الفصل 02
✴️🩵 *#راحة_ضمير* 🩵✴️
✍️ *#بقلم_حسن_تبيدي*
*#Part No { 02 }*
*©¥€£©¥€£🥉🥈©¥€£©¥€*
*#يوسف* انتهى من جولتو في شارع النيل
صوّر مكان الحادث
حاول يجمع أي خيط يقوي موقفه في المحكمة
الجو سخانه والمكان زحمه بس يوسف كان ماشي بمبدأ واحد رد الحق لأهله
رجع المكتب تعبان ماسك أوراقه لقى صاحبو المحامي . أنس" قاعد منتظرو "
*#أنس* رفع راسو وقال :
وين كنت يازول لي ساعة منتظرك شكلك مرهق …
*#يوسف* قعد قدامو ورمى الأوراق على المكتب
وقال :
اي والله مرهق شديد كنت ببحث في قضية قصي … الولد الانضرب في شارع النيل …
*#أنس* غمض عيونو واتنفس بعمق
وقال ليه ...
يا يوسف … القضية واضحة … ما بتحتاج بحث ولا جمع ادلة
لكن البلد دي ؟ القوي بياكل الضعيف
دي بنت وزير يا يوسف
وانت ؟ مجرد محامي بسيط … زيي وزيك … ما حتقدر تعمل شي
يوسف حاول يقاطعو لكن أنس كمل :
أنا بنصحك كصديق أبعد من القضية دي …
القضية دي ممكن تدمر مستقبلك وسمعتك ، وبيتك …
الناس ديل ما زينا م عندهم ضمير ولا إنسانية …
بي كلامي ده م داير اخوفك بس ده الواقع
*#يوسف* قام من كرسيه وقال :
يعني في رأيك حق الغلابة يضيع ساي ؟
*#أنس* رد :
أنا أقدم منك يايوسف في القانون … وشفت كتير
أيتام ضاع حقهم
ناس اتسجنت ظلم
ناس انفقدت وما لقيناهم
البلد بقت غابة يا يوسف
القوي ياكل الضعيف …
*#يوسف* عاين في عيون أنس
وقال :
لكن أنا ؟
ما حأكون جزء من الغابة دي …
يوسف كلام أنس م اثر فيه بالعكس قرر يمشي لآخر الشوط …
حسّ إنو القضية دي ما بس جريمة قتل … دي معركة بين الحق والنفوذ الباطل
بدأ يسأل عن سوهندا …
دخل في دوائر جديدة ما متعوّد عليها
ناس كبار … أصحاب نفوذ
لكن كل ما يفتح باب يلقى ريحة وسخ وفساد أكتر
*#سوهندا ؟*
بحث عنها ووصل لحسابها في انستغرام لقاها في وسط الحفلات …
صورة هنا … فيديو هناك
كلها بتنطق غرور
بنت شايفة الناس أقل منها
بتتصرف كأنها فوق القانون
وتتعاطى مخدرات وماشه على هواها …
شوف المصيبة ؟
أبوها عارف … وساكت
يوسف بحث كتير عنها وعن طريق معارفه اتحصل على صور لي عربيتها ونسخة من تقرير المرور ...
واندهش انه العربية فعلا كانت في محل الحادث والتوقيت لكن تم التلاعب في التقرير الرسمي ..
الحادثة صارت حديث الساعة
كل الناس بتتكلم عنها وعارفين انه بنت وزير دهست شاب بعربيتها بس ماف حد اتكلم في الموضوع
الصحفيين ساكتين و السياسين كذلك ..
*#يوسف* قاعد في مكتبه بشرب في قهوه جاه اتصال من رقم غريب رفع الجوال وقال الو ؟
*©¥€£©¥€£🥉🥈©¥€£©¥€*
*يتبــــــــــــ تبيدي ــــــــــــــــــــــــــــع*
*#سرالختم_0121045450*
*#للتنسيق_والنشر*