ماقلت لك قد الغياب اشتقت لك - الفصل 20 | روايتك

ـ *`ࢪواية:`* *ماقلت لك قد الـﻏﯾاب أشتقت لك* ـ *`ﻋدد الباࢪت:`* *«²⁰»* ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏رواية ما قلت لك قد الغياب اشتقت لك : الفصل العشرون : مر أسبوعين وتمت خطوبة الوليد غصب عنه لكن رفض انه يشوفها بحجة أنه عارف ذوق اهله وغلا بعد رفضت انها تشوفه قالت مره وحده مع الزواج وقرروا انه تكون ملكتهم وزواجهم بيوم واحد مع منار وحمد بعد أسبوعين زياد وآسيل كل مالهم وحبهم يكبر واسيل حامل لها شهر وزياد ينتظر الوقت المناسب عشان يقول لاهله زايد حالته شوي تحسنت وطلال مازال يحاول فيه أنه يسوي العمليه بس هو رافض ويحاول ينسى أفنان أو بالأصح يتناساها أفنان ماوضحت لأحد عن حزنها وكل يوم هي واروى ومنار وملاك وغلا بالسوق عشان يخلصون اغراضهم طلال وملاك رغم أن ملاك رفضت تكلمه إلا أن طلال ماتركها حتى صار كل يوم يكلمها وصار متعلق فيها كثيييييير فيصل وجمانه علاقتهم تحسنت كثثير وباقي بباريس غلا تحاول تنسى الوليد وتجهز لعرسها و هي تدعي الله أنه يوفقها مع الوليد الوليد ولاكأنه عرسه بارد لأبعد الحدود ومنار وحمد يهبلون يجننون كل واحد يعد الثانيه حتى يكونون مع بعض اليوم زواج ""منار وحمد"" و ""الوليد وغلا "" الساعه 9مساء بالقاعة جالسه بغرفة العروس وبااحلى طله الي يشوفها يقول كانها حوريه من جمالها دخلت عليها ملاك الي كانت لابسه فستان من فوق صدره كله خرز لونه بيج ومن تحت زي التنوره الواسعه ولونها احمر غامق وطالع عليها جنان كأنها اميره ومسويه شعرها كله كيرلي ومفتوح ومن فوق بوف ومكياجها خليجي احمر على اسود وروجها احمر :وش تسوي القمر غلا رفعت راسها و شافت ملاك ابتسمت بتوتر :ملاك احس ان قلبي بيطلع من مكانه من الخوف وامسكت يد ملاك وحطتها على قلبها : هاه شوفي ملاك :ههههههههه والله ياغلايه شكلك يضحك غلا بزعل :ملاك وجع اقولك خايفه تضحكين علي ملاك جلست جنبها وهي تضحك :ههههه ياقلبي لاتخافين خليك هاديه ولاتفكرين بشي رن جوال ملاك رفعته وهي تناظر غلا وتأشر لها :دقيقه غلا وردت على جوالها :هلا خالتي ايه كل شي تمام وينكم انتي وامي ي لا نبي نستانس ونرقص غلا تدقها وبهمس :ترقصين هاه ماهمك الا الرقص وانا ميته خوف ملاك :زين خالتي خلاص طيب طيب كل شي تمام قفلت وهي تناظر غلا :ههههه خالتي تحاتيك غلا :فديتها امي مو انتي مالت عليك ابيك لي عون صرتي فرعون ملاك :هههههه مره وحده فرعون طلت براسها مع الباب :ممكن ادخل غلا رفعت راسها :منارحبيبتي ادخلي دخلت منار بكامل طلتها وفستانها الأبيض كانت بقمة الجمال ودخلت وراها اروى الي كان جمالها بارز بفستانها الأسود وكله خرز وعلى جسمها تمام ومن تحت قصته سمكه وفيه فتحه مع الجنب إلى الركبه وطالع على جسمها رهيب وشعرها كله كيرلي مرفوع نصه ونصه نازل ومكياجها هادي جدا وروج احمر صارخ وطالعه تجنن منار سلمت على ملاك وغلا وجلست جنب غلا ملاك :وش جاب العروسه الثانيه أروى :ههههههه إلا تبي عند غلا غلا :فديتها ايه هي تحس بالخوف الي فيني منار :ايوا الله حاسه فيك ضحكت أروى وناظرت غلا :وشلونها عروستنا غلا بخوف :خايفه اروى