الفصل 02
*🥹﷼ #كسرة_روح ﷼🥹*
*#البارت_رقم § 02 §*
📕🖌️ *#بقلمي_عسجد*📕
🥹🥹🥹🥹🥹🥹🥹🥹
*#اعناب* : طلعت الصباح بدري كانت عندي محاضرة
الدكتور معطنا معط
كلامو كتييييير وبدون فهم
م صدقت المحاضرة انتهت
طلعت
اتلاقينا انا ومعزة ف الكافتيريا بنتونس
*#معزة* : اها كيف وكيف مع الكتابه
بتذكر أمس قلتي لي عندي اقتباس وكدا
انا طوالي اتذكرت محمد قمت حكيت ليها
*#معزة* : والله م بنصحك توافقي لانو م بتعرفيهو ولا شئ
اتجاهليهو بس
*#اعناب* : قلت ليها تمام ومشيت تابعت باقي محاضراتي ورجعت البيت تعبانه تعب طوالي دخلت نمته بملابسي
صحيت الساعه خمسه طلعت هدومي استحميت صليت العصر وقعدت
قريت قران لحدي م سمعت المغرب اذن
صليت المغرب ونزلت تحت
*#تهاني_ امي* قالت لي : مالك الليله شكلك تعبانه
قلت لي سجود م تصحيك
*#اعناب* : والله ي امي تعب تعب شديد وجارين لينا جري
انت عارفه دي اخر سنه ودايرين انتهو لينا سرعه
*#تهاني* : الله يسهل ليكن
جاء ابوي صلي المغرب
الوقت داك سجود ختت الغداء
اتغديت معاهو بس م بتونس معانا زي امي
هو بعيد كل البعد
خاتي فهم ف راسو انو يشتغل ويدينا قروش وبس
قايل كدا حنكون مبسوطين
سرحت مسااافه
*#ابوي* : كان شبعتي قومي
شنو واقفه كدا زي الصنم
انا العبرة خنقتني قلت ليهو شبعته وطوالي قمته
ودخلت غرفتي
جاتني امي قالت لي
*#امي* : اتحملي ي بتي وم وتزعلي 🥺
قلت ليها وانا مبتسمه م زعلت يمه انا كويسه ☺️
قريت حبه لانو بكرة عندي امتحان كدا
بعد انتهيت عندي روايه كنت بقراء فيها تابعتها بعدها فتحت الشبكه ودخلت القروب لقيت معلقين لي تعاليق سمحه ع اقتباسي ❤️🩹
فرحت شدييييييد لقيت محمد مرسل لي
*#محمد* : السلام عليكم
*#اعناب* : وعليكم السلام
وقتها كان اونلاين طوالي رد لي
*#محمد* : كيفك أن شاءالله كويسه
*#اعناب* : تمام والله الحمدلله وانت
*#محمد* : بخير والله الحمدلله
جد كدا اقتباسك حقيقي سمح فيه احاسيس حقيقيه بتكيف شديد لي كتاباتك والله
*#اعناب* : يديك العافيه ي رب تسلم
*#محمد* : ويعافيك ي رب
اها م فكرتي ف كلامي الامس انا لسه والله مصر
*#اعناب* : لا والله ما فكرت
قراري الامس ياهو زاتو ما اتغير
قال لي خير
وفتح معاي مواضيع عن الكتابه لقيت بجد كدا عقلو فاتح وملان وافكارو سمحه شديد
نطاق عقلو واسع
عرفت حاجات كتير بجد هو زول منفتح وتفكيرو عجبني شديد
فكرت ف كلامو قلت ي اعناب هوي م توافقي بعدين الحاجه دي م صح
انتي كزوله منقبه مفروض م تتونسي ولا شي
قررت م اتكلم معاه الا ف القروب الخاص بالاقتباسات
قفلت الشبكه ونمت علي طول
صبح الصباح صليت الصبح حاضر ودعيت كتير
