄﻠﻌﻬﺎ ﻟـ ﻣﻜﺎﻥ ﺍﻧﻈﻒ ﻭﺍﻫﺪﺉ
ﻏﻤﺾ ﻋﻴﻮﻧﻪ ﻭﻋﺾ ﻋﻠﻰ ﺷﻔﺘﻪ ﺍﻟﺴﻔﻠﻴﺔ ﺑﺄﺳﻨﺎﻧﻪ ﺍﻟﻌﻠﻮﻳﺔ
ﻭﻫﻮ ﻳﺴﻤﻊ ﺻﻮﺕ ﻏﻠﻴﺾ ﻣﻦ ﺧﻠﻔﻪ :
Where you go ?
ﺭﺟﻒ ﻛﺴﺎﺭ ﺑﻘﺪﻣﻪ
ﻗﺪﻡ ﺭﻳﻨﺎﺩ ﺣﺘﻰ ﻳﻬﺰ ﺍﺗﺰﺍﻧﻬﺎ ﻭﺗﺘﺤﺮﻙ ﺍﻣﺎﻣﻪ
ﻷﻭﻝ ﻣﺮﺓ ﻳﺸﻌﺮ ﺑﻨﻌﻤﺔ ﻋﺮﺽ ﺟﺴﺪﻩ
ﺣﺘﻰ ﻳﺨﻔﻴﻬﺎ ﻓﻴﻪ ﻋﻦ ﺍﻧﻈﺎﺭﻫﻢ :
I'll come back
ﻭﻧﺖّ ﺭﻳﻨﺎﺩ ﺑﺂﻟﻢ ﻭﻫﻲ ﺗﻘﻔﺰ ﺑﻤﻜﺎﻧﻬﺎ ﻣﻦ ﺭﺟﻠﻬﺎ :
ﺧﻴﺮ ؟
ﻗﺎﻃﻌﻬﺎ ﻛﺴﺎﺭ ﻭﻫﻮ ﻳﻤﺸﻲ ﺑﺈﺳﺘﻘﺎﻣﺔ ﻭﺍﺣﺪﺓ :
ﺍﺫﺍ ﺗﺒﻴﻦ ﺗﻄﻠﻌﻴﻦ ﺣﻴّﺔ
ﺍﻣﺸﻲ ﺑﺪﻭﻥ ﻣﺎﻳﻼﺣﻈﻮﻧﻚ
ﻋﻠﻰ ﻧﻔﺲ ﺍﺳﺘﻘﺎﻣﺘﻲ - ﺑﺤﺪّﺓ ﻋﺸﺎﻥ ﺗﺴﺘﺠﻴﺐ ﺭﻳﻨﺎﺩ ﺑﺴﺮﻋﺔ - ﺍﺧﻠﺼﻲ !
ﻫﺰﺕ ﺭﻳﻨﺎﺩ ﺭﺃﺳﻬﺎ ﺑﺴﺨﺮﻳﺔ ﺿﺎﺣﻜﺔ
ﻭﻫﻲ ﺗﻨﺼﺎﻉ ﻟﻜﻼﻡ ﻛﺴﺎﺭ
ﺭﻓﻊ ﻛﺴﺎﺭ ﺣﺎﺟﺒﻪ ﺑﻔﻀﻮﻝ ﻣﻦ ﺿﺤﻜﺘﻬﺎ :
ﻭﺵ ﻳﻀﺤﻚ ؟
ﺭﻳﻨﺎﺩ ﺑﺘﺴﺎﺅﻝ ﻣﺼﻨﻄﻊ ﻭﻫﻲ ﺗﻔﺘﺢ ﺑﺎﺏ ﺍﻟﻜﺎﻓﻴﻪ ، ﻭﻳﻨﻔﻚ ﺣﺼﺎﺭ ﻛﺴﺎﺭ ﻋﻨﻬﺎ :
ﺍﻟﺴﺆﺍﻝ ﺍﻟﻠﻲ ﻗﻀﻴﺖ ﺳﻨﻮﺍﺕ ﻏﺮﺑﺘﻲ
ﺍﺑﺤﺚ ﻹﺟﺎﺑﺔ ﻋﻨﻪ ﻭﻓﺸﻠﺖ
ﻟﻴﺶ ﺍﻟﺴﻌﻮﺩﻳﻴﻦ ﻟﻤﺎ ﻳﺸﻮﻓﻮﻥ ﺳﻌﻮﺩﻳﺔ ﻳﺼﻴﺮﻭﻥ ﺑﻘﺪﺭﺓ ﻗﺎﺩﺭ ﺭﻭﺑﻦ ﻫﻮﺩ ؟ - ﺏ ﻟﻬﺠﺔ
ﻣﺼﺮﻳﺔ ﻭﻫﻲ ﺗﺴﺘﻨﺪ
ﻋﻠﻰ ﻋﺎﻣﻮﺩ ﺍﻷﺿﺎﺀﺓ -
ﻣﺎﺗﺴﻴﺒﺆﺍ ﺍﻟﻨﺎﺱ ﺗﻌﻴﺶ ﻭﺗﻌﻴﺸﻮﺍ ؟
ﺍﺭﺩﻑ ﻛﺴﺎﺭ ﺑﻨﺒﺮﺓ ﻏﺮﻭﺭ
ﻭﻫﻮ ﻳﻌﺪﻝ ﻳﺎﻗﺔ ﻗﻤﻴﺼﻪ :
ﻧﺮﺿﻊ ﺍﻟﺸﻬﺎﻣﺔ ﺑﺎﻟﻤﻬﺎﺩ - ﻣﺮﺭ ﻟﺴﺎﻧﻪ ﻋﻠﻰ ﺷﻔﺘﻴﻪ - ﻧﺠﺤﺘﻲ ؟
ﻟﻔﺖ ﺭﻳﻨﺎﺩ ﻋﻴﻨﺎﻫﺎ ﻋﻨﻪ ﻭﻫﻲ ﺗﺘﺄﻣﻞ ﺍﻟﻤﺎﺭﺓ