ضحكت :خايفه ههههه ترا اخوي ماياكل غلا نزلت راسها أروى :لا لا مانقدر على المستحي غلا :ارووووى أروى :هههههه خلاص بسكت ....... منار :اروى شوفي امي توها داقه علي اروى :اييه عارفه وش تبي امي الحين بتقول انزلوا استقبلوا المعازيم وانا استحي يكفي افنان تستقبلهم ملاك :هههه مسكينه افنان يلا أروى خلينا ننزل مع افنان وخلي العرايس مع بعض اروى :ايييه تذكرت زياد يقول زوجة خويه جايه للعرس ويبيني استقبلها منار بإستغراب :زوجة خويه أروى :ايه توه كلمني ويقول بعد عمياء ياحرام منار :أجل روحي شوفي لايكون جت أروى :طيب ....يلا ملوكه ملاك قامت :يلا طلعوا البنات من عند العرايس أروى سمعت جوالها يرن :اووه اكيد هذا زياد ردت بسرعه :هلا زياد ...وصلت طيب طيب الحين تلاقيني عند الباب زياد وهو ماسك يدها :انتبهوا عليها اروى عقدت حواجبها :ننتبه عليها زياد :أاااقصد زوجها يقول انتبهوا عليها لأنها ماتشوف أروى ابتسمت :اهاا طيب ابشر يلا انا رايحه قفلت والتفت على ملاك :ملوكه انتي روحي مع افنان شوفيها هناك وانا بروح استقبل زوجة خوي زياد ملاك :اوكيه """"""""""""""" زياد وهو ماسك يدها :تحصنتي حبيبتي اسيل :ايه زياد :أنا كلمت اختي الحين تلاقينها عند الباب اسيل :طيب زياد :انتبهي على نفسك حبي اسيل ابتسمت :اوكيه يلا انا بدخل راحت مع الشغاله الي ماسكه يدها ودخلوا بعد ما راحت تطمن زياد انها دخلت توجه زياد لقسم الرجال """"""""""""""""""""" توجهة أروى للباب حق الاستقبال وقفت شوي وشافت وحده دخلت ومعاها شغاله ماسكه يدها وتمشي هي وياه ومنزله رأسها أروى عرفتها انها هي الي قال لها زياد عنها تقدمت منها :ياهلا والله الله يحييكم اسيل رفعت رأسها وهي مبتسمه :هلابك أروى فتحت عيونها على آخر شي :أسيييييل وقربت اكثر وضمتها بقووووه اسيل عرفت صوتها :أروى أروى :وينك يادبه وين رحتي قلقنا عليك ومابقينا أحد ماسألنا عنك وبعدين ليش ماتشوفين آسيل ابتسمت بحزن :قصه طويله بعدين اقولك أروى تناظر ل لاسيل الي شكلها متغير بس حليانه بفستانها الفوشي الهادي وبارز بياضها ومكياجها الهادي وشعرها سايح ومن فوق بوف وطالع عليها جنان اروى مسكت يدها بفرح :وش هالحلاوه يااسوله تغيرتي ........تعالي اكيد أفنان راح تطير من الفرح اسيل ابتسمت :اوكيه وراحت معاها وهي فرحانه أنها لقت صديقات عمرها """""""""""""""""""""" بقسم الرجال جالس بين ابوه وابو غلا وكل من شافه قال مو ناقصه شي يبتسم من ورى قلبه وده لو كل هذا الي يسير حلم ويقوم منه وعى على صوت فهد يبارك له :مبرووووك يا الوليد الوليد وقف وفهد ضمه وهمس له :انساها وانا اخوك وابدا حياة جديده تسمع الوليد :ان شاء الله فهد ابتسم :ايه هذا الوليد الي اعرفه الوليد :عقبالك فهيد فهد:امين :بعد عنه خليني ابارك له الي يشوفك يقول يودع حبيبته ضم ومدري وشو فهد :وجع طلالوه وضربه على كتفه طلال :اااخ كسرت كتفي حشى مي بيد بمزح : وبعدين ياأخ فهد اسمي مو طلالوه اسمي الشيخ طلال خالد آل ... فهد وهو يضحك :والنعم بولد خالد آل. ... ابتسم طلال وهو يقرب من الوليد :مبروووك يااخوي الوليد ابتسم له دايما يعرف كيف يقلب الاحزان افراح :ههههه الله يبارك فيك .....