الفصل 05
*🥹﷼ #كسرة_روح ﷼🥹*
*#البارت_رقم § 05 §*
📕🖌️ *#بقلمي_عسجد*📕
🥹🥹🥹🥹🥹🥹🥹🥹
*#معزة* : يا اعناب شوفي انا غير اني صحبتك اختك وعارفاك وحافظاك
طيب م دام محمد قال ليك ب الواضح كدا دايرك لي قدام
وقال ليك انو بحبك وانت كمان نفس الشي لشنو م دايرة تقبلي الارتباط دا ؟
*#اعناب* : انت فاهماني ؟
أولا الارتباط بين البنت والولد من غير شي شرعي يعتبر حراااام حرام عديل كدا
وانا م دايرة اعمل شي حرام فهمتي
وبعدين احتراما لي النقاب اللابساهو دا مستحيل ارتبط فهمتي
حتي لو بموت فيهو عديل انا م ح اقول ليهو
*#معزة* : طيب ي اعناب انا م ح اتكلم معاك ح اخليك ع راحتك كدا لحدي م تفكري
المهم اسي كدي خلينا عامله ف الفطور شنو
لاحظي اني بقيت احب اكلك 🌚
*#اعناب* : لا تحبي اكلي ولا تحبي وشي السمح دا
اختيني كدي ولا كدي
واقدري بس ختي يدك ف الكيكه دي لاني ح اقطعك زي الكيكه واحد
م عندك بيت افتكر عندك اختيني 🙂
*#معزة* : اعناب ي اعناب انتي عارفه اني جايه من الشارع ولاجئة
معنديش لا بيت لا أهل ولا شي
انا مقطوعه من شجرة
يا حليل شبابي الراح وانا دايحه ف الشوارع لحدي م لإقيتيني وانقزتيني 🌚
*#اعناب* : ي لهوي ي معزة دنتي بت مبتعرفش تقدر النعمه يلي عندها
يا حليلك ي طنط حياة
لو تسمعي بنتك بتقول في ايه لروحتي وانت طايحه من طولك ع الأرض بسبب نكران بنتك ليك
ااااخ قلبي واجعني اوي عليك ي طنط
ربنا يعوضك بالاحسن منها
وكمان بتقول جايه من الشوارع ي مصيبتي يما 😂
سمعنا سجود ميته ضحك قالت لينا والله قايتو انتوا شكلكم جنيتو لانو دي م عمايل ناس نصاح 😂 شكلو حتمشوا مستشفى التجاني الماحي
اضرب من اسي واحجز ليكم 😂
*#اعناب* : شفتي ي معزة اختيني
عايني قالوا لي مجنونه
اسي عليك الله المجنون فينا منو انا ولا انتي 😂
*#معزة* : والله ي اعناب اثبتت البحوث الطبيه والبيان ب انك انت المحنونه 🌚
خلال اسبوع بس محمد قدر يسلب مني الكلام واني اعترف ليهو 🙈
ما تسألوني كيف والحصل شنو المهم اني اعترفت وخلاص بث
حياتي مع محمد ماشه ع مفهومي العاطفي وتبعت كلام قلبي
ماشه زي العسل
زمان كنت بشوف البت لمن تتكلم وتقول أنا اتعلقت بفلان وحبيتو والخ
يلا انا فتهن لي غادي
احلامي ومستقبلي وطموحاتي كلها بنيتا علي محمد
امنتو كل شي
بحكي ليهو كل شي
حتي الانفصال انا حكيتو والمريت بيه كل شي بحكي ليهو كل شي
لحدي م جاء اليوم وعكس مخططاتي
انا واختي بنتكلم مع امي بالدس من ابوي
وبنقابلها برضو في السوق وكدا
المهم يوم كنا ف المطعم التلاته واخر ونسه واخر ضحك
فجاء ابوي جاء وقف قدامنا
انا اصبت فيني مطره عديل
اتجمدت مكاني
عيوني عليهو بس
وأبوي جاء وكورك يعني ف ثانيه حصلت مشكله طويييييله عريضه
وحتي ضربنا ولا عاين لي الناس الموجودة
رجعنا البيت وبرضو شاكلنا وم خلا لينا جمبا نقعد فيها 💔
الليل كلو سجود تبكي 😭
بعد الصبح إذن حتي نامت
انا قمت اتوضيت وصليت ودعيت ربنا يفرجها الليله قبل بكرة لانو ضاقت والله💔