ﻭﻛﺄﻧﻬﺎ ﻟﻢ ﺗﺴﻤﻊ ﺳﺆﺍﻟﻪ ﻣﺎﺗﺒﻲ ﻳﻜﻮﻥ ﻟﻪ ﻓﻀﻞ ﻋﻠﻴﻬﺎ
ﻟﻤﺎ ﻳﻌﺮﻑ ﺍﻧﻬﺎ ﻧﺠﺤﺖ ﺏ +A
ﻫﻤﺴﺖ ﺑﻌﺪ ﺍﻥ ﻣﺮﺕ ﺩﻗﺎﻳﻖ :
ﻭﺵ ﺗﺴﻮﻱ ﻣﻌﻬﻢ ؟
ﻛﺴﺎﺭ ﻭﻫﻮ ﻳﻤﺴﺢ ﻋﻠﻰ ﺩﻗﻨﻪ ﺑﻨﺒﺮﺓ ﻫﺎﺩﺋﺔ
ﻭﻛﺄﻧﻪ ﻳﺘﻜﻠﻢ ﻋﻦ ﺣﺪﺙ ﻣﺮﺕ ﻋﻠﻴﻪ ﻋﻘﻮﺩ ﻣﻦ ﺍﻟﺰﻣﻦ
ﻣﺎﻳﺘﻜﻠﻢ ﻋﻦ ﻋﺼﺎﺑﺔ ﺗﻀﻤﻪ ﻣﻦ ﺍﻋﻀﺎﺀﻫﺎ ﺍﻵﻥ :
ﺗﺘﻮﻗﻌﻮﻥ ﻧﺠﺤﺘﻲ ﺑﻔﻀﻠﻲ ﻟﻮﺣﺪﻱ ﺑﻌﺪ ﺍﻟﻠﻪ ؟
ﻓﺘﺤﺖ ﺭﻳﻨﺎﺩ ﻋﻴﻮﻧﻬﺎ ﺑﺼﺪﻣﺔ
ﻳﻌﻨﻲ ﺍﻟﻌﺼﺎﺑﺔ ﻫﻲ ﺍﻟﻠﻲ ﺍﺟﺘﻬﺪﺕ
ﺣﺘﻰ ﺩﺑﺮﺕ ﻟﻬﺎ ﺣﺒّﻜﺔ ﺍﻟﻘﺼﺔ ﻭﺍﻭﺭﺍﻕ ﺍﻻﺧﺘﺒﺎﺭ ؟
ﺻﺮﺧﺖ ﺑﺨﻮﻑ ﻭﻫﻲ ﺗﺸﻴﺮ ﻋﻠﻰ ﺍﻟﻜﺎﻓﻴﻪ :
ﺍﻧﺖ ﻣﺠﻨﻮﻥ ؟ ﺗﺪﺭﻱ ﻫﺬﻭﻟﻲ ﻣﻴﻦ ؟
ﻛﺎﻧﺖ ﺑﻄﺎﻗﺘﻲ ﺑﻴﺪﻫﻢ ﻳﻌﻨﻲ ﺍﻟﻠﻪ ﺍﻋﻠﻢ ﻛﻢ ﻣﺼﻴﺒﺔ ﻭﺭﻃﻮﻧﻲ ﻓﻴﻬﺎ
ﻭﺍﻟﻘﺎﻧﻮﻥ ﻻ ﻳﺤﻤﻲ ﺍﻟﻤﻐﻔﻠﻴﻦ ﺍﻣﺜﺎﻟﻲ ﺍﻟﻠﻲ ﺿﻨﺘﻚ ﺭﺟﺎﻝ ﻭﻗﺪّ ﻛﻠﻤﺘﻚ
ﻛﺴﺎﺭ ﻭﻧﻈﺮﺍﺕ ﺍﻟﻨﺎﺱ ﺍﻟﻤﺴﺘﻐﺮﺑﺔ ﻹﻧﻔﻌﺎﻟﻬﺎ ﻭﻳﺨﺰﻭﻥ ﻛﺴﺎﺭ ﺑﺸﻚ ﻭﻛﺄﻧﻪ ﺗﺤﺮﺵ ﻓﻴﻬﺎ
ﻻ ﻳﻄﻴﻘﻬﺎ :
ﺍﻧﺎ ﺍﻵﻥ ﺍﻣﺎﺷﻴﻬﻢ ﻋﺸﺎﻥ ﺍﺭﺍﺿﻴﻬﻢ
ﻭﺑﺪﻓﻊ ﻟﻬﻢ ﻭﺑﻌﺪﻫﺎ ﻣﻌﺪ ﻳﺮﺑﻄﻜﻢ ﺷﻲﺀ
ﺿﺤﻜﺖ ﺭﻳﻨﺎﺩ ، ﺿﺤﻜﺔ ﻗﻬﺮ
ﺿﺤﻜﺔ ﺳﺘﻀﻌﻬﺎ ﺑﻘﻮﺍﻣﻴﺲ ﺍﻟﻠﻐﺔ
ﻫﻲ ﻣﻦ ﺍﺧﺘﺮﻋﺘﻬﺎ ﻟﻐﺒﺎﺀ ﻛﺴﺎﺭ ﺍﻟﻠﻲ ﺍﻗﺤﻤﻬﺎ ﺑﻬﺬﻩ ﺍﻟﺒﻠﻮﺓ
ﻣﺴﺤﺖ ﻋﻴﻨﺎﻫﺎ ﻭﻫﻲ ﻻ ﺗﺪﺭﻱ ﻫﺬﻩ ﺩﻣﻮﻉ ﺧﻮﻑ ﺍﻭ ﺳﺨﺮﻳﺔ ﺍﻟﻘﺪﺭ :
ﺍﻧﺖ ﺗﺪﺭﻱ ﺍﻧﻬﻢ ﻣﺎﻳﻘﺒﻠﻮﻥ ﻓﻠﻮﺱ
ﻭﻻ ﻳﺴﻮﻥ ﺧﺪﻣﺔ ﻟﻮﺟﻪ ﺍﻟﻠﻪ
ﻧﻈﺎﻣﻬﻢ ﻋﻄﻴﻨﺎﻙ ، ﻋﻄﻨّﺎ
ﻳﺨﺪﻣﻮﻧﻚ ﺣﺘﻰ ﺗﺨﺪﻣﻬﻢ
ﻭﺍﻵﻥ ﻋﻨﺪﻫﻢ ﺧﺪﻣﺘﻴﻦ ﻣﻨﻚ ﻭﻣﻨﻲ