الواطه كشفت نزلت شربت الشاي واتونست مع نبع الحنان ❤️🩹
واتشاغبت مع سجود
امي قالت لي يعني ي اعناب كبرتي شكلا لكن عقلا لسه شافعه
*#سجود* قالت ليها : ياخ انا الأصغر منها بقيت اعقل 😂
قلت ليهم اسي انا مالي يا نبوع
مش بتقولوا الطفل مهما كبر ف عين امو صغير
يلا بس انا بطبق ف المثل دا 🌚
امي قالت لي هي لكن ما قدر دا
يعني اسي لو عرستي متأكدة حيقول لي خليها تعقل وجيبيها لي 😂
*#سجود* قالت ليها : دا لو قال ليكم خلوها عندكم انا بشوف لي وحدة اعقل منها مخا 🌚
قلت ليهم استلمتوني خلاص وبعدين انا زاتي م دايرة اعرس
دايرة اجننكم كدي بس
ويا امي انا شبر مبتخلاش عنك
دانتي الحب الاول والاخير فحياتي 🌚
*#سجود* قالت ليها : يمه خلاص قامت الحاله وبقت تتكلم مصري كالعادة
انا اخير لي اجهز ع مدرستي 😂
*#امي* قالت ليها : اي احسن ليك انا زاتي ماشه اعمل الفطور
الليله طالعين انا وحياة بالفطور 😂
*#اعناب* : شنو ي حجه دا هروب تكتيكي كدا عينك عينك
ما مشكله ي حجه الحساب يجمع 😂
انا زاتي ماشه علي جامعتي
مشيت غرفتي اتجهزت وطلعت اتلاقيت مع معزه
مشينا الجامعه حضرنا المحاضرات وطلعنا نفطر
بنتونس كدي المهم اتزكرت محمد وسرحت
*#معزة* : الجميل سرحان وين 🙂
قلت ليها بدون م أشعر في محمد صحيت من سرحتي بصوت معزة بتكورك اوووووووووعك تقولي لي وقعتي بصوت عالي خلعتني 😳
قلت ليها يا فضيحة اقعدي
عايني الناس دي بتعاين لي كيف
الله يخولقك ويعولقك ي حيوانيه بتكوركي مالك 😂
*#معزة* : لا يعني خلاص اعناب البت الما دخلت ولد ف مخيخها العامل زي مخ الشفع دا واخيرا بعد سنين وعمرها بقي 21 سنه
الفي عمرها عندهم دلشيون شفع يا داب واخيرا فكرت ف ولد وكمان سرحانه 🌚
لا يبقي الجني دا اظن كتبك عن فكي ولا شيخ الدمازين🌚
قلت ليها ولد شنو وعولاق شنو
انتي جنيتي
انا اخر واحدة تفكر ليها في ولد
جنيتي انتي ولا بتدعي الجنون 😒
قالت لي لاااااااااااااااا اوعك تتهربي لي
لا انت يا اعناب مسارك حيتغير
اقول ليك حاجه
فكي النقاب دا وقابليهو خليهو ينجلط علب الآخر من شكلك 🌚
قلت ليها انا لمن اقول عليك صحبه سوء م قاعدة اظلمك
بدل ترشديني عليهو اكتر واجرك كمان تلبسيهو تقولي لي فكيهو
حيوانه معولقه أرح المحاضرة قربت 😒
قالت لي اتهربي اتهربي مصيرك تقعي 🌚
ضربتها ف كتفها ومشيت دخلت علي قاعتي
حضرت محاضرتي وطلعت علي البيت
وصلته اكلت لي حاجه واخدت لي نومه
صحيت بي كواريك وبكاء
قمت مخلوعه نزلت تحت لقيت سجود بتبكي وأبوي هائج وفاير
وامي تسكت ف سجود 😨
قلت ليهم شنو مالكم