محتاجين نطلع من الكابوس النحن فيهو دا💔
بدعي لحدي م الشمس طلعت
سجود لسه نايمه
نزلت تحت وانا خايفه
اي خايفه الاقي ابوي 💔
الحمدلله م لقيتو
شلت تلفوني اتصلت علي امي اطمنت عليها وطمنتها علينا
ختيت التلفون في الطربيزة وسندت راسي فيها وانا بفكر
تلفوني ضرب لقيتو ولد عمي
هو من زمان قال دايرني
بس انا كنت برفض
عاينت لي شاشه التلفون مسافه وانت بفكر ف الشي الجاء ف راسي لحدي م الخط قطع
وتاني اتصل رديت عليهو
قال لي كيف ؟
قلت ليهو بخير الحمدلله
قال لي الحمدلله واختك كيف
قلت ليهو بخير الحمدلله كويسه
طوالي قلت ليهو ي خالد انت للان دايرني بالجد ولا فكرتك غيرتها ؟
قال لي كانت وم زالت لحدي الان اني عايزك ي اعناب
والله دايرك
تفتكري عاجباني الغربه
لا والله انا اغتربت عشانك
والله عشان اجهز وم انقص عليك شي رقم اني كل م اعترف ليك انت بترفضيني بس لسه كان جواي امل انك ف يوم من الايام قلبك يحن علي وتوافقي
قلت ليهو لو قلت ليك انو قلبي حنه وموافقة ؟
قال لي جد انت جادة ي اعناب
انا م بحلم صح انت وافقتي خلاص
يعني حنتلمي واخير ف بيت واحد
اااخ الحمدلله لو تعرفي انا كيف كل مرة يدعي انك تكوني حلالي وحقتي 😍
*#اعناب* : الحمد لله ربنا استجاب لي دعواتك
وقلت ليهو برجع ليك ي خالد
سجود دي بتناديني تمام
*#خالد* : تمام اخدي راحتك بعدين بنتفاهم
نزلت التلفون من اضاني قلبي بقول لي دا شنو ي اعناب
لشنو عملتي كدا
طيب ومحمد
انتي بتحبي محمد ليه وافقتي ع خالد
وعقلبي بقول لي ايوة دا الصح
الحل الوحيد عشان تقدري تعيشي مع امك وتقابليها لازم تعرسي
تاني ابوك م عندو السلطه يمنعك لانو ما حيبقى مسؤل منك
وخالد مستحيل يمنعك من امك
قلبي بقول لي طيب واختك حتخليها براها مع ابوك
تتوقعي حتتحمل تعيش براها
عقلي بقول لي ابوك مسافر لي شغل
ومستحيل اخليها براها
تطلبي منو تعيش معاك وم ح يمنع الحاجه دي
وكدا حنمشي لي امي
بس هو يسافر
صحيت من شرودي علي صوت الباب بضرب
فتحتو لقيتها معزة
دخلت وقالت لي مفروض تشيلي طوبه م تلفون
ولا اقول ليك م تشيلي ولا شي زاتو علي الأقل كدا بطمن
بس كونك تشيلي تلفون وزول يتصل عليك دلشمية مرة وما تردي هنا الزول بتوتر وبقلق
ممكن توريني سبب عدم ردك علي التلفون يا استازة
انا م صدقت الواطه تصبح عشان اجيك
قلت ليها كدي بسملي مالك اسئله وراء بعض
يا ستي السبب انو ..حكيت ليها كل الحصل
عاينت لي كدا 😑
اعناب ومحمد
انت قايله نفسك حتقدري تعيشي مع ولد عمك دا مبسوطه 🤨
قلت ليها م مهم اني اعيش مبسوطه مع منو كفايه اني اقدر اشوف امي متي ما حبيت وهفت لي من دون خوف أو قيود فهمتي
اما قلبي دا ح ادعس عليهو ي ستي وامش اخليهو وراي 😐
الظهر كدا اتصلت علي محمد وقلت ليهو انو ولد عمي اتقدم لي
وأنا وافقت
يا ريت تاني م تتصل علي ولا تفكر فيني لاني م ح اقدر اتواصل معاك ولا اغشك واطلع الخاينه وغفلت الخط
رجع لي كم مرة بس ما رديت
لمن كترت الاتصالات قفلت التلفون
