الفصل 04
*🥹﷼ #كسرة_روح ﷼🥹*
*#البارت_رقم § 04 §*
📕🖌️ *#بقلمي_عسجد*📕
🥹🥹🥹🥹🥹🥹🥹🥹
من الحصل دا مر شهر ونحن ف نفس حالة الحزن
والجو الكئيب
بقيت م بمش الجامعه ولا اختي
بحاول اقنع فيها تمش بس رافضه
وانا قررت لو هي م نزلت كملت قرايتها
انا م ح انزل اقراء
ف يوم جاتنا معزة وبتحاول تقنع فيني ارجع الجامعه ودي اخر سنه وكدا
قلت ليها والله م معزة م رافضه فكرة الرجعه بس انت عارفه اختي أبت ترجع
وانا ما ممكن اخليها براها
وهي لو قعدت براها حتفكر وترجع تكتئب زي اول
اسي م صدقت بقت تتونس
*#معزه* قالت لي : خليني اتكلم معاها
قلت ليها طيب ورح
قالت لي لا انا الح امش براي انتي خليك قبلك
قلت ليها بس
قاطعتني قالت لي لا بس ولا غيرو
قلت ليها تمام رجعت قعدت ف كرسيني
ساعه وانا منتظراها تنزل
انا قلقت وبقيت ماشه وجايه ف الصاله غلبني القعاد
قلت معقولة دا كلو كلام وبقيت اتأفف
القعاد غلبني
شلت رجولي وكنت متحركه علي غرفه سجود
بس لقيتهم نازلين الاتنين
نظري كلو موجهه علي سجود
قالت لي عندي مذكرات ناقصاني جيبيها لي وتضحك
انا بقيت اعاين ليها وبحاول استوعب كلامها
معزة لكزتني قالت لي ها مالك ساكته م تكوني اتجمدتي
قلت ليها هااا لالا طوالي أرح من دربنا دا نحيبن ليك
قالت لي خلاص أمش البس واجي
وطلعت فوق
مسكت معزة وسالتها
قلتي ليها شنو
قالت لي اااحم ااحم سر المهنه 🌚
قلت ليها جد كدا من غير حمحمتك دي 😑
قالت لي م مهم انا قلت شنو المهم حاليا اختك كيف وبس
يلا امشي البسي خلينا نطلع علي المكتبه
عاينت ليها مسافه وقلت ليها تمام
ومشيت لبست ونزلت
لقيت سجود تضحك
جد هنا فرحت وحسيت هم وانزاح من قلبي 🥹
مشينا جبنا المزكرات واشتريت اسكريم
بقينا نأكل فيهو ونتونس لحدي م وصلنا ناس معزة
دخلنا سلمنا عليهم وطلعنا ع طول
وصلنا كدا العصر إذن
صليت ودخلت عملت الغداء وعملت كيكه لي سجود
عارفاها بتحب الكيك عملتو ودخلتو التلاجه
في المسافه دي بعد شهر فتحت تلفوني
لقيت كمييييه من الرسائل من القروب وناس دفعتي وكمان من محمد
رديت ع الرسائل حتي ع محمد
الوقت دا كان اونلاين
طوالي رد لي وين انتي
مختفيه ليك شهر لا في القروب ولا ف الواتس
حتي اتصلت عليك كميه من المكالمات بلقاهو مغفول انت كويسه ؟
قلت ليهو كويسه الحمدلله
المهم اتونسنا كدا والزمن جرا والعشاء إذن
ابوي بقي يجي متأخر لي بعد العشاء
سمعت الباب لقيتو هو سلم علي وسألني من يومنا
*( ابوي اتغير شديد بقى بعاملنا ب حنيه او بحاول يعوضنا عن امي بس ما حيقدر عمرو مكان الام ما بعوضو زول حتي لو ام تانيه م حيتغير )*
انا رجعت الجامعه وسجود نزلت المدرسه
كانت ممتحنه للثانوي
الجزء الأكبر من حياتي بقيت بديهو لي سجود بذاكر معاها وبحاول بقدر ألامكان اعوضها وما اخليها تحس ب فرقة الام
وعلاقتي مع محمد بقت صحبه شديد
وكمان اتلاقينا مرة
الوقت داك هو كان في السوق وانا كذلك ومعاي سجود ومعزة
طلعنا ناكل ف مطعم
لقيت منو رساله انو الآن متمني يشوفني
كلمت معزة
وقالت لي ما فيها حاجه حتقابليهو ونحن معاك وفي مكان عام
المهم وافق وجاء واتونس معانا مسافه
والشي العجبني اتونس مع اختي كتير وبتضحك وبتشارك في الكلام اكتر من السابق بعد م امي غابت من البيت
وانا اتكيفت شديد ❤️🩹
المهم رجعنا البيت
وخقيقي كنت مبسوطه شديد
وكل يوم بتواصل معاه
عارفه ان الشي دا غلط بس كنت مرتاحه ومبسوطه شديد
وهو كان شخص هادي ورايق
اسلوبو حلو ف الكلام والاقناع
مسايساتو سمحه
زول م بخلط بين الأمور
متفهم
يعني انا فترة بسيطه شديد حبيتو اي حبيتو والله لاني كنت شايفاهو راجل بمعني الرجوله
بس م قلت ليهو الكلام دا ابدا ابدا
*صلوا علي اشرف الخلق اجمعين*
*©¥€£©¥€£⚖️⚖️©¥€£©¥€£*
*يتبـــ Asgad 📝 سرالختم ـــــــع*
*#سرالختم_0121045450*