06 الاخيرة
*🥹﷼ #كسرة_روح ﷼🥹*
*#البارت_رقم § 06 §*
*الاخيرة*
📕🖌️ *#بقلمي_عسجد*📕
🥹🥹🥹🥹🥹🥹🥹🥹
*#اعناب* : واخيرا بعد شهور وانا الان خريجه ي ناس 😍
صح عدم حضور امي التخريج كان فارق معاي شديد
بس محمد كان موجود واختي ومعزة وهي فاتحه مكالمه فيديو لي امي 😍
كنت مبسوطه شديد الحمد لله اتخرجت 😍
خلال فترة الشهرين المضن ديل سجود كبرت وعقلت واتحسنت شديد
تصدقوا لو قلت ليكم هي البقت تصبرني 🥺
هي البقت قوية 😍
وعن محمد م بقدر اوصف ليكم محمد كان بالنسبه لي شنو
هو بقي روحي عارفين يعني شنو روح روحي 😍
يعني البني ادم لمن يفقد روحو تاني ماف شي
يلا محمد دا كان روحي دي 🙈
فجاءة محمد ليهو اسبوع م علي بعضو
يعني مستحيل م يتصل علي او يرسل لي
يومين بشوفو اونلاين بس م برسل لي
بخت حالات بس برضو ما برسل لي
قلبي قبضي طوالي رسلت ليهو يا محمد مالك في شي
*#محمد* : والله مضغوط مع الشغل شديد
وانتي براك عارفه شغل المحاماة دا جري ومحاكم بس الحمدلله انت كيفك ؟
*#اعناب* : ايوااا ربنا يسهل عليك ي رب وربنا يخفف الضغط دا
م تشيل هم كلو بهون وانا تمام الحمدلله ☺️
بس برضو محمد م برسل ومن كلامنا داك ليهو اسبوعين برسل ليهو عادي برد لي بعد يومين
انا اتاكدت ف شي غلط ولصراحه خفت 😢
في شي غلط انا متأكدة
طوالي رسلت ليهو
*#اعناب* : يا محمد في شي انت داير تقولو لي
بعد يومين رسل لي لا ماف شي ليه السؤال
قلت ليهو انت م ملاحظ انك متغير م بترسل لي كالعادة
الايام الفاتت قلت مشغول وم اضغط عليك بس كتر الشي
لو ف حاجه قول لي
قال لي جد ماف شي
تعبان والله من ضغوطات الشغل
مشيتها ليهو قلت خير بس برضو اسبوع وهو علي الحاله دي
حاولت م اركز واخت ليهو العزر
لحدي م يوم رسلت ليهو
قلت ليهو بعد دا انا شلت شهادتي ودايرة اقوم بالواجب الطبيعي واشتغل انت رايك شنو ؟
قال لي ومالو اشتغلي انتي م شلتي شهادة ومهمتك هنا وقفت
ولا عشان كل م تفتحي الدولاب وتلقيها
والشغل م عيب حلو
جد بقوي المرة فهمتي ☺️
قلت ليه . بجد انا بحمد ربي عليك اكتر من مرة
لانو فهمك م زي فهم باقي الرجال
وم حتقول لي انا م ح ارتبط بي مرة شغاله زي باقي فهم الباقين 😍
قال لي ي اعناب ارتبط فيك كيف وانت دايرك ولد عمك ؟
قلت ليهو كيف يعني م فهمت وكيف ترتبط فيني كيف !!
قال لي انت دايرك ولد عمك وقلتي فاتح ابوك ب الموضوع دا
وهو اغترب عشانك
يبقى انا ف حياتك مجرد صديق م اكتر ومتي م احتجتي لي ح تلقيني
انا اتجمدت 😨
قلت اكيد محمد دا بهظر
قلت ليهو ع فكرة هظارك بايخ شديد
طوالي بداء يقول لي
وكل كلامو بتمحور علي اني وافقت علي ولد عمي لمن طلبني
بس دا كل كلامو
وقال لي أنا كانت عندي الرغبه ف اني اكون معاك وكنت ساعي علي الحاجه دي
بس بعد م قلتي لي جاءك ولد عمك انا اقتنعت وقلت قسمه ماف
واسي الرغبة العندي راحت
والحمدلله انا لا جيت بيتكم ولا رسلت حاجات ولا بتاع
ولا كسرت قلبك ولا خزلتك عشان تقولي محمد دا كسرني
انا ما مصدقه الكلام القالوا دا
ساعه وانا شاردة معقول معقول 😨
قلت ليهو
ي محمد بعد م قلت ليك السبب الوافقت بيهو علي ود عمي برضو انت قلت لي كانت عندي الرغبة وللان عندي
واتواصلنا
داك كان ع ياتو أساس
طيب ولمن طلبت مني الصورة كانت ع ياتو أساس ي محمد 💔
قال لي ي اعناب انا مجرد صديق متي ما احتجتي لي حتلقيني انا قاعد
بجد انا هنا حسيت كانو قلبي قزاز وسمعت كسرتو💔
انا بكيت بكيت كاني طفله قلبي وجعني شديد انا 💔
حسيت حيلي برد
العبره خنقتني ف حلقي
عيوني م قادرات اقيفن من البكاء
بعد ساعه استوعبت الحصل
جسمي كان برجف ما قدرت اكتب
رسلت ليهو ريكود قلت ليهو وبعد دا كلو تقول لي انا م كسرتك 😧
انت كسرتني ي محمد كسرتني نفس الكسرة الاتكسرتها من ابوي انت عملت زيها 💔
م قدرت اعبر ليك عن الجواي
كسرت روحي عارف شنو يعني كسرة روح 😭
ان شاء الله تكون سعيد ف حياتك وابقي عافيه
وقفلت ع كدا وحظرتو وانفقعت بالبكاء
باقي الحيل العندي اتصلت لي معزة ردت لي وانا بس كنت ببكي ببكي بس
بتسالني بس م قادرة ارد بشئ غير البكاء
اخر شئ قلتو ليها ي معزة محمد خلاني
محمد كسر روحي وتاني م حسيت باي حاجة 💔
بعد مرور سنتين
سجود قدرت تجتمع مع امها وكمان ابوها بعد وفاة اعناب 💔😭😭
للاسف اعناب اتوفت
لانو فعلا لمن قالت الزول روحو لمن تنكسر خلاص 💔
معزة م قادرة تتخطي وفاه الكانت بالنسبه ليها اكتر من صاحبه 💔
لسه عايشه علي زكرياتها
اشتغلت واتبرعت بدار للأيتام صدقه لي اعناب لأنها كانت بتحب الاطفال شديد
الناس أو السودانين م قادرين يقدروا قيمة الحب
ولا وجعة الحب
اكعب حاجه يكسرك زول قريب ليك
تنخزل من زول قريب ليك
كسرة القلب حارة والله حاره شديد
الحب دا زي م هو كلمة كدا صغيرة بس معناها كبير
يعني دي حاجه كبيرة ماف زول بقدر عليها
يا ريت يا ريت لما تجوا تحبوا حبوا صح
المشاعر دي لمن تتكسر صعب تتصلح زي لما تكسر كبايه حتصلحه
قول صلحتها حترجع زي م كانت
للاسف حتكون فيها علامات الكسرة ظاهرة
مستحيل تتمسح
بتكون زي الندبه مهما عملت م ح تختفي
*صلوا علي اشرف الخلق اجمعين*
*©¥€£©¥€£⚖️⚖️©¥€£©¥€£*
*النهـــ Asgad ــــــاية*
*#سرالختم_0121045450*