الفصل 06
✴️🩵 *#راحة_ضمير* 🩵✴️
✍️ *#بقلم_حسن_تبيدي*
*#Part No { 06 }*
*©¥€£©¥€£🥉🥈©¥€£©¥€*
*في صباح اليوم التالي واخيرآ*
أول جلسة في المحكمة
الناس اتجمّعت بكثافة قدام المحكمة
كاميرات … إعلام … طلاب قانون … مواطنين عاديين
كل الناس جاية تشوف بداية النهاية في قضية هزت الرأي العام
أم قصي كانت قاعدة في الصف الأول ماسكة صورة ولدها
دموعها نازلة بصمت … وحزن
وفجأة … دخلت سوهندا
نازلة برأسها وبتخطو بخجل
صحباتها واقفات بعيد بعاينو ليها بشفقة والبعض بشماتة
دي سوهندا ؟
البنت الكانت شايفة نفسها
اللي كانت بتتكلم عن " قدر الفقير "
هسي داخلة المحكمة زي أي مجرم …
دخل القاضي ...
وبعده المحامي الخصم
الكل اتفاجأوا لما شافوا
*أنس*… صاحب يوسف
بعديهم دخل يوسف
وكل الأنظار اتوجهت ليه
*#يوسف* …
داخل بالكرسي المتحرك
شايل ملف القضية
*#بلسان_يوسف* :
كنت داخل قاعة المحكمة
حاسي بإحساس متلخبط بين الخوف والتوتر
م خوف من الوزير … ولا من سوهندا
ولا حتى من الألم
الخوف الحقيقي ؟
إنو أخذل أهل قصي
الناس الختوا ثقتهم فيني
إني ما أقدر أرجّع حق ولدهم القُتلوا ظلم
والزعل الأكبر …
إني أشوف أنس ، صاحبي واقف ضدي
ما زعلان على إنو منافسني بالعكس عادي محامين أصحاب يكونوا في قضية واحدة وبعد الجلسة يفطروا سوا ويتونسوا عادي
بس كان بحذرني ودايرني اخلي القضية
الزول القال لي دي بلد القوي ياكل الضعيف
هسي واقف يدافع عن القوي
بس ما حزرتا يا انس
ما بقول مستحيل تكسب القضية بس ان شاءالله الباطل م بقيف قدام الحق ..
*بدأت الجلسة ....*
أنس وقف بثقة وقال ...
حضرة القاضي … عندي شهود عيان كانوا في شارع النيل وقت الحادث
وكلهم أكدوا إنو العربية المسببة للحادث ما كانت عربية سوهندا
كانت بكسي دبل … وما عندها علاقة بالمتهمة
نادى على الشهود دخلوا شباب اتنين واضح عليهم التوتر
قالوا نفس الكلام كأنهم حافظين نصه
يوسف عض على شفتو ورفع إيدو فجأة
*#يوسف* : اعتراض يا حضرة القاضي
*القاضي*: مقبول … عندك رد ؟
*#يوسف* :
نعم يا حضرة القاضي
أنا مشيت شارع النيل بنفسي بعد الحادث
اتكلمت مع شهود حقيقيين … كانوا حاضرين يومها
بس خائفين يتكلموا
لأنهم عارفين الحادثة ارتكبتها بنت وزير
والشارع كله كان شايف سوهندا وهي بتسوق بعجرفة
وبتفحط بعربتها الفارهة
وكل أصحاب المحلات هناك عارفنها
دي ما أول مرة تعمل فيها كده
*#أنس* قاطع كلامه بسرعة وقال بسخرية :
كلو كلام بدون دليل يا حضرة القاضي
شهودوا ما جو وأسماءهم ما موجودة
ده دفاع ضعيف … مبني على خيال … عشان يستعطف المحكمة
*#القاضي* : محامي الدفاع أنس م تقاطع بدون طلب اخر تحذير اتلفّت لي يوسف وقال ...
هل عندك شهود حقيقيين مستعدين يجو الجلسة الجاية ؟
*#يوسف* قال بثبات :
حأجيبهم … لو اضطرّيت أجيبهم واحد واحد بنفسي
استمرت المحكمة وكل محامي طلع الادله تبعو ..
*#القاضي* :
المحكمة تؤجل الجلسة ٤٨ ساعة لاستدعاء الشهود ونحذر من تقديم أي شهادة كاذبة … لأنها جريمة قائمة بذاتها
رفعت الجلسة ..
كل الناس حزينة على أهل قصي
القضية بقت حديث الساعة
صور يوسف في الكرسي المتحرك متداولة في الإعلام
وكل الناس بتتساءل :
هل بقدر يرجع الحق ؟
ام النفوذ والسلطة حيكسبوا ؟
خرج يوسف من المحكمة
وزوجته منال دافرة الكرسي وعيونها على الطريق لكن بالها مع يوسف
*#منال* : ( بقلق )
يا يوسف … كيف المحامي ده جاب الشهود ديل ؟
يعني في احتمال تخسر القضية ؟
ناس تحلف قسم كذب كده كيف ؟!
*#يوسف* ( بهدوء وثقة ) : عادي …
كتار البيحلفوا القسم عشان قروش
بس ربنا شايف
وما تستهيني …
أنا قاصد ما أطلع كل أوراقي في الجلسة دي
عايزهم يتورطوا …
يحسوا إنهم شبه كسبوا القضية
لكن … ما خُفي أعظم
*#منال* ابتسمت وقالت ليه :
أوديك وين هسي ؟
*#يوسف* :
وديني المكتب …
زهجت من المستشفى
والدكتور قال بعد يومين بمشي برجلي
*#منال* ( ضاحكة ) :
بعد ما يفكوا المسطرة
*وفجأة …*
وقفت عربية
*" جي إكس آر "* فارهة
القزاز نزل
وظهر الوزير …
جنبو المحامي أنس
*#الوزير* ( بسخرية ) :
ههههه
خلي المحكمة تخلص
وبنتي تطلع من السجن
بس إنت خت في بالك …
أنا ما حأرحمك
شكلك مع عارف نفوذي …
الناس الضربوك أنا رسلتهم
وكان ممكن أقتلك
لكن العين عليك هسي
وما بخليك
*#يوسف* : رد بكلمة وحدة وبنظرة ثابتة
أعلى ما في خيلك … اركبو
*#منال* اتحركت على العربية
وقالت ليه :
سجلت كلامو يا يوسف 🤩
*#يوسف* ابتسم وقال :
يااخ … ما عارفة نفسك ساعدتيني قدر شنو
خلاص …
كش ملك
رن تلفون يوسف
رد وقال : الو ؟
*#المتصل* : السلام عليكم معاك الضابط م ...
*©¥€£©¥€£🥉🥈©¥€£©¥€*
*يتبــــــــــــ تبيدي ــــــــــــــــــــــــــــع*
*#سرالختم_0121045450*
*#للتنسيق_والنشر*