ﺍﺳﻤﻬﻢ ﺍﻟﻌﺼﺎﺑﺔ ﺍﻟﺤﻤﺮﺍﺀ ﻭﻣﺸﺘﻖ ﺍﻟﻠﻮﻥ ﻣﻦ ﺍﻟﺪﻡ
ﻳﻌﻨﻲ
ﻣﺮﺭﺕ ﺍﺻﺒﻌﻬﺎ ﻋﻠﻰ ﺭﻗﺒﺘﻬﺎ ﺑﻤﻌﻨﻰ ( ﻗﺘﻞ )
💜 @ahgeel 💜 👈قنـاتنـــا📚
💜 @hkauat 💜👈الارشيف📚
ﺍﺑﺘﺴﻤﺖ ﺷﺎﺩﻥ ﺑﻤﺠﺎﻣﻠﺔ
ﻭﻫﻲ ﺗﻤﺮﺭ ﻳﺪﻫﺎ ﺍﻟﻴﺴﺎﺭ ﻋﻠﻰ ﻛﺘﻔﻬﺎ ﺍﻷﻳﻤﻦ ﺣﺘﻰ ﺗﺪﻓﺊ ﺟﺴﺪﻫﺎ ﺍﻟﺒﺎﺭﺩ ﻣﻦ ﺍﻟﻘﻠﻖ
ﺗﺘﻤﻨﻰ ﺍﻥ ﺗﺘﺤﺮﺭ ﻣﻦ ﻫﺬﻩ ﺍﻟﻤﺠﺎﻣﻼﺕ ﺍﻟﺒﺎﺭﺩﺓ ، ﻭﺗﺼﻌﺪ ﻏﺮﻓﺔ ﺳﻴﺎﻑ
ﻟﺪﻥ ﻭﻓﻲ ﺣﻀﻨﻬﺎ ﻏﻨﻰ
ﻧﺎﻇﺮﺕ ﺳﻴﺎﻑ ﻭﺷﺎﺩﻥ ﺛﻢ ﺍﺭﺩﻓﺖ ﺑﺈﺑﺘﺴﺎﻣﺔ :
ﻏﺮﻳﺒﺔ ﻣﺎﺗﺸﺒﻬﻜﻢ ﻭﺍﻧﺘﻢ ﺍﻣﻬﺎ ﻭﺍﺑﻮﻫﺎ
ﺷﺎﺩﻥ :
ﺗﺸﺒﻪ ﺫﻳﺎﺏ ﺍﺧﻮﻱ
ﺳﻠﻄﺎﻥ ﺑﻬﺪﻭﺀ :
ﻭﺫﻳﺎﺏ ﻳﺸﺒﻪ ﺍﻣﻚ
ﻳﻌﻨﻲ ﺑﻨﺘﻚ ﺗﺸﺒﻪ ﺟﺪﺗﻬﺎ
ﺗﻼﺷﺖ ﺇﺑﺘﺴﺎﻣﺔ ﺷﺎﺩﻥ ﺍﻟﺒﺎﺭﺩﺓ ﺗﺪﺭﻳﺠﻴًﺎ
ﻭﻋﻴﻮﻧﻬﺎ ﺍﻟﻤﺴﺘﻘﺮﺓ ﻋﻠﻰ ﺍﺑﻨﺘﻬﺎ ﻭﻟﺪّﻥ ؛ ﺍﺭﺗﻌﺪّﺕ ﻭﻛﻠﻤﺎﺕ ﺳﻠﻄﺎﻥ ﺗُﻬﻴﺞ ﻏﺮﻳﺰﺗﻬﺎ ﺑﺎﻟﻀﺮﺏ
ﻭﻟﻦ ﺗﻔﺮﻍ ﻣﻦ ﻟﺬﺗﻬﺎ
ﺣﺘﻰ ﺗﺸﻌﺮ ﺏ ﺩﻣﻪ ﺑﻴﻦ ﺍﺻﺎﺑﻌﻬﺎ
ﺳﻘﻄﺖ ﻋﻴﻨﻬﺎ ﺏ ﻋﻴﻦ ﺧﺎﻟﻬﺎ ﺳﻠﻄﺎﻥ
ﻭﻫﻲ ﺗﺮّﻣﻘﻪ ﺏ ﻧﻈﺮﺓ ( ﻻ ﻣﻌﻨﻰ ﻟﻬﺎ )
ﻭﻛﺄﻧﻬﺎ ﺑﺪﺃﺕ ﺗﺼﺒﺢ ﺳﻴﺎﻑ ﺑﺤﺮﻛﺎﺗﻬﺎ
ﺩﻭﻥ ﺍﻥ ﺗﺸﻌﺮ
ﺭﻓﻊ ﺳﻠﻄﺎﻥ ﺣﺎﺟﺒﻪ ﻭﻫﻮ ﻳﺮﺃﻫﺎ
ﻭﻛﺄﻧﻪ ﻣﺎﻗﺎﻟﻪ ﻟﻴﺲ ﺳﺮ ، ﻭﻟﻜﻦ ﺍﻧﻪ ﻏﻴﺮ ﻗﺎﺑﻞ ﻟﻠﻨﺸﺮ
ﻭﻛﺄﻧﻪ ﺍﺭﺗﻜﺐ ﺫﻧﺐ ، ﻫﻮ ﺫﻧﺐ ﺻﻐﻴﺮ ﻭﻟﻜﻦ ﻻ ﻳُﻐﻔﺮ
ﻫﻤﺴﺖ ﺷﺎﺩﻥ ﺑﻨﺒﺮﺓ ﻗﺎﺳﻴﺔ ﻭﻛﺄﻧﻬﺎ ﺗﻠﻮﻡ ﺑﻬﺎ ﺳﻠﻄﺎﻥ :
ﺑﻨﺘﻲ ﻣﺎﺗﺸﺒﻪ ﺍﻹ ﺫﻳﺎﺏ ، ﻭﻣﺎﻟﻬﺎ ﺍﻻ ﺟﺪﺗﻴﻦ ﻧﺪﻯ ﻭﺗﺮﻑ !