المساء كدا فتحت التلفون لقيت كمية من الرسائل من محمد ومن خالد
طوالي رديت ع خالد وبالغصب اتونست معاه مسافه لمن غلبني قلت ليهو نعست
قفلت الشبكه والنوم غلبني
قلبي بقول لي وقفي البتعملي فيهو دا محمد م بستاهل وانت م حتنسيهو
وعقلي بقول لي انت عملتي الشئ الصح
شهر وانا ف صراع مع قلبي وعقلي بحاول اكون بقدر الإمكان مع خالد بس تفكيري بمش علي محمد
لحدي م جاتني رساله من محمد بقول لي هي مكالمه وحدة بس يا اعناب
اوعدك تاني م اتصل ليك
لو بتعزيني ارفعي التلفون دا
وما عديت دقائق التلفون اتصل بعد مسافه رديت وختيت التلفون ف اضاني وقال لي عارف والله وما بحتاج تبرري
انا عارف ومتأكد كمان انك بتحبيني عارف والله
ومتأكد قبولك ولد عمك لي سبب م ساي
اعناب انا م شافع ولا مراهق لمن تحكي لي الحاصل م اتفهم الموضع
انا زول كبير وواعي الحمدلله
مهما كان السبب قولي لي وح اسمع وأشوف وجهه نظرك لي الشي الخلاك تقبلي ولد عمك
بس لو بتعزي النبي احكي لي وانا سامعك
انا سكت مسافه م قدرت اصمد اكتر م قدرت اوقف عقلي وتبعت قلبي وحكيت ليهو كل شي وانا ببكي 😭
قال لي اول حاجه امسحي دموعك لأنها غاليه علي
والله م تشيلي هم
كل شي بتحلى
اعناب انا مستحيل امنعك من امك
زي م هي امك انا اعتبرتها خالتي اخت امي
يعني معزتها وغلاوتها زي امي بالضبط
اعرفي اني دايرك وحتكوني لي فهمتي
انتي بس ادعي ☺️
بجد انا فرحت شديد شديد حسيت انو خاطري المكسور اتجبر 😍
طوالي اتصلت علي معزة وكلمتها وانا فرحانه
مشيت لي سجود مسكتها من يدها ولفيت بيها كدي لحدي م تعبت وانا فرحانه 😍
علاقتنا انا ومحمد رجعت زي اول واحسن
نسيت اي شي وبقيت معاه هو بس 😍
كنت مبسوطه ونتيجتي حقت السمستر طلعت ونجحت رغم الظروف دي كنت فرحانه شديد 😍
في يوم محمد طلب مني صورة بس انا رفضت اتكلم معاي كم مرة بس انا رفضت قال لي انا داير اشوفك واعرفك عشان لمن اجي البيت اعرف اني جاي لي منو
المهم رفضت برضو
وكلمت معزة
اول كنت رافضه بس محمد كان لسه بقنع فيني بطرق تخلي الزول يقتنع 😥
وقتها وافقت ورسلت الصورة
الوقت اكان الساعه 5 م
قفلت الشبكه طوالي بعد رسلتها
م فتحت التلفون الا الساعه 10 م
اول رساله وقعت عيني عليها رساله محمد اول حاجه مرسل لي اللهم بارك واحفظ 😍
ي ارض احفظي م عليك🙈
وتاني معقول الجمال دا كلو وانت داساة مني الايام دي كلها 😍
انا رديت ليه ب كدا 🙈 استلم رسالتي طوالي اتصل لي
عاد لي نفس الكلام الرسلو وبعدها اتونسنا كتييييير
احساس انك لقيت الامان والدفئ بعد غياب احساس لا يوصف 😍
ايامنا كانت ماشه زي العسل 🙈
وانا حياتي وروحي بقت بس محمد
بالليل كنت بصلي وانا بدعي ي رب انا عارفه البعمل فيه دا غلط وحرام بس انت ادرى وعالم الفي قلبي
يا رب تغفر لي وتسامحني وتجعل لي الخير في محمد ومع محمد لانو هو روحي وانا قلبي اتعلق في محمد
*صلوا علي اشرف الخلق اجمعين*
*©¥€£©¥€£⚖️⚖️©¥€£©¥€£*
*يتبـــ Asgad 📝 سرالختم ـــــــع*
*#سرالختم_0121045450*