كل هذا عشان تبارك لي طلال :واكثر بعد ..... الوليد :عقبالك طلال :لا انا وين والزواج وين خليني كذا بين حبايبي مرتاح الوليد:هههههههه الله يهديك طلال بأبتسامه:امييين جوا زياد وزايد وبنفس اللحظه ضموا الوليد وباركوا له طلال :جوا التوام زايد وزياد بصوت واحد :وش فيهم التوأم طلال :لا...الله يسلمك مافيهم شي ههههههههه بس افكر لتزوجتوا وشلون حريمكم بيفرقون بينكم زياد :القلب يفرق بيننا وانا اخوك زايد :ههههه هو صادق القلب وسكت شوي وبعدين يالثور فيه فرق كثير بيننا العيون وحبة الخال طلال :ههههههه داري بس ابي اشوف وش تقولون يازياد زايد :زايد يالثور طلال :ههههههههه امزح اعرفك لو انك بين 100 شبهك زايد :ايه احسبك وبعدها راحوا الشباب وباركوا لحمد """"""""""""""""""""""" عند البنات أفنان وملاك يرقصون على المنصه أروى طلعت ونادت أفنان أفنان بزعل :وش تبين انا زعلانه منك سحبتي علي وخليتيني لحالي استقبل اروى :هههههه ولايهمك براضيك أفنان بزعل :روحي ماابيك تراضيني أروى :ههههه يازينك وانتي زعلانه وين زايد ياليته يشوفك كذا أفنان من سمعت طاريه حست قلبها ينعصر الم ابتسمت بحزن :والحين وش تبين بروح ارقص أروى تسحبها :تعالي شوفي مين جاء أفنان عقدت حواجبها :ومين يعني أروى: موفاجئه سحبتها للطاوله الي اسيل جالسه عندها أفنان من شافتها صرخت وراحت لها تركض وضمتها :اسيلوه ياحماره وين اختفيتي اشتقنا لك أسيل ابتسمت وهي ضامتها :قصة طويله بعدين اقول لكم ........... وجلسوا سواليف وكل وحده تاخذ أخبار الثانيه """"""""""""""""" دخلوا ام غلا وام الوليد عند البنات الي طاقينها سواليف عشان يزيلون التوتر عن بعض ام الوليد : بسم الله عليكم الله يحميكم وبعدها ضحكت وهي تشوفهم يسولفون :ههههه ياسلام عليكم يلا منار على غرفتك زوجك بيجي يجلس معك منار :يمه ماابي اروح خايفه ام الوليد :ههههه خايفه يلا يمه روحي ماعليك شي وبعدين ماجاء الخوف إلا اليوم وانتي كل يوم معاه منار جات على بالها فكره واشرت لطيف الي توها داخله تروح معاها دانه نزلت راسها وهي شابكه يدينها مع بعض وتحركها بتوتر ام غلا ابتسمت بحب :يلا يمه سمي بلله زوجك راح يدخل دانه ترددت كلمة زوجك على مسامعاها زوجك زوجك زوجك ابتسمت بحزن وبنفسها خلاص لازم انساك يا الوليد يمكن الله عوضني بالوليد هذا "" سمت بلله ودعت أن الله يوفقها معاه وجلست تقرأ الأذكار عشان تزيل الخوف عنها بعد دقايق دخل الوليد بعد ما نشف ريق أمه أنه مايبي يدخل دخل وهو راسم ابتسامه مزيفة عشان أمه الي كانت تبكي من الفرح سلم على رأس أمه :ليش الدموع يالغاليه أم الوليد وهي تمسح دموعها :هذي دموع الفرح يمه الحمدلله الي ربي بلغني فيك واشوفك عريس الوليد ابتسم وراح سلم على ام غلا وباركت له وهو بعد بارك لها تقدم ووقف قدامها وهو مو مستوعب انه تزوج غير محبوبته ام الوليد تناظر لولدها الي باينه ملامح الحزن عليه :سلم على زوجتك يمه انتبه لنفسه وقرب أكثر وطبع بوسه على جبينها غلا تمنت الأرض تنشق وتبلعها جلست تفرك يدينها مع بعض من التوتر جلس الوليد جنبها وبعدها جابت أمه الشبكه وبدأ يلبسها وهو يحاول انه مايناظر