ابوي قال لي انا كلامي وقلتو انتو طلعة من البيت دا ما بتطلعوا فاهمين
ولو طلعتوا ما عافي ليكم دنيا واخره
وطلع من البيت وقفل الباب شديد 😨
قلت ليهم امي ف شنو فهموني ابوي مالو هائج كدا
وسجود بتبكي مالها
ودا كلام شنو القالو دا
سجود قالت لي ابوي اتناقش مع امي وطلقها
وقال ليها اطلعي من البيت
وانا قلت ليهو بمش مع امي ضربني كف 😭
قلت لي امي كيف يعني طلقك انا م فاهمه اكيد انا بحلم صح ؟
ما لقيت رد
قلت ليهم جاوبوني
زول رد علي ماف
وقتها من الوجع الحسيتو والصدمه دموعي حلفت كان تنزل
انا عارفه ابوي عندو خلافات كتيره بس م اتوقعت يعمل كدا
سرحت مساااافه وبفكر
ليه ابوي اتغير كدا
ما كان كدا نهاي
اتغير
صحيت من شرودي ب امي لابسه عبايتها وشايله معاها شنطه وقالت لي : انتي الأكبر والاعقل
نهائي ما تبكي وما تنزلي دموعك
اختك صغيرة وفي فترة مراهقتة
حتكون اتاثرت شديد
حاولي راعيها تمام
وانا مهما بعدت منكم حنكون ع تواصل
وهي بتحاول تمسك في دموعها 😭
وانا دايرة اقول ليها طيب وانا انا البراعيني منو
انا كمان شافعه ومراهقه محتاج رعايه محتاج ابكي 💔
ما قدرت اتكلم
العبره سادة حلقي
بقيت بعاين ليها وهي بتطلع وبعاين لي سجود وهي بتبكي وبتحنس فيها م تمش لحدي م امي اختفت من عيوني
وسجود واقعه ف الواطه وبتبكي 😭
نحن ساعه علي الحاله دي
سجود تبكي بأعلا حس
وانا سرحانه
جاء قطع سرحتي ابوي داخل وقعد يكورك في سجود وسمعنا كلام حار علينا في امي
كيف هو بتكلم كدا
دي امي حاجه م منطقية نبعد منها 💔
ما نتكلم 💔 معاها
ما نمش ليها 💔
ما تجينا ما نقابلنا 💔
بكل كسرة قلب وروح مشيت رفعت سجود
لان ابوي كان ح يضربها
دخلتها غرفتها وحاولت اديها مويه
ما شربت رقدتها وكنت بحاول اقراء ليها قرآن
قرأت عشان تهدى بس كنت بقراء وبقيف ساعه وبرجع اقراء💔 لحدي ما نامت
انا دخلت غرفه امي بعاين ليها بتذكرة
بس م كنت قادرة ابكي
حاسه بقلبي اتحجر
بقي خالي من الإحساس
ما فكرت في يوم اني ابعد منها
امي دي اكتر من ام وكانت كل شي
انا م قادرة اتخيل هي بعدت خلاص معقولة 💔
قطعه من قلبي واتفقدت 💔
دخلت غرفه سجود لقيتها نايمه
مشيت لي ابوي اتكلم معاهو بس ضربني 💔
اي ضربني
هو متعود يعمل كدا وما اول مرة
ما وجعني الكف علي قدر ما وجعتي فراق امي 💔
دخلت غرفتي وانا سرحانه
سامعه صوت تلفوني بتصل بس م فيني حيل اشيلو وارد 💔
عملت حاجه واحدة اتوضيت وصلتي لي ركعتين وقريت لي قران ورقدت في المصلايه
بس صاحيه لحدي الصباح م قدرت انوم 💔
*صلوا علي اشرف الخلق اجمعين*
*©¥€£©¥€£⚖️⚖️©¥€£©¥€£*
*يتبـــ Asgad 📝 سرالختم ـــــــع*
*#سرالختم_0121045450*