ﻗﺎﻃﻌﻬﺎ ﺳﻴﺎﻑ
ﻭﻛﺄﻧﻪ ﻭﺟﺪ ﺷﻲﺀ ﻳﻔﺮﻍ ﻓﻴﻪ ﻏﻀﺒﻪ ﻋﻠﻰ ﺷﺎﺩﻥ ، ﺑﺈﺑﺘﺴﺎﻣﺔ ﺧﺒﻴﺜﺔ :
ﻭﻏﺰﻝ ، ﺛﻼﺙ ﺟﺪّﺍﺕ
ﺍﻟﻈﺎﻫﺮ ﺍﻟﻐﺮﺑﺔ ﻋﻠﻤﺘﻚ ﺗﺼﻴﺮﻳﻦ ﻗﻠﻴﻠﺔ ﺧﺎﺗﻤﺔ ﺣﺘﻰ ﻋﻠﻰ ﺃﻣﻚ
ﺍﻟﺘﻘﻄﺖ ﺷﺎﺩﻥ ﺍﻟﻤﻐﺰﻯ
ﻗﺎﻟﻬﺎ ﺳﻠﻄﺎﻥ ﺑﻌﻔﻮﻳﺔ ﻭﺧﺬﺍﻫﺎ ﺳﻴﺎﻑ ﻭﺳﻴﻠﺔ ﺍﺳﺘﻔﺰﺍﺯ ﻳﺤﺮﻕ ﺑﻪ ﻗﻠﺒﻬﺎ
ﻭﻟﻜﻦ ﻫﻴﻬﺎﺕ ﻫﻴﻬﺎﺕ ﺍﺭﺿﺦ ﻣﻦ ﺍﻭﻝ ﻋﻘﺒﺔ
ﺇﺑﺘﺴﻤﺖ ﺏ ﺧُﺒﺚ ﻻ ﻳﻠﻴﻖ ﺑﻬﺎ ﻭﻻ ﻛﺄﻥ ﺍﻟﻠﻲ ﺗﺘﺤﺪﺙ ﻋﻨﻬﺎ ﺍﻣﻬﺎ :
ﺍﺫﻛﺮﻭﺍ ﻣﺤﺎﺳﻦ ﻣﻮﺍﺗﻜﻢ
ﺭﺷﺖ ﺍﻟﻤﻠﺢ ﻋﻠﻰ ﺟﺮﺡ ﺳﻴﺎﻑ ﻭﺳﻠﻄﺎﻥ ﻣﻌًﺎ ﺑﺬﻛﺮ ﻏﺰﻝ ﺍﻧﻬﺎ ( ﻣﻴﺘﺔ ) ﻭﻫﻢ ﻓﻌﻼ
ﻣﺎﻳﺪﺭﻭﻥ ﻋﻦ ﺍﺧﺒﺎﺭﻫﺎ ﻫﻞ ﻫﻲ ﺣﻴﺔ ﺗﺮﺯﻕ ؟ ﻭﻻ ﺻﺪّﻗﺖ ﺷﺎﺩﻥ ﻭﻛﺎﻧﺖ ﻏﺰﻝ ﻣﻦ ﺍﻷﻣﻮﺍﺕ
ﺍﻛﻤﻠﺖ ﻭﻫﻲ ﺗﺴﻨﺪ ﺭﺟﻠﻬﺎ ﺍﻟﻴُﻤﻨﻰ ﻋﻠﻰ ﺍﻟﻴﺴﺮﻯ
ﺣﺘﻰ ﺗﻜﺸﻒ ﻋﻦ ﺧﻠﺨﺎﻟﻬﺎ ﺍﻟﻤﺴﺘﻘﺮ ﺏ ﺍﺳﻔﻞ ﺳﺎﻗﻬﺎ ﻭﻓﻮﻕ ﺣﺬﺍﺀﻫﺎ :
ﻭﺩﻱ ﺍﻗﻮﻝ ﺍﻟﻠﻪ ﻳﺬﻛﺮﻫﺎ ﺑﺎﻟﺨﻴﺮ !