لها خلص وجاء بيطلع لكن أمه قالت له المصوره بتجي رجع جلس جنبها وهو مقهور منها وده انه يقوم و يخنقها ويرتاح منها ام غلا ابتسمت وهي تمسك يد ام الوليد :يلا نخليكم تاخذون راحتكم طلعوا وهم مبسوطين من عندهم التفت الوليد وهو مبتسم ابتسامه جانبيه :مو قلت لك ذاك اليوم بالمزرعه انك تلاحقيني ههههههه اهنيك انك قدرتي تحصلين علي لكن ثقي تماما انك ماراح تحصلين على قلبي لأنه ملك لغيرك غلا رفعت راسها وبصدمه معقوله يقول لي كذا بيوم الزواج ابتسمت ابتسامه باهته :ههههه مصدق نفسك من قال ابيك ولا أبي قلبك الوليد :انتي ....ولا ماكان وافقتي علي غلا :لاتصدق نفسك كثير انا ماوافقت لاني ابيك انا وافقت عشان أرضي ابوي جاء الوليد بيتكلم بس قطع عليه دخول المصوره وام الوليد """""""""""""""""""" بالغرفة العرسان الثانيه عند منار وحمد دخل حمد مع أمه الي مكشره نزل رأسه لأنه طويل وسلم على أمه وهمس لها :يمه تكفين اذا تحبيني ابتسمي ام حمد لوت فمها :ان شاء الله مبروك يمه حمد وهو يبتسم :الله يبارك فيك يالغاليه أم حمد راحت وسلمت على منار من غير نفس :مبروك منار ملاحظه أن ام حمد ماتحبها قامت وحبت رأسها:الله يبارك فيك خالتي أم حمد يلا اخليكم وطلعت وهي منقهره من الي يصير ماكان ودها انه يتزوج منار كان ودها تزوجه على كيفها تقدم حمد ووقف يطالعها بإعجاب بفستانها الأبيض السندريلا وكله يلمع ونفاش وطرحتها الطويله ومكياجها الخليجي الأحمر المسحوب وروجها احمر صريح وحاطه عدسات رماديه وشعرها مسويته تسريحه حلوه مرفوعه ونازل منها خصل على وجها مخليها رووعة منار ذابت من نظراته وتكلمت بخجل:حمممد حمد بحب :عيونه طيف جالسه من أول تراقب وضحكت :ههههههه اول مره تشوف منار حمد توه ينتبه لها ولف لجهتها :وانتي وش جابك طيف تكتفت وهي جالسه واشرت على رأسها :كذا حمد طنشها وقرب من منار وباس جبينها :مبروك علينا منار بخجل :الله يبارك فيك جلس حمد وهو ماسك يدها وهمس لها بحب :اشتقت لك منار ابتسمت :مو كثري حمد رجع يناظر طيف الي جالسه عندهم :طيوفه حبيبتي ماودك تروحين طيف بعناد :لا ماأبي اروح بعدين انت ب تاخذ اختنا خليني اشبع فيها حمد مقهور منها :والله لسانك طويل يانتفه منار تضحك :هههههههه حمد :ايه وانتي عاجبك بعد شوي دخلوا زياد وزايد عندهم حمد يناظرهم وهو رافع حاجبه :لابلله أكملت ........ زياد :ههههه علامه عريسنا حمد :اقول تقلع انت وتوامك وخذ النتفه هذي معك من اليوم لازقة لي زايد ضحك :ههههه طيب خلينا نسلم على اختنا بالأول راحوا زياد وزايد و سلموا على منار وطلعوا بعد مانشفوا ريق حمد وبعدها جات المصورة عشان تصورهم وكانت مبسوطه لأنها كل ماطلبت شي سواه عكس غلا والوليد الي طلعوا روحها ..... """""""""""""""""" نروح عن بلدنا شوي ونروح بلاد العشااااق باريس كانت الساعه تشير على 8 مساء (طبعا هي متاخره عن السعوديه بساعة ) الجو كان روووعه وغيوم كانوا جالسين بحديقة من أشهر حدائق باريس فيصل جالس على الطاوله وهو كل شوي يلقي نظره عليها وهي تلعب نواف بالملاهي ويرجع يلهي نفسه جمانه راحت لجهته وهي تمسح يدينها ببعض تبيها تدفى :يووه برررد فيصل وقف وهو يناظر لها :ايوا