الفصل 01
✴️🩵 *#راحة_ضمير* 🩵✴️
✍️ *#بقلم_حسن_تبيدي*
*#Part No { 01 }*
*©¥€£©¥€£🥉🥈©¥€£©¥€*
*#في_شارع _النيل_الخرطوم*
الساعة : 30 / 9 م
صوت صدمة عنيفة 😳
بعدها صمت
ثم حاله من الخوف بين الناس …
جثة شاب واقع في الأسفلت
والعريبة الحديثة المسرعة اختفت في الظلام
تاركة وراءها الناس مجتمعين في جثة شاب في بداية حياته ...
راح ضحية الكبرياء والعنجهية
بعد اسبوع من الحادث
في مكتب يوسف المحامي
#يوسف محامي شاطر ومعروف بالنزاهة
حياتو بسيطة مع زوجته منال وابنه الوحيد وليد ..
ساكن جبرة في بيت صغير بس مليان دفئ ...
دخل عليه في المكتب
راجل كبير في العمر شايل هم السنين في عيونه
ومراة ظاهرة الطيبة والحزن في عيونها
#الأب قال بصوت مبحوح :
" ولدنا قصي … ضربته عربية قدام الناس في شارع النيل …
في ناس قالوا العربية دي حقت واحدة اسمها سوهندا بنت وزير ...
#يوسف نزل النظارة
اول سؤال قال ليهم :
فتحتو بلاغ ؟ ؟
#الأم : اي فتحنا … لكن كل المحامين بيرفضوا يمسكوا القضية دي … خايفين من الوزير
إنت آخر أمل لينا يا أستاذ …
عايزين حق ولدنا بس م اكتر
وانهارت الام في البكاء
#يوسف سكت لحظة …
وشاف قدامو وجه ابنو " وليد " لو كان هو الضحية
وقال ليهم :
أنا ما بخاف من زول … والقانون ما عندو واسطة حأمسك القضية
#يوسف طمنهم وقال ليهم بهدوء :
عايز أعرف عن ولدكم أكتر …
قصي كان شغال شنو ؟
عمره كم ؟"
#الأب قال :
قصي كان عمره 23 خريج جديد من جامعة النيلين – هندسة مدنية …
لكن الظروف وقفتو في الشارع بيبيع شاي وقهوة …
كان واقف في نص الشمس عشان يساعدنا
#يوسف كتب في الورق شوية ملاحظات
رفع راسو وقال :
" في شهود ؟ أو زول صور الحادث ؟
#الأب :
شارع النيل طبيعي مليان ناس بس م بعرف والله ..
#يوسف هز راسو وقال :
ما مشكلة … أنا ببدأ من شارع النيل ذاته
هسي قوموا امشو البيت ارتاحوا … وأي جديد أنا بتواصل معاكم
بعد ساعات – شارع النيل
#يوسف واقف محل الحادثة
كان في أثر باهت للدم
في بائعين شاي في الزاوية .
مشى ليهم وسأل :
السلام عليكم ، قبل أسبوع حصل حادث هنا ،
شاب ضربته عربية هنا … بتعرفوا حاجة عن الحاصل ؟
البايع نكر وقال مابعرف شي عن حادث ولا شفت حاجة
يوسف استاء واتحرك ماشي لي بتاع محل تاني بس واحدة من البنات قالت بتردد : … نحن كنا هنا
العربية كانت موديل جديد … اتجهت بسرعة ، وبعدها سمعنا صوت الضربة
#يوسف :
شفتو السواق ؟
البنت همست :
" في زول قال شاف بت لابسة نضارة كبيرة بس الناس قالوا دي بنت وزير
واحد من الزبائن قال :
الحادث ده كان واضح … بس الناس هنا بتخاف تتكلم 😠
*©¥€£©¥€£🥉🥈©¥€£©¥€*
*يتبــــــــــــ تبيدي ــــــــــــــــــــــــــــع*
*#سرالختم_0121045450*
*#للتنسيق_والنشر*