الفصل الثاني
*📚قصص||روايات||منوعة📚*
_*بإدارة 📚قصص||روايات||منوعة📚*_🧡
*❴📖❵تبديل*
*❴🔢❵الـــبـــــــــــ❴الثاني❵ــــــــــــارت*
➖➖➖➖➖➖➖➖➖
*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ ميلام* 🧡
➖➖➖➖➖➖➖➖➖
*
*📚قراءه ممتعه للجميع❤
📚كتب ||روايات|| منوعة📚:
#تبديل_بقلم_رُلى_كوجك
الجزء الثاني
@rwayate
الضابط: كيف يعني
ليلاس: متل مابتعرف بنت عمي ريماس بتشبهني كتير.. ومافي فرق بينا أبداً.. عم فكر نبدل الشخصيات
الضابط: شو قصدك
ليلاس: اتصل فيني السكين وهددني أنو رح يخطف ريماس لأني قتلت أبنو.. هيك بكون ضربت عصفورين بحجر.. منو بحمي ريماس.. ومنو بدخل وباخد معلومات
الضابط: - - - - - - -
ليلاس: لا تخاف ريماس مابتحكي ولا كلمة.. صح هي ضعيفة.. بس مخلصة ومابتطالع أخبار لبرا أبدا
الضابط: منيح أنو وظفوكي عنا..
________________________________
(( ليلاس ))
طلعت لبرا البيت بلبس مدني وصرت أتفتل بالشوارع.. لوقت ماصار وقت جامعة ريماس.. دخلت عالجامعة وتفاجأت أنو شعبيتها عالية بين الطالبات.. أول مادخلت التموا حواليي وصاروا يحكوني بمواضيع مختلفة.. وهون صارت مهمتي أصعب بكتير
_________________________________
(( ريماس ))
كنت كتير متوترة وأنا عم ادخل عالمخفر لأول مرة بحياتي.. أول مادخلت الكل وقف.. وانا ابتسمت وكملت.. سمعت من بين همساتن // الملازمة الأولى ليلاس عم تبتسم!! سجل يا تاريخ //
طلع الضابط وليد يلي حكتلي عنو ليلاس
وليد بهمس: انتي ريماس صح
ريماس: اي
وليد: هالاسم بدك تنسيه لفترة معينة.. اسمك من يوم ورايح ليلاس
هزيت براسي وأنا متوترة
وليد: ادخلي على الغرفة لعرفك على أهم الشغلات
____________________________________
(( ليلاس ))
كنت كتير مزعوجة من جو الجامعة وخصوصي أني مخلصة من سنة وماني طايقة هالجو أبداً..
رانيا: ريماس ريماس
ماكنت منتبهة أبداً وكأني نسيانة أني هلأ بمهمة وهاد هو اسمي.. لحد ما مسكتني من ايدي
رانيا: لك شبك ريماس صرلي ساعة عم ناديلك
ليلاس: اسفة ما كنت منتبهة
رانيا: اليوم شفت هديك المغرورة
كنت رح اسأل مين هي.. بس تذكرت فوراً مين بتقصد
خلص اليوم وأخيراً.. وأنا راجعة عالفيلا.. حدا حط ايدو علي تمي وسحبني لورا.. ماقاومت أبداً.. لأنو هاد يلي عم انتظره
__________________________________
(( ريماس ))
دخلت على غرفة ليلاس يلي هي المفروض غرفتي.. كتير تفاجأت برتابتها وفخامتها.. أول مادق الباب قلت تفضل
+ حضرة الملازمة الأولى ليلاس.. وصل ملف جديد بقضية جديدة
ريماس: تمام يعطيك العافية
مسكت الملف وفتحتو.. وبدأت اتصفحو.. لفتلي نظري وبدأت اهتم شوي.. حسب أقولا زوج المرأة أنو فات عالبيت ولقاها عم تتعاطى مخدرات.. قام هربت من البيت لما شافتو.. وهو قدم بلاغ عن هروبها
ريماس: تفضل
وليد: مرحبا
قمت وقفت بسرعة
وليد: اقعدي اقعدي..
سكر الباب وراه نحكا بنبرة جدية كتير
وليد: اسمعي يا ريماس.. أنا عندي بنت بعمرك وعم تدرس معك بالجامعة.. ومابريد أبداً أنك تدخلي حالك بهالأمور.. بتمنى منك أي قضية بتتحول الك بتجيبيها لعندي.. مشان ما تدخلي حالك بالمشاكل
ريماس: أنا ماعندي مشكلة إني اتصفح القضايا.. لأنو أكيد رح الفت نظر إذا ما عدت تابع أي قضية.. ومن جهة تانية أنا الصراحة بحب هالشغلة من صغري بس ما كنت حب الخطر.. بتسمحلي أدخل على موقع الهروب بهي القضية
وليد: متأكدة من قرارك؟!