الله برد انا بروح اخذ لنا شي دافي جمانه ابتسمت له :اوكيه فيصل أعطاها ظهره وعقله وفكره مع إبتسامتها دايما تحرك فيه شعور ينفيه كل مره راح وهو فكره معاها وكل الي باله ""انه معقوله حبها "" جلست جمانه على الكرسي وتنهدت :اااااه ياربي احس قلبي يدق بقوه بقربه احس اذا شفته اروح بعالم ثاني عالم مافي إلا أنا وهو بس ياليته يحس فيني ابتسمت بحزن ولفت تبي تنادي نواف لكن ماشافته قامت بسرعه وجن جنونها وين راح جمانه تنادي بكل صوتها والخوف تملكها وهي تدوره :نووواف .....نوااااافي حبيبي وين رحت نوووواف ............. """""""""""""""""" نرجع السعوديه بقاعة الزواج مر الوقت بسرعه وجاء وقت الزفه الوليد رفض انه ينزف مع غلا وراح لقسم الرجال غلا كانت واقفه عند الباب مستعده للزفه لحالها حز بخاطرها ان الوليد رفض ينزف معاها وخواته تعذروا له انه مايبي يدخل عند الحريم لكن هي عارفته انه مايبيها انطفت الانوار وبدت الزغاريد والاضاءت الخافته وبدا العد التناولي وبعدها انفتح الباب على موسيقى رومنسيه ........... كانت ملكة جمال واقفه بفستانها الهادي ماسك على جسمها الى الركب ومن بعدها تبدا النفشه وكله تطريز وخرز ومكياجها التركواز الي بارز بياضها وعيونها الزرق وروجها الوردي وبطرحتها الطويله الي مثبته من خلف التسريحه الي كلها كيرلي ومرفوعه لفوق وطالع شكلها خياااااال الكل بدوا يناظرونها بإعجاب ويسمون عليها نزلت غلا على موسيقى كلاسيكيه هاديه ومشت بهدوء الى المنصه طلعت بمساعدة ملاك واروى والمصوره تلتقط صور لها جلست على الكوشه وهي تحس ببرودة أطرافها من الخوف قربت منها امها وسلمت عليها وهي تبكي :الله يوفقك يمه ويسعدك غلا حبت راس امها :امين يمه بس ليش الدموع امسحيها ام غلا بفرح وهي تمسح دموعها :دموع الفرح يمه غلا ضمت امها ونزلت دموعها تمنت لو امها الحقيقيه باقي عايشه وهي الي تزفها وتمنت خواتها يكونون حولها يرقصون مسحت دمعتها قبل لاينتبه لها احد ام الوليد انتبهت لها :اميره شوفي بكيتي البنت ام غلا بعدت عن غلا وابتسمت وام الوليد سلمت على غلا والبنات بعد سلموا عليها إلا وحده كانت بتموت من الغيره منها وحاقده عليها اكيد عرفتوها ريم جلست غلا شوي وبعدها غنوا وقاموا البنات يرقصون وقوموها ترقص معاهم وبعدها جلست شوي جات أم الوليد :يلا ياحبيبتي زوجك ينتظرك بالسياره غلا من قالت زوجك بالسياره ... الحين حست صدق الخوف تملكها ودها تصرخ وتقول ماابي اروح بس وش تسوي عقب ماطاح الفاس بالراس هزت راسها وبعد دقايق طقت الطقاقه لها اغنيه وداعيه وطلعت عليها مثل مادخلت ملاك من شافت غلا طلعت بدت دموعها تخونها صح ماعرفتها إلا من كم شهر بس كأنها من سنين تعرفها حست معاها بطعم الأخت في الحياة الحين حتى إذا راحت بيت خالها ماراح تلقاها اكيد راح تلهى وتعيش حياتها مع زوجها طلعت من القاعه وماتبي أحد يشوفها تبكي نرجع باريس رجع فيصل وبيده اثنين كوفي شاف جمانه تدور حول نفسها وباين عليها الخوف خاف أكثر من سمعها تنادي نواف تقدم منها أكثر وخاف أكثر يوم شافها تبكي :جمانه جمانه لفت جهة صوت فيصل وهي تبكي :فيصل .....