ﻟﻜﻦ ﻣﺎﻓﻴﻪ ﺧﻴﺮ ﺳﻮﺗﻪ ﺗﻨﺬﻛﺮ ﻓﻴﻪ
ﻗﺎﻃﻌﻬﺎ ﺳﻴﺎﻑ ، ﻭﻫﻮ ﻳﻤﺎﺭﺱ ﺣﻴﻠﺔ ﺛﺎﻧﻴﺔ
ﺍﻟﺨﺒﺚ ﻭﺩّﻕ ﺍﻟﻜﻼﻡ ﻭﺍﻻﺳﻠﻮﺏ ﺍﻟﺼﻬﻴﻮﻧﻲ / ﺍﻟﺼﺒﻴﺎﻧﻲ ﻣﺎﻳﺠﺪﻱ ﻧﻔﻊ ﺏ ﺷﺎﺩﻥ
ﻭﻟﻜﻦ ﻳﻌﺮﻑ ﻛﻴﻒ ﻳﺨﻠﺨﻞ ﺇﺗﺰﺍﻧﻬﺎ ، ﻭﻳﻔﺠﺮ ﺣُﻤﺮﺗﻬﺎ ، ﻭﻳﻀﺮﺏ ﻃﺒﻮﻝ ﺍﻋﻀﺎﺀﻫﺎ ،
ﻭﻳﺼﻌﺪ ﺑﺤﺮﺍﺭﺗﻬﺎ ﺍﻟﺪﺍﺧﻠﻴﺔ :
ﻭﻣﺎﺟﺰﺍﺀ ﺍﻻﺣﺴﺎﻥ ﺍﻻ ﺍﻹﺣﺴﺎﻥ
ﻋﻤﺘﻲ ﻏﺰﻝ ﻟﻬﺎ ﻋﻠﻲّ ﻓﻀﻞ ﻭﺣﺴﻨﺔ - ﺍﺑﺘﺴﻢ ﺍﺑﺘﺴﺎﻣﺔ ﺑﺎﻧﺖ ﺑﻪ ﺻﻒ ﺍﺳﻨﺎﻧﻪ ﺍﻟﻌُﻠﻮﻱ -
ﺟﺎﺑﺘﻚ ﻟﻲ ، ﻭﻳﺎﻣﺤﻼﻫﺎ ﻣﻦ ﺟﻴّﺔ !
ﺿﺤﻜﻮﺍ ﻟﺪﻥ ﻭ ﻭﻫﺎﺩ ، ﻣﻊ ﻃﻴﻒ ﺍﺑﺘﺴﺎﻣﺔ ﻋﻠﻰ ﺷﻔﺘﻲِ ﺗﺮﻑ ( ﺃﻡ ﻣﺎﺟﺪ )
ﻣﻦ ﺳﻴﺎﻑ ﺍﻟﻠﻲ ﻗﻠﺐّ ﺍﻟﻄﺎﻭﻟﺔ ﻭﺍﻟﺠﻮ ﺍﻟﻤﺸﺤﻮﻥ ﺣﺘﻰ ﺳﻜﻨﺖ ﺷﺎﺩﻥ ﺑﺬﻫﻮﻝ ﻣﻦ ﻣﺒﺎﻏﺘﺔ
ﺳﻴّﺎﻑ ﻟﻬﺎ ﺍﻣﺎﻣﻬﻢ
ﻗﺎﻃﻌﺘﻬﻢ ﻏﻨﻰ ﻭﺑﻴﺪﻫﺎ ﺟﻮﺍﻝ ﻭﻫﺎ ، ﻣﺪﺕ ﺳﺒﺎﺑﺘﻬﺎ ﻷﻣﻬﺎ ﻭﻫﻲ ﺗﺸﻴﺮ ﻋﻠﻰ ﺍﻟﺠﻮﺍﻝ :
ﺷﺎﺩﻥ ﺍﺑﻲ ﺑﺎﺑﺎ ﺑﺎﺑﺎ
ﺃﻡ ﻣﺎﺟﺪ ﻭﻫﻲ ﺗﻨﻬﻲ ﺳﺎﻟﻔﺘﻬﻢ ، ﻟﺘﻀﻴﻊ ﺍﻟﻤﻮﺿﻮﻉ
ﺁﺷﺮﺕ ﻋﻠﻰ ﺳﻴﺎﻑ :
ﻫﺬﺍ ﺑﺎﺑﺎ
ﻧﺎﻇﺮﺕ ﻏﻨﻰ ﺳﻴﺎﻑ ﺑﻌﺪﻡ ﺭﺿﻰ ، ﻭﻟﻔﺖ ﻋﻠﻰ ﺷﺎﺩﻥ ﺑﻐﻀﺐ :
ﺑﺎﺑﺎ ﺑﺎﺑﺎ ﺷﺎﺩﻥ
ﺿﺤﻜﺖ ﻭﻫﺎﺩ ﻭﻫﻲ ﺗﻘﺮﺹ ﺧﺪﻫﺎ :
ﺍﻟﺤﻴﻦ ﻟﻴﺶ ﻣﻄﻴﺤﺔ ﺍﻟﻜﻼﻓﺔ ﺑﺰﻳﺎﺩﺓ ؟ ﻗﻮﻟﻲ ﻣﺎﻣﺎ ﻣﻮ ﺷﺎﺩﻥ
ﻭﻗﻔﺖ ﺷﺎﺩﻥ ﻭﻫﻲ ﺗﻤﺸﻲ ﻣﺘﻮﺟﻬﻪ ﺍﻟﻰ ﻏِﻨﻰ ﻭﻣﺎﻳﻔﺼﻠﻬﻢ ﺍﻻ ﺧﻄﻮﺗﻴﻦ ﻭﻟﻜﻦ ﺣﺴّﺖ
