الفصل 07
✴️🩵 *#راحة_ضمير* 🩵✴️
✍️ *#بقلم_حسن_تبيدي*
*#Part No { 07 }*
*©¥€£©¥€£🥉🥈©¥€£©¥€*
*لحظة ادراك البارت قبل الأخير❤️🩹*
بعد ما يوسف قفل من الوزير …
وركب هو ومنال العربية
كان ساكت …
ومنال ملاحظاه بيغلي من جوه
رن التلفون
رقم غريب ظهر
*#رد_يوسف* وقال :
*– ألو؟*
*#الصوت من الطرف التاني :*
السلام عليكم … أنا الضابط محمد
من الآخر كده يا أستاذ يوسف …
تم فصلي رسميًا من القسم عشان بس … قبضت سوهندا بنت الوزير
*#يوسف ( بصوت مصدوم وغاضب ) :*
شنو ؟ فصلوك ؟ عشان طبقت القانون ؟!
*#محمد :*
أيوه …
لكن اسمعني كويس أنا ما ندمان
ولو الزمن رجع بيّ ، كنت ح أعمل نفس الشي
أنا معاك لحد آخر نفس حق المساكين لازم يرجع
والحقيقة … لازم تظهر
لو ما في قانون … يبقى البلد دي ما فيها حياة تاني
*#يوسف ( بصوت متأثر ) :*
والله البلد دي لو فيها خمسة زيك
ناس زي الوزير ده ما كان بعملوا عمايلهم دي أنا
بتأسف على فصلك
بس إن شاء الله ما ترجع ضابط
بل ترجع *" بطل "…* والناس كلها تشهد بيك
*#محمد :*
شكراً من القلب
ده رقمي … لو احتجت لي في أي وقت
أنا جاهز … مش كضابط
كزول … واقف مع الحق
*#يوسف :*
خير إن شاء الله والقضية دي … قربت تنتهي
لكن نهايتها حتكتب بداية جديدة
لقيمة اسمها
*" العدالة "…*
في اليوم التالي ...
الناس لسه متأثرة بجلسة المحكمة
والكل منتظر بشغف الجلسة الجاية
لكن فجأة ... خبر نزل زي الصاعقة
*#سوهندا* طلعت من السجن
مش بإجراء قانوني ...
ولا ببراءة
طلعت *" بضمانة "*
ضمانة وهمية ما عندها أي سند قانوني
كيف ؟ ليه ؟ ومنو وراء الموضوع دا ؟
الناس كلها كانت بتسأل نفس الأسئلة
في مكتب يوسف ...
كان قاعد يراجع في ملف القضية
عيونه مرهقة لكن عقله صاحي
رن التلفون
كانت أم قصي الضحية
*#يوسف* : ألو
صوت مرأة بتبكي
= السلام عليكم معاك ام قصي
*#يوسف* : اهلين ياخالتي
*#ام_قصي ...*
سوهندا… طلعت من السجن
بضمانة وهمية
وانت عارف يا يوسف …
في قانون الإجراءات الجنائية
ما في زول متهم بـ" القتل العمد "
يطلع بضمانة الموضوع ده ما طبيعي
خايفة حق ولدي يضيع وقعدت تبكي
*#يوسف* ( بصدمة ودهشة ) :
طلعت ؟ كيف الكلام ده ؟!
ده كسر للقانون على عينك يا تاجر !
*#ام_قصي ..* :
ياولدي أنا حاجة كبيرة وفي أي لحظة ممكن ربنا يشيل امانتو
بس الظلم حار ياولدي ديل معترفين بالقضية لو كانت قتل غير عمد والله كنت بعفيها
بس كدة م بموت مرتاحه وقلبي بغلي
انت اخر أملنا ياولدي
ما بعرف في القانون كتير بس في المحكمة حاسة انه القاضي مايل ليهم ومحاميهم موقفه قوي ...
*#يوسف* سكت ثواني وقال :
ياامي زي م بقول ليك كلام كتير ساي بس زي م وعدتك حق ولدك بجيبو ليك خليها تطلع ...
لكن خليهم يجهزوا
لأنها ما حتشوف الشمس تاني …
شكرته ام قصي وقفلت الخط
*#ويوسف* مسك ملف القضية
وعيونه قالت جملة واحدة :
المعركة قربت تخلص …
وما بنخسر … لما نكون واقفين مع الحق
يوسف وهو براجع في اخر اللمسات التحضيرات للجلسة القادمة
حاسس إنو النهاية قربت
وإنو العدالة أخيرًا حتنتصر …
لكن فجأة …
وصلت ليه رسالة على واتساب
من *" منال "* زوجته
*#منال* :
يوسف الحقني …
في زول جوه البيت !!
أنا ووليد قفلنا باب الغرفة علينا أسرع تعال سامعة أصوات رجليه قريبة
يوسف قام مخلوع رغم التعب
وجسمه لسه ما اتعافى
لكن إحساسه بالخطر خلى الألم يختفي
فتح باب المكتب جرى على العربية
ركب بسرعة واتصل فورًا على الضابط محمد
*#يوسف* ( بصوت مرعوب ) :
محمد …
في زول دخل بيتي … لازم تجي بسرعة ولدي وزوجتي في البيت
*#محمد* ( بجدية ) :
أرسل لي موقع البيت سريع فوراً
أنا جايك بأسرع ما يمكن
يوسف قفل الخط
وساق بأقصى سرعة وضربات قلبه مرتفعة ..
في جانب تاني …
في بيت الوزير
الأنوار شغالة والموسيقى طالعة
حفل كبير بمناسبة خروج سوهندا من السجن
ضحك ، زينة ، كيك وأنغام …
*#سوهندا* لابسة فستان فخم وماسكة كباية عصير
قاعدة وسط صحباتها بكل برود
بتضحك وكأنو ما في روح راحت بسببها …
صحبتها الأولى ( بهمس ) :
يعني سوهندا … انتي طلعتي بقدرة قادر
ما خايفة يرجعوكي تاني ؟
*#سوهندا* ( بضحكة ساخرة ) :
يرجعوني كيف ؟ أبوي الوزير ولا ناسية ؟
والبلد دي… البمشيها النفوذ مش القانون
صحبتها التانية :
لكن المحامي ده ... يوسف
واضح ما ساهل !
*#سوهندا* ( بغطرسة ) :
المحامي ده ؟
قعد في كرسي متحرك وبيتحرك زي التعبان
ده لو كمل القضية حيطلع بي عكاز
ولو ما سكت … يمكن المرة الجاية ما يلقى مستشفى تعالجوا
صحبتها الأولى ( بابتسامة باهتة ) :
بس ناس كتار متعاطفين مع أسرة الولد … الضربتيه
*#سوهندا* ( بلامبالاة ) :
الناس بتنسى …
والمساكين ديل صوتهم عالي بس ما عندهم قوة
أنا رجعت لحياتي … ودا المهم
ضحكة عالية تعالت من سوهندا …
وهي ترفع الكاس وتقول :
نخب الحرية …
البارت الأخير قريبا …
#راحة_ضمير
#بقلم_حسن_تبيدي
*©¥€£©¥€£🥉🥈©¥€£©¥€*
*يتبــــــــــــ تبيدي ــــــــــــــــــــــــــــع*
*#سرالختم_0121045450*
*#للتنسيق_والنشر*