نوووووواف فيصل طاح الكوفي من يده إلا نواف إلا نواف لو يسير له شي بينجن كفاية أمه راحت وتركته وقرب منها أكثر وهو يصرخ عليها :ووووينك عنه انتتتتي هاااااا....مو تركته عندك جمانه من بين دموعها :ماادري ماادري لهيت عنه شوي وبعدها معاد لقيته فيصل بعصبيه قرب منها وهو ماسك زندها بقوه : تدرين انتي انتي الي تطفلتي على حياتنا كنا بدونك عايشين بسلام . .......وربي لو يصير فيه شي لادفعك الثمن غاااالي ساااامعه ودفها عنه.... وتركها وراح يدور لنواف جمانه حست كلامه طعنات تقطع قلبها أشلاء ماتوقعت ابد يطلع هالكلام منه تمنت تموت ولاتسمعه يقول عنها كذا سمعت صوت الرعد صرخت وراحت تحت الشجره بسرعه وهي تغطي رأسها شافت الناس إلي بدوا يروحون والي ضام حبيبته ويمشون سوا وكلن يغطي الثاني من المطر الي بدا ينزل بغزارة نزلت دموعها زود :اااهيههييههي كنت اوهم نفسي اني مبسوطة اثاريني طلعت متطفله على حياتهم اآآآآآه وينك يادانه وينك يااسيل اشتقت لكم لمين اشكي لمين ابكي .....ليش رحتوا وتركتوني لحالي انا ابيكم والله ابيكم ااااهييييي ااااااااهي طلع صوت رعد مره ثانيه صرخت :أأأأأأأأأأأأأ.......... وغمضت عيونها وهي ترتجف من البرد والخوف هي تخاف من الرعد بعد ماهدى صوت الرعد طلعت من تحت الشجرة ماتدري وين تروح فيصل تركها وراح والحديقة بدت تفضى وهي ماتعرف شي في باريس """""""""""""" بالقاعة ..... طلال :اوووف يعني مافي إلا أنا ادخل السياره كارفيني كرف ضحك :هههههه ايه اش عليك يالوليد اليوم عريس ماغير يتامر علي وقف السياره ونزل ودق على الوليد :وينك أنت يلا كلم مدامك وخليها تطلع السياره وقفتها عند باب العرايس اوكيه ....مع السلامة ياعريس قفل وهو يضحك لف يبي يطلع لكن لفت نظره وحده كانت جالسه على عتبة الدرج وتبكي قرب منها بلا شعور .................................................. ... ................................................ ملاك حست ان في احد واقف عندها رفعت رأسها وتفاجأت من وجود طلال أما طلال من شافها راااحت علومه هالبنت جمالها غير تنح محله ... قامت ملاك بسرعه ولفت تبي تروح بس طلال مسك يدها وبهدوء:ملاك ملاك :طلال اتركني حرام انك تشوفني كذا طلال بهيام :أحبك ملاك قلبها صار يدق بسرعه اول مره يقول لها انه يحبها دايما يكلمها بس عن حياته وسواليف عاديه ........... طلال :وربي بتجننيني يابنت اقولك.. وعلا صوته .....احبببببببك لفت له ملاك وجهها احمر من الخجل وغطت على فمه وتكلمت بإرتباك :اششش طلال تكفى لاتفضحنا طلال بأس يدها بجراءه اما ملاك خلاص تحس انها بتموت من الاحراج شالت يدها عنه ودخلت تركض وهي حاطه يدها على قلبها الي تحس انه بيطلع طلال : ياناس والله احبهااااا :مين الي تحبها ... طلال لف وهو في عالم ثاني :هاااه زياد :هههههه الله يخلف عليك أقول روح انا بودي الوليد للفندق بعد ماطلعت غلا بدت زفت منار وحمد وانزفوا سوا على موسيقى هاديه واغنية باسمأهم كان حمد الي مغنيها وكانوا ماسكين يدين بعض ولايقين على بعض منار كانت بقمة الجمال وحمد عينه عليها مانزلها وده لو الوقت يمر بسرعه ويكونون لحالهم جلسوا شوي وبعدها طلعوا وركبوا مع زايد هو الي بيوديهم للفندق . .