ريماس: اي
دق الباب
ريماس: تفضل
+ احترامي.. سيدي في وضع عاجل
وليد: سكر الباب وراك
+ سيدي.. الملازمة الأولى ليلاس شغلت جهاز التعقب
وليد: يعني انخطفت
+ اي سيدي
وليد: آنسة ريماس.. رح ابعت معك عناصر عالموقع.. انتبهي رجاء
_______________________________________
(( ليلاس ))
السكين: هههه.. اهلين والله بالآنسة ريماس
ليلاس: يا حقير شو بدكن مني
السكين: يا ترى شو رح تعمل بنت عمك ليلاس بس تسمع بموتك
ليلاس: لا بترجاكن ما تقتلوني
السكين: لا تخافي بدك عالأقل شي ساعتين لتزوري قبرك
ليلاس: شو بدكن مني
السكين: شكلك مشتاقة لصوت بنت عمك مو.. تعي نتصل فيها نسأل عن أحوالها
ليلاس: - - - - - -
السكين: اووف مغلق خطها ليش هيك.. ممممم.. بتحبي نقتلك هلأ ؟! شكلك متحمسة
ليلاس بصوت واطي: لككك وينك ليش قافلة خطك.. العمى على هالحظ
__________________________________
(( ريماس ))
دخلنا عالبيت مع زوج المرأة..
ريماس: وين شفتها عم تتعاطى؟!
عابد: هون ياخانوم
بعد ربع ساعة
ريماس: مافي شي خلينا نطلع
وجهت نظري عالأرض و وقفت قبل ما اطلع برا الغرفة
ريماس: استنوا شوي
قرفصت عالأرض وقربت وجهي من الأرض ودققت
عابد: ااا شوفي شو صاير.. قومي ياخانوم مابصير هيك تقعدي عالأرض
ريماس بصوت واطي: دم
وائل: قلتي شي حضرة الملازمة
ريماس: اي قلت.. هاد دم
وقفت بسرعة و وجهت نظري لعند عابد زوج الهاربة
ريماس: دم ممسوح.. في حدا محاول يمسحو
عابد: شو دم ياخانوم اهدي.. ه ه هدول ولاد اخي.. كانوا يجوا ويلعبوا بالألوان.. اي بيلعبوا بالألولن ودائما يوسخوا الأرض ومرتي تنضف وما يروح
قربت وحطيت ايدي على رقبتو
ريماس: انت وحيد.. عن أي أخ عم تحكي!
عابد: ايي.. لااا ما ما قصدي.. قصدي ولاد أخو مرتي
بحكم إني آخر سنة بالطب.. كنت عرفانة أنو هاد دم ومو ألوان..
ريماس: عم تكذب.. هااااد دم.. اشحطوه عالفرع بسرعة
__________________________________
(( ليلاس ))
طالع السكين سلاحه وصوبو باتجاهي.. غمضت عيوني.. ما كنت متوقعة اني رح موت فوراً قبل ما اقدر اوصل ولا لملف.. عالأقل كنت بدي موت بمعركة مشان كون شهيدة.. بس ما انكتبلي هالشي للأسف
_____________________________________
(( ريماس ))
أول ما وصلت عالفرع فتحت موبايلي وتفاجأت برقم غريب داققلي 4 مرات..
وليد: شو صار معك ليش جايبين زوجها
ريماس: لقيت آثار لدم ممسوح
وليد: يعني بتشكي أنو يكون قاتل مرتو
ريماس: اي وخصوصي أنو كذب وحاول ينفد حالو وكان متوتر كتير
وليد: شكلك بلشتي تتعودي
ريماس: هيك شي
وليد طيب يا بنتي أنا رايح على غرفتي.. اذا بدك شي تعالي لعندي
ريماس: في رقم داققلي.. أكيد هاد السكين
وليد: الحقيني
دخلنا عالغرفة واتصلت بالرقم
__________________________________
(( ليلاس ))
السكين: يلا جاهزة ؟!
خرطش السلاح واطلع فيني بعيون كلها حقد
رن موبايلو بآخر الوقت
السكين: ههههه.. حظك حلو.. اهلين بالملازمة الأولى
فتح السبيكر
ريماس: اهلين مين معي
السكين يوووه.. مبارح حكيتك معقول ما تذكرتي مين انا
ريماس: آسفة.. مابحفظ أصوات الحيوانات
السكين: شكلك مستعجلة على موت بنت عمك
صرخت بأعلى صوتي
ليلاس: ليلاس أنا كتير ضعيفة ما بستحمل
__________________________________
(( ريماس ))
سكرت السبكير وطلعت بالضابط
وليد: هي شيفرة.. معناها رح يقتلها هلأ.. أنا رايح اجمع الرجال مشان نروح نداهمهم.. كملي المكالمة عادي
السكين: شو وين رحتي
ريماس: طيب شو بدك مقابل بنت عمي؟!
السكين: هههههههه قلتلك رح تترجيني مشان أتركها
ريماس: حقير
السكين: بتعرفي أنك بهالكلمة كأنك عم تقولي لسلاحي اقتلها اقتلها اقتلها ؟!
انتهت المكالمة بصوت رصاصة.. وانتهت حياتي بعد هالمكالمة
يتبع