ﺑﺈﻧﻬﺎ ﺗﻤﺸﻲ ﺏ ﺳﻮﺭ ﺍﻟﺼﻴﻦ ﺍﻟﻌﻈﻴﻢ ﻣﻦ ﻃﻮﻝ ﺍﻟﻤﺴﺎﻓﺔ ﻣﻦ ﺃﻋﻴﻦ ﺳﻴﺎﻑ ﺍﻟﻠﻲ ﺗﺘﻔﺤﺼﻬﺎ
ﻣﻦ ﺷﻌﺮﻫﺎ ﺍﻟﻰ ﺍﻃﺮﺍﻑ ﺍﺻﺎﺑﻊ ﻗﺪﻣﻬﺎ
ﺍﻧﺤﻨﺖ ﻋﻠﻰ ﺭﻛﺒﺘﻬﺎ ﻭﻫﻲ ﺗﻤﺪ ﻟﻬﺎ ﺟﻮﺍﻟﻬﺎ ، ﺑﺈﺑﺘﺴﺎﻣﺔ ﻟـ ﺍﻡ ﻣﺎﺟﺪ :
ﺗﻘﺼﺪ ﺃﻏﻨﻴﺔ ﺟﻮﻧﻲ ﺟﻮﻧﻲ
ﻭﻗﻒ ﺳﻴﺎﻑ ﻭﻫﻮ ﻳﺘﺤﺴﺲ ﺟﻴﻮﺑﻪ ﺣﺘﻰ ﻳﺘﺄﻛﺪ ﻣﻦ ﻣﻔﺎﺗﻴﺢ ﺳﻴﺎﺭﺗﻪ :
ﻧﻤﺸﻲ ؟
ﻭﻫﺎﺩ ﺑﺈﺳﺘﻐﺮﺍﺏ :
ﻭﻳﻦ ﺑﺘﺮﻭﺡ ؟
ﺳﻴﺎﻑ ﻭﻫﻮ ﻳﺒﻌﺜﺮ ﺷﻌﺮﻫﺎ ﺑﻜﻔﻪ ﻣﺒﺘﺴﻢ :
ﺣﺮﻣﺘﻲ ﺍﻧﺘﻲ ؟ ﻭﺵ ﻋﻠﻴﻚ ؟
ﻭﻗﻔﺖ ﺗﺮﻑ ﻣﻊ ﻭﻗﻮﻑ ﺳﻴﺎﻑ ﻭﺷﺎﺩﻥ :
ﺗﻮﻧﺎ ! ﺻﺮﻧﺎ ﺑﻴﺖ ﻭﺍﺣﺪ ﻭﻳﻦ ﺑﺘﻤﺸﻮﻥ ؟
ﻗﺒﻞ ﺳﻴﺎﻑ ﺭﺃﺳﻬﺎ ، ﻭﺷﺎﺩﻥ ﻣﻦ ﺧﻠﻔﻪ ﺻﻌﺪﺕ ﻟﻐﺮﻓﺘﻪ ﺗﺄﺧﺬ ﻋﺒﺎﻳﺘﻬﺎ :
ﻓﺮﺻﺔ ﺍﺧﻠﻲ ﻏﻨﻰ ﻫﻨﺎ ﻣﻊ ﺍﻟﺒﻨﺎﺕ
ﺑﺄﺧﺬ ﺷﺎﺩﻥ ﻧﺸﻮﻑ ﻏﺮﻓﺔ ﻧﻮﻡ ﻋﻠﻰ ﺍﻷﻗﻞ
ﻧﺎﻇﺮ ﺳﻠﻄﺎﻥ ﺍﻟﺴﺎﻋﺔ ﺍﻟﻔﻀﻴﺔ ﺍﻟﺘﻲ ﺗﺴﺘﻘﺮ ﻋﻠﻰ ﻣﻌﺼﻤﻪ :
ﺃﺟﻞ ﻣﺎﻟﻜﻢ ﺭﺟﻌﺔ ﻗﺒﻞ ﺍﻟﺴﺎﻋﺔ 12
ﺍﺑﺘﺴﻢ ﺳﻴﺎﻑ ﺑﺴﺨﺮﻳﺔ ، ﻭﻫﻮ ﻳﺸﻮﻑ ﺯﺣﻤﺔ ﺍﻟﻤﺮﻭﺭ ﻓﻲ ﺧﺮﻳﻄﺔ Google :
ﺣﻴﺎﻙ ﺍﻟﻠﻪ ﺏ ﺍﻟﺮﻳﺎﺽ ، ﺷﻮﺍﺭﻉ ﻣﺎﺗﻨﺎﻡ ﻭﻻ ﺗﻔﻀﻰ
ﺳﻠﻄﺎﻥ ﻭﻫﻮ ﻳﻘﻒ ﻟﻤﺎ ﺳﻤﻊ ﺁﺫﺍﻥ ﺻﻼﺓ ﺍﻟﻌﺸﺎﺀ ، ﻭﻳﺸﻤﺮ ﺍﻛﻤﺎﻣﻪ :
ﻋﻠﻰ ﺧﻴﺮ ﺑﻌﺪ ﺃﺳﺒﻮﻉ ﻋﺰﻳﻤﺘﻜﻢ ﻭﻭﺍﺟﺒﻚ ﻳﺎﺷﺎﺩﻥ
ﻭﺩﺕ ﺷﺎﺩﻥ ﻟﻮ ﺗﺼﺮﺥ ﻭﺗﻘﻮﻝ ( ﻳﺎﻭﻳﻠﻜﻢ ﻣﻦ ﺍﻟﻠﻪ ﻳﻜﻔﻲ )
ﺟﻠﺴﺔ ﺑﺮﻓﻘﺔ ﺳﻴﺎﻑ ﺑﻴﻦ ﺍﻫﻠﻪ
ﺷﺎﻓﺖ ﺍﻟﻤﻮﺕ ﻭﻻ ﻟﻘﺖ ﻃﻮﻕ ﻧﺠﺎﺓ
ﻛﻴﻒ ﺏ ﺣﻔﻞ ﺗﻌﺮﻳﻒ ﺃﺷﺒﻪ ﺑﺰﻓﺎﻑ ﺏ ( ﺣﺮﻡ ﺳﻴﺎﻑ ﺑﻦ ﺳﻠﻄﺎﻥ )
ﻣﺎﺗﻘﺪﺭ ﺗﻄﻴﻖ ﺍﺷﺨﺎﺹ ﻣﻦ ﺳﻼﻟﺔ ﺳﻴﺎﻑ
ﺗﺮﺍﻫﻢ ﻳﺤﻤﻠﻮﻥ ﻧﻔﺲ ﺍﻟﺪﻡ ﻭﺗﺄﺧﺬﻫﻢ ﺑﺎﻹﺣﻀﺎﻥ
ﺇﺑﺘﺴﻤﺖ ﻣُﺠﺎﻣﻠﺔ ﻭﻫﻲ ﺗﺪﻋﻲ ﺍﻟﻠﻪ ﺍﻥ ﻻ ﺗﺆﺛﻢ ﻋﻠﻰ ﺇﺑﺘﺴﺎﻣﺎﺗﻬﺎ ﺍﻟﻜﺎﺫﺑﺔ :
ﻻ ﻣﺎﻋﻠﻴﻪ ﺍﻟﺴﻤﻮﺣﺔ
ﻋﻤﺎﻧﻲ ﻣﻦ ﺍﻳﺎﻡ ﺣﻤﻠﻲ ﺑﻐﻨﻰ ﻭﻫﻢ ﻭﺩّﻫﻢ ﺑﻌﺰﻳﻤﺔ ﻛﺒﻴﺮﺓ ﻟﻲ ﻋﺸﺎﻥ ﺍﻟﻜﻞ ﻳﺪﺭﻱ ﺏ ﺯﻭﺍﺟﻲ
ﻭﻳﻔﺮﺡ ﺍﻟﺠﻤﻴﻊ
ﻟﻮ ﺩﺭﻭﺍ ﺍﻧﻲ ﺭﺿﻴﺖ ﺑﻌﺰﻳﻤﺘﻜﻢ ﺍﻵﻥ ﻭﺭﻓﻀﺖ ﻋﺰﻳﻤﺘﻬﻢ ﺑﻴﺰﻋﻠﻮﻥ
ﺳﻠﻄﺎﻥ ﻭﻫﻮ ﻳﻌﻘﺪ ﺣﺎﺟﺒﻴﻪ ﻣﻦ ﻃﺎﺭﻱ ﺍﻟﺴﻠﻴﻤﺎﻥ ، ﻭﺑﻨﺒﺮﺓ ﺟﺎﻓﺔ ﻭﻫﻮ ﻳﺄﺷﺮ ﻋﻠﻰ ﻏﻨﻰ :
ﺍﻧﺘﻲ ﺑﻨﺖ ﺍﺧﺘﻨﺎ ، ﻭﺣﺮﻣﺔ ﻭﻟﺪﻱ ﻭﻫﺬﻩ ﺑﻨﺘﻨﺎ
ﻣﺤﺪ ﺍﻭﻟﻰ ﺑﻌﺰﻳﻤﺘﻚ ﻣﻨﻲ
ﻟﺒﺴﺖ ﺷﺎﺩﻥ ﺑﻨﻘﺎﺑﻬﺎ ﻭﻫﻲ ﺗﻨﻬﻲ ﺍﻟﻨﻘﺎﺵ :
ﻭﺍﻧﺎ ﺑﻨﺖ ﺍﺧﻮﻫﻢ ﻭﺑﻨﺘﻬﻢ ﻭﻫﺬﻩ ﺣﻔﻴﺪﺗﻬﻢ
ﻫﻢ ﺍﻭﻟﻰ ﻓﻴﻨﻲ ﻣﻦ ﺍﻟﺠﻤﻴﻊ
ﻫﺰ ﺳﻠﻄﺎﻥ ﺭﺃﺳﻪ ﺑﻬﺪﻭﺀ ﻭﻗﻠﺒﻪ ﻳﺮﺩﺩ
( ﻭﺍﻟﻠﻪ ﺑﻨﺖ ﺧﺎﻟﺪ ﻗﻮﻝ ﻭﻓﻌﻞ ﻭﺩﻡ
ﻋﻮﺑﺎ ﻣﺎﺗﺘﺮّﻭﺽ ﺗﺮﺩ ﻋﻠﻰ ﺍﻟﻜﻠﻤﺔ ﺑﻌﺸﺮ ﻗﺒﻞ ﻣﺎﺗﺘﻨﻔﺲ
ﺍﻟﻠﻪ ﻳﻌﻴﻨﻚ ﻳﺎﻭﻟﻴﺪﻱ ) :
ﺍﻟﻠﻲ ﺗﺸﻮﻓﻴﻨﻪ
ﻃﻠﻌﺖ ﺷﺎﺩﻥ ، ﻭﺧﻠﻔﻬﺎ ﺳﻴﺎﻑ ﻭﻫﻮ ﻳﻐﻠﻖ ﺍﻟﺒﺎﺏ ﺍﻟﺪﺍﺧﻠﻲ ﺧﻠﻔﻪ
ﻃﻠﻊ ﻣﻔﺎﺗﻴﺤﻪ ﻣﻦ ﺟﻴﺒﻪ ﻭﺑﻨﺒﺮﺓ ﻧﺎﻗﺪﺓ :
ﻣﺎﻛﺎﻥ ﻟﻪ ﺩﺍﻋﻲ ﺍﺳﻠﻮﺑﻚ ﻣﻊ ﺍﺑﻮﻱ
ﻣﺎﺫﺑﺢ ﻟﻚ ﺃﺣﺪ
ﻣﺸﻜﻠﺘﻚ ﻣﻌﻲ ﺗﻌﻠﻤﻲ ﺗﺘﻌﺎﻣﻠﻴﻦ ﻣﻊ ﻣﺸﺎﻛﻠﻚ
ﺑﺪﻝ ﻣﺎﺗﺮﺑﻴﻦ ﻟﻚ ﻋﺪﻭﺍﺕ ﺟﺪﻳﺪﺓ
ﺗﺠﺎﻫﻠﺖ ﺷﺎﺩﻥ ﻧﺒﺮﺓ ﺍﻵﻣﺮ ﺍﻟﺘﻲ ﻏﻠﺒﺖ ﺍﻻﻧﺘﻘﺎﺩ ﺑﺼﻮﺗﻪ :
ﺑﺸﻮﻑ ﺍﻟﻤﻠﺤﻖ ﻗﺒﻞ
ﻣﺎ ﺍﺑﻲ ﺍﺧﺘﺎﺭ ﻋﻠﻰ ﻋﻤﺎﻱ
ﺭﻓﻊ ﺳﻴﺎﻑ ﻣﻴﺪﺍﻟﺘﻪ ﺍﻟﻔﻀﻴﺔ ﺍﻣﺎﻡ ﻋﻴﻨﺎﻫﺎ
ﻭﻫﻮ ﻳﺂﺷﺮ ﻋﻠﻰ ﺍﻟﻤﻔﺘﺎﺡ ﺑﺎﻟﻠﻮﻥ ﺍﻷﺑﻴﺾ ﻣﺨﺘﻠﻒ ﻋﻦ ﺍﻟﺒﻘﻴﺔ :
ﺧﺬﻳﻪ
ﻛﺘﻤﺖ ﺇﻧﻔﺎﺳﻬﺎ ﻣﻦ ﻣﺮﺍﻭﻏﺔ ﺳﻴﺎﻑ ﺍﻟﻼ ﻣﻨﺘﻬﻴﺔ
ﻭﻫﻲ ﺗﺸﻮﻑ ﺍﻟﻤﻔﺘﺎﺡ ﺍﻟﻤﻘﺼﻮﺩ ﻗﺮﻳﺐ ﻣﻦ ﻛﻔﻪ ، ﺑﺘﻼﻣﺲ ﺍﺻﺎﺑﻌﻪ ﺏ ﻇﻬﺮ ﺍﺻﺎﺑﻌﻬﺎ ﺣﺘﻰ
ﺗﻄﻠﻌﻪ ﻣﻦ ﺍﻟﻤﻴﺪﺍﻟﻴﺔ
ﺍﺳﺘﻘﺮ ﺍﻟﻤﻔﺘﺎﺡ ﻓﻲ ﻳﺪﻫﺎ
ﻭﻋﻴﻨﺎﻫﺎ ﻋﻠﻰ ﺷﻲﺀ ﺁﺧﺮ
ﻋﻠﻰ ﺍﻟﺤﺮﻑ ﺍﻟﻤﺤﻔﻮﺭ ﻓﻲ ﺑﻄﻦ ﻣﻴﺪﺍﻟﻴﺘﻪ ( SH )
ﺣﺮﻓﻬﺎ !
ﺳﺤﺒﺖ ﺍﻟﻤﻔﺘﺎﺡ ﺑﻌﻨﻒ ﻭﻫﻲ ﻻ ﺗﻄﻴﻖ ﺍﻟﺼﺒﺮ ﺣﺘﻰ ﺗﺸﻮﻑ ﺁﺧﺮﺗﻬﺎ ﻣﻌﻪ
ﺍﺭﺗﺴﻢ ﻃﻴﻒ ﺍﺑﺘﺴﺎﻣﺔ ﻋﻠﻰ ﺷﻔﺘِﻴﻪ
ﻭﻫﻮ ﻳﺤﻘﻖ ﻣﺒﺘﻐﺎﻩ
ﺩﺧﻞ ﺍﻟﻤﻴﺪﺍﻟﻴﺔ ﻭﻣﺸﻰ ﻣﻌﻬﺎ :
ﻣﺎﺗﺬﻛﺮﻳﻦ ﺍﻟﺒﻴﺖ ﻭﺵ ﻛﺎﻥ ﻣﻜﺎﻧﻪ ؟
ﻫﻤﺴﺖ ﺷﺎﺩﻥ
ﻭﺫﻛﺮﻯ ﺍﻟﻄﻔﻮﻟﺔ ﻫﻲ ﺍﻟﻤﺴﻜﺐ ﺍﻟﻮﺣﻴﺪ ﻣﻦ ﺣﻴﺎﺗﻬﺎ ﺍﻟﺘﻌﻴﺴﺔ :
ﺍﺭﺽ ﻛﺄﻧﻬﺎ ﺑﺮﺍﺣﺔ
ﻛﻨﺎ ﻧﻠﻌﺐ ﻓﻴﻬﺎ.......
*ـــــــ((((( @ahgeel )))))ـــــــ*
*, #نههههاية_البااااااااااارت*
*📚 #يتبع